FC Barcelona

[km92]

Forza Barcelonaa

[ClaY_MorE]

Rajkard, pushim absolut për Ronaldinjon

Trajneri i Barcelonës, Frenk Rajkard, ka deklaruar se dëshiron që Ronaldinjo të jetë në formë sa më të mirë dhe të mos ketë aspak problem dëmtimesh. Futbollisti brazilian vuante nga një dëmtim i lehtë dhe trajneri holandez vendosi që ai të mos udhëtojë me skuadrën në përballjen kundër Santanderit. Ndërkohë, përsa i përket futbollistit argjentinas Lionel Mesi, Rajkard ka pohuar se ai është rekuperuar shumë shpejt; gjithsesi, duhet të jetë i duruar dhe të presë deri sa futbollisti të arrijë formën më të mirë fizike. "Ne duhet të tregohemi të duruar dhe t'i lëmë futbollistët që të jenë në një formë sa më të mirë," ka thënë Rajkardi. Ky i fundit ka kërkuar nga futbollistët e tij që të jenë sa më të përqendruar në ndeshjet e mbetura të sezonit, pasi kanë shumë rëndësi. "Ne duhet t'i vlerësojmë maksimalisht të gjitha ndeshjet e mbetura. Edhe ndaj Santanderit duhet të japim maksimumin në fushën e lojës dhe t'i marrin tri pikët, pasi nuk e kemi të sigurt se do ta fitojmë kampionatin. Nuk duhet të mendojmë për të gjitha kompeticionet, ose të bëjmë veçime. Ne thjesht duhet të kërkojmë fitoren në të gjitha ndeshjet që do të luajmë," tha ai. Përsa i përket formës së Ronaldinjos, ai tha: "Nuk duhet ta fus atë në lojë, në kushte jo maksimale fizike. Mendoj se një gjë e tillë është e rrezikshme. Ne kemi shumë futbollistë cilësorë dhe mund t'u besoj atyre shumë mirë. Lojtarë të rëndësishëm si Ronaldinjo duhet të jenë gjithmonë në maksimumin e formës. Barcelona po kalon një periudhë të mirë dhe duhet ta shijojmë këtë moment; synimi im është që e bukura të vijë në fund, pasi deri tani asgjë nuk është arritur. Jemi në rrugën e duhur, por kemi akoma punë për të bërë," përfundoi trajneri holandez.


Pujol shpreh pëlqimin për Milanin

Kapiteni i Barcelonës, Çarles Pujol, ka deklaruar se, nëse do të largohej nga skuadra e tij, do të kishte dëshirë të transferohej te Milani. Në fakt, katalanasit, të cilët synojnë Ligën e Kampioneve, do të përballen pikërisht me kuqezinjtë në gjysmëfinale. "Synimi im është ta përfundoj karrierën te Barcelona. Por, nëse një ditë do të më duhet të largohem, do të kisha dëshirë të shkoja te Milani" tha Pujol.

[AIRON^BOY]

E c'do te thuash me kte ti Clay_More !

Qe qenka Milani ekipi ku "endrrojn" te luajn te gjith lojtaret. ( Ngele duke mare komente nga sportishqiptar ) LoOoL

Megjithate po jap dhe un ca komente nga SportiShqiptar. ( Nga Ronaldinho )

Ronaldinjo: Dua të provoj të pamundurën!

Ronaldinjo ka qenë në Barcelonë, së bashku me brazilianin e Realit të Madridit, Robinjo, ku ka qenë pjesë e reklamës së re të markës "Nike". Fantazisti do të jetë figura kryesore e spotit "Joga bonito". Përpara gazetarëve "Dinjo" ka rëfyer gjithçka, nga jeta jashtë futbollit dhe deri te ambiciet e tij me Barcelonën dhe kombëtaren e Brazilit. Ja cila ka qenë intervista e futbollistit më të mirë për vitin 2005.
- Ronaldinjo, cila është diferenca ndërmjet jush dhe futbollistëve të tjerë? Gjithnjë, nëse ka një të tillë?
- Mendoj se ndryshimi qëndron në kënaqësinë që unë ndiej në stërvitje, si dhe kur provoj gjëra të reja në fushën e lojës. I kushtoj shumë kohë futbollit. Mendoj një lëvizje, studioj se si ta kryej në praktikë. Në fillim gaboj, dhe topi më ikën nga kontrolli, por, pasi jam ushtruar disi, lëvijet bëhen më "të ëmbla". Këto nuk janë lëvizje, me anë të të cilave dua të përfitoj personalisht, por synoj ta ndihmoj skuadrën të përmirësojë lojën e saj. Dua të punoj në kolektiv. Kjo më pëlqen më shumë.
- Keni bërë një spot publicitar, ku jepen pamje tuajat në moshën nëntëvjeçare...
- Në fund të fundit, përsa i përket futbollit, mendoj se kam mbetur një fëmijë. Shikoja Rivelinon sesi stërvitej me litar dhe isha gati ta imitoja për orë të tëra. Vullneti nuk më ka munguar asnjëherë. Më pëlqen të realizoj të pamundurën.
- Të martën festuat 26-vjetorin. Çfarë ka ndryshuar në jetën tuaj?
- Bëj një jetë të thjeshtë. Nuk jam nga ata njerëz që mundohen të përfitojnë nga fama e tyre. Unë bëj një jetë normale, si gjithë të tjerët. Kam shoqërinë time dhe dal me të. Nuk ka asgjë të pazakontë. Nuk dua që, fakti se jam i njohur të ndikojë në jetën time. Dua të bëj atë që dëshiroj!
- Liga e Kampioneve, një fobi për Ronadinjon?
- Jo, thjesht një trofe që dua ta fitoj me çdo kusht, duke qenë se është më i lakmuari nga çdo futbollist i planetit.
- Me Championsin do të kompletohej palmaresi juaj. Druheni se mos ju mungojnë motivimet për të ardhmen?
- Asnjëherë nuk e kam humbur motivimin gjatë karrierës sime. Kam qenë me fat që, në moshë kaq të re kam arritur të fitoj një numër të tillë trofesh në ekip, por dhe individual; jam i bindur se etja ime për fitore nuk do të shuhet kurrë.
- Si do ta vlerësonit momentin aktual të formës që po kaloni?
- Jam shumë i kënaqur me periudhën që po kaloj dhe shpresoj të vazhdoj gjithmonë kështu. Jam në një formë të mirë fizike dhe luaj përkrah futbollistëve më të mirë në botë. Gjithçka po shkon në mënyrën e duhur.
- Mendoni se në gjysmëfinalen e Ligës së Kampioneve do të keni përballë Milanin?
- Po, Milani është një skuadër e pasur me futbollist të aftë. Por ata duhet të kenë kujdes Lionin, që gjatë vitetve të fundit ka arritur të përmirësohet dhe të fitojë gjithçka në Francë, falë një loje të bukur.
- Çfarë rreziqesh paraqet për ju ndeshja ndaj Benfikës?
- Të njëtjat që do të ketë Milani ndaj francezëve. Në të dyja këto ndeshje vihet përballë skuadra me aftësi të theksuara teknike. Por kjo nuk vjen vetëm nga fakti se në këto ekipe luajnë futbollistë brazilianë.
- Kalojmë te botërori. Njerëzit flasin për në Brazil të pathyeshëm...
- Eshtë një fjalë shumë e madhe. Le të themi se në vitin 2002 shkoi gjithçka sipas planeve. Mendoj se diferencën e bëri mesfusha. Kishim në skuadër futbollistë të aftë në rekuperimin me topa dhe, më pas unë, së bashku me Rivaldon, ishin në një moment forme të shkëlqyer. Shënuam gola të rëndësishëm dhe e ndihmuam Ronin të shpallej shënuesi më i mirë. Në këto katër vitet e ardhshme "Selesao" ka ardhur duke u përmirësuar, por nuk mund të konsiderohemi të pathyeshëm.
- Ronaldo?
- Kam besim te Roni. Mendoj se njerëzit duhet ta respektojë për atë që ka dhënë tek Interi, Reali i Madridit dhe kombëtarja braziliane. Si shok skuadre shpresoj që ai të arrijë maksimumin në botëror. Më 2002-shin golat e tij ishin vendimtare.
- Gjithsesi, botërori i dytë radhazi po ju pret...
- Kam shumë besim te forca e Brazilit. Të gjithë e dinë se çfarë futbollistësh ka ajo skuadër, dhe të gjithë e dinë që janë më të mirët në botë. Nuk ka nevojë për shumë koment, përsa i përket talentit të tyre. Por një skuadër nuk do vetëm emër të madh apo talentin individual të futbollistëve. Ne duhet të jemi një grup i vetëm dhe nuk duhet ta mbivlerësojmë veten. Kjo edhe mund të na dëmtojë. Synimi ynë është maksimumi në Kupën e Botës, dhe duhet të jemi të ndërgjegjshëm që nuk është aspak e lehtë.
- Edhe në Spanjë jeni pranë titullit të dytë radhazi. 12 pikë avantazh janë të mjaftueshme?
- Jo, nuk dua të mendojmë se e kemi fituar titullin kampion. Ne duhet të japim maksimumin në çdo ndeshje, si dhe të mendojmë vetëm për tri pikët. Nëse arrijmë ta sigurojmë matematikisht atë, atëherë mund të përqendrohemi maksimalisht në Ligën e Kampioneve. Mendoj se kjo është mënyra më e mirë. Nëse nuk japim maksimumin, gjithçka mund të ndodhë.
- Në fund, diçka për të ardhmen tuaj...
- E ardhmja ime është te Barcelona. Nuk mendoj për asgjë që nuk ka të bëjë me këtë skuadër. Nuk më mungon asgjë dhe s'më shkon ndërmend të largohem. Te ky ekip kam gjetur gjithçka që mund të kërkojë një futbollist. Jam i lumtur, shumë i lumutur!

[AIRON^BOY]

Mesi, mungesa e Barçës në Champions

Markez, i gatshëm kundër Milanit
Barcelona ka fituar më shumë besim te forcat e veta, pasi mori një lajm të mirë nga infermieria e klubit. Mbrojtësi meksikan, Rafael Markez, do të jetë i gatshëm për përballjen me Milanin në Ligën e Kampioneve dhe kjo është një lehtësim i madh për trajnerin Frenk Rajkrd, duke qenë se nuk kishte shumë futbollistë në dispozicion për këtë repart.

Sulmuesi i Barcelonës, Lionel Mesi, është në dyshim për përballjen e skuadrës së tij me Milanin, në gjysmëfinalet e Ligës së Kampioneve. Argjentinasi nuk ka luajtur që nga fillimi i muajit mars, kur u dëmtua në përballjen e skuadrës katalanase me Çelsin, e vlefshme për çerekfinalet e kompeticionit europian. Stafi mjekësor i klubit spanjoll deklaroi se sulmuesi 18-vjeçar nuk ishte në kushte shumë të mira fizike dhe gjithçka është në dyshim për të, gjithsesi është e sigurt se do të mungojë në përballjen e kampionatit për ekipin e tij. "Mesi ndien dhimbje dhe nuk është në kushte të mira fizike. Trajtimi do të vazhdojë për të, derisa t'i bashkohet grupit, por asgjë nuk është e sigurt. Nuk dihet saktësisht se sa mund të zgjasë rikuperimi," - është thënë në një deklaratë për shtyp. Mesi ka qenë një nga futbollistët më aktivë dhe dinamikë në lojën e Barcelonës gjatë këtij sezoni, por paraqitjet e mira të Henrik Larsonit, gjatë kohës që argjentinasi ka qenë i dëmtuar, mund të ndikojnë që suedezi të jetë në formacion në përballjen me italianët e Milanit. Edhe mesfushori Tiago Mota është në dyshim për ndeshjen e mesjavës në "San Siro", gjithashtu për shkak të dëmtimit. Ndërkohë, trajneri i Barcelonës, Frenk Rajkard, ka deklaruar se Mesi nuk duhet të ndihet nën presion dhe të vazhdojë i qetë seancat e rikuperimit, pasi ka qenë pikërisht presioni ndaj tij, që ka bërë që ai të mos jetë i gatshëm shumë shpejt. Trajneri holandez ka dashur të qetësojë futbollistin e tij, duke i bërë të ditur se gjithçka është në rregull dhe se me besim në vetvete, do të jetë i gatshëm sa më shpejt të jetë e mundur. "Ne po punojmë shumë dhe jemi të përqendruar. Nuk dua që të gjithë të fokusohen te Mesi. Dua që ai të jetë i qetë dhe të mendojë vetëm për rikuperimin, pa e sforcuar veten, pasi ashtu mund të keqësohet gjendja. Të gjithë janë duke dhënë maksimumin. Ne jemi me fat që kemi një futbollist aq të talentuar në ekip dhe nuk duhet të mendojmë se është i yni vetëm për një ndeshje. Mesi është e ardhmja e Barcelonës, ndaj ka shumë kohë për të luajtur ndeshje të një rëndësie të tillë. Ai nuk është rikuperuar aq shpejt sa ç'pritej, por kjo nuk do të thotë se do të futet në fushën e lojës në kushte jo të mira. Barça ka shumë futbollistë cilësorë, të cilët janë gati të japin maksimumin dhe që klubi ka besim tek ata. Nuk dua që Lioneli të ndihet nën presion, pasi kjo e dëmton shumë," - tha Rajkardi.

Ndoshta eshte truk ky lajm per Messi-n

[inter_forever]

Fillove me carcafet edhe ti si Clay ... Kot i vini o cuna se pertojne njerezit te lexojne nje faqe gerr - verr ...
Me mire permblidh me llafet e tua 2-3 rreshta dhe i lexojne t e gjithe shpejt e shpejt ..

Nejse...


Doli me fat milani edhe kesaj rradhe ... Messi nuk ka per te loz as ndeshjen e kthimit mbaje mend ...
Degjova qe jane shqetesuar ata te Argjentines , se kane frik se nuk behet as per boteror ...

[Julius]

Ne qofte se eshte mungesa e vetme e Barcellones Messi, nuk eshte per tu alarmuar. Nga offical site i Barces mora vesh se ka shkuar ne Argjentine per rikuperim i ndjekur nga nje fizioterapist i klubit. Giuly mund ta zevendesoje denjesisht duke gjykuar nga forma qe paraqiti ne ndeshjen me Villan. Shpejtesia dhe zhdervjelltesia e ketij lojtari do t'i hapi pune babagjysheve te mbrojtjes milaneze.

[Manci]

Eto "hipotekon" titullin!

Barcelona ka fituar 1-0 ndaj Vilarealit në ndeshjen e vlefshme për javën e 33-t të Primera Divizionit.
Goli i shënuar në çastet e para nga Samuel Eto vulosi gjithçka. Sulmuesi kamerunasi bëri një veprim të shkëlqyer individual, duke mposhtur më pas portierin Viera me një goditje të saktë në hyje të zonës.

Goli i 24-t i Etosë në këtë kampionat i ka mjaftuar Barçës, e cila humbi për shkak dëmtimesh, Larson në fillim dhe Ezkeron më pas. Përveç disa rasteve sporadike, Vilareali nuk bëri mjaftueshëm për të marrë një pikë në "Kamp Nou"
. Në minutat e fundit të lojës të dyja skuadrat u pajtuan me ritmin e ulët, duke parë edhe ndeshje delikate, që i presin në mesjavë për gjysmëfinalet e Ligës së Kampioneve. Jo më kot ndeshja Barça-Vilareal u luajt të premten.
Katalanasit do të luajnë të martën në "San Siro" ndaj Milanit, ndërsa Vilareali do të udhëtojë për në "Hajbëri" ku e pret Arsenali. Ronaldinjo dhe Rikeleme, të cilët munguan në takimin e djeshëm do të jenë rregullisht fushë për sfidat e Championsit. Ndërkohë, me tripikësishin e marrë dje Barcelona ka hedhur një tjetër hap drejt titullit të dytë rradhazi. Skuadra e Rajkardit ka 14 pikë avantazh dhe një ndeshje më shumë se dyshja Real-Valencia, kur duhen edhe pesë javë nga fundi.

[bavarezi5]

Nuk ka konkurence Barca, e papame me futbollin qe tregon.

[inter_forever]

RONALDINHO TITULLAR NE MILANO .

Edhe dyshimet e fundit kane ikur . Me i miri i botes RONALDINHO eshte ne listat qe ka paraqitur Rijkard per ndeshjen e champions ne Milano .

Kishte disa dyshime per aktivizimin e tij , pasi nuk lozi ne ndeshjen e fundit ne kampionat , ku Barca fitoi 1-0 kunder Villareal .

Ja lista e lojtareve qe jane thirrur per champions :

Valdes, Jorquera, Sylvinho, Van Bronckhorst, Puyol, Edmilson, Oleguer, Marquez, Belletti, Iniesta, Van Bommel, Motta, Gabri, Giuly, Eto'o, Ronaldinho, Ezquerro e Maxi.

[bavarezi5]

Messi,pse nuk eshte thirur per kete loje?

A eshte lenduar apo njdonje gje tjeter.