Kuriozitete të ndryshme!

[DI_ANA]

Shqipëria, Kuvajti i Ballkanit!

Studimet e fundit po nxjerrin gjithmonë e më shumë në pah rezervat e mëdha të naftës në Shqipëri. Studimet e fundit tregojnë se Shqipëria zotëron 57% të rezervave të naftës në rajon.

Një studim i bërë për llogari të kompanisë "Manas Petroleum" nga amerikanët e Gustavson Associates LLC, ka konkluduar se Shqipëria zotëron më shumë se 57 për qind të rezervave të naftës që gjenden në Ballkan. "Nga 345 milionë fuçi naftë që gjendet në Ballkan, 198 milionë prej tyre ndodhen në Shqipëri", thotë studimi. Kjo është naftë e rikuperueshme ose e thënë ndryshe naftë që me teknologjinë aktuale mund të nxirret nga nëntoka. Sipas të dhënave, mendohet se rreth 100 milionë e kësaj rezerve ndodhet në vendburimin e Patos-Marinzës, që është dhe fusha naftëmbajtëse më e madhe në Evropën Kontinentale.

Rezervat

Që nga viti 1990, vendi është ndarë në disa zona, të cilat u janë dhënë për shfrytëzim kompanive të huaja. Por, nga një vend eksportues deri më 1989-ën, tashmë Shqipëria detyrohet të importojë 73% të nevojave të saj për naftë. Kjo edhe për arsyen se dy vitet e fundit një pjesë e mirë prodhimit vendas po ikën për eksport. Kanadezja "Bankers Petroleum", që prodhon naftë në vendburimin e Patos-Marinzës në bazë të një marrëveshjeje koncesionare po eksporton më shumë se gjysmën e prodhimit të saj në vendin fqinj, Itali. Ndërsa kompanitë e tjera koncesionare nuk ushtrojnë aktivitet nxjerrës. Në 15 vjetët e fundit, licenca për këtë qëllim u janë dhënë kompanive amerikane, austriake, kanadeze, kroate, greke dhe suedeze. Sipas statistikave të Bankës Botërore, janë kryer shpime në 4 666 puse nafte, nga të cilat 3 123 janë operative, ndërsa 981 të tjera janë mbyllur apo braktisur.

"Spekter"

[DI_ANA]

Shqiperi-Legalizohet droga per parellinjtë

Parlamenti shqiptar miratoi javen e fundit nje ligj per legalizimin e perdorimit te drogave mes personave me te ardhura te mira, ne menyre qe "te perqendrohemi ne luften kunder droges tek armiku i vertete", sic thekson nje komunikate shtypi e Kuvendit.

"Biznesmene, avokate, deputete, artiste, futbolliste…eshte gjynah te merresh me keta anetare te respektuar te shoqerise, qe paguajne taksat dhe ndertojne Shqiperine", thoshte komunikata. Sipas saj, nuk eshte mekat qe pas nje dite te lodhshme pune, nje person i tille te doje te behet pak dru per te shkrifetuar trurin. Por nga ana tjeter, nese nje perdorues i papune qe vjen verdalle rrugeve e s’prek pune me dore, kapet me droge, atehere "ai ja ka bere vetes".

Projekti i propozuar nga Drejtoria e Luftes Kunder Droges, synon te fokusoje mjetet dhe forcat e ligjit tek "shkelesit e vertete"dhe te mos merret me me anetaret prodhimtare te shoqerise. Sipas specialistit ne ministrine e Brendshme, Xhimi Pluhuri, "nuk ka kuptim t’i vihemi pas nje, fjala vjen, kirurgu, qe e thith here pas here ate te shkrete per t’u lehtesuar nga stresi i dites dhe per te mos iu dridhur dora. Por kur nje lamash, nje pabuks prish parate e asistences per te blere dozen, atehere kjo nuk tolerohet dhe pike".

Si rezultat i ligjit te ri, pritet nje renie e perdorimit te drogave me te renda qe lidhen me papunesine, si heroina apo kraku, nderkohe qe "njerezit e hajrit me rroga te mira, mund te vijojne ne paqe perdorimin e pergjegjshem te lendeve me te buta si kokaina, ekstazia apo marihuana me arome mente, si kjo qe po tymos une tani", theksoi specialisti Pluhuri.

"Spekter"

[DI_ANA]

Itali, restorant ne burg, kuzhinieret mesojne te burgosurit te gatuajne

Nën vëzhgimin e rreptë të rojeve të armatosura, një skuadër kuzhinierësh dhe kamarierësh kanë përgatitur një menu të pasur, në atë që mund të cilësohet si restoranti më ekskluziv të Italisë.Restoranti në fjalë ndodhet pikërisht në një burg të sigurisë së lartë ku të burgosurit janë dënuar për vjedhje me armë, dhe vrasje.

Kjo është pjesë e një projekti i cili mbledh para për bamirësi, si dhe ka për objektiv që të burgosurit të mësojnë të gatuajnë gjë që mund ti ndihmojë në gjetjen e një vendi pune pas daljes nga burgu.

Gjithsesi kuzhinierëve iu duhet një leje e vecantë për të përdorur thikën. Burgu Voltera kthehet në një restorant vetëm disa netë në vit. Madje kuzhinerë të vendeve pranë burgut vijnë të bashkëpunojnë me të burgosurit.

"Spekter"

[DI_ANA]

Mban shpuesen elektrike një minutë në ashtin temporal

Mësuesi i Kung Fu-së ka mbajtur fuqishëm shpuesen elektrike në ashtin temporal, një minutë të plotë, e pas kësaj atë e ka përsëritur edhe në bark dhe ka kaluar pa lëndime.

Në Fushan, të provincës kineze Guangdong është mbajtur gara në artin e mjeshtërive luftarake.

Mësuesi i Kung Fu-së, Hu Qiong, ka kënaqur publikun duke mbajtur shpuesen e ndezur në ashtin temporal për një minutë rresht dhe ka kaluar pa lëndime.

Ai ka shpuar ashtin temporal dhe barkun për një minutë kohë secilin dhe nuk ka pësuar asnjë lloj lëndimi. Më pas e ka kapur me duar të thata sharrën elektrike.

Për të dëshmuar rregullsinë e aparateve të rrezikshme, ai ka shpuar vrima në metal, dru dhe plastikë.

Hu, të cilin kolegët e kanë emëruar “trupi i pathyeshëm”, ka filluar të mësojë mjeshtërinë e tij që nga mosha tetëvjeçare në një tempull Shaolin.

"Spekter"

[DI_ANA]

"I vdekuri" zgjohet në tavolinën e operacionit


Një burrë i cili kishte pësuar sulm në zemër në Paris, është këndellur vetëm pak sekonda para se kirurgët të fillonin të largonin organet e tij, për t’i dhuruar ato si donacion.

Doktorët kanë thirrur kirurgët e transplantimit pasi që nuk kanë arritur të ringjallin burrin 45-vjeçar, raporton gazeta Le Monde.

Sipas një raporti nga këshilli spitalor i Universitetit të Parisit, doktorët vazhduan t’i jepnin pacientit masazhe të zemrës për një orë e gjysmë, derisa prisnin që kirurgët të arrinin.

Kur kirurgët filluan operimin e burrit për të larguar organet e tij, ai filloi të merrte frymë, bebëzat e tij të syve filluan të jepnin shenja jete dhe ai reagoi në një test të dhimbjes.

"Pas disa javësh të ndërlikuara me komplikime serioze, pacienti tani po ecën dhe po flet", thuhet në raportin mjekësor.

Nuk dihet nëse burri është i vetëdijshëm se ka qenë afër humbjes së organeve të tij.

"Spekter"

[DI_ANA]

Peshkaqeni ‘sulmon’ tinejxherin në dhomën e fjetjes

Një tinejxher nga Dudley i Anglisë ka mbijetuar pasi është kafshuar në fytyrë nga një peshkaqen, në dhomën e tij të fjetjes.

14-vjeçari, Sam Hawthorne, është ‘sulmuar’ kur “jerm” ka shkuar drejt suvenirit peshkaqen, i cili ishte i varur në mur, raporton Metro.

Atij i është ngulitur krijesa në faqe dhe i ka rrjedhur gjak nga një plagë e marrë.

E ëma e tij, Susan Hawthorne është zgjuar nga britmat e djalit të saj por arriti tepër vonë për të parandaluar atë nga ngulitja në suvenir.

"Ka qenë diçka si në filma horror. Peshkaqeni sigurisht ka qenë i ngulitur në fytyrën e Samit për rreth 15minutash derisa ai kishte dhimbje të mëdha".

Sam, i cili ka shpëtuar vetëm me një gërvishtje të vogël, ka thënë: "Ka qenë përvoja më frikësuese në jetën time".

"Spekter"

[DI_ANA]

Kinezja ushqen me gji tetë foshnja të huaja

Një kineze, me profesion police, u ka dalë në ndihmë viktimave të tërmetit duke ushqyer me gji tetë foshnje, shkruan një gazeta nga Chengdu.

Sipas gazetës, 29-vjeçarja Jian Siajuan, e cila ka lindur para pak kohe, ka pranuar të ushqejë me gji foshnjat e tri grave të cilat, për shkak të stresit, kanë mbetur pa qumësht, dhe fëmijët e të cilave nuk e kanë dashur qumështin pluhur.

Gruaja e re ka marrë mbi vete të ushqej edhe pesë foshnja tjera të vendosura në jetimoret e qytetit të cilat nuk kanë pasur rezerva të qumështit pluhur.

"Spekter"

[DI_ANA]

I burgosuri i trashë padit burgun

Pasi që vetëm gjatë tetë muajve i ka humbur 47 kilogramë, amerikani i cili është duke vuajtur dënimin për vrasje ka ngritur padi ndaj autoritete për shkak të urisë dhe ushqimeve të ftohta, të cilat nuk ndikojnë mirë në oreksin e tij.

Kur ishte futur në burg para tetë muajsh, Laswell kishte 187 kilogramë, e tani ka “vetëm” 140. Siç pohon ai, shujtat e burgut kanë tepër pak vlera ushqimore, e “simptomat” e para që diçka nuk është në rregull i ka hetuar kur gati është alivanosur gjatë ushtrimeve.

"Vetëm gjysmë orë pas ushqimit barku fillonte të më dhemb dhe ‘të më prejë’ sepse kam qenë i uritur", ka shkruar ai në mes tjerash, në padi. Ai gjithashtu ka theksuar se arsyeja e vetme pse të burgosurit humbin peshë është sepse në burg gjoja “vdesin nga uria".

Në fund të padisë Laswell ka kërkuar që në të ardhmen t’i shërbejnë ushqime të nxehta.


"Spekter"

[Edvin83]

Peshkaqeni ‘sulmon’ tinejxherin në dhomën e fjetjes

Një tinejxher nga Dudley i Anglisë ka mbijetuar pasi është kafshuar në fytyrë nga një peshkaqen, në dhomën e tij të fjetjes.

14-vjeçari, Sam Hawthorne, është ‘sulmuar’ kur “jerm” ka shkuar drejt suvenirit peshkaqen, i cili ishte i varur në mur, raporton Metro.

Atij i është ngulitur krijesa në faqe dhe i ka rrjedhur gjak nga një plagë e marrë.

E ëma e tij, Susan Hawthorne është zgjuar nga britmat e djalit të saj por arriti tepër vonë për të parandaluar atë nga ngulitja në suvenir.

"Ka qenë diçka si në filma horror. Peshkaqeni sigurisht ka qenë i ngulitur në fytyrën e Samit për rreth 15minutash derisa ai kishte dhimbje të mëdha".

Sam, i cili ka shpëtuar vetëm me një gërvishtje të vogël, ka thënë: "Ka qenë përvoja më frikësuese në jetën time".

"Spekter"

Ahahahaha, ca eshte ky tiinejxheri?

[DI_ANA]

Binjaket takohen pas 28 vitesh

Binjaket njëvezore, të cilat janë ndarë pas lindjes dhe nuk kanë ditur gjë për njëra-tjetrën, kanë arritur të takohen pas gati tri dekadash, vetëm falë rrjedhës së ngjarjeve.

Krejt ka filluar kur një mike e njërës nga motrat e ndara e ka parë binjaken tjetër në një treg të ishullit Las Palmas de Gran Canaria, në vitin 2001, dhe është çuditur nga fakti se kjo nuk e ka përshëndetur.

Falë kësaj rastësie dy motrat janë takuar përfundimisht, dhe është nisur hetimi për rrethanat e lindjes dhe ndarjes së tyre.

Faji ka rënë mbi personelin e spitalit, të cilët i kanë ndërruar fëmijët në akusheri, që e ka vërtetuar edhe testi i ADN-së i cili është bërë më pas.

Në fakt, është dëshmuar se gruaja për të cilën njëra nga binjaket ka besuar se e ka motër, ka dalë të jetë vajza e çiftit martesor tek të cilët ka jetuar binjakja e vërtetë.

Kjo njohje e ka shkatërruar gruan të cilën pothuajse 30 vjet ka jetuar duke mos ditur gjë, prandaj ajo është dashur t’i nënshtrohet shërimit psikiatrik.

"Spekter"