KF Elbasani, "TIGRAT VERDH E BLU"

[Genti]

Me behet qejfi qe Elbasani fitoj titullin kampion pasi ka vite qe luajn nje futboll te shkelqyer...

dhe kete sezon e meriton pasi kane qene ne vendin e pare qe nga fillimi i kampionatit..


Suksese

[AlbaneZ]

Urime Elbasanit pasi e ka merituar

[unforgiven II]

Edhe mu me vjen mire qe e mori Elbasani, sivjet ishte ekipi ma i forte. Suksese ne champions

[AIRON^BOY]

Urime Elbasanit per kete kampionat.

Un e dija sikur pata "fluturonte" nje her ne 100.000 vjet, por e paskam pasur gabim.... Se pata "fluturoi" pas 22 vjetesh perseri.

Dua ti kujtoj Elbasansve qe ne 1999 te kujtojn pak se cili ekip i ka zbritur ne kategorin e dyte. Ku Elbasani ka humbur 0-2 ne fushen e vete, Dhe ne 1998 ne kupen e Shqipris keni fituar ne Elbasan 4-1 me Apolonin.... Dhe ne Fier e dini vete ju sa ka dal ndeshja e kthimit

[miko]

Zëvendëstrajneri verdheblu, Bujar Gogunja, e vlerëson të parin nxënësin e tij


Gogunja: Suksesi i Elbasanit nis nga Kotorri




Ish portieri i njohur i Labinotit, Bujar Gogunja, në një prononcim për "Sportin shqiptar", rrëfen sezonin aktual te kampionët e rinj, si dhe fitimin e titullit kampion pas 22 vitesh, por në një rol krejt ndryshe se ai i sezonit '84. Gogunja shprehet se skuadra e Elbasanit themelet e titullit i vendosi një vit më parë, kur u shpall nënkampione e Shqipërisë. "Mund të them se qyteti i Elbasanit e priste prej kohësh një titull të tillë. Unë kisha besim se me grupin e futbollistëve që krijuam para një sezoni do të fitonim diçka pozitive," thekson Gogunja. Ndërkohë, legjenda e portës elbasanase shprehet se sezoni që sapo u mbyll ishte me të vërtetë shumë i rëndësishëm për Elbasanin.

"Presidenti Arben Laze ka meritën më të madhe për kurorëzimin kampion të Elbasanit, por nuk mund të mos kujtojmë këtu edhe punën e mirë të gjithë stafit, sidomos të futbollistëve në fushë, të cilët kanë dhënë në çdo ndeshje maksimumin e mundshëm," shton Bujar Gogunja, i cili shprehet se ky titull është tepër i veçantë për të në karrierën e tij sportive, teksa më poshtë shton:

"Unë ndihem në delir, pasi jam kampion në dy kohë të ndryshme, por ndihem këtë vit kampion më i madh se në 84', kjo edhe për faktin se sot kam kënaqësinë të punoj me një talent në portën shqiptare, siç është Elvis Kotorri." I pyetur se cili është portieri më i mirë i këtij sezoni, Bujar Gogunja, shprehet i prerë:

"Elvis Kotorri ishte më i miri nga portierët e këtij sezoni. Unë jam profesionist dhe me bindjen më të madhe mund të them se këtë sezon Kotorri ishte më i miri, edhe pse ai nuk është përzgjedhur portier i ekipit kombëtar. Po ta krahasojmë me sezonin e shkuar, Kotorri ka ngjitur shumë shkallë dhe për këtë jam krenar që punoj me një portier cilësor dhe që ka dëshirë për të ecur përpara." Trajneri i portierëve në ekipin e Elbasanit prej dy sezonesh ka arritur të formojë edhe një shkollë portierësh në këtë skuadër. Bujar Gogunja stërvit 8 portierë, duke punuar me orë të tëra, ndërsa ai thotë se nga portierët që stërvit nuk mund të bëjë dallime, pasi të gjithë kanë talent. Paraqitja e Elvis Kotorrit këtë sezon tregon qartë se shkolla "Gogunja" është duke lindur në futbollin elbasanas. Në fund të prononcimit të tij, Bujar Gogunja shprehet se Elbasanit nuk i mungojnë talentet, ndërsa thekson se skuadra e tij do të jetë edhe sezonin e ardhshëm në këto nivele.
"Nëse do të jem trajner edhe sezonin tjetër në radhët e Elbasanit, i kam vënë si detyrë vetes që të punoj akoma më shumë me portierët, sidomos me portierin titullar Kotorri. Elbasani do të kalojë dy ture të Ligës së Kampioneve," përfundon zëvendëstrajneri i Elbasanit, Bujar Gogunja. Ajo që bie në sy menjëherë në fytyrën e Gogunjës është dashuria e tij për portën dhe futbollin. Në lokalin e tij, në çdo cep të murit janë vendosur fotot e tij dhe të ekipit kampion, një pasion i vjetër për një nga tifozët e thekur të Anglisë.



Eriol Merxha drejt riaftësimit

Një nga talentet e futbollit elbasanas, Eriol Merxha, është drejt riaftësimit të plotë. Mesfushori tepër punëtor i verdhebluve është duke vazhduar stërvitjen në plazhin e Durrësit në mënyrë individuale dhe shumë shpejt pritet të bashkohet me ekipin për takimet e Ligës së Kampioneve. Kthimi i Merxhës në skuadër është një lajm tepër pozitiv për ekipin kampion, pasi riaftësimi i mesfushorit të njohur do të jetë një nga blerjet më të rëndësishme që Elbasani do të bëjë gjatë kësaj vere.



Marre nga www.sportishqiptar.com.al

[miko]

Presidenti i Elbasanit, Arben Laze, shprehet se duhet të ndryshojë forma e organizimit të klubeve




"Skaneri" i superligës përmes presidentëve

Sezoni 2005-2006 ka pak që është mbyllur dhe shumica e klubeve tashmë kanë bërë bilancet, madje kanë filluar të mendojnë për sezonin e ardhshëm, apo ekipet pjesëmarrëse në kupat europiane janë futur merkato për të thithur elementët më cilësorë.
Po sa u ka kushtuar sezoni që sapo u mbyll presidentëve tanë? A kanë mbetur të kënaqur nga ekipet e tyre? Çfarë mendojnë për gjykimet dhe trukimet, të cilat janë përmendur kaq shumë këtë sezon?
Duke nisur që sot, gazeta "Sporti shqiptar", e cila ka përgatitur një pyetësor të përbashkët për presidentët e të gjitha klubeve të superligës, do të pasqyrojë mendimet, vlerësimet dhe gjëra që ndoshta nuk janë thënë gjatë kampionatit.


Ja edhe pyetësori:

1. Sa u kushtoi sezoni 2005 2006?

2. Jeni i kënaqur me atë çfarë ka arritur ekipi?

3. Si e vlerësoni këtë kampionat që sapo u mbyll me atë të vjetshmin?

4. Sa e kanë ndihmuar, apo dënuar, trukimet dhe gjykimet skuadrën tuaj gjatë sezonit?

5. A mund të vazhdohet me këto forma organizative të klubeve tona dhe si mund ta ndihmojë shteti futbollin?

6. Si e shikoni konfliktin MTKRS FSHF?


Edhe pse ka dy vjet që është president i klubit të Elbasanit, ka arritur që në njërin preh tyre të shpallet kampion, duke fituar simpatinë e një qyteti të tërë. Arben Laze, biznesmen në fushën e ndërtimeve, vërtet ka harxhuar shumë këtë sezon, por ndihet i kënaqur me atë çfarë ekipi i tij ka dhënë gjatë sezonit, duke rrëmbyer për të dytën herë në historinë e futbollit shqiptar titullin kampion. Laze ka pranuar t'i përgjigjet me kënaqësi pyetësorit tonë, teksa i jep përgjigjet një e nga një të detajuara.


1. Fatura e sezonit 2005-2006: "Pa dyshim që sezoni futbollistik që sapo përfundoi ka qenë një nga më të kushtueshmit në historinë e klubit verdheblu. Kjo para së gjithash edhe për faktin se ne kemi zhvilluar një merkato të fuqishme, duke afruar në radhët e ekipit lojtarë nga më të mirët, por edhe për shkak se kampionti ka qenë mjaft i gjatë. Më shumë se sa shifra e shpenzimeve, për ne e rëndësishme mbetet që kemi qenë korrektë në zbatimin e kontratave që kemi bërë me futbollistët. Besoj se kjo na ka garantuar një pjesë të atij suksesi të madh që arritëm në mbyllje të aktivitetit."


2. Titulli justifikoi gjithçka: "Për klubin tonë, që u kurorëzua me meritë të padiskutueshme kampion i superligës, ky kampionat do të mbetet i paharrueshëm dhe normalisht që është më i mirë se ai i sezonit të kaluar. Megjithatë, për nga impenjimi nuk do t'i ndaja. Ndoshta këtë sezon ishim më stabël dhe e kishim krijuar eksperiencën. Ne kemi qenë nga më të mirët e këtij aktiviteti që nga fillimi i garës deri në mbarimin e saj. Objektivat tona kanë qenë ambicioze që përpara fillimit ta garës dhe falë punës serioze ia arritëm që t'i bëjmë realitet ato. Qëndrueshmëria dhe ecuria e shkëlqyer, si dhe mbështetja e disa mijërave sportdashësve në çdo stadium ku kemi luajtur i dhanë një bukuri të pazakontë kampionatit që sapo u mbyll. Në të gjitha aspektet, apo këndvështrimet që ta shohëh këtë kampionat, që nga koha e përmbysjes së diktaturës ka qenë ndër më të bukurit, si nga cilësia, edhe nga rivaliteti, që e shoqëroi deri në fundin e tij. Merita për këtë ka qenë e Elbasanit, i cili për të dytin vit radhazi u bëri një konkurrencë të fortë dhe mjaft të ndershme ekipeve të kryeqytetit, të cilët prej shumë vitesh e kishin bërë pronë të tyre titullin kampion."


3. Suksesi, plotësisht i merituar: "Nuk ka asnjë diskutim që jemi të kënaqur nga ajo që ka arritur ekipi i Elbasanit, pasi sukses më të madh se të fitosh një trofe që u ka munguar rretheve për shumë e shumë vite nuk është pak. Verdheblutë kanë konkurruar si askush tjetër ndonjëherë në historinë e deritanishme të kampionatit shqiptar dhe falë një ekipi me elementë tepër cilësorë, arriti ta kryesonte garën nga ndeshja e parë deri në mbylljen e garës. Fitoret bindëse me rivalët dhe humbja vetëm e pak ndeshjeve janë tregues të qartë të një suksesi plotësisht të merituar. Elbasani iu rikthye titullit pas 22 vitesh, por të mos harrojnë se nuk mbërriti rastësisht aty. Një sezon më parë ky ekip u shpall nënkampion i superligës, duke qenë gjithmonë i dyti.


4. I dëmtuar nga gjykimet apo trukimet: "Që të gjykosh për favorizimet, apo dëmtimet që ka pësuar një ekip nga trukimet, apo gjykimet, duhet të kesh të faktuara raste konkrete. Ne jemi kampionë jo duke përfituar nga këto fenomene, por doja të theksoja se mund të kishim grumbulluar edhe më shumë pikë nëse ndonjë ndeshje jona do të ishte gjykuar më korrektësisht. Elbasani nuk i ka fituar ndeshjet me 11 metërsha në fundin e tyre, por me rezultate të pastra në shumicën e rasteve dhe nëpërmjet lojërave bindëse. Kompromise ka pasur në dëm të ekipit tonë, sidomos nga ekipet rivale, të cilët, kur e kuptuan se ne ishim të pathyeshën dhe të pakapshëm, nxorën në treg thashethemet për gjoja trukim të kampionatit të superligës. Ka qenë një turp i tyre që kërkuan ta njollosin këtë kampionat deri në provokimin e incidenteve të turpshme mes tifozërive gjatë ndeshjeve me rivalët."


5. Të ndryshojë funksionimi i klubeve: "Nuk ka asnjë dyshim që forma e organizimit të klubeve tona të futbollit duhet të ndryshojë. Në këtë aspekt, mendoj se jemi mjaft të vonuar dhe gjithçka duhet të bëhet me ritme të shpejta. Eksperienca e klubeve europiane nuk mungon dhe ne duhet ta ndjekim këtë shembull. Personalisht nuk mund të flas me detaje, pasi janë specialistët ata që duhet të bëhen protagonistë të argumentimeve për një ndryshim të formës së organizimit të klubeve tona. Në klubin tonë ka një përvojë të mirë në këtë drejtim në dy vitet e fundit, por është nevojë urgjente që ritmet e ndryshimeve të jenë edhe më të shpejta. Pa dyshim që shteti duhet të jetë faktor pozitiv në këtë drejtim. Futbolli shqiptar ka nevojë për ndihmën e "makinës" shtetërore, sepse pa të nuk mund të ecë përpara ky lloj sporti. Se si mund ta ndihmojë shteti futbollin dihet, por ajo që do të kërkoja është që ai të mos bëhet pengesë për ata që kanë marrë përsipër të kontribuojnë për zhvillimin e sporteve."


6. MTKRS-FSHF, zgjidhje ligjore: "Palët në konflikt pretendojnë se secila prej tyre ka të drejtë në atë që thotë, kështu që për ne, që nuk jemi pjesë e tyre, është e vështirë të bëjmë komente rreth kësaj përplasjeje. Por duke u nisur nga interesat e futbollit, mendoj se ai duhet të ishte zgjidhur, ashtu sikurse duhej të mos kishte arritur deri në këtë shkallë. Përplasje kaq të forta dhe që mund të rrezikojnë deri në vendosjen e sanksioneve ndaj ekipeve shqiptare nga UEFA nuk ka përse të krijohen kur jemi në një shtet ligjor. Nga ana ime uroj që nga përplasja të mos dëmtohet futbolli."


Tetova përgënjeshtron: Nuk iki nga Elbasani!

Zërat e merkatos në kampin e kampionëve janë shtuar se tepërmi dhe pikërisht një pjesë e mirë e futbollistëve të Elbasanit ende nuk e dinë të ardhmen e tyre, por një gjë është e sigurt, skuadra kampione do të ketë në gjirin e saj të gjithë futbollistët e sezonit të shkuar, kjo edhe në sajë të dëshirës së vetë futbollistëve verdheblu. Edlir Tetova, që ditët e fundit është përfolur shumë për një largim nga Elbasani, në mënyrë kategorike ka hedhur poshtë gjithçka. Edlir Tetova është shprehur se nuk do të largohet nga Elbasani, madje Tetova për të ardhmen e tij thekson shumë shkurt se zemra e tij do të jetë përjetësisht verdheblu, duke shtuar se ai kërkon të jetë pjesë e ekipit të Elbasanit për shumë sezone të tjera. Jam kampion për herë të parë në karrierën time dhe kjo falë ekipit të Elbasanit. Kurrë nuk do të largohem nga kjo skuadër për asnjë arsye të vetme, madje jam i gatshëm të qëndroj edhe në stol, vetëm që të qëndroj me Elbasanin," - shprehet Tetova.


Marre nga www.sportishqiptar.com.al

[miko]

Foto nga festa verdheblu...

[miko]

Festa vazhdon...

[Qerim]

Mos u gezoni kot ! Elbasanin e vertete do ta shikoni ne Champions Liege ,ku pervec Maltes nuk besoj te mposhte dike. Dhe keshtu do ti dalin fletet byrekut te ketij kampionati te trukuar.Po te mos beje perforcime Elbasani eshte i 'vdekur".

[miko]

Vazhon....


Ps.Fotot jane marre nga www.kfelbasani.com