Sondazhi i NDI: Topi president nga populli

[no name]

Presidenti, Topi humbet 5 vota
Rozeta Rapushi
E Hene, 09 Korrik 2007

Kandidati demokrat per kreun e shtetit, Bamir Topi humb pese vota nga deputetet e djathte, qe nuk e mbeshteten dje ne votimin e pare te zhvilluar per zgjedhjen e Presidentit te Republikes. Bamir Topi mori 75 vota ndaj kundershtarit te tij te vetem ne gare Fatos Nano, i cili ne mungese se opozites se majte mori voten nga tre deputete te djathte, qe cuditerisht e mbeshteten si kandidature per postin presidencial. Ne nje kohe qe pritej qe maxhoranca te ishte e bashkuar ne kete proces votimi, te pakten per kandidatin qe u vleresua aq shume Bamir Topi, rrjedhja e votave per kundershtarin Nano nuk mundi te shmangej. Topin dhe kryeministrin Sali Berisha e tradhtuan dje te gjithe deputetet e Partise Bashkimi per te Drejtat e Njeriut, aleate te qeverise. Kryetari i kesaj partie Vangjel Dule, deklaroi se do te votonte per kundershtarin Fatos Nano pasi kishte firmosur dhe per kandidimin e tij per president. Ndersa dy deputetet e tjere Spiro Peci dhe Leonard Solis preferuan te mos marrin fare pjese ne votim ndonese ishin te pranishem ne salle. Pervec ketyre rrjedhjeve te votave nga aleatet e djathte, brenda maxhorances pati dhe nga ata qe votuan per kundershtarin Fatos Nano. Dy vota, qe i perkasin dy deputeteve votuan dje pro Nanos President. Pati dhe nga ata qe te dyzuar per votimin, dhane voten per te dy kandidatet, duke e cuar ne te pavlefshme fleten e votimit. Maxhoranca qeverisese numeroi dje ne salle vetem 80 vota, sebashku me deputetin me te ri te zgjedhur ne zonen 86 ne Pogradec qe per here te pare shkeli dje ne Kuvend, Eris Hoxha.

Votimi i djeshem i pari per zgjedhjen e Presidentit te Republikes, u krye ne mungese te opozites se majte, e cila ne bllok vendosi te bojkotoje seancen. I pranishem ne salle ishte vetem socialisti Besnik Dervishi, por dhe ai per te marre pjese ne sekretariatin e procedurave te votimit, pa ushtruar te drejten e votes. Procedura per zgjedhjen e Presidentit nisi pavaresisht se ne salle nuk ishin 84 deputete, aq sa nevojiten per zgjedhjen e kreut te ri te shtetit. "Nuk keni kuorum. Si mund te votoni ne kete menyre. Nuk eshte e ligjshme", - u ankua deputeti demokrat Spartak Ngjela ne salle. Pavaresisht ankesave votimi u krye dhe kryetarja e Kuvendit e maxhoranca e quajten te ligjshem e te vlefshem pavaresisht kundershtimeve ne salle. Diten e sotme, Konferenca e Kryetareve do te percaktoje se kur do te zhvillohet votimi i dyte per zgjedhjen e Presidentit te Republikes. Burime Brenda kryesise se Kuvendit bene me dije se ky eshte votimi I pare, qe do te pasohet dhe nga kater votime te tjera. Nderkohe qe nuk perjashtohet mundesia per negociata te metejshme mes partive politike per arritjen e nje Presidenti konsensual.

Rrjedhja votave

Pese deputete te djathte dalin kunder Bamir Topit, si kandidature per President te Republikes. Tre deputete mes te cileve Vangjel Dule, dhe pse te djathte e aleate te qeverise, votuan dje kunder Topit si President. Vota e tyre ju dha Fatos Nanos. Dy flete ishin te pavlefshme, nderkohe qe Spiro Peci dhe Leonard Solis nuk moren pjese ne votim dhe pse ishin te pranishem.

Kundershtimi

Deputeti demokrat Spartak Ngjela kundershtoi dje ne salle proceduren e votimit per zgjedhjen e Presidentit te Republikes. Ngjela u shpreh se votimi nuk eshte i ligjshem persa kohe ne salle nuk ka 84 deputete, aq sa duhen per zgjedhjen e kreut te ri te shtetit. "Eshte votim i paligjshem", - tha ai, por qe nuk ka reaguar kryesuesja e seances.

Topi

Kandidati me i votuar ne Kuvend per postin presidencial Bamir Topi, u shpreh i kenaqur dje me ecurine e votimit dhe realizimin e tij. Pas votimit, duke folur me gjuhen e nje Presidenti, Topi tha se do te respektoje gjithnje kushtetuten dhe ligjet ne fuqi. Ai falenderoi te gjithe pjesmarresit ne votim, si dhe vleresoi realizimin dhe respektimin e Kushtetutes ne kete rast dhe beri thirrje ne drejtim te opozites qe te marre pjese ne votim.

Bojkoti

Opozita bojkotoi seancen e djeshme plenare, ku u zhvillua votimi i pare per Presidentin e Republikes. Ne oborrin e kuvendit u shfaqen vetem dy deputete te majte, Neritan Ceka, PAD dhe Angjelina Kola e PSD-se. Ceka u shpreh se do merrte pjese ne votim, por u largua. Ndersa Kola nuk ishte ne dijeni te vendimit te opozites dhe sapo e mori vesh u largua si te koleget e tjere. Ne salle ndenji vetem socialisti Besnik Dervishi i cili ishte pjese e sekretariatit te procedurave te votimit, por nuk votoi.

Shkeljet

Deputetet e djathte nuk respektuan shume dje proceduren e votimit, duke u afruar gjate momentit qe kolegu ushtronte voten e fshehte per zgjedhjen e Presidentit. Shkelja e privatesise se votes, arriti deri aty sa kryetari i sekretariatit te votimit Arian Madhi u terhoqi disa here vemendjen deputeteve te respektojne votimin e fshehte, pavaresisht se dihej se Topi nuk mund te shpallej fitues.

Rezultati i votimit

Pjesmarrja, 80 deputete

Flete te vlefshme 78 cope

Flete te pavlefshme 2 cope

Bamir Topi 75 vota

Fatos Nano 3 vota




kohajone

[artur]

75-se vota nuk jane pak,,,,,,Po te mendosh se parlamenti ka 140-te vete......

Zgjedhjet e parakohshme, jo te parat, te dytat e zgjedhin presidentin me 71 VOTA


E KA SHUME MUNDESI TE JETE zoti. BAMIR TOPI

ps. me falni, e majta ka prap armen e bojkotit te parlamentit... do thone:- Presidenti nuk eshte konsensual, e ne do shkojme ne barrikada njerezore...... e gjitha per faj te Saliut..............

[Llapi]

Presidenti- Kreu i PD Berisha pohon se ka falsifikuar firmat për Bamir Topin

Derguar me: 10/07/2007 - 07:17
• Kreu demokrat e pohoi vetë dje në seancën parlamentare se i ka nënshkruar me dorën e tij 29 emrat firmëtarë që propozuan Bamir Topin si kandidat të Partisë Demokratike për postin e presidentit të Republikës. Skandali i listës me firma false nxjerr në pah krizën në të cilën është futur maxhoranca në këtë proces të zgjedhjeve presidenciale.

Kandidati i PD-së për postin e presidentit të Republikës, Bamir Topi ka depozituar në Kuvend, firma të falsifikuara. Falsifikuesi nuk është askush më pak se kryeministri i vendit, Sali Berisha. Kreu demokrat e pohoi vetë dje në seancën parlamentare se i ka nënshkruar me dorën e tij 29 emrat firmëtarë që propozuan Bamir Topin si kandidat të Partisë Demokratike për postin e presidentit të Republikës. Në dokumentin e depozituar në Kuvend mund të shihet qartë se kaligrafia e të gjithë emrave dhe firmave është e njëjtë. “Po, e pranoj që e kam nënshkruar vetë listën”, deklaroi Berisha dje në Kuvend duke shkaktuar ilaritetin e deputetëve të opozitës. Skandali i listës me firma false nxjerr në pah krizën në të cilën është futur maxhoranca në këtë proces të zgjedhjeve presidenciale.
Debatet për Topin
Grupi parlamentar i Partisë Demokratike vendosi dje që të vazhdojë me kandidaturën e Topit për postin e Presidentit të Republikës. Në fjalën e tij, Kryeministri Berisha u shpreh se grupi parlamentar duhet të vazhdojë me linjën kushtetuese, pra duke votuar sot për kandidatin për President për të cilat ky grup ka dhënë firmat. Deputetët pohojnë se ata do të vazhdojnë në raundin e dytë për Topin kandidat për President deri në fund. Kjo është strategjia që ka paraqitur Berisha në këtë mbledhje grupi, duke theksuar se pala tjetër nuk tregoi seriozitet për sa i takon reformave që duhen ndërmarrë në kuadër të integrimit të vendit në institucionet evropiane.
Por në grup është paraqitur dhe kërkesa e disa partive politike për t’u ulur në tryezë me opozitën për gjetjen e një zgjidhjeje për krizën. Një nga këto parti ka qenë edhe PDK-ja, e cila si me Lesin ashtu dhe me Ndokën i kanë kërkuar reflektim palëve për uljen në tryezë për gjetjen e një konsensusi, në mënyrë që të shmangen zgjedhjet e parakohshme. Por burimet që vijnë nga një grup afër Berishës, bëjnë të ditur se nëse në dy raundet e para Topi nuk do t’i marrë votat e duhura për të qenë President i Republikës, atëherë do t’i kërkojnë kandidatit të PD-së që të tërhiqet për t’ia lënë garën një Presidenti që mund të dalë nga bisedimet që do të rifillojnë me opozitën. Pra, Berisha ka lënë të hapur mundësinë e uljes së tryezë me opozitën për të gjetur një konsensus mes palëve për Presidentin. Nëse ulen në tryezë, sipas po të njëjtave burimeve, nuk do të diskutohen më as emri i Topit dhe as i Nanos, por një emër tjetër, për të cilin mund të jepet konsensusi për të shpëtuar vendin nga zgjedhjet e parakohshme.

Tedi Blushi

[artur]

Presidenti- Kreu i PD Berisha pohon se ka falsifikuar firmat për Bamir Topin

Skandali i listës me firma false nxjerr në pah krizën në të cilën është futur maxhoranca në këtë proces të zgjedhjeve presidenciale.

Kandidati
Tedi Blushi

Po 75-se votat ne parlament i falsifikoi KUSH ????? MEQE VOTA ESHTE E FSHEHTE

Po e majta pse ka frike nga Bamir Topi a e dini....'? MEQE VOTA ESHTE E FSHEHTE

[drity]

Presidenti- Kreu i PD Berisha pohon se ka falsifikuar firmat për Bamir Topin

Tedi Blushi

Kta jan ftof m'tajare m'duket.

Ka fallcifiku firmat thote. Ka shkrujt emrat e listes or tyç, jo firmat.
E dine dallimin e emrit ne liste me firmen kta mengjeroshat apo jo?
Hajde opozite hajde.

[Albo]

Sondazhi i NDI: Topi president nga populli

Nëse presidenti i ri i vendit do të zgjidhej nga populli, 40% e votuesve do të votonin nënkryetarin e PD-së, Bamir Topi, në këtë post.

Instituti Amerikan për Demokraci (NDI) ka publikuar dje sondazhin e zhvilluar në muajin qershor, në të cilin qytetarët janë pyetur për një sërë çështjesh kryesore, mes të cilave edhe për ngjarjet e fundit politike, si zgjedhja e presidentit apo zgjedhjet e parakohshme. Një prej pyetjeve të këtij sondazhi, e adresuar për emrin e kreut të ri të shtetit, ka qenë “nëse ju do të votonit për presidentin e ardhshëm të Shqipërisë, dhe zgjedhjet po të ishin sot, për cilët nga kandidatët do të votonit”. 40% e të intervistuarve kanë thënë se Bamir Topi do të ishte presidenti i ri i vendit. Në vendin e dytë me 28% e të intervistuarve është renditur Presidenti aktual, Alfred Moisiu, mandati i të cilit përfundon më 24 korrik. Menjëherë pas kreut aktual të shtetit, është renditur ish-kryeministri dhe kryetari i Partisë Socialiste, Fatos Nano, i cili ka marrë 15% të votave nga të intervistuarit, ndërkohë që pas tij janë renditur kryetari i Nderit të Asamblesë së Partisë Republikane, Sabri Godo, me 5% të votave, kryetari i Partisë Demokracia Sociale, Paskal Milo me 2% dhe ambasadori ynë në Rusi, i propozuar nga PBLD-ja, Teodor Laço, me më pak se 1% të votave nga të intervistuarit. Ndërkohë që në këtë pyetje, veç emrave të mësipërm janë përmendur nga qytetarët edhe emrat e kreut të grupit të PS-së, Ben Blushi, kryetarit të PS-së, Edi Rama, ish-kryetarit të PD-së në vitet ‘92-’94, Eduard Selami, si dhe Ermelinda Meksi, Gramoz Ruçi, Ilir Meta, Ismail Kadare, Jozefina Topalli, Luan Omari, Neritan Ceka, Pandeli Majko, Rexhep Meidani dhe Spartak Ngjela. Një tjetër pyetje për krerët e politikës ishte edhe “ju lutem më thoni nëse keni një mendim të favorshëm, disi të favorshëm, disi të pafavorshëm apo shumë të pafavorshëm për politikanin”. Për Bamir Topin, i cili është më i kuotuari në popull në garën presidenciale, 76% e të intervistuarve kanë një mendim të favorshëm dhe 18% e tyre kanë mendim të pafavorshëm. Në vend të dytë renditet sërish Alfred Moisiu, për të cilin 68% e të intervistuarve kanë mendim të favorshëm dhe 27% e tyre kanë mendim të pafavorshëm. Në këtë sondazh është rritur mendimi i mirë për kreun e Partisë Socialiste, Edi Rama, për të cilin 57% kanë mendim të favorshëm dhe 39% kanë mendim të pafavorshëm. Në vend të katërt është renditur lideri i LSI-së, Ilir Meta, për të cilin 57% kanë mendim të favorshëm dhe 34% kanë mendim të pafavorshëm. Pas Metës renditet kryetarja e Kuvendit, Jozefina Topalli, për të cilën 50% kanë mendim të favorshëm dhe 45% kanë mendim të pafavorshëm. Në vend të gjashtë është kreu i grupit të PS-së, Ben Blushi, i cili gëzon mendim të favorshëm nga 47% e të intervistuarve dhe mendim të favorshëm nga 37% e të intervistuarve. Bilancin më të keq në këtë pyetje të sondazhit të NDI-së e kanë Kryeministri Sali Berisha dhe kandidati për president, Fatos Nano. Për Berishën, 44% e të intervistuarve kanë mendim të favorshëm, ndërsa 52% e tyre mendim të pafavorshëm. Kurse për Nanon, vetëm 33% kanë mendim të favorshëm dhe 62% mendim të pafavorshëm.

Të dhënat e sondazhit

Sondazhi i Institutit Amerikan për Demokraci u krye nga data 17 deri më 23 qershor 2007, një kampion përfaqësues prej 1200 qytetarësh mbi moshën 18 vjeç u intervistuan në banesat e tyre nëpërmjet kontaktimit ballë për ballë.

Toleranca e gabimit për rezultatet e këtij sondazhi është +/- 3.0%

45% për qind besojnë se Shqipëria po ecën në drejtim të gabuar, ndërkohë që 44% thonë se po ecën në drejtimin e duhur.

Vendet e punës, kushtet ekonomike dhe çështjet e jetesës së përditshme janë në krye të shqetësimeve qytetare.

Duke vështruar dhjetë vjet prapa në kohë, shumica e të intervistuarve besojnë se krijimi i vendeve të punës, ndotja e mjedisit, mbështetja sociale për të moshuarit dhe të varfrit, trafiku rrugor dhe korrupsioni, janë përkeqësuar ose kanë ngelur siç ishin.

Shumica e të pyeturve mendojnë se rrugët dhe furnizimi me energji elektrike është përmirësuar.

87 për qind besojnë se të zgjedhurit e tyre shqetësohen më shumë për para dhe pushtet sesa për nevojat e komunitetit, ndërkohë që 77% besojnë se “deputeti im shqetësohet më tepër për para dhe pushtet, sesa për nevojat e mia”.

Sidoqoftë 59% e qytetarëve besojnë se votimi u jep atyre njëfarë zëri për mënyrën sesi qeveria drejton.

60% për qind e qytetarëve dëshirojnë të votojnë për zgjedhjen e presidentit të tyre dhe 75% besojnë se një president i zgjedhur nga populli do të ishte më shumë përgjegjës karshi nevojave të qytetarëve.

64% për qind e qytetarëve preferojnë vazhdueshmërinë e sistemit të zgjedhjeve të drejtpërdrejta parlamentare.

86% për qind e qytetarëve mbështesin praninë e një numri më të madh grash në Parlament dhe mbështesin garancitë kushtetuese për një përfaqësim më të lartë të grave.

Pakënaqësia e votuesve përkthehet në mbështetje të ulët për anëtarët aktualë të Parlamentit.

31% për qind e qytetarëve besojnë se deputeti i tyre meriton të rizgjidhet, ndërsa 61% mendojnë se ka ardhur koha për të zgjedhur dikë tjetër.

Panorama