Myslimanët e Shkodres kundër shkarkimit të myftiut

[iliria e para]

17/11/2006 - 09:15
• Brikena Shllaku

Shkoder-Këshilli i Myftinisë së Shkodrës kundërshton shkarkimin e myftiut Haxhi Bashkim Bajraktari dhe kërkon që Kryesia e Komunitetit Mysliman Shqiptar të tërheqë vendimin e marrë një ditë më parë. Pas një mbledhjeje maratonë prej 9 orësh, ku ishin të pranishëm dhe gjithë imamët e Shkodrës si dhe intelektualë të këtij qyteti, është lexuar deklarata për shtyp, ku të gjithë pjesëmarrësit kanë shprehur indinjimin e tyre të thellë për largimin e Bashkim Bajraktarit. Vetë ky i fundit ka lexuar tekstin, në të cilin thuhet se vendimi i marrë nga Kryesia e Komunitetit Mysliman Shqiptar është i padrejtë, i pabazuar në status dhe që shkel në mënyrë flagrante parimet hyjnore të Islamit. Sipas Këshillit të Myftynisë, myftiu Haxhi Bashkim Bajraktari ka mbrojtur interesat e përgjithshme të myslimanëve në Shkodër dhe në veçanti të pronave të Vakëfit. Ata janë shprehur se qëndrimi korrekt i myftiut, kryesisht në mbrojtjen e pronave, ka bërë që institucioni i Myftinisë të ballafaqohet me presione të vazhdueshme nga ana e Kryesisë së Komunitetit Mysliman Shqiptar. Madje, ata shprehen se këto presione të vazhdueshme kanë pasur si qëllim lëkundjen e kësaj Myftinie nga pozicionet mbrojtëse të interesave të myslimanëve.
Deklarata
Lajmi për shkarkimin e myftiut Haxhi Bashkim Bajraktari ka shkaktuar reagimin e menjëhershëm jo vetëm të institucionit fetar që ai drejtonte prej vitesh, por edhe të të gjithë imamëve dhe disa intelektualëve shkodranë. Hezitimi për të dalë me një qëndrim të caktuar mbrëmjen e së mërkurës në lidhje me vendimin e marrë nga Kryesia e Komunitetit Mysliman Shqiptar në Tiranë, ka pasuar dje me një takim maratonë në Myftininë e Shkodrës. Mbledhja ka nisur në orën 10.00 dhe është mbyllur në orën 19.00. Pas plot 9 orësh diskutime, Këshilli i Myftinisë së Shkodrës ka dalë me një deklaratë të fortë, në të cilën nuk mungojnë as akuzat indirekte për KMSH-në. Deklarata është lexuar nga i saposhkarkuari Haxhi Bashkim Bajraktari. “Myftinia Shkodër me në krye myftiun e saj si dhe Këshillin e kësaj Myftinie, kanë mbajtur gjithmonë një pozicion korrekt në mbrojtje të interesave të përgjithshme të myslimanëve dhe të pronave të saj. Një pozicionim i tillë ka bërë që myftiu me gjithë institucionin e tij të përballet me presione të vazhdueshme nga ana e KMSH-së”, - shkruhet në deklaratë. Ndërsa thuhet se pikërisht këto presione kanë përkeqësuar marrëdhëniet mes palëve, duke arritur kulmin me shkarkimin e Haxhi Bashkim Bajraktarit.
Pronat
Gjatë takimit të djeshëm ka dalë në pah se përplasja më e fortë që çoi në shkarkimin e myftiut të Shkodrës, ka qenë çështja e pronave të saj. Vetëm pak ditë më parë, tre shoqata myslimane në kryeqendrën e Veriut deklaruan se pronat e Myftinisë po shiten. Ata kërkuan që myslimanët shkodranë të mos lejonin që Komuniteti Mysliman Shqiptar në Tiranë të tjetërsonte pronat e tyre. Edhe pse për këtë nuk pati një deklarim zyrtar nga Myftinia e Shkodrës, tani rezulton se myftiu Bajraktari ka qenë për mostjetërsimin e pronave, ku sipas shoqatave myslimane aty po ngriheshin pallate.
Kërkesa
Me anë të deklaratës së dhënë për shtyp, në mënyrë unanime, Këshilli i Myftinisë, imamët e xhamive dhe intelektualët shkodranë, i kërkojnë Komitetit Mysliman Shqiptar në Tiranë që të tërheqë vendimin për shkarkimin e Haxhi Bashkim Bajraktarit. Pasditen e së mërkurës, kryesia e këtij komiteti vendosi lirimin nga detyra të myftiut të Shkodrës dhe në vend të tij emëruan imamin e Xhamisë së Madhe (në Shkodër), Ndriçim Sulejman

[NoName]

Kjo gje me se miri deshmon qe islami shqiptar eshte nje islamizem i ceket!
Prandaj te çdo shqiptar, pak po te gërmosh, do te zbulosh thelbin e tij te krishtere.

"Islami në Shqipëri nuk është fe burimore, por e sjellë nga faktori ushtarak turk, sepse islamizmi në Shqipëri nuk është fe burimore, as fe e përhapur në kohën e origjinës, as besim rezidencial, por një dukuri e ardhur dhe e trashëguar në gjuhën dhe liturgjinë e atij faktori që e solli". (Aleksander Moisiu)

[Del Monako]

Kjo gje me se miri deshmon qe islami shqiptar eshte nje islamizem i ceket!
Prandaj te çdo shqiptar, pak po te gërmosh, do te zbulosh thelbin e tij te krishtere.

"Islami në Shqipëri nuk është fe burimore, por e sjellë nga faktori ushtarak turk, sepse islamizmi në Shqipëri nuk është fe burimore, as fe e përhapur në kohën e origjinës, as besim rezidencial, por një dukuri e ardhur dhe e trashëguar në gjuhën dhe liturgjinë e atij faktori që e solli". (Aleksander Moisiu)

Shume ideologji e shemtuar.
Dmth ti thua njerzit duhet te jene pre e dickaje me te cilen jane lindur, ne vend qe te jene te lire te zgjedhin cka i duket e drejte?

Islami jo vetem ne Shqiperi por edhe ne vatren e tij ka ardhur ne nje kohe kur shoqeria ishte jashte cdo konturi moral edhe jetik ndersa Islami e konturizoi edhe i dha kuptim duke qene dicka krejt tjeter dhe aspak skishte te bente me vendin ku u perhap. Kshu qe per te gjithe Islami ska qene rezidencial apo fe burimore. Islami erdhi per ta bere njeriun njeri.

Edhe duke qene nje besim qe erdhi ne nje kohe te caktuar per te vene ligjin ne toke, filloi te perhapej dita dites edhe kjo perhapje vazhdon sot e kesaj dite, ne Shqiperi gjithashtu.

Mjaft me kete urrejte se Islamit skane ca i bejne gjithe bota bashk jo me ca rrjepacuker ketu ne forum.


Shnet.

[NoName]

Islami jo vetem ne Shqiperi por edhe ne vatren e tij ka ardhur ne nje kohe kur shoqeria ishte jashte cdo konturi moral edhe jetik ndersa Islami e konturizoi edhe i dha kuptim duke qene dicka krejt tjeter dhe aspak skishte te bente me vendin ku u perhap. Kshu qe per te gjithe Islami ska qene rezidencial apo fe burimore. Islami erdhi per ta bere njeriun njeri.

Interesant. Rrenje te thella ka edhe ky islamizmi. Edhe brenda llojit te tyre (myslimanet) duken shume te ashper deri ne ekstremitet.

Thjeshte nje dite po shihja nje lajm nga Kosova ku hoxha i fshatit thoshte qe te varrosurve nuk u duhet vendosur fotografia ne pallakat e mermerta perkujtimore, sepse sipas tij kete e thoshte kurani. E dikush shume trim ( ne mos ai vete sepse nuk kishte pafajesi ne fytyre) kishte thyer te gjitha pllakat perkujtimore te varrezave.

Ne te njejten kohe po perkujtoheshin te renet e UCK-se. Po pse ore ” pa fytyre” kane qene ata trima????!!!!! Apo ishte hoxha qe luftoj serbin ???? E pse nuk duhet vene fotoja ne varrin e Adem Jasharit ??? Apo edhe per ate flet Kurani?
Ikni o njerez se jetojme ne 2006 e udhehiqeni me ligjet e para 1500 vjeteve…



NoName

[Del Monako]

Ne te njejten kohe po perkujtoheshin te renet e UCK-se. Po pse ore ” pa fytyre” kane qene ata trima????!!!!! Apo ishte hoxha qe luftoj serbin ???? E pse nuk duhet vene fotoja ne varrin e Adem Jasharit ??? Apo edhe per ate flet Kurani?
Ikni o njerez se jetojme ne 2006 e udhehiqeni me ligjet e para 1500 vjeteve…



NoName

Po ate emrin ne fund per ca e shkrun apo te duket vetia shkrimtar edhe dijetar i madh?

Tani per punen e atij Hoxhes qe ke permend eshte cudi se si vetem ju deficenta degjoni histori te tilla. Siduket s'keni me cfare te merreni.

Jam i sigurt qe si ka thyer njeri fotot, por te pelqen ty ta komentosh ashtu.

Te jesh myslyman dmth te jesh njeri i fism edhe me llogjik. Te tjeret qe sjane kshu, vetem emrin kane myslyman. Nuk mund ta identifikosh gjithe njerzit e nje besimi per veprimet e nje hoxhe apo ndonje kllouni tjeter, te cilat ekzagjirohen edhe hiperbolizohen nga tipa te dyshimt si ty.

[NoName]

Te jesh myslyman dmth te jesh njeri i fism edhe me llogjik. Te tjeret qe sjane kshu, vetem emrin kane myslyman. Nuk mund ta identifikosh gjithe njerzit e nje besimi per veprimet e nje hoxhe apo ndonje kllouni tjeter, te cilat ekzagjirohen edhe hiperbolizohen nga tipa te dyshimt si ty.

Ju islamiket gjithnje ndiheni te fyer publikisht dhe boterisht !!

Pse Papa paska cituar Jihadin luften e shenjte, pse ne Danimarke botohen satira mbi Muhamedin apo pse ne perendim botohen Vargjet Satanike te Selamn Ruzhdie?!

Eshte vetem nje arsye tjeter per te djege kisha e te vriten te pafete sic u vra ajo motra para disa muajve ne Somali apo nje arsye tjeter qe te hiqet vemendja nga situata ne Iran ne lidhje me pasurimin e uranium per bomben Atomike?!

Te gjithe ata qe besojne ne lirine e njerezve ne demokracine besoj se duhet te ndihen te rrezikuar nga enderra muslimane per nje kalifat te ri boteror te shpallur nga Bin Laden, flitet qe person i tij ishte edhe myftiu shkodran i shkarkuar i Bin Ladenit.

Ata qe akuzojne perendimin Papen per kryqezata ne shekullin e 21-te ata kane filluar nje kryqezate ne roveshje qe quhet JIHAD, lufte e shenjte qe nuk ka aq shume per qellim te pushtoje territore perendimin por qe ka per qellim te pushtoje shpirtrat tane te shkaterroje boten tone materiale e shpirterore.

Duan zhdukjen e lirive tona te qyteterimit tone te besimit apo ateizmit tone zhdukjen e menyres sone se si te jetojme e si te vdesim si te lutemi apo si te mos lutemi si te hame si te pime te vishemi.

Islami do qe te shkaterrroje kudo boten e te pafeve qe mire a keq kemi arritur te ndertojme ta ndryshojme ta permiresojme e ta bejme me inteligjente. Islami do te shkaterrojme kulturen tone artin tone shkencen tone moralin tone vlerat tona deshirat tona.

Sulmohet perseri Papa dhe ndihen te fyer po askush spo i ve rendesi qe Bin Ladeneve e Jihadisteve boterore, sikur ky myftiu qe nxiste vazhdimisht percarje dhe urrejtje ne popull dhe brenda besimtareve islam kunder te krishtereve, te cilet ndjehen te autorizuar te kercenojme me vdekje e te vrasin ne dhe femijet tane pse pime vere birre pse nuk e kemi mjekrren e gjate nuk mbajme chador apo burkah, pse shkojme ne kinema ne teater pse degjojme muzike e kendojme ne shtepite tona pse shohim TV apo pse vishemi me pantallona apo funde te shkurter qe ne det apo pishina lahemi me apo pa kostum banje pse bejme dashuri kur kemi deshire me ke duam si te duam e kur duam ??

Sulmohen te pafete te krishteret, por per ata qe nuk mendojne nuk besojne ne asnje Zot e jane atesite si do tu bejne keta jihadistet.

Ja te supozojme, une personalisht s'kam deshiren me te vogel te denohem e te vdes nga keta barbare, te roberohem nga idete e tyre te jetoj ne diktaturen qe me premtojne ne emer te nje zoti qe une si i krishtere smund ti besoj kurre, e qe ne vend qe te punojne per te kontibuar, ne permiresimin e njerezimit ata punojne per ta shkaterrruar ate.

Ata nuk lene hapesira per dialog paqe e mirkuptimin e nuk shoh shume prespektiva tjera e mua sme kalon per marri kjo situate qe me projektohet ne horizont ku me duhet te zgjedh ose te jetoj i roberuar fizikisht e menderisht nen kalifatin e talebaneve ose te luftoj deri ne fund per te mbrojtur jeten time e lirite e mia, per te ardhmen time apo te femijeve te mi.


ps. Saqe edhe ngjyrat "kuq e zi" te pengojne. ncnc!

NoName

[Gostivari_usa]

Kjo gje me se miri deshmon qe islami shqiptar eshte nje islamizem i ceket!
Prandaj te çdo shqiptar, pak po te gërmosh, do te zbulosh thelbin e tij te krishtere.

"Islami në Shqipëri nuk është fe burimore, por e sjellë nga faktori ushtarak turk, sepse islamizmi në Shqipëri nuk është fe burimore, as fe e përhapur në kohën e origjinës, as besim rezidencial, por një dukuri e ardhur dhe e trashëguar në gjuhën dhe liturgjinë e atij faktori që e solli". (Aleksander Moisiu)

Aleksander Greku Moisiu keto pralla le tia shes familjes se tij qe ka gjak greku e srbi ne mbrendi !!! Se nje burri sheteti , me pak tru ne koke , nuk e thote nje fjali te tille e te ofendoj me miliona shqiptar ane kund botes qe jetojne . Andaj Ky m.. president nuk eshte me president i imi , po eshte president i atyre shqiptareve qe ndjehen greko-serb ne gjak .

[Del Monako]

Ju islamiket gjithnje ndiheni te fyer publikisht dhe boterisht !!


ps. Saqe edhe ngjyrat "kuq e zi" te pengojne. ncnc!

NoName

Po te citoj keto dy fjalite, te paren edhe te fundit se s'kom moshe me lexu aq shume.

Ben shume gabim qe na identifikon me "Ju Islamiket" jo sepse shikoj ndonje percmim ne emrin e fese, aspak ,por tendenca jote eshte keqdashese ne menyren se si me drejtohesh. Kjo skrijon aspak respekt, perkundrazi.

E para e punes jam Shqiptar ashtu si je edhe ti, nqs je edhe asnjeher sme kane shqetesuar ngjyrat kuq e zi por perkundrazi edhe ne hene te shkoj do identifikohem si Shqiptar ashtu si identifikohem gjithandej. Mos me vej dobicin ne preher kur thote populli duke me thene qe me shqetesojn ngjyrat e flamurit tim, se pastaj me dukesh si ato "kurva/t" qe e dredhin bythes sipas interesit edhe qellimit.


Myslymanet nuk ndihen te fyer, aspak, sepse e dine vendin e tyre. Megjithate cdo njeri duhet te kerkoj te drejten e vet edhe perderisa jane te tjeret qe sulmojn fene Islame edhe jo anasjelltas, myslymanet do kerkojn te ruajn dinjitetin e vet.

Sa per kalifatin edhe Bin Ladenin, lexo ne cdo teme fetare ne kete forum. Po me gjete ndonje myslyman qe merret edhe permend Bin Ladenin te jap te drejte. Bin Ladeni nqs ekziston eshte i dashuri i Amerikes edhe i atyre qe luajn komedi per te marre druatrokitje, ne kete rast me mashtrime masive mediatike.
Shume veta si ty kane rene ne dashuri me Bin Ladenin sepse ne nje menyre indirkete i mbushin mendien vetes qe rruga e tyre eshte e drejte sepse s'jane si Bin Ladeni qe sipas tyre identifikon myslymanet.

O njeri pa emer, Bin Ladeni edhe ti marrci malet edhe u dashurofshi per jete meqe e permend kaq shume, sepse myslymanet e paster e kane fshire Bin Ladenin nga mendia e tyre, sepse per ta s'ka ekzistuar kurre dhe as nuk do ekzistoj.

Do te jap 2 keshilla ty edhe te gjithe ata qe me hipokrizi luftojn dita dites ISLAMIN edhe myslymanet.

1-Hiqni dore, sepse beni vetem nje verr ne uje.

2- Mos shikoni shume varken e tjetrit, shikoni me shume vrimat ne varken tuaj qe mos tu mbytet.

Sikur ti zbatosh keto keshilla ti edhe shume te tjere edhe sikur ta harxhosh kohen qe merresh me propagande anti Islamike per te permisuar veten edhe jeten tende do kishe bere prokopi.



Trung

[iliria e para]

Imami Cufaj: Selim Muça i paaftë, KMSH të tërheqë vendimin!

Myslimanët sulmojnëKomunitetin për Myftiun

Shkoder-Vendimi i kryesisë së Komunitetit Mysliman Shqiptar për shkarkimin e myftiut të Shkodrës, Haxhi Bashkim Bajraktari, vazhdon të kontestohet. Pas reagimit të ashpër të disa ditëve më parë të vetë Këshillit të Myftinisë si dhe tri shoqatave myslimane në qytetin verior, dje kanë kundërshtuar vendimin në fjalë dhe qindra besimtarë të Komunitetit Mysliman të këtij rrethi. Rreth 600 besimtarë nga zona të ndryshme të Shkodrës, përfshi këtu dhe kryetarë të shoqatave myslimane dhe imamë të qytetit, kanë protestuar për plot një orë para ndërtesës ku ndodhen ambientet e Myftinisë. Me parulla në duar, në të cilat shkruhej “Mos shkelni parimet islame në administrimin e Vakëfit!”, “Vendimi për Bajraktarin, i padrejtë dhe arbitrar”, ata kanë kërkuar nga autoritetet më të larta të Komunitetit Mysliman Shqiptar, që të rikthejnë në detyrë myftiun e Shkodrës. Madje, një nga imamët e Shkodrës (Kujtim Cufaj) ka akuzuar kryemyftiun e Shqipërisë, Selim Muça, si injorant që merr vendime të padrejta. Ndërkohë, burime zyrtare nga KMSH-ja, dje kanë deklaruar se vendimi për myftiun Haxhi Bashkim Bajraktari, tashmë është i konsoliduar dhe se sot, Këshilli i Përgjithshëm i Myslimanëve do të shqyrtojë vendimin e marrë një javë më parë.

PROTESTA
Besimtarë myslimanë janë mbledhur dje në orën 09:00, në sheshin afër xhamisë në Parrucë, ku ndodhet dhe ndërtesa e Myftinisë së Shkodrës, në mbështetje të Haxhi Bashkim Bajraktarit.
Vehbi Dani, përfaqësues i shoqatave islame, në fjalën e tij ka theksuar se shkarkimi i myftiut Bajraktari është një problem shqetësues për të gjithë myslimanët e Shkodrës. “Shkarkimi i myftiut është politik e fetar. Haxhi Bashkim Bajraktari, ka punuar me nder e drejtësi. Ai nuk shkeli parimet e Islamit dhe nuk pranoi të korruptohej, duke u bërë ballë dallgëve të zhvillimeve në këto vitet e fundit”, - është shprehur Dani. Ai e ka akuzuar kryetarin e Komunitetit Mysliman Shqiptar, Selim Muça, si të paaftë, duke thënë që ky i fundit nuk duhet të bëjë më gabime të tilla, të cilat i ka bërë më parë dhe në qytete të tjera të vendit. Ndërsa Përparim Cekaj, duke folur në emër të të rinjve myslimanë, ka deklaruar se “Muça ka krijuar përshtypje të gabuar ndaj Bajraktarit dhe se duhet të ndërgjegjësohet gjithë Komuniteti Mysliman, për padrejtësinë që po i bëhet myftiut të Shkodrës”. Ai ka aluduar se vendimi mund të jetë iniciuar dhe nga dikush tjetër që nuk ia do të mirën myslimanëve, por që do të përçajë e nxisë debate fetare, për të ulur besimin në fenë islame. Më i ashpër ka qenë reagimi i imamit Kujtim Cufaj, i cili e ka konsideruar Muçën, injorant që jep urdhër të padrejtë pa marrë më parë mendimin e Këshillit të Myftinisë së Shkodrës e të imamëve të xhamive. “Shkodrën po e shkelin politikisht, po e dhunojnë atë, po e shkelin ekonomikisht dhe tashmë po duan ta shkelin dhe shpirtërisht”, - është shprehur imami Cufaj.


KERKESA
Në protestën e djeshme, besimtarët myslimanë kanë kërkuar solidarizimin e besimtarëve nga qytete të tjera të vendit, në lidhje me vendimin e marrë ndaj Haxhi Bashkim Bajraktarit. Gjithashtu, gjatë tubimit iu është bërë thirrje pjesëmarrësve që sot të shkojnë të organizuar në Tiranë, ku Këshilli i Përgjithshëm i Myslimanëve do të shqyrtojë vendimin për shkarkimin nga detyra të Bajraktarit. Në fund është shkruar një peticion, i cili u është dërguar autoriteteve më të larta të Komunitetit Mysliman Shqiptar, që të tërheqë vendimin e marrë për myftiun e Shkodrës.

[iliria e para]

............
Zoti Muça, cilat ishin arsyet që ju shtynë të shkarkonit myftiun e Shkodrës?
Në vendimin tonë për lirimin nga detyra të myftiut të Shkodrës nuk kanë qenë si objekt kundërshtimi që i ka bërë kjo myftini vendosjes së bustit të Nënë Terezës, as kthimin e kishës në kala, sepse këto ishin çështje të ezauruara edhe më parë. Në marrjen e këtij vendimi, kryesia është nisur nga çështje të tjera dhe se në kohët e fundit, kemi qenë të pakënaqur në mënyrën sesi myftiu drejtonte. Ai na kishte shkaktuar shumë probleme brenda myftinisë si dhe në Komunitetin Mysliman. I kishim dërguar tre herë shkresa zyrtare nëpërmjet të cilave kërkonim që të vinte në eficiencë pronat, me qëllim që nga këto prona të përfitojnë edhe anëtarët e myftinisë së Shkodrës. Kjo myftini është e plotësuar me kuadro. Për këtë shkak u vendos largimi i tij, si i pabindur ndaj vendimeve të kryesisë së Komunitetit Mysliman. Unë vetë e kam thirrur myftiun, po ai ka kundërshtuar. Kur je i pabindur dhe rebel ndaj urdhrave të kryesisë dhe ndaj kryetarit, natyrisht që do të presësh ndonjë ndëshkim. Ndëshkimi ynë nuk qe maksimal, por ne e lamë sërish në detyrë nëpër xhamitë e tjera të qytetit të Shkodrës.
Besimtarët myslimanë, gjatë dy protestave kanë kërkuar dorëheqjen tuaj. Cili është reagimi juaj?
Protestuesit nuk kanë të drejtë të bëjnë deklarata të tilla. Kjo për faktin e thjeshtë se unë nuk kam ardhur në krye të Komunitetit Mysliman me dëshirën e tyre, por kam ardhur nëpërmjet forumeve nëpërmjet të cilave unë jam zgjedhur si kryetar. Protestuesit nuk kanë të drejtë të kërkojnë shkarkimin e titullarëve apo edhe drejtuesve të Komunitetit Mysliman, sepse ky është një institucion i organizuar që kryesia vendos mbi emërimin, shkarkimin apo edhe transferimin e kuadrove dhe kjo nuk ndodh nëpër mitingje. Myslimanët e ndershëm e kanë për detyrë që të shkojnë nëpër xhami dhe të falen dhe të shohin jetën e tyre private ndërsa punët e tjera të fesë i rregullon Komuniteti, në bashkëpunim me Myftinitë e rretheve.
Ju mendoni se me mbledhjen e sotme janë sheshuar problemet në Komunitetin Mysliman?
Mendoj se kjo çështje është tashmë e sqaruar. Madje, ditën e hënë në Myftininë e Shkodrës do të bëhet dorëzimi i postit. Unë e kam këshilluar atë të qetësojë edhe publikun që ka ngritur në protestë, sepse është pikërisht ai që e ka ngritur në këmbë dhe ai do ta sheshojë një çështje të tillë.
Po përsa i përket akuzave të abuzimit me pronat?
Ne nuk themi që myftiu i Shkodrës ka abuzuar me pronat, por se ka kundërshtuar vendimet e kryesisë së Komunitetit Mysliman për të vendosur në eficencë pronat. Ndërsa ai thotë se nuk ka vënë në eficencë pronat, pasi nuk është dakord me dhënien me përqindje të këtyre pronave, por me dhënien me koncesion apo dhe të ndërtimit me paratë e institucionit. Por duke qenë se ne nuk kemi para për të ndërtuar, i japim me përqindje.

Shekulli
26/11/2006