KF Elbasani, "TIGRAT VERDH E BLU"

[ClaY_MorE]

Plasin polemikat midis Sulmuesit Skerdi Bejzade dhe Trajnerit Ilir Daja.

Bejzade: Daja, ky trajner-kukull!

Habia më e madhe për publikun elbasanas dhe dashamirësit e futbollit të këtij qyteti ka qenë mosaktivizimi i sulmuesit të njohur Skerdi Bejzade, i cili është larguar para ndeshjes me Ekranasin, sapo ka marrë vesh se nuk do të aktivizohet si titullar. Duke dashur që ekipi të fitojë në Ligën e Kampionëve, Bejzade është larguar në mënyrën më të qetë, edhe pse nga brenda ziente. Kjo, pasi nuk ka kuptuar pse nuk ndodhej në 11 shen e parë të skuadrës. Më parë ka qenë mbrojtësi i kombëtares, Tefik Osmani, që pati deklaruar se trajneri Daja nuk ka autoritetin e duhur, pastaj ishte Bledar Devolli dhe Sokol Ishka, ndërsa së fundi është Skerdi Bejzade, i cili e thotë hapur që trajneri i Elbasanit ka qenë veçse një "kukull" në stolin kampion, pavarësisht se meritat i kanë shkuar atij. Bejzade, në intervistën dhënë për "Sportin shqiptar", tregon arsyet e largimit, mbështetjen që i ka dhënë Ilir Dajës, por që ai e shpërdoroi, dhe mjaft gjëra të tjera për mënyrën e drejtimit joprofesional të trajnerit.

* Pse u larguat nga stoli para fillimit të ndeshjes me Ekranasin?

Sapo mora vesh që nuk do të luaja që nga fillimi, u mërzita shumë, madje e kam përmbajtur shumë veten. Nuk e kuptova pse, pasi isha stërvitur shumë për atë ditë dhe isha aktivizuar gjithmonë si titullar. Nëse trajneri do të kishte dhënë ndonjë arsye, qoftë taktike, apo qoftë sipas mendimit të tij, që unë nuk e meritoj vendin e titullarit, le të ma thoshte në sy. Po të vepronte kështu, nuk do të isha mërzitur. Mendoj se kaq e meritoja, por ai nuk u tregua burrë. Kam dy vjet që aktivizohem me Elbasanin dhe kam luajtur gjithmonë si titullar.

* Ju mendoni se trajneri Daja kishte ndonjë inat me ju?

Nuk e di arsyen, le ta tregojë ai. Trajneri, që kur ishim në fazën përgatitore, zihej me lojtarë të ndryshëm. Në Strugë kam ikur dy ditët e fundit për arsye familjare. Unë të paktën isha me leje, por kishte të tjerë që merrnin çantat dhe as e pyesnin fare kur iknin.

* Jeni i inatosur akoma nga kjo?

Më shumë se për vete, dua që trajneri Daja t'ua bëjë publik të tjerëve, sidomos tifozëve elbasanas, përse nuk më aktivizoi mua. Edhe gjatë kampionatit, atij formacionin ia kanë bërë të tjerët. Të aktivizohesh për dy vjet rresht si titullar dhe vjen një ditë kur e sheh veten jashtë, natyrisht që mërzitesh. Daja tregoi karakterin e dobët të tij, duke qenë vetëm një kukull në krye të ekipit, që merr udhëzime nga të tjerët, duke ia bërë edhe lojtarët formacionin. Ai edhe në stërvitje shpesh zihej me lojtarët dhe nuk e kishte autoritetin e duhur. "Kukulla-trajner" do të ketë marrë ndonjë udhëzim, prandaj veproi ashtu.

* A mendoni se mund të bashkoheni sërish me Elbasanin pas kësaj?

Nuk e besoj. Më vjen keq për grupin dhe për tifozërinë, pasi ata meritojnë më shumë. Në Lituani as që bëhet fjalë të shkoj.

Sipas deklaratave të mëparshme të Dajës, ai mund të largohet pas "champions" it.

* Nëse presidenti Laze do të këmbëngulte për ju, si do të vepronit?

Nuk mund të bëj shumë parashikime. Të mos harrojë Daja se ishte ai grup i Elbasanit që i dha këtë emër që ka sot. Ai ka pasur mbështetjen tonë edhe atëherë kur është diskutuar për ta hequr nga drejtimi i ekipit. Nëse presidenti kërkon të flasë, atëherë unë natyrisht që do të ulem të sqarohem me të.


* Po ndeshjen e patë dhe çfarë mendimi keni për kualifikimin?

Po, e pashë. Ekranasi ishte ekip i dobët, i nivelit të Skënderbeut, nëse do ta krahasonim me ndonjë ekip të kampionatit tonë. Elbasani ka shumë shanse për t'u kualifikuar dhe ia uroj me gjithë zemër. Po të isha në fushë, e them me bindje që do të kisha shënuar dhe rezultati do të ishte më i thellë, pasi me atë portier dhe mbrojtje që kishin ata, mund të shënoja disa gola. Megjithatë, "kukulla" zgjodhi që unë të mos isha në fushë, sepse është trajner i madh dhe fiton edhe pa mua.

[ClaY_MorE]

Daja: Kemi hedhur një hap për kualifikimin

Pa dyshim që njeriu që ndihet më i çliruar pas atij goli të shënuar nga Stojku është trajneri Ilir Daja, i cili duhet theksuar se ka meritën e madhe që Elbasani arriti të fitonte me rezultatin 1 0, kjo edhe falë skemave të tij, si dhe zëvendësimeve që ai keu me tepër sukses, që në fund patën anën e tyre tepër pozitive, pasi sollën edhe fitoren. Daja është shprehur tepër i kënaqur nga kjo fitore, duke theksuar se kjo është një meritë e gjithë ekipit. "Ne dominuam të gjithë. Nga mënyra se si u zhvillua loja, mund edhe të kishim fituar më thellë. Disavantazhi ynë ishte se ne nuk e njihnim kundërshtarin, por e njohëm atë gjatë lojës dhe kështu, duke u nisur nga ky aspekt, mund të them se skuadra arriti të dalë deri diku në lojën e saj dhe kjo më ka gëzuar pa masë," thekson trajeri i kampionëve, i cili pa dyshim që nuk lë pa përmendur këtu punën dhe seriozitetin e të gjithë futbollistëve në fushën e blertë. "Timonieri" i verdhebluve shton se skuadra e tij, përveçse krijoi një volum tepër të madh loje, arriti të shfaqet përpara portës mike shumë herë rrezikshëm. "Shumë herë në disa raste mund të shënonim, ku këtu përmend edhe rastin në fund të Osjes, i cili nuk arriti të inkuadronte portën dhe Elbasani mund ta kishte dyfishuar rezultatin e takimit. Gjithsesi, e rëndësishme është se me takimin e fituar kemi hedhur një hap përpara, pavarësisht se janë edhe 90 minuta të tjera për t'u luajtur dhe priten të jenë tepër vendimtare për kualifikimin. Mund të theksoj gjithashtu se duhet vlerësuar edhe ekipi kundërshtar. Shanset për t'u kualifikuar janë tepër të mëdha dhe besoj se Elbasani e ka vetë në dorë kualifikimin për në turin e dytë. Gjithashtu, dua të përmend këtu lojën e mirë të Bylykbashit dhe Xhafës, të cilët u përshtatën mjaft mirë me grupin. Futja në lojë e Xhafës solli dhe ndryshimin e rezultatit, pasi në fushë Xhafa tregoi se është një futbollist me shumë vlera. Loja në mesfushë e Bylykbashit, por edhe e futbollistëve të tjerë, tregoi se në ekipin e Elbasanit dëshira për të fituar është tepër e madhe. Tani na duhet të punojmë shumë gjatë kësaj kohe, që në takimin e kthimit të jemi më të qartë dhe pa dyshim duke korrigjuar gabimet që kemi bërë në takimin e parë. Do të shkojmë në Lituani për t'u kualifikuar dhe shanset për kualifikim i quaj shumë të mëdha. Do të ishim të qetë nëse do të kishim dyfishuar, por edhe me një gol plus mendoj se është shumë mirë, pasi duke njohur mirë kundërshtarin në takimin e parë dhe duke punuar gjatë kësaj kohe, do të arrijmë të përballojmë me sukses edhe sfidën e dytë, ku objektivi kryesor do të jetë kalimi i turit. Falënderoj edhe tifozët e zjarrtë verdheblu. Ata janë mbështetja jonë më e madhe dhe fitorja u takon atyre, por edhe presidentin Laze, i cili ka meritën më të madhe që Elbasani sot luan në Ligën e Kampioneve," përfundon trajneri i Elbasanit, Ilir Daja.


Laze, presidenti që ndihet krenar

Presidenti Arben Laze ka mbetur tepër i kënaqur nga fitorja e ekipit të tij në takimin e parë dhe ka uruar futbollistët për këtë fitore, ndonëse minimale, e cila hap shpresat për kualifikim për në turin e dytë. "Unë e kam shprehur dëshirën time se do të luajmë me Dinamon e Zagrebit dhe për këtë kam tepër besim te skuadra ime. Elbasani e meritoi fitoren dhe në fushë ka qenë dominant për të gjitha minutat. Nga ana tjetër, nuk duhet të harrojmë se kishim përballë një kundërshtar shumë të mirë, i cili na vuri në disa raste në vështirësi, por gjithsesi Elbasani i ka të gjitha mundësitë për t'u kualifikuar në takimin e kthimit," shprehet presidenti Laze.

[ClaY_MorE]

Dorian Bylykbashi: Elbasani e pret me qetësi ndeshjen e kthimit

Dorian Bylykbashi mendon se Elbasani, me golin e shënuar, i ka hapur rrugë kualifikimit për në turin e dytë. "Mendoj se Elbasani zhvilloi një ndeshje shumë pozitive, ku krijuam shumë raste për shënim dhe kontrolluam plotësisht lojën gjatë 90 minutave. Mund të them se na mungoi disi fati, pasi takimi mund të kishte përfunduar edhe me dy, apo tre gola në avantazh, çka do na kishte dhënë shumë mundësi që takimin e kthimit ta luanin formalisht. Gjithsesi, me këtë fitore kemi bërë një hap tepër të rëndësishëm në Ligën e Kampioneve. Kishim përballë një kundërshtar që nuk e njihnim dhe arritëm që gjatë lojës të mësonim dobësitë dhe anët pozitive të kundërshtarit, kështu që personalisht jam tepër optimist për kualifikimin, pasi Elbasani është i gatshëm të shënojë edhe në takimin e kthimit. Tani na duhet të qëndrojmë me "këmbë në tokë" dhe të punojmë shumë, për të qenë sa më në formë nga ana fizike për takimin e kthimit në Lituani," - shprehet Dorian Bylykbashi, i cili u aktivizua që nga minuta e parë e takimit. Më pas ai shton se është munduar të japë maksimumin e mundshëm, teksa thotë: "Unë isha përgatitur për të qenë titullar, por kjo është një zgjedhje e trajnerit. Për mua fjala e tij është ligj dhe duhet respektuar në maksimum. Për këtë dua të falënderoj trajnerin Daja për besimin që ka ndaj meje, gjithashtu edhe tifozërinë e zjarrtë të Elbasanit, si dhe presidentin Laze, që më dha mundësinë të kthehem te skuadra ime e zemrës, Elbasani." Por Bylykbashi shton gjithashtu se skuadra e tij, me paraqitjen që bëri në takimin e parë, tregoi se ka një grup futbollistësh tepër cilësorë, që dinë të zgjidhin edhe situata të vështira. "Jo vetëm futbollistët titullarë, por edhe ata që e nisën nga stoli treguan se janë një forcë tepër e madhe për ekipin. Loja e Xhafës dhe e Stojkut, që shënoi, ishin përgjigjet më të mira për këdo që mendon se Elbasani nuk ka mundësi për të kaluar turin e parë. Kjo tregon qartë se Elbasani edhe stolin e ka cilësor. E ardhmja e Elbasanit në Ligën e Kampioneve është pozitive. Në takimin e kthimit do të shkojmë me një gol avantazh, që nuk është shumë, por mendoj se do na shërbejë për të bërë diçka. Kam besim se do të shënojmë gol dhe kjo do na e lehtësojë më shumë kualifikimin për në turin e dytë. Kur përpara ke dy shkallë për të ngjitur, unë në fillim mendoj se si të kaloj shkallën e parë dhe pastaj të mendoj për të dytën, kështu që Elbasani mendjen e ka tek Ekranasi dhe më pas për Dinamon e Zagrebit, pasi mendoj se koha është e mjaftueshme për të menduar për turin e dytë," - përfundon futbollisti i afruar së fundi tek Elbasani, Dorian Bylykbashi.

[ClaY_MorE]

Lajme News: Skerdi Bejzade largohet nga ekipi Verdheblu.

[il_padrino]

Ekranas - Elbasani 1-0 ht
hajde se ka akoma 45 minuta

[il_padrino]

minuta e 55 dhe 2-0 per Ekranas

[PRI-LTN]

di gje se kush kanal e jep?

[il_padrino]

Ekranas- Elbasani 3-0

[GeNi_25]

Ekranas- Elbasani 3-0

E dhieu dhe Elbasani. Ky ekip duhet ta kalonte kete turn se i kishte mundesite!

[kacaku basket]

E dhieu dhe Elbasani. Ky ekip duhet ta kalonte kete turn se i kishte mundesite!

Pergjigjen e keni ketu