Largohen tre deputetë nga grupi parlamentar i BDI

[Llapi]

Flitet për takim të ri Gruevski-Ahmeti

Harun Ibrahimi



Ali Ahmeti, udhëheqës i BDi
Kryeministri maqedonas, Nikolla Gruevski ka shprehur gadishmërinë e tij që rishtazi të realizojë takim me kryetarin e Bashkimit Demokratik për Integrim Ali Ahmetin.

Gruevski dëshiron që të ndërmjetësojë edhe në uljen e tensioneve midis dy partive politike shqiptare, Bashkimit Demokratik për Integrim dhe Partisë Demokratike Shqiptare.

Gruevskit vazhdimin e dialogut politik e ka parë si të domosdoshëm, sidomos pas sugjerimeve të përfshira në raportin e Komisionit Evropian të publikuar javën e kaluar në të cilin disa herë partive politike në Maqedoni u tërhiqet vërejta, e sidomos qeverisë nga e cila kërkohet domosdoshmëria e zhvillimit të dialogut politik.

"Me Bashkimin Demokratik për Integrim do ta vazhdojmë dialogun. Unë kam biseduar me telefon me Zotin Ahmeti dhe kemi rënë dakord që rishtasi të takohemi, " tha Nikolla Gruevski.

Dialogu politik midis Nikolla Gruevskit dhe Ali Ahmetit nuk ka ekzistuar që nga përfundimi i zgjedhjeve në korrik të këtij viti.

Për herë të parë, me ndërmjetësimin e një organizate joqeveritare dhe të faktorit ndërkombëtar, Ahmeti dhe Gruevski u takuan para disa javësh.

Ftohja e raporteve erdhi pas formimit të qeverisë ku Nikolla Gruevski në kabinetin e tij qeverisës përfshiu Partinë Demokratike Shqiptare me më pak deputetë, përballë koalicionit BDI-PPD i cili fitoi më shumë vende në parlament.

BDI këtë e vlerësoi si shkelje të vullnetit të shumicës shqiptare në Maqedoni.

Po ashtu tensione politike shkaktoi edhe mosmiratimi i ligjit për policinë me votën e dyfishtë apo brendia e këtij ligji, që për partitë shqiptare në opozitë janë kundër parimeve të Marrëveshjes së Ohrit dhe interesave të shqiptarëve në Maqedoni.

Në Bashkimin Demokratik për Integrim nuk kanë përjashtuar mundësinë e takimit të liderit të kësaj partie, Ali Ahmetit me Nikolla Gruevskin, por siç kanë pohuar nëse në këtë takim shkohet me agjendë të caktuar për bisedime.

BDI është e interesuar që në takimin eventual të Ahmetit me Gruevskin të caktohen afatet kohore për miratimin e ligjit për përdorimin e gjuhës shqipe, të caktohen ligjet të cilat do të votohen me shumicën e votës së dyfishtë, zgjidhjen e statusit të pjesëtarëve të ish UÇK-së, apo përmbushjen e detyrimeve të cilat dalin nga Marrëveshja e Ohrit.

Ndërsa Gruevski dhe Ahmeti pritet të realizojnë edhe takimin e dytë të tyre, dialogu midis Bashkimit Demokratik për Integrim dhe Partisë Demokratike Shqiptare, në fakt Ali Ahmetit dhe Arbër Xhaferit duket gjithnjë e më i vështirësuar.

Mungesa e dialogut politik ndërshqiptar, sipas analistëve, i dëmton interesat shqiptare, ndërsa mungesa e dialogut të përgjithshëm politik i ngadalëson proceset integruese të Maqedonisë në strukturat euro-atlantike.

[miki_al2001]

se si i nderrojne partite keto te famshit deputete se kuptoj.po te dilte fadil profesori ne zgjedhje ne emer te pdsh as nje kokerr vote sdo ta merrte pervec familjes se tij duke pare se ne cilen zone doli kandidat.por profesori i" famshem "shfrytezoi emrin e bdi dhe fitoi deputet.kjo pra eshte arsyeja qe dikush lart tha skane te drejte morale te nderrojne parti.por ai se ka idene e ligjeve ska pergjegjsi ndaj atyre qe e votuan prandaj ben keshtu.