Olldashi apo Rama?

[Brari]

kur do shpetoj mileti nga perbindeshi edvin..

[thorgal]

mu pergjigj burrerrisht..

ai ish pushti e ish fuksi me i ndyre ne lagjen tende.. per ke voton me kuc e mac ?

e bukur kjo
ndoshta voton per ndonje nga partite ( PS PD PSD... etj ) qe i ka dhene poste te larta ose qe e ka bere anetar te kryesise a mundet edhe kryetar te saj .

[MaDaBeR]

C'do figure politike kosumohet gjate qendrimit ne pushtet. Shume rralle qe nje parti politike ose nje figure politike te kaloje 3 mandate rradhazi. Njeher ka ndodhur ne SHBA qe ka qendruar Partia Republikane 3 mandate rradhazi, dhe njeher tani ne Angli ku Toni Bler po ben mandatin e 3.

Tani te flasim per Edin dhe bemat e tij. Cfare te bukure ka bere ai??? Qe ka zhgarravitur disa pallate qe dhe femijet e klasave te para e kane per ofendim tu kerkosh te vizatojne ne ate menyre. Apo Zogun e Zi qe ishte jashte cdo standarti, qe kishte rrezikshmeri Super te larte per aksidente automobilistike, apo qe ka 1 vit per te shtruar 2 km me pllaka, dhe per inate politike kjo rrug nuk eshte shtruar as cereku akoma.

Mendoj qe Sokol Olldashit do i jepet nje shanc per te qene kryetar bashkie, pasi Edi Rama beri qejf sa te duash. Pastaj po te shohim dhe historine e Tiranes, bashkia e qeveria kane qene gjithmone te nje krahu, duke filluar qe kur jane bere zgjedhjet per here te pare per bashki e deri ne ditet e sotme.

Lukas

[njemik]

Fakti qe ketu ne forumin e mbushur me komunista simpatizant te PD-se Ed Rama fiton 53% tregon qe Olldashi (megjithse ka marre vota nga shum prej anetareve qe skane lidhje me Tiranen) e ka punen keq...

Sorry

[ILLUZION]

rama :P

po te isha vet do votoja veten

[drity]

Fakti qe ketu ne forumin e mbushur me komunista simpatizant te PD-se Ed Rama fiton 53% tregon qe Olldashi (megjithse ka marre vota nga shum prej anetareve qe skane lidhje me Tiranen) e ka punen keq...

Sorry

Ky fakti qe thu ti mund te tregoj dhe i gjo tjeter....... qe keni votu dy here. I here me nji emer dhe heren tjeter me nji emer tjeter, ose i here nga shpija e i here nga xhaja.

pune mu.ti se ne realitetin kokeforte do votoni vetem nji here

[Xhuxhumaku]

ke harru nje te trete drity,

ka votu edhe nga linjat e dedikuar te koqokoqedheimes

ki laluci

[DYDRINAS]

Kandidati i PD-së prezantoi planin prej 3 milion eurosh për një nga lagjet e Tiranës

Olldashi: Projekte për të nxjerrë Laprakën nga harresa e Ramës

Projekti prej 3 milion eurosh për kanalizimet e ujërave të zeza, ndërtimin e ujësjellësit dhe sipërfaqeve të gjelbërta, do t'u ofrojë banorëve të Laprakës shërbimet dhe infrastrukturën e nevojshme që qytetarët e kësaj zone të jetojnë si banorët e tjerë të kryeqytetit. Projekti u prezantua nga kandidati i Partisë Demokratike për postin e kryetarit të Bashkisë së Tiranës, Sokol Olldashi, i cili theksoi se projekti që do të financohet në formë kredie nga kooperacioni italian do të ndryshojë imazhin e kësaj zone tërësisht të harruar nga kryetari aktual i Bashkisë së Tiranës, Edi Rama. Gjatë takimit me banorët e kësaj zone, Olldashi ka evidentuar situatën e rënduar të infrastrukturës rrugore dhe mungesën e plotë të shërbimeve të Bashkisë së kryeqytetit. "Janë vënë në dispozicion 3 milion euro nga kooperacioni italian për këtë projekt, i cili do të fillojë të zbatohet në muajin shkurt të vitit 2007 dhe përfshin 7 km rrugë, 5 km kanalizime të ujërave të zeza, 2 km ujësjellës, bibliotekë, salla kinemaje, fushë sporti dhe 5 ha gjelbërim në funksion dhe në shërbim të qytetarëve të kësaj zone. Ky projekt do të nxjerrë Laprakën nga rrëmuja totale sikur është sot në një pjesë shumë të bukur të qytetit të Tiranës, në një pjesë që ka të gjithë shërbimet, infrastrukturën dhe respektin për qytetarët që banojnë këtu", tha Olldashi, duke siguruar se projekti do të fillojë të zbatohet në muajin shkurt. Kandidati i mazhorancës akuzoi qeverinë e mëparshme se ka zvarritur miratimin e kësaj kredie dhe theksoi, se tani është rruga e lirë që të nisë realizimi i këtij projekti të rëndësishëm. "Këto janë fonde të miratuara të aprovuara në Parlament dhe në muajin shkurt fillojnë punimet. Kjo kredi është zvarritur vite me radhë nga qeveria e mëparshme, askush nuk e ka çarë kokën, sepse kredia nga kooperacioni italian ka qenë e disponueshme, por problemi është se nuk ju kanë pasur në listë, sepse po t`iu kishin në listë nuk do t'iu linin kështu siç ju kanë lënë", tha Olldashi, duke u shpjeguar banorëve të zonës zvarritjet që iu bënë këtij projekti nga ish-qeveria socialiste. Nga ana e tyre banorët e kësaj zone shprehën irritimin e papërmbajtur ndaj mungesës së vëmendjes nga kryetari aktual i Bashkisë së Tiranës, Edi Rama, ndërkohë që nuk fshehën optimizmin se nëpërmjet kryetarit të ardhshëm Olldashi siç u shprehën ata, Lapraka do të mund të shndërrohet shumë shpejt në një nga zonat më tërheqëse të Tiranës. Në rrugë të mbytura nga balta dhe pellgjet e ujit, anash të cilave kundërmonin pirgjet e plehrave të papastruara prej muajsh nga punonjësit e Bashkisë, Olldashi vlerësoi se, një situatë e tillë është dëshmi e qartë vëmendjen dhe shërbimet që u ka ofruar Rama qytetarëve të Tiranës. Ai theksoi se për vite me radhë në zonën e Laprakës, Bashkia e Tiranës nuk ka bërë asnjë investim, duke i lënë banorët në kushte të papërshtatshme jetese. "Jemi këtu në qendër të Laprakës së vjetër, një pjesë tradicionale dhe e vjetër e qytetit të Tiranës dhe shikoni në ç`kushte tërësisht të papërshtatshme jetohet, në kushte totalisht jashtë çdo standardi për një qytet. Prej vitesh me radhë, këtu nuk është investuar asgjë, banorët e kësaj zone janë lënë në fatin e tyre në mungesë të plotë të investimeve as në infrastrukturë, as në shërbime publike. Mjafton të shikosh rrugët për të kuptuar se si është trajtuar kjo zonë", u shpreh kandidati i shumicës gjatë takimit që zhvilloi me banorët e zonës. Ai siguroi se, kjo gjendje do të marrë fund sa më parë. Në këtë takim kandidati i mazhorancës për postin e kreut të Bashkisë së kryeqendrës së vendit shoqërohej edhe nga deputetja e zonës Majlinda Bregu, dhe kryetari i Njësisë Bashkiake 11, Haki Mustafa.

"Ne kemi ardhur sot me zonjën Bregu dhe kryetarin e njësisë për të paraqitur programin e ri për këtë zonë, projektin e kaluar tashmë nga qeveria jonë për një investim prej 3 milion eurosh, të cilat do të jenë të gjitha për infrastrukturn dhe shërbimet e Laprakës së vjetër", nënvizoi Olldashi.

Gazeta RD
31/2/2006

[DYDRINAS]

80 për qind e territorit të Tiranës me infrastrukturë fshati

Kandidati i Partisë Demokratike për postin e kryetarit të Bashkisë së Tiranës, Sokol Olldashi, deklaroi dje se, Bashkia e kryeqytetit ka më se një vit e gjysëm që nuk funksionon. Ai tha se, Rama në vend që të përmbushë detyrimin e tij në shërbim të qytetarëve, është angazhuar në shpikjen e ngatërresave në Parlament dhe në Partinë Socialiste. Olldashi premtoi se, do t'u japë qytetarëve një kryetar bashkie që është nga mëngjesi deri në darkë në shërbim të qytetarëve. "Ka një vit e gjysëm që Bashkia e Tiranës nuk funksionon, sepse kryetari i saj nuk është më kryetar bashkie, por është kryetar partie dhe në vend që t`ia kushtojë kohën dhe energjitë e tij punëve të Tiranës, ia kushton kohën dhe energjitë e tij shpikjes së ngatërresave në Parlament apo në PS. Kjo është puna e tij, ne do t`i japim Tiranës një kryetar bashkie full-time një kryetar bashkie që do të rrijë nga mëngjesi deri në darkë në punë t`u shërbejë qytetarëve", deklaroi Olldashi, gjatë prezantimit para anëtarëve të Partisë Demokristiane. Duke iu referuar premtimeve boshe të Ramës për projekte të reja për kryeqytetin, Olldashi tha se, nuk mund të pritet një vizion i ri për kryeqendrën e vendit nga një njeri që ka fjetur 6 vjet në një kohë kur ka qenë drejtues i këtij qyteti. "Bashkia ka nevojë të ndryshojë vizionin. Në këtë qytet nuk mundet që ish-kryetari pas kaq vitesh të dalë e të thotë, që, unë kam një vizion për qytetin, nuk mund të presim që një njeri që fle për 6 vjet, dhe që ka drejtuar këtë qytet për 6 vjet të shikojë një ëndërr për vizionin e tij", vijoi më tej kandidati i shumicës për postin e kryebashkiakut të Tiranës. Ai e vuri theksin gjithshtu në faktin se, Rama la 80 për qind të territorit të kryeqytetit në mjerim të plotë, duke u ofruar banorëve vetëm rrugë me baltë dhe infrastrukturën e një fshati të mbushur me baltë dhe me pellgje uji. "Nuk mundet që të kemi një kryetar vetëm bulevardi dhe të kemi 80% të kryeqytetit që jeton në gjendje mizerabiliteti. 80 përqind e sipërfaqes të territorit të qytetit të Tiranës, sot është një fshat i baltosur. Ne kemi qytet nga Sheshi "Nënë Tereza" deri tek Stacioni i Trenit, ky është qyteti që kemi. Qyteti nuk është vetëm bulevardi, qyteti ynë është dhe duhet të jetë e gjithë Tirana, duke filluar nga Kombinati deri në Kinostudio nga Sauku deri në Laprakë, kudo ku ka qytetarë të Tiranës", tha Olldashi. Ai nënvizoi se Bashkia nuk mund të jetë institucioni i shefit të kabinetit, por institucioni që duhet të jetë në shërbim të qytetarëve. Duke iu referuar diferencimeve të skajshme që ka bërë Rama gjatë 6 viteve në investimet e Bashkisë, Olldashi nënvizoi se, Bashkia nuk mund të funksionojë si institucion që investon tek ata që paguajnë dhe nuk investon tek ata që nuk paguajnë. "Bashkia nuk mund të jetë institucioni i shefit të kabinetit, Bashkia duhet të jetë e njëjtë për të gjithë qytetin. Bashkia sot nuk funksionon si institucion i njerëzve, por me idenë këta qytetarë paguajnë dhe do t'u shërbejë dhe këta qytetarë nuk paguajnë dhe nuk do t'u shërbejë. Institucioni bashkisë duhet domosdoshmërisht të rikthehet tek institucioni i shërbimit ndaj qytetarëve, të jetë i barabartë për të gjithë qytetin, duhet do t'u shërbejmë me devocion dhe përkushtim çdo qytetari të Tiranës, pavarësisht bindjeve të tij politike, pavarësisht përkatësisë sociale apo krahinore", u shpreh ai. Sipas tij është e pafalshme që kryetari i bashkisë të ndajë qytetin në ishuj dhe të vendosë se në këtë ishull do të investojë dhe tek ky ishull nuk do të investojë. "Qyteti duhet vlerësuar njësoj dhe duhet shërbyer njësoj. Ne kemi nevojë për një kryetar bashkie që të jetë i njëjtë për të gjithë qytetarët e Tiranës", tha Olldashi, duke shprehur besimin se me forcën morale dhe vitalitetin e strukturave të koalicionit të djathtë, do t'ua kthejë Tiranën qytetarëve, duke e nxjerrë atë nga funksioni i individit në funksion të çdo qytetari.

Gazeta RD
31/12/2006

[DYDRINAS]

Japonia akordon nje kredi prej 80 milion eurosh per projektin e trajtimit te ujrave te zeza te Tiranes.

Delegacion qeveritar i kryesuar nga Ministri i Puneve Publike Transportit dhe Telekomunikacionit z. LulzimBasha dhe Ministri i Ekonomise , Tregtise dhe Energjitikes, z. Genc Ruli zhvilluan nje vizite disa ditore ne Japoni. Gjate kesaj vizite Ministrat Basha dhe Ruli zhvilloi takime me autoritet me te larta Ministrise se Transporteve, Financave, Ekonomise dhe asaj te Puneve te Jashtme. Ne keto takime u diskutua gjeresisht per zgjerimin e bashkepunimit ekonomik dhe politik mes dy vendeve. Autoritet japoneze kane shprehur gadishmerine e tyre per te vazhduar ndihmen dhe asistencen ne sektorin e infrastruktures. Konkretisht Ministri Basha ka siguruar ne takimin me drejtues te Bankes per Zhvillim te Japonise mbeshtetje per nje kredi prej 80 milion eurosh me terma te bute per zhvillimin e sistemit te Kanalizimeve dhe Impiantin e Pastrimit per Tiranen e Madhe.

Kjo kredi nga Banka per Zhvillim e Japonise ka marre dhe miratimin e te gjitha instancave qeveritare.
Master Plani per periudhen deri ne vitin 2020 per zhvillimin e sistemit te Kanalizimeve dhe Impianitin e Pastrimit per Tiranen e Madhe do te implementohet ne tre faza.
Kredia prej 80 milion eurosh do te perdoret per fazen e pare te projektit e cila ka nje siperfaqe sherbimi 4,999 ha ne sherbim te 728,940 banore.

Master plani eshte nje projekt i suksesshem nga ana e fizibilitetit financiar, pare kjo nga pikpamja e nevojave humane baze ne ambientin ku jetojme dhe eshte fizibel per implementimin nga pikpamja ekonomike.

Projekti do te siguroje nje zgjedhje teknike te qendrueshme ne problemet aktuale te ndotjes duke cuar ne nje permisim esencial te sherbimit te mbledhjes dhe largimit te Ujrave te ndotura per komunitetet dhe nje pastrim te konsiderueshem te ambientit.

Studimi i fizibilitetit po realizohet nga Agjensia Japoneze e bashkpunimit nderkombetar dhe do te jete gati ne fund te muajit Dhjetor.

Ministri I Puneve Publike Transportit dhe Telekomunikacionit ka zhvilluar gjithashtu takime dhe me investitore te rendesishem Japonez, si perfaqesues te Mitsubishit, drejtues te dhomes se tregtise etj.

20/12/006