Olldashi apo Rama?

[DYDRINAS]

C'thote ish-kryetari i Bashkise se Tiranes z.Albert Brojka ne nje interviste dhene gazetes Metropol.


Zoti Brojka, si ju duket kandidatura e zotit Olldashi e përzgjedhur nga Partia Demokratike për Bashkinë e Tiranës?

Më duket e goditur. Bile është një kandidaturë e njëjtë me pozitat e mia. Unë atëherë kam qenë ministër i Ndërtimit dhe Turizmit. Dhashë dorëheqjen nga ai post dhe isha kryetar i Partisë Demokratike për Tiranën. Edhe zoti Olldashi ka të njëjtën pozitë, është ministër, është dhe kryetar i Partisë Demokratike për Tiranën. Është figura që drejton Tiranën dhe ajo që më bën të mendoj se është i goditur si figurë, është se e ka treguar veten në pushtetin qendror, një vit si ministër. Mendoj se është i suksesshëm në punën e tij. Së dyti, më duket intelektual, i pavarur në mendime dhe në veprimet e tij, jo i influencuar nga politika, i përgatitur. Ka një eksperiencë kohe në politikë dhe në drejtim. Kështu që mendoj se është një figurë që brenda Partisë Demokratike mund ta përballonte më mirë në krahasim me të tjerët. Kështu që mendoj se PD-ja ka bërë përzgjedhjen më të mirë në rastin e zotit Olldashi. Për ato që thashë, por edhe për personalitetin e tij. Më duket se ka një pavarësi do të thoja në krahasim me të tjerët në Partinë Demokratike.

Olldashi përballë Ramës, cilat janë përparësitë dhe dobësitë, të njërit apo të tjetrit?

Përsëri më duket më e goditur figura e Olldashit. Do të mundohem ta shpjegoj pak më gjatë këtë. Gjithnjë e kam fjalën për Tiranën. Cili kryetar do t’i shërbente më mirë Tiranës, Olldashi apo Rama? Unë mendoj se Tiranës do t’i shërbente më mirë Olldashi. Unë e kam provuar veten në këtë post dhe kam patur si qeveri, qeverinë socialiste, vetë isha i Partisë Demokratike. Buxheti i Bashkisë së Tiranës dhe i gjithë bashkive të tjera, kryesisht formohet nga taksat lokale që zënë në kohën time 10%, por edhe tani nuk zënë më shumë 10-15% të buxhetit dhe pjesa dërrmuese e buxhetit vjen nga pushteti qendror. Kështu që në një farë mënyre pushteti vendor është i varur nga qeveria. Kështu që unë e kam vuajtur në kurriz edhe vetë, sepse kam patur qeveri socialiste dhe kisha një buxhet shumë të kufizuar, qoftë në investime, qoftë në shërbime publike. Në qoftë se do të fitonte Edi Rama, qeveria nuk do ta mbështeste, do të ishte tamam si pozitat e mia. Nëse do të fitonte Olldashi, qeveria do ta mbështeste, sepse do ta kishte të vetin. Kështu që në këtë mes Tiranës i bëhet më mirë, sepse do të merrte me shumë shërbime dhe shumë më tepër investime, do të kishte mbështetjen e qeverisë qendrore. Së dyti, figura e Edi Ramës është një figurë e konsumuar. Më tepër e konsumuar karshi elektoratit të Tiranës, të paktën kështu është mendimi im. Ka bërë një propagandë të jashtëzakonshme për t’i ngritur vlerat vetes dhe jo vetëm kaq, por e ka përdorur Bashkinë e Tiranës për karrierën e vet politike. Siç u bë tani kryetar partie, ndoshta pretendon edhe më lart. Aq më tepër që ka dy mandate në Tiranë dhe që të kesh dy mandate në Tiranë, edhe sikur të punosh, je i konsumuar. Pavarësisht është për t’u diskutuar pastaj, ka punuar mirë, apo s’ka punuar mirë.

Ju si mendoni, si ka punuar Edi Rama?

Unë mendoj se më tepër ka bërë propagandë. Ajo punë që ai e propagandon, që e nxjerr nëpër kamera, nja 3-4 herë në inaugurime, është një detyrë e çdo kryetari bashkie që do ta bënte. Ju mendoni se po të mos ishte zoti Rama, po kujtoj dy figura nga Partia Socialiste si Bashkim Finon apo Spartak Poçin, që janë specialistë shumë më të aftë se ai, s’do t’i kishin bërë këto. Natyrisht që do të ishin bërë. Tjetër është se këto para që janë investuar dhe që propagandohen nga Edi Rama sikur janë punërat e tij, janë paratë e taksapaguesve shqiptar. Kryetari i bashkisë vetëm sa i administron. Dhe kur vjen puna tek administrimi, mendoj se ai i ka administruar keq. Të gjithë investimet në Tiranë janë me kosto të lartë dhe me cilësi të dobët. Ky quhet administrim i keq dhe kjo është detyrë e kryetarit të bashkisë. Ndërsa paratë që janë bërë këto dhe që ai pret shiritat, nuk janë paratë e tij, nuk ia ka lënë trashëgim gjyshja apo dikush tjetër. Kështu që në këtë aspekt, po ta shikosh, Olldashi, së pari do të ketë mbështetjen e qeverisë, pra do të ketë shumë më tepër para për Tiranën, ndërsa qeveria është e tij. Së dyti, Edi Rama është i konsumuar dhe e ka përdorur postin e kryetarit të bashkisë për karrierën e vet politike. Dhe, së treti, e ndjen edhe vetë elektorati i Tiranës që ai njeri është i konsumuar dhe duhet të largohet. Fundja, edhe brenda Partisë Socialiste do bënte mirë të kandidonte një tjetër, por me ç’duket kanë ngelur keq. Kështu që figura e Olldashit është shumë më e mirë.

Gazeta Metropol

[Forumisti]

Pse ja vut drynin temes ne eshte normal Sal Berisha a eshte gjysmak..??
Jeni bo me keq se Rd-ja
Nuk ndryshojne lehte komunistat shqiptar jo
Ata ishin cifut e u desh te zhdukej gjithe brezi me u be njerez.. ne ne sa duket duhet te kalojme nja tre
tung

[Poison_Ivy]

Nje pyetje (retorike):
A ka goje Brojka te flasi per Edin?
Une e dija te vdekur e te kallur. Apo kujtoi se pas gjithe kesaj kohe Tirana e ka harruar tmerrin qe ngriti me duart e veta?

O Qazim Bej Mulleti, mos i bold-o ato dreq shkimesh se na qerrove fare. Ja nxjerrim vete moralin "fabulave" qe poston.

[Bl3ri]

Vota ime shkoi per z. Sokol Olldashin sepse besoj qe do fitoje.

Urime.

[aila]

me fal zoti qazim por ti thush ketij populli te votoje per nje njeri si ky qe sollet ju n efoto eshte turp.nqs ka deputet pa identitet pas pal dajcit e nard ndokes eshte sokoli yt.vetem nje miop nuk do mund te shihte ndryshimet e bera nga punonjesit aktual te bashkise.e ta dish zoteri se ata sjan as social e as demakrate por jan tiranas,qe punojne me nje kryetar qe vetem njeri nuk eshte por nje bish e veshur me pushtet pra spo lavderoj asked.por ta dini mire se tiranes faqen nuk ja ndryshoi kryetari aktual por punonjesit e pa lodhur te saj dhe tirana nuk voton edvinin si njeri por administraten bashkiake si struktura me e mirorganizur ne keto 16 vjet pluralizem te veshtire,mund te jene te korruptuar por jan dhe punetore.tirana eshte heterogjene e si e tille voton strukturen e jo individin.

[DYDRINAS]

Olldashi: Vizioni im për Tiranën e ardhshme

7 Dhjetor 2006

Kandidati demokrat në kryeqytet i bën ftesë Ramës për fushatë të qytetëruar

“Tiranës i duhet një lidership, të cilin deri tani nuk e ka patur”. Kështu është shprehur kandidati i PD-së për Bashkinë e Tiranës, Sokol Olldashi, dje në një konferencë të posaçme për shtyp, ku i ka bërë thirrje rivalit të tij të realizojë një fushatë të qytetëruar zgjedhore. Olldashi, gjithashtu ka bërë të ditur se, Tirana ka nevojë për një vizion të ri për të ardhmen.

Vizioni

“Kemi nevojë për një vizion të ri, që t'u përshtatet të gjithë banorëve të Tiranës dhe jo në mënyrë sporadike, vetëm disave prej tyre. Ne kemi nevojë për një plan që të përfshijë të gjithë qytetin, jo vetëm bulevardin apo qendrën dhe kemi nevojë për një drejtues të guximshëm, të aftë dhe që të mbrojë interesat e qytetarëve të Tiranës”, është shprehur kandidati i PD-së, Olldashi. Më tej, ai bëri të ditur se qëllimi i kandidimit të tij është që të bëjë diferencën reale mes punës që duhet bërë për t’i shërbyer qytetit nga vënia e qytetit në shërbim të një njeriu të vetëm. “Ky qytet është sot më i shtrenjtë, më pak i banueshëm dhe në prag të një kolapsi urban, për shkak se aktorët kryesorë të tij nuk kanë qenë qytetarët, por grupet e interesit, që diktuan deformimin e Tiranës. Ky qytet mund të bëhet më i lirë, më i banueshëm dhe më perëndimor, duke bërë qytetarët pjesë të qeverisjes dhe duke përdorur lirinë e tregut përballë një tregu informal ndërtimesh të prodhuar artificialisht nga grupe interesash", u shpreh Olldashi. "Unë di ta prek të keqen aty ku është. Unë di ta bëj këtë qytet të të gjithë qytetarëve, përtej bulevardit dhe qendrës. Unë di të bëj që të ndjehet qytetar i Tiranës edhe ai që jeton në Kombinat, edhe ai që jeton në Sauk, edhe ai që jeton në Laprakë, edhe ai që jeton në Kinostudio”, tha kreu i PD-së së Tiranës.

Ftesa

Duke iu drejtuar rivalit të tij në kryeqytet, kryetarit të PS-së, Edi Ramës, Olldashi e ftoi atë që të zhvillojë një fushatë të qytetëruar. “Jam i gatshëm të ndërmarr një fushatë dinamike dhe gjithëpërfshirëse, të drejtë dhe të barabartë, e cila do të fillojë zyrtarisht më 20 dhjetor. Ftoj gjithashtu opozitën të ofrojë një debat konstruktiv, në mënyrë që të zhvillojmë një fushatë të qytetëruar. Ftoj rivalin tim kryesor dhe rivalët e tjerë të mundshëm, të përfshihemi në një garë të qytetëruar, të ruajmë integritetin e procesit dhe t'i japim Shqipërisë zgjedhje të lira dhe të ndershme, si një mundësi për të dhënë kontributin tonë të parë për qytetin dhe të ardhmen evropiane të tij”, është shprehur Olldashi, i cili ka shprehur bindjen e plotë për fitoren. Olldashi gjithashtu e ftoi Ramën që të administrojë në mënyrën e duhur certifikatat, të cilat sipas tij janë më se të sigurta. Ai gjithashtu ka bërë të ditur se fushata elektorale do të organizohej nga kompania amerikane “March Copsey and Associates”, ndërsa drejtimi politik i fushatës do të bëhet nga Bamir Topi dhe për anën menaxheriale do të kujdeset Bujar Nishani. Olldashi gjithashtu bëri të ditur se në momentin e duhur do të bëjë të ditur vendimin që do të marrë për mbajtjen ose jo të postit të ministrit të Brendshëm. Ai tha se stafi i tij elektoral po përgatit detajet e fundit të programit politik për Tiranën dhe, sipas tij, ky program ka në qendër interesat e qytetarëve të kryeqytetit.

Gazeta Metropol

[vagabondo_nyc]

Dhe ku eshte ky vizion? cilat jane pika? zero me bisht!

Ka thene do jap dorheqjen nga ministira e rendit pse nuk e jep?

Sala thote K-okdashi eshte ministri me i sukseshem. Dmth e sakfrifikon e con kurban ministrin me te sukseshem.

Sala tani ka pare do paguaj “March Copsey and Associates” qe the kryetari i bashkesis te new yorkut do e kishte qejf ta kishte ne fushtat por xhepi sja mba.

Deri sa ska hy Bamiri kandidat dihet qe Rama do fitoj. Mire ka te tipin Nishanin drejtus me humbje direkte.

[luka Boroti]

Nuk mund te krahasohet Oldashi me Edi Ramen pasi vihet ne konkurim nje fare pune e bere tashme me nje iluzion per nje pune me te mire. Shqiptaret jane popull realist dhe nuk jane shume largpames pra them se do te fitoj Edi Rama. Nuk mendoj se PD vuri nje kanditature serioze, mund te kishte bere me mire.

[DYDRINAS]

[Azem Beta]

VOTAT e juaja jan nje kokerr orizi ne mes te detit,looool mos i nzeni gjakrat kot,
Edi Rama nuk ka per te fituar kurr me ne ket jet,vetem ne qoft se fiton ndonje llotari per te ikur ne Frans ose Amerik,
lexova pak me siper qe shqiptaret jan realist,looooooool,na paska dal nje kryetar bashkie qe ka lyer ca pallate,e tani nuk duhet te ndrohet kurr me per mendimin e tyre?hahahaha,perkundrazi tashti esht koha per ta ndruar dhe per ti len vendin dikuj qe te baj dicka me shum se EDI.
edhe nje pyetje kam per te gjith kta qe besojn qe do fitoj Edi,
nese humb, a doni te vini ktu e te shkruani jan manipuluar votat?
apo nuk do vini me ne forum?