Albin Kurti Dhe Biseksualizmi I Politikaneve Tane

[Kandili 1]

ALBIN KURTI DHE BISEKSUALIZMI I POLITIKANËVE TANË!

Shkruan: Adnan ABRASHI-NANDA, Prizren

Që të jesh i arsyeshëm dhe ta kesh një pasqyrë sa më të qartë të realitetit aktual politik në Kosovë, të gjitha gjërat duhet t’i marrësh, jo ashtu si prezantohen, por mbrapsht.
Mu kjo pra është ajo formula “mistike” pse unë gjithmonë ia qëlloj disa sendeve, dhe njerëzit po kujtojnë se jam vërtetë i mençur.
Ja edhe shembulli i fundit:
Kur, këto ditë, një mik i imi më njoftoi për lajmin e gëzuar se më në fund u lirua Albin Kurti nga paraburgimi, unë pa një pa dy, iu përgjigja:
- Dokrra, ai u lirua që sërish të hyn në burg!
Miku, më shikoj i befasuar duke u shfry me emocion në mua:
Ti je PESIMIST i papërmirësueshëm!
E po, ndodhi ajo çfarë ndodhi, dhe Albini shpejt u gjet përsëri prapa grilave.
Thjesht “ja ngulën”, sepse, te ne në politik, çdo gjë e ka “me të ngulme”
- E, nga e dite ti?! – menjëherë, po atë ditë, më pyeti në telefon miku im “optimist”. Desha. s’desha, ia zbulova s’pari atij formulën time të “famshme mistike”: “Të jesh i mençur, jarani jam, të gjitha gjërat në Kosovë duhet t‘i marrësh mbrapsht, psh.: atikorrupsion-korrupsion, pavarësi-varësi, “Kosova do të jetë shtet i pavarur”- Kosova kurrë s’do të jetë shtet i pavarur, demokraci-totalitarizëm, sinqeritet-hajni, u lirua Albin Kurti –s ërish do të hyj në burg Albini... E shikoni se si funksionon në mënyrë të përsosur?!
Shprehia që gjërat gjithnjë t’i shikoj mbrapsht, më la edhe pasojë: Merrni me mend, me kohë fillova edhe të mendoj mbrapsht. Ta zëmë, a besoni se ne, ndoshta si një shtet i ardhshëm, do të kemi politikë dhe politikan biseksual?! Çka do të thotë kjo?!
Epo, thënë troç popullorçe: në një anë, mu “shkërdhy” me të huajit që do të na mbikëqyrin, e në anën tjetër, ata me na “shkërdhy” neve si popull. Vërtetë! Dikush mund t’më bëj vërejtje se një gjë po ndodh edhe tani, po nuk është ashtu!
Dikuuuurrrrë kur të bëhemi të pavarur, atëherë, pozitat e aktit të “shkërdhymjes”do të jenë pak më ndryshe.
- Ha, ha, ha, ha...Fillova të qeshi me zë. Mu kujtua ajo barsoletë nga koha e komunizmit, me një drejtor dhe sekretareshën e re të tij:
- Na ishte një herë një drejtor dhe kishte vendosur të hapte konkurs për pranimin e një sekretareshe personale. Por, biri i botës, përveç kushteve të përgjithshme të parapara me ligj, ai kishte përgatitë edhe një listë me disa kushte, të cilat, paraprakisht, duhet t’i pranoj kandidatja. Nga shumica e tyre, që ishin lajmëruar në konkurs, drejtori e përzgjedh një si më të mirën, e cila, po ashtu i kishte pranuar edhe kushtet speciale të drejtorit .
Përveç disa obligimeve zyrtare si sekretaresh, ajo duhet t’i përmbahej edhe një orari specifik:
Në ora 8 të mëngjesit-duhet ta sjellë kafenë së bashku me ilaçin për tensionin e gjakut,
Në ora ....
Në ora 9 të mëngjezit “SEX”...etj.
Me të filluar dita e parë e punës, sekretaresha e posa pranuar, fillon me pedanteri t’i plotësoj kushtet e veçanta të drejtorit. Posa vije ora 9, ajo fillon t’i dishte teshat nga trupi. Me të parë këtë akt, drejtori befasohet dhe ia tërhjek vërejtjen sekretareshës:
Ehej...çfarë je duke bërë?
Po ... sipas kushteve që mi parashtruat, a nuk shkruan SEKS në ora 9 të mëngjesit?- përgjigjet edhe më e habitur sekretaresha?
O jo, e dashura ime! E ke keqkuptuar – reagon drejtori - Seks në ora 9 është si një tregues për t’ma përkujtuar se pikërisht në kohë unë duhet të lajmërohem në KOMITET (Zyra e Lidhjes së Komunistëve të RSFJ-së) . E kam shënuar ashtu, sepse aty gjithnjë më “shkërdhejnë” të tjerët me poste dhe kompetenca më të larta se unë!
E tani, si asociacion, unë tentova ta marr me mend gjendjen pas pavarësisë së Kosovës: Mos vallë çdo politikani tanë, në kontratën e punës, do t’i shkruaj ora, kur ata çdo ditë duhen të lajmërohen që t’i “shkërdhej” shefi i vetë mbikëqyrës ndërkombëtar?
Atëherë, a nuk do të kemi në “shtetin e ri të Kosovës” një praktikë të BISEKSUALIZMIT POLITIK, në të cilën, politikanët tanë, do t’i “shkërdhej” dikush tjetër i huaj, e më pas, ata do t’na “shkërdhejnë” neve si popull?
Duke u marrë me këto mendime të “krisura”, ende nuk e kam të qartë se, pse kjo “orgji biseksuale” i pengon Albin Kurtit, kur ne, virgjinitenin e kemi humbur kaherë!??
Vërtetë ndjehem sot i çmendur me këtë filozofi të “mbrapshtisë” ...Ju lutem, mos ma zini për të madhe...




Arbitrariteti i drejtësisë policore
„APROVIMI PËR TA PËRDORUR GAZIN LOTSJELLËS DHE PLUMBAT E GOMËS ERDHI NGA KOMANDANTI I NJFP TË RUMANISË, OLARU, I CILI E KISHTE MARRUR URDHËRIN NGA UNMIK-u“- 06.07.20007 /


(Fjalimi i Albin Kurtit i mbajtur në seancën gjyqësore më 6 korrik 2007)


Në komunikatën për media të publikuar dhe transmetuar me 5 qershor 2007, në të cilën është theksuar se Prokurori Ndërkombëtar ka ngritur një aktakuzë kundër meje, është përdorur shprehja “protesta e dhunshme e Vetëvendosjes”. Kjo është tërësisht absurde. Së pari, është paturpësisht e njëanshme. Së dyti, është e rrejshme dhe dashakeqe. Duke e sulmuar protestën me këtë komunikatë për shtyp, u konfirmua motivi politik i atyre që e përpiluan.

Protesta nuk ishte e dhunshme. Ne, aktivistët e Lëvizjes VETËVENDOSJE! dhe disa mijëra qytetarë që na u bashkuan, ishim duke marshuar paqësisht në rrugën “Nëna Tereze” me 10 shkurt 2007, ashtu siç e kishim planifikuar dhe paralajmëruar dy javë më herët. Forcat policore ishin të dhunshme. Ato e ndaluan marshin tonë duke e bllokuar rrugën. Për më tepër se kaq, forcat policore përdorën dhunë vdekjeprurëse. Nga distanca e afërt ata gjuajtën direkt në ne me plumba gome me afat të skaduar. Njësia e Formuar Policore (NjFP) e Rumanisë shkrepi gjithsej 144 breshëri plumbash gome gjersa NjFP e Polonisë shkrepi 89 breshëri të mbushjeve me plumba gome. Dy demonstrues u vranë, 82 u plagosën, disa prej tyre shumë rëndë.

Në Raportin e Parë të Task Force “10.02.2007” dorëzuar te Prokurori Publik me 16 prill 2007, në faqen 28, nga deklarata e pjesëtarit të NjFP të Rumanisë, DENES Lorand Levente, data e lindjes 29.03.1972, mësojmë me sa vijon: “Aprovimi për ta përdorur gazin lotsjellës dhe plumbat e gomës erdhi nga komandanti i NjFP të Rumanisë, OLARU, i cili e kishte marrur aprovimin nga UNMIK-u”. Në faqen 24 të raportit të njëjtë, në deklaratën përmbledhëse të MOCANU Mugurel-Florin, data e lindjes 5.03.1976, thuhet edhe kjo: “Ai dëgjoi se zëvendëskomandanti i NjFP, FILIPAS, i ka thënë komandantit të togut se përdorimi i gazit lotsjellës dhe plumbave të gomës ishte i autorizuar … ai nuk ka dëgjuar kurrfarë paralajmërimesh dhënë demonstruesve”. Pra, kishte një hierarki me kokën e saj politike në UNMIK, kishte armatim vdekjeprurës, qartazi jo për ta ekspozuar por për ta përdorur atë, si dhe qëllimi për t’i lënë demonstruesit të papërgatitur duke mos i paralajmëruar ata për përdorimin e plumbave të gomës.

Në raportin e tij të përkohshëm, Prokurori Ndërkombëtar Robert L. Dean, duke iu referuar vdekjes së Mon Balajt dhe Arben Xheladini si dhe plagosjes së Zenel Zenelit, thotë “Krimet në fjalë për të cilat ekziston dyshim i bazuar janë Vrasje, Vrasje nga Pakujdesia, Vrasje në Tentativë, dhe Lëndime të Rënda Trupore”. Po ashtu fjalia e parë nga “Përfundimi” i raportit të tij është: “Dëshmitë e deritanishme shpijnë në konkluzionin se vdekjet e Mon Balajt dhe Arben Xheladini ishin të panevojshme dhe të shmangshme”. Robert L. Dean nuk e përmend ASKUND në raportin e tij të gjatë shprehjen “protestë e dhunshme” ashtu siç bëri Departamenti i Drejtësisë.

Më 10 shkurt 2007, mua më kanë goditur disa herë me shkopinj policia e UNMIK-ut pasi që dështuan të më vrasin. Një aktivist i Lëvizjes më shpëtoi duke larguar tytën e çiftes së policit të UNMIK-ut, i cili ishte pak metra tutje, me armën e tij drejtuar kah unë. Ata kriminelë të policisë së UNMIK-ut ikën nga vendi i krimit, u kthyen në Rumani të lirë nga ligji, dhe atje u lavdëruan e dekoruan. Lejes për të vrarë dhe urdhërit për të vrarë iu bashkangjit edhe leja për të ikur nga vendi i krimit. Në vend të saj sistemi gjyqësor më ndjek (ligjërisht) mua, një prej viktimave të dhunës policore. Sistemi gjyqësor po e vazhdon planin e policisë dhe aksionin e policisë. Sistemi gjyqësor është drejtësi policore. Prokurorët dhe gjykatësit ndërkombëtar që merren me mua, sikurse kolegët e tyre policë, kanë imunitet nga ligji me të cilin më akuzojnë dhe mbajnë në burg. Pushteti i tyre është arbitrar prandaj ai s’mund të jetë kurrsesi legjitim.

Më 10 shkurt 2007 masa nuk ka bërë veprën penale. Policia ka kryer shkelje të rënda kriminale. Me 10 shkurt nuk isha unë që po i pengoja personat zyrtar në kryerjen e detyrave zyrtare, por ata e penguan marshin tonë paqësor. Për më tepër, e pamë se cilat ishin detyrat zyrtare të atyre policëve: të gjuajnë mbi demonstruesit. Intervenimi policor ishte i dhunshëm me pasoja tragjike. Mosintervenimi gjyqësor lidhur me krimin policor është një suplement kriminal i kësaj. Ky gjykim politik kundër meje është zëvendësim kriminal që tenton ta maskojë krimin dhe shmang vëmendjen e publikut. Meqenëse raporti i Prokurorit Ndërkombëtar, Robert L. Dean, ia ka pamundësuar gjykatës që të më mbajë përgjegjës për krimet e kryera nga policia e UNMIK-ut, gjykata tash ka konstruktuar argumente të reja të bazuara në atë që do të mund të ndodhte poqese demonstrata e 10 Shkurtit do të vazhdonte pa intervenimin e policisë. Nëse merren parasysh të gjitha demonstratat tjera të organizuara nga Lëvizja VETËVENDOSJE! shihet qartë se të gjitha kanë përfunduar pa asnjë lëndim të vetëm, pa asnjë vdekje të vetme, në mënyrë të organizuar dhe diciplinuar, dhe sipas planit tonë. Këto demonstrata kurrë nuk kanë qenë të dhunshme. Është e vërtetë se ne kemi hedhur shishe me ngjyrë në ndërtesat e IPVQ-ve dhe UNMIK-ut. Ne kemi përdorur forcë kundër këtyre objekteve, por jo dhunë, duke qenë se nuk mund të jesh i dhunshëm ndaj objekteve. Mund të ketë dhunë vetëm atëherë kur ushtrohet kundrejt një agjenti i cili, të paktën, e ka mundësinë për ta rezistuar atë. Ndërtesat nuk e kanë këtë mundësi. Aksionet tona nuk janë akte vandalizmi. Vandalizmi është shkatërrim i vullnetshëm, i paprovokuar dhe i pamotivuar, qëllimkeq i pronës. Aksionet tona janë të motivuara dhe të provokuara. Procesi politik në Kosovë është vetë motivimi dhe provokimi. Motivuese është mundësia dhe energjia që populli i Kosovës e ka për ta ndryshuar drejtimin aktual të procesit politik drejt vullnetit dhe interesave të tij. Procesi është provokues për shkak se është një proces politik i cili seriozisht po e dëmton të tashmen dhe të ardhmen e Kosovës, dhe mirëqenien e popullit të saj. Hera e vetme kur rreziku i përgjithshëm ka qenë i pranishëm në demonstratën tonë, ai ka qenë rezultat i akteve kriminale të policisë më 10 Shkurt.

Planifikuesit dhe urdhërdhënësit politik dhe policor të krimit të 10 shkurtit ose nuk lanë dokumente zyrtare pas vetes ose nuk lejojnë publikimin e tyre. Mirëpo, edhe dokumentet e prodhuara nga gjykata dhe prokuroria janë ose politike ose policore. Në vendimin që e ndërronte paraburgimin me arrest shtëpiak, bazuar në urdhëresën e 10 majit 2007, nënshkruar nga Vinod Bolell, përveç tjerash shkruan edhe kjo: “Në pyetjen nga Gjyqi se është e drejtë e qytetarëve në vendet demokratike të angazhohen në një demonstratë paqësore pa paragjykuar mirëqenien e qytetarëve të tjerë, Prokurori Publik u orvat të lidh rrezikun që i pandehuri paraqet për statusin e ardhshëm të Kosovës”. Kjo është edhe një dëshmi më shumë që ky proces kundër meje është i udhëhequr politikisht. Nuk duhet pritur gjatë për dëshmi të reja. Vetëm një ditë më vonë, kur me 11 maj arresti shtëpiak u shfuqizua dhe përsëri më dërguan në burg, po ai gjykatës i procedurës paraprake në vendimin e tij ka shkruar: “… i pandehuri nuk e arsyetoj besimin që Prokurori Publik e ka vënë tek ai që ai të ketë më shumë respekt për judikaturën.” Pra, do të më lironin nga paraburgimi me kusht që t’i nënshtrohem gjykatës. Gjykatës po i mungonte respekti im për të. Ndjehej disi mangut pa respektin tim që kurrë s’do ta ketë. Ngjajshëm, me 13 qershor 2007, arresti i ri shtëpiak kësaj radhe pesëditor, sërish mu zëvendësua me burg. Përveç arsyetimeve për qëndrimin tim ndaj regjimit në vendimin formalisht të ri por esencialisht të vjetër shkruante: “… ai është gjithashtu i përzier në fushatën e tanishme ilegale që po zhvillohet nga e njëjta organizatë me çrast të gjithë konteinerët publik të mbeturinave në Kosovë janë etiketuar me fjalët “Pakoja e Ahtisaarit” duke shfaqur sërish përçmimin dhe përbuzjen e tij dhe organizatës së tij për çdo gjë që paraqet autoritetin legjitim në Kosovë duke dëmtuar sërish pronën publike dhe duke manifestuar mosrespektin për administratën e UNMIK-ut”. Gjyqi juaj ndodhet këtu për ta mbrojtur regjimin nga qytetarët. Drejtësia është e kundërt me këtë: sigurimi i të drejtave të qytetarëve që i mbrojnë ata nga pushteti.

Vazhdimet e paraburgimit tregonin se gjyqi mbi të gjitha është i interesuar për izolimin tim në të tashmen dhe të ardhmen. E kaluara përherë ishte veçse pretekst. Duke qenë se regjimi nuk po mundet të ndikojë në mua ai përdor gjykatat që unë të mos ndikoj në Kosovë. Është e qartë se unë nuk po gjykohem. Unë po paragjykohem sepse po gjykohet karakteri im. Gjyqtarët dhe prokurorët kryesisht janë shërbyer me tri gjoja arsyetime për zgjatjen e paraburgimit. E para, thoshin që nuk bën të më lirojnë meqë unë do të mund të ikja nga Kosova. Sikur ata të ishin të bindur që do të ikja nga Kosova me siguri do të më lironin. Problemi i tyre është pikërisht fakti se unë do të qëndroja në Kosovë për të vepruar. E dyta, thoshin se unë do të mund ta përsërisja veprën. Unë jo vetëm që s’jam fajtor për atë që kam bërë por do ta konsideroja veten shumë fajtor sikur të mos organizoja demonstrata kundër pakos së Ahtisaarit e cila përmes decentralizimit etnik na e copton territorin ndërsa përmes ‘eksterritorialitetit’ fetar na e tjetërson kulturën e historinë. Dhe, e treta, spekulonin se do të mund t’i frikësoja dëshmitarët. Prokurorja Cecilia Tillada me 13 shkurt 2007 pat deklaruar: “… ka dyshim të bazuar se z. Kurti për shkak të ndikimit të tij mund të pengojë procesin e ndjekjes penale duke kërcënuar dëshmitarët”. Dëshmitarët e vërtetë të krimit me 10 shkurt janë policët kolegë të vrasësve të Monit e Arbenit. Që të gjithë ata ikën. Ata janë të frikshëm si bashkëpjesëmarrës në krim që ishin. Jo vetëm që unë s’kam kërcënuar e frikësuar askë kurrë në jetë por vazhdimisht, e posaçërisht tash me këtë proces të montuar, unë jam i kërcënuar e i rrezikuar nga policia politike dhe politika policore dorë e zgjatur e së cilës është kjo gjykatë.

Në këtë proces askush nuk më përfaqëson përveç vetes sime. Avokati është caktuar nga ju. Ai është zgjedhje e juaja dhe jo e imja. Sistemi gjyqësor në Kosovë institucionalisht është brenda UNMIK-ut. Nuk është as i pavarur e as i paanshëm. UNMIK-u është regjim antidemokratik dhe administratë neokolonialiste. UNMIK-u duhet të shkojë nga Kosova. Sa më parë, aq më mirë. Për të gjithë neve. Ikja e UNMIK-ut nga Kosova duhet të përputhet me referendumin për popullin e Kosovës, me ushtrimin e së drejtës për vetëvendosje. Kjo është ajo për çka Lëvizja jonë, dhe unë si anëtar i saj, qëndron dhe vepron.

Përkundër faktit që nuk e njoh dhe as nuk e pranoj këtë gjyq, dhe as aktakuzën të cilën edhe ashtu nuk ma kanë dorëzuar, përfundimisht do të doja që ta falenderoj prokuroren që më ka akuzuar për “Thirrje për Rezistencë”. Rezistenca është fjala e dytë më e dashur e imja. Nëse ka diçka që e ka lëvizur përpara llojin njerëzor dhe shoqërinë përgjatë historisë, atëherë kjo është pikërisht rezistenca dhe thirrja për të.

TË ARRESTOHEN VRASËSIT E PROTESTUESVE - MË 10 SHKURT 2007


Marre nga "pashtriku"

[Brari]

shum e drejte..
te arrestohen vrasesit e protestuesve vetfundoses-mjaftoiste...
dhe vrasesi eshte ai qe i ka dit gjanat ..se mund te kercasi plumbi po preke unmikin.. e ky eshte albini..

por qe albini i vret..pra i con ne gryk te pushkes te vetet qe i shkojn pas.. pra ata te rinj qe kujtojn se albini asht ndoj far personaliteti.. nuk eshte tragjedi e vogel por albini shikon ma larg..
ai don me cu ne vdekje 3 milion kosovare..
rujuni shokve te demac erion velive..or kaqola..

[Sa Kot]

C'do politikan eshte biseksual. Kjo eshte nje kerkese thelbesore e politikes. Nqs s'ke qejf me e rras e me ta rras, as mos ju fut kesaj pune shpirt.

[Arti_St]

Medet per mendt qe kishe more ti Brari apo kush je???

Ne te gjitha shkrimet tua kam lexuar dhe kuptuar qe je i semure nga te majtet dhe komunistet. Edhe une jam komplet kunder komunisteve mirepo ne Kosove ska as majtas as djathtas ska as parti asgje tjeter pos UNMIK dhe sherbetore te tyre.

E vetmja organizate qe interesohet per Kosoven shqiptare momentalisht eshte Vetevendosja. I vetmi person qe nuk i nenshtrohet Neokolonializmit eshte Albini. Ai eshte personi me i madh qe ka lindur ne Kosove ne 100 vjetet e fundit dhe historia do te tregoje se kush ka qene. Ai nuk i dashur momentalisht sepse do te jete ne te ardhmen. Politik - Kuajt tane do ti harroje historia dhe do ti denoje sepse po ndajne Kosoven.

Meqe ti dhe shume si ti nuk kuptoni apo nuk deshironi te kuptoni se Kosova eshte e okupuar atehere beni mire te mos mirreni me kete pune. Neve njehere na duhet te clirohemi dhe pastaj do te flasim per majtas djathtas.

Dasme pa mish nuk ka. Albin Kurti po udheheq drejt clirimit. UCK ja sipas te "djathteve" ne Kosove ka qene dore e zgjatur e serbise por ajo cliroi Kosoven nga Serbia. Na duhet tash te clirohemi edhe nga Neokolonialistet e UNMIK dhe nese ka nevoje edhe nga cdo armik tjeter qe munde te vije pastaj do te jemi te lire.

Thirri mendjes ti dhe shume te tjere si ti nese nuk jeni te shitur sepse ajo cfare Kosoves i duhet mometalishte eshte as majtas as djathtas por ne balle drejt clirimit pastaj flasim per politik.

Shendet mendore dhasht Zoti aty ku nuk ka

[Kandili 1]

Mua me la pershtypje mellefi i Adnan Abrashit.Mellefi i tij eshte edhe i imi,dhe besoje i shume te tjereve.

Mbrojtja e Albin Kurtit para gjygjit(me 06.7.2007) eshte e drejte.
Per vrasjen e dy protestueseve ne protestat e paradokohshme, nuk eshte fajtore „Vetvendosja“ por policet rumun.
Jam i bindur qe policet magjup-rumun kane veprue ne marreveshje me shkije dhe ne te mire te shkijeve.Qellimi i tyre ka qene shume i qarte: pezmatimi i mases shqiptare,per te shkaktue dhune ndaj pakices sllave dhe ne kete menyre per t`i paraqite shqiptaret si njerez qe s`jane te afte per te drejtue shtet,ku do te respektoheshin te gjithe qytetaret(te drejtat e tyre) e sidomos pakicat..

Shume nga kerkesat e „Vetvendosjes“ jane te drejta.Qellimi i tyre eshte moslejimi i vrasjes se shtetit te ardhshem ende pa linde.
Une,shpresoje te mos jem i vetmi, e kam nje problem me „Vetvendosje“-n!
Pse keta njerez nuk e kane bere nje parti politike dhe te dalin ne popull e ta bindin ate dhe me votat e popullit te hyjne ne Kuvend?Pastaj, ne kuvend do t`i shtronin kerkesat legjitime te tyre.

Ne e dime qe NATO i perzuri forcat policore dhe ushtarake te shkijeve nga Kosova.
Ne e dime qe ne fushaten e bombardimit te shkijeve, kishte disa shtete si ,Franca,Greqia(e ndoshta edhe Italia), qe nuk e perkrahnin domosdo ate fushate.Formalisht po,por jo me gjithe zemer.

Kur diskutohet per ndihmat financiare qe bashkesia nderkombetare i dha Kosoves,permenden miliarda dollare!Kjo eshte nje e treta e te vertetes!
Bashkesia nderkombetare i ka ndihmue financiarisht Kosoves,pa dyshim.I ka ndihmue ne fillim(menjehere pas luftes) me ushqim e perkujdesje ndaj njerezve te traumatizuar,i ka ndihmue me materiale ndertimi,duke ua ndertue shtepite shume njerezve qe s`kishin kulm mbi krye. Bashkesia nderkombetare ka ndihmue ne ndertimin e infra struktures e tj.
Por, pjesa me e madhe e atyre miliardave qe njihen si „ndihme per Kosoven“,kane perfundue po ne xhepat e nderkombetareve!

Se pari, shume nga nderkombetaret kane marre dhe marrin rroga te majme,qe jane pare te caktuara per ndihme Kosoves.Dhe te jeni te sigurt, qe shume nga ata nuk do ta kishin shansen te paguhen aq mire per ate pune qe e bejne, po te punonin ne vendet e tyre.

Se dyti,ka me mijera raste te keqperdorimit(vjedhjes) se pareve te „ndihmave per kosoven“, po nga nderkombetaret!Sigurisht,gjithnje ne bashkepunim me vendoret.
Nje gjerman(se emri tani s`po me kujtohet) kishte vjedhe mbi tre milion euro-pare qe i ishin caktue Kosoves.Gjermani u denue ne Gjermani,mos gabofsha u denue me rreth dy vjete burg.
Pastaj raste te shumta si ky:

Vjen anglezi,nje elektricist i zakonshem,dhe duke e pas emrin „ekspert“ fiton 670-700 Euro ne dite!Pare te bashkesise nderkombetare?Gabim!Ato ishin pare te caktuara per Kosoven.

Pastaj shume raste te punesimit.Vje „nderkombtari“ e ka nevoje per sekretareshe.S´e merr ate qe ka zotesi, po e merr ate te bukuren,qe s`e ka as qerekun e zotesise te asaj tjetres qe nuk eshte e bukur…e shume mutsihane tjera!

Dua te them, mellefi i popullit te kosoves ndajUNMIK-ut eshte shume i arsyeshem dhe i perligjshem.
Del pyetja : Cka te bejme?
Po ta dija pergjegjien, do ta shkruaja po ne fillim te ketij postimi.
Te shpresojme qe cmimi i pavaresise te mos jete me i madh se koncesionet,tanime te pranuara nga grupi negociatore, e dhena shkijeve qe permbane“Pakoja e Ahtisarit“!

Nje gje eshte e sigurt.Po te ishte Albin Kurti,a cilido tjeter nga levizja „Vetvendosje“(ose i gjithe grupi i tyre) ne grupin negociatore,nuk do te mund te benin asgje me teper se ky grupi i sotit!Sepse shqiptaret e Kosoves njehere per njehere s`kane asgje ne dore,pervec shpreses.Shpreses ,qe amerikanet nuk do t`i lene ne lloq.

Para disa ditesh lexova ne kete forum nje postim te anetarit tone riu.Tani s`po me kujtohet tema,as permbajtja e postimit,pervec fjalise se fundit.

riu ju drejtua bashkebiseduesit afersisht keshtu:

„ sa femije do t`i japish perandorise se ardhshme shqiptare“?!
Atehere qesha!Tash i jape atij plotesisht te drejte!Natyrisht, duke e nderrue fjalen perandori me Bashkesi!

[Arti_St]

Kandili disa pyetje qe ke shtruar jane te thjeshta ne pergjigje

1. Pse Albini nuk formon parti politike? - Sepse nese do te formosh parti politike ne Kosove duhet te pranosh UNMIK un si sovran, duhet te pranosh kornizen kushtetuese, duhet te pranosh rezoluten 1244 pra duhet te pranosh qe Kosova eshte pjese e Serbise, dhe kete Vetevendosja nuk e pranon. As ne kuvendin e sotem smunde te besh asgje, bash asgje qe nuk i konvenon UNMIK ut, pra sepse te ligjet munde te hidhen poshte nga Kryeadministratori. Per ate fakt smunde te shpallet edhe Kosova e pavarur. Pra edhe kuvendi eshte objekt per te kryer punet qe deshirojn nderkombetaret, vegel sikur politikuajt tane.

Te gjitha gjerat tjera qe permende qe vjen lloj lloj personi qofte polic, administrator apo zyrtar tjeter dhe merr pare pa kufi, e prish Kosoven dhe ne fund thot qe Kosovaret spo dijn me punu.

Pra zgjidhje nuk ekziston tjeter pa u larguar UNMIK u. Duhet te mbahet referendum, pavaresi, zgjedhje te lira qe populli te jete sovran jo UNMIK pastaj gjerat tjera vijn me radhe

Pershendetje

[Kandili 1]

Arti_St,

ato qe the me lart jane fakte te verteta.Eshte fakt qe UNMIK-u kontrollon gjithcka ne Kosove.
Poashtu, fakt eshte qe zyrtarisht Kosova trajtohet si pjese e Serbise dhe ky eshte mullari i te gjitha te keqijave!
Dhe si rezultat,asnje institucion i Kosoves sot nuk mund te beje asgje me shume se qe lejon UNMIKu.
Mirepo, nje gje nuk mund ta ndrron as UNMIKu e askush tjeter.
Dhe kjo eshte : ne Kosove sot jane se paku 93% shqiptare nga popullsia e gjithmbarshme dhe ata kane prite me shume se boll,tash duhet ta kene shtetin e tyre qe u takon.Dhe do ta kene patjeter,nese SHBA-te e kane me gjithe mend.
E une besoj se SHBA-te e kane me gjithe mend.

[Albo]

1. Pse Albini nuk formon parti politike? - Sepse nese do te formosh parti politike ne Kosove duhet te pranosh UNMIK un si sovran, duhet te pranosh kornizen kushtetuese, duhet te pranosh rezoluten 1244 pra duhet te pranosh qe Kosova eshte pjese e Serbise, dhe kete Vetevendosja nuk e pranon.

Albin Kurti nuk krijon nje parti politike jo per faj te UNMIK apo te pranise nderkombetare, por per faktin e thjeshte se ai eshte kunder VULLNETIT TE SOVRANIT popull, shprehur dy here me votat e mbajtura ne Kosove ne keto 8 vjetet e fundit. Kosova nuk ka vetem nje UNMIK, Kosova ka edhe nje institucion si Kuvendi i Kosoves, nje institucion si Qeveria e Kosoves, nje institucion si Presidenca e Kosoves. Dhe nuk eshte rastesi qe guret dhe shishet me benzine u hidhen jo vetem institucioneve te UNMIK por edhe institucioneve demokratike te Kosoves.

Albin Kurti hyn ne rradhet e "rinise revolucionare" qe nuk beson ne ndryshimin qe sjell vota e lire e shqiptareve, por ne revolucionin proletar ne rruget e Kosoves ku dhuna e jo vota dikton ndryshimin. Dhe ashtu si cdo aktivist anarkist ne bote, ai ve ne shenjester institucionet qe sigurojne sigurine territoriale te Kosoves, sic eshte administrata e UNMIK dhe pranine paqeruajtese te forcave te NATO, ata qe Albin Kurti e kompani i quajne "pushtues".

Sa per Serbine, serbet i luten Zotit qe ne Kosove te shtohen rradhet e anarkisteve qe i bien pas Albin Kurtit dhe propagandes se tij, pasi vetem keshtu vete anarkistet shqiptare mund te konfirmojne nje prej pretendimeve serbe, se shqiptaret jane nje popull primitiv barbar qe nuk ndajne te njejtat liri dhe vlera si pjesa tjeter e kontinentit evropian, bile ata nuk jane as mirenjohes ndaj ndihmes nderkombetare.

Pra zgjidhje nuk ekziston tjeter pa u larguar UNMIK u. Duhet te mbahet referendum, pavaresi, zgjedhje te lira qe populli te jete sovran jo UNMIK pastaj gjerat tjera vijn me radhe

Kurse une po pres te degjoj cfare do te kete Albin Kurti per te thene kur Kosova te shpallet e pavarur dhe UNMIK ti delegoje pushtetin qeverise se Kosoves. Dhe nese nuk e di, populli i Kosoves ka votuar dy here tashme per te zgjedhur udheheqesit e vete politike ne zgjedhje plotesisht demokratike. Po, qeveria e Kosoves mund te mos gezoje te gjitha kompetencat ne vend, por kjo nuk do te thote se kreret dhe institucionet e dale nga ajo vote nuk jane institucione demokratike.

Albo

[Arti_St]

Albo me gjith respektin ti ben nje perzierje duke mos kuptuar apo mos dashur te kuptosh dallimin mes institucioneve demokratike ne shtet te lire dhe ne shtet te okupuar.

Shiko zgjedhje jane mbajtur edhe ne kohe te millosheviqit, zgjedhje jane mbajtur edhe para vitit 89 sa kishim kushtetuten 74 te.

Ceshtja qe shtrohet eshte tjeter: Sa munde ti sherbejne popullit keto institucione qe skane detyre primare ti pergjigjen vullnetit te popullit por ti pergjigjen shefit te UNMIK ut. Pra sepse ai qe munde ti shkarkon kur te don eshte PSSP ja. Atehere si munde te quash demokraci kete gje. Kjo eshte pra totalitarizem. Keto institucione jane ndertuar pikerisht qe te krijohet iluzioni i demokracise, sepse pa keto institucione UNMIK do te tregonte fytyren e vertete diktatoriale.

Atehere meqe UNMIK - Institucione vendore pa kompetenca eshte nje rreth virtual qe po te jesh brenda smunde te besh asgje, "sepse shkarkohesh" atehere e vetmja rruge eshte "Rruga" Pra qe te kuptohet fillimisht problemi themelore "Nuk jemi te lire".

Pra meqe Kosova nuk eshte shtet edhe institucionet e saj i pergjigjen sovranit UNMIK dhe jo sovranit Popull, pikerisht per kete arsye zgjidhja e problemit duhet te vije nga jashte, nga populli

Fatkeqesisht qellimi i UNMIK te krijoj iluzione te demokracise dhe lirise ne popull eshte arritur edhe tek ti Albo edhe tek shumica e popullit. Megjithate edhe ky iluzion si cdo tjeter do te perfundoj dhe atehere do te kuptoni realitetin

Pershendetje

[Albo]

Albo me gjith respektin ti ben nje perzierje duke mos kuptuar apo mos dashur te kuptosh dallimin mes institucioneve demokratike ne shtet te lire dhe ne shtet te okupuar.

Shtet i okupuar? Pushtuar nga kush, nga forcat e NATO-s apo nga administrata e UNMIK? Nuk e di se ne cilin planet jeton, por une te them qe kthehu ne planetin toke dhe kur te jesh me kembe ne toke hajde te replikosh prape me mua. Kosova pa forcat e NATO nuk ekziston dot si shtet i lire as 24 ore, pasi aq kohe i duhet ushtrise serbe per te rikthyer tanket e veta ne Kosove.

Shiko zgjedhje jane mbajtur edhe ne kohe te millosheviqit, zgjedhje jane mbajtur edhe para vitit 89 sa kishim kushtetuten 74 te.

Ato ishin zgjedhje ne ilegalitet kur Kosova ishte vertet e pushtuar dhe regjimi i Milloshevic nuk lejonte mbajtjen e tyre. Dhe ato zgjedhje as qe mund te krahasohen me dy zgjedhjet e fundit te mbajtura ne Kosove pas 1999, ku gjithe populli i Kosoves doli e votoi i lire per partite e tyre politike.

Ceshtja qe shtrohet eshte tjeter: Sa munde ti sherbejne popullit keto institucione qe skane detyre primare ti pergjigjen vullnetit te popullit por ti pergjigjen shefit te UNMIK ut. Pra sepse ai qe munde ti shkarkon kur te don eshte PSSP ja. Atehere si munde te quash demokraci kete gje. Kjo eshte pra totalitarizem. Keto institucione jane ndertuar pikerisht qe te krijohet iluzioni i demokracise, sepse pa keto institucione UNMIK do te tregonte fytyren e vertete diktatoriale.

Te pakten ke kurajon qe te pranosh qe je kunder institucioneve te Kosoves. Ate se sa i sherbejne dhe si i sherbejne popullit nuk e vendosim une e ti, e vendos shumica e votave te shqiptareve ne Kosove. Prandaj ne demokraci mbahen zgjedhje cdo 4 vjet. Ti dhe une vetem sa e respektojme kete vote pasi ky respekt eshte respekt ndaj vete sovranit popull.

Sa per UNMIK, mund ta akuzosh si te korruptuar por nuk mund ta akuzosh si regjim totalitar pasi aq sa nuk e do ti UNMIK ne Kosove, aq nuk duan me te jene ne Kosove as ata diplomatet e OKB. Te krijohet pershtypja nga fjalet e tua sikur Kosova eshte nje Hong Kong i ri qe gjithe bota e ka zili e ta pervetesoje, por harron qe Kosova eshte nje nga vendet me te varfera te Evropes me dendesine dhe papunesine me te larte ne Evrope, dhe kjo jo per faj te UNMIK apo OKB.

Dhe ky kendveshtrim i yti eshte i demshem jo vetem ne raport me UNMIK por edhe me vete pavaresine e Kosoves. Te jesh shtet i pavarur nuk do te thote te besh sic te doje qejfi pa i vene veshin askujt. Perkundrazi, vete aspirata e shqiptareve per pavaresi do te thote qe ata deshirojne te krijojne nje shtet qe i perfaqeson ne familjen e madhe evropiane apo boterore.

Fatkeqesisht qellimi i UNMIK te krijoj iluzione te demokracise dhe lirise ne popull eshte arritur edhe tek ti Albo edhe tek shumica e popullit. Megjithate edhe ky iluzion si cdo tjeter do te perfundoj dhe atehere do te kuptoni realitetin

Sic e thashe edhe me lart, UNMIK nuk ka per te qendruar gjate ne Kosove dhe shume shpejt do te shperndahet e do t'ia kaloje te gjitha kompetencat institucioneve te Kosoves qe jane ngritur ne keto 8 vjet. Por edhe kur UNMIK te largohet, mendimi yt nuk ka per te ndryshuar aspak per institucionet demokratike te Kosoves.

Ti nuk beson tek vota e lire e shqiptareve, ti beson tek revolucioni i dhunshem.

Albo