Bajram, pse i keni pre kumbllat?

[dodoni]

"Bajram, përse i keni prerë kumbullat?"


Enver Robelli

Një mbrëmje, pak javë pas përfundimit të bombardimeve të NATO-s dhe vendosjes së trupave të KFOR-it në Kosovë, një grusht shqiptarësh ishin mllefosur me një shkrim të një gazete gjermane. E përjavshmja nga Hamburgu "Die Zeit", kishte shkruar që në nëntitull të një reportazhi një fjali mbi identitetin shqiptar. Sa më shumë që pinin birra aq më të sinqertë bëheshin emigrantët e mllefosur të Zürich-ut. Në fund doli se asnjëri nuk e kishte lexuar shkrimin. Kishin dëgjuar vetëm fjalinë e lartpërmendur, e cila i kishte elektrizuar.
Kanë kaluar mbi shtatë vite qëkur lufta mori fund. Ditë më parë, derisa po shfletoja një libër të botuar në vitin 1999, prej tij befas rrëshqiti artikulli i "Die Zeit". Fleta e gazetës ishte zverdhur, por përmbajtja edhe sot është shumë domethënëse, siç tregon vetë fillimi i tekstit: "Për ta kuptuar punën me Shqipërinë e Madhe është mirë të flitet për kumbullat e Kukësit. (...) Ky qytet i vogël në veri të Shqipërisë ka qenë i njohur për kumbullat e thara. Ato silleshin me kamionë në portin e Durrësit dhe prej andej eksportoheshin në mbarë botën. Kumbullat ishin një nga ato mallrat e pakta, të cilat braktisnin vendin e diktatorit Enver Hoxha. Deri në vitin 1991 ishte ashtu. Atë vit u shkatërrua sundimi komunist. Në Kukës i prenë kumbullat. Vetëm pak ekzemplarë kanë mbetur, shumica janë zhdukur. Aty ku kanë qenë të mbjella, sot ka vetëm bar. Ka disa vite që asnjë kamion nuk shkon rrugës malore teposhtë për në Durrës me kumbulla të thara.

Rizani dhe Bajrami

Më 30 mars 1999, Rizan Krasniqi për herë të parë në jetën e tij erdhi në Shqipëri. Në Kosovë ishte luftë. Rizani dhe familja e tij katëranëtarëshe mblodhën plaçkat e domosdoshme dhe i hodhën në Mercedesin e tyre. Prej Nashecit, një katundi të vogël afër qytetit të Prizrenit, ata u arratisën në Shqipëri. Si shumica e kosovarëve edhe Rizani gjithmonë kishte dëshiruar ta vizitonte vendin amë - natyrisht në rrethana të tjera, jo i përndjekur nga milicët serbë. (...) Rizani kishte halle të tjera dhe jo aq kohë për ta parë Shqipërinë. Por, ai habitej me një gjë: këtu s'kishte më pemë, as mal, as gjelbërim, vetëm shkëmbinj të zhveshur, të mbuluar me shkurre. Matanë kufirit Rizani e gjeti një vend të zbrazët, të ndotur. Shqipëria ishte krejt ndryshe nga ajo që e kishte përfytyruar. Ndryshe nga ajo që e kishte treguar televizioni shtetëror i diktatorit Hoxha dhe i qeverive demokratike. Shqipëria iu duk Rizanit si një shkretëtirë kodrinore.
Ditën e dytë pas arritjes familja Krasniqi gjeti strehë në shtëpinë e Bajram Shehit. Bajrami banon në Gostil, disa kilometra larg Kukësit, në një rrafsh. Nga kopshti i shtëpisë Rizani kishte një pamje të mirë ndaj plantazhit të dikurshëm të kumbullave. Trungjeve të pemëve në distancë të rregullt u shihej koka mbi tokë si kryqe të një varreze të lënë pasdore. Për Rizanin kjo pamje ishte e dhimbshme, sepse në kopshtin e tij ai kishte pasur pemë. Ai i krasiste ato, që të rriteshin mirë, ua mbulonte trungjet, që kafshët të mos e hanin lëkurën. (...) "Bajram, përse i keni prerë kumbullat?", pyeste ai. - "Kjo ndodhi në vitin 1991 gjatë ndryshimeve" - "Po, përse?" Bajrami piu një gllënjkë raki dhe ia nisi një shpjegimi të gjatë. Pas pak Rizani nuk mundi ta përcillte më, aq përçudtshëm fliste Bajrami."

"Mala Recica" e Ali Ahmetit

Në rrjedhën e tekstit të "Die Zeit" enigma e prerjes së kumbullave të Kukësit, më në fund, zgjidhet. Bajrami tregon se pas rrëzimit të komunizmit dikush e kishte prerë një kumbull, pastaj ia kishin filluar të tjerët. Kjo assesi nuk do të thotë që komunizmi shqiptar ka qenë i mirë, së paku për t'i mbrojtur kumbullat. Në fakt komunizmi vetëm sa e kishte thelluar tëhuajtësimin e shqiptarëve andej dhe këndej kufirit.

Po sot, si qëndron puna me njohjen e ndërsjellë? I pafund është vargu i autobusëve me nxënës kosovarë që për çdo vit vizitojë Shqipërinë. Një profesor gjimnazi në Prishtinë tregon se nuk ka dëgjuar që gjatë këtyre shëtitjeve të jenë takuar nxënësit nga Kosova me moshatarët e tyre në Durrës apo Tiranë. Organizatorët e shëtitjeve të tilla ua prezantojnë nxënësve kosovarë Shqipërinë e librave të leximit: Skënderbeu, Kruja, Vlora - dhe fund! Ka edhe më keq: Deri më sot duket se asnjë shkollë e vetme nga Shqipëria nuk i ka sjellë nxënësit në Kosovë, së paku për ta parë Prizrenin, i cili - sikur të kishin pasur shqiptarët një elitë më të gjallë politike në fillim të shekullit të kaluar - sot do të ishte kryeqytet.

Kjo indiferencë manifestohet veçanërisht me shembuj nga shkrimet në mediet e Tiranës lidhur me shqiptarët jashtë Shqipërisë. Jo më larg se këtë javë në faqen e internetit ëëë.balkanëeb.com u botua një lajm me këtë titull: "Nga Mala Recica Ali Ahmeti paralajmëron Gruevskin...". Reçica e Vogël është një lagje e Tetovës, ku gjendet selia e partisë së liderit të shqiptarëve të Maqedonisë Ali Ahmeti. Muaj më parë kisha lexuar një tekst tjetër në një gazetë të Tiranës për qytetin Bitola. Në shqip ky është Manastiri. Pikërisht ai Manastir i alfabetit të gjuhës shqipe!
Kur do ta kuptojmë se me këto gafa është njësoj sikur të fillonim ta quanim Durrësin - Drac, Shkodrën - Skadar, Tropojën - Tropolje?




10/10/2006

marre nga shekulli

[skampin]

ketu ke neve patriotizmit i ka ngel ora.politika tv radiot dhe gazetaret po harrojne shqipen jo ma te kujtojne si e ka emrin e vertete (bikola) Manastiri.

[murik]

Leje Bitolen,po kumllat e porotkallet pse i prene shqipot?

[Pasiqe]

Pyet stranon se logjika eshte e njellojte me ate qe perdoren lacjanet per te shkaterruar uzinen e Superfosfatit.

Une nuk e kam kuptuar ndonjehere, po ndoshta strano po!

[skampin]

Leje Bitolen,po kumllat e porotkallet pse i prene shqipot?

per ta zhduk komunizmin nga rrenjet

[thorgal]

per ta zhduk komunizmin nga rrenjet

[skampin]

thua ta kete pasur me gjith mend KOZI???apo ja ke fut kot nderroje me greqisht te pakten

[thorgal]

po une s'di greqisht pastaj prandaj e kam shkruar qe te kuptojne edhe ata qe s'dijne greqisht se kush eshte ky shenjt , qe vetem kisha greke dhe dega e saj e njohin per shenjt
Po mund te lezosh me shume tek tema qe eshte hapur per Shen Kozmain ne forumin Toleranca fetare

[evertet]

Shqiptaret kishin nje urrejtje per gjithcka prodhohej ne kohen e komunizmit(sepse nuk i gezonin frutet)

Shteti psikopat komunist i shiste prodhimet bujqesore (falas) dhe blente torno e fabrika qe prodhonin asgje , e populli trajtohej me keq se kafsha me buke misri

Komunistet i ndanin frutet ne lloje "borgjeze" e "bolshevike"

Arrat,kikirikat, qershiat, frutet e verdha ishin borgjeze , ndersa misri,lulja e djellit,gruri etj ah se harrova pataten ishin bolshevike !!!!!!!!!!!!

Shkurt muhabeti populli nuk kishte besim ke shteti prandaj i preu kumbullat e portokallet e shiti tornot per hekur (e mir beri)

[Davius]

Gazeta Shekulli, paska be mire me botimin e ketij artikulli, por paska harruar se A1 TV-ja e xhaxhit Koços (po ashtu edhe Gazeta Shekulli eshte prone e ketij xhaxhi), ka bere keto gafe ne televizionin e tij.

Ja faktet! Citate nga lajmet:

Disa nga veprat që do të prezantohen, janë trupa ruse, me shfaqjen ?Mos më lër? të A. Dudarev, trupa e Bitolas nga Maqedonia, me ?Martesa? e Gogolit, shfaqja e kompanisë së Bajrush Mjakut ?Babai?, e Strinbergut, ?Një ëngjëll në katin e 11-të? e Milto Kutalit, shfaqja e Teatrit Kombëtar ?Drejt perëndimit? etj.

Burimi i lajmit: http://www.a1tv.al/index2.php?faqe=lajmi&lajmID=5733

Gjimnastike, Eriselda Selaj, 5 medalje në Turneun e Bitolës
Ka përfunduar në Bitola të Maqedonisë Turneu Ndërkombëtar i Gjimnastikës Artistike për të rinj dhe të reja. Në këtë turne të rëndësishëm ndërkombëtar është përfaqësuar dhe një ekip nga Shqipëria.

Burimi i lajmit: http://www.a1tv.al/index2.php?faqe=lajmi&lajmID=4464

Nese me tej vazhdon nga gazetaret shqiptare Manasatiri, qyteti i alfabetit, te thiret Bitola, ose Reçica e Vogël te thiret Mala Rečica, dmth te sllavizohen emrat e qyteteve shqiptare, edhe ne shume thjeshte do te perdorim toponime sllave si hakmarrje per qytetet në Shqiperi, si: Durrës - Drač, Vlorë - Valona, Shkodër - Skadar. Turp per gazetarine shqiptare! Ne nuk meritojme trajtim te tille nga ato, ato lere se kane mbushur me italianizma gjuhen shqipe, por tash po edhe e sllavizojne. Ligji i trete i Newtonit thote: Forca e aksionit eshte gjithmone e barabarte me forcen e reaksionit!