Presidenti Bush përgëzon demokratët për fitoren e zgjedhjeve
10-11-2006
Presidenti Bush takohet sot me udhëheqësin demokrat të Senatit Harry Reid, në Shtëpinë e Bardhë, ndërsa vazhdon të përpjekjet për bashkëpunim me fituesit e zgjedhjeve të së martës për në Kongres.
Takimi me zotin Reid dhe me udhëheqës të tjerë të partisë, zhvillohet një ditë pasi demokrati Jim Webb u shpall zyrtarisht fituesi i garës për në Senat, ndaj kandidatit republikan George Allen. Rezultati i zgjedhjeve u siguroi demokratëve kontrollin e të dyja dhomave të Kongresit, për herë të parë në 12 vjet.
Zoti Reid pritet të bëhet udhëheqësi i shumicës në Senat, kur Kongresi të mblidhet në muajin janar. Ligjvënësja demokrate Nany Pellosi, e cila do të bëhet gruaja e parë Kryetare e Parlamentit, u takua dje me Presidentin Bush. Ajo tha se demokratët presin që të shënojnë përparime në problemet me të cilat ndeshet vendi. Presidenti Bush i përgëzoi demokratët dhe u bëri thirrje të dyja partive, që t’i lenë mënjanë mosmarrëveshjet dhe të bashkëpunojnë për çështjet e rëndësishme që ka vendi.
VOA
10-11-2006
Përgjigju Duke Cituar
Krijoni Kontakt