Dhuna ne stadiumet shqiptare!

[vagabondo_nyc]

Sekretari i FSHF-së, Roland Mici, tregon prapaskenat e incidentit në Burrel


“Dhunë Memës se s’bëmë favore”


Leonard KARAJ

Incidenti i shëmtuar që rrezikoi jetën e shefit të arbitrave në FSHF, Sulejman Mema, ka pasur një skenar të parapërgatitur. Sipas sekretarit të federatës, Roland Mici, drejtuesit e KF Burrelit patën kërkuar si favor ndërrimin e arbitrit pa asnjë pretekst. Por, Federata duke ndjekur rigorozisht rregullat, nuk pranoi të bëhej palë duke i kërkuar këtyre të fundit sigurinë e plotë të arbitrave dhe drejtuesve të FSHF-së. Sekretari i Federatës, Roland Mici, ka theksuar gjithashtu se do të merren masa shumë të rrepta ndaj përgjegjësve kryesorë për këtë incident. I kontaktuar në dalje të Spitalit Ushtarak nga gazeta “Tirana Observer”, zoti Mici ka shpjeguar se Federata do të paguante të gjitha shpenzimet në rast se doktorët do të vendosin që Sulejman Mema duhet të kurohej jashtë shtetit.
Zoti Mici, cili është komenti juaj për atë që ndodhi dje (pardje) në Burrel?
Ajo që ndodhi të shtunën në Burrel është një ngjarje e cila nuk njeh precedent në gjithë historinë e futbollit tonë. Këtu nuk bëhet fjalë për një drejtuesit të Federatës Shqiptare të Futbollit, nuk bëhet fjalë për një person të famshëm të futbollit, por bëhet fjalë për mungesën e respektit që gëzon kjo lojë në disa fusha sportive të vendit tonë.
Ju sapo keni dalë nga reanimacioni, a mund të na thoni gjendjen shëndetësore të Sulejman Memës?
Për momentin zoti Sulejman Mema është nën vëzhgimin e rreptë të mjekëve. Sipas tyre, ai është ende në një gjendje të vështirë. Unë personalisht e pashë në gjendje kome. Pasi bisedova me mjekët më thanë se, zoti Mema kishte pësuar një dëmtim të pjesës ballore të kokës deri në tru dhe një pjesë pas veshit. Gjendja është realisht e vështirë. Gjithsesi ai do të mbahet në vëzhgim të paktën për pesë ditë të tjera. Doktorët siguruan se vetëm pas tri ditësh mund të shikojnë me siguri në rast se ka pasur përmirësim të shëndetit të tij apo përkeqësim.
Është e nevojshme që Mema të kurohet jashtë shtetit?
Po ne si Federatë u sugjeruam mjekëve se në rast se është e nevojshme që zoti Sulejman Mema duhet të shkojë jashtë shtetit për kurim, ne do të marrim përsipër të gjitha shpenzimet. I kemi kaq mundësi. Gjithsesi për momentin doktorët na thanë se ai nuk duhet të lëvizë nga krevati edhe për pak orë derisa të vërehet sërish shëndeti i tij.
Zoti Sulejman Mema ka mbërritur në spital vetëm sot (dje), pse nuk është transportuar që dje?
Pas mbërritjes mbrëmë (të shtunën) në shtëpi Mema ka pasur një përkeqësim dhe sot në mëngjes (dje) është dërguar menjëherë në spital. Tek gjendja e komës, sipas doktorëve, kanë ndikuar edhe ilaçet e shumta që është dashur të kurohet zoti Mema pas incidentit. Arrita të shoh edhe rezonancën që i ishte bërë sot (dje) dhe shpresojmë shumë në një shërim të tij.
Për një incident të tillë, por me pasoja shumë më të lehta, Gramozi u ndëshkua keq nga Komisioni i Disiplinës, a do të ketë një penalitet të tillë edhe për Burrelin?
Unë jam Sekretari i Përgjithshëm i Federatës Shqiptare të Futbollit dhe me mendimet e mia nuk dua kurrsesi të ndikoj në vendimet e personave që përbëjnë Komisionin e Disiplinës. Gjithsesi besoj se vendimi do të jetë shumë i rreptë.
Do të shkojë deri në pezullimin e KF Burrelit ose rënien nga kategoria direkt për këtë sezon?
Ju thashë që nuk dua të ndikoj me mendimin tim. Personalisht duke hequr sadopak vesturën e sekretarit të përgjithshëm, do të jepja dënimin maksimal për përgjegjësit kryesorë. Incidente të tilla nuk kanë të bëjnë fare me futbollin shqiptar.
A keni pasur kontakte para apo mbas incidentit me drejtuesit e KF Burrelit?
Po kam pasur. Dhe, si për çudi një natë para ndeshjes, presidenti i Burrelit kishte kërkuar që Federata t’i ndryshonte arbitrin e ndeshjes. Në pak fjalë kishte kërkuar gjoja një favor. Dhe, unë personalisht i kërkova një tjetër favor po kaq të madh, sapo po ma kërkonte ai mua. I thashë që miqësisht të mos kërkonte favore të tilla që nuk qëndronin as në qiell dhe as në tokë. Gjithsesi në fund ne u ndamë shumë miqësisht dhe ai më siguroi se çdo gjë do të shkonte për mrekulli. Kurse ne si Federatë për rëndësinë që kishte ajo ndeshje dërguam shefin e arbitrave, Sulejman Memën, me qëllim që askush në fund të mos kishte kontestime të paktën për arbitrat. Por ja që ndodhi e kundërta. Gjithsesi tashmë urojmë që Sul Mema të shërohet sa më shpejt dhe të kthehet pranë të afërmve dhe miqve të tij. Ndërsa për sa i përket drejtësisë, mendoj se përgjegjësit do të marrin atë që vërtet meritojnë.

Arrestohet dhunuesi i Shefit të Arbitrave në FSHF, Sulejman Mema

Komisariati i Policisë Mat ka arrestuar shtetasin Shpëtim Selim Ndreu, i vitlindjes 1968, lindur dhe banues në Burrel, pjesëtar i stafit drejtues të KS Burreli. Arrestimi i tij është bërë pasi ka rezultuar të jetë autor i goditjes së shtetasit Sulejman Mema, përfaqësues i FSHF-së dhe përgjegjës i Sektorit të Arbitrave. Në momentin e ngjarjes Mema ka qenë duke diskutuar me trajnerin e ekipit të Erzenit, Z. Dedja, kur është goditur me grusht nga shtetasi Shpëtim Ndreu. Ndërkohë për incidentet e ndodhura në përfundim të ndeshjes nga Komisariati i Policisë Mat janë shoqëruar edhe 15 persona, të cilët kanë rezultuar të kenë prishur rendin e qetësinë dhe të kenë hedhur në fushë sende të forta. Ndaj këtyre shtetasve aktualisht janë duke u kryer veprimet proçeduriale.

[Ermal 22]

Shembull duhet bere dhunuesi burrelas. Sul Mema eshte legjende futbolli!
dhunuesi qenka dhe pjestar i stafit drejtues te Burrelit. Nuk ka ku shkon rast me i turpshem pasi keta te futbollit duhet te jene ata qe te luftojn dhunen dho jo ta frymezojne ate!

pa pike burrerie e pa pike rrespekti per detyren qe kane ne klub. Sa turp.

[Renea88]

jepi nja 25 vjet burg e se ben me njeri

[DeuS]

FIFA na klasifikonte ne Grupin (C) persa i perket shkalles se rracizmit ne futboll! Duhen bere permiresime...

[Dr Rieux]

Me shifra, kampionati shqiptar (apo liga superiore sic ka qef ta quaje federata me emrin e bujshem) numeron me pak se 2 mije veta per ndeshje e megjitheate eshte plot me incidente dhune jave per jave. Ajo qe duket si paradoks ne fakt tregon nje te vertete te hidhur qe shkruante para ca kohesh Dizdari. Kampionati shqiptar ka humbur gjithcka qe duhet te synoje te beje te veten: publikun, golin, emocionin e gares, ekipin kombetar, televizionin. Duket se i kane mbetur vetem nje grusht fanatikesh (apo fansa sic preferon ti quaje me tingellueshem shtypi yne) te gatshem per te bere sherr. Nderkohe federata eshte gati ti laje duart si Pons Pilati: dhuna prodhohet nga njerez VIP pjese e te cilit eshte dhe ministri perkates.

Kjo bote u prish o prapesi o dreq ...

[vagabondo_nyc]

Superliga, java XIV/ Dhunë në Vlorë, trajneri i Elbasanit përfundon në spital


Goditet me shishe uji Luan Deliu






Leonard KARAJ

Përsëri dhunë në stadiumet tona. Këtë herë protagonistë janë bërë tifozët e Flamurtarit të Vlorës. Viktima e tyre ka qenë trajneri i Elbasanit Luan Deliu, i cili është goditur nga një shishe uji. Deliu është shoqëruar menjëherë në spitalin e qytetit të Vlorës ku edhe ka marrë ndihmën e nevojshme. Gjithçka ka ndodhur në fërshëllimën e fundit të gjyqtarit Idriz Gashi, i kontestuar gjatë gjithë ndeshjesh nga tifozët vlonjatë për mosdhënien sipas tyre të një penalltie të dyshimtë. Në fund të takimit të fituar nga miqtë 2-0 një shishe uji ka përfunduar në kokën e teknikut Deliu. Ky i fundit pas kontrollit mjekësor është larguar së bashku me skuadrën drejt Elbasanit.
Verdheblutë ngjyrosin Vlorën
Elbasani me fitoren e arritur dje në fushën e Flamurtarit ka kërcënuar ndjeshëm pozitat e bardhebluve në krye të renditjes. Madje për të paktën dy orët e mbasdites, verdheblutë kanë shijuar kreun e renditjes ashtu sikundër sezonin e kaluar. Kanë qenë golat e afrikanit Aenga dhe të riut Mehmeti ata që i kanë dhuruar fitoren e tetë në këtë sezon skuadrës së drejtuar nga Luan Deliu. Ndërsa për Flamurtarin kjo ka qenë humbja e shtatë në 14 javë kampionat. Vlonjatët pas fitores në Fier, javën e kaluar nuk mundën të tregojnë asgjë nga loja e tyre me Elbasanin.

[Homza]

Persh Vagabondo, edhe dhuna hiqet por jo me denime qesharake si 2000 lek te reja gjob, apo duke zgjidh albitra qe skan nene.

Duhet qe gjobat dhe denimet te jen shum me te rrepta.

[BaBa]

Dhuna ne stadiumet shqiptare!

Eshte nje Fenomen Qe ska per Du Zhdukur as nje her, Do ket Dhum dhe shum ne Vazhdimsi te ndeshjeve ne Shqiperi !!!

PS: {Skemi Shtet } Se jan te Korroptum Tgjith ne nje hallk mahen !!!

[vagabondo_nyc]

Hey Homz...si t'kom?
Ktu po bom i dor muhabet se anej nga linja tjeter zor se nrro dy fjale me ty apo m'kupto.
Qe thu ti or Homz nuk o ene aq lehte me e heq dhunen...nuk eshte vij apo pike(si ajo e penalltise) Dhuna eshte nje shfaqje e shumtuar dhe do goxha pune me hek or Homz...

[Homza]

Une mire mer plako, po ti Vagbondo si ke qene, si po te gjejne festat e fundvitit,shpresoj mire.
Ktu bojm muhabet sa te dush na plako, edhe nga ana tjeter, jo per gjo por jemi ne pushtet ne te PDse dhe nuk ja u vem veshin per aq sa folni, jo er gje por ju folni shum. lol

Nejse, dhuna ne futboll Vagabondo, eshte shum e lehte per tu heq, te vejme shtet si duhet, denime qe ti pshtojne pordhet tjetrit perpara se te gjuj kpucen e djathte albitrit, presidentit te vihet gjob me shuma te medha dhe jo qesharake si 25000 lek te reja, kur dihet qe klubet ne shqiperi kan nje kapital mjaft te madh per rezultatet qe korrin. Te denohet stadjumi p.sh i Vlores per nje sezon rrjesht te luajne ndeshjet ne Tropoje, dmth tja u bejne sa me te veshtire tifozeve dhe sidomos presidenteve te klubeve qe kan aq shum ne dore dhe bejne aq pak per te ndal dhunen.

Pra shteti ne ket mes eshte federata e futbollit, ata duhet te marrin masa.

Edhe mos harro te votosh per Olldashin ne kto zgjedhje, ;-), politika ska vend ne futboll;-)