Sondazhi i NDI: Topi president nga populli

[Albo]

Nënkryetari i PD-së ka deklaruar se nuk do të refuzojë të zgjidhet në postin e kreut të shtetit

Topi: Unë president? Nuk e përjashtoj!

“Në 2000 lidershipi i PD s’pranoi që të kandidoja për Tiranën”


Adi Shkembi
“Do të ishte autoasgjësuese të përjashtoja veten nga çdo lloj pozicioni”.

Kryetari i grupit parlamentar të Partisë Demokratike, njëkohësisht numri dy i kësaj partie, nuk e ka mohuar mundësinë e përzgjedhjes së kandidaturës së tij për postin e presidentit në qershor të vitit të ardhshëm, kur të ketë përfunduar mandati i presidentit Moisiu. Duke folur në emisionin “Top Shou” në “Top Channel”, Topi tha se ai është në politikë për të treguar vlerat e tij e ato që përfaqëson, dhe në të tilla kushte nuk mund ta përjashtojë veten e tij nga një pozicion i tillë, siç është kreu i shtetit. “Do ishte autoasgjësuese po përjashtova veten time nga çdo lloj pozicioni. Jam në politikë për të treguar vlerat e vetes dhe atë që unë përfaqësoj. Kam qenë kundër Nanos, kam dhjetëra arsye pse”, iu përgjigj Topi gazetarëve të pranishëm në studio në lidhje me mundësinë e kandidimit të tij për postin e kreut të shtetit.
Por, gjatë emisionit kreu i deputetëve demokratë ka treguar për herë të parë se gjashtë vjet më parë, kur në Tiranë Partia Socialiste kishte prezantuar Edi Ramën si kandidat të saj për kryetar të bashkisë së kryeqytetit, Topi ka kërkuar të ishte ai vazhduesi i mandatit të Brojkës, por që nuk është pranuar nga strukturat e Partisë Demokratike. “Ka qenë një sfidë për bashkinë që unë e desha në vitin 2000, por atëherë nuk u realizua dhe mesa duket në atë kohë nuk ishte dëshira që të isha kandidat. Këto janë më pas çështje të personalitetit dhe moralit individual. Njeriu në politikë hyn me disa karta. Një kartë e djegur duhet të lihet dhe të luhet me të tjera”, tha më tej Topi.

Votat për presidentin
Duke iu rikthyer edhe njëherë çështjes së zgjedhjes së kreut të shtetit një vit më vonë, pas përfundimit të mandatit të presidentit Moisiu, Topi tha se maxhoranca e djathtë ka aktualisht 82 vota dhe është mjaft afër arritjes së votave maksimale që duhen për zgjedhjen e presidentit, 84. “Ekziston mundësia duke bërë një analizë të gjerë dhe të thellë, duke njohur sjelljen e individëve. Maxhoranca ka 81, apo 82 vota. Për një zgjedhje madhore kërkohen 84 vota, më afër kësaj janë ata që kanë 81–82 vota”, tha Topi. I pyetur se si do të arrijë maxhoranca te numri 84 dhe nëse një rrugë e mundshme është trafikimi i votave, Topi tha se shumë prej deputetëve aktualë të opozitës nuk duan të shkojnë në zgjedhje të parakohshme, pasi nuk duan të lënë mandatin përgjysmë. “Një pjesë e deputetëve nuk mund të shkëputen nga interesat personale. Ata nuk janë të interesuar që për arsye artificiale të ikin nga Parlamenti. Deputetët nuk janë kazermë ushtarake. Disa kanë shpenzuar shumë për t’u zgjedhur. Nuk do t’u bëjmë asnjë kompensim, ata duan të jenë pjesë e një Parlamenti, që ta çojë mandatin deri në fund. Janë shprehur në rrethe të ngushta se duke mos pasur mundësinë për të qenë sërish në Parlament janë shprehur se do të duan përfundimin e plotë të mandatit”, tha Topi.



Qeveria
“Ka një handikap në mënyrën e kompozimit të qeverisë. Ky kompozim nuk është bërë në kushtet e qetësisë së plotë, por ka qenë e diktuar dhe vazhdon të mbetet e ndikuar nga konjukturat. Për shembull PAA. Futja e saj duhet të konsiderohet si defekt parimor, por mesa duket politika qenka e tillë, duke kërkuar komfortin për zhvillimin e reformave dhe kur gjen partner.... Unë nuk kam qenë kurrë dakord, por me kalimin e kohës shikon që politika të dikton që të kompozosh qeverinë dhe t’u japësh personazheve pozicione si ministri i Ambientit”.

Berisha
Duke komentuar pozicionin e Berishës në PD, Topi tha se kreu i kësaj partie është një politikan i klasit të parë, duke shtuar se maxhoranca është në varësi të predominimit të faktorit “Berisha”. “Zoti Berisha është aktor i fortë politik. Ai ka qenë i motivuar për të qenë në korrent të situatave, të jep shpesh fizionominë e një lideri të fortë, ka ditur me mjeshtëri të negociojë me kundërshtarët edhe në momente kritike. Ai është politikan i klasit të parë, natyrisht i përsosur me kalimin e viteve. Maxhoranca është në dipendencë të predominimit të faktorit Berisha”.

Olldashi
“Kam qenë i bindur se në Tiranë zgjedhjet administrative marrin ngjyrime të qarta politike. Beteja për Tiranën është më politike se administrative, unë kam qenë për një njeri politik dhe ne kemi një njeri të qartë në politikë, me karrierë evolutive në politikë. Kemi një njeri që ka nuanca të një karriere dinamike, jo të shtrirë në shumë vite, por mjaft evolutive, por edhe prej një viti në qeveri dhe të pozicionuar mjaft qartë. Ka zbatuar platformën e PD-së me sukses ndaj krimit, kjo jo vetëm individualisht, por duke përfaqësuar edhe filozofinë e qeverisë Berisha”.

[Davius]

Qendrimi i zotit Topi per pranimin e humbjes ne qytetet e medha, u konsiderua nje qendrim realist nga te dy palet e politikes shqiptare, duke i dhene atij me shume pike ne kontekstin e pranimit te realitetit

Zbulohet strategjia e Berishes per Presidentin e Republikes. Ne mbledhjen e fundit te grupit parlamentar te PD pakkush e mori seriozisht deklaraten e kreut te ekzekutivit dhe demokrateve se “PD e ka gati kandidaturen per president”. Dhe askush nuk e komentoi me pas kete deklarate te kreut demokrat, i cili edhe kercenoi se nese e majta nuk do te jape votat per presidentin, te gjithe duhet te behen gati per zgjedhje te parakohshme. Çka do te thoshte ne fakt se Berisha asesi nuk do te pranonte nje President qe do te vinte nga opozita. Ose ndoshta do te ishte nje emer me konsensus te te gjithe paleve. Por ASI ne mengen e Berishes per te qene kreu i ri i shtetit duke zevendesuar presidentin aktual Alfred Moisiu, eshte vete numri dy i Partise Demokratike Bamir Topi.

Ne fakt, duket se kjo eshte nje ide e re brenda kampit te demokrateve. Kjo sepse, para zgjedhjeve, Berisha kerkoi qe ta perfshinte Topin brenda rradheve te kabinetit qeveritar. Arsyeja pse Topi nuk pranoi ka qene pikerisht kjo, strategjia me afatgjate per te qene ne krye te presidences. Nje fakt i tille zbulohet kohet e fundit dhe nga qendrimet qe ka mbajtur vete Bamir Topi. Ishte ky i fundit qe nje dite pas deklarates per fitore te dhene publikisht nga kreu i PD Sali Berisha, doli me nje qendrim te ndryshem nga ai qe mbajti kreu demokrat: kerkoi nje lloj ndergjegjesimi per te pranuar humbjen ne ato kryeqendra te medha, tek te cilat duhet te ishte punuar me shume. Ndersa per detaje te tjera te procesit, vete Topi ka qene shume i terhequr. Qendrimi i zotit Topi per pranimin e humbjes ne qytetet e medha, u konsiderua nje qendrim realist nga te dy palet e politikes shqiptare, duke i dhene atij me shume pike dhe vlera ne kontekstin e pranimit te realitetit. Por pas kesaj skeme, fshihej ne te vertete nje qendrim i mirekordinuar brenda strukturave demokrate.

Bamir Topi, nga socialistet dhe te majtet ne pergjithesi, ka qene nje figure e pranuar pozitivisht. Ne shume raste ka luajtur edhe rolin e interlokutorit mes paleve. Ai ishte njeriu qe u ul ne bisedime me te majten ne tryezen e thirrur nga presidenti i Republikes Alfred Moisiu para zgjedhjeve per te zgjidhur gjithe problemet parazgjedhore, dhe serish u konsiderua nje gjest pozitiv nga ana e politikaneve si majtas ashtu edhe djathtas. Ekspozimi i figures se Bamir Topit, ne nje performance te tille, i ka rritur atij shancet per te qene kandidati i se djathtes per te drejtuar presidencen ne mandatin e ardhshem pese vjeçar, per te mos krijuar nje krize te parakohshme, qe mund te çoje edhe ne zgjedhje te parakohshme.

Rivaliteti

Duket se rivali i vetem i Topit i gjysmedeklaruar tashme ne garen presidenciale, eshte ish lideri i socialisteve Fatos Nano. Ai nuk e ka shmangur idene e kandidimit per postin e presidentit nese nje gje e tille do te ishte e pranuar nga te gjitha forcat politike per te ruajtur ekuilibrin brenda politikes dhe per te shuar konfliktet. Madje ne funksion te kesaj ideje, sipas mediave, u realizua edhe takimi i tij me Berishen ne Pallatin e Brigadave. Por prezenca e Nanos ne Kuvend, ne dhjetor te vitit te kaluar, kur foli per konsensusin qe duhet te ekzistonte ne te dy anet e politikes per t’i dhene zgjidhje krizes zgjedhore, u kontestua nga Bamir Topi. I vetmi qe doli ne foltoren e kuvendit dhe deklaroi se “u gjet nje i humbur” ishte ky i fundit. Batuta e Topit, nuk u mireprit sigurisht nga Nano, i cili nuk e komentoi publikisht. Por u pa qarte nga ana tjeter qe Topit, nuk i pelqente aspak ideja e nje Nanoje president, dhe kete e la te kuptohej dhe e deklaroi ne te gjitha prononcimet e mepasshme pyetur per kete çeshtje.

Votat

Me problem mbetet çeshtja e arritjes se 84 votave per postin e presidentit. Brenda se djathtes, Topi gezon jo pak mbeshtetje. Ideja eshte sesi mund te arrije kryetari i grupit parlametar te PD per te arritur votat e se majtes. Sipas burimeve, edhe tek e majta, ka jo pak mbeshtetes per kandidaturen e Bamir Topit, por keta te fundit ende nuk kane vendosur strategjine e tyre se çdo te bejne me zgjedhjen e presidentit ne korrik te ketij viti.

E kur behet fjale per opoziten, Bamir Topi do te gjendet perballe nje sfide te veshtire. Opozita vete asesi s’mund te pranoje nje variant te tille, ku kryeministri dhe Presidenti t’i perkase maxhorances. Kane hasur jo pak probleme edhe aktualisht, kur Presidenti Moisiu duket se ka mbajtur nje qendrim me shume sesa te ekuilibruar dhe ku per shume çeshtje, ka mbajtur anen e opozites. Aq sa kohe me pare Edi Rama deklaronte se nuk do te ishte problem per opoziten, per nje rikandidim te Moisiut. Por kjo deklarate, ishte bere para synimit te te majteve per te shkuar ne zgjedhjet e parakohshme. E perfundimisht, duke qene se komuniteti nderkombetar ka deklaruar qarte dhe prere se me keto standarde nuk do te mund te behen zgjedhje te parakohshme ne Shqiperi, duke mos lene asnje mundesi veprimi per kerkesen e opozites, zgjedhja e presidentit te Republikes ne korrik te ketij viti, do te jete nje procedure shume interesante, ku dalengadale, po skicohen edhe kandidatet e te gjitha anetave.

Gazeta Shqiptare

[AlbaneZ]

Bamir Topi eshte nje nder me te miret qe ka PD dhe akoma me mire nqs do hidhte dhe ai kandidaturen per president te Shqiperise

[Ingenuous]

Qendrimi i tij prej intelektuali te moderuar ka bere te fitoje respektin jo vetem te demokrateve por edhe atyre te krahut te majte.

Mirepo tani fjalet qarkullojne per propozimin qe Topi te shkoje zevendeskryeminister dhe te punoje krah Berishes.

Ne qeveri Topi mund te humbe shume nga zmalti i vet i sotem.
Prandaj, uroj qe ai te jete President i ardhshem.


Mirulexofshim.

[vagabondo_nyc]

Bamir Topi supozohet te jete kanditati me i mundeshem per president nga gjithe ata qe Berisha mban ne krahe.

Po kush eshte Bamir Topi dhe a eshte i kualifikuar te jete president i ardheshem i Shqiperise?

Pozita gjeografike e te qenit tiranas Topin e ka ngritur dhe mbajtur ne majat e PD-se. Ai ka qene gjithemone lakuar sa here behej fushata e bashkesise te Tiranes. Une besoj qe Sala nuk e ka djegur Bamirin sepse ky i eshte dashur per votimet lokale dhe per te mos thene qe PD-ja eshte ska asnje tirons.. Personalisht nuk e njoh as nuk ja di anen akademike te B. Topit. Nuk me duket shume brilant per te drejtuar shtetin shqiptar. Me mire Bamir Topi se sa Fatos Nano te jete president.

Nese dikush e sjell resumen e Bamir Topit do ishte me mire per lexuesit.

[Lioness]

Bamir Topi refuzon qeverinë

Bamir Topi ka refuzuar përfshirjen e tij në kabinetin e ri qeveritar, në postin e zëvendëskryeministrit. Nënkryetari dhe kreu i grupit parlamentar të PD-së, Bamir Topi, mësohet të ketë refuzuar ofertën e kryeministrit Sali Berisha, për të qenë numri 2 i qeverisë. Lajmin në fjalë e bënë të ditur burimet nga selia blu, duke konfirmuar se Topi dëshiron të vazhdojë të ruajë të njëjtin pozicion politik në krye të grupit parlamentar të PD-së.

Pavarësisht se askush nuk e pohon me zë, (madje edhe kontakti me Bamir Topin ka qenë i pamundur) duket qartë se zyrtari i lartë demokrat, me këtë refuzim të dytë për t'u përfshirë në qeverinë e ndryshuar, për të cilën po negociohet ende, është duke punuar për një kandidim të tij të mundshëm për postin e Presidentit të Republikës. Në fakt "jo-ja" që Topi ka dhënë, zgjidh shumë enigma e dilema që kishin lindur këto ditë se si do të ndaheshin disa nga postet kyçe në qeveri.

Tashmë, pas refuzimit të Topit, Ilir Rusmali rikonfirmohet në postin e tij të zëvendëskryeministrit, duke lënë të hapur mundësinë që në postin e rëndësishëm të ministrit të Brendshëm, vend për të cilin ishte piketuar Rusmali, të vazhdojnë negociatat mes emrave të tjerë të përfolur. Një kandidat i mundshëm për të zëvendësuar ish-ministrin e Brendshëm, Sokol Olldashi, mbetet zëdhënësi i grupit parlamentar të PD-së, Bujar Nishani. Vlen të theksohet se nënkryetari demokrat, Bamir Topi, si rrallë ndonjëherë në zhvillime të tjera të kohëve të fundit, ka qenë aktiv në zhvillimin e negociatave me aleatët.

Sipas burimeve nga PD-ja, mësohet se Topi ka luajtur rolin e ndërmjetësit me aleatët, në takimeve intensive të zhvilluara gjatë këtyre ditëve. Edhe dje mësohet se Topi ka zhvilluar një takim me kryetarin e PR-së dhe ministrin e Mbrojtjes, Fatmir Mediu, edhe pse paraprakisht negociatat me republikanët ishin të mbyllura, pasi ata do vazhdojnë të drejtojnë të njëjtin ministri. Por, edhe bisedimet me aleatët e tjerë të djathtë, konsiderohen të mbyllura tashmë, pasi ata do të vijojnë të mbajnë postet aktuale në qeveri.

Të papërfunduara mund të quhen bisedimet që kryeministri Berisha do të zhvillojë me të vetët, për largimin e disa ministrave dhe për përfshirjen në qeveri të disa figurave të tjera të rëndësishme të PD-së. Pritet që kabineti qeveritar i riformatuar të bëhet publik gjatë javës që vjen, duke zgjidhur edhe dilemat që po shoqërojnë një pjesë të ministrave, nëse do të vazhdojnë të jenë në qeveri, apo do të dalin jashtë saj.

[Kristiano]

Per mua,ose me sakte mua,1-shi i partise demokratike eshte Bamir Topi dhe eshte i denje per president.Pse eshte 1-shi.Ishte Sali Berisha,po pas fitores se 3 korrikut,mun te themi se ka ndryshuar pak,o nuk e kam humbur respektin qe kam per te.

[Brari]

populli thote.. mo i bënj hesapet pa hanxhinë..
presidenti nuku zgidhet pa miratimin e edvinit.. pra ps-se..

ne se ka ndonje loje.. qe ne pd-ja te lëme tiranen ty edvin e ti na le ta bejme bamken prsident.. athere po.. ktu ka llogjik..
megjithate.. cdo artikull i gsh-se eshte diversion i sofistikuar mbi pd-ne qe ti traumatizoje fare.. e ta gjynjezoje te ngraten.. e pastaj te marre thesin me euro te premtuar nga mafia.. per sherbime te shquara.. ne favor te ps-se.. e vecanerisht mafies me te rrezikshme brenda ps-se..

[PRI-LTN]

Nuk do te me vinte mire qe nje figure me potencial dhe e pa konsumuar si ajo e Bamir Topit te humbiste ne rolin e presidentit i cili mban vetem celesat e kashtes.
Posti i presidentit eshte per njerez qe jane prane daljes ne pension nga politika e jo per djem te rinj si Bamiri qe kane plot se c'ti ofrojne politikes shqiptare.
Per mendimin tim Bamir Topi duhet te jete pasuesi i Berishes si ne parti ashtu dhe ne qeveri.

[Dr Rieux]

Jeteshkrimi i Bamir Topit ne faqen e parlamentit

http://www.parlament.al/dokumenti.as...am=Jetëshkrime