Gjermania:
“Më godiste me grushta e shqelma, më përplaste në dysheme. Më rrahu aq sa fëmija ynë kishte vdekur dhe këtë e mësova pasi shkova në spital në gjendje mjaft të rëndë”
Gjermani, ja dëshmitë e dy 18-vjeçarëve, protagonistë të një sherri familjar për çështje besimi
Vret fëmijën 8-muajsh në bark të nënës
Fillon procesi ndaj shqiptarit 18-vjeçar, që rrahu barbarisht të dashurën e tij gjermane, vetëm se nuk donte të kishte një bebe me një femër katolike
Bashkë me të dashurën, kishte rënë dakord që fëmijën ta mbanin. Më vonë, kur prindrit e tij kanë marrë vesh se bashkëshortja e djalit të tyre shqiptar ishte katolike, janë stepur. Madje, i kanë kërkuar djalit të tyre Agim I., 18 vjeç, që të ndahej nga ajo. Shqiptari i ka kërkuar disa herë të dashurës së tij Roza, po 18 vjeçe, që ta abortonte foshnjën që priste të dilte në jetë, megjithëse ishte 8 muajshe. Gjermania shtatzanë ka kundërshtuar, ndërsa i dashuri e ka rrahur barbarisht, deri sa fëmija ka vdekur në barkun e nënës. Të gjitha këto janë mësuar dy ditë më parë në gjykatën e Lübeck-ut (Lybek) në Gjermani, ku ka nisur procesi gjyqësor në ngarkim të 18-vjeçarit shqiptar Agim I. Ai ka pranuar gjithçka, por edhe nëse do mohonte akuzat, dëshmia e ish-të dashurës së tij, raportet mjeko-ligjore dhe ekzaminimet e foshnjes së vdekur në barkun e nënës, ishin prova vendimtare kundër tij. Ngjarja ka ndodhur 5 muaj më parë në qytetin e vogël Ahrensburg, afër Hamburgut dhe që në atë moment shqiptari është prangosur. Ndërsa seanca e parë gjyqësore e procesit ka qenë dy ditë më parë. Prokurori i çështjes e ka akuzuar të riun shqiptar për vrasjen e foshnjes në barkun e nënës, si dhe për keqtrajtim të vajzës 18 vjeçe.
“Unë jam katolike dhe isha në muajin e tetë të shtatzanisë. Agimin e zuri paniku, ngaqë fëmija ynë do të lindte me prindër të feve të ndryshme. Ai më kërkoi disa herë ta abortoja, por unë nuk desha”, ka thënë para gjykatësit 18-vjeçarja Roza. Sipas saj, një ditë ai ishte kthyer në shtëpi shumë i nevrikosur dhe ka filluar ta rrihte barbarisht. “Më godiste me grushta e shqelma, më përplaste në dysheme. Më rrahu aq sa fëmija ynë kishte vdekur dhe këtë e mësova pasi shkova në spital në gjendje mjaft të rëndë”, ka vijuar dëshminë e saj ish e dashura e shqiptarit. Edhe ky i fundit, ka treguar të njëjtin variant, ndërkohë që ka spjeguar dhe arsyet. “Kisha frikë nga familja që të kem një fëmijë katolik, pasi ne jemi myslimanë. Edhe im atë, kur e mori vesh, e kundërshtoi këtë gjë. ‘Nëse ti bën fëmijë me një katolike, do dalësh nga familja ime dhe nuk do kesh kurrë më punë me ne’, më tha babai”, mësohet të ketë treguar para gjykatësve në Lübeck 18-vjeçari shqiptar.
Tema
Pėrgjigju Duke Cituar
Postuar mė parė nga MATJAN
Krijoni Kontakt