Malli i shpirtit tim

[Elna Durrësi]

Meqenëse isha ngatarruar dhe vargjet e mia i kisha postuar tek rubrika e shkrimtareve shqiptar , po i ripostoj ketu duke shpresuar qe administratoret ti fshijne nga aty , sepse nuk eshte vendi i tyre.

Po sjell këtu disa vargje të shkruara nga unë nëpër rrjedhën e ditëve, muajve apo dhe viteve.

Mall i shpirtit tim
Për Durrësin

Më ka marrë malli Durrësi im i dashur
Të t’i shoh ty rrugët , bregdetin e lagur.
Rrugëve të tua si dikur të shëtis
Mes njerëzve të njohur shokë apo miq

Më ka marrë malli Durrësi im i dashur
Larg teje, për mua, jeta është e zbrazur.

Elna Durrësi

Endrra

Në çdo ëndërr të gjumit tim të trishtë
Më duket vetja se jam me ju , atje
E ulur në atë breg të brishtë
Buzë Adriatikut atje në atdhe

Hap sytë çdo gjë u zhduk , deti shkoi
Ah, sa dëshpërim isha në gjumë
Kaloi kjo natë , eh, po kaloi
Vallë larg Durrësit sa kohë do të jem unë .

Elna Durresi
Francë


Durrësi
Ky qytet i mrekullueshëm për të cilin gjithnjë mall kam.

Ti zhurmë e këndshme e detit tim
Mes të cilës rritur jam unë
Je ninullë e shpirtit tim
Mbrëmjeve kur unë mbyll sytë për gjumë.

Ti rërë e plazheve të fëmijërisë sime
Përzier mes guackeve të mbledhura nga unë
Nga ajo vazë e vogël , më ngjall mijra kujtime
Më shpie pranë detit, edhe pse mes malesh jetoj unë.

Ju foto të mrekullueshme nga Durrësi im
Radhitur me aq kujdes albumeve jeni
Ju ruaj si gjenë më të shtrenjtë
Qetësimin e shpirtit tim, në brendësi ju keni.

Ju o ëndërra të shpeshta , që buzë detit më çoni
Më vjen keq kur sytë hap, që diku s’ju kam regjistruar
Jeni për mua kinema e çmalljes
Unë Oscar-ët e shpirtit ju kam dhuruar.

Elna Durrësi
Gjenevë 22 tetor 2002.

Durrsaket.

Me lëkurën e bronxtë nga rrezet e diellit
Me të kaçurrelta flokët nga kripë e detit
Me ecje të këndshme trupin ato zhdredhin
Ne brendësi të tyre shikimet e djemve kredhin.

Vazhdojnë ecjen e tyre, pa kthyer kokën prapa
Edhe pse e ndiejnë që shumë djem janë ndalur në hapa
Shikime të mahnitura ata kane hedhur mbi to
I thone njëri-tjetrit , Hey , Durrsaket janë këto!

Elna Durresi
Gjenevë

Për ty nëna ime

Ah flokët e tu ,që këto vite shumë janë thinjur
Ah duart e tua,që ne të katërtëve na kanë rritur
Ah shpirti yt,një shkëmb i pazbuluar
Ah zemra jote, e forte dhe e duruar.

Kur do të kem rastin,dhe një herë ti prek
Kur do të kem rastin,dhe një herë ti ledhatoj
Kur do kem rastin,me sy të të shoh
Kur do kem rastin,zërin të ta dëgjoj.

Elna Durresi
France

Për ju kam mall

Si jeni ? – Lajme çonëmi
Se malli më ka marrë
Si shkoni ? – Tregomëni
Se kam shumë muaj pa ju parë.

Besonëmi se si zjarr shpirti më digjet
Besonëmi se para mallit e pafuqishme jam
Dua të jem me ju , shpirtërisht këtu s’më rrihet
Por shpejt dot s’vij, ndaj shumë mall kam.

Elna Durresi
France

Ju përshëndes Elna.

[Nuska]

Elna te pershendes nga larg!
Vargjet jane shume te bukura, origjinale dhe me ndenje!

Te kendofte shpirti!
Gjithe te mirat!

[Elna Durrësi]

Të falenderoj për urimin që mbarte mesazhi yt dhe në kë¨te mesazh falenderimi po bashkangjis edhe ca vargje që i shkrova sot , të cilat i kushtohen tim biri 3 vjecar e gjysëm.

Tim biri

Pas qortimit që sot në drekë ende s’kishe fjetur
Tek ishe në një gjëndje gjysmë –zgjuar, gjysmë- gjumë
Vure dorën tënde të vogël mbi faqen time
Mami më the të dua thumë.(shumë)

Të shikova e lumturuar
Që ke filluar të më flasesh në shqipen time
Gjuhë e nënës tënde biri im është
Fole edhe mos druaj se bën gabime.

Shprehe atë që ndien në shqip
Se shqipja shprehjet i ka të mrekullueshme
Lëre frëngjishten kur je jashtë shtëpisë
Në shtëpi gjuha , traditat janë të trashëgueshme.

E shoh që je paksa i cuditur,
Që zemërim i qortimit nga këto fjalë u shua
Por ti u shprehe në gjuhën që të ushqej cdo ditë
Dhe kjo gjë më lumturoi mua.

Elna Durrësi
28 tetor 2002

[erzeni]

Elna ...urime per poezite dhe kryevepren tuaj..Cunin gushpellumin..

[ai hyjnori jot]

*Të shikova e lumturuar
Që ke filluar të më flasesh në shqipen time
Gjuhë e nënës tënde biri im është
Fole edhe mos druaj se bën gabime.

Shprehe atë që ndien në shqip
Se shqipja shprehjet i ka të mrekullueshme
Lëre frëngjishten kur je jashtë shtëpisë
Në shtëpi gjuha , traditat janë të trashëgueshme.*

Urime Elna!
Vertete vargje me mall...dhe vazhdo traditen te lutem me tet bir...
Te lumte dora e mendja...!


Gjithe te mirat!

[malli]

shume te bukura

[london_girl_02]

shum poezi te bukura cool

[Brari]

Zysh Elna si shum disiplin i ben cunit ti..
Lere rehat se tre vjec eshte..

Poezite i ke te bukura.
Ajo Cajupiada ishte fantastike..urime!


Ja nje poezi nga Mitrush Kardashi.


Durres o Durres..


Nuk te njoh me Durres i dashur..
Me lagje te reja shume je trashur..
Argjilen e Currilave e mbarove..
Per tulla pallatesh e qebabtore.

Ne plazh ske ku ve mullaqet
Se cahesh nga kanacet
Hajdutet u bene milionere
E artistet skan lek as per berbere

Me Arqilen u lavderove
Rruge e Kanale mbarove
Me Mirin Vila ndertove
Per Tashen tallaxhore


Dimri po vjen
Me qirinj po na gjen
Lum ata qe kan shpin nga Vollga
Se uj per Wc ne det me Kova


durres ti o durres plak
rakatak rakatak..

[Nuska]

Elna, e ke cunin shume te bukur. Si shpirt eshte. Jepi nje te uthur nga une. Muahhhh!

[london_girl_02]

ahahahhahaha pse cun e ka ate nuk e dija
edhe nga mua nje te puthur te dy faqet u ritsh thuaj