Universitet i Evropës Juglindore (UEJL)

[Cimo]

Dita e hapur 10 Maj 2008

[Coca-Cola]

UEJL në shtator edhe në Shkup

Urim HASIPI
Tetovë, 26 qershor - Nga shtatori, Universiteti i Evropës Juglindore do të fillojë me punë edhe në Shkup, në këtë drejtim janë bërë edhe të gjitha përgatitjet për objektin që gjendet përballë Ambasadës Italiane, ndërsa në funksion është futur edhe ueb-faqja zyrtare me konkurset për vitin akademik 2008/2009, sikurse edhe Fakultetet dhe drejtimet që ofrohen. Sipas Henry Dikson, drejtor i universitetit në Shkup, objekti në kryeqytet, jo edhe aq i madh sa qyteza në Tetovë, ofron të njëjtat tipare të cilat UEJL-në e bëjnë universitet modern evropian dhe një vend të shkëlqyeshëm e të pëlqyeshëm për të studiuar. Në Shkup do të ofrohen programet studimore nga të dy ciklet; cikli i parë-deridiplomik dhe cikli i dytë-pasdiplomik. Regjistrimi i studentëve në vitin e parë të studimeve, të ciklit të parë trevjeçar do të mund të bëhet në Fakultetin e Drejtësisë dhe Fakultetin e Shkencave dhe Teknologjive Bashkëkohore, ndërsa në studime me korrespondencë në Fakultetin e Drejtësisë, Fakultetin e Administrimit të Biznesit, Fakulteti i Administrimit Publik dhe Shkencave Politike dhe Fakulteti i Shkencave dhe Teknologjive Bashkëkohore. Nga ana tjetër, programet studimore dyvjeçare të ciklit të dytë, janë për Fakultetin e Drejtësisë, Fakultetin e Administrimit të Biznesit, Administrimin Publik dhe Shkencave Politike, si dhe të Shkencave dhe Teknologjive Bashkëkohore. Programet studimore tresemestrale të ciklit të dytë në UEJL në Shkup janë në Fakultetin e Drejtësisë, Administrimin e Biznesit, Fakultetin e Administrimit Publik dhe Shkencave Politike, dhe të Shkencave dhe Teknologjive Bashkëkohore. "UEJL aplikon qasje fleksibile në përdorimin e gjuhëve. Shumica e programeve ofrohen në gjuhën shqipe, ose maqedonase. Përjashtim bën programi i ri studimor deridiplomik Informatika e Biznesit, program studimor, i cili ekskluzivisht ofrohet në gjuhën angleze", sqaron Dikson. Mësimdhënia në të gjitha lëndët mbahet në grupe të vogla. Ajo është interaktive dhe përdoret teknologji për arritjen e efektit më të lartë dhe për të zgjeruar mundësitë e mësimnxënies. Në klasë, studentët dhe mësimdhënësit shfrytëzojnë teknologjinë informative në maksimum. Dikson sqaron se përveç kompjuterëve dhe LCD projektorëve, UEJL tash është në proces të instalimit të ashtuquajturave "Smart Boards" në disa klasa. Video konferencat nëpërmjet njësive "Polycom" që mundësojnë mësimdhënien e ligjëruesve nga jashtë Maqedonisë. Ashtu si programi Angel, shumica e shërbimeve studentore, gjithashtu ofrohen on-line nga cili do vend. Para disa viteve, UEJL ka implementuar programin E-services, duke iu lejuar studentëve qasje në nota, orar ose shërbimeve të orarit dhe në transkripto. UEJL-Shkup, ngjashëm me qytezën kryesore në Tetovë, do të operojë me rrjetin vetanak-ëireless. Studentët, mësimdhënësit dhe stafi administrativ, do të kenë qasje të pandërprerë dhe gratis 24 orë. "Studentët në UEJL Shkup, do të kenë të njëjtën qasje dhe privilegje në shërbimet e Universitetit si studentët në qytezën në Tetovë. Kjo përfshinë qasje në bibliotekën e Universitetit, duke përfshirë burime on-line si baza e të dhënave EBSCO, laboratorët kompjuterikë, Qendrën e karrierës, si dhe ndodhitë në nivel të universitetit si ligjërata të ndryshme, koncerte, ngjarje sportive, etj", thotë Dikson. . .