Jeta ne Shpirtin Shenjt

[NoName]

Parathënie


Pas Koncilit të dytë të Vatikanit (1962-1965) filloi të flitet shumë për ripërtëritjen shpirtërore në Kishë, që edhe ishte dëshira e Kishës mbarë. P. R. Cantalamessa thotë: “Kisha duhet të frymojë në dy parë mushkëri: sakramentet dhe hierarkia në njërën anë, e dhuratat në tjetrën” (shiko librin: “Shpirti Shenjt në jetën e Jezu Krishtit”).

Fjala e Zotit është: “Përnjëmend, përnjëmend po ju them: kush nuk lind përsëri prej së larti, nuk mund ta shohë Mbretërinë e Hyjit” (Gjn 3, 3).

Në përtëritjen shpirtërore ka ndihmuar shumë edhe ky libër që ke në dorë, pasiqë ka përjetuar 37 botime në 1.900.000 ekzemplarë. Në përtëritjet e ndryshme shpirtërore shumë njerëzve u ka ndihmuar që ta thellojnë fenë dhe ta ngjallin jetën e vet shpirtërore.

Libri mund të shërbejë si doracak i ripërtëritjes shpirtërore gjatë shtatë javëve, si individëve ashtu edhe grupeve, me kusht që në atë kohë të bëhet rrëfimi jetësor. Është treguar shumë e frytshme që gjatë javës përsonat të takohen me udhëheqësin e ripërtëritjes shpirtërore, të bisedojnë me të për 4 përvojat dhe vështirësitë në të cilat hasin gjatë kalimit prej jetës natyrore në ate mbinatyrore, dhe ashtu së bashku t'i drejtohen Jezusit në lutje. Shën Pali na nxit në ndërrimin e tillë të jetës në Letrën drejtuar Efesianëve 4, 17-32.

Duke iu falënderuar Provanisë Hyjnore, bashkpuntorëve të bibliotekës «Burimi i Jetës» si dhe Vëllezërve Françeskanë, të cilët janë kyçur në këtë projekt, libërthi do të mund të porositet në shenjtëroret e Shën Antonit në Gjakovë dhe në Laç.

Ky libër ka qenë bekim i madh për mua, si edhe për shumë të tjerë që kanë patur rastin ta kenë në dorë: na ka sjellur gëzimin dhe paqen në Shpirtin Shenjt. Të njëjtën gjë të uroj edhe ty. Atëherë ate që vetë e ke pranuar, ndaje me të tjerët dhe do të shumohet e mira në jetën tënde, ashtu si na mëson mësuesi ynë Jezusi.




M. Svjetlana Rezo, FDC
teologe e dipl.

[NoName]

PËR TY



“Atij që ka etje,
unë do t’i jap falas nga burimi i jetës...” (Zb 21, 6)


– Ky premtim është për ty, për ty që dëshiron diçka më shumë.
– Për ty që e di se ke etje, që ende nuk është shuar.
– Për ty që ke dëgjuar të flitet për ujin, i cili freskon si asgjë tjetër.
– Për ty që ndihesh i lodhur, që ndjen se ke rënë, por që dëshiron të ngritesh.
– Për ty që je në krye të botës, por që e di se bota nuk mjafton.
– Për ty që je përplot frikë dhe shqetësime, për ty që ndihesh i mbyllur dhe zemërgurë.
– Për ty që je plot dashuri dhe entuziazëm, për ty që dëshiron t’i kesh të gjitha që qenia njerëzore mund t’i ketë.
– Për të gjithë njerëzit ka një premtim, i dërguar nga Zoti yt, i cili të ka krijuar.
– Ndoshta edhe e njeh atë, ndoshta edhe pyet veten, a duhet që Ai të të zbulohet edhe më shumë, ndoshta ke dëgjuar të flitet për të në mënyrë jo të qartë – dhe dëshiron për ta gjetur atë.
– Tani Ai të flet ty. Tani Ai të ofron një premtim, një dhuratë falas, një jetë të re – falas. Ai t’i ofron vullnetarisht, ashtu si të ka krijuar vullnetarisht, sepse të do!


“Kush është i etshëm, le të vijë;
kush do, le të marrë ujin e jetës falas!” (Zb 22, 17)

[NoName]

Hyrje



Ky libërth është një udhëzues, i cili do të të ndihmojë të gjesh rrugën e jetës sate në Seminarët Shpirtërorë dhe të zbulosh të gjithë pasurinë të cilën Zoti dëshiron të ta japë në këtë rrugë. Do të të ndihmojë që të gjesh një jetë më të thellë me Zotin.

Zoti na flet dhe ndihmon nëpërmjet të tjerëve. Nëse ti dëshiron një jetë të re shpirtërore, duhet të jesh i qëndrueshëm në këtë rrugë që vëllëzërit dhe motrat të kenë mundësinë të të ndihmojnë.

Zoti gjithashtu na flet edhe atëherë kur jemi vetëm dhe ai do të bëjë shumë për ne kur do të jemi vetëm, që nuk do t’i bënte sikur ne të mos ishim me Te.

Qëndro me Zotin në shtatë javët e ardhshme – dhe do të shohësh se nëpërmjet kësaj kohe Ai do të të japë një jetë të re!

[NoName]

LUTJA


Lutja është, thjesht, të jesh me Zotin. Lutja jonë mund të ketë forma të ndryshme: Lavdërimi dhe adhurimi i tij; falënderimi për atë që ka bërë për ne; kërkimi që të bëjë diçka për ne dhe për të tjërët; dëgjimi kur të na flasë.

Ndonjëherë, për t’u lutur do të thotë, thjesht, të qëndrosh në heshtje para Tij, i qetë në praninë e tij!

Lutja do të rritet në ty. Në fillim, nëse kjo për ty është diçka e re, rritja ndoshta do të jetë e ngadalshme. Por sipas masës nëpër të cilën do ta njohësh Zotin dhe do të përjetosh dashurinë e tij, do të rritet edhe dëshira jote për lutjen.

Pas pagëzimit me Shpirtin Shenjt do të jesh i aftë që të lutesh më spontanisht. Zoti dëshiron që të lutesh, sepse të do dhe dëshiron që të jesh me Të. Zoti do që të japë dhuratën e lutjes.

Fjalët e jetës prej këtij libri do të të ndihmojnë për t’u lutur. Këto janë fjalët të cilat Zoti i ka thënë në Shkrimin shenjt. Tani Ai dëshiron të t’i thotë ty.

Është nga një fjali për çdo ditë në shtatë javët e seminarit. Janë të zgjedhura ashtu që të ndihmojnë për të kuptuar sa më thellë temën për të cilën është folur javën e mëparshme. Medito mbi këto fjali çdo ditë në kohën e caktuar për lutje – dhe Zoti do të të flasë nëpërmes tyre!

[NoName]

STUDIMI



Urtia dhe kuptimi i vërtetë janë dhurata të Zotit. Zoti dëshiron që të të mësojë.

Nëse lexon Shkrimin shenjt dhe mendon se për çka flitet aty, duke kërkuar prej Zotit që të të mësojë, atëherë do të pranosh kuptimin e shpirtit.

Për çdo javë të seminarit do t’ju jepen dy pjesë prej Shkrimit shenjt. Janë zgjedhur ashtu që të përgatisin për javën e ardhshme, çdo javë do të jetë një pjesë nga Ungjilli sipas Gjonit dhe diçka prej Veprave të Apostujve ose prej një letre të shën Palit.

Lexo këto pjesë dhe mendo mbi to gjatë javës. Nëse mund të lexosh më shumë gjatë shtatë javëve të ardhshme – lexo tërë Ungjillin e Gjonit dhe Veprat e Apostujve.

“Prandaj edhe ne, qysh atë ditë, kur morëm vesh për këtë gjë, nuk pushojmë të lutemi për ju dhe t’i kërkojmë Hyjit të fitoni me çdo urti e kuptim shpirtëror njohurinë e plotë të vullnetit të tij, që të jetoni në mënyrë të denjë për Zotin dhe t’i pëlqeni Atij plotësisht, duke dhënë fryte veprash të mira dhe duke përparuar në njohurinë e Hyjit, që të forcuar me çdo fuqi si i përgjigjet pushtetit të Hyjnisë së tij, të jeni të fortë e të durueshëm në çdo provë, që me gëzim të falënderoni Atin, i cili ju bëri të aftë të keni pjesë në trashëgimin e Shenjtërve në dritë.” (Kol 1, 9-12)



[vazhdon]

[NoName]

DASHURIA E ZOTIT



“Vërtet, Hyji aq fort e deshi botën
sa që e dha një të vetmin Birin e vet
kështu që, secili që beson në të, mos të birret,
por ta ketë jetën e pasosur.” (Gj 3, 16)


Fjalët e Jetës

Dita e parë:
Zoti nuk është dikush që jeton larg, në vendin ku ti nuk mund të arrish. Ai nuk është as roje qiellore, i cili mendon si do të gjobisë për të këqijat që bën. Ai është Ati i cili të do. Ai të thotë: “Të desha me dashuri të amshueshme, prandaj e ruajta për ty mëshirën” (Jer 31, 3).

Dita e dytë:
Ti mund ta njohësh Zotin dhe të kuptosh se sa shumë të do. Ai ka dëshirë të jetë me ty në raport personal. Dëshiron që të jesh biri ose bija e tij. Nuk do që të ketë pengesë ose distancë në mes teje dhe Tij. Ai ka premtuar nëpër profetin Jeremi: “...do të jem Hyji i tyre e ata do të jenë popullin im. Dhe atëherë s’do të kenë nevojë ta mësojnë njeri-tjetrin e vëllai vëllanë: Njihe Zotin!, sepse të gjithë do të më njohin, prej më të voglit e deri në më të madhin – thotë Zoti – sepse do ta fal fajësinë e tyre e s’do ta kujtoj më mëkatin e tyre” (Jer 31, 33-34). Kjo Fjalë e jetës është një premtim dhe një ofertë e dhënë nga Zoti. Posa të ndjejsh se ke dëshirë që ta pranosh atë që Zoti të ofron nëpër këto fjalë, lexo pjesën me titull “Besëlidhja e Zotit dhe besëlidhja jote”.

Dita e tretë:
Ai të do. Zoti, Krjuesi i gjithësisë, Ai që ka krijuar të gjitha gjërat prej asgjëje, të do. Dëshiron që të kujdeset për ty, të japë një jetë më të mirë. Ai ka premtuar:
“Unë vetë do t’i mballoj delet e mia, unë vetë do t’i mrizoj – thotë Zoti Hyj. Të treturën do ta kërkoj, të ndarën do ta kthej, të thyerën do ta lidh me kshtalla, të ligështuarën do ta kërthnes, të majmen e të fortën do ta ruaj: do
t’i ruaj me drejtësi” (Ez 34,15-16).

Dita e katërt:
Pasiqë na do, Zoti ka dërguar Birin e vet për të na shëlbuar. Ka dërguar Jesusin që të kemi jetën, jetën më të mirë, jeten e cila do të jetë për amshim. “Vërtet, Hyji aq fort e deshi botën sa që e dha një të vetmin Birin e vet kështu që, secili që beson në te mos të birret, por të këtë jetën e pasosur” (Gj 3, 16).

Dita e pestë:
Zoti të do. Tani Ai të flet, Ai ta zgjat dorën. Ai të porosit: “O ju të gjithë që jeni të etshëm, ejani tek ujët, le të vijnë gjithashtu edhe ata që s’kanë para! Bleni drithë e hani; ejani dhe bleni pa para e pa pagesë verë e qumësht! Pse t’i shpenzoni paratë në atë që s’është bukë dhe meditjen tuaj në gjëra që nuk ngijnë? Nëse më dëgjoni mua, do të hani çka është e mirë, e do të shijoni ushqime të shijshme! Me ju do të lidh Besëlidhje të përherëshme, po, do t’i ruaj të mirat e Davidit” (Is 55,1-3).

Dita e gjashtë:
Nëse dëshiron të njohësh Zotin, nëse dëshiron të kesh jetën të cilën Ai ta ofron, ti mund ta arrish këtë. Thjesht, kthehu tek Ati dhe zgjati duart drejt Tij. Ai të thërret:
“Sepse unë e di mirë synimin që kam me ju – është Fjala e Zotit – synime paqeje e jo mjerimi: Synoj të ju jap pasardhësi dhe shpresë. Ju do të më thirrni në ndihmë e do të vini tek unë; do të më luteni dhe unë do të ju dëgjoj. Do të më kërkoni e do të më gjeni sa herë që të më kërkoni me zemër të çiltërt.” (Jer 29, 11-13)

Dita e shtatë:
Ndonjëherë Zoti duket sikur është larg. Shpesh na duket sikur nuk do të takohemi kurrë. Por Ai nuk është larg. Ai është afër teje, pikërisht në këtë moment po përpiqet të të paraqitet në mënyrë më të plotë se kurrë më parë. Ai premton: “Zoti është afër të gjithë atyre që e thërrasin, të gjithë atyre që e thërrasin me çiltëri.” (Ps 145, 18)



STUDIM
Dy pjesët të cilat do t’i lexojmë këtë javë
merren me temën: Kush është Jezu Krishti dhe si na shëlbon Ai. Këto janë:
• kapitulli i parë i Ungjillit sipas Gjonit dhe
• kapitulli i parë i Letrës Kolosianëve.


Besëlidhja e Zotit
Ne mund ta dimë se Zoti dëshiron të ketë marrëdhënie përsonale me ne dhe ka dëshirë për të na dhënë një jetë të re, sepse Ai vetë ka thënë. Premtimet të cilat i ka thënë janë të shumta, dhe ne mund të shpresojmë në premtimet e Zotit. Ai ka gjithë pushtetin në qiell dhe në tokë, Ai nuk gënjen. Ka mundësi për të bërë atë çka thotë – dhe e bën! Ai nuk dëshiron të na imponojë me forcë. Duhet të besojmë në atë që Ai dëshiron për të na dhënë. Shumë prej “Fjalëve të Jetës” më sipër anë
premtime. Me këto premtime mund të lidhemi dhe të mbajmë Zotin për fjale. Ne mund ta bazojmë jetën tonë në to.


Besëlidhja Jote
Jeta e re me Zotin është dhuratë e Tij falas, absolutisht falas. Ne në asnjë mënyrë s‘mund ta meritojmë. Ne duhet, vetëm që të pranojmë atë që Ai na ofron. Duhet të afrohemi dhe t’i zgjasim duart kah Ai. Besëlidhja është një marrëveshje. Nëse bëjmë besëlidhje me dikë, bëjmë marrëveshje me të. Mund të hyjmë në besëlidhje me Zotin, sepse Ai i pari na ofron besëlidhjen e vet. Na ka drejtuar premtime në të cilat mund të mbështetemi dhe t’i pranojmë. Nëse ti tani bën besëlidhje me Zotin për periudhën e shtatë javëve të ardhshme, do të shohësh se në mbarim të kësajë kohe do të kesh një jetë të re me Zotin. Në “Fjalët e Jetës” Zoti premton se do të kemi atë që Ai na ofron. Besëlidhja të cilën duhet ta bësh me Zotin është vetëm besëlidhja që të kthehesh tek Ai, që ta dëgjosh atë dhe të lejosh që të Krishterët tjerë të ndihmojnë. Ndoshta ti e njeh Zotin, ndoshta ke përvojën e
dashurisë së tij. Ndoshta ti kërkon vetëm marrëdhënie me të thella me të: jetën e plotë në Shpirtin e tij. Nëse tani hyn në besëlidhje me të dhe kërkon atë që Ai të ka premtuar, Zoti do të japë një jetë të thellë me të. Duhet të vendosesh që të bësh atë. Atëhere Zoti do të të japë dhuratën që ka për ty. Për secilin pjesëtar të seminareve, kjo do të thotë:
1. Te ndjekësh seminarin çdo javë, pa munguar dhe pa lëshuar asgjë.
2. Të gjesh çdo ditë të paktën 15 minuta për lutje e studim të Shkrimit shenjt, duke medituar mbi Fjalët e jetës këtu të paraqitura dhe duke studiuar fragmentet në këtë libër. (Këto 15 minuta le të jenë të mira, dhe jo 15 minuta bezdije, lodhjeje, me mendime të shpërdara.)
3. Të shkosh çdo javë në bashkësinë e lutjes, në bashkësinë e cila do të ndihmojë që të gjesh një jetë të re në Shpirt!
4. Të komunikosh çdo javë me të tjerët në seminar, të diskutosh për rritjen tënde dhe për vështirësitë që ke. Nëse dëshiron të bësh këtë besëlidhje me Zotin thuaj këtë lutje: “O Atë, që të vendos marrdhëniet të reja me Ty dhe të gjej një jetë të re që më ke premtuar, dëshiroj që Të njoh sa më thellë. Dëshiroj që ta shndritësh jetën time dhe që të më japësh fuqinë që të jetoj më mirë. Që të kesh mundësi për ta bërë këte, ja unë do të ndjek çdo javë takimet për të hyrë në një jetë të re
shpirtërore, çdo ditë do të rezervoj 15 minuta për të kërkuar Ty në brendësinë time, do të lutem çdo javë me bashkësinë dhe do të komunikoj me të tjerët, se si unë po rritem dhe cilat janë pengesat në rrugën time. Dëshiroj të Të mundësoj që të më japësh të gjithë atë që ke premtuar.”



Nëse dështon...
Le të bjerë në mend se Zoti të do dhe dëshiron që të jesh me Të më shumë se sa ti mund të dëshirosh… Ai nuk na gjykon. Nëse na ndodh ndonjë gjë dhe ne nuk mund të mbajmë besëlidhjen tonë, Ai për këtë nuk do të kthehet kundër nesh… Nëse nuk e mbajmë atë që kemi premtuar, mund ta lusimi për falje: Ai na do dhe nuk dëshiron që çkadoqoftë të jetë pengesë ndërmjet nesh. Natyrisht, nëse e mbajmë besëlidhjen me të, e mbajmë sepse e duam dhe sepse kemi vendosur që ta plotësojmë pjesën tonë të Besëlidhjes. Besëlidhja është mënyrë që të hyjmë në marrëdhënien e dashurisë së bindshme me Zotin! »NUK KAM THËNË: “MË KËRKONI KOT”«