KF Elbasani, "TIGRAT VERDH E BLU"

[King_Arthur]

C'do na sjelle ky vit ?

Dje paradite ne zyren e presidentit Arben Laze ka mberritur sic ishte parashikuar trajneri i ardhshem i Elbasanit Edmond Gezdari. Timonieri i ri verdheblu eshte shprehur se nuk jam menduar 2 here kur behet fjale per nje president si Laze qe ka investuar shume per futbollin shqiptar. Nderkohe qe ka falenderuar dhe Deliun per punen e bere duke u shprehur se nuk eshte faj i tij per rezultatet e Elbasanit. Nderkohe qe Filja do te jete asistenti i tij dhe trajneri i portjereve do te jete serisht Bujar Gogunja duke bere nje rrokad me Dostin, i cili ka marr drejtimin e te rinjve te Elbasanit. Ndersa presidenti Laze ka deklaruar se tek Elbasani nuk mundet te qendrojne disa lojtare qe fusha e futbollit iu duket si teater kukullash. Gezdari ka premtuar se me merkaton e janarit Elbasani do te shkoj patjeter ne UEFA. Por, ne anen tjeter presidenti Laze eshte i mendimit se Elbasani mundet te shpallet serisht kampion edhe pse distanca me kryesuesit e Tiranes eshte 11-te pike.
Duhet te shohim ditet ne vazhdim merkaton qe do te zhvilloi Elbasani dhe per te pare nese Deliu ka qene defekti i vetem i verdhebluve. Por, gjasat me nje trajner plot eksperience si Gezdari jane qe Elbasani te kete nje progres te konsiderueshem ne rezultatet e tij, pasi ky trajner me pare ka drejtuar skuadra si Partizani, Teuta dhe Lushnja, gjithashtu ka edhe nje eksperience te konsiderueshme me grup moshat e kombetareve Shqiptare. Nderkohe qe Deliu eshte emeruar nga presidenti Laze si krye trajneri i grup moshave ne Elbasan.

[King_Arthur]

Nallbani: Përmes Elbasanit dua kombëtaren

Në një intervistë për "Sportin shqiptar", mesfushori kosovar i Elbasanit, Ilir Nallbani, shprehet se nëpërmjet Elbasanit do të arrijë ekipin kombëtar të Shqipërisë. Me një eksperiencë të madhe jashtë vendit, ku ka luajtur me disa ekipe, si në Hungari, Suedi, Izrael dhe Kosovë, Nallbani për herë të parë luan në kategorinë superiore. Ja çfarë thotë ai më shumë në fjalët e tij:
Nallbani, më në fund jeni federuar me Elbasanin...
Kam kohë që stërvitem me ekipin, që në tetor, dhe mendoj se tashmë e njoh ambientin, mentalitetin e Elbasanit, i cili është munduar që gjatë këtyre dy fazave të japë maksimumin e tij. Mezi po pres që të jem në fushë si titullar. Kam besim se Elbasani do të më japë atë që kërkoj në karrierën time.
Cila është ajo?
Pa dyshim, të vishem kuqezi. Dua që me paraqitjen time në këtë vit tek Elbasani të fitoj një vend, nëse e meritoj, kuptohet, në ekipin kombëtar të Shqipërisë. Elbasani e ka treguar më së miri që është një ekip që nxjerr futbollistë për në kombëtare dhe shembulli më pikant është ai i Dallkut, që ka ardhur nga Kosova.
Çfarë opinioni keni për Elbasanin, i cili ndodhet në vendin e pestë?
Unë i kam ndjekur pothuajse të gjitha ndeshjet e Elbasanit që nga tetori dhe kam vënë re se në disa takime nuk ka humbur për faj të tij. Gjithsesi, ka momente që në futboll duhet të shohësh punën dhe jo justifikimet. Mendoj se në tri ndeshjet e fundit Elbasani pësoi një "shock" psikologjik.
Presidenti Laze po bën përforcime me futbollistë të elitës në Shqipëri. Keni frikë nga konkurrenca?
Po, jam në dijeni dhe ardhja e Patushit në mesfushë do të na japë shumë krahë, pasi kam dëgjuar se është futbollist cilësor dhe me eksperiencë. Nëse vijnë dhe ata që janë përmendur, mendoj se do të jemi një nga skuadrat më të forta. Unë nuk kam frikë nga konkurrenca, madje shpreh bindjen që kjo konkurrencë do të më japë atë që dua unë.
Mendoni se ekipi mund të pretendojë për titull?
Me këto përforcime, në qoftë se do të ishim ende në kupë, mund t'i kishim fituar të dy. Kampionati është i gjatë dhe përballjet do të jenë jo të lehta si për ne, ashtu edhe për kundërshtarët. Unë mendoj se titulli po na pret, duhet të shkojmë ne te titulli.

[King_Arthur]

"Japim Bejzaden, duam Sinën e Kaçin!"

Çështja "Bejzade" duket se nuk do të ketë fund derisa të mbarojë merkatoja. Në fillim ishte Partizani ai që kërkonte shërbimin e tij me çdo kusht, ndërsa tani është Elbasani që është hedhur në ofensivë për të marrë shërbimet e këtij lojtari. Bisedimet mes dy presidentëve kanë kohë që kanë nisur për këtë problem dhe, nëse në ditët e fundit të dhjetorit përgjigjja e Fushajt ka qenë e prerë dhe negative, tashmë gjërat duket se kanë marrë rrjedhë tjetër. Në skenë ka dalë një shifër prej 50 mijë eurosh, apo dollarësh, e pasaktësuar ende, e cila është kërkuar nga ana e presidentit të Vllaznisë për ta lënë të lirë Bejzaden dhe homologu i tij elbasanas është gati të bëjë "marrëzinë" e radhës, pas marrjes së Patushit. Laze është shprehur i gatshëm ta paguajë këtë shumë të lartë vetëm e vetëm që "Arusha" të bëhet sërish verdheblu. Kundër kësaj lëvizjeje nuk është as lojtari dhe kjo gjë i shton mundësitë e realizimit të një kalimi të tillë, gjithnjë nëse paguhet kjo shumë parash. Por gjërat gjatë ditës së djeshme duket se kanë marrë rrjedhë tjetër, gjithsesi në të njëjtën linjë, atë të kalimit të Bejzades tek Elbasani. Tashmë drejtuesit e Vllaznisë nuk do të kërkojnë më para për ta lënë të lirë këtë lojtar, por për "kokën" e tij duan dy të tilla, aktualisht pjesë e skuadrës verdheblu. Bëhet fjalë për Sinën e Kaçin, të cilët preferohen në radhët e kuqebluve. Për të parin trajneri Josa ka kohë që ka nisur kontaktet me të dhe dy ditë më parë është shprehur se e mirëpret ish lojtarin e tij te Tirana të vijë edhe te Vllaznia, nëse zgjidh kontratën që ka aktualisht me elbasanasit. Ndërsa për Kaçin natyrisht që nuk është nevoja për shumë komente, sepse është rritur te kjo skuadër. Një kërkesë e tillë për ta ndërruar Bejzaden me Sinën e Kaçin tashmë duket se është realitet dhe çdo gjë është në dorë të presidentit të Elbasanit, Arben Laze. Ai duhet të vendosë nëse e do vërtet në skuadrën e tij Bejzaden apo jo. Dhe nëse për të është gati të sakrifikojë shumë gjëra, një shkëmbim i tillë mund të bëhet realitet. Vetë Bejzade, dje për "Sportin shqiptar", është shprehur se është i gatshëm për çdo lëvizje, por fati i tij është në dorën e presidentëve. Ai do të jetë sot në Shkodër, por ende nuk dihet nëse do të niset drejt Malit të Zi me ekipin e Vllaznisë. "Po, unë nesër (sot) do të jem në Shkodër, por ende nuk e di nëse do të nisem drejt Malit të Zi apo jo. Kjo sepse më parë do të bisedoj kokë më kokë me presidentin Fushaj dhe, nëse ai është i gatshëm për të më lënë të lirë për shumën e 50 mijë dollarëve që ka kërkuar, atëherë mund të shkoj tek Elbasani, nëse presidenti i tij e paguan vërtet këtë shumë, siç dhe ka thënë. Po ashtu, di që ekziston edhe një kërkesë për të shkëmbyer lojtarë mes dy skuadrave, megjithatë unë jam në pritje se çfarë do të ndodhë. Fati im është në duar të presidentëve, nuk kam pse them se dua të iki, apo dua të rri. Nëse njëri vendos të më largojë për një shumë të caktuar parash, jam gati të shkoj te tjetri që paguan për të më pasur në skuadrën e tij," ka thënë Bejzade. E ndërsa shkëmbimi i Bejzades me Sinën e Kaçin është një mundësi e madhe të realizohet, presidenti i Vllaznisë, Valter Fushaj, megjithatë dje nuk ka pasur shumë dëshirë të flasë në lidhje me këtë çështje, duke thënë se ajo është ekzagjeruar shumë. Nga ana tjetër, edhe Albert Kaçi, lojtari i përfolur për të qenë pjesë në këtë shkëmbim, është shprehur se në radhë të parë nuk ka dijeni për një gjë të tillë. E dyta pastaj, sipas tij, mundësitë për të lëvizur drejt Shkodrës për të janë shumë të vogla, pasi është edhe student në Universitetin e Elbasanit. Megjithatë, në futboll çdo ditë e më tepër po bëhet realitet thënia: Kurrë mos thuaj kurrë!

[Noizy]

Cuna do ishte mire po te kishit nje Elbasan si vjet por kjo e shifni qe eshte e pamundur un vetem ju uroj fat

[King_Arthur]

Cuna do ishte mire po te kishit nje Elbasan si vjet por kjo e shifni qe eshte e pamundur un vetem ju uroj fat

asgje nuk eshte e pamundur .

[Noizy]

Mbrojtësi tiranas i verdhebluve thotë se pas përforcimeve dhe fazës përgatitore ekipi do të jetë ndryshe.


Elbasani vazhdon përgatitjet në Malin e Zi, ku futbollistët kampionë çdo ditë zhvillojnë dy seance stërvitore në ditë. Ndërkohë që nuk ka asnjë ndryshim nga grupi i futbollistëve që nisën fazën përgatitore. Ndonëse drejtuesit verdheblu janë shprehur se do të vazhdojnë merkaton, deri tani në kampin e Elbasanit nuk ka pasur ndonjë ardhje të re. Ndërkohë, një nga futbollistët titullarë të Elbasanit, tiranasi Elvis Sina, në një prononcim për "Sportin shqiptar", është shprehur se ndihet tepër mirë në akomodimin e Elbasanit në Hercegnovi. Sina thekson se deri tani ekipi i tij po ecën mirë dhe ka hedhur poshtë në mënyrë kategorike zërat që e shohin atë në një skuadër tjetër. "Në gazeta kam lexuar se do të shkoj te Shkodra, apo ku ta di unë në ekipe të tjera. Unë kam një kontratë me Elbasanin dhe do ta vazhdoj ta respektoj këtë marrëveshje. Deri tani drejtuesit e Elbasanit janë sjellë shumë korrektë me mua, kështu që nuk ka arsye pse të largohem, apo të mendoj "divorcin" nga Elbasani," shprehet Elvis Sina. Gjithsesi, për momentin kampionët janë të fokusuar vetëm në stërvitje dhe duket se merkaton e kanë lënë në dorën e dytë. Vetëm ardhja e Tikos mund të thuhet deri tani, ndonëse drejtuesit premtojnë se shumë shpejt do të vijnë edhe dy futbollistë të tjerë, një sulmues dhe një mbrojtës. Sina shton se Elbasani deri diku është i kompletuar, ndonëse nuk e fsheh dëshirën për të pasur sa më shumë futbollistë cilësorë në ekipin ku luan. "Kemi ndryshuar dhe po ecim në rrugën e duhur, pasi nuk jemi si në gjysmën e parë të kampionatit, ku kishim disa mangësi, pasi s'kishim futbollistë që të bënin diferencën, por këtë më mirë do ta tregojnë ndeshjet e kampionatit dhe që në takimin e parë në shkurt na pret në fushën tonë një përballje tepër e fortë, si ajo ndaj Partizanit," thekson mbrojtësi i verdhebluve. Ndërkohë që në rezidencën e Elbasanit janë akomoduar edhe dy ekipe të tjera, vetë Sina shton se nuk përjashtohet mundësia për zhvillimin e ndonjë ndeshjeje miqësore me këta dy ekipe, teksa thotë: "Normale që në të tilla raste miqësoret janë tepër të domosdoshme. Mendoj sesa më shumë takime miqësore të zhvillojmë, aq më shumë kemi për të përmirësuar. Elbasani nuk ka nevojë vetëm për stërvitje, por edhe për ndeshje, kështu që do të mundohemi t'i shfrytëzojmë në maksimum këto mundësi, pasi edhe një javë do të qëndrojmë këtu dhe më pas, në javën e fundit, do të stërvitemi në Elbasan." Elvis Sina shpreh edhe dëshirën për t'u shpallur kampion, pavarësisht se është shumë e vështirë. Përderisa pranova të jem pjesë e Elbasanit, sigurisht që e kisha menduar fitimin e titullit, kështu që ne do të luftojmë për të fituar diçka. Edhe pse jemi larg nga vendi i parë, kjo nuk do të thotë që mundësitë për t'u shpallur sërish kampion janë të ndaluara, përkundrazi, kemi shanse të mëdha me përforcimet që kemi bërë gjatë merkatos së dimrit," përfundon mbrojtësi i Elbasanit.

[Noizy]

Kampionët, stërvitje edhe në palestër
Elbasani ka vijuar normalisht stërvitjen edhe gjatë ditës së djeshme. Kampionët kanë zhvilluar stërvitjen e paradites në palestër, ndërsa pasdite i janë drejtuar fushës sportive. Në ndryshim me kushtet e Ulqinit, Në Hercegnovi kushtet janë shumë më të mira dhe nuk ka amulli, pasi vetëm tri ekipe po stërviten aktualisht. Siç duket, presidenti Laze ka menduar të shpenzojë pak më shumë, por stërvitja të jetë në kushte optimale dhe pa shqetësime.

[King_Arthur]

Filja: Elbasani e ka mentalitetin e kampionit

Në një intervistë për "Sportin shqiptar", zëvendëstrajneri i Elbasanit, Ilirjan Filja, është shprehur se ekipi i tij mund të shpallet sërish kampion i Shqipërisë, pavarësisht se Tirana është shkëputur nga verdheblutë. Filja komenton edhe ecurinë e fazës përgatitore në Malin e Zi, konsolidimin e grupit dhe përshtatjen e të ardhurve në merkaton e fundit.
Keni një javë në Malin e Zi dhe nuk keni gjetur një kundërshtar për miqësore. Pse?
Nuk ka asgjë për t'u çuditur. Ekipe ka plot, por deri tani stafi drejtues, me në krye trajnerin tonë Gëzdari, e ka parë të arsyeshme të përqëndrohemi totalisht te stërvitja. Nuk ka se si të mendojmë për miqësore, kur në fillim duhet të shikonim gjendjen e futbollistëve të rinj që kanë ardhur gjatë kësaj merkatoje. Por edhe ndeshjet miqësore i kemi planifikuar.
Elbasani në merkato nuk është se ka bërë shumë blerje. Do të ketë të tjera afrime?
Unë dua të shtoj dy gjëra për merkaton, se afrimet e Patushit dhe Periçit bashkë me Tikon vlejnë shumë. Mund të them se Elbasani e ka shfrytëzuar në maksimim merkaton. Gjithashtu kemi afruar edhe dy futbollistë nga Kosova, Nallbanin, që do të jetë lider i mesfushës, dhe mbrojtësin Papuci, i cili ka premisa për të ardhmen. Por gjithsesi, merkatoja nuk është mbyllur ende, kështu që Elbasani ka kohë për të menduar edhe për këtë gjë.
Objektivi do të jetë Kupa UEFA, apo besoni ende te titulli?
Elbasani ka një ekip që tashmë e ka fituar mentalitetin e kampionit. Kemi tre vite radhazi që jemi mësuar me trysninë e të qenit i pari, kështu që edhe grupi i futbollistëve që kemi afruar ka eksperiecnë për të luftuar deri në momentin e fundit. Sigurisht që Kupa UEFA është një objektiv i rëndësishëm, por edhe titulli kampion mund të arrihet.
Kur do ta zhvilloni takimin e parë miqësor?
Këtë javë me siguri që do të zhvillojmë edhe takimin e parë miqësor. Jemi në kontakte me kampionen e Malit të Zi, kështu që këtë javë Elbasani do të tregojë më së miri edhe vlerat e tij në një ndeshje miqësore. Forma e futbollistëve të Elbasanit është tepër e mirë, kështu që jam optimist se edhe në miqësore djemtë tanë do të tregojnë të njëjtat vlera.
Në media janë përhapur fjalë se Laze po synon sërish Bejzaden, pasi sulmuesi francez që u fol kohë më parë duket se nuk do të vijë. Besoni se do të rikthehet "Arusha"?
Këto janë fjalë merkatoje. Bejzade është një futbollist i rëndësishëm për çdo ekip. Dëshira jonë është që ta kemi sërish në grup, por kjo nuk varet nga ne. Pastaj me merkaton merret presidenti Laze, nuk mund të them asgjë më tepër. Ne si staf do ta presim me krahëhapur Skerdin në qoftë se rikthehet.

[Dhe_Djalli_Qan]

Mbrojtësi i kampionëve tregon stërvitjen e dy ditëve të para në Hercegnovi të Malit të Zi 18-01-2007 Osmani: Përforcimet e kanë ndryshuar Elbasanin




Në një intervistë për "Sportin shqiptar" në linjë telefonike nga Mali i Zi, mbrojtësi shtatlartë i Elbasanit, Tefik Osmani, është shprehur se grumbullimi jashtë vendit deri tani i ka bërë mirë Elbasanit. Osmani shton se kampionët po përgatiten për takimet e para miqësore, që në ditët në vijim do të jenë të shumta.
- Si po shkojnë ditët e para në Hercegnovi?
- Deri tani shkëlqyeshëm, për vetë faktin se klima është shumë e mirë dhe mbi të gjitha kushtet janë tepër të mira, si në hotel, ashtu dhe në fushën ku stërvitemi. Kemi dy ditë këtu dhe mendoj se e kemi nisur me këmbëm e mbarë stërvitjen. Çdo ditë zhvillojmë dy seanca stërvitore tepër intensive, që të jemi të gatshëm për fundjavë, ku mund të zhvillojmë edhe ndonjë miqësore.
- Me grupin janë bashkuar dhe Tiko me Periçin. Si duket gjendja e tyre?
- Unë mund të them në tërësi se deri tani asnjë futbollist i Elbasanit nuk ka shfaqur probleme dhe për këtë më vjen mirë. Tiko është një sulmues me eksperiencë dhe vlerat e tij njihen nga të gjithë. Që të dy janë përshtatur shpejt me grupin. Janë dy futbollistë që kanë sjellë ekuilibra në ekipin tonë.
- Do të zhvillojë Elbasani ndonjë takim miqësor në ditët në vijim?
- Pa dyshim që po. Mendoj se deri në fundjavë do të stërvitemi maksimalisht dhe më pas do të testojmë veten në një ndeshje miqësore. Në hotelin ku rrimë ne është akomoduar edhe një ekip i kategorisë së parë të Serbisë, si dhe i Malit të Zi. Mund të zhvillojmë shumë shpejt miqësore me këto dy skuadra.
- Ardhja e Tikos në skuadër e ka mbyllur merkaton e Elbasanit?
- Unë mendoj se përforcimet e fundit na kanë ndrushuar shumë, por për sa i përket merkatos, nuk jam unë ai që bëj llogaritë. Mund të them sesa më shumë futbollistë të vijnë, aq më mirë do të jetë për Elbasanin. Na pret përpara një vit i vështirë, por që në fund mund të dalim me sukses.
- A keni pasur oferta nga ekipe shqiptare në merkaton e janarit?
- Sigurisht që po, por nuk mund të them emra. Por ka një gjë, unë jam futbollist i Elbasanit deri në fund të sezonit dhe nuk do të joshesha nga asnjë ofertë këtë vit, deri në fund të përfundimit të kontratës. Me merkaton që Elbasani ka bërë, është pretendent për titullin kampion, kështu që unë s'kam pse të ndërroj ekip, kur titullin e kam në dorë.

[arsen09]

Une jam tiger verdhe e blu perkrah cunat per te fitu.

ELBASAN O ELBASAN DO I CAJME RRJETET TAMAM.


Ckemi tigra si jeni?

Urime dhe vecse urime.