FC Barcelona

[d3v1Lche]

barcelona per mendimin tem eshte ekiupi ma i mir BOt

[AIRON^BOY]

Ehhh cka me bo, jemi ne ndertim te nje ekipi, kemi disa lojtar te ri si: Robinho, Cassano, Baptista, Ramos, Cicinho.... le te jene keto vite te adapmtimit mandej shohim e bejme me vone...

Kush te ka thene se eshte Kupe kot kur fitoi Interi, kam thene se nuk ja vlen te gezoheni aq shume nje Kupe sepse keni me vite qe pretendoni per titull kampion, por ate nuk e beni sepse s'ju jepet mundesia

Davius : Si do te veja puna, qeni qepen do haj, dhe Barcelona do e bej nje fitore me Sargozen per te mar kualifikimin.

Sa per ekipin qe po nderton..... Eshte e kote, nje mision i pamundur. Pasi Barcelona tashme eshte vet futbolli

[inter_forever]

Real Sociedad - Barcellona 0 - 2

Ben detyren Barca sonte . Me golat e shenuar nga Larsson dhe Eto'o merr nje 3 pikesh e shkeputet 12 pike nga ndjekesit Valencia dhe Real qe ndeshen neser .

[inter_forever]

Barcellona - Getafe 3-1

Vazhdojne fitoret e Barces ne kampionat . Ne fillim shenon Tos Nano ( paska fillu te loz futboll miku ...) ne minuten 5 , pastaj barazon Barca ne min 23 me nje autogol .
Ne pjesen e dyte 2 gola te Eto'o (arrin 100 gola me Barcen ) ...

Me kete fitore Barca shkon 67 pike dhe pret e qete ndeshjet e Reralit dhe Valencias neser .

[bavarezi5]

Nuk ndalen keto te Barces,sivjet do te fitojne edhe Championsin....

[bavarezi5]

Ronaldinjo, një hap larg historisë

Futbollisti brazilian i Barcelonës, Ronaldinjo, ka bërë të ditur synimet e tij, të cilat janë shumë të larta. Ai ka bërë të ditur se dëshiron të hyjë në historinë e futbollit. Shumë njerëz mund të mendojnë se deri tani ai ka treguar mjaft për të qenë një nga më të mirët e të gjitha kohëve, por synimet e futbollistit janë të tjera. Ai ka deklaruar se dëshiron të fitojë të gjithë trofetë e mundshëm dhe kërkon Kupën e Botës me Brazilin, që në "Gjermani 2006". Me kampionatin spanjoll të fituar, numri 10 i katalanasve tani e ka vendosur përqendrimin e tij te Liga e Kampioneve në rangun e klubeve dhe te botërori me kombëtaren. Në këtë të fundit, gjatë "Gjermani 2006", ai pritet të dhurojë spektakël, duke qenë se po kalon një formë të mirë dhe është më i maturuar, pasi mori pjesë në botërorin e vitit 2002. Momentalisht, Ronaldinjo po kalon një periudhë të jashtëzakonshme, të cilën të gjithë futbollistët e kanë ëndërr. "Jam shumë i kënaqur me periudhën që po kaloj dhe shpresoj të vazhdoj gjithmonë kështu. Jam në një formë të mirë fizike dhe kam shokë ekipi disa prej futbollistëve më të mirë në botë. Gjithçka po shkon në mënyrën më të mirë," - tha Ronaldinjo. Ndërkohë ai ka folur edhe për shokët e tij të kombëtares: "Kam shumë besim te forca e Brazilit. Të gjithë e dinë se çfarë futbollistësh ka ajo skuadër dhe të gjithë e dinë që janë më të mirët në botë. Nuk ka nevojë për shumë koment, për sa i përket talentit të tyre. Por një skuadër nuk do vetëm emër të madh, apo talentin individual të futbollistëve. Ne duhet të jemi një grup i vetëm dhe nuk duhet ta mbivlerësojmë veten. Kjo edhe mund të na dëmtojë. Synimi ynë është maksimumi në Kupën e Botës dhe duhet të jemi të ndërgjegjshëm që nuk është aspak e lehtë." Ndërkohë, ylli i futbollit të ditëve të sotme, Ronaldinjo, i cili të martën e kaluar mbushi 26 vjeç, ka folur edhe për jetën e tij jashtë fushave të lojës. "Bëj një jetë të thjeshtë. Nuk jam nga ata njerëz që mundohen të përfitojnë nga fama e tyre. Aspak. Unë bëj një jetë normale si gjithë të tjerët. Kam shoqërinë time dhe dal me të. Nuk ka asgjë të pazakontë. Nuk dua që fakti se jam i njohur, të ndikojë në jetën time. Dua të bëj atë që dua," - tha ai. Për sa i përket karrierës, ai është duke fituar titullin e dytë kampion në Spanjë, për të dytin vit radhazi. Barcelona renditet në vendin e parë, 12 pikë larg vendit të dytë. "Nuk dua të mendojmë se e kemi fituar titullin kampion. Ne duhet të japim maksimumin në çdo ndeshje dhe të mendojmë vetëm për tri pikët. Nëse arrijmë ta sigurojmë matematikisht atë, atëherë mund të përqendrohemi maksimalisht në Ligën e Kampioneve. Mendoj se kjo është mënyra më e mirë. Dua të theksoj se nuk duhet ta mbivlerësojmë asnjëherë veten dhe në këtë rast nuk duhet të mendojmë se e kemi të fituar kampionatin. Nëse nuk japim maksimumin, gjithçka mund të ndodhë," - përfundoi ai.

[bavarezi5]

Ronaldinjo: Dua të provoj të pamundurën!

Ronaldinjo ka qenë në Barcelonë, së bashku me brazilianin e Realit të Madridit, Robinjo, ku ka qenë pjesë e reklamës së re të markës "Nike". Fantazisti do të jetë figura kryesore e spotit "Joga bonito". Përpara gazetarëve "Dinjo" ka rëfyer gjithçka, nga jeta jashtë futbollit dhe deri te ambiciet e tij me Barcelonën dhe kombëtaren e Brazilit. Ja cila ka qenë intervista e futbollistit më të mirë për vitin 2005.

- Ronaldinjo, cila është diferenca ndërmjet jush dhe futbollistëve të tjerë? Gjithnjë, nëse ka një të tillë?

- Mendoj se ndryshimi qëndron në kënaqësinë që unë ndiej në stërvitje, si dhe kur provoj gjëra të reja në fushën e lojës. I kushtoj shumë kohë futbollit. Mendoj një lëvizje, studioj se si ta kryej në praktikë. Në fillim gaboj, dhe topi më ikën nga kontrolli, por, pasi jam ushtruar disi, lëvijet bëhen më "të ëmbla". Këto nuk janë lëvizje, me anë të të cilave dua të përfitoj personalisht, por synoj ta ndihmoj skuadrën të përmirësojë lojën e saj. Dua të punoj në kolektiv. Kjo më pëlqen më shumë.

- Keni bërë një spot publicitar, ku jepen pamje tuajat në moshën nëntëvjeçare...

- Në fund të fundit, përsa i përket futbollit, mendoj se kam mbetur një fëmijë. Shikoja Rivelinon sesi stërvitej me litar dhe isha gati ta imitoja për orë të tëra. Vullneti nuk më ka munguar asnjëherë. Më pëlqen të realizoj të pamundurën.

- Të martën festuat 26-vjetorin. Çfarë ka ndryshuar në jetën tuaj?

- Bëj një jetë të thjeshtë. Nuk jam nga ata njerëz që mundohen të përfitojnë nga fama e tyre. Unë bëj një jetë normale, si gjithë të tjerët. Kam shoqërinë time dhe dal me të. Nuk ka asgjë të pazakontë. Nuk dua që, fakti se jam i njohur të ndikojë në jetën time. Dua të bëj atë që dëshiroj!

- Liga e Kampioneve, një fobi për Ronadinjon?

- Jo, thjesht një trofe që dua ta fitoj me çdo kusht, duke qenë se është më i lakmuari nga çdo futbollist i planetit.

- Me Championsin do të kompletohej palmaresi juaj. Druheni se mos ju mungojnë motivimet për të ardhmen?

- Asnjëherë nuk e kam humbur motivimin gjatë karrierës sime. Kam qenë me fat që, në moshë kaq të re kam arritur të fitoj një numër të tillë trofesh në ekip, por dhe individual; jam i bindur se etja ime për fitore nuk do të shuhet kurrë.

- Si do ta vlerësonit momentin aktual të formës që po kaloni?

- Jam shumë i kënaqur me periudhën që po kaloj dhe shpresoj të vazhdoj gjithmonë kështu. Jam në një formë të mirë fizike dhe luaj përkrah futbollistëve më të mirë në botë. Gjithçka po shkon në mënyrën e duhur.

- Mendoni se në gjysmëfinalen e Ligës së Kampioneve do të keni përballë Milanin?

- Po, Milani është një skuadër e pasur me futbollist të aftë. Por ata duhet të kenë kujdes Lionin, që gjatë vitetve të fundit ka arritur të përmirësohet dhe të fitojë gjithçka në Francë, falë një loje të bukur.

- Çfarë rreziqesh paraqet për ju ndeshja ndaj Benfikës?

- Të njëtjat që do të ketë Milani ndaj francezëve. Në të dyja këto ndeshje vihet përballë skuadra me aftësi të theksuara teknike. Por kjo nuk vjen vetëm nga fakti se në këto ekipe luajnë futbollistë brazilianë.

- Kalojmë te botërori. Njerëzit flasin për në Brazil të pathyeshëm...

- Eshtë një fjalë shumë e madhe. Le të themi se në vitin 2002 shkoi gjithçka sipas planeve. Mendoj se diferencën e bëri mesfusha. Kishim në skuadër futbollistë të aftë në rekuperimin me topa dhe, më pas unë, së bashku me Rivaldon, ishin në një moment forme të shkëlqyer. Shënuam gola të rëndësishëm dhe e ndihmuam Ronin të shpallej shënuesi më i mirë. Në këto katër vitet e ardhshme "Selesao" ka ardhur duke u përmirësuar, por nuk mund të konsiderohemi të pathyeshëm.

- Ronaldo?

- Kam besim te Roni. Mendoj se njerëzit duhet ta respektojë për atë që ka dhënë tek Interi, Reali i Madridit dhe kombëtarja braziliane. Si shok skuadre shpresoj që ai të arrijë maksimumin në botëror. Më 2002-shin golat e tij ishin vendimtare.


- Gjithsesi, botërori i dytë radhazi po ju pret...

- Kam shumë besim te forca e Brazilit. Të gjithë e dinë se çfarë futbollistësh ka ajo
skuadër, dhe të gjithë e dinë që janë më të mirët në botë. Nuk ka nevojë për shumë koment, përsa i përket talentit të tyre. Por një skuadër nuk do vetëm emër të madh apo talentin individual të futbollistëve. Ne duhet të jemi një grup i vetëm dhe nuk duhet ta mbivlerësojmë veten. Kjo edhe mund të na dëmtojë. Synimi ynë është maksimumi në Kupën e Botës, dhe duhet të jemi të ndërgjegjshëm që nuk është aspak e lehtë.

- Edhe në Spanjë jeni pranë titullit të dytë radhazi. 12 pikë avantazh janë të mjaftueshme?

- Jo, nuk dua të mendojmë se e kemi fituar titullin kampion. Ne duhet të japim maksimumin në çdo ndeshje, si dhe të mendojmë vetëm për tri pikët. Nëse arrijmë ta sigurojmë matematikisht atë, atëherë mund të përqendrohemi maksimalisht në Ligën e Kampioneve. Mendoj se kjo është mënyra më e mirë. Nëse nuk japim maksimumin, gjithçka mund të ndodhë.

- Në fund, diçka për të ardhmen tuaj...

- E ardhmja ime është te Barcelona. Nuk mendoj për asgjë që nuk ka të bëjë me këtë skuadër. Nuk më mungon asgjë dhe s'më shkon ndërmend të largohem. Te ky ekip kam gjetur gjithçka që mund të kërkojë një futbollist. Jam i lumtur, shumë i lumutur!

[ylber1998]

Flm per kto info

[chi_mai]

dhe nje here u ndje mungesa e ronaldinjos ne formacionin e barcelones
shume raste ne ndeshjen kunder malaga por asnje finalizim i sakte
rasti me i paster i ndeshjes , eto'o ne min te 92' godet para porte, topi prek tranversen dhe del nga zona perseri
barcelones duhet thene qe i mungonin kater lojtar formacioni: ronaldinjo, deco, giuly, pyoul.
ndeshje zhgenjyse

[bavarezi5]

Flm per kto info

Ne Forum per keto gjera jemi!