Portret TUTORI

[erzeni]

Ja nje Tutor tipik beratas.


Gazeta shqiptare shkruan:


KUÇOVE/ Policia: Kanani trafikoi 7 vajza. E denoncoi nëna e tri prej viktimave

Kapet trafikanti i femrave
Kontrollonte linjën Itali-Belgjikë-Angli


--------------------------------------------------------------------------------

KUÇOVE

Trafikantët e femrave në rrethin e Beratit duket sikur nuk kanë të sosur. Madje bëhet fjalë për "VIPA" të biznesit fitimprurës të mishit të bardhë me destinacion vendet e Europës Perëndimore.

Vetëm pak ditë pas arrestimit nga Policia e Beratit e supertrafikantit Roland Muço, dje është vënë në pranga një tjetër kapo i prostitucionit, i cili akuzohet për trafikimin e shtatë femrave nga Kuçova, Ura Vajgurore dhe fshatrat përreth. Alfred Kanani, banor i lagjes "1 Maji" Kuçovë, është prangosur mbrëmë në orët e vona të natës në shtëpinë e tij. Burime nga policia pohojnë se aksioni për kapjen e 29-vjeçarit është organizuar nga zyra rajonale e trafiqeve në Berat në bashkëpunim me atë të Tiranës. Këto të fundit kanë vënë në lëvizje policinë kriminale të Beratit dhe Kuçovës për arrestimin e Kananit. Sipas bluve, 29-vjeçari sapo ishte kthyer nga jashtë shtetit ku ushtronte aktivitetin e tij si trafikant. Ndërkohë, ekspertët pohojnë se kohë më parë Alfred Kanani është denoncuar nga të afërm dhe prindërit e femrave që ai ka trafikuar, por është lënë i lirë nga organi i akuzës për mungesë provash. Sipas burimeve nga Policia kriminale e Kuçovës, Kanani së bashku me një shtetas tjetër nga Ura Vajgurore (emri i të cilit nuk bëhet i ditur për arësye hetimore) kontrollonte trafikun e femrave në linjën Shqiperi-Itali-Belgjikë-Angli. Duke qenë kapo i rrjetit Kuçovë-Ura Vajgurore për disa vite, i akuzuari në fjalë pohohet të ketë fituar shuma të mëdha parash. 29-vjeçari me lekët e mbledhur nga viktimat ka blerë (sipas policisë) vila në Kuçovë, Urë Vajgurore, Durrës, si dhe ka nën pronësi makina luksoze.

E para e ka denoncuar nëna e tre vajzave Kashari. Kallëzimi i saj është bërë në vitin 1996. Pavarsisht nga denoncimi i familjarëve të viktimës nga Kashari, Kanani ka "vizituar" për pak kohë dyert e qelive të policisë. Arrestimi i tij u bë i mundur vetëm dje dhe pohohet se në rrjetin,e tij bëjnë pjesë dhe të tjerë shtetas, të cilët janë në kërkim nga policia e Beratit. Me ndalimin e Kananit, brënda dy javësh shkon në katër numri i personave që janë arrestuar si pjestarë të trafikut të mishit të bardhë në qarkun e Beratit. Pas arrestimit, supetrafikanti, Alfrend Kanani, nën masa të rrepta sigurie, është nisur për në Tiranë. Mesa duket, ky i fundit do të hetohet nga prokuroria e kryeqytetit.

-----------
Fiqirete Kashari: Si m'i mashtroi vajzat


-------------------------------------------------------

"Dua vajzat e mia. E madhja më ka ikur që në vitin 1994 dhe nuk di nëse është gjallë apo jo. Me dy të tjetrat që janë në Belgjikë flas, por nuk më tregojnë adresë të saktë". Ky apel i dhimbshëm prej nëne i adresohet shtetasit Alfred Kanani. Fiqirete Kashari tregon për "Gazeta Shqiptare" plagën e madhe që 29-vjeçari u ka hapur asaj dhe pjestarëve të tjerë të kësaj familje. Drama për familjen Kashari zë fill në vitin 1994. Sipas nënës së viktimave, pikërisht në këtë vit Alfredi ka mashtruar vajzën e madhe, duke i premtuar për martesë. "I thoshte se do të marr për grua, por ishte i martuar. Kur e merrte në shtëpi e dëbonte gruan te njerëzit e saj. Më pas e nxori në rrugë në Itali", thotë Fiqiretja duke shtuar se deri më 1996 fliste me të bijën në telefon, ndërsa tani nuk e di nëse është gjallë. Ndërsa di se dy vajzat e tjera janë në Belgjikë. E shokuar, nëna e viktimave i është drejtuar disa herë tutorit të vajzave (sipas saj), por ai i ka treguar rrugën duke i thënë se tani i kanë të tjerët ato.

------------







Fiqeretja e mjere thote:

"Drama për familjen Kashari zë fill në vitin 1994. Sipas nënës së viktimave, pikërisht në këtë vit Alfredi ka mashtruar vajzën e madhe, duke i premtuar për martesë. "I thoshte se do të marr për grua, por ishte i martuar. Kur e merrte në shtëpi e dëbonte gruan te njerëzit e saj. Më pas e nxori në rrugë në Itali", thotë Fiqiretja duke shtuar se deri më 1996 fliste me të bijën në telefon, ndërsa tani nuk e di nëse është gjallë. Ndërsa di se dy vajzat e tjera janë në Belgjikë"

Pra qe me 1994 Alfred Kanani eshte bere "Profs" ne trafikun e vajzave.

Turp per presidentin e athershem Sali Berish malesorin!
Turp per kryetarin e parlamentit Pjeter Arbnor shkodranin!

Sa per Pollo e Meksa e Tritana, ata as qe e njohin turpin.

Kurse ish ministri Policise , Kryetrafikanti Agron Musaraj eshte per tu varur ne Litar ne mes te Beratit.



Populli Beratit per ne mitingjet Socialiste aman cmblidhet me vrap te ulerijne e kur u rrembejne, prostituojne vajzat e u hidhen ne plehra femijet rrine e flejne si derra te qelbur.

[Brari]

Kamza nxjerr ne trotuar Beratin.. hajde c'vete.
Beratin e kemi dhe me partishmeri te larte.



Nga Shekulli
.........................




Pas 8 vjet punë në semafor kthehet pa asnjë lek në xhep. "Më mori dhe motrën dhe ma bëri prostitutë"


Denoncimi: 8 vjet prostitutë nën terror


Një 25- vjeçare nga Berati denoncon si tutor të saj në Itali një djalë nga Kamza

BERAT - Një 25-vjeçare nga Berati, e kthyer një muaj më parë nga Italia ka depozituar dje në polici denoncimin ndaj tutorit të saj që "me anë të mashtrimit e bëri prostitutë në shtetin fqinj". E kthyer pa asnjë lekë në xhep 25-vjeçarja S.M, banore e lagjes "Kushtrim", ka treguar historinë e saj, ndërsa policia në bazë të denoncimit, është vënë në kërkim të personit që ajo ka akuzuar, D.H, nga Kamza e Tiranës, thanë për gazetën burime të komisariatit. Burimet thanë se sipas denoncimit, tutori në fjalë ka trafikuar edhe motrën e viktimës, e cila ndodhet ende në Itali. Historia e 25-vjeçares, sipas denoncimit, zë fill në mars të vitit '94, kur ajo ishte vetëm 17 vjeçe. Në atë vit ajo u njoh dhe më pas u fejua me djalin nga Kamza. "Më pas vendosëm që të niseshim drejt Italisë për një jetë më të mirë. Mbërritëm në qytetin e Riminit, me gomone. Por nuk kaluan më shumë se 5 ditë dhe "bashkëshorti" im më detyroi të dal në semafor, për të kërkuar klientë. Në fillim isha shumë e shqetësuar. Sa kthehesha nga rruga futesha në dhomë dhe qaja gjithë natën. Tutori D.H më premtonte, duke më lajkatuar, se sa të bënim 100 milionë lireta do të ktheheshin në Tiranë, ku dhe do të bënim dasmë dhe shtëpi",- mësohet të ketë thënë më tej denoncuesja. Ajo ka treguar para uniformave blu dhe torturat, duke ekspozuar shenjat që ndodheshin në trupin e saj. "Janë shenja thikash kur unë kundërshtoja që të dilja në rrugë",- mësohet të ketë thënë S.M, duke treguar se shumë vajza, edhe nga Berati, i kishin thënë se duhej t'i nështrohej fatit, pasi ato (vajza) që kishin kundërshtuar edhe ishin vrarë nga tutorët e tyre. "Pas 3 vjetësh qëndrimi në Rimini vendosa të largohesha fshehurazi dhe të dorëzohesha në polici, por sapo isha afruar pranë portës të kuesturës, tek këmbët më qëndroi një makinë dhe sa të hapësh e mbyllësh sytë dy djem, mes tyre dhe tutori, më tërhoqën zvarrë, duke më futur brenda",- ka thënë më tej ajo. Denocuesja ka rrëfyer se pasi janë futur në një pyll tutori ka mbushur pistoletën, duke i thënë se do ta vriste, ndërsa ajo nga frika i ka premtuar besnikëri. "Që nga ai moment nuk bëra plane për t'u larguar. Nga malli që kisha për familjen iu luta të shkonte në Berat dhe si shpërblim tutori më solli motrën e vogël në Itali, ku aktualisht punon për të. Nuk doja ta fusja motrën prostitutë, por "katili" nxehu një levë në furnelën elektrike dhe ma vuri në kokë",- ka thënë ajo duke treguar se për të shpëtuar nga tutori ka shfrytëzuar rastin kur ky i fundit shkoi pranë familjes së tij në Kamëz. Vajza e larguar që 17 vjeçe ka thënë ndër të tjera se me familjen në Berat nuk kishte komunikuar, por përmes një shoqes se saj kishte mësuar se prindërit nga turpi ishin larguar në Greqi.

Sulo Gozhina

[erzeni]

Nji Tutor pe Korce


nga Shtypi

Vrasesi i gruas kapet ne Greqi

Gezim Ashimi Korce

- Policia greke mesohet te kete vene ne pranga nje shqiptar te shumekerkuar qe akuzohet per trafik femrash, nje prej te cilave edhe gruaja e tij Eriola Sheshi, e vrare ne korrik te ketij viti ne Tirane.
Besnik Hoxhalli, me moshe rreth 30 vjec, qe fshihej ne Greqi me emrin e rreme Aleko, eshte arrestuar ne Selanik, pasi ka rezultuar i perfshire ne nje rrjet te trafikut te droges. Lajmin e bene te ditur burime nga policia rajonale e Korces, sipas te cilave Hoxhalli eshte kapur ditet e fundit pas hetimeve mbi rrjetin e nje trafiku droge. I kerkuar nga Interpoli qe ne muajin gusht te ketij viti, trafikanti nga fshati Libonik i rrethit te Korces nuk ka mundur t'i shpetoje arrestimit megjithese me nje emer te greqizuar dhe sipas te dhenave edhe duke iu pershtatur punes se nje bariu.

Hoxhalli, nga trafiku i femrave tek ai i droges

Emri i Besnik Hoxhallit u be i njohur si njeperson i rrezikshem pas ngjarjes se ndodhur ne fund te muajit korrik ne Tirane, ku u gjend e rrahur per vdekje dhe e masaktuar gruaja e tij, 22-vjecarja Eriola Sheshi. Nene e nje djali njevjecar, Eriola humbi jeten si rezultat i dhunes se ushtruar mbi te nga nje person i quajtur Roland Kosova. Te afermit e saj treguan se ish-dhendri i tyre Besnik Hoxhalli, nje njeri i dhene pas lojerave te kumarit, ia kishte shitur gruan Roland Kosoves per ta trafikuar ne Itali.

Ndersa, pak kohe me vone, kucovari Roland Kosova u arrestua, ndersa udhetonte se bashku me nje vajze drejt Korces, per Besnik Hoxhallin policia nuk arriti te bente gje tjeter vecse t'i kerkonte Interpolit arrestimin e tij. Kjo pasi Hoxhalli rezultoi jo vetem si bashkepunetor me Roland Kosoven per shfrytezimin e Eriola Sheshit, por edhe per te pakten dy raste te tjera. Apartamenti i Besnik Hoxhallit, ne katin e pare te nje pallati ne Libonik, eshte djegur ne shenje hakmarrjeje nga nje komshiu i tij, te cilit i trafikoi gruan. Ndaj Hoxhallit rendojne edhe akuza te tjera per trafik femrash, po ashtu edhe per Roland Kosoven ne tre raste, sic ka dale gjate vendosjes se mases se arrestit ndaj ketij te fundit ne Gjykaten e Tiranes. Por Hoxhalli, ndryshe nga bashkepunetori i tij, u perpoq t'i shpetonte policise duke u larguar rreth muajit maj te ketij viti ne Greqi. Me emrin e ndryshuar ne Aleko ai mesohet se eshte endur ne vende te ndryshme ne Greqi, duke bere edhe punen e nje bariu bagetish per te qene sa me larg rrezikut te arrestimit. Nderkaq, policia e Korces duke zbuluar veprimtarine e tij

kriminale i kerkoi Interpolit arrestimin e Hoxhallit duke afruar edhe te dhenat e nevojshme te identitetit te vertete. Por u desh zbulimi i nje rrjeti te trafikut te droges pak kohe me pare nga policia greke, qe te gjenden edhe gjurmet e Hoxhallit. Pas arrestimit te disa personave nga policia greke per trafikimin e nje sasie droge (nje rast ky ne te cilin thuhet se u vra edhe nje banor nga Lapraka e Tiranes, rreth 60 kilometra brenda tokes greke) nga hetimet ka dale si i imlikuar ne trafik edhe Hoxhalli. Te pakten keshtu jane sinjalizuar ne policine e Korces nga homologet e tyre.

Policia: "Nuk ka ekstradim"

Por lidhur me nje ekstradim te mundshem te Hoxhallin ne Shqiperi ende nuk eshte vendosur. Dhe kjo per faktin se ne rast se vepra penale qe ai ka kryer ne Greqi rezulton me e rende se vepra penale e trafikut te femrave, atehere do te gjykohet nga drejtesia e vendit fqinj. Ne rast te kunder, pas kryerjes se procedurave Hoxhalli do te perfundoje ne birucat e policise se Korces, ne pritje te gjykimit per trafik femrash, mes te cilave edhe te gruas se tij Eriola Sheshi, tashme viktime e ketij trafiku.

...........

Berat, përdhunohet vajza 13-vjeçare


--------------------------------------------------------------------------------

z.p

BERAT

Një vajzë e mitur është gjetur e përdhunuar dhe në gjendje të rëndë shëndetësore, në periferi të qytetit të Beratit. Ngjarja e dhimbshme ka ndodhur dy ditë më parë, kur 13-vjeçarja L.V., banore në lagjen "Çelepi", është nisur për në shkollë. Por, gjatë rrugës, atë e kanë ndaluar dy të rinj, të cilët më parë i kishte pasur fqinjë. Dy djemtë, pasi kanë bërë një bisedë të gjatë me vajzën, e kanë marrë atë, dhe e kanë dërguar në një shtëpi në periferi të qytetit. Atje, vajza është përdhunuar dhe më pas është lënë e vetme në rrugë, duke i bërë presion që të mos tregonte për ato që i ndodhën, sepse, "ndryshe, do ta pësonte së bashku me të ëmën". 13-vjeçarja është ndihmuar nga një kalimtare e rastit për të shkuar në shtëpi në gjendje të rëndë shëndetësore. Vajza është dërguar në maternitetin e qytetit, ku dhe i është bërë një ndërhyrje kirirgjikale. Nga ana e saj, policia nuk ka pranuar të japë shpjegime, "pasi nuk ka denoncim".

................

[erzeni]

Ceshtja "Ismailukaj", ne hetim edhe te tjere


Artur Qorraj Tirane

- Ish-shefi i krimeve te Tropojes, Arlind Ismailukaj, nuk ka qene i vetem ne krimin per te cilin akuzohet. Ai eshte arrestuar nga policia e Tiranes, dy dite me pare, per llogari te Fierit me akuzen shfrytezim prostitucioni ne rrethana renduese. Por mesohet nga burime te policise lokale se Ismailukaj ka vepruar ne bashkepunim me persona te tjere, emrat e te cileve nuk publikohen per arsye sigurie e hetimore. Por 25-vjecari, me arsim te larte, diplomuar ne Akademine e Policise, e banues ne Tirane, ka qene lakuar edhe per trafik makinash gjate kohes qe ka qene ne detyre. Ne moshe te re, ai u ul ne karriken e veshtire te shefit te krimeve ne Tropoje dhe pas nje viti drejtim u lirua e me pas u arrestua. Serish u lirua per mungese provash dhe gjate vitit ne fjale ka qene i papune. Kjo ka vazhduar deri ne momentin qe Ismailukaj eshte arrestuar me urdher te prokurorise se Fierit e vendim te Gjykates se ketij rrethi, me 21 janar te 2002, e cila ka dhene masen e vleresimit burg pa afat. Ndalimi i tij ka qene i vonuar per shkak se vete 25-vjecari ishte larguar prej kohesh jashte vendit. Prej pak ditesh ishte kthyer ne Tirane dhe menjehere ndaj tij eshte marre masa e ndalimit dhe ekzekutimit te urdhrit te Gjykates se Fierit. Vete kreu i bluve te Fierit, Asllan Dogjani, eshte shprehur dje per gazeten "Koha Jone" se arrestimi eshte mbeshtetur edhe ne dy urdhrat e institucioneve te drejtesise, por edhe denoncimit te siguruar prej policise, nga nje vajze e cila eshte detyruar te beje prostituten ne Itali. Gjate riatdhesimit ajo eshte marre nen mbrojtje, por emri nuk behet publik per arsye sigurie, duke rrefyer gjithcka. Ismailukaj akuzohet edhe per ushtrim te dhunes seksuale e fizike, pa harruar kercenimin qe ka ushtruar se bashku me persona te tjere qe tashme kerkohen.


..............................

cfare banditesh diplomon akademia e Rendit. Turp e faqe zeze.

[Beqari002]

REPORTAZH/

Ç'ndodh në gropën poshtë "Skënderbeut"


"Hajde, prostituta dhe homo me çmim të lirë"




Rezarta Delisula

TIRANE

Metodat për të thithur klientët nuk janë shumë të sofistikuara. Ajo i ulet pranë një mesoburri dhe i kërkon gazetën. Ngaqë nuk di të lexojë, e kthen pa dashur mbrapsht dhe kur e kupton që tjetri e vë re, i thotë për pazarin që ka.

Kjo është një prej prostitutave që në gropën e "Skënderbeut" e quajnë mjaft të suksesshme. "Mis Bërdunglla" është epiteti që i kanë vënë gruas 38-vjeçare. Për një moment të humb nga sytë, ndërsa e sheh që largohet drejt bulevardit, e shoqëruar me një të moshu-ar. Ai ecën përpara, "Misi" ecën prapa. Bonën e ka zënë gjumi. Këtë e thërrasin "mis seksi". Ajo ka hequr një palë patallona që i ka përdorur gjatë natës, i ka larë në shatërvan dhe i ka varur në stolin që ka zgjedhur për të fjetur. Një tjetër prostitutë, e shkurtër, me flokë të mbledhur, sillet vërdallë, por s'ka sukses. Mjafton të rrish vetëm një orë në lulishten poshtë monumentit të heroit kombëtar, Skënderbeu, për të parë prostitutat, sjelljet e tyre me klientët, shfrytëzuesit e kujdesshëm, klientelën, si dhe portrete të ndryshme homoseksualësh. Moza apo "mis seksi" është nga Saranda. Ajo është liruar në fillim të viteve '90 nga burgu, duke e përgjysmuar kështu dënimin 20 vjet për vrasjen e të shoqit. Që prej asaj kohe, Moza prostituon. Tani pazari i ka rënë: kërkon vetëm 500 lekë, ndërsa në darkë vetëm bukë për të ngrënë. Fotografët që qëndrojnë prej shumë vjetësh në këtë lulishte, shprehen se, sa herë policia i përzë nga 15-Katëshi, ato shpërngulen te gropa e "Skënderbeut". "Mis Bërdunglla", gruaja që ka më shumë klientë, kthehet. Sapo duket te gropa, një burrë nis ta godasë me shuplaka. "Ku je, mi, të gjëmova dhe s'të gjeta, k...", është breshëria e fjalëve, e shoqëruar me shpulla, ndërsa gruaja i përgjigjet edhe më keq: "Ik, më pler, pak se të sjell lekët edhe më gjun, shk..... ik zhduku. Pas pak minutash "menaxheri" i kërkon falje dhe ndajnë bashkë 2 mijë lekëshin. Klientët më të shpeshtë janë të ardhurit nga rrethet, si dhe kosovare që nuk e njohin kryeqytetin. Gruaja e vogël me flokë të mbledhur e ka pazarin më të lartë, 3 mijë lekë. Edhe në trup ndryshon pak nga të tjerat. Njeriu që do të martohet, është shfrytëzuesi i saj. Bashkë me të vëllain, "pronari" sa herë fiton parà e shoqja, ai blen drogë, heroinë. Në lulishten e mesit të mbjellë me lulezjarri, bie në sy një gropë e madhe. Gropa është e mbushur me copa letrash, shiringa, ndërsa për ujë të distiluar as nuk bëhet fjalë, pasi përdorin ujin e qelbur të shatërvanit. "Ua kemi djegur batanijet dhe dysheqet me morra, madje dhe në stola kemi merak të ulemi", thonë fotografët e moshuar.
--------------------------
----------------------------
Oj sharki e lehete si era , a ka ardhur ne Shqiperi pranvera?

[Brari]

Mutafa Kadiu, tutori tmershem me mbiemer Kadiu-Gjykatesi.

Historia e rumunes së mitur që fitonte 400 stërlina çdo natë. U akuzuan edhe për trafik droge

Kushërinjtë tutorë, 16 vjet burg
Londër, dënohet Mustafa Kadiu e Edmond Ethemi


---------------------------------------------------

Nga Londra Muhamed Veliu

Pas një gjyqi dis amujor, gjykata e Southwarkut në Londër ka dënuar të premten me 10 vjet burg Mustafa Kadiun, 31 vjeç, i cili, për qëllime prostitucioni, shfrytëzonte një 15-vjeçare Rumune, dhe me 6 vjet kushëririn e tij, Edmond Ethemi, 21 vjeç, për prostitucion dhe shparndarje droge.

Historia e minorenes fatkeqe nis fillimvitin e kaluar, kur ajo i ka kërkuar ndihmë kushëririt të saj për tiu "arratisur" trajtimit çnjerëzor që i bënte babai, pas vdekjes së nënës. Por kushëriri, në vend që ta shpëtonte nga ferri ku e kish futur i ati, i përgatit një ferr të ri duke e shitur te disa njerëz të panjohur.

Ata pasi, kanë paguar për vajzën, e kanë çuar atë në Jugosllavi, ku ua kanë shitur trafikantëve të tjerë. Bosët e rinj të rumunes, këtë hërë shqiptarë nga Maqedonia, e kanë dëtyruar atë të prostituojë për llogari të tyre në një klub nate ne afërsi të Ohrit. Pas 6 muajsh shfrytëzimi, ata e kanë shitur minorenen te disa trafikantë shqiptarë, të cilët më pas, nga Vlora e kanë trafikuar drejt Italisë. Në Itali viktima është rrahur nga tutorë te rinj dhe është detyruar të prostituojë rrugëve të Napolit. Korrikun e shkuar Mustafa Kadiu, azilant politik në Britani udhëton drejt Italisë. Atje ai takon kushëririn e tij, Edmond Ethemi, i cili e ndihmon në rrëmbimin e vajzës. Në fillim ai u soll si "xhentellmen" me mua, tha viktima gjatë dhënjes së dëshmisë së saj në gjyq. Me të mbërritur në Romë ai më kërkoi të bënim seks, dhe më pas ai më tha se së bashku do të udhëtonim drejt Londrës, me premtimin se do të nisnim një jetë të re larg prostitucionit. Më pas Kadiu e pajis vajzën me dokumente fals që kanë kushtuar 1500 stërlina, për ta ka trafikuar atë nga Belgjika drejt Londrës.
Ajo është njohëse e shtatë gjuhëve të huaja, përfshi dhe shqipen. Prokurori i çështjes, gjatë leximit të akuzës kundra Kadiut tha se "Kadiu e ka sjellë në Londër minorenen, me qëllim tepër i qartë. Të shfrytëzojë minorenen si prostitutë. Ai ka marrë të gjitha fitimet e ditës qe varionin nga 300 deri në 400sterlina. Jo vetëm kaq, ai e ka perdhunuar viktimën sistematikisht dhe e ka rrahur atë".

--------------------------
"Kadiu e trajtoi vajzën si plaçkë"


--------------------------------------------------

Simon Homer, drejtues i këtij hetimi tha: "Kadiu ishte një shfrytëzues, i cili ka grabitur një vajzë të re që është shfrytëzuar për prostitucion. Kadiu e dinte që jeta e saj mizore mund të vazhdonte po ashtu edhe në Londër, dhe më pas ai bëri që kjo vajzë të vazhdonte të ishte prehë e abuzimeve seksuale të mëtejshme, duke e trajtuar atë si një mall tregu. Gjithçka ishte vetëm më një qëllim, që ajo të sillte para tek ai dhe të plotësonte dëshirat seksuale të tij. Unë shpresoj se dënimi i sotëm do të dërgojë një mesazh të qartë, se ne nuk do të tolerojmë asnjë lloj shfrytëzimi të tillë.
----------

Trafikanti shqiptar e nxori prostitutë edhe gruan e tij


-------------------------------

LONDËR

Edmond Ethemi, njëri prej dy kushërinjëve të dënuar të premten nga gjykata Londineze, kishte nxjerrë prostitutë edhe gruan e tij, një shqiptare me inicialet V.D. Ndërkohë, policia gjatë arrestimit të tij më 3 dhjetor 2001 kishte gjetur në oxhakun e shtëpisë 32 600 stërlina të fituara nga prostitucioni si dhe 24.7 gramë kokainë. Tresy Spencer, një bose e disa shtëpive publike në Londër, e ka parë fillimisht vajzën e mitur në një nga shtëpitë e saj tetorin e shkuar. Ajo ka dalluar moshën e vogël të vajzës dhe ka telefonuar policinë. Dy oficere antiprostitucion, me të marrë lajmin janë nisur drejt adresës së dhënë nga Tresy dhe kanë ndaluar minorenen. Po atë ditë ajo ka akuzuar Mustafa Kadiun për shfrytëzimin e saj si prostitutë në Londër. Pas disa mujsh survejimi të koduar me emrin (operation Bolifishi) është bërë i mundur vendi i strehimit të tij. Nga operacioni rezultoi se Kadiu jetonte në një shtëpi tjetër së bashku me kusheririn e tij, Edmond Ethemi 21 vjeç.



gsh

[erzeni]

Nji krokodil i ndyre me ne fund ne qeli.


shekulli:
---------------
ARRESTIMI

Nusret Shehu ka mbajtur peng dhe ka kërcënuar me armë një studente 21-vjeçare të gjermanishtes nga Berati

Pranga kosovarit që shfrytëzonte për foto nudo studenten nga Berati

TIRANË- Arrestohet një 57- vjeçar pas denoncimit të një studenteje nga Berati, të cilën ai e ka mbajtur peng për më shumë se dy javë duke e detyruar të pozojë nudo për të.

Nusret Shehu, nga Ferizaj i Kosovës, është njeriu i arrestuar dy ditë më parë nga uniformat blu kryeqytetase. Denoncimi është bërë nga vetë studentja e gjermanishtes me inicialet M.D.
Lajmi është pohuar dje nga burimet zyrtare të Drejtorisë së Policisë së kryeqytetit. Sipas tyre, kosovari 57- vjeçar akuzohet për kanosje dhe heqje të paligjshme të lirisë së një shtetaseje. Vajza e marrë peng ishte studente në vitin e tretë të gjermanishtes, në Tiranë. Ndërkohë, Nusret Shehu, i lindur në Pogradec dhe banues në Kosovë, kishte rreth dy muaj që kishte ardhur në Shqipëri. Rreth një muaj me parë, në rrethana ende të pasqaruara mirë, ai ishte njohur me 21- vjeçaren beratase, me inicialet M.D. Vajza e re ishte mashtruar nga lajkat dhe premtimet e 57- vjeçarit nga Ferizaj. Ajo kishte pasur nevojë për para dhe kishte pranuar të “ndihmonte” kosovarin në disa punë që ai duhet të bënte në kryeqytet. Kështu, studentja e gjermanishtes, emri i së cilës nuk mund të bëhet publik, kishte shkuar në shtëpinë e Nusretit. Kur kjo e fundit kishte hyrë në shtëpi, ai kishte mbyllur derën dhe e kishte kërcënuar me një pistoletë, të cilën e mbante pa leje. Nën kërcënimin e armës, vajza ishte detyruar të zhvishej lakuriq. Më pas, kosovari e kishte detyruar atë të merrte poza të ndryshme seksi në mënyrë që ai ta fotografonte. Kjo gjë ka vazhduar për afro dy javë. Vajza e re, duke qenë nën kërcënimin e armës dhe nën presionin e fotove nudo, është detyruar të vazhdojë lidhjen me Shehun. Studentja e gjermanishtes, pasi mbaronte shkollën, paraqitej në shtëpinë e kosovarit për t’u fotografuar. Të gjitha fotografitë stampoheshin nga Nusret Shehu dhe, më pas, dërgoheshin me e-mail tek disa miq të tij në Kosovë. Burime të policisë kryeqytetase pohuan dje se nuk kanë arritur ende të zbulojnë se për çfarë përdoreshin fotografitë. Sipas informacioneve të para që ka në zotërim policia, fotot kishin destinacion tregun ilegal të pornografisë. Ato do të shumëfishoheshin dhe do të publikoheshin në Kosovë. Dy ditë më parë, studentja 21- vjeçare vendosi t’i jepte fund çdo gjëje. Ajo u paraqit në komisariatin e policisë Nr.1 në kryeqytet ku denoncoi gjithçka. Ajo rrëfeu të njëjtën gjë përpara oficerëve të policisë gjyqësore. Në këto kushte, prokuroria e rrethit Tiranë ka lëshuar një urdhërarresti për 57- vjeçarin. Rreth orës 22 e 30 minuta të së premtes agjentët e policisë kriminale kanë kryer arrestimin e 57- vjeçarit Nusret Qazim Shehu. Arrestimi i kosovarit është bërë në banesën që kishte marrë me qira prej dy muajsh. Gjatë kontrollit të ushtruar në shtëpinë e tij gjetën edhe aparatin fotografik, të përdorur për pozat nudo. Ndërkohë, uniformat blu kanë kontrolluar edhe për armën me të cilën ishte kryer kanosja, por pa sukses. Sipas burimeve zyrtare të policisë, është gjetur vetëm një fishek pistolete. Në duart e bluve kanë rënë edhe filmat e pazhvilluar të kosovarit. Ato janë sekuestruar në cilësinë e provës materiale dhe janë dërguar për t’u stampuar. Sot pritet të dalin edhe fotografitë që i janë bërë studentes 21- vjeçare. Të gjitha materialet e sekuestruara në shtëpinë e 57- vjeçarit nga Kosova i janë dërguar prokurorisë së rrethit Tiranë për të zhvilluar hetime të mëtejshme. Shehu akuzohet për veprat penale të kanosjes serioze për vrasje, heqjes së paligjshme të lirisë dhe të dëmtimeve me dashje në mënyrë të përsëritur. Ky shtetas ka pasur precedentë të rëndë penalë edhe në shtetet ku ka qëndruar si emigrant, përkatësisht në Gjermani dhe në Zvicër.
E.Janina

--------


Fukaralleku apo lakmija e coj Beratsen tek lahperi nga Kosova?
A skane buke ne konvikt studentet e gjuheve te huaja?



NUSRET SHEHU quhet kjo monster.
Le te shohim a do denohet ky qelbanik ose do dale pa lagur..

[MI CORAZON]

Postuar më parë nga Beqari002
REPORTAZH/

Ç'ndodh në gropën poshtë "Skënderbeut"


"Hajde, prostituta dhe homo me çmim të lirë"




Rezarta Delisula

TIRANE

Metodat për të thithur klientët nuk janë shumë të sofistikuara. Ajo i ulet pranë një mesoburri dhe i kërkon gazetën. Ngaqë nuk di të lexojë, e kthen pa dashur mbrapsht dhe kur e kupton që tjetri e vë re, i thotë për pazarin që ka.

Kjo është një prej prostitutave që në gropën e "Skënderbeut" e quajnë mjaft të suksesshme. "Mis Bërdunglla" është epiteti që i kanë vënë gruas 38-vjeçare. Për një moment të humb nga sytë, ndërsa e sheh që largohet drejt bulevardit, e shoqëruar me një të moshu-ar. Ai ecën përpara, "Misi" ecën prapa. Bonën e ka zënë gjumi. Këtë e thërrasin "mis seksi". Ajo ka hequr një palë patallona që i ka përdorur gjatë natës, i ka larë në shatërvan dhe i ka varur në stolin që ka zgjedhur për të fjetur. Një tjetër prostitutë, e shkurtër, me flokë të mbledhur, sillet vërdallë, por s'ka sukses. Mjafton të rrish vetëm një orë në lulishten poshtë monumentit të heroit kombëtar, Skënderbeu, për të parë prostitutat, sjelljet e tyre me klientët, shfrytëzuesit e kujdesshëm, klientelën, si dhe portrete të ndryshme homoseksualësh. Moza apo "mis seksi" është nga Saranda. Ajo është liruar në fillim të viteve '90 nga burgu, duke e përgjysmuar kështu dënimin 20 vjet për vrasjen e të shoqit. Që prej asaj kohe, Moza prostituon. Tani pazari i ka rënë: kërkon vetëm 500 lekë, ndërsa në darkë vetëm bukë për të ngrënë. Fotografët që qëndrojnë prej shumë vjetësh në këtë lulishte, shprehen se, sa herë policia i përzë nga 15-Katëshi, ato shpërngulen te gropa e "Skënderbeut". "Mis Bërdunglla", gruaja që ka më shumë klientë, kthehet. Sapo duket te gropa, një burrë nis ta godasë me shuplaka. "Ku je, mi, të gjëmova dhe s'të gjeta, k...", është breshëria e fjalëve, e shoqëruar me shpulla, ndërsa gruaja i përgjigjet edhe më keq: "Ik, më pler, pak se të sjell lekët edhe më gjun, shk..... ik zhduku. Pas pak minutash "menaxheri" i kërkon falje dhe ndajnë bashkë 2 mijë lekëshin. Klientët më të shpeshtë janë të ardhurit nga rrethet, si dhe kosovare që nuk e njohin kryeqytetin. Gruaja e vogël me flokë të mbledhur e ka pazarin më të lartë, 3 mijë lekë. Edhe në trup ndryshon pak nga të tjerat. Njeriu që do të martohet, është shfrytëzuesi i saj. Bashkë me të vëllain, "pronari" sa herë fiton parà e shoqja, ai blen drogë, heroinë. Në lulishten e mesit të mbjellë me lulezjarri, bie në sy një gropë e madhe. Gropa është e mbushur me copa letrash, shiringa, ndërsa për ujë të distiluar as nuk bëhet fjalë, pasi përdorin ujin e qelbur të shatërvanit. "Ua kemi djegur batanijet dhe dysheqet me morra, madje dhe në stola kemi merak të ulemi", thonë fotografët e moshuar.
--------------------------
----------------------------
Oj sharki e lehete si era , a ka ardhur ne Shqiperi pranvera?

Kjo eshte e tmerrshme! Ne lulishten poshte monumentit te Skenderbeut ndodhin keto ??????? Aty qenka vrima e miut????? Ne lulishten me te dashur per secilin nga ne qe sapo dilnim nga teatri i kukullave vraponim me gezim drejt saj per te bere foto me prinderit.............
Me cuditet dhe trishtuat njekohesisht.

[Beqari002]

Denoncoi tutorët, e masakruan

Marta Lleshi denoncoi në polici tutorët e dy motrave të vogla. Pak muaj më vonë u gjet e masakruar brenda një thesi



FUSHË-ARRËZ- Shën Mëritë dhe kryqet e varura në çdo cep të mureve në banesën e varfër, janë të vetmet “dëshmitare” të dhimbjes së Gjin Lleshit dhe familjes së tij. Në derën e kësaj shtëpie, ku rrallë -herë hyn drita e diellit, na pret Dava e cila na fton të futemi në dhomën e pritjes. Dy shtretër prej dërrase, një sobë me dru si dhe një bufe e vjetër, brenda së cilës dallohen fotografi të shumta fetare, janë të vetmet orendi që mobilojnë dhomën më të mirë të shtëpisë. Ndërsa i zoti i saj, Gjin Lleshi, mezi ngrihet nga krevati i lëngimit, ku kalon më së shumti ditë-netët e pleqërisë, për të na përshëndetur. Plaku 67-vjeçar, i lodhur nga fatkeqësitë e shumta në jetë, fillon të rrëfejë edhe një herë dramën e familjes së tij.
-------------------------
------------------------------
Oj sharki e lehete si era , a ka ardhur ne Shqiperi pranvera?

[erzeni]

...trego o muze trimerite e akilit..


trego o Beq hallet e gjin lleshit..

Mos na e len pergjys..


Mi korazon..ti ke drejt por ruj ato kujtime te qasaj tirane se kohet kan ndryshue..Cfar kukllash kerkon ti tash ne 2002 ?

Aty behet nami..
Ne dikur lunin me kuklla me gocat e lagjes e tash zot na rujt..
Tash i con ne semafor dhe i vret cuni lagjes ato "te urtat gjer ne dhembje" gocat e lagjes ...

Koh te vshtira kan ardh oj mrik..tha baca i Gjetajve..e ndezi nji cigare te gjat ROZAFA nga ato per Roje Nate..
Te bijen Dranden donin me ja cue ne shkoll per saldatore ne Tiran..e Baca ish merzit..
po ti mos xej kryt he burr ..tha mrika ..dranden e kena bash si kokrra molles e asht e urt e mire e nuk na turpnon..
Po mue kush ka me ma ba kafen oj Mrik tha baca i zemruem..
Cohu more vet e bane kafen se dreqi nuk ti ka hanger kamt..
Pse a tan ato varza i bana per me e ba kafen vet a? iu germuq Baca Gjet plakes tij..
Ato i kam ba un or plak matuf e jo ti ..tha Mrika e inatosun.
Une due dranden ktu..e coj zanin Baca gjet ..se vec ajo ma ban kafen e mir..e ti oj plak e keshe (keqe) ma ban me Elb..
E po un kafe 900 -dshe ku kam me ble me njat m-ut pensioni..pranej edhe at Kafen e Elbit boll e ke more shtrigan plak..thirri Mrika tan nerva..
Nuk ma ka pi mue Baba kafen e Elbit oj bija e drecit..briti Baca gjet e i gjujti ne mash kres Mrikes ..
Mrika dul jasht tuj bertit e tu mblodh krej katundi prej ulerimes saj..
I pari erdh Sokoli...sekretari i Partise...

Eh fukarallek....lol.


E sot mbas 15 vjet Demokraci..cka kena ma mir?

kurgja..