Greqi-Shqiperi: Lufta italo-greke dhe ligji i luftes ndaj Shqiperise

[Albo]

Albo ke marre krejtesisht nje pozicion te pafavorshem, per te mbrojtur nje çeshtje te cilen nuk mund ta trajtojme dhe ta zgjidhim ne ketu. Mirepo ne kemi ne dore qe ti paraqesim faktet astu siç jane dhe jo ashtu siç duam.

Forumi shqiptar eshte e vetmia hapesire ne opinionin publik shqiptar qe ka rrezuar e do te vazhdoje te rrezoje shume tabu historike. Menyra se si e kemi bere ka qene duke publikuar materiale historike nga burime nga me te ndryshmet, te cilat historianet shqiptare kane zgjedhur qe ti injorojne e lene ne erresire, ne menyre qe te ngrejne "mite" te paqena ne historine tone si popull. Mitizimi i historise eshte fshehja e te vertetes historike per motive propagandistike te kohes ne te cilen ne jetojme. Dhe pasi keto tabu rrezohen ne forum qe ofron nje informacion e mendime te hapura publike, perqafohen edhe nga historiane te caktuar qe i hedhin keto neper libra historie.

Nese te gjitha faktet historike te kesaj periudhe do te beheshin publike, nga arkivat e shtetit shqiptar, italian e grek, do te formohej nje tablo e qarte historike ku do te dilnin ne pah jo vetem synimet e pushtuesit italian, por edhe bashkepunimin e ngushte te inteligjences shqiptare ne qeveri e Kuvend ne Tirane, edhe bashkepunimin e shqiptareve te thjeshte ne te dy anet e kufirit, si ne Shqiperi edhe ne Greqi. Dhe kur flas per "fakte historike", nuk flas vetem per dokumenta e dekrete shteterore, por edhe per emra te pervecem te inteligjences shqiptare dhe komunitetit cam. E jo vetem komunitetit cam, por edhe nje pjese e mire e muslimaneve shqiptare ne Shqiperine e Jugut.

Aspekti tjeter i "mitizuar" i historise shqiptare eshte lufta civile ne Shqiperi gjate Luftes se II Boterore dhe ndarja e shqiptareve ne dy grupe, duke mbajtur anen e boshtit nazi-fashist, edhe krahun e aleateve. Na pelqen qe te leme ne erresire implikimin e shqiptareve ne kampin nazi-fashist, ne te cilin benin pjese pjesa derrmuese e shqiptareve ne Veri e Kosove. Na pelqen edhe te mbyllim syte para "platformes kombetare" qe disa shqiptare prej inteligjences se kohes krijuan. Ideja ishte "bashkimi i Shqiperise nen flamurin e nazi-fashisteve". Ne kembim te bashkepunimit me nazi-fashistet, ne do te arrinim "Shqiperine Etnike".

Problemi me i madh qe une shoh me kete mitizim te historise dhe fshehje te se vertetes historike, eshte se edhe sot pas 70 vjetesh nga ajo epoke, shqiptaret jane gati te perseritin te njejtat gabime historike, pasi ata asnjehere nuk e njohen te verteten historike, e asnjehere nuk nxorren mesimet e tyre prej saj. Dhe jane te njejtet njerez qe vazhdojne te bejne thirrje per "shqiperi etnike", duke bere nje propagande qe nuk ka per qellim bashkimin e shqiptareve, por ka per qellim shkaterrimin e gjithe atyre arritjeve qe shqiptaret kane arritur ne 100 vjetet e fundit.

Albo dashamiresi,
e ke te kote ate rolin e 'ndermjetesuesit pa perfitim personal' te marredhenieve "pothuajse" te shkelqyera Shqiperi - Greqi!

Kur Albo shkruan, ti lexo e meso se jane burra me te mire ata qe futen ne kete forum per te lexuar mendimin tim mbi shume ceshtje. Dhe po te me kesh lexuar ne vite, mendimi im u paraprin ndryshimeve historike qe behen realitet me kohen, ashtu sic jane bere. Interesi im nuk eshte as interesi i Greqise e as interesi i fqinjeve te tjere, interesi im eshte interesi i shtetit shqiptar. E kuptoj qe ti nuk e ke idene se cfare do te thote "interes kombetar", por ta shpjegoj une:

- Shqiperia eshte anetar i NATO me voten e Greqise!
- Shqiperia fitoi te drejten e liberalizimit te vizave dhe shqiptaret hyjne e dalin tani ne Greqi pa viza, me voten e Greqise!
- Shqiperia eshte nje hap larg pranimit me te drejta te plota ne BE dhe Athina e ka shprehur mbeshtetjen e saj publikisht!

Jo me larg se 1 dekade me pare, kur Albo shkruante ne kete forum se cfare hapash duhet te merrte shteti shqiptar, per shume nga ju keto ishin "enderra ne diell" qe shikonte Albo. Sot jane realitet dhe arritjet me te medha te Shqiperise ne 100 vitet e fundit. Kuptohet, kokegdhete nuk i kuptonin fjalet e mia 1 dekade me pare, nuk i kuptojne as sot qe jane duke vjelur frutet e ketyre arritjeve historike, dhe ne injorancen tuaj jeni gati tu bini me shkelm ketyre arritje historike.

Albo

[EXODUS]

Kur Albo shkruan, ti lexo e meso se jane burra me te mire ata qe futen ne kete forum per te lexuar mendimin tim mbi shume ceshtje

Jo, ashtu eshte, biles e kam disi te veshtire te dalloj se ciles figure te dashur per mua, qe kam njohur gjate gjithe jetes, qoft nepermjet leximesh, pervojash personale, apo njerezish ultra te medhenj me te cilet kam patur fatin e madh te takohem, i ngjan me teper!
Greqia, qe thua ti "administrator forumi" ne te kaluaren ka kryer masakra, genocide, debime te dhunshme(camet) dhe ka ndjekur politika kaq agresore ndaj banoreve te fqinjit te saj me verior, saqe ato pikat qe permend ti jane kaq 'te vogla' ne permasat e nje impakti qe ato duhet te japin, per te mos thene se ajo Greqia jote e dashur, e ndodhur tashme ne pozita te pafavorshme(arenen nderkombetare) qe per te justifikuar ato njemije e pafund "mekatesh" guxon "te shese" fytyren e nje perbindeshi per ate te nje filantropi te rendomte.

Ligjerisht, ne momentin qe Greqia nenshkroi Traktatin e Paqes me Italine, ai famkeqi "Ligj i Luftes" ndaj Shqiperise pushonte se egzistuari! Por fqinji jone jugor kishte te tjera "plane" ne mendjen e saj meskine.

.................................................. .......

Zbardhet ligji grek i luftës. Shqipëria vend armik, sekuestrohen pronat dhe pasuritë


Partia Drejtësi, Integrim dhe Unitet ka zbardhur ligjin e luftës së vendosur nga Greqia në vitin 1940 ndaj Shqipërisë dhe Italisë. Ligji i shumëdiskutuar që është ende në fuqi nga shteti helen, dhe thelbi i tij është shpallja e shteteve armike dhe shtetasve armikë të Greqisë. Po ashtu, në nenet e veçanta specifikohen dhe kategoritë e personave fizikë dhe juridikë që do të konsiderohen si armiq të vendit dhe ndaj tyre do të aplikohen sanksione të rënda, si konfiskim i të drejtës së çdo pasurie të paluajtshme apo të luajtshme, konfiskimi i parave, bonove të investimeve, të drejta pronësie mbi çdo pasuri, qoftë dhe atyre intelektuale. Ligji i luftës është hartuar nga ministri i Drejtësisë së vitit 1940, Ajis Tabakopullos dhe ai i Financave, Apostolidhis. Ligji i forcës që shpall si vend armik dhe Shqipërinë dhe Greqinë, është dekretuar më 10 nëntor të vitit 1940 nga Mbreti i Greqisë, Jeorjios B’. Hartuesit e ligjit janë treguar të kujdesshëm të përjashtojnë si armiq edhe grekët që kanë marrë nënshtetësi në Shqipëri, duke i quajtur ata si ortodoksë. Gjithashtu në nenin 10 të ligjit u jepet e drejta personave të tretë që të përdorin pasuritë e paluajtshme të shtetasve të shpallur si armiq me ligjin e forcës, duke ndaluar në mënyrë kategorike pronarët të përdorin pasuritë e tyre. Në këto pasuri futen tokat bujqësore, trojet, objektet, fabrikat, punishtet, llogaritë bankare etj.



Ligji i forcës Nr.2636/1940

Rreth akteve ligjore të armiqve dhe sekuestrimit të pasurisë armike Jeorjios B’ Mbret i Grekëve Mbi bazën e propozimit të Këshillit tonë të Ministrave, vendosëm dhe urdhërojmë:

Kapitulli A’

Neni 1

Armiq 1.

Armiq sipas kuptimit të këtij neni, konsiderohen: a. Shtetet, kryetarët e këtyre shteteve dhe personat juridike të juridiksionit shtetëror të tyre, të cilat përcaktohen secili në veçanti si armik nëpërmjet dekreteve mbretërore të botuara me propozim të kryetarit të qeverisë, të ministrit të Punëve të Jashtme, ministrit të Financave, sipas kuptimit të këtij ligji. b. Persona fizikë, të cilët kanë shtetësinë e shteteve armike, sipas rastit a), ose ata që kanë banesë, ose banim të përhershëm në to. c. Personat juridikë të juridiksionit privat dhe çdo bashkim personash ose pasurish, përderisa kanë qendrën drejtuese të tyre në shtetet armike, sipas rastit, ose janë nën influencën ligjore, ose ekonomike të armiqve, sipas këtij neni.

2. Nuk janë armiq, sipas kuptimit të këtij ligji, personat fizikë, të cilat kanë fituar nënshtetësinë e shtetit armik, por janë me kombësi greke dhe banojnë në shtete të huaja, ose shtet aleat.

3. Në rast se ekzistojnë dyshime në lidhje me karakterizimin si armik të cilitdo personi ose bashkimi, sipas paragrafit 1, vendoset pas mendimit të komitetit, sipas nenit 19, të ministrave të Financave dhe të Ekonomisë Kombëtare, me vendim të përbashkët të tyre.

Pasuritë armike

Neni 6

Sekuestrimi Pasuritë armike në Greqi me hyrjen në fuqi të këtij ligji ndalohen dhe është i pavlefshëm disponimi i këtyre pasurive tek armiqtë, ose në shkelje të dispozitave të këtij ligji.

Neni 7

Pasuri armike në Greqi

1. Si pasuri armike në Greqi konsiderohen elementet pasurore të mëposhtme, përderisa u takojnë ligjërisht ose ekonomikisht armiqve, sipas kuptimit të nenit 1: – Elemente të patundshme dhe të tundshme të ndodhura në Greqi. – Letra me vlerë dhe tituj të tjerë të çdo lloji të ndodhura në Greqi, obligacione të shtetit grek, të firmave, të organizmave me selinë administrative të tyre, ose qendrën e tyre në Greqi, akoma edhe titujt përkatës të ndodhur jashtë shtetit. – Para dhe lloje të tjera pagese të ndodhura në Greqi. – Aksione të firmave, të cilat kanë selinë administrative të tyre ose qendrën e shfrytëzimit në Greqi, pavarësisht nga fakti nëse këto aksione janë të mishëruara në letra me vlerë, ose jo, dhe në qoftë se këto mishërime ndodhen në Greqi, ose jashtë shtetit. – Kërkesa ndaj debitorit me banesë, ose me banim të përhershëm në Greqi, ose kërkesa të prejardhura nga shkëmbimet e firmës tregtare në Greqi. – Të drejta të pasurisë industriale dhe intelektuale, të cilat mbrohen në Greqi. – Të drejta mbi elementet pasurore të përshkruara në pikat a-f. – Të drejta nga marrëveshjet rreth elementeve pasurore të pikave a-f. – Çdo element tjetër pasuror i ndodhur në Greqi. 2. Përjashtohen nga dispozita e paragrafit të mësipërm elementet pasurore, të cilat u përkasin shtetasve grekë me banesë ose banim në shtete armike.


Burimi: http://www.panorama.com.al/2012/12/2...#ixzz2GaOiDEt3

[EDLIN]

Pala shqiptare disponon një dokument te Gjykatës Diktimit te Janinës qe mban datën e 29 shtatorit 1976 me Nr.Prot.1837, ku kërkohet anullimi i tyre si te pa komunikuar dhe aspak ne fuqi sipas Nenit 549 te se drejtës Penale greke.

......Dokumenti Më 29 shtator të vitit 1976, kryeprokurori i Janinës, Vasilios Xhavellas, në emër të Gjykatës së Diktimit në Janinë, me anë të shkresës me Nr. Prot. 1837, në kuadër të një korrespondence zyrtare intensive të atyre kohëve, i ka kthyer përgjigje Ministrisë së Rendit Publik të Greqisë. Kjo përgjigje vinte pas shkresës zyrtare që Drejtoria e Shërbimeve Kriminale e Ministrisë së Rendit në Greqi i dërgoi ish-kryeprokurorit Xhavellas duke i kërkuar këtij të fundit që t’i vinte në dispozicion të gjitha dosjet me çështjet penale që shteti grek kishte hartuar ndaj popullsisë çame. Pasi është njohur me këtë kërkesë, nga ana e tij Xhavellas ka dërguar shkresën që botohet sot në “Albania” duke pranuar se me urdhër të Ministrisë së Drejtësisë së Greqisë këto dosje ishin zhdukur! Ish-kryeprokurori i Janinës ka specifikuar në këtë letër se ka qenë urdhri Nr.17835/1976 i Ministrisë së Drejtësisë që e ka detyruar atë të shkatërrojë dhe të zhdukë përgjithmonë atë dokumentacion. Ish-kryeprokurori Xhavellas arsyetonte se në bazë të urdhrit që kishte marrë nga ana e Ministrisë së Drejtësisë kishte për detyrë të “avullonte” të gjitha dosjet e proceseve gjyqësore penale :
1) të atij të diktimit 5 dhe 3-anëtarësh të Janinës deri në vitin 1970,
2) të Gjykatës Penale të Kolaboracionistëve të Janinës, Artës, Prevezës deri edhe në vitin 1950,
3) si edhe të Gjykatës Speciale të Janinës për kolaboracionistët.
Nga ç’mund të kuptohet nga krahasimi i urdhrave del se kërkesa për të zotëruar dokumentacionin nga ana e Ministrisë së Brendshme vinte fill pas urdhrit që Ministria e Drejtësisë helene kishte dhënë për asgjësimin e këtyre dosjeve…. Arsyet e zhdukjes Kryeprokurori i Janinës, në përgjigjen që i ktheu kërkesës së Ministrisë së Rendit, e sqaronte se këto dosje ishin asgjësuar për shkak se Ministria e Drejtësisë mendonte se ato nuk kishin më vlerë dhe se të gjithë të akuzuarit (çamët që ndodheshin në Shqipëri) nuk rezultonin fajtorë tashmë që kishin kaluar shtatë vjet nga marrja e këtyre vendimeve, pasi gjatë kësaj periudhe këta të akuzuar nuk ishin njoftuar për prezencën në gjyq apo nuk ishin vënë në dijeni për vendimin e marrë nga gjykata ndaj tyre. “Duke i konsideruar këto vendime si asnjëherë të komunikuara dhe që nuk kanë qenë aspak në fuqi si të tilla ( të zbatuara), pra si jopërfundimtare”, – shkruhet në përgjigjen që ish-kryeprokurori i kthen Ministrisë së Rendit të Greqisë. Më tej, në përgjigjen e tij, ai e mbështet këtë arsyetim (për të zhdukur dosjet) në Nenin 549 të së Drejtës së Vjetër Penale. Ky pohim i ish-kryeprokurorit të Greqisë duket se “hedh në erë” një pretendim shumëvjeçar të Athinës Zyrtare, e cila e ka konsideruar popullatën e përndjekur dhe të dëbuar të Çamërisë si kolaboracioniste të fashizmit. Sakaq, diferenca mes pretendimit që shpreh Ministria e Drejtësisë Greke dhe Diplomacia e këtij vendi është absolutisht kontradiktore, pasi të paktën vetëm nga ky dokument, ish-kryeprokurori i Janinës artikulon qartazi se vendimet e marra nga gjykatat greke ndaj popullsisë çame nuk mund të konsiderohen si përfundimtare për shkak të moszbatimit të disa parimeve themelore gjatë gjykimit të çështjes. Asgjësimi Përtej përplasjes serioze që konstatohet mes institucioneve të drejtësisë greke dhe diplomacisë së saj, duket se vendimi për të asgjësuar këto dosje ngre pikëpyetje të tjera. Kjo pasi të gjitha dosjet e gjykimit të popullsisë çame në mungesë maksimalisht do të përbënin një argument të fortë juridik në të ardhmen ose minimalisht do të manifestonin një material të denjë për arkivat e historisë e më gjerë. Kësisoj, minimalisht Ministria e Drejtësisë Greke në vitin 1976 ka eliminuar mundësinë e një transparence në lidhje me gjykimet që i janë bërë popullsisë came, e cila u prezumua si bashkëpunëtore me nazizmin. Edhe kësaj here duket se qeveria greke ka treguar kujdesin e duhur ndaj “pastërtisë” së arkivave të saj. Gjithnjë shteti grek është treguar shumë i rreptë në kontrollin që i bënte arkivave në lidhje me çështjen e përndjekjes dhe dëbimit të popullsisë çame. Një shembull i qartë që e vërteton këtë gjendet në librin “Lufta e fundit”, në të cilin del qartë se nga referimet që autori Nazarko i ka bërë një studiuesi grek të çështjes, ky i fundit pohon se “është tmerrsisht e vështirë dhe thuajse e pamundur” që të sigurohen dokumente në arkivat shtetërore greke. .....

[EDLIN]

Panariti pret ambasadorin grek: Të hiqet ligji i luftës nga Greqia




TIRANË- Ministri i Punëve të Jashtme Z. Edmond Panariti përsëriti sot në një takim me ambasadorin e ri të Greqisë në Tiranë, Leonidas Rokanas kërkesën për shfuqizimin e “Ligjit të Luftës”, një ligj absurd i vjetër i Greqisë, veprim i cili do t`i çonte në një stad të ri në marrëdhëniet e dy vendeve.

Ministri Panariti kërkoi nga pala greke shtyrjen e moratoriumit që lejon qytetarët shqiptarë të udhëtojnë me dokumentat aktuale që kanë në përdorim, duke qenë se palët kanë avancuar në arritjen e një marrëveshjeje përfundimtare për këtë çështje.

Dy bashkëbiseduesit ndanë vlerësimin se duhet punuar së bashku për të arritur një zgjidhje të pranueshme nga të dy palët lidhur me çështjen e delimitimit detar, mbështetur në legjislacionin ndërkombëtar dhe të drejtën e brendshme të të dy vendeve.

Ministria e Punëve të Jashtme gjithashtu po ndjek me shqetësim moslejimin e kalimit të shtetasve shqiptarë në pikat e kalimit kufitar me Greqinë, për shkak të mënyrës së shkrimit të toponimeve greke në pasaportat e tyre.

Gjatë ditës së sotme edhe Ambasadori i Republikës së Shqipërisë në Athinë i ka përcjellë Ministrisë së Jashtme greke shqetësimin e palës shqiptare për këtë veprim, duke kërkuar që autoritet greke të mos pengojnë shtetasit shqiptarë që udhëtojnë në Greqi, derisa të arrihet një marrëveshje e përbashkët midis dy shteteve për këtë çështje.

Ambasadori Rokanas shprehu vullnetin e tij për të punuar me vendosmëri për dinamizmin e marrëdhënieve dypalëshe. Ai siguroi se Greqia mbështet fuqimisht perspektivën evropiane të Shqipërisë dhe shprehu gatishmërinë e qeverisë greke për të asistuar në terma konkretë Shqipërinë drejt rrugës së saj në BE.

Gjatë takimit, u diskutua mbi hapat që të dy palët do të ndërmarrin për dinamizmin marrëdhënieve dypalëshe. Në këtë kuadër, të dy qeveritë po punojnë për të zhvilluar së shpejti një takim në formatin ndërqeveritar G-G.
(e.m/BalkanWeb)