Olldashi: Votoj Nanon president

[Humdinger]

Olldashi deklaron hapur mbështetjen për Nanon President. Berisha e la hapur mundësinë e Nanos pak ditë më parë

Olldashi: Votoj Nanon President

Fillon të marrë trajtë skenari i mazhorancës për të kaluar ngërçin e zgjedhjes së presidentit vitin e ardhshëm

Anila Rama

“Votoj Nanon President”. Deklarata e papritur e Ministit të Brendshëm, Sokol Olldashi u hodh dje në emisionin “Zonë e Lirë” në mesnatë. I pyetur nga gazetari Arian Çani a do ta votonte Fatos Nanon nëse Partia Socialiste do ta paraqesë si kandidaturë për president në zgjedhjet presidenciale të 2007-ës, ministri Olldashi pohoi me plot gojën se do t’ia jepte votën ish kreut të PS-së. Kjo deklaratë e ministrit të Brendshëm duket se vërteton zërat e kohëve të fundit, sipas të cilave maxhoranca do ta mbështesë Nanon për president me qëllim shmangien e vështirësive në zgjedhjen e presidentit dhe për pasojë zgjedhjet e parakohshme. Deklarata e Olldashit nuk duket spontane, pasi vetëm pak ditë më parë kryeministri Sali Berisha, nuk mohoi mundësinë e votimit të Nanos si president nga ana e maxhorancës. Berisha, i pyetur nga gazetarët, në raportin njëvjeçar të qeverisjes, la të hapur mundësinë e votimit të Nanos. Ai në mënyrë diplomatike u përgjigj se “unë e bëra detyrën time duke e nxjerrë nga dera Nanon, por Rama po e kthen nga dritarja”. Shtegu i lënë hapur nga ana e kryeministrit Berisha për mundësinë e zgjedhjes së Nanos në postin e Presidentit të Republikës, u përforcua mbrëmë nga deklaratë e ministrit të Brendshëm, Sokol Olldashi. Kjo ngjan me një skenar të maxhorancës për të rrëzuar skemën e opozitës e cila ka deklaruar vazhdimisht vendosmërinë e saj, për të mos dhënë konsensusin për zgjedhjen e Presidentit vitin e ardhshëm. Partitë e opozitës kanë nënshkruar një marrëveshje ku bien dakord për të provokuar zgjedhje të parakohshme, kur të vijë momenti i zgjedhjes së presidentit. Vetëm pak kohë më parë, ish-kryeministri Fatos Nano, është rishfaqur në skenën politike. Ai ka akuzuar kryetarin e Partisë Socialiste, Edi Rama, ndërsa ka mbajtur qëndrim të ngrohtë ndaj kryeministrit. Fatos Nano ka pasur vazhdimisht si synim, zgjedhjen e tij në postin e Presidentit të Republikës. Këtë, ai e ka artikuluar publikisht disa herë. Synimi i tij, ka qenë zgjedhja në këtë post që pas zgjedhjeve të vitit 2001. Skema e përdorur nga PS në atë kohë, i dha numrat e nevojshëm për të realizuar qëllimin, por opozita i kontestoi fort zgjedhjet si të manipuluara. Presioni i opozitës së atëhershme dhe i ndërkombëtarëve, detyroi PS-në e drejtuar nga Fatos Nano që të pranojë një kandidaturë konsensuale për president, që ishte Alfred Moisiu.



30/09/2006

Shekulli

[Homza]

E vetmja menyre qe Nano te votohet president nga maxhoranca eshte nqs behet votimi i hapur. Megjithate, nqs ky votim per president behet i fshehte ateher votat qe Nano do marri nga PSja do jen me pak se votat qe Berisha humb nga maxhoranca.

Megjithse zgjedhja e Nanos si president do ishte nje katastrofe per Shqiptaret mbare, sepse ai eshte nismetari i te gjitha te keqijave ne SHqiperi. Por mendoj qe opozita e sotit eshte shum her me e keqe dhe do perseriste te gjitha tmerret me te dhimbshme te shqiptareve nqs asaj i ecen fjala e saj primitive, qe do mohonte zgjedhjen e nje presidenti konsensual.

[PRI-LTN]

Populli voton Berishen qe te shporre Nanon e Berisha voton per Nanon qe te ruaje karrigen. Besoj se kuptohet qarte se sa shume mendojne per popullin keta politikanet tane. O popull, mos votoni me per keta palaco cirku qe kane 15 vjet qe tallin ****** me ne dhe mendojne vetem per xhepat e tyre.
Po te jete burre i mire ai Pellumb Qazimi, i fut nje grusht shteti dhe e mban pushtetin nja 5 vjet sa te riciklohet komplet klasa politike dhe pastaj te organizoje zgjedhje te lira. Vetem keshtu mund te shpetojme nga Berisha me Nanon.

[njemik]

o brari ti duhet te jesh i pari qe duhet te maresh armet e tja numrosh ne lule te ballit sali berishes
nuk ndihesh ndopak sikur ta kane futur
Po ju te tjeret qe skeni len gje pa shkruar per Nanon tani qe eshte vet berisha qe e mbeshtet si ndiheni..???
duhet hapur nje sondazh per kete teme..
po shkoj ta bej..

[Djal_Lacjan]

Do te ishte nje akt imoral nqs Kryeministri Berisha dhe mazhoranca do te zgjidhnin Fatos Nanon president. Do te ishte nje zhgenjim per te gjith dhe humbje fatale per Berishen ne politik. Per kto arsyje, nuk eshte e mundur ce Berisha te mbeshtes kandidaturen e Fatos Nanos per president. Kto prononcimet e Olldashit nuk jan gje tjeter vecse te bien percarje ne rradhet e opozites, mes forcave pro-Nano dhe pro-Rama.

[leci]

Jane te gjithe njesoj nga i pari deri tek i fundit politikanet tane.
Duhen shporrur te gjithe sepse jane pjelle e te keqes dhe asnjehere nuk kane menduar per popullin e shkrete.
Kane perçare popullin,po armiqesojne vellain me vellain per politike.
Ky eshte realitetit shqiptar dhe ta mohosh do te thote te luash me te ardhmen e kombit.
Nuk ka rrugedalje me Berisha,Nano,Rama sepse mendojne vetem per xhepat e tyre dhe te njerezve qe i lepihen perdite.
Duhet qe populli te marre ne dore fatin e tij perndryshe as per 100 vjet nuk do ta ngrejme koken nga pluhuri.

[DEN_Bossi]

O njerez. Po pse lodheni kot. Po eshte vendose kjo more. Tosi do behet president. Eshte i vdekur ky muhabet. Kjo eshte loja qe po ben Saliu, bashke me Tosin e me urdherat e te dexheneruarit RAMIZ komunistit. Phutttt kesaj politike te ndyre....

[Xhuxh Xhumaku]

Ne te shkuaren e afert pas-komuniste, Ramo na zgjodhi si rival Namikun, sa per te lare m.u.n.e me shurre, e ai te zgjidhej "demokratikisht" prezident.

Me pas, Sala as nuk e mori mundimin (mbase nuk ia mbajti) per te vene nje kandidature rivale.

Mbasandaj, me koncencuc, vane e vune Alfredin, duke menjanuar procedurat kushtetuese me ane te koncencucit, dmth duhet te kuptoni se konsensusi midis dy kapove eshte edhe mbi kushteture, kapish?

Po te jete se do te vihet nje kandidature tjeter perkraj Tosit, dhe votimi te behet sipas kushtetutshmerisht, gjasat jane qe te fitoje nje kandidat si Namiku, e jo Tosi, apo Ramo si ahere ne ato fillime

[Xhuxhumaku]

ESSE Nga Kabil Bushati-editor

KONTI I BENCES

Me ne fund,pas pesqind e pesdhjete vjetesh heraldika e aristokracise shqiptare merr tjeter konfiguracion. Ne relievin e saj shtohet edhe nje steme hijerende. Ajo e Kontit te Bences, Fatos Nano. Historianet kujtuan se kjo heraldike merrte fund me ate gjeneralit trim skenderbegian, Kont Uranit.Por historianet e mesjetes paskan gabuar.Heraldika shqiptare nuk paska vdekur, perkundrazi u ringjall fuqishem,tashti ne mileniumin e ri. Nje rast unikal ne bote. Ndaj historianeve,punonjesve te Muzeut Historik shqiptar,akademikeve, Ministrit te Oborrit te Naltmadhnise nuk u mbetet gje tjeter vecse te regjistrojne e te vendosin ne stende,stemen e cuditshme te kontit te fundit arberor.
Nje steme e thjeshte. Ne nje sfond roze,dy shpata te kryqezuara,mbi to nje shishe xhini ku shkruhet: PS do te fitoje...Asgje me teper.
Pa dyshim qe lexuesit do te pyesin. Perse konti yne ka marre mbiemrin e nje fshati te humbur te Tepelenes?Jane dy aresye. E para se konti ne fjale ka vuajtur rrumbullak kater vite te rrasta ne burgun famoz te Bences si i denuar ordinier per vjedhje ndihmash humanitare.Dhe e dyta,qendron ne faktin se Benca ka lidhje me historite e Ali Pashe Tepelenes,guvernatorit te Janines.
Dikush pyet se ku ndodhet tani Konti i Bences,Fatos Nano. Sonte ai ka braktise Shqiperine dhe ndodhet ne Monte Karlo e po luan kumbar si herojt e Stefan Cvajkut. Ne rulete ka vene shuma marramendese devize te blerte e si gjithnji me konteshen Xhoana po pi xhin. Ne njeren dore mban goten me lengun jetedhenes ndersa me doren tjeter shterngon te mbathurat e konteshes.Pasi sigurohet se asgje nuk ka ike nga shalet e konteshes,me gishtin e keputur tenton t’i gudulise piken erogjene G. Se konti eshte ashik. Bile qerrata ashik. E ka nise guiden qe ne Budva,per te vijuar ne Bari dhe sonte ka vendose qe t’i vije hakut konteshes ne qytetshtetin e Monte Karlos.
Nuk duhet te harrojme se ka qene per nje kohe te gjate udheheqesi i rozalinjeve shqiptar. Ai nuk mban mend se sa here ka qene kryeminister i Shqiperise. Bile edhe sikur shteti yne te hape nje konkurs dhe te jape nje shperblim per ate qe jep me saktesi te dhena se sa here Nanoja ka qene kryeminister,ma do mendja se askush nuk do te jete ne gjendje te jape pergjigje precize.Por nje gje mund te them me saktesi se qe nga viti 1990, Nano eshte bere kryeminister i shqiptareve, sa here i ka dashte trapi. Ka vjedhur e ka stervjedhur, po sa i ka dashte trapi. E ka nise karrieren me biciklete kineze grashe ne Institutin e Marksizem Leninizmit me drejtoreshe Nexhmijen dhe sot nuk di sa pare ka, nuk di sa vetura ka dhe nuk di sa autobuze e helikopterre disponon kontesha epshore. Pra kemi te bejme me nje Baltazar Kose te dyte.
Heroi i yne ka pase vetem nje fatkeqesi.Ka operuar ne Turqi organet e fshehta gjenitale, si me thene me shqip hallatet. Dhe ka mbete monokoqe. Pra,ne vesh mund te thirret edhe Konti Monokoqe.
Mirpo,si thojne nga Shkodra,cdo e keqe ka nji te mire mbrapa. Pikerisht se eshte monokoqe,ai i dhimbset kryeministrit aktual Berisha. Kesaj radhe,ndryshe nga kur ishte president ai eshte treeguar me zemergjere me Nanon.Nuk e ka fute ne burg per bemat e gjemat e tij.Nuk e nxorri ne pension. Perkundrazi e beri deputet te Sarandes. Packa se sarandjotet nuk e kane pa me asnjehere ne qytetin e tyre piktoresk.Deputeti Nano eshte shndrruar ne deputet korespondent e sarandjoteve nuk u ka mbete gje tjeter vecse te cmallen me fotografite e tij te vendosura ne postera ne fasadat e ndertesave.Nga Nano Saranda trashigon prej 15 muajsh vetem fotografine e tij.Se Konti Nano eshte edhe fotozhenik.
Ne te radhe,vjen nganjehere ne Shqiperi,hedh ndonji shashke tymce kunder Edi Rames qe i ka zene vendin e liderit te PS-se.blegerine dy a tri here dhe iken e merr dhene. Neper Europe e Azi.
Ka vetem nje enderr Konti yne i Bences.Te behet me cdo kusht President i Republikes.Presidenca eshte e vetmja kala qe nuk ka arrite te pushtoje Fatos Nano.Sepse vetem kjo zanat i ka mbete pa e bere.Te tjerat i ka provuar dhe ua ka pare hairin,si di vetem ai. Gojet e liga thojne se ka bere marreveshje me Berishen dhe vitin tjeter do te zgjidhet President.(Por si gjithnji,sic thoshte Molieri dikur: fjale Imzot,vetem fjale).Mirpo ne Shkoder thojne se ku asht za,nuk asht pa gja.Sepse Shqiperia me sa duket do te vazhdoje edhe nje dekade qe te drejtohet nga ish komunistet e konvertuar ne socialiste. Dhe i ndjeri Pjeter thoshte se, socialistet nuk jane socialista por specialista. Dhe,a ka kala qe nuk e marrin komunistat?
Gjithsesi deri ne pranveren e ardheshme,Konti i Bences do te vijoje vakancat jasht shtetit. I pa prekur ne asnje qime floku.Se eshte deputet. Dhe mandati i deputetit ne Shqiperi ka fuqi magjike,mund te vjedhesh ,mund te vrasesh e mund te mashtrosh dhe mos te te hyje asnji gjemb ne kembe.Sepse,jemi i vetmi vend ne bote ku hajdutodeputetat mbrohen me ligj...si monumentet e kultures.Nuk na mbetet gje tjeter vecse te presim nese do te realizohet profecia e Enver Hoxhes qe thoshte:a ka kala qe nuk marrin komunistat. Dhe Presidenca asht torra e fundit qe synon te pushtoje Konti i Bences.

gazetashkodra.

[thorgal]

ku eshte Nano ?

nga Shekulli

Doni një faj të Nanos? Ua futi ne gjak korrupsionin të gjithëve. I bëri të gjithë kandidatë për hajdutë. Ju duket gjë e vogël? Apo ju duket për të qeshur? Se sa e vogël dhe për të qeshur është, e dinë ata fukarenjtë që japin paratë e gjakut, për një vulë nëpër zyra a për një vizë në konsullata. Kaq kam për të thënë nga Fieri. P.S. Meqë ra fjala, dini gjë ju të “Shekullit”, ku është shoku Nano? Nuk e kemi parë më as në TV as në gazeta, që kur bëri ato deklaratat... Jo për gjë, po këtej nga Fieri janë bërë merak.... (Bujar -SMS në 0692061489)

I dashur Bujar! Me thënë të drejtën, është një nga pyetjet më të vështira që na kanë ardhur. Të gjesh Fatosin, nuk është shumë e lehtë! Nuk ka qenë e lehtë, as kur normalisht duhej të ishte në zyrën e Kryeministrit, në qendër të Tiranës, e jo më tani që ka një vit që luan hapa-dollapa. Gjithsesi, disa informacione mundëm ti mbledhim…Ish-kryeministri socialist, Fatos Nano, është parë në Montekarlo, dy ditë pasi lëshoi në median e Tiranës akuzat e tij për drejtuesit e partisë që ka drejtuar më parë vetë. Dy të rinj emigrantë shqiptarë (jetojnë në Paris) gjatë një vizite të tyre në kryeqytetin Monako, i kanë shkruar Shekulli-Kontakt nga adresa e-mail corneliuscanton@royalëinds.com. Ata na shkruajnë se e kanë parë ish-kreun e PS (i njohur për pasionin e tij për hotele luksoze dhe lojëra fati) nën shoqërinë e bashkëshortes së tij dhe të një personi të tretë. Edhe nga disa telefonata dhe vëzhgime që kryem pas këtij mesazhi, rezulton se Fatos Nano, është larguar nga Tirana pas deklaratave të tij. Ai nuk gjendet në zyrat e tij në Dy Kullat në bulevardin e Tiranës. Në PS nuk e njohin vendndodhjen e tij aktuale. Montekarlo, vendi europian me vetëm 2 km katror sipërfaqe dhe rreth 35 mijë banorë, njihet në Europë si parajsa fiskale dhe është vendi me kazinonë më të frekuentuar nga të pasionuarit prej kumarit. Pas Montekarlos, Nano është parë në Budva, qytet gjithashtu i njohur nga frekuentuesit e kazinove. Kurse dje, deputeti i Sarandës është parë në Bari të Italisë, ku ka festuar në fund të këtij turi edhe ditëlindjen e tij (ka lindur në 16 shtator ’52)
Pas një viti arratie, nuk dimë i dashur Bujar, nëse mund ta quajmë këtë periudhë si “zhdukjen e radhës” së ish-kreut socialist. Ajo që dihet me siguri, është që edhe gjatë viteve që ishte në krye të ekzekutivit shqiptar, Nano largohej shpesh në udhëtime të gjata private, shpesh pa lënë adresë. Destinacionet e tij, ishin zakonisht vende të njohura për jetë luksi. Në jo pak raste, deklaratat zyrtare në emër të tij, bëheshin nga staf i afërt në Departamentin e Informacionit. Dy nga arratisjet më mbresëlënëse të 54-vjeçarit Nano, janë ato të kryera në dy ditë tragjedish kombëtare. Në fund të vitit 2004, Nano dhe bashkëshortja e tij u fotografuan në një buzuk në Selanik, ditën që në Shqipëri ishte shpallur ditë zie kombëtare për viktimat e një aksidenti ku gjetën vdekjen 16 nxënës. Gjatë periudhës si kryeministër, Nano u filmua nga një kamera në aeroportin e Rinasit, duke u kthyer nga një udhëtim i gjatë. Ai qëndroi në Rinas vetëm 2 orë dhe më pas i hipi avionit për ta lënë sërish Shqipërinë, ndërkohë që në Tiranë sapo kishte nisur të hapej lajmi për mbytjen tragjike të një motoskafi të nisur drejt Italisë nga Vlora, ku humbën jetën 21 shqiptarë dhe u zhdukën trupat e 7 të tjerëve.