Portret TUTORI

[Beqari002]

I nderuar Erzen po po vazhdojme edhe me me rrefimet e plakut
te Fushe-Arrez, Gjin Lleshi ,rreth kesaj ngajrje tragjike qe u ngjau atyre.


Vizitë në familjen e varfër në qendër të Fushë-Arrëzit. Gjin Lleshi akuzon tutorët për krimin e përbindshëm

Lleshi: Arrestoni vrasësit e vajzës sime

Marta Lleshi denoncoi në polici tutorët e dy motrave të vogla. Pak muaj më vonë u gjet e masakruar brenda një thesi

Nga e dërguara jonë

Aleksandra Bogdani

FUSHË-ARRËZ- Shën Mëritë dhe kryqet e varura në çdo cep të mureve në banesën e varfër, janë të vetmet “dëshmitare” të dhimbjes së Gjin Lleshit dhe familjes së tij. Në derën e kësaj shtëpie, ku rrallë -herë hyn drita e diellit, na pret Dava e cila na fton të futemi në dhomën e pritjes. Dy shtretër prej dërrase, një sobë me dru si dhe një bufe e vjetër, brenda së cilës dallohen fotografi të shumta fetare, janë të vetmet orendi që mobilojnë dhomën më të mirë të shtëpisë. Ndërsa i zoti i saj, Gjin Lleshi, mezi ngrihet nga krevati i lëngimit, ku kalon më së shumti ditë-netët e pleqërisë, për të na përshëndetur. Plaku 67-vjeçar, i lodhur nga fatkeqësitë e shumta në jetë, fillon të rrëfejë edhe një herë dramën e familjes së tij. Njëra vajzë e familjes Lleshi është masakruar 6 muaj pasi denoncoi tutorët e dy motrave. Gjin Leshi e cilëson këtë vrasje çnjerëzore si një hakmarrje të tutorëve të prostitucionit. I lodhur nga sorollatjet e kota nëpër dyert e institucioneve shtetërore në Tiranë, Gjin Lleshi i ka varur shpresat vetëm tek presioni i organizatave ndërkombëtare për gjetjen dhe arrestimin e autorëve që vranë rreth 2 vjet e gjysmë më parë, vajzën e tij të madhe.
Krimi
Marta Lleshi, nëna e tre vajzave, është masakruar në dhomën e errët të katit të parë të një pallati në Fushë-Arrëz. Krimi i llahtarshëm nuk është harruar ende në këtë qytezë të vogël në veri të vendit. Sipas Gjin Lleshit, vajza e tij është vrarë më datën 1 qershor të vitit 2000 në dhomën e saj, ku jetonte vetëm pas divorcimit nga i shoqi. Autorët, ende të pazbuluar nga policia, e kanë therur 36-vjeçaren, duke ia ndarë trupin në disa copa. Më pas, e kanë futur në dy thasë, të lidhur me njëri-tjetrin dhe e kanë hedhur në lumin Fan. “E kemi kërkuar Martën për 12 ditë me radhë, tek të gjithë kushërinjtë dhe nuk e kemi gjetur dot”,-rrëfen Gjin Lleshi. Ndërsa mëngjesin e 13 qershorit, një djalë i vogël nga Fushë-Arrëzi ka gjetur buzë lumit thasët brenda të cilëve ndodheshin pjesët e ndara të trupit të Martës. Gruaja e shpërfytyruar çnjerëzisht është njohur vetëm nga një unazë e vjetër që mbante në gisht. Por krimi makabër, edhe pas 2 vjet e gjashtë muajsh nuk është zbardhur ende nga policia. Dava Lleshi thotë se Marta ishte divorcuar nga i shoqi disa muaj para se të vdiste. Ajo kishte tre vajza të vogla, ndërsa i shoqi e braktisi sepse nuk lindi dot djalin e dëshiruar. Që nga vdekja e Martës, Gjin Leshi dhe Dava nuk i kanë takuar tre mbesat e tyre, te cilat jetojnë me të atin.
Historia
Fatkeqësitë për këtë familje të varfër filluan në vitin 1999. Marjana Lleshi, vajza 21 vjeçare e Gjinit u zhduk pa lënë asnjë gjurmë , për 11 muaj me radhë. Ajo u trafikua në drejtim të Italisë nga dy vëllezërit Xhevahir dhe Laid Ndoi. “Njëri prej vëllezërve Ndoi i premtoi sime bije se do të martohej me të dhe më pas e la në dorë të vëllait tjetër, që e trafikoi në Itali”,-tregon Gjin Lleshi. Për 11 muaj ata nuk morën asnjë lajm nga Mariana. Ndërsa një ditë pranvere të vitit 2000 , atyre u mbërrin një letër nga vajza 21- vjeçare. Marjana u shkruante nga një kuvend murgeshash në Itali se atë e kishin mashtruar Xhevahir dhe Laid Ndoi, të cilët e kishin keqtrajtuar për ta nxjerrë në trotuar. Letrën e Mariana Lleshit, e merr e motra, Marta, dhe e dorëzon në komisariatin e policisë së Pukës. Menjëherë pas këtij denoncimi, të bërë nga Marta Lleshi, policia e Pukës arrestoi njërin prej tutorëve, ndërsa vëllai i tij u shpall në kërkim. Por gjatë kësaj periudhe trafikohet në drejtim të Italisë edhe vajza tjetër e Gjin Lleshit. Ajo gënjehet nga fqinji i saj, Mehmet Hyseni. Ky i fundit e dërgon vajzën në Itali, ku ua dorëzon disa shqiptarëve të tjerë dhe më pas kthehet në Fushë-Arrëz. Gjin Lleshi tregon se fqinji i tij ka qëndruar në qytet 3 muaj dhe më pas është larguar në drejtim të Kosovës. Ndërsa Klodeta 18- vjeçare në atë kohë, ka lëvizur nga Italia në Belgjikë, ku është ndaluar nga policia. Klodeta është riatdhesuar nga Belgjika në Kosovë dhe më pas në Shqipëri. Ndërsa trafikanti i saj, fqinji Mehmet Hyseni është dënuar nga Gjykata e Pukës me 8 vjet heqje lirie.
Kërcënimet
Pas denoncimit të Martës në polici, filluan kërcënimet për familjen e varfër Lleshi. Të afërm të Xhevahir dhe Laid Ndoit i kërkonin 36-vjeçares të tërhiqte denoncimin nga policia e Pukës. “Do t’ju shuajmë si familje nëse do të hapni gojën në gjyq”,-mësohet t’i kenë thënë Martës. Por motra e madhe e Marianës dhe Klodetës nuk e tërhoqi denoncimin. Kërcënimet kanë vazhduar muaj me radhë, për Martën. Ajo ndiqej nga persona të cilët i kërkonin të mos dëshmonte deri ditën kur është gjetur e copëtuar, në lumin e Fushë-Arrëzit. Kërcënimet nuk janë kursyer edhe për pjesëtarët e tjerë të familjes së Gjin Lleshit. Dava Lleshi tregon se një ditë asaj i ka prerë rrugën e motra e Xhevahir dhe Laid Ndoit dhe i ka thënë të tërhiqte denoncimin. “Do t’ju vrasim të gjithëve”. Presioni ndaj kësaj familjeje ka qënë i madh. Por Gjin Lleshit dhe të shoqes nuk u ka shkuar ndonjëherë ndër mend se zemërimi do të shfryhej mbi trupin e vajzës së tyre të madhe, Martës. “Ne denoncojmë krimin e rëndë ndaj vajzës sonë”,-thotë Gjin Lleshi. Ai shton për “Shekullin” se akuzon për këtë krim personat që trafikuan në Itali, Marianën. Ndërsa plaku 76- vjeçar akuzon drejtësinë dhe policinë si të korruptuar, pasi nuk mundën të zbulojnë për 2 vjet e gjysëm vrasësit e të bijës. Gjin Lleshi akuzon policinë lokale për fshehje provash dhe favorizim të krimit të organizuar. Pasi nuk është dëgjuar nga policia dhe nga politikanët, Gjin Lleshi dhe familja e tij i kanë kthyer sytë nga Zoti dhe shenjtorët, për të mëshiruar viktimën e pafajshme.

Brenda pak ditësh pritet zbardhja e plotë e vrasjes më të tmerrshme të ndodhur në rrethin e Pukës
Policia, tutorët nuk janë vrasësit e Martës
FUSHË-ARRËZ- Akuzat e ngritura nga Gjin Lleshi në adresë të Xhevahir dhe Laid Ndoit hidhen poshte nga policia e Pukës. Burime pranë kësaj policie thonë se ndodhen shumë afër zbardhjes së kësaj vrasjeje të shëmtuar. “Për pak ditë ne mund të zbulojmë autorët e vrasjes së Marta Lleshit, vrasje kjo që ka tronditur për një kohë të gjatë Fushë-Arrëzin”,-thotë një oficer i komisariatit të Pukës. Por ai shton më tej se sipas provave që ka grumbulluar policia, kjo vrasje nuk ka lidhje me prostitucionin, pra me variantin e akuzuar nga familjarët Lleshi. Policia e Pukës, ku edhe ndodhet prej 2 vjetësh e gjysmë dosja e vrasjes së Marta Lleshit, nuk e lidh vrasjen e 36-vjeçares me denoncimin që ajo ka bërë ndaj tutorëve të së motrës. Por drejtuesit e kësaj policie nuk pranojnë të tregojnë asnjë hollësi apo motiv të kësaj vrasjeje, e cila ndodhet tashmë në fazën përfundimtare të hetimit. Sipas policisë, familja Lleshi është duke penguar hetimet e kësaj çështjeje, pasi kjo familje është “fiksuar” se vrasja është kryer nga trafikantët e prostitucionit. Ndërsa vetë agjentët policorë shprehen se vrasja e Martës, një ndër krimet më të shëmtuara të ndodhur ndonjëherë në këtë zonë, ka lidhje me një tjetër problem dhe jo me trafikimin e motrave në Itali. Ndërkohë, nga burimet policore konfirmohet fakti se njëri nga tutorët është arrestuar nga policia e Pukës, ndërsa dy të tjerët janë shpallur në kërkim. “Ne kemi informacione se të shpallurit në kërkim ndodhen jashtë Shqipërisë, gjë që na ka penguar të realizojmë arrestimin e tyre”,-thotë një burim nga policia e Pukës. E ndërsa në këtë komisariat policor punohet për zbulimin e autorëve të vrasjes, familja Lleshi akuzon publikisht autorët që sipas saj janë dy vëllezërit Ndoi.

Fati i fëmijëve të Gjin Lleshit
FUSHË-ARRËZ- Shtëpia e varfër e Gjin Lleshit, vetëm tre vjet më parë, ishte plot me njerëz. Në të banonin Gjini me të shoqen , dy vajzat gjimnaziste dhe tre djemtë e tij. Ndërsa disa pallate më tutje jetonte Marta, vajza e madhe e kësaj familjeje. Por fatkeqësitë e njëpasnjëshme bënë që sot në këtë shtëpi të jetojnë vetëm Gjini me të shoqen dhe dy djemtë e tij. “Ne jetojmë në gjendje të mjerueshme vetëm me pensionin tim dhe asistencën e gruas”,-rrëfen Gjin Lleshi. Ai merr në muaj 6 mijë lekë ndërsa 2 mijë lekë i përfitojnë nga ndihma ekonomike. Por këto para nuk mjaftojnë as për të mbushur barkun me bukë.Ndërkohë, Mariana Lleshi ndodhet në Itali, në një kuvend murgeshash , motra e saj, Klodeta është strehuar tek dajat e saj, për t’iu shmangur kështu fjalëve të botës. Marta Lleshi, prej dy vjetësh e gjysëm është masakruar duke lënë jetime tre vajzat e saj ende të mitura. E ndërsa djali i madh i Gjin Lleshit, Frederiku, emigron prej muajsh në Greqi, Tonini është duke studiuar në një shkollë fetare . Më i vogli i shtëpisë, Angjelini shkon në shkollë në Fushë-Arrëz dhe është i vetmi që qëndron çdo natë pranë prindërve.
---------------------
------------------------
Oj sharki e lehte si era , a ka ardhur ne Shqiperi pranvera?

[erzeni]

Nga Shtypi




..........

DENONCIMI


Shtetasi Shpëtim Sefa nga Kodër-Kamza u ndalua nga policia pasi kishte hyrë në banesën e fqinjit

Tenton të përdhunojë gruan e fqinjit, pranga 35-vjeçarit

TIRANË- Një 35- vjeçar tenton të kryejë marrëdhënie seksuale me fqinjen e tij, duke e kërcënuar atë dhe të bijën për vrasje. Burimet zyrtare të policisë pohojnë se ngjarja e rëndë ka ndodhur në Kodër-Kamëz të Tiranës, mbasditen e së premtes. “Protagonisti “ i kësaj ngjarjeje të rëndë ka qënë 35- vjeçari Shpëtim Sefa. Rreth orës 10.00 të së premtes, Sefa ka parë bashkëshorten e fqinjit në oborrin e banesës së vet. Kaq është dashur që Sefa të mos përmbahet, duke tentuar me çdo kusht të kryejë marrëdhënie seksuale me dhunë me të. Ai ka krijuar një të çarë, në murin që ndan banesën e tij nga e komshiut dhe i është afruar gruas së tij. Kjo e fundit i ka kërkuar 35- vjeçarit të largohej dhe ta linte të qetë. Shpëtim Sefa nuk ka pranuar të largohet, por i ka kërkuar asaj të bëjnë marrëdhënie seksuale. Gruaja është munduar ta sprapsë me ç’të mundet fqinjin e saj. Ndërsa 35- vjeçari nuk i ka kursyer kërcënimet në adresë të saj dhe vajzës së mitur, nëqoftëse nuk do ta lejonte të kryenin marrëdhënie seksuale. “Do t’ju vras të dyjave”,-mësohet ta ketë kërcënuar Sefa fqinjen dhe vajzën e saj, me shpresën se kështu do të mund të merrte prej saj gjithçka që donte. Por gruaja e kërcënuar ka kërkuar ndihmën e fqinjëve, të cilët kanë ndaluar Shpëtim Sefën. Për këtë ngjarje të rëndë janë lajmëruar edhe uniformat blu të policisë, të cilët kanë mbërritur pak minuta më vonë në vendngjarje. Ata i kanë vënë prangat 35- vjeçarit që tentoi të kryente marrëdhënie seksuale me dhunë me fqinjen e tij dhe e kanë dërguar në mjediset e komisariatit numër 3 të Tiranës. Ndërsa pritet që Sefa të përballet me togat e zeza, ku do t’i komunikohet masa e arrestit për veprën penale të konsumuar prej tij.
A.Bogdani



------------



Shpëtuan se ishin nga kuzhina. Policia nuk ka asnjë pistë

Dinamit dhomës së gjumit të shoferit me dy fëmijë


-------------------------------------------------------------

DURRES

Një shpërthim i fortë dinamiti e ka tmerruar çiftin e ri të familjes Rexha dhe fëmijët e tyre, 2 dhe 4 vjeç, në orën 7 të mbrëmjes së djeshme. Atyre u janë dashur disa sekonda deri sa ta merrnin veten dhe të mësonin se çfarë kishte ndodhur. Një sasi ekslplozivi kishte shpërthyer në shtëpinë e tyre, por për fat në dhomën e gjumit.

Si është mësuar më pas nga organet e rendit, shpërthimi ka ndodhur në orën 19.00 në lagjen numër 13 të Plazhit, në sektorin "Hekurudha". Autorët e kanë vendosur eksplozivin, që mendohet se ka qenë dinamit, në dritaren e dhomës së gjumit të Agim Rexhës, duke përfituar edhe nga fakti që ai jetonte në katin e parë të pallatit të ish-oficerëve. Por edhe pse zhurma ka qenë e madhe, dëmet materiale nuk kanë qenë shumë të konsiderueshme. E copëtuar ka përfunduar vetëm dritarja, sepse dinamiti ishte vendosur mbi parvaz. Gjithashtu janë dëmtuar paretet e parvazit, si dhe janë thyer disa pasqyra dhe orendi të tjera të dhomës së bashkëshortëve. Në kohën e shpërthimit, të katërt pjesëtarët e familjes kanë qenë në kuzhinë dhe kjo i ka shpëtuar ata. Kryefamiljari punon si shofer te firma "Murebest", e cila tregton mobilie. Kanë qenë fqinjët që e kanë njoftuar menjëherë policinë, të trembur nga zhurma e madhe. Në fakt policët janë njoftuar për vendosje dinamiti në një pallat ku jetojnë prokurorët dhe, duke menduar për një atentat të madh, kanë shkuar në vendngjarje me 10 makina. Por, megjithëse hetimet kanë nisur intensivisht dhe është marrë në pyetje për disa orë Rexha, nuk është ngritur dot asnjë pistë, pasi bëhet fjalë për një familje të rregullt e pa asnjë hakmarrje.

----------

Maliq Ibrahimi është izoluar në mjediset e komisariatit numër 2, ndërsa dy bashkëpunëtorët e tij janë transferuar në komisariatin e Kukësit, ku kanë kryer disa grabitje të tjera banesash
Pranga bandës së grabitësve kuksianë

Kishin grabitur një pikë karburanti në “Unazën e Re” dhe disa banesa në Tiranë e Kukës

Aleksandra Bogdani
TIRANË- Përfundon në prangat e policisë banda e grabitësve kuksianë. Burimet policore pohojnë se mbasditen e së premtes janë ndaluar tre persona, të cilët akuzohen për vjedhjen e disa pikave të karburanteve dhe banesave në Tiranë e Kukës. Aksioni policor është bërë nga agjentët e policisë kriminale të komisariatit numër 2 të kryeqytetit, të cilët me këto arrestime kanë mundur të zbardhin disa prej grabitjeve të ndodhura gjatë vitit 2002. Hetimi për zbulimin e autorëve që grabitën një pikë karburanti, në Unazën e Re i ka çuar agjentët policorë drejt bandës së grabitësve kuksianë. Maliq Ibrahimi dhe dy bashkëpunëtorët e tij janë kapur gjatë një aksioni policor, mbasditen e së premtes. Por vetëm Ibrahimi është ndaluar, në mjediset e komisariatit numër 2. Dy bashkëpunëtorët e tij kanë qenë persona të shpallur në kërkim nga komisariati i policisë së Kukësit, ku edhe janë transportuar. Sipas burimeve policore mësohet se Ibrahimi është autori i grabitjes së 120 mijë lekëve, në një karburant në Unazën e Re. Kjo grabitje me armë ka ndodhur disa muaj më parë. Kështu, Ibrahimi dhe dy bashkëpunëtorët e tij janë afruar me makinë në pikën e shitjes dhe kanë kërkuar të blejnë karburant. Por në çastin kur punëtori ka nxjerrë lekët nga xhepi për t’u kthyer kusurin, këta të fundit e kanë kërcënuar atë me armë, duke i marrë të gjitha të hollat që kishte me vete. Pasi kanë marrë 120 mijë lekët, tre grabitësit nga Kukësi janë larguar menjëherë nga vendi i ngjarjes. Ndërsa pronari i pikës së karburantit i është drejtuar komisariatit numër 2 të Tiranës, agjentët e të cilit kanë kryer veprimet e para proceduriale në vendngjarje. Pasi kanë marrë në pyetje dëshmitarët, uniformat blu kanë ngritur dyshimet e para mbi autorësinë e kësaj grabitjeje. Pas disa muajsh hetime ata kanë mundur të zbardhin plotësisht këtë grabitje, e cila ka lidhje me disa grabitje të tjera të ngjashme në Tiranë. Por Maliq Ibrahimi dhe bashkëpunëtorët e tij kanë kryer disa vepra penale edhe në rrethin e Kukësit. Ata e kanë nisur aktivitetin e tyre kriminal me vjedhjen e sendeve me vlerë në disa banesa, fillimisht në Kukës dhe më pas në Tiranë. Sipas burimeve policore, Maliq Ibrahimi ndodhet ende në dhomat e izolimit të komisariatit numër 2. Ai do të paraqitet nesër në gjykatën e Tiranës, e cila do të vendosë për masën e sigurisë së grabitësit të 120 mijë lekëve.



.......

[Brari]

xhevahire nga gazetat
..........


Pasaniket e Beratit.

Ja bolsheviket-kuqaloshe te "varfer" Beratas.

------


Pas arrestimit të bujshëm në Berat, i pasuri i këtij qyteti, i dënuar me 30 vjet në Itali, lirohet në Myzeqe. Dhe askush nuk e pranon autorësinë e këtij vendimi, i cili e ktheu mikun e politikanëve pranë familjes së vet, pa i "hyrë gjemb në këmbë"

Prokurori Muho: Do t'i konvertohej dënimi i dhënë në Itali.
Askush s'tregon pse u dërgua në Fier

Gjykata liron Aleksandër Kuqon
Bosi i Beratit kthehet në shtëpi 24 orë pas arrestimit


--------------------------------------------------------------

TIRANE

Aleksandër Kuqo, bosi i qytetit të Beratit, nuk ka qëndruar as 24 orë në qeli. Arrestimit të bujshëm në Berat i janë "ulur pendët", kur Gjykata e Faktit në Fier e ka lënë atë të lirë. Fare të paqarta kanë qenë arsyet e lirimit të 28-vjeçarit, banues në lagjen "30-Vjetori" në qytetin e një mijë dritareve.

Cania (kështu e thërrasin), sipas burimeve nga Ministria e Rendit, është prangosur për llogari të drejtësisë italiane, e cila e kishte dënuar atë me 30 vjet heqje lirie për trafiqe të ndryshme. Por, meqenëse nuk ekziston një ligj i cili e lejon ekstradimin e të kërkuarve nga Shqipëria drejt vendit fqinj, Kuqos i duhej të vuante dënimin në Shqipëri, gjë e cila deri tani nuk është bërë.

Arrestimi dhe lirimi
Të shtunën paradite më i njohuri i Beratit është vënë në prangat e policisë, pa asnjë rezistencë. Burime ministrore kanë bërë të ditur se ai është thirrur fare shoqërisht në Drejtorinë e Policisë së Beratit. Kuqo ka shkuar aty pa asnjë dyshim, por, sapo është futur brenda, i është komunikuar edhe urdhërarresti. Pas pak minutash një eskortë policësh e ka çuar atë në Fier (nuk dihen arsyet e transferimit). Në qytetin myzeqar ai është përballur edhe me togat e zeza, të cilat e kanë lënë të lirë. Askush nuk ka pranuar të tregojë shkakun e lirimit të Kuqos, i cili të hënën paradite është parë në qytetin e tij, Berat. I vetmi që është munduar "ta shpjegojë" lirimin e të shumëkërkuarit, ka qenë kryeprokurori i Fierit, Ilirjan Muho. "Gjykata ka qenë ajo që e ka liruar. Atij do t'i komunikohej konvertimi i viteve të dënimit në Itali, atë të cilin duhej të vuante në Shqipëri. Por, për shkak të gjendjes së tij shëndetësore, ai është lënë i lirë deri në një vendim tjetër të Gjykatës", ka thënë kreu i akuzës së Fierit. Ndërsa Drejtoria e Policisë së Beratit e ka hequr nga supet çdo përgjegjësi. "Nuk di gjë lidhur me lirimin. Kuqo kërkohej nga policia e Fierit dhe ne ia dërguam asaj", ka thënë kreu i policisë së Beratit, Ilirjan Dida. Kaq ka zgjatur edhe "suksesi" i policisë, lidhur me Aleksandër Kuqon.

Kush është?
Aleksandër Kuqo, 28-vjeçari baba i një fëmije, njihet në qytetin e tij si nga më të pasurit. Në vitin 1995 ai ka nisur një investim të madh (sipas policisë, kap shifrën e 700 mijë dollarëve). Të njëjtat burime kanë pohuar se ka ngritur një fabrikë moderne për prodhimin e pijeve freskuese e përpunimin e frutave. Gjithashtu Kuqo është edhe pronar i një televizioni kabllor në lagjen "30-Vjetori". Kuqo njihet në Berat edhe për shoqërinë e tij me politikanë të majtë e të djathtë, si dhe me të gjithë drejtuesit e policisë që ka ndërruar policia aty. Madje në ceremoninë e përurimit të fabrikës, në 2001-shin, kanë qenë të pranishëm edhe përfaqësues të lartë të Partisë Socialiste.

----

Në Itali u dënua për trafik droge e femrash


--------------------------------------------------------------------------------

Beratasi që u lirua nga Gjykata Fierake, është një ndër më të kërkuarit ekstrakomunitarë nga drejtësia italiane. Në këtë shtet Kuqo ka pasur disa precedentë penalë. Madje për këtë është dënuar në mungesë me shumë vite. Pak pas viteve '90, Kuqo shëtiste lirshëm në të gjithë Europën, por pas disa vitesh gjërat kanë ndryshuar. Me një sërë akuzash mbi supe, Kuqo është kthyer në Berat, për të mos lëvizur më, pasi ishte shpallur në kërkim ndërkombëtar. Drejtësia e Apenineve e ka akuzuar atë për trafikim të lëndëve narkotike, prostitucion dhe drogë. Për këto akuza ai është dënuar në Itali, në mungesë, me 30 vjet heqje lirie. Pas kësaj, emri i tij i është dhënë Interpolit të vendeve të ndryshme dhe atij shqiptar. Por Kuqo vazhdon të jetë i lirë.

------
Fier, policia e pakënaqur me vendimin e gjykatës


--------------------------------------------------------------------------------

FIER

Policia e Fierit duket se ka mbetur sërish e pakënaqur me togat e zeza. Burime zyrtare nga Drejtoria e Policisë së Fierit kanë bërë të ditur se sot do të jepet një reagim zyrtar lidhur me lirimin nga gjykata e Aleksandër Kuqos. "Do të njihemi me disa dokumente të gjykatës dhe do të reagojmë", kanë thënë burime zyrtare nga Drejtoria policore e Fierit. Siç është bërë e ditur nga burime të tjera, uniformat blu të qytetit myzeqar janë të pakënaqura me vendimin e gjykatës. "Kjo nuk është hera e parë që ndodh. Janë plot raste kur policia ka sakrifikuar jashtë mase, madje edhe ka rrezikuar njerëzit e saj në përpjekje për arrestimin e kontigjentëve kriminale, ndërsa gjykata i ka lënë të lirë në nesërmen apo pak më vonë", kanë thënë burimet policore të Fierit. Megjithatë lidhur me çështjen sot do të publikohet në reagim zyrtar.

-------
Shtyhet Kokaina dhe Alushllari

TIRANE - "Seanca tjetër është të hënën më 21", kishte thënë herën e fundit kryetari i seancës, duke ngatërruar datën. Familjarët e pritnin dje gjyqin, por ai do të zhvillohet sot, sipas kalendari zyrtar të gjyqtarit Martin Deda. Dje është shtyrë edhe gjyqi i Ervin Alushllarit që plagosi ndërtimorët "për arsye objektive dhe angazhime të tjera", që kishte kryegjyqtari Sokol Çomo.


Grori, vazhdojnë provat e akuzës

TIRANE - Vazhdon njohja e Gjykatës me provat që organi i akuzës ka parashtruar ndaj të pandehurit Arben Grori. Ai akuzohet për "trafikim të lëndëve narkotike", "krijim organizate kriminale" dhe "krime të kryera nga kjo organizatë". Dje gjykata ka dëgjuar dhe një bisedë telefonike që Grori e kishte bërë në gjuhën italiane. Ai ka edhe një proces në Gjykatën e Lartë.


Luan Rama takon Xheksonin

TIRANE - "Jemi të angazhuar për të arritur standartet që kërkon anëtarësimi në Nato", i tha dje presidentit për komitetin e Natos në ShBA, Brus Xhekson, ministri ynë i rendit Luan Rama. "Lufta kundër krmit të organizuar, kundër trafiqeve dhe korrupsionit, janë detyrimet kryesore që duhen përmbushur për anëtarësimin në Nato" u tha gjatë bisedës së tyre. Xhekson ka ardhur i shoqëruar nga anëtarët e komisionit për rajonin në këtë vizitë pune.


FIER/ Në qeli për përdhunim

Ka kryer marrëdhënie seksuale me dhunë para 1 viti me një 19-vjeçare me të meta mendore dhe për këtë ishte shpallur person në kërkim. Rreth orës 20 të ditës së djeshme, policia e Fierit ka arrestuar 45-vjeçarin Ligor Papa, banues në qytetin e Fierit. Gjykata e Fierit e kishte lënë atë në arrest shtëpie, ndërsa Fakti i Vlorës e ka kthyer në qeli pa afat.


VLORE/ Grabisin me armë autobusin

Ka qenë ora 16 e ditës së dielë kur 2 persona të armatosur, por pa maska kanë kujtuar kohët e frikës. Ata i kanë dalë përpara autobusit të Lulzim Hoxhës, në afërsi të fshatit Sevaster të Vlorës dhe nën kërcënimin e armëve kanë detyruar shoferin të ndalojë e të hapë derën. Njëri prej tyre ka ndejtur jashtë duke mbajtur armën drejt autobusit, ndërsa tjetri ka detyruar pasagjerët që t'i dorzoin gjithçka kishin me vete. Pasi kanë marrë rreth 1000 lekë dhe sendet e shtrenjta janë larguar. Policia ka ndaluar dhe Sajmir Bitaj, si të dyshuar për grabitjen.


Elbasan/ Një fshat dy javë pa drita

Një nga fshatrat më malorë të rrethit të Elbasanit ka rreth dy javë që është pa energji elektrike, pas një defekti të rëndë në rrjet. Në fillimjavë, një përfaqësi e kryepleqësisë së fshatit Vasjan ka trokitur në zyrën e prefektit Qazim Sejdini. Fshatarët i kanë kërkuar atij riparimin e përcjellsave të energjisë si dhe heqjen e faturave aforfe. Ndrkohë që prefekti ka kërkuar zgjidhjen e menjëhershme të problemit.


Elbasan/ "Aldo Bare" rikthehet në gjyq

ELBASAN - Gjyqi i të ashtuquajturës banda e Aldo Bares ka rifilluar në Gjykatën e Faktit në Elbasan, por kësaj radhe pa asnjë të pandehur në sallë. Siç është bërë e ditur, pas vendimeve të dhëna para një viti, avokatët e çuan çështjen në Apelin e Durrësit. Ky i fundit, ka ndryshuar vendimet dhe 6 personat që kanë qenë të arrestuar janë liruar, "pasi iu ka mbaruar dënimi i dhënë nga Apeli". Por me vendim të Apelit të Durrësit çështja do të rikthehej për shqyrtim në Faktin e Elbasanit.
-------
LUSHNJE/ Denoncuan prindërit

Kapet pedofili që ngacmoi 4-vjeçaren


--------------------------------------------------------------------------------

LUSHNJE

Arrestohet një pedofil 22-vjeçar, i cili ka kryer vepra të turpshme me një vajzë vetëm 4 vjeçe. Erion Kuke, nga fshati Grabian i këtij rrethi, është vënë në prangat e policisë ditën e dielë pasdite, pas denoncimit që kanë bërë prindërit e 4-vjeçares E.N. Burime nga komisariati i këtij qyteti, duke iu referuar kallëzimit të prindërve të vogëlushes, kanë bërë të ditur se vajza e tyre ka qenë duke luajtur e vetme në oborrin e shtëpisë, ndërsa vetë ata kishin shkuar për të blerë disa gjëra për shtëpi. Sipas policisë, Erion Kuke, duke përfituar nga mungesa e prindërve të vajzës dhe pakujdesia e gjyshit të saj, pasi e ka marrë me të mirë, e ka futur të miturën në banesën e tij, duke kryer vepra të turpshme. Pak më vonë, sipas të njëjtave burime, prindërit e vajzës, pasi janë kthyer nga pazari, e kanë vënë re mungesën e vajzës në shtëpi, kanë pyetun për këtë gjyshin, i cili nuk e kishte mendjen kur vajza luante në oborr e vetme. Prindërit e vajzës kanë treguar para uniformave blu se e kanë kërkuar vajzën në 2-3 shtëpi dhe pas alarmit të tyre, Erioni e ka nxjerrë atë. E.N., me pafajsinë e saj dhe duke qarë i ka treguar nënës gjithçka. "Xhaxhi Erioni më bëri llafe turpi", mësohet t'i ketë thënë fëmija nënës së saj. Kaq ka mjaftuar që prindërit të lajmërojnë policinë, e cila më pas ka prangosur 22-vjeçarin pedofil, i cili ka tentuar dhunimin seksual të së miturës.

-------
Kapet në Belgjikë, i dënuar 25-vjet në Shqipëri e përjetësisht në Itali

Pranga Bledar Dinjës, e tradhtoi tatuazhi në dorë


--------------------------------------------------------------------------------

MILANO

Gjysmëhëna dhe ylli" prangos të shumëkërkuarin. Nuk do ti kishte shkuar asnjëherë në mëndje që simboli vizatuar prej sa vitesh në njërën dorë, dhe për të cilën krenohej aq shumë, do ta tradhtonte një ditë.

I sigurtë se do t'ia hidhte, shqiptari 28- vjeçar u kishte dhënë agjentëve të policisë belge, kur këta të fundit e kishin ndaluar dhe i kishin kërkuar kartën e identitetit, një pasaportë shqiptare dhe një kartë identiteti italiane me emër tjetër. Por siguria e të riut ka përfunduar shpejt kur agjentët e policisë kanë arritur ta identifikojnë nëpërmjet tatuazhit dhe i kanë vënë prangat.

Aventuara e të shumëkërkuarit Bledar Dinja, i dënuar në Shqipëri me 25 vjet burg për akuzën e vrasjes dhe me burgim të përjetshëm në Itali po për të njëjtën akuzë, ka përfunduar në mbrëmjen e së dielës. 28- vjeçari është ndaluar nga agjentët e policisë belge, në Andreleht (Belgjikë), ndërsa po ecte në rrugë së bashku me dy shtetas të tjerë shqiptarë. Sipas agjencisë së lajmeve ANSA, Bledar Dinja isht i njohur si një nga bosët e mafias shqiptare në kontrollin e prostitucionit. Në Shqipëri ai ishte arrestuar në vitin 1996 për akuzën e vrasjes për të cilën ishte dënuar 25 vjet burg. Një vit më pas, 1997, me hapjen e burgjeve i riu arrastiset nga qelia dhe mbërrin klandestin në Itali. Edhe këtu vazhdon të kontrollojë trafikun e prostitucionit. Më 19 gusht 2001 Bledar Dinja vret me pistoletë të kalibrit 7,65 mm një bashkatdhetar të tij në një fast-food në Verona. Gjykata përtej Adriatikut e dënon ame burgim të përjetshëm. Sipas ngjarjes së ndërtuar nga policia, krimi ishte kryer nga tre persona, të cilët kishin vepruar të pamaskuar. Sipas policisë, motivi i vrasjes kishte ndodhur mes grupeve rivale që mbanin në kontroll trafikun e prostitucionit. Disa orë pas ngjarjes Bledar Dinja arrin të largohet nga Italia, duke gjetur strehim në Europën Veriore. 28- vjeçari kujdesej gjithnjë që vendbanimi i tij të mos ishte fiks. Në fillim të këtij viti policia e Veronës kishte arritur të siguronte një sinjal për vendodhjen e shqiptarit, duke njoftuar policinë belge e cila kreu dhe arrestimin e tij.
------


Ja shqiptarja e shkrete...e masakron burri italian dhe e nxjerrin psikopat..


Vrau gruan shqiptare, psikiatrët e nxjerrin të papërgjegjshëm


-------------------------------------------------------------

VOGERA

"Nuk ishte i ndërgjegjshëm për veprimet e tij, ndërsa qëllonte me thika vdekjeprurëse bashkëshorten shqiptare". Ky është konkluzioni i psikiatërve për Andrea Karra, italianin i cili vrau gruan e tij Entela Hamzaj në shtator të vitit të kaluar. Tashmë është hapur procesi gjyqësor ndaj elektricistit 32- vjeçar dhe turbullimet psikike që psikologët kanë vërtetuar te i pandehuri mund të jenë një faktor lehtësues për mbrojtjen e të pandehurit për të arritur një dënim më të ulët. "Ka një gropë në memorien e tij, një boshllëk që është fryt i personalitetit të tij të turbullt", ka deklaruar psikiatri para trupit gjykues. Ngjarja tragjike i referohet 9 shtatorit të vitit të kaluar në San Damiano. Andrea sapo kishte ardhur në shtëpi pasi kishte qenë për disa orë në Broni, ndërsa bashkëshortja 22- vjeçare ndodhej në kuzhinë dhe po përgatiste darkën për shoqërinë e së vjehrrës. Ndërmjet dy bashkëshortëve kishte lindur një grindje dhe Andrea kishte fillur të kërcënonte Entelën me thikë. Duke dashur ta qetësojë gruaja e re shkon në dhomën e së bijës. Ka qenë ky momenti kur elektricisti 32- vjeçar e ka goditur me thikë disa herë gruan e tij duke e lënë të vdekur në vend.

-------
Akuza: Mori leke nga "Gjallica"

Ish-ministri Osman Shehu brenda javës në gjykatë


--------------------------------------------------------------------------------

ga.ja.

TIRANE

"Dosja penale në ngarkim të ish-ministrit të Turizimit Osman Shehu brenda kësaj jave do të shkojë për gjykim në Gjykatën e Tiranës". Kështu kanë deklaruar burime nga Prokuroria e Përgjithshme, sipas të cilave akuza zyrtare që do të rëndojë mbi Shehun do të jetë ajo e "tjetërsimit të pasurisë që dihet se rrjedh nga një krim ose nëpërmjet mashtrimit". Nga hetimet e deritanishme burimet bëjnë të ditur se Shehu akuzohet se ka tërhequr nga ish-firma piramidale "Gjallica" një shumë prej 1 milion e 200 mijë dollarësh amerikanë, të cilat nuk i ka kthyer më. Përveç dokumentacionit, organi i akuzës ka sekuestruar në cilësinë e provës materiale edhe fabrikën e miellit në qytetin e Kukësit, e cila është blerë nga i pandehuri Shehu me një shumë prej 100 000 dollarësh amerikanë. Ish-ministri i Turizmit me sa duket do të jetë pronari i parë që do të shkojë në gjykatë, nën akuzën e sipërpërmednur, ndërkohë që organi qendror i akuzës ka sekuestruar më parë edhe dy objekte të tjera, (karabinaja e spitalit në Kashar dhe fabrika e tullave silikate) duke akuzuar edhe tre pronarët e tyre se kanë përdorur mjete financiare të "Gjallicës".

-------






----------

TIRANE (21 Janar) - Interpol Tirana ekstradoi sot per ne Zvicer te shtetasit Shaban Ramushi. 48 vjecari Shaban Ramushi,lindur ne Uglar te Kosoves, u ekstradua per ne Zvicer pasi ai ka qene person i shpallur ne kerkim nderkombetar dhe i denuar nga Gjykata e Bernes (Zvicer),per vrasjen e vjehrrit te tij, Frit Ëegmuller,me date 3 nentor te vitit 1991. Ramushi, ishte vendosur me banim ne fshatin Arapaj te rretit te Durresit. Pas verifikimeve te bera nga Interpol Tirana, ne bashkepunim me policine vendore, me 2 shtator 2002, u be i mndur ndalimi i ketij personi te shpallur ne krkim, ndersa sot u mundesua ekstradimi i tij per ne Konfederaten Zvicerane. anjo/ko (BalkanWeb)



------------

Si eshte tallur GERXHALIU , kuksiano-vlonjati i piramidave me Parate e Popullit (populli- theksi tek u-ja ).

Prokuroria pretendon se Shehu ka marrë 2.135 milionë dollarë nga Gjallica dhe i detyrohet asaj edhe për 700 mijë dollarë
Shehu: Paratë borxh mi dha Fitim Gërxhalliu

Ish-ministri i Turizmit Osman Shehu deklaron se ia ka kthyer të gjitha detyrimet firmës “Gjallica”

Ened Janina
TIRANË- Osman Shehu, ish- Ministri i Turizmit, që pak ditë më parë prokuroria i ka sekuestruar një fabrikë mielli në Kukës reagon ashpër. Në linjë telefonike për “Shekullin” ai ka deklaruar se nga ana e prokurorisë ky është “shoë” i radhës. Duke akuzuar Prokurorinë e Përgjithshme, prokurorin e çështjes dhe kryetarin e grupit mbikëqyrës së firmave piramidale Farudin Arapi, Shehu pretendon se ka shlyer të gjitha borxhet. Madje ai nuk interesohet shumë për sekuestrimin por është i vendosur që të nxjerrë të gjithë të vërtetën së shpejti në gjykatë. “Unë i kam shlyer të gjitha borxhet që i kam pasur ish- firmës piramidale “Gjallica” dhe për këtë gjë kam dokumente dhe fakte. Këto dy të fundit nuk mund të hidhen poshtë nga askush”, thotë ish- Ministri i Turizmit, Osman Shehu. Ai shprehet se asnjëherë nuk e ka mohuar se ka marrë para borxh tek firma “Gjallica”. “Unë e kam deklaruar zyrtarisht edhe në shtyp se kam marrë para borxh tek firma “Gjallica” dhe më pas i kam shlyer. Këtë gjë e kam thënë përpara fushatës elektorale”,- pohon ai. Borxhi që Osman Shehu i ka marrë Gjallicës në muajin shtator të vitit 1996 kap shifrën e 2,135 milionë dollarëve amerikane. Ai i është marrë personalisht Fitim Gërxhalliut dhe marrëveshja ndërmjet tyre është lidhur pa shumë kushte. Ndërkohë Prokuroria e Përgjithshme pretendon se Osman Shehu nuk ka kthyer borxhin. Sipas saj, ai ka marrë fillimisht një borxh prej 2,135 milionë dollarësh. Shuma ka qënë aq e madhe sa është mbushur karroceria e një furgoni plot me dollarë. Më pas ato janë çuar në qytetin e Kukësit. Dalëngadalë Shehu i ka shlyer firmës Gjallica rreth një milionë dollarë ndërsa pjesën tjetër jo. Ai kishte blerë në vitin 1996 rreth 500 mijë dollarë miell, të cilin ia kishin vjedhur gjatë trazirave të vitit 1997. Ndërkohë pjesën tjetër prej 700 mijë dollarësh ai nuk e ka shlyer ende. Këtë gjë Shehu e mohon me forcë dhe akuzon prokurorinë së bashku me Farudin Arapin. “Këta kanë abuzuar me paratë e mia dhe të “Gjallicës” duke shkaktuar dëme të mëdha. Prokurori Mete dhe Arapi janë të paaftë. Mua më vjen keq, sepse ka ende njerëz që janë mësuar me mënyrat e hetuesisë së kohës së komunizmit. Ata kanë mbajtur peng dosjen time për tre vjet e gjysmë dhe tani duan ta dërgojnë për gjykim. Më kanë penguar gjithmonë në punën time”,- pohon Shehu. “Fitim Gërxhalliu deshi të më ndihmonte mua që të hapja një aktivitet privat dhe për këtë arsye më dha paratë borxh”, thotë Shehu. Sipas tij, në atë kohë ishte e lehtë që të bëje tregti mielli dhe gruri pasi çmimet ishin shumë të ulëta. Duke qënë se edhe taksat ishin minimale atëherë mund të fitojë shumë lekë me këtë biznes. Për këto arsye Osman Shehu kishte blerë një fabrikë për prodhimin e miellit në qytetin e Kukësit. “Këtë fabrikë e kam blerë 10 milionë lekë të reja në 17 nëntor të vitit 1996. Prokuroria e Përgjithshme gënjen kur thotë se është blerë në tetë janar të vitit 1996 ”,- thotë ai. Në kontratën për blerjen e fabrikës thuhej se pagesa nuk do të bëhej menjëherë por me dy këste. Kësti i parë prej 5 milionë lekësh të reja do të paguhej në janar të vitit 1997, vetëm dy muaj pas blerjes së fabrikës. Ndërkohë kësti i dytë do të paguhej në dhjetor të vitit 1997. Përsa i përket veprimit më të fundit të organit qendror të akuzës për sekuestrimin e fabrikës, Shehu deklaron se atij nuk i intereson shumë. “Sekuestrimi mua nuk më prish punë fare pasi do të dal i pafajshëm dhe pastaj do t’i marr prokurorisë dhe shtetit shqiptar dëmshpërblim”,- thotë ish- ministri i Turizmit. Sipas tij, kjo fabrikë është “sekuestruar” disa herë gjatë këtyre viteve. “Fabrikën ma ka sekuestruar dy herë Farudin Arapi dhe grupi i tij mbikëqyrës. Më pas dy herë të tjera e ka sekuestruar edhe prokuroria. Ky është vetëm një “Shou”. Më pas Shehu shpjegon gjithçka në lidhje me fabrikën dhe veprimtarinë e saj. “Fitimet që do të dilnin nga kjo fabrikë për prodhimin e miellit nuk do të ishin vetëm të miat. Në bazë të një kontrate biznesi që kisha bërë me Fitim Gërxhalliun do të ndanim fitimin. Ai do të merrte 75% të fitimit ndërsa unë 25% pasi kapitali do të ishte i tiji”, deklaron Osman Shehu. Ndërkohë më pas fabrika kishte dështuar. Trazirat e vitit 1997 kishin bërë që puna të bllokohej dhe gruri të vidhej nga magazinat. “Që në vitin 1997 fabrika e prodhimit të miellit në qytetin e Kukësit është mbyllur. Sulmet e konkurrencës më gjunjëzuan. Më pas teknologjia e vjetër e fabrikës që unë sapo kisha blerë më bënë që ta mbyll fare biznesin tim”,- pohon ish- ministri. Tani ai po qëndron në pritje të fillimit të procesit ku shpreson që të nxjerrë në shesh të vërtetën.

PROKURORIA

Dosja e Shehut gati për në gjykatë

TIRANË- Prokuroria e Përgjithshme bën gati dërgimin e dosjes së Osman Shehut për në gjykatë. Lajmi është pohuar paraditen e djeshme nga burimet zyrtare të organit qëndror të akuzës. Sipas tyre, brenda javës dosja do të jetë në duart e togave të zeza. Osman Shehu, ish- ministri i Turizmit, për pesë muaj në vitin 1992, akuzohet nga ana e prokurorisë për veprën penale të tjetërsimit të pasurisë së përfituar nga veprimtari kriminale. Ai i paskësh marrë firmës piramidale Gjallica rreth 700 mijë dollarë amerikanë. Kjo vepër penale parashikohet në nenin 287 të Kodit penal të Republikës së Shqipërisë dhe parashikon një dënim nga tre deri në dhjetë vjet heqje lirie. Dosja e tij ndodhet ende në prokurori për disa rregullime të fundit. Ajo është përfshirë në procedimin penal me numër 191 për firmat piramidale dhe ka filluar rreth tre vjet e gjysëm më parë. Ashtu si Osman Shehu në këtë dosje ka edhe shumë emra biznesmenësh të tjerë, të cilët akuzohen se kanë ngritur pasuritë e tyre duke u bazuar në paratë e dhëna nga firma “Gjallica”. Për të gjithë këta qëndron e njëjta akuzë, ajo e tjetërsimit të pasurisë. Osman Shehu do të jetë një ndër të parët prej tyre që do të përfundojë në gjykatë ku do të ketë edhe mundësinë për t’u mbrojtur nga këto akuza. E.J



-------

[Brari]

Nga 106 urdhërarresteve të ekzekutuara nga operacioni "Kanun", në maj 2002, vetëm 38 arritën tu shpëtonin prangave midis tyre edhe Dori

Vlonjati dyshohet se është anëtar i një bande kriminale shqiptare shumë e rrezikshme në Xhenova

"Kanun", arrestohet Dori Alikaj
Itali, ishte shpallur në kërkim që vitin e kaluar


--------------------------------------------------------------------------------

ITALI

Një tjetër shqiptar ka rënë në prangat e operacionit "Kanun". Dorian Alikaj, është një nga 38 shqiptarët që arritën t'i shpëtonin arrestimit të bujshëm i ndërmarrë nga policia e Gjenovës në maj të vitit të kaluar. Sipas medias italiane, vlonjati 22-vjeçar dyshohet se është anëtar i një bande shqiptare e specializuar në trafikun e prostituconit, trafikun e klandestinëve, trafikun ndërkombëtar të drogës si dhe për kryerjen e disa vrasjeve.

Edhe pse në moshë të re, për prokurorët italianë, Dorian Alikaj ëshë një ndër personazhet më të rrezikshëm të botës së krimit. Shqiptari ishte shpallur në kërkim që prej një viti, ndërsa jetonte i qetë së bashku me nënën dhe vëllanë e tij në Berzo Inferiore në provincën e Valkamonikas. Madje ai as nuk ishti përpjekur të fshihej, apo të ndryshonte emrin e tij, por punonte si punëtor i thjeshtë në një ndërmarrje të vogël në Valle Kamonika. Edhe kur agjentët e policisë kanë trokitur në derën e apartamentit të tij dhe i kanë lexuar urdhërarrestin firmosur nga prokuroria e Gjenovës, ai nuk ka bërë asnjë rezistencë. Ka pranuar se është Dorian Alikaj i mbiquajturi Dori dhe ka shpjeguar se kishte disa muaj që jetonte në provincën e Valkamonikas. Prangosja e 22- vjeçarit, i lindur në Vlorë, ka ndodhur mbrëmjen e dy ditëve më parë. Shqiptari akuzohet për pjesëmarrjen në organizatë kriminale dhe në krimet e kryera prej kësaj organizate, shfrytëzim prostitucioni, trafik klandestinësh dhe trafik ndërkombëtar të drogës. Prokurorët po sigurojnë nëse vërtetë Alikaj punon si punëtor i thjeshtë në ndërrmarrjen ku ka deklaruar dhe nëse ka siguruar të ardhura të tjera financiare, përveç ndihmës nga familjarët e tij.

Dorian Alikaj ishte shpallur në kërkim që pranverën e vitit të kaluar, kur në disa zona të Italisë shpërtheu operacioni "Kanun". Bëhet fjalë për një operacion drejtuar nga prokuroria e Gjenovës në maj të 2002 për ndalimin e aktiviteteve të paligj-shme. U firmosën 106 urdhërarreste, pothuajse të gjithë shqiptarë, përfshirë në një bandë që sipas kësaj prokurorie ishte një organizatë e vërtetë kriminale e nivelit të mafias specializuar në trafikun e prostitucionit dhe të drogës. Nga 106 urdhërarrestet, vetëm 38 arritën tu shpëtonin prangave duke u kthyer në atdheun e tyre, Shqipëri, ose duke ndryshuar vendbanimin e tyre në Gadishullin Apenin. Midis tyre edhe Dori, i cili kishte gjetur strehim te të afërmit e tij në Berzo Inferiore, në provincën e Valkamonikas.
Vlonjati edhe pse shumë i ri, ishte arrestuar edhe më parë në Piza për akuzën e vjedhjes. Më pas ishte transferuar në Liguria dhe kishte banuar në Lombardi ku, sipas policisë, kishte hyrë në bandën shqiptare që mbizotëronte në disa zonë të Italisë.

-----------------

[Brari]

Tmerri i Shkodres ne biruce

------------

Van Dami mohon akuzat: Nuk kam vrarë dhe as kundërshtuar policinë

Valmir Hoxha, tmerri i vajzave të Malësisë


--------------------------------------------------------------------------------

tr.vi.

Më leni ta shoh të lidhur "bishën". Kështu iu është lutur forcave të Reneas një vajzë e re mëngjesin e së shtunës, kur krismat e armëve kanë përhapur lajmin e gëzueshëm për tërë zonën e thellë të Malësisë së Madhe se është prangosur Valmir Hoxha.

Habia e bluve është shuar kur vajza ka treguar se "cubi" 28-vjeçar ishte tmerri i vajzave të bukura të krahinës, sepse sa herë i tekej i "ftonte" ato me "bujtë" një natë në haremin e tij. Ndërkohë burime nga Policia e Shkodrës pohojnë se "Van Dami" i Rrepishtit nuk ka pranuar asnjë nga akuzat atashuar atij: për vrasje, përdhunim dhe grabitje me armë.

Përdhunuesi
Të gjithë e thërrisnin "bisha" pasi ishte i tillë. Përveçse shkrepte armën pa "gajle fare" mbi njerëz, qoftë dhe të gjakut të tij, ai ishte merakli femrash, të atyre më të bukurave. Kështu tregojnë për Valmir Hoxhën, të gjithë ata që e kanë njohur apo që fati i keq ua ka çuar në derë. 28-vjeçari ishte tmerri jo vetëm i bashkëfshatarëve të tij në Rrepisht, por në tërë Malësinë e Madhe dhe të Shkodrës. Madje edhe sot kujtohet shprehja "ka dalë "bisha" në Shkodër". Ai për vite me radhë ishte kthyer në një "ferr" për vajzat e zonës së thellë ku ai banonte. Dje burime nga Policia e Shkodrës bënë të ditur se Hoxha, pasi ua vinte syrin vajzave të krahinës i merrte me forcë dhe i përdhunonte. Sipas bluve ka pasur raste që vajzat që kishte "piketuar" "bisha" nuk janë martuar fare, pasi ai nuk i linte. Pavarësisht forcës së madhe të kanunit askush nuk kishte guxuar të sfidonte "Van Damin" me mustaqe deri ditën kur krismat e armëve të mëngjesit të së shtunës përhapën lajmin se ai më në fund ishte prangosur. Vetëm mëngjesin e kësaj dite njëra prej viktimave të tij (nga fshatrat përreth Rrepishtit) nuk ka nguruar të dalë nga shtëpia e saj dhe të shkojë në shtëpinë e Hilmi Saitit ku "bisha" ishte fshehur prej disa kohësh. Vajza u është lutur bluve që ta shikonte në pranga njeriun që e kishte torturuar. Viktima ka treguar sesi ishte e detyruar të shkonte në takimet që i linte 28-vjeçari, pasi ai e kishte kërcënuar se në rast se nuk bindej do ta vriste.

Akuzat
Egërsia e tij e pashoqe, tejet larg kontureve njerëzore ka bërë që "bisha" të cilësohej si psikopat. Mirëpo vetë ky i fundit ka rrëzuar alibinë e pabazuar që të tjerët kishin ngritur për të. Ai ka tradhtuar veteveten duke bërë një mbrojtje prej një njeriu normal gjatë një seance pyetje të realizuar të dielën në ambientet e Drejtorisë së Policisë së Shkodrës. "Nuk kam vrarë njeri dhe as nuk kam kundërshtuar policinë". Valmir Hoxha ka mohuar para bluve të gjitha akuzat që i janë atashuar. Megjithëse ekspertët kishin të dokumentuar dy kundërshtime të tij (kishin shkuar për ta arrestuar një herë në Rrepisht dhe njëherë në Kiras), "bisha" nuk ka pranuar duke mohuar sy për sy. I pyetur për vrasjen e të kushëririt, Hoxha është përgjigjur se ai ka vrarë veten. Kurse për ngujimin e tij, 28-vjeçari i ka befasuar blutë me përgjigjen e tij. "Kam ndenjur në Rrepisht se më pëlqejnë bjeshkët", ka pohuar9 i qetë Valmir Hoxha.

-------

Akuza, 18 vjet burg për Colin


-------------------------------------------------

Organi i akuzës i ka kërkuar Gjykatës së Shkodrës dënimin me 48 vjet burg për tre të pandehurit që dyshohen si autorë të vrasjes së shtetasit Përparim Mala në Londër në janar të vitit të kaluar. Nga tre të pandehurit vetëm njëri është ndaluar nga policia, Petrit Coli nga Shkodra, për të cilin prokurori i çshtjes kërkoi dënimin e tij me 18 vjet burg. Ndërsa për dy të dyshuarit e tjerë që gjykohen në mungesë, Arben Pali dhe Marjan Llukaj përfaqësuesi i akuzës kërkoi dënimin me nga 15 vjet burg për secilin.

---------
PROCESI
Avokatët deklaruan se nuk është provuar asnjë akuzë

Kërkohet pafajësi për organizatën “Hakmarrja”

TIRANË – Mbrojtja e të pandehurve të procesit “Hakmarrja për Drejtësi” kërkoi pafajësinë e klientëve të saj para trupit gjykues në gjykatën e Tiranës. Tashmë është gjykata që me vendimin e saj do të vendosë për fajësinë ose pafajësinë e dhjetë të pandehurve. Të pandehurit e këtij procesi janë nën hetim dhe gjykim qysh nga viti 1996, ndërkohë që nuk përjashtohet mundësia që materiali hetimor të rikthehet dhe një herë në prokurori për plotësime të mëtejshme. Këto dy kërkesa janë bërë nga mbrojtja dhe nga prokurorët Ened Nakuçi dhe Julin Papa. Prokurorët Nakuçi dhe Papa, pas disa muajsh si përfaqësues të akuzës, u tërhoqën përballë akuzave të ngritura prej organit të hetimit. Ndërsa avokatët paraqitën në seancën e djeshme mbrojtjen duke hedhur poshtë kategorikisht pretendimet e akuzës. Ata arsyetuan një për një të gjitha provat e marra para gjykatës duke filluar nga dëshmitarët e deri tek provat shkresore. Sipas avokatëve, prokuroria ka dështuar në këtë proces, sepse ajo, në radhë të parë, ka mbajtur një dosje të hapur për dhjetë të pandehur, të cilët nuk kanë gisht në akuzat e ngritura dhe se dyti prokuroria ka dështuar edhe me dëshmitarët. Askush prej dëshmitarëve të sjellë në sallën e gjyqit nuk ka përmendur emrat e të pandehurve, madje ata as kanë arritur të identifikojnë ndonjë prej tyre së paku nga pamja.Avokatët kërkuan që gjykata të tregohet e drejtë në dhënien e vendimit duke patur përballë provat e sjella nga palët në gjykim. Avokatët e quajtën procesin të tejzgjatur dhe pa asnjë lloj rezultati. Ata thanë në konkluzionet e tyre se është e vërtetë që veprat penale kanë ndodhur, por ata shtuan se në asnjë rast nuk vërtetohet se autorë të këtyre veprave penale të jenë të pandehurit që ata mbrojnë. Përveç kërkesës për pafajësi, avokatët kërkuan që të pandehurve t’u kthehen sendet e sekuestruara në momentin e arrestimit. Janë të sekuestruara armë gjahu, çifte, 500 mijë lekë të reja, 12 mijë marka gjermane, 50 paund angleze, 2 autovetura BMW, një Audi, një Ford, armë gjahu teke, makinë shkrimi, kontratë huaje në emër të shoqërisë “Gjallica”. Të pandehurit që janë akuzuar për dhjetëra vepra penale të kryera që nga vitit 1992 dhe deri në fillim të vitit 1996, janë Orik dhe Leart Shyti, Altin Arapi, Pasho Novruzi, Dritan Hate, Gëzim Gjoni, Kreshnik Spahiu, Gentian Caka, Nikolin Novruzi, Roland Shyti. Mbi këta të pandehur që prej shtatë vitesh rëndojnë akuzat e vjedhjes së bankave dhe arkave të shtetit, vjedhjes së disa pikave të karburantit, vjedhje me pasojë vdekjen e disa shtetasve përfshi edhe punonjës policie, rrëmbimi i fëmijës Erjon Nushi, vënia e autobombës në supermarketin “VEFA”, vrasja e ish-drejtorit të burgjeve, Bujar Kaloshi. I pandehuri Enkeled Agaj u gjet i vrarë në Malin e Dajtit.

Alma Çuka

------------

[erzeni]

nga gazeta Shqiptare


..................

LUL CAKA


---
Historia e 33-vjeçarit. Nga vrasja e parë në 1995 deri tek ekzekutimi i fundit

Ja krimet që ngritën mitin e Lulzim Cakës


------------------------------------------------------------------

TIRANE

Plot 23 vrasje të kryera dhe arratisjet e bujshme nga burgjet e kanë shndërruar shumë shpejt Lulëzim Cakën në njërin prej personazheve më të frikshme të botës së krimit. Përballja e parë e 33vjeçarit nga Samatica me drejtësinë e ka zanafillën në qershor të vitit 1995, kur në gjendje të dehur u grind me pronarin e një lokali në fshatin Suk të Fierit. Pak muaj më vonë, policia e Fierit arriti të plotësonte urdhërin e arrestit të lëshuar për të, por brenda 48 orëve Caka rifitoi lirinë nëpërmjet arratisjes nga qelia. Për këtë ngjarje u pushuan nga detyra disa policë të cilët u dyshuan si bashkëpunëtorë ose persona të blerë nga i vrasësi. Por kjo ishte vetëm arratisja e parë e Cakës nga burgjet. Pas largimit nga qelia, Caka u rekrutua nga banda e Karbunarës, e cila drejtohej prej Bujar Sulajt, djalit të tezes së tij. Në 26 mars 1996, Caka rishfaqet në skenë, kur akuzohet se ishte njëri prej atentatorëve të dy shefave të krimit të Beratit dhe Kuçovës, tek Ura e Samaticës. Oficerët e policisë arritën të shpëtonin, por makina e tyre u dogj nga atentatorët. Por më tepër se nga policia, Caka do të gjurmohej dhe sulmohej gjatë këtyre viteve nga hasmit e tij. Në 20 korrik 1997, Lulëzim Caka, bëri hapin e gabuar të përfshirjes në hakmarrjen mes fisit të Çalëve dhe Yzeirëve në fshatin Rërëz në Berat. Duke qënë njeri i afërt i fisit të Çalëve, Caka u implikua në vrasjen e Nezir Yzeirit, kunatës së tij Ashime dhe djalit të adoptuar të saj, Ilir Yzeiri. Ndërkohë në qershor 1998, ai hapi një tjetër hakmarrje, kur vrau Lulëzim Eminin, vëllain e "Miles", të fortit të Fierit. Pas një ndjekjeje të gjatë të policisë, ai u arrestua dhe u dënua me 25 vjet burgim për këtë vrasje. Por hekurat e burgut të Lushnjës nuk ishin tepër të sigurtë për një vrasës si Caka. Në 6 janar 2001, nëpërmjet një sharre, ai arriti të priste hekurat dhe të largohej nga qelia për t'u hakmarrë për përdhunimin dhe vrasjen e nënës së tij, Xhevries 56-vjeçare dhe vëllait Bardhoshit. Dy personat e dyshuar për krimin e fundit, Valter Bega 21 vjeç dhe Maringlen Cami 22 vjeç, u vranë në 22 mars 2001 prej tij.

----
Preu hekurat e qelisë për të marrë hakun e nënës së masakruar


---------------------------------------

Alarmi në komisariatin e Lushnjës, në 6 janar 2001, u dha vetëm në orën 04.00 të mëngjesit. Dikush prej gardianëve të shërbimit vuri re prerjen e hekurave dhe mungesën e Lulëzim Cakës, vetëm dy orë pasi i dënuari me 25 vjet burg kishte kapërcyer murin e jashtëm rrethues për t'I thënë lamtumirë qelisë. Plani i Cakës kishte funksionuar mirë. Kapoja i Beratit, duket se kishte punuar disa kohë për arratisjen e tij. Me një sharrë hekuri, që dikush ia kishte futur në qeli, ka prerë hekurat e dritares së vogël. Dhe, rreth orës 02.00, sapo "drita e oborrit të qelive është fikur, si edhe herë të tjera", ai ka dalë, duke kërcenuar shokët e qelisë, për të mos treguar deri dy ose tri orë më vonë. Menjëherë filloi një aksion i gjerë i policisë. Gjithashtu, u lajmëruan edhe ato të rretheve fqinje, si dhe pikat e kalimit kufitar. Por, çdo gjë ishte e kotë. Me ndihmën e miqve të tij, që financuan dhe organizuan arratisjen, Caka kishte humbur çdo gjurmë. Vetëm pak ditë më pas, në policinë e Beratit, mbërriti një sinjalizim se i kërkuari ndodhej në Samaticë, por aksioni dështoi për shkak të dekonspirimit.

----
Lul Caka ne 10 data


----------------------------------------------------------------

QERSHOR 1995
Përballja e parë me drejtësinë. Në gjendje të dehur u gring me pronarin e një lokali në fshatin Suk të Fierit. U arrestua për këtë krim, por u arratis nga qelia për 48 orë.
26 MARS 1996
Caka së bashku me Loshin e Karbunarës, akuzohet se ishte njëri prej atentatorëve të dy shefave të krimit të Beratit dhe Kuçovës, tek Ura e Samaticës. Oficerët e policisë arritën të shpëtonin, por makina e tyre u dogj nga atentatorët.
20 KORRIK 1997
Akuzohet se vrau Nezir Yzeirin, kunatën e tij Ashime dhe djalin e adoptuar të saj, Ilir Yzeiri.
QERSHOR 1998
Vrau Lulëzim Eminin, vëllain e "Miles", të fortit të Fierit. Për këtë vrasje u dënua edhe me 25 vjet burg.
6 JANAR 2001
Nëpërmjet një sharre, ai arriti të priste hekurat dhe të largohej nga qelia për t'u hakmarrë për përdhunimin dhe vrasjen e nënës së tij, Xhevries 56-vjeçare dhe vëllait Bardhoshit.
14 JANAR 2001
Dështon operacioni i policisë në fshatin Samaticë, vendlindjen e tij. Pas një sinjalizimi, policia rrethoi shtëpinë ku dyshohej se ishte fshehur i arratisuri, por një dekonspirim dështoi aksioni.
22 MARS 2001
Vrau dy personat e dyshuar për vrasjen e vëllait, Valter Bega 21 vjeç dhe Maringlen Cami 22 vjeç. Pasi fiku dritat e të gjithë fshatit Samaticë, Caka qëlloi ndaj dy të rinjve të fiseve rivale.
23 QERSHOR 2001
Akuzohet se vrau Arben Hoxhën, njërin prej pinjollëve të fisit në hasmëri të Hoxhajve.
24 DHJETOR 2001
Arrestohet rastësisht në një operacion për emigrantët e paligjshëm në Foxhia të Italisë. Një sinjalizim anonim, i lajmëron policët italianë për rëndësinë e personit të arrestuar.
10 MARS 2003
Përfundojnë procedurat e ekstradimit dhe mbërrin në Rinas i shumëkërkuari. Duhet të kryejë dënimin prej 25 vitesh burgim, por ndërkohë do të vazhdojnë hetimet dhe proceset gjyqësore edhe për një sërë krimesh të kryera gjatë viteve të fundit.

-----
Detajet e udhëtimit të Lulzim Cakës nga Italia në Rinas. Operacioni i fshehtë për super të kërkuarin

Ekstradohet tmerri i Beratit
"Incidenti" me prangat në aeroportin e Barit


------------------------------------------------------------

TIRANE

LAJMI

Ekstradohet vrasësi i Samaticë. Lulëzim Caka, 33 vjeç, u është dorëzuar dje nga policia italianëve agjentëve të interpol Tiranës. Pas rreth një viti nga arrestimi i tij në provincën e Foxhias, i akuzuari për 23 vrasje ka zbritur dje rreth orës 14.00 shkallët e avionit që e transportoi në Rinas. Nën masa të rrepta sigurie ai është transportuar më pas në qelitë e burgut 313, për të vazhduar dënimin prej 25 vitesh si edhe për të pritur gjykimin për një sërë akuzash të tjera.

Avioni i linjës "Volare", preku ashtu si çdo të hënë pistën e betontë të Rinasit aty rreth orës 14.15. Pilotët u uruan ditë të mbarë udhëtarëve dhe mbyllën ditarin e udhëtimit pa regjistruar ndonjë ngjarje të veçantë. Edhe pse, pasagjerët e linjës Bari-Tiranë të ditës së djeshme nuk e ndjenë veten të sigurtë deri sa zbritën në tokë kur mësuan se do të ndanin të njëjtin avion me Lulzim Cakën, të tmerrshmin e Beratit. Njeriu i akuzuar për 23 vrasje, ndodhej dje i prangosur pas sediljes së fundit të avionit dhe i shoqëruar nga dy agjentë të veshur civilë të Interpolit. Pas më shumë se një viti pritjeje në përfundim të burokracive të ne-vojshme mes drejtësive të të dy vendeve, Caka u kthyer sërish në Shqipëri. Vërtet me pamjen e një personi të qetë dhe moskokëçarës, apo edhe duke përshëndetur me dy gishtat e ngritur lart kameramanët e shumtë në pistë, por me akuzat më të rënda të ngritura ndonjëherë nga prokuroria shqiptare.

Rikthimi i të shumëkërkuarit nga Samatica, ishte paralajmëruar prej kohësh, por megjithatë vetëm në minutat e fundit, ministria e rendit konfirmoi prezencën e Cakës në Rinas në drekën e djeshme. Në fshehtësinë më të plotë, një ditë më parë, dy agjentë të Interpol Tiranës udhëtuan në drejtim të Barit pa shumë bagazhe. Në orët e para të mëngjesit të djeshëm, autoritetet e policisë së burgjeve italiane, kishin marrë të gjitha masat për transferimin e Cakës nga Foxhia, ku priste ekstradimin, për në qytetin e Barit. Autoburgu e ka ndalur udhëtimin vetëm në hyrje të aeroportit të qytetit jugor, ku policët e kanë shoqëruar Cakën të prangosur deri te shkallët e avionit "Volare". Në këto momente, kur do të kryhej dorëzimi i tij në duart e agjentëve shqiptarë, ka ndodhur edhe një "incident" i vogël. Kur policët i zbërthyen prangat, i shumëkërkuari që ka arritur t'u shpëtojë dy herë regjimit të burgjeve shqiptare, ka pyetur i habitur shoqëruesit e tij italianë se çfarë po ndodhte. Për pak momente ka kujtuar se italianët po e "dëbonin" ashtu si çdo emigrant tjetër shqiptar, por kjo nuk ka zgjatur shumë. Pak metra më tutje, e prisnin prangat e agjentëve shqiptarë. Minutat e tjera të udhëtimit mësohet se kanë kaluar të qeta. Lulzim Caka nuk ka shkëmbyer asnjë batutë me oficerët e Interpolit, deri në daljen nga avioni. Më këto momente, ai përfitoi nga një çast hutimi për të përshëndetur kamerat me dy gishtat e ngritura lart. Por ndërhyrja e agjentit që qëndronte i prangosur pas dore me të, e detyroi të hiqte dorë nga çdo përshëndetje tjetër. Më pas, Caka u është dorëzuar forcave speciale të Drejtorisë së Përgjithshme të Burgjeve, të cilët e kanë transportuar për në qelitë e burgut 313.

------
SHKURT


---------------------------------------------------------------------
Si ia përdhunuan e ia vranë nënën Lul Cakës

Ka qenë fillmviti 2001 kur Lulzim Cakës ia kanë përdhunuar dhe më pas ia kanë masakruar të ëmën 56-vjeçare, Xhevrien. Kjo e fundit kishte shkuar të takonte të birin, Lulin, në qelitë e paraburgimit në Fier. Sapo ka dalë nga takimi me të birin, ajo është rrëmbyer dhe më pas është gjetur e masakruar në Seman. Për këtë ngjarje policia në atë kohë arrestoi Fatmir Eminin (Milja), i cili më pas u lirua për mungesë provash. Policia dyshoi për Milen, sepse Lul Caka në qershor të vitit 1998 i kishte vrarë atij vëllain, Lulzim Eminin dhe mesohej se këtë e ka bërë për hakmarrje.


Në Itali, Luli ishte maskuar si bari kosovar

"Po, kosovari i kapur me pistoletë të kalibrit 7.62, me emrin Bekim Arifi, i biri i Ahmetit dhe Xhevries, ka mbi vetullën e djathtë një shenjë plage 2 cm të gjatë dhe në këmbën e majtë një tjetër plagë të vjetër plumbi". Kjo ka qenë përgjigjja e Interpolit italian dërguar kolegëve të Tiranës, pasi këta të fundit u kishin dërguar atyre disa hollësi për të superkërkuarin. Në fshatin Borgo Çervaros të Foxhës në Itali, më 25 dhjetor të vitit të kaluar policia kishte ndaluar një person për armëmbajtje pa leje, i cili ishte zbuluar krejt rastësisht.


Hakmarrja, vetëm një burrë në liri te Cakajt

Familja e tij përbëhej nga 9 vetë. Nga prindërit Hasan dhe Xhevrie kanë lindur edhe 2 motra - aktualisht të martuara - dhe djemtë Luli, Bardhoshi, Mentori, Gjeloshi e Juliani. Xhevria është përdhunuar, vrarë e hedhur në një kanal në moshën 56-vjeçare. Edhe Bardhoshin djali i madh është vrarë nga Begët në Samaticë. Ndërsa babai i Lulit ka vdekur 40 ditë pas vdekjes së bashkëshortes. Julian Caka ndodhet në burg i dënuar me 18 vjet heqje lirie pasi u shpall fajtor për akuzën e vrasjes, ndërsa Gjeloshi është i arrestuar në Berat për pjesmarrje në vrasje.

---
Rinas, mungonin familjarët


-----------------------------------------------------------

Në sallën e pritjes të Rinasit, nuk ndodhej asnjë prej familjarëve të Lulzim Cakës. Edhe pse ardhja e tij ishte njoftuar nga të përditshmet, askush prej vëllezërve dhe motrave të tij, të vetmit familjar të mbetur pas vdekjes së prindërve, nuk kanë mundur të udhëtojnë në drejtim të Tiranës. Një qese plastike me sendet personale që shoqëronte të ekstraduarin, u transportua nga avioni nga njëri prej policëve të burgjeve.

--

[AlbanianQT]

cmu rrenqeth mishi