Vjeshtë Në Korçë

[SkenderRusi]

VJESHTE NE KORÇE



Kanë marrë zjarr bliret
nëpër rrugë!
Kthehu mbrapa ti shi,
zjarrfikës i keq!
Atje kam vendosur
që të digjem unë,
Ti ikë e krijo tjetër vjeshtë!


Unë s’jam i dënuar
si Xhordano Bruno!
As,si Galileu
s’jam marrë në pyetje!
Atje,te ato zjarre
që s’dua të shuhen,
Është gjë e bukur
të krijosh një vdekje!

10 tetor 2006

[eris]

pershendetje Brari. Dua te te them qe une jam lexuesi i pare i vargjeve te Skenderit ( dhe kur kam qejf me vjen te postoj ndonjeren ne forum). ec se po bejme paqe me nje tjeter poezi ( ku ka jete-vdekje) te Skenderit:

NJË FAJTOR PA FAJ

Dita e tij nis nëpër shtylla,
Duke parë fotot e njerëzve
të vdekur!
Fikson adresa,lagje, vila ,
(kostumin e zi ,gjithnjë
e mban veshur!)


Ai vdekjet i quan të bukura,
Se brenda tyre
janë edhe drekat(!)
Në gotën që i japin,
si nëpër ujra,
I hedh edhe i mbyt brengat!



Nuk di pse s’e urrej dot këtë njeri,
Që vdes për drekat
që vdekja sjell!
Që ndjehet i pikëlluar
çuditërisht,
Kur asnjë foto
nëpër shtylla nuk del !

23 tetor 2006