Skenderbeu më në fund edhe në Shkup

[Davius]

Heroi ynë Kombëtar, Gjergj kastriot Skënderbeu do ketë një shtatore edhe në Shkup. Komisioni i historianëve të Maqedonisë në mbledhjen e fundit, të zhvilluar dy ditë më parë ka vendosur festimin me madhështi në qytetin e Shkupit të 600 - vjetorit të lindjes së Heroit tonë Kombëtar Gjergj Kastriot Skënderbeut. Organizata e Historianëve Shqiptarë në Maqedoni është duke grumbulluar sa më shumë fakte nga muzetë ndërkombëtare në vende të ndryshme të botës mbi veprën e lavdishme të Skënderbeut.

Koordinatori i këshillit organizativ, Myzafer Bislimi, ka deklaruar për gazetën se po punohet intensivisht për organizimin e një sesioni shkencor me nivel të lartë kushtuar figurës së ndritur të popullit tonë Skënderbeut. Në këtë sesion shkencor do të ketë të ftuar nga Kosova Shqipëria dhe personalitete të shquar në fushën e historisë nga e gjithë bota. Përveç sesionit do të vendoset në Shkup, në çarshinë e vjetër, shtatorja e Gjergj Kastriot Skënderbeut.

E veçantë është se ky sesion shkencor do të bëhet kësaj radhe në Maqedoni sepse sipas organizatorëve, “Skënderbeu është i gjithë shqiptarëve pra është edhe i yni kështu që 600 - vjetorin e lindjes së krenarisë kombëtare do ta kremtojmë këtu në Shkup mes shqiptarëve të Maqedonisë”.

[Davius]

Keto jane fotot e Skenderbeut ne Prishtine, ndersa se si do duket shtatorja e Skenderbeut qe do te vendohet ne Shkup ende nuk kemi informata zyrtare.

[niku-nyc]

Dicka e mire dhe per Shqiptaret e Maqedonise qe e meritojn ta ken edhe pse jetojn jasht Shqiperise...Shpresojm te behet, sado kohe te mari vendimi apo procesi i ndertimit.

[bOndi_oo7]

Eshte nder dhe kenaqesi per ne shkupjanet qe ne qytetin tone sivjet do te mbahet manifestimi qendror i 600 vjetorit te lindjes se Heroit tone Kombetar. Besojme se keshilli organizativ i ketij manifestimi bashke me te gjithe qytetaret e shkupit edhe me ndihmen e bashkeatdhetareve tane do tia dalim te organizojme ashtu sic i ka hije nje pevjetori te ketille.
Por kam nji lajm tjeter jo te mire ne lidhje me shtatoren e cila duhet te ngrihet ne Carshine e Vjeter ne Shkup, me sa kam informacion une shtatorja nuk do te ngritet sivjet ne 600 vjetorin e lindjes se Skenderbeut, por eshte shtyre per kohe tjera, nuk edi se per cfare arsye.

[bOndi_oo7]

Sot u interesova per ceshtjen e Shtatores se Skenderbeut ne Shkup, dhe mesova se dje nga ana e Keshillit Komunal te komunes se Cairit eshte marre vendimi per vendosjen e shtatores se Heroit tone te Madh ne Carshine e Vjeter te SHkupit, ne kumtesen e leshuar nga ana e kabinetit te Prefektit te Cairit thuhet se me 28 nentor te ketij viti do te vendoset gurthemeli i Shtatores. Nga kjo kuptojme se me rastin e 600 vjetorit te lindjes se Heroit Kombetar do te vendoset vetem gurthemeli i permendores,e se kur do te jete gati mbetet te shohim. Shpresojme se permendorja do te jete gati sa me shpejt.

[babadimri]

Dje ne menyre solemne u promovua bazamenti per vendosjen e bustit te Skenderbetu.

Nje ngjarje jo me pak rendesi per shqiptaret ne Maqedoni.

Po e hap kete teme sepse mendoj se ardhja e skenderbeut eshte nje ngjarje shume e rendesishme per shqiptaret.

Urime te gjitheve ardhja e Skenderbeut ne Shkup!!!!!

Pacim jete te gjithe te gjithe shqiptaret

[ideus]

Urime per vendosjen e bustit te Skenderbeut ne Shkup gjithe shqiptarve atje!

[Zana e malit]

Pergezime SHKUPIT- Kryeqytetit te Ilirides.

Ishte koha qe fjalet te shnderroheshin ne vepra dhe ja kjo edhe u be realitet, e jona, e qytetareve eshte qe TA RUAJNE ATE ME NDERIN E SHQIPTARIT!

ZeM

[fjollat]

Skenderbeut marshon ne Shkup !!!!

Dje ishte ditë madhështore, (jo se ka qenë ndonjëherë ndryshe për nga madhështia). Vërtetë Shkupi për herë të parë i dha respektin e merituar flamurit tonë kombëtar (jo bizantino-orthodhoks lol) dhe figurave më të ndritura të kombit tonë.

Për herë të parë në Shkup shqiptarët e festuan këtë festë të madhe sipas meritës, flamur gjigant kuq e zi valvitej, në fakt e mbulonte mbarë qendrën tregtare Ilinden (gjë që shkaktoi reagime të shumta në mediat maqedonse) dhe flamuj valviteshin gjithandej komunës me shumicë shqiptare. Manifestime të ndryshme kulturore ishin organizuar... të gjithë shqiptarët të të gjitha moshave, e shijuan gëzimin e ditës së flamurit... dhe ardhjes së gjeniut shqiptar Skënderbeu, shtatorja e të cilit do të zbukurojë sheshin Skenderbeu të Shkupit.

Feleminderimet për këtë mirësi që më në fund arritëm ta shijojmë u takojnë të gjithë dëshmorëve të 2001-it, familjeve të tyre, bashkëluftëtarëve të tyre që dje festuan dhe të gjithë shqiptarëve që në çfarëdo mënyre kanë kontribuar në luftën e cila na i solli gjitha këto mirësi. Zoti i shpërbleftë të gjithë.

[Pasiqe]

A keni ndonje foto e na dergoni linkun?

Kishte joshqiptare ne ceremoni?