Studenti me mjekër, përjashtohet nga Universiteti i Durrësit
Studenti me mjekër, përjashtohet nga Universiteti i
Durrësit
Julian Mebeli thotë se i janë dhënë dy javë kohë për të
hequr mjekrën
http://shekulli.com.al/index.php?pag...&newsID=103160
Shekulli
Ende pa u mbyllur debati mbi një studente myslimane, e cila
u paralajmërua nga Universiteti i Durrësit se do të
përjashtohej, nëse nuk hiqte shaminë, një tjetër rast ka
hapur debatin nga e para. Rektori i Universitetit të
Durrësit, Agim Kukeli, ka paralajmëruar se do të
përjashtohet nga shkolla edhe një tjetër student mysliman,
i cili mban mjekër. Julian Mebeli, i cili është në vit të
parë në degën administrim-biznesi, tha se rektori e ka
thirrur në zyrë dhe i ka dhënë një afat prej dy javësh që
të heqë mjekrën, në të kundërt do të përjashtohet nga
shkolla. “Rektori më thirri në zyrë dhe më pyeti për
mjekrën. Ai më tha se nëse nuk do ta heqë mjekrën do të
përjashtohem nga shkolla, duke më lënë dy javë kohë”, tha
Julian Mebeli. Studenti mysliman që mban mjekër u shpreh se
kjo nuk është e drejtë pasi shkelen liritë e individit.
“Shoqëria jonë është një shoqëri civile që respekton të
drejtat e njeriut. Një rektor nuk mund të hartojë
rregullore, të cilat bien ndesh me rregulloret që ka
hartuar shteti shqiptar. E drejta e besimit është një e
drejtë e garantuar edhe me kushtetutë, kështu që nuk mund
të më mohohet e drejta e arsimimit”.- tha studenti Mebeli.
Vetëm pak ditë më parë, një studente myslimane në
universitetin e Durrësit, Behije Hoxha, bëri publik një
paralajmërim verbal të dhënë nga rektori i Universitetit të
Durrësit, Agim Kukeli, se do të përjashtohej nga shkolla
nëse nuk hiqte shaminë brenda dy javësh. Rektori e ka
bazuar kërkesën e tij në një kod të brendshëm etike të
Universitetit, i cili nuk lejon studentët me simbole
fetare. Julian Mebeli reagon edhe në mënyrë ironike, duke
vënë në pah se ky është një paragjykim i pavend. “Gjatë
kësaj kohe kam menduar për Marksin, i cili vendosi themelet
e ekonomisë botërore, Naimin tonë, e deri te Kadri Roshi e
Bujar Lako, që janë aktorë. Kam menduar se si ia kanë dalë
ata që kanë mbajtur mjekër”,- thotë studenti Mebeli.
Universiteti i Durrësit është hapur këtë vit dhe që në
momentet e para ka hapur një debat të madh në lidhje me
studimin në këtë Universitet të personave që mbajnë veshje
që reflektojnë një besim të caktuar fetar. Debati nisi me
paralajmërimin për përjashtim të studentes së Anglishtes,
Behije Hoxha, ndërkohë që ky nuk është i vetmi vendim i
bordit të këtij Universiteti. Vendimi i tyre është
kundërshtuar nga rektori i Universitetin të Tiranës, Shezai
Rrokaj, i cili tha se studentet e mbuluara gëzojnë të
drejtën për të vazshduar studimet edhe përse mbajnë shami.
Gjithashtu, në mbrojtje të vajzës ka reaguar edhe
Komuniteti Mysliman i Shqipërisë, i cili i ka kërkuar
rektorit të Durrësit zyrtarisht që të tërheqë vendimin dhe
të krijojë mundësinë e studimeve për studentët myslimanë.
Hapja e këtij debati u pasua edhe me një dëshmi të një
studenteje në Universitetin e Elbasanit, e cila tha se
ndihet e paragjykuar nga një pedagog për shkak të besimit
të saj.
Selim Muça
Kryetari i Komunitetit Mysliman, Selim Muça, u shpreh se
Universiteti i Durrësit duhet të krijojë mundësinë që
studentet myslimane të vazhdojnë shkollën. “Vajzat e
mbuluara me shami janë myslimane të vërteta dhe kanë të
drejtën e tyre të hyjnë në Universitete, t’i mbarojnë ato,
të fillojnë punë të administratën publike e institucionet
shtetërore, si gjithë pjesa tjetër e shoqërisë. Nuk mund
t’i privohet e drejta e vazhdimit të shkollës së larta
vajzave të besimit Islam që e kanë kokën të mbuluar me
shami. Në rastet kur në Universitete paraqiten femra me
fytyrë të mbuluar me perçe, pavarësisht transparencës së
saj, nuk mund të pranohen. Ky është mendimi ynë.”
Behije Hoxha
Debati mbi mbajtjen e mbulesës nga ana e studenteve
myslimane në universitet është nxitur nga një vendim i
rektorit të Universitetit të Durrësit, Agim Kukeli, i cili
paralajmëroi për përjashtim studenten, Bahije Hoxha.
Rektori i dha dy javë kohë vajzës për të hequr mbulesën, në
mënyrë që të vazhdonte studimin. Precedenti i studentes së
Universistetit të Durrësit nuk ka marrë ende një zgjidhje,
pasi vajza pretendon se qeveria i ka dhënë të drejtë.
Ministria e Arsimit nuk është shprehur në lidhje me
ngjarjen, ndërsa rektori Kukeli nuk ka deklaruar nëse i
qëndron vendimit apo është tërhequr.
Julian Mebeli
Julian Mebeli, i cili është në vit të parë në degën
administrim-biznesi, tha se rektori e ka thirrur në zyrë
dhe i ka dhënë një afat prej dy javësh që të heqë mjekrën,
në të kundërt do të përjashtohet nga shkolla. “Rektori më
thirri në zyrë dhe më pyeti për mjekrën. Ai më tha se nëse
nuk do ta heqë mjekrën do të parjashtohem nga shkolla, duke
më lënë dy javë kohë”,- tha Julian Mebeli. Studenti
mysliman që mban mjekër u shpreh se kjo nuk është e drejtë
pasi shkelen liritë e individit.
Paragjykimi
Një studente e Universitetit “Aleksandër Xhuvani” në
qytetin e Elbasanit thotë se një pedagog i Universitetit e
paragjykon dhe e provokon në lidhje me besimin e saj. D.Gj,
18-vjeçarja nga Elbasani thotë se një pedagog i saj i thotë
shpesh “më vjen keq për ty”. Vajza, e cila druhet të
identifikohet, thotë se është ankuar disa herë për
provokime nga ana e pedagogëve për besimin e saj. Duket se
ajo nuk është e vetme që ndeshet me këtë paragjykim, pasi
në Universitetin “Aleksandër Xhuvani”, 5 për qind e
studenteve janë të mbuluara me veshjen karakteristike të
besimtareve myslimane.
I lumt rektorit per spastrimin kimik dhe bioligjik te univerzitetit nga mbeturinat arabe
Edhe njehere, rrespekt per rektorin
Përgjigju Duke Cituar
Postuar më parë nga xfiles
Krijoni Kontakt