KF Elbasani, "TIGRAT VERDH E BLU"

[ClaY_MorE]

Java 1     27.08.2005 Elbasani 1 : 0 Besa      
Java 2     07.09.2005 Dinamo 0 : 0 Elbasani      
Java 3     11.09.2005 Elbasani 3 : 1 Skenderbeu      
Java 4     17.09.2005 Teuta 1 : 1 Elbasani      
Java 5     24.09.2005 Elbasani 4 : 0 Lushnja      
Java 6     01.10.2005 Elbasani 2 : 0 Vllaznia      
Java 7     15.10.2005 Partizani 1 : 0 Elbasani      
Java 8     22.10.2005 Elbasani 1 : 0 KF Tirana      
Java 9     29.10.2005 Shkumbini 1 : 2 Elbasani      
Java 10    05.11.2005 Besa 0 : 1 Elbasani      
Java 11    09.11.2005 Elbasani 3 : 0 Dinamo      
Java 12    19.11.2005 Skenderbeu 1 : 0 Elbasani      
Java 13    26.11.2005 Elbasani 2 : 1 Teuta      
Java 14    30.11.2005 Lushnja 0 : 2 Elbasani      
Java 15    03.12.2005 Vllaznia 0 : 0 Elbasani      
Java 16    10.12.2005 Elbasani 0 : 1 Partizani      
Java 17    16.12.2005 KF Tirana 1 : 1 Elbasani      
Java 18    22.12.2005 Elbasani 2 : 0 Shkumbini      
Java 19    15.01.2006 Elbasani 2 : 1 Besa
Java 20    21.01.2006 Dinamo 1 : 1 Elbasani
Java 21    28.01.2006 Elbasani 2 : 1 Skenderbeu
Java 22    15.02.2006 Teuta 0 : 0 Elbasani   
Java 23    19.02.2006 Elbasani  1 : 0 Lushnja      
Java 24    26.02.2006 Elbasani 1 : 0 Vllaznia      
Java 25    04.03.2006 Partizani 2 : 0 Elbasani      
Java 26    11.03.2006 Elbasani 1 : 0 KF Tirana      
Java 27    19.03.2006 Shkumbini 0 : 0 Elbasani     
Java 28    25.03.2006 Besa 0 : 2 Elbasani      
Java 29    01.04.2006 Elbasani 1 : 1 Dinamo      
Java 30    05.04.2006 Skenderbeu 0 : 0 Elbasani      
Java 31    08.04.2006 Elbasani 2 : 0 Teuta      
Java 32    15.04.2006 Lushnja 2 : 4 Elbasani      
Java 33    29.04.2006 Vllaznia ? : ? Elbasani          
Java 34    06.05.2006 Elbasani ? : ? Partizani          
Java 35    13.05.2006 KF Tirana ? : ? Elbasani         
Java 36    20.05.2006 Elbasani ? : ? Shkumbini 

[ClaY_MorE]

Statistika:

Pike 66 
Ndeshje 32 
Gola 42 te shenuar - 16 te pesuar
Fitore 19   
Humbje 4
Barazime 9 

[miko]

Verdheblutë marrin fitoren e radhës, duke lënë tashmë 6 pikë larg Tiranën


Titulli merr rrugën drejt Elbasanit


Lushnja Elbasani 2-4
Shënues: Qorri 5', Bejzade 16', 62' e 83', Kuli 30', Çela 83'



"Radiografia"

4' Osja ka goditur fort jashtë zone dhe portieri Spaho ka pritur në dy kohë.
5' K.Dalipi ka goditur brenda zonës, ka grushtuar Spaho, topi i kthehet Qorrit, që godet rreptë diagonal me portën lushnjare dhe shënon. 0-1 për Elbasanin.
11' Gjyla godet shumë fort në hyrje të zonës, por portieri Kotorri ka pritur në dy kohë.
16' K.Dalipi shpërthen nga e djathta e sulmit lushnjar, hyn në zonë, pason për Bejzaden, që godet saktë, duke shënuar. 0 2.
22' Gjyla gjuan fluturimthi jashtë zonës, por topi përfundon shumë lart mbi tra.
30' Xhoni godet fort brenda zonës, grushton Kotorri, topin e kthyer prej tij e godet Kuli, që shënon. Lushnja ngushton në 1 2.
36' Çapja ka goditur fort jashtë zonës dhe portieri Spaho ka pritur me vështirësi.
43' Kuli godet fort një goditje dënimi jashtë zonës, por Kotorri ka grushtuar në goditje këndi.
50' Byzhyti godet me kokë brenda zone pas krosimit të Çelës, por jashtë.
56' Qorri kroson nga e majta e sulmit, K.Dalipi godet me kokë brenda zonës, por jashtë.
62' Bejzade godet me gjysmëkthese brenda zonës, topi endet në portën lushnjare, teksa anësori Sala ka akorduar gol. 1 3 për Elbasanin.
65' K.Dalipi ka goditur brenda zonës lushnjare diagonal me portën, por topi del jashtë.
77' Çela kroson në zonën elbasanase, Kuli godet pasaktësisht me kokë jashtë.
83' Çela ka gjuajtur rreptë nga 25 metra një goditje dënimi dhe shënon një eurogol. Lushnja ngushton sërish në 2 3.
85' Tetova kroson nga e djathta një top në zonën lushnjare, Bejzade godet saktë me kokë dhe shënon. 2 4 për Elbasanin.
90' Dervishi godet fort jashtë zonës, portieri Kotorri ka grushtuar me vështirësi topin në goditje nga këndi.


Komenti

As deklaratat e bujshme të futbollistëve të Artan Banos gjatë javës, ku premtohej një paraqitje dinjitoze dhe pa kompromis nuk kanë mjaftuar për t'u mbushur mendjen tifozëve lushnjarë për të mbushur shkallët e "Roza Haxhiut" në takimin me kryesuesit elbasanas të superligës. Kjo për faktin se nga 2000 të pranishëm në stadiumin e verdhejeshilëve, rreth 200 tifozë vendës e kanë pasur të vështirë t'u kthejnë reston pjesës tjetër, të cilët ishin miqtë nga Elbasani. Aq më tepër, kur ndryshe nga çfarë ishte parashikuar, ky 90-minutësh, edhe pse ka përfunduar me bollëk golash, pa as më të voglin dyshim të linte përshtypjen e një ndeshje miqësore, ku të dy ekipet mëshironin njëri tjetrin për objektivat krejt të kundërta që i kishin vënë vetes në këtë takim. Djemtë Ilir Dajës e kanë nisur takimin me sulme, të cilët shumë shpejt u konkluduan me gola përballë një mesfushe vendëse, me një Çelë dhe Durri pothuajse inekzistentë, të cilëve u ishte bashkangjitur më së miri edhe reparti i mbrojtjes me një Spaho krejtësisht inaktiv në të dy rastet kur elbasanasit shënuan dy golat e parë. Loja e vakët e futbollistëve miq u ndërthur me një ngadalësi të vendësve, te të cilët, me sa duket, ndikon edhe disheza e pashmangshme e rrugës drejt rënies nga superliga. Pas shënimit të golit të dytë, dalëngadalë lushnjarët kujtohen se edhe ata duhet të bëjnë diçka për të justifikuar të paktën ardhjen e atyre pak tifozëve verdhejeshilë në stadium, të cilët krahas inferioritetit në numër me tifozërinë mike, të njëjtën gjë po ndienin edhe nga ajo që futbollistët e të dy ekipeve po jepnin në fushë. Në një sulm të vakët, pa shumë pretendime, nigeriani Xhoni godet topin, i cili pasi grushtohet nga Kotorri gjen këmbët e Kulit. Ky i fundit, pasi kryen një faull të dukshëm ndaj një mbrojtësi të Elbasanit, nuk e ka të vështirë të shtyjë topin në rrjetë, duke gjetur edhe mirëkuptimin e gjyqtarit Janku, si dhe mirëkuptimin pa kundërshtim të futbollistëve miq. Rezultati 2 1 nuk jepte garanci për të dy ekipet, sidomos për djemtë e Ilir Dajës, të cilët ripërsërisin ritualin, duke iu afruar më shumë zonës pa zot të vendësve. Në një sulm të tillë Bejzade, i lënë krejtësisht i lirë nga mbrojtësit verdhejeshilë, kryen një roveshatë pa pretendime, për të cilën mendon Spaho, duke grushtuar i pasigurt. Topi rikthehet në lojë, por për asistentin Sala ka gol, pasi, sipas tij, topi kishte kaluar vijën fatale, duke e detyruar kapitenin Çela që të bënte një kundërshtim të ashpër, ndryshe nga ajo gjumësi që po paraqiste deri në ato momente me lojën e tij. Pas rezultatit 3 1, në një goditje dënimi nga 25 metra Çela përshëndet rrjetën e Kotorrit, duke mos u besuar syve që vërtet ishte ai ekzekutuesi në atë ambient loje anemike. Ndërkohë, në shkallët e stadiumit tifozëria mike shpërthen në ovacione për fitoren korçare ndaj Tiranës. Bejzade përshëndet për të 4 tën herë portën e Spahos, duke vulosur përfundimisht rezultatin e kësaj ndeshjeje, e cila nga mënyra sesi u interpretua nga aktorët e të dy ekipeve, nuk la asnjë shenjë për t'u pranuar si një përplasje për kompromis. Dobësi e lushnjarëve të pamotivuar, zotësi e superioritetit të elbasanasve, apo rezultat i paracaktuar? Elbasani shkëputet edhe tri pikë të tjera nga Tirana dhe e ndien më shumë aromën e titullit, ndërsa Lushnja luan veç për të mbyllur sezonin.


Deklarojnë:

Artan Bano, trajner i Lushnjës: "Ndeshjen e filluam shumë keq, ku në 10 15 minutat e para pësuam dy gola të njëpasnjëshëm. Përpara kishim një ekip shumë të motivuar dhe djemtë e mi dhanë maksimumin. Kur kanë mbetur edhe katër takime të tjera, ne do të hedhim në fushë lojtarë të rinj dhe do të mundohemi të surprizojmë sërish."
Ilir Daja, trajner i Elbasanit: "Duhet që këto katër javë të jemi shumë të përqendruar, sepse janë edhe 12 pikë në lojë. Për sa i përket ndeshjes, sot kemi luajtur shumë mirë, teksa e menaxhuam rezultatin gjatë gjithë kohës."


Në Elbasan që dje ka filluar festa

Sapo kanë dëgjuar komentatorin e Korçës në Radio +2 për mbylljen e ndeshjes mes Skënderbeut dhe Tiranës, i gjithë qyteti i Elbasanit ka filluar të festojë, sikur verdheblutë kishin ngritur trofeun. Fitorja e verdhebluve në Lushnjë dhe humbja e Tiranës në Korçë, i ka bindur tifozët e Elbasanit se tashmë titulli është i tyre. Me simbole verdheblu, qindra e qindra tifozë, nëpër makina, ballkone dhe në sheshin kryesor të qytetit kanë filluar të festojnë. Pjesa më e bukur e këtyre festimeve ka qenë kur tifozët e pranishëm në Lushnjë kanë mbërritur në qytetin e tyre. Edhe pse mbeten edhe 4 javë që të mbyllet kampionati, tifozët verdheblu janë të bindur se tashmë çdo gjë ka përfunduar.


Marrë nga www.sportishqiptar.com.al

[miko]

Jemi afër....

Forca çuna

[miko]

I kane ofruar 30 mije euro Lushnjes

Artikull nga Gazeta Shqiptare

Futbollisti i Elbasanit: I kane ofruar 30 mije euro Lushnjes

“Tirana ka futur Topin dhe Ramen per titullin”

Bomba e Bejzades, vrer bardhebluve


Politika

“Keni futur edhe politikane si Bamir Topi dhe Edi Rama per te fituar titullin kampion. Keni tentuar te arrini tek titulli me te gjitha menyrat, por nuk ia keni dale mbane”. Parate “I keni ofruar 30.000 euro Lushnjes per te na marre pike, por deshtuat serish. Madje nese dikush deshiron emrin e personit qe ka patur leket me vete mund t’ia them pa asnje problem”.Trofeu “Tirana nuk do fitoje asnje trofe kete vit. Ah po, do te fitoje vetem ate te Salihit... ‘Kepucen e Arte’ dhe premion qe do te marre nga ai trofe le t’ua jape donatoreve”.

Shoket

“Kam shoke futbolliste tek Tirana dhe e di mire se efare behet atje. Kurre nuk kam folur me pare per rivalet e mi, por tashme eshte mbushur kupa”.
Pallatet
“Keni shitur pallate per te bere nje skuader, por per fatin tuaj te keq nuk do te fitoni asgje. Megjithate kjo eshte detyra e donatoreve, te investojne”.
Drejtuesit
“Drejtuesit e Tiranes kur humbasin akuzojne edhe futbollistet e tyre per shitje ndeshjesh. Presidenti jone kurre nuk na akuzuar per gjera te tilla, qofte edhe kur kemi humbur”.

Vetem disa ore pasi fitoi praktikisht titullin me Elbasanin, Skerdi Bejzade nuk nguron t’i nxjerre te gjitha ne shesh. Gjate emisionit ‘Skaner’ ne Alsat, sulmuesi i verdhebluve ka akuzuar drejtuesit e Tiranes se kane futur edhe politkanet ne mes per te fituar kampionatin. “Tirana i ka tentuar te gjitha kete sezon, madje ka futur edhe politikane si Bamir Topi dhe Edi Rama per te mbrritur tek titulli – eshte shprehur futbollisti – Drejtuesit e klubit bardheblu e kane provuar me te gjitha menyrat, por nuk ia kane arritur dot qellimit”.


Akuzat

Sulmuesi i Elbasanit, Skerdi Bejzade eshte irrituar jashte mase kur pjesmaresit ne emision kane aluduar per nje loje “te piste” te skuadres se tij gjate javeve te fundit. Ai eshte shprehur se verdheblute e meritojne titullin sepse udheheqin qe nga dita e pare e kampionatit dhe se jane te tjeret ata qe kane bere pazare. Lojtari ka akuzuar ne menyre te drejtperdrejte kreret e Tiranes se keta te fundit i kishin ofruar Lushnjes 30.000 euro per te ndalur Elbasanin. “I keni dhene 30.000 euro Lushnjes ne menyre qe ajo te merrte minimalisht barazimin kunder nesh – i eshte drejtuar lojtari donatorit te Tiranes, Refik Halilit i cili hyri ne debat nepermejt linjes telefonike – Madje nese do edhe emrin e atij qe ka euar leket ne Lushnje ta them une, keshtu qe boll bete presion mbi Elbasanin sepse jeni ju ata qe keni luajtur keq deri tani”.


Replika

Situata eshte tensionuar edhe me shume kur donatori i Tiranes Refik Halili leshoi deklarata teper pikante ne adrese te lojtarit te Elbasanit. Ai la te kuptohej se Bejzade jo vetem qe nuk eshte nje futbollist profesionist, por ngjason shume edhe me rrugaeet qe shajne neper stadiume. “Keni shitur
pallate per te ndertuar nje skuader, por kete vit nuk do te merrni dot as Kupen e Shqiperise – iu kunderpergjigj lojtari drejtuesit te Tiranes – Per fatin tuaj te keq nuk do te fitoni asgje, do te fitoni vetem ate te Salihit... ‘Kepucen e Arte’ sepse edhe Kupen do te fitoje Dinamo. Premion e ketij trofeu (2500 euro) le ta marrin donatoret se ata kane shpenzuar shume...”. Bejzade eshte shprehur se midis Elbasanit dhe Tiranes ka nje diference te madhe. “Kur Tirana humbet donatoret e saj akuzojne edhe lojtaret e tyre per shitje ndeshjesh, kurse presidenti jone kurre nuk na ka akuzuar per per te tilla gjera, qofte edhe kur humbasim nje ndeshje. Ky perben nje ndryshim te madh per ata qe marrin vesh nga futbolli”.


Argumentat

Bejzade ka thene se eshte i mireinformuar per ate eka ndodh tek Tirana, pasi atje ka disa shoke te tij futbolliste. “Une nuk flas kot dhe kurre deri tani nuk kemi folur per Tiranen, por tashme u mbush kupa. Keni gjithe keto jave qe na akuzoni dhe nuk merreni me punet tuaja. Megjithate une jam ne dijeni te asaj eka ndodh tek bardheblute sepse kam shoke futbolliste atje dhe e kam nje ide te qarte per ate qe bejne drejtuesit e klubit, te cilet ngelen duke u dhene leke kundershtareve tane per te na ndalur”. Sulmuesi i Elbasanit ka thene se deri tani presioni mbi Elbasanin ka qene i kote dhe nese dikush ka fakte qe verdheblute mund te kene bere afera te pista atehere le t’i drejtohen prokurorise.


Vllaznia

Elbasani do te ndeshet me Vllaznine te shtunen per kampionat dhe te merkuren per ndeshjen e kthimit te Kupes. Zerave te ndryshem qe aludojne per nje marrveshje me klubeve, Bejzade u eshte pergjigjur: “Kupa? Do te bejme maksimumin tone dhe ndoshta mund te shkojme ne finale. Megjithate do te deshiroja te fitoja ndeshjen e kampionatit me pare dhe pastaj te mendoja per Kupen. Nuk eshte aspak e vertete qe mund te kemi arritur nje marrveshje me Vllaznine. Kemi luajtur maksimalisht kunder edo skuadre, pavarsisht rezultatit qe kemi marre. Edhe kunder Vllaznise do te bejme maksimumin ne te dyja ndeshjet, por do te jete fusha e lojes ajo qe do te vendose”.


Besa

Ndeshja e disa javeve me pare mes Beses dhe Elbasanit ngjalli shume zhurme ne ambinetet e Superliges. Te gjitha aludimet per kete takim Bejzade i ka konsideruar si te teresisht te paverteta. “Si mund te habiten kaq shume rivalet tane per fitoren tone ne Kavaje, duke qene se ne i kishim mundur verdhezinjte edhe tre fazat e para?!”, ka thene futbollisti.


Titulli

Qendersulmuesi i Elbasanit ka thene se skuadra e tij eshte shume prane titullit, por akoma nuk ka mbaruar gjitheka deri sa matematika t’i shpalle kampione verdheblute.



Jepini doren kampioneve te rinj


Nuk jane shpallur matematikisht, por pas fundjaves se djeshme te gjithe duhet ti japin doren bandes se Lazes per triumfin historik. Sa do i kontestuar ky titull e sa do kombinacione apo trukime te kete bere Elbasani, ne kete vorbull “bastaxhinjsh” nuk kane qene te vetem. Jo, sepse edhe Tirana ka luajtur mierja dollare per te ndaluar verdheblute, dhe Tirana ka bere llogarite e saj dhe nese ka ngecur ne Koree per te ja ka fajin vetem fusha. Sa per trukime asnje nuk ka “goje” te flase. As Partizani qe hapur fare ja ka lene ndeshjen Teutes qe kjo e fundit te shpetoje, as Dinamo qe i fali piken Shkumbinit sepse nuk lufton me per asgje. Dje drejtuesit bardheblu e dhane sinjalin e pare qe do ta pranojne titullin qe shkon nga Qafe Krraba. Nuk akuzuan me askend, madje as lojtaret e tyre qe i kishin shitur ndeshjen, por u mjaftuan vetem me: “Keshtu eshte futbolli”. Nese ky kampionat do te mbahet mend per publikimin masiv te trukimeve dhe shitjeve te ndeshjeve nga vete aktoret, sigurisht qe do te kujtohet edhe per faktin se Elbasani ka dale kampion. Ne nje ambjent ku te gjithe “shesin” e “blejne” verdheblute jane ne krye te renditjes. Pazari i madh shqiptar i sheh ata fitues. Kane kryesuar qe nga fillimi dhe pse jo ne ndeshjen qe do te luhet kunder Tiranes ne kryeqytet do te ngrene Kupen matematikisht. Kupa e teneqese ashtu si pretendon ta quaje ndonje president, por qe vlen sa nje sezon. Qofte edhe duke trukuar dieka. Sado e denueshme, e kane bere te gjithe, pa perjashtim te gjithe....




Marrë nga www.kfelbasani.com

[miko]

Drejtori teknik i verdhebluve, Artin Kovaçi, thotë se tashmë xhelozitë duhen lënë



"Fitorja me Tiranën, "torta" e titullit"




"Elbasani është në rrugën e duhur dhe kjo falë një pune tepër pozitive gjatë këtij sezoni."

Kështu është shprehur në një intervistë për "Sportin shqiptar" drejtori teknik, Artin Kovaçi, i cili shton se rivalt e tjerë duhet t'i shohin "targën" ekipit të tij dhe jo të gjejnë justifikime, duke e paragjykuar në lloj-lloj mënyrash nga ndeshja në ndeshje.

- Ju kanë akuzuar në media për deklaratën tuaj se Elbasani tashmë është kampion kur ka edhe katër javë...

- Ajo që dua t'u them specialistëve, apo edhe atyre që ushqehen pranë atyre njerëzve, që kanë një vit të tërë që flasin kundër ekipit të Elbasanit, është se të gjithë këta dhe rivalët tanë tani të na ndjekin pas dhe të na shohin "targën". Elbasani ka hedhur një hap përpara dhe mendoj se distanca na lejon edhe të vetëkënaqemi dhe ta quajmë veten kampionë. Kjo tregon edhe faktin se Elbasani është më superior se të tjerët.

- Ndërkohë që mbeten edhe katër javë, nuk ju duket se festa ka nisur herët?

- Elbasani festën e ka nisur një sezon më parë, kur u renditëm në vendin e dytë. Mendoj se puna që kemi bërë në këto dy sezone më në fund është drejt shpërblimit. Nuk e kuptoj pse na kanë kaq shumë inat. Në fund të fundit, të mos harrojmë se Elbasani dhe futbolli elbasanas është i Shqipërisë dhe jo i një individi. Nëse Elbasani ëshë në vendin e parë dhe pranë titullit kampion, nuk kemi fituar vetëm ne, por edhe futbolli ynë.

- Keni një ndeshje të vështirë me Vllazninë në transfertë pas fitores në Lushnjë...

- Në radhë të parë, më lejoni që të theksoj se fitorja jonë në Lushnjë ishte e merituar dhe me djersë dhe nuk e kuptoj pse disa thonë se Lushnja nuk bëri rezistencë. E çfarë duhet të bënte Lushnja përballë një skuadre që kryeson kampionatin? Dua të shtoj se rivalët, apo pseudotifozët e tyre, nëpër media duhet të jenë më të matur dhe duhet të pranojnë që ky Elbasan i ka dhënë bukurinë këtij sezoni.

- Nuk i trembeni një barazimi të mundshëm me pikë me Tiranën?

- Unë e kam thënë se janë edhe katër javë, por distanca dhe pa dyshim forca e grupit tonë na bënë të besojmë se ky Elbasan është i pandalshëm. Mendoj se në fund të këtij sezoni ne do të dalim dyfish të fituar, pasi do ta shikoni që do ta mposhtim edhe Tiranën brenda në fushën e vet. Fitorja me bardheblutë që po shkurorëzohen do të jetë simbolikisht edhe "torta" e titullit kampion për Elbasanin

- A do të synoni edhe fitimin e kupës?

- Po, pse jo? Ne jemi ende në lojë edhe për kupën. Unë s'e kuptoj pse nuk duhet të arrijmë në finale. Elbasani është i denjë t'i fitojë të dy trofetë, por nuk pajtohem me disa mendime të tjera, që thonë se ky sezon nuk duhet të jetë i Elbasanit dhe ne duhet të mundim për kupë Vllazninë dhe pastaj të jemi kampionë. Mendoj se llogaritë tona dimë t'i bëjmë mirë vetë, siç i kemi bërë deri tani, me punë e djersë dhe jo më kot jemi në vendin e parë.


Marrë nga www.sportishqiptar.com.al

[CERIKSI-CHICAGO]

i forza cunat elbasani besoj se ky kampionat eshte i joni

[King_Arthur]

urime kampioneve shqipetar jane yjet e ketij kampionati
urime kampioneve verdhe e blu .
urime elbasanit kampion mbas kaq kohesh.



forca djema verdh e blu qe te gjithe jemi me ju .
neper fushen krejt jeshil
dalin djemt portokalli
qe te gjithe jemi me ju
forca djema verdh e blu

duam gol ne duam gol
elbasani loz futboll
duam fitore mos u ndani
ne therrasim elbasani

duam gol ne duam gol
elbasani loz futboll
duam fitore mos u ndani
ne therrasim elbasani

lulet tona jane per ju
elbasani verdh e blu
ne sna tremb dot as kurrkush
zemrat tona jane ne fushe
duam gol ne duam gol
elbasani loz futboll
duam fitore mos u ndani
ne therrasim elbasani

duam gol ne duam gol
elbasani loz futboll
duam fitore mos u ndani
ne therrasim elbasani

na na na na, na na na na
o o o o elbasani

na na na na, na na na na
o o o o elbasani

na na na na, na na na na
o o o o elbasani

ne prej jush duam fitore
duam fitore vec fitore
para djem me koken larte
si selvite e namazgjase

duam gol ne duam gol
elbasani loz futboll
duam fitore mos u ndani
ne therrasim elbasani

[miko]

Mbas 22 vjetesh jemi serisht ne majat e futbollit shqiptar.Jemi Kampionet e Shqiperise..

Sot eshte nje dite feste,deliri per te gjithe sportdashesit verdheblu kudo qofshin ata.Ekipi yne i zemres mbas nje periudhe 23 vjecare eshte perseri ne majen futbollit shqiptar.Festojeni kete dite/mbremje se meriton...

Nje flm te vecante per te gjithe cunat dhe stafin verdheblu te cilet ishin Gladiatore te vertete ne kete kompeticion.

Nje tjeter flm i takon Presidentit z.Laze,qe e solli ekipin atje ku e ka vendin,ne majen e futbollit shqiptar.

Nje flm special per te gjithe sportdashesit verdheblu te cilet e kane mbeshtetur ekipin e tyre te zemres si asnje ekip tjeter.


Jemi Kampione

Sot e gjithe Shqiperia eshte veshur me ngjyra verdheblu.Sot Elbasani ka feste...

Gjithmone Verdh e Blu

[Angelo_21]

forca Djemte Verdh E Blu Si 22 Vjet Me Pare Te Ngrem Kupen Serisht Ne Elbasan.si 22 Vjet Me Pare Kampion Ishim Ateher Dhe Ne Vend Te Pare Kete Her Deh Asnje Mos Te Thote Asnje Fjale Se Kampionati Tha Fjalen E Vet Dhe Mos Krijoni Dyshime Per Fitoren Tone Se Asnje Nuk Mund Te Thote Gje Se I Kemi Dhen Provat Si Ketu Dhe Ne Vend Tjeter Prandaj Shttttttttttttttttttttttttttttt Se Djemt Verdh E Blu Jane Kampion.
Elbasani Kampion 2005-2006

[Davius]

Elbasani eshte kampion i Shqiperise pas 22 vjetesh!

[Davius]

Urime atyre qe bejne tifo per Elbasanin, si: Leos, Mikit, Kacakut dhe shume te tjereve...

Keni pasur nje kampionat te mire, e keni merituar titullin...

Urime dhe suksese ne Evrope!

[FLOWER]

Urime Elbasanit!!!
Festoni Cuna Se Sot Eshte Dita!

[Duke_Of_Arberia]

Eshte e para here qe po bej nje postim ne kete teme dhe e fundit per kete sezon...

Urime per kampionatin dhe suksese ne CHL!!!!!

[Tulipani Zi]

A do na sjelli dikush foto/video nga ndeshja sot se mezi po pres.

[FLOWER]

Feste e madhe sot ne Elbasan.
gezuar cunat e elbasanit!

[CERIKSI-CHICAGO]

urime cunave te elbasanit me verte e meritonin kete kampionat kan rezistuar qe ne fillim derin ne fund


forza verdh e blu

[asteri]

Bravo cunave verdheblu e meritonin titullin qe nga java e pare e kampionatit

[ClaY_MorE]

Faleminderit Davius!

Forca ELBASANI. Edhe vitin tjeter targen do na shohin kto te Kryeqytetit!

[Angelo_21]

Nuk Keni Se Ca Te Thoni Fare Se Jemi Kampione Ne Tani Prisni Vitin Tjeter Qe Te Flisni Te Ter Ju Qe Jeni Kundra Elbasanit
Elbasani Kampion 2005-2006 Elbasani Kampion 2005-2006