KF Elbasani, "TIGRAT VERDH E BLU"

[miko]

Dita e djeshme ka qenë e paharrueshme për Elbasanin, "mbretin" e ri të futbollit shqiptar




Ekipi i Elbasanit është shpallur dje zyrtarisht kampion i superligës dhe kjo ditë për banorët e këtij qyteti, do të mbetet e paharrueshme për shumë e shumë arsye. Nuk besohet të ketë ndodhur ndonjëherë tjetër në historinë e këtij qyteti, ku i madh e i vogël të festojë aq marrëzisht sa gjatë ditës së djeshme, kur verdheblutë për herë të dytë në historinë e klubit të futbollit të qytetit të Elbasanit, fitojnë titullin Kampion i Shqipërisë. Një festë me përmasa thuajse kombëtare, ka mbizotëruar për orë të tëra në qytetin e lashtë të Elbasanit. Festa e kurorëzimit të Elbasanit kampion i superligës dje, ia ka kaluar edhe përmasave të festës tredicionale të Ditës së Verës. Me mijëra vetë, të ftuar e të paftuar, të mbërritur nga qytete të ndryshme të Shqipërisë, kishin zgjedhur qytetin e Elbasanit për të përjetuar emocionet e zyrtarizimit të verdhebluve kampionë të rinj të superligës. Që në orët e para të mëngjesit të së shtunës, rrugët dhe sheshet e këtij qyteti janë gjallëruar së tepërmi. Në sheshin para stadiumit "Ruzhdi Bizhuta", me qidra sportëdashës të mbërritur edhe nga rrethet kërkonin një biletë pa pasur asnjë lloj pretendimi për vendin, ndryshe nga herët e tjera. Dyndja e pazakontë pritej, por që në shkallët e stadiumit të Elbasanit dje të sistemoheshin 15 mijë vetë, kjo as që ishte marrë me mend. Megjithatë, i madh e i vogël, nuk është privuar nga kënaqësia e përjetimit të festës sportive me përmasa historike. Personalitete të shumta të artit, kulturës, por edhe nga të gjitha fushat e tjera kanë tejmbushur stadiumin "Ruzhdi Bizhuta". Mëse një mijë femra të ardhura së bashku me të afërmit e tyre nga qytetet e tjerë, kanë bërë tifo për kampionët më të rinj të Shqipërisë. Rreth 5 mijë flamuj të vegjël dhe të mëdhenj, janë valëvitur në të katër anët e stadiumit për orë të tëra. Ndërkohë që në fillim të ndeshjes, një tjetër mjaft gjigand është shpalosur në mesin e fushës me mbishkrimin: "Elbasani kampion!". Fishekzjarre e tullumbace pa fund janë lëshuar drejt qiellit të pastër të shoqëruar me thirrjet: Kampion, kampion, kampion! Këngëtarë të njohur vendas dhe nga kryeqyteti kanë dhënë një koncert për mëse dy orë përpara takimit, duke e ndezur atmosferën, e cila e ka arritur kulmin pas kalimit në avantazh të verdhebluve. Gjatë kohës që luhej takimi, një limuzinë e mbuluar me flamurin verdheblu ka bërë një xhiro në pistën e stadiumit, ndërsa spektatorët kanë kënduar himnin e ekipit. Pas përfundimit të takimit me Shkumbinin, është dashur afro një orë që ekipit t'i jepej nga presidenti i FSHF-së, Armand Duka, Kupa dhe medaljet e titullit Kampion i Superligës, pasi me mijëra tifozë janë futur në fushë për të uruar futbollistët për këtë sukses të munguar prej 22 vitesh. Më pas me një autobus të zbuluar, të përgatitur enkas për të bërë xhiron e triumfit, ekipi verdheblu është nisur drejt sheshit qendror të qytetit, aty ku për 10 orë është festuar. 1 km rrugë u ka kushtuar një orë futbollistëve, pasi qytetarët nuk kanë rreshtur së uruari sportistët për fitoren e titullit kampion. Në sheshin "Gensher" para kalasë së Elbasanit, mëse 50 mijë elbasanas kanë pritur me duartrokitje të nxehta dhe me këngën himn, ekipin e tyre të zemrës. Në podiumin e ngritur para portës së kalasë, janë ngjitur njëri pas tjetrit të gjithë lojtarët të emocionuar, por të gëzuar si rrallëherë. Kryetari i bashkisë, Ardian Turku e ka cilësuar historike këtë fitore dhe i ka uruar në emër të stafit që drejton futbollistët, por nuk ka harruar t'u kërkojë që këtë sukses ta përsërisin edhe në edicionet e ardhshme. Nevil Dede, kapiteni që elbasanasit e kanë aq shumë për zemër, e ka ngritur në kupën e qiellit entuziazmin e të pranishëmve në shesh, me mënyrën krejt origjinale të festimit të këtij suksesi. Shoku i tij i ngushtë, Skerdi Bejzade ka qenë i papërmbajtshëm dhe u ka premtuar elbasanasve, se titulli kampion do të mbetet pronë e ekipit verdheblu edhe në vitet e tjera. Urimet e fituesve dhe emocionet kanë qenë të pafundme dhe së bashku me presidentin Arben Laze e drejtuesit e ekipit, në podiumin e ngritur në sheshin qendror, është kënduar e kërcyer jo vetëm nga këngëtarët më me zë të Shqipërisë, por edhe nga verdheblutë.


Marre nga www.sportishqiptar.com.al

[miko]

Flasin kampionët e Elbasanit


Arben Laze,Presidenti: Një titull plotësisht i merituar. Kemi luftuar për dy vite rresht dhe më në fund u shpërblyem për punën tonë. Edhe fitorja e sotme me Shkumbinin vërtetoi se ekipi nuk bën asnjë lloj kompromisi. Do të vazhdojmë në këtë mënyrë, duke e mbajtur Elbasanin në majat më të larta të futbollit shqiptar sa më gjatë të mundemi. Dua të krijoj një dekadë mbizotërimi ekipit tim. Pra nuk do të jetë titulli i fundit ky për Elbasanin. Por Elbasani do fillojë përgatitjet për t'u paraqitur sa më denjësisht në kupën e kampioneve, pse jo të lëmë gjurmë si ekipi shqiptar më i suksesshëm në këtë kompeticion.

Gentian Çërraga, zëvendëspresidenti: Ka qenë dita ime më e shënuar dhe pa dyshim që kam pasur emocione. Ju garantoj se nuk do të jetë suksesi i vetëm, pasi do të tjerë do të realizojmë në sezonet e ardhshme. Jemi ekipi që i kemi dhënë gjallëri kësaj superlige dhe të tillë do të mbetemi për shumë kohë.

Nevil Dede, kapiteni: Sot i kam shtuar një tjetër trofe karrierës sime të gjatë, por si ky i sivjetmi me Elbasanin do të mbetet më i bukuri. Të festosh me kaq shumë tifozë dhe me kaq njerëz që të përkrahin është fantastike. Nuk kam se çfarë të them tjetër, veçse urimet më të mira për qytetin e Elbasanit, i cili na ka trajtuar jashtëzakonisht mirë.

Skerdi Bejzade, sulmues: I kemi bërë një mbyllje perfekte sezonit. Kënaqëm edhe publikun. Nuk kisha parë kurrë kaq shumë njerëz stadium kur kam luajtur vetë dhe për t'i respektuar ata u dhuruam një tjetër fitore. Titulli i fituar prej nesh është sa pesë të një ekipi kryeqytetas.

Ilir Qorri, mesfushor: Kur erdha tek Elbasani, nuk e besova se mund të shpallesha kampion. Tani s'më mbetet gjë tjetër, veçse të falenderoj Zotin që gjithçka shkoi më së miri.

Klevis Dalipi, sulmues: Do të jetë një ditë e paharruar për mua. Jam përpjekur të jap maksimumin, ashtu siç ka bërë e gjithë familja ime për ekipin elbasanas. Fati më solli mua të ngre këtë trofe, por këtu kanë pjesë të gjithë.

Elvis Kotorri, portier: Ka qenë sezoni më i shkëlqyer i karrierës sime. Titulli është plotësisht i merituar, të cilin ia dedikojmë tifozërisë dhe presidencës sonë këtë titull, pasi pa ndihmën e tyre sot nuk do të ishim këtu.

Albert Kaçi, sulmues: Kam besuar shumë kur u riktheva në ekip, por tani që po ngre lart trofeun më duket si në ëndërr. Duhet të kishim ngritur edhe vjet këtë trofe, megjithatë Zoti na e shpërbleu sivjet. Besoj shumë që ekipi do të jetë në këto nivele edhe për disa sezone të tjerë.

Erion Rizvanolli, sulmues: Jam kampion i vërtet. Më në fund realizova ëndrrën time. Do të kisha dashur të shënoj në ndeshjen e fundit me Shkumbinin, por ekipi fitoi sërish dhe natyrisht që më kënaq pa masë. Falenderoj të gjitha ata që na mbështeten në punën tonë.

Julian Brahja, mbrojtës: Jam shumë i lumtur. Eshtë titulli i parë për mua dhe si i tillë paska emocione të mëdha. Nuk besoj se do të prvoj kaq shumë emocione sikur të fitoj trofe të tjerë.

Safet Osja, mesfushor: E kam fituar njëherë titullin me Vllazninë. Nuk mund t'i ndaj nga njëri-tjetri për nga rëndësia dhe emocionet, pavarësisht se nuk kam luajtur për ekipin e qytetit tim. Elbasani për dy vite rresht më ka trajtuar si birin e vet dhe unë i jam borxhli akoma tifozërisë për nga respekti.

Hetlem Çapja, mesfushor: Të jeni të bindur se Elbasani do të ngre shumë trofe tani e tutje. Ky është vetëm fillimi i një epoke. Si elbasanas, më del detyrë të lodhem pak më shumë se të tjerët, por do ta bëj me kënaqësi, sepse ia vlen të sakrifikosh për këtë tifozëri.

Abraham, mesfushor: Gjatë këtij sezoni më është dukur vetja sikur luaja me një ekip të madh europian. Nuk do ta ndërroj Elbasanin me asnjë ekip tjetër. Kisha dëshirë ta regjistroja edhe unë emrin si golashënues në kampionat, por fati nuk e deshi. Nuk se mërzitem shumë për këtë gjë, veçse do të ishte më bukur.

Arlind Nora, sulmues: Kam besuar që nga fillimi dhe tani vetëm sa bëmë realitet atë që deklaruam në fillim të sezonit. Nuk është se ka qenë e thjeshtë kjo arritje, madje shumë e vështirë, por grupi që kishte në përbërje Elbasani të linte të kuptosh se do të ishte fitues në fund.

Edlir Tetova, mbrojtës: Sot jam i gëzuar dy herë. Së pari, për ekipin ku luaj që u shpall kampion. Së dyti, për Teutën time që iu dha shansi të ndeshet me Skënderbeun për të diskutuar rënien nga superliga.

Endri Vrapi, mbrojtës: Elbasani më dha kombëtaren dhe në këtë drejtim nuk do të shkëputet nga mendja ime ky sezon. Nëse nuk do të luaj jashtë shtetit, besoj se do mbetem gjithmonë lojtar i këtij ekipi, pasi jam si në shtëpinë time.

Gentian Stojku, sulmues: Po jetoj rininë time të dytë. E kisha menduar tërheqjen nga futbolli, por tani më duket sikur ky titull më ka dhënë shumë fuqi sa mund të vazhdoj edhe disa sezone.



Marre nga www.sportishqiptar.com.al

[miko]

Titulli, “vere 22 vjecare”


Fantastike, e mahniteshme, emocionuese deri ne perlotje. Dje pasdite shumekush vuri re se sa i vogel na qenkej “Ruzhdi Bizhuta”. Dhe, sa “zemergjere”, perderisa i pranoi te gjithe aty brenda. Ndersa prania e qindra sportdasheseve femra, te cilat, ndonese u ishte caktuar nga organizatoret nje nga tribunat anash asaj qendrore, i shikoje edhe ne pjese te tjera te stadiumit, tregoi se sporti i futbollit e ruan traditen qe ka patur, nese e vlereson realisht, e organizon seriozisht, duke i bere ndoshta me turp ata qe gjithcka e shohin vetem bardh e zi, madje, vetem zi. Ishte emocionuese tek degjoje mijerat e sportdasheve te therrisnin emrat e futbollisteve kampione nje e nga nje, permes “ole” se se famshme. Ishte dicka e bukur kur po keta sportdashes pershendesnin edhe idhullin e futbollit peqinas, Gugash Maganin, i cili, i emocionuar, ua kthente pershendetjen me duartrokitje. Ishte e vecante pjesemarrja ne tribunen “Vip”, krahas presidentit te FSHF, Armando Duka, edhe e nje “Vip i” tjeter per elbasanasit, ish trajneri i verdhebluve sezonin e kaluar, Artan Bushati, i cili vuri bazat e nje skuadre qe do te behej kampione pas ikjes se tij. Ishte kenaqesi te provoje mbresat e pershendetjes se grupit te kercimtareve nga Vlora, i cili kishte ardhur ne Elbasan enkas per t- pershendetur kampionet e superiores, pasi me pare paten festuar per skuadren e tyre, Flamurtarin, qe iu bashkua “shoqerise” se me te mireve sezonin e ardhshem. Bashke me ta pershendeten edhe shume kengetare e artiste te njohur, si edhe banda frymore e Elbasanit. Dhe, se fundi, emocione te pakrahasueshme te jepte tablloja e gezimit te pergjithshem qe shpertheu ne castin qe trofeu i kampionatit kaloi nga dora e presidentit Duka te kapiteni i verdhebluve, Nevil Dede. U la menjane programi i hartuar ne leter, ndersa te gjithe futbollistet perfunduan mbi supet e fansave qe shperthyen ne delir...



Festa vazhdon...

Rreth nje ore e gjysme pas perfundimit te ndeshjes, ndonese stadiumi u zbraz nga sportdashesit, asnje prej tyre nuk u largua, por u rreshtuan ne te dya anet e bulevardit kryesor per te pritur skuadren, qe do te pershkonte rrugen deri ne qender te qyteti, ku do te vazhdonte festa popullore. Futbollistet verdheblu, pasi dolen nga dhomat e zhveshjes, per minuta te tera rane “pre” e mediave te shkruara e televizive, duke dhene intervista e duke bere foto te panumerta me trofeun ne mes. Kulmi tjeter i festimeve ishte parakalimi i autobusit veror, ne te cilin hipen te gjithe futbollistet elbasanas, te pershendetur nga sirena e bori makinash, neper te gjitha rruget e qytetit, duke i dhene ketij te fundit nje pamje festive te jashtezakonshme. Ngado, neper pallatet e rrugen ku kaloi autobusi i ngjyrosur i teri ne verdheblu, u pershendet nga te gjithe banoret e qytetit, nga ballkone e taraca pallatesh. Nje atmosfere vertete emocionuese, qe solli skuadra e futbollit e Elbasanit dhe qe tronditi edhe zemrat me te hekurta... Ne qender te qytetit, te porta e Kalase, u mblodhen te gjithe per te realizuar epilogun e festes. Kenge e valle, daulle qe nuk pushonin, altoparlante te fuqishem pershendesnin skuadren kampione. Forca e gezimit popullor ishte e jashtezakonshme. Ishte i kote dyshimi per intensitetin e gezimit. Sepse gezon i gjithe qyteti...


Marre nga www.sportekspres.com

[miko]

Kur “endrra” preket me dore


Edhe pse pritej kjo dite, kur Elbasani do te kurorezohej me titullin e kampiones, dita e djeshme ka qene e vecante, jo vetem per skuadren e stafine saj, por per te gjithe qytetin. E kishin perjetuar edhe me pare nje gezim te tille, ne ate vit tashme te larget 1984, kur “portokallinjte” e fituan titullin per here te pare ne historine e futbollit te qytetit. Ka qene nje dite e shenuar, qe mbahet akoma mend, sidomos nga veteranet e skuadres, “Labinoti” i athershem, por dhe nga sportdashesit me te “pjekur”. E, megjithate, ajo e djeshmja ka qene e vecante per nga permasat dhe entuziazmi, kur jo vetem stadiumi, por edhe rruget e sheshet e qytetit ishin ngjyrosur ne verdheblu. Stadiumi eshte pushtuar nga banderolat, tollumbacet e deri te flamuri i stermadh, nje pamje e jashtezakonshme, qe mund te krahasohej me ngjarje te ngjashme ne vende te tjera. Njerezit, ne te vertete, nuk kishin ardhur per te pare ndeshjen, por per te prekur “endrren”, qe ne heshtje e kishin nanurisur per kaq vite breza futbollistesh e fansash. Kane qene shume prane vitin e kaluar, por jane mjaftuar ne rolin e “shoqerueses” se “Zonjes bardheblu”. Dhe, ndersa te tjeret mund ta kishin quajtur si nje rastesi, elbasanasit projektonin kapercimin, per t’u ngjitur ne maje. Kane ngjitur “maloren” duke “care eren” ne pjesen me te madhe te rruges, edhe pse ne ndonje moment mund te jene lekundur. Por, kane patur mbeshtetjen e presidentit Laze e te stafit te tij, ne “timon” kishin nje trajner te ri e ambicioz, si Daja, qe nuk mund te pranonte hapa prapa, ndersa jane mbeshtetur nga nje numer rekord fansash, qe, pertej tejkalimeve ne ndonje rast, kane qene ne nivelin e skuadres kampione. Eshte momenti kur te gjithe “fluturojne” e nuk bejne analiza, per to do te kete kohe, edhe pse thuhet se “fituesi nuk gjykohet”. Te gjithe ne Elbasan kane festuar, nje qytet i tere eshte lumturuar, pasi e ka prekur endrren me dore


Marre nga www.sportekspres.com

[miko]

Nuk eshte me enderr,eshte realitet..

Ekipi yne i zemres eshte perseri ne majat e futbollit shqiptar.Ekipi im i zemres eshte perseri mbreti i futbollit shqiptar.Emocione te paimagjinueshme me kane rrembyer dje ne momentet kur ndiqja pamjet filmike.Eshte nje enderr qe u be realitet....

Jemi Kampionet e Shqiperise...

Nuk kam koment tjeter vecse dua te falenderoj gjithe ata qe kane lexuar kete teme,ata qe kane marre pjese ne te dhe pikerisht ata tifoze me te cilet kemi debatuar pothuajse dy vjet per ekipet tona,ecurine dhe problemet e kampionatit shqiptar.

Elbasani me ne fund arriti te realizoje endrren e tij...u shpall Kampion i vetem kundra te gjitheve...


Forca cuna


Gjithmone verdh e blu

[FЯODO]

Urime Elbasanit per titullin kampion.
Desha ta bej qe javen e kaluar urimin por me pezulluan llogarine
Elbasani e meritoi komplet titullin, ishte skuadra me e mire e Superliges dhe shpresoj qe te na perfaqesoje denjesisht ne Ligen e Kampioneve.

-- ca lexova une qe kerkojne ta largojne Dajen dhe duan te sjellin trainer kosovar?

[miko]

Pamje nga festa verdheblu..

[miko]

Kampionet ne autobuzin e hapur,duke festuar e duke adhuruar nga i gjithe qyteti qe ate mbremje ishte i teri ne feste..

[miko]

Sulmuesi Arlind Nora thotë se verdheblutë do të përfaqësohen denjësisht edhe në kupat e Europës


"Elbasani nuk do të zhgënjejë edhe në ligën e kampioneve." Këto janë fjalët e para të sulmuesit gjirokastrit të verdhebluve, Arlind Nora, në një intervistë për "Sportin shqiptar". Nora tregon ambiciet që ka ky ekip edhe në kupat e Europës, duke dashur të lërë gjurmë si ekipi shqiptar që është paraqitur më mirë në kompeticionet europiane. Sulmuesi i Elbasanit gjithashtu tregon edhe synimet e tij për të ardhmen. Për më gjerë ja dhe përgjigjet e bjondit gjirokastrit:

Një kampionat i kurorëzuar me sukses nga Elbasani, apo keni ndonjë dyshim?

Nuk kishte se si të përfundonte ndryshe. Elbasani e nisi me "marshin e pestë" që në fillim dhe këtë ritëm e ruajti deri në fund. Besoj se ky sukses ishte i parashikuar, pasi një vit më parë Elbasani ishte shumë pranë titullit kampion.

Cilin kundërshtar keni pasur më frikë gjatë këtij sezoni?

Me grupin që kemi sinqerisht është shumë e vështirë të bësh dallime, pasi të gjithë futbollistët janë të një kalibri profesionist, nga më të mirët e kampionatit tonë të futbollit. Elbasani frikë nuk ka pasur asnjë skuadër, me përjashtim të vetvetes, ku shpesh kemi lënë pikë edhe për fajin tonë. Këtu dua të shtoj barazimin me Dinamon në fushën tonë.

Titulli i parë në karrierën tuaj, cili është komenti juaj?

Në futboll, fitorja e një trofeu të rëndësishëm është diçka që mbetet edhe pas largimit nga fusha e blertë, kështu që nuk ka gjë më të bukur se të shpallesh kampion. Kur zgjodha Elbasanin, me këtë qëllim e bëra, që të fitoja titullin kampion dhe për këtë dua të falënderoj edhe presidentin Laze për besimin që ka ndaj meje.

A do të qëndroni edhe sezonin e ardhshëm tek Elbasani, apo...?

Nuk besoj se ka dëshirë ndonjë futbollist të largohet nga skuadra kampione, e cila të siguron edhe një sezon tjetër me objektiv sërish titullin kampion. Unë jam me zemër elbasanas. Tashmë ky titull më ka afruar akoma më shumë me këtë qytet. Jam duke menduar për Ligën e Kampioneve dhe kam besim se Elbasani do të bëjë surprizë edhe në Europë.

Kujt ia dedikoni titullin kampion?

Në radhë të parë, tifozërisë së Elbasanit dhe kryetifozit Gëzim Pepa, por pa harruar edhe familjen time. Mendoj se ky titull është i përbashkët, me gjithë stafin, tifozët dhe pa dyshim që do të jetë i paharrueshëm për mua, pasi është i pari. Shpresoj të fitojmë edhe në sezonin e ardhshëm. Do të ishte ideale për të gjithë.





Abraham, edhe vitin tjetër me kampionët

Një ndër futbollistët më të mirë të verdhebluve gjatë këtij sezoni është pa dyshim edhe mesfushori 20 vjeçar, afrikani Abraham, i cili është shpallur kampion me Elbasanin. Afrikani, i cili u shpall edhe mesfushori më i mirë i sezonit te skuadra e Elbasanit, është shprehur se kurrë më parë nuk e kishte menduar se do të shpallej kampion i Shqipërisë. "Kam tre vjet që jetoj në Shqipëri dhe kur kam mbërritur për herë të parë isha pothuajse i hutuar dhe mbi të gjitha isha i turbullt, pasi nuk luaja në superligë dhe e kisha të vështirë që të mendoja se një ditë do të fitoja ndonjë trofe," shprehet Abraham. Më poshtë, numri 16 i verdhebluve, i cili flet mirë gjuhën shqipe, shprehet se Elbasani i dha mundësinë të fitonte këtë trofe, teksa thotë: "Jam si në shtëpinë time. E kam kuptuar se për futbollistët e huaj nuk është e lehtë që të fitosh një vend titullari dhe të fitosh një titull kampion, por në Elbasan mendoj se mundësitë janë për të gjithë. Endrra ime është të luaj në një kampionat të madh, por jo për para, ndërsa Elbasanin nuk mund ta ndërroj me asnjë skuadër tjetër." Ndërkohë që ka marrë disa oferta nga ekipe të kryeqytetit, afrikani thotë se të paktën edhe në sezonin tjetër do të luajë për ngjyrat e Elbasanit



Marre nga www.sportishqiptar.com.al




Jam munduar te ve disa foto por nuk dalin,biles njera mesa shoh qenka fshire.A mund te me sqaroje ndonje moderator perse ka ndodhur dicka e tille ?

[Bianconero]

Urime mbare Elbasanit per kete titull te fituar plot merite. Suksese te metejshme...