Kush ishin ballistët?

[Tepelenas_nr_1]

Kush ishin ata? Cfare qellime kishin? Cfare ben ne shqiperi? Kishin organizata te tyre? ..pra dua te dhena mbi ballistat ne se dikush di le te na i tregoj.

[alibaba]

Ballistat kanë pasë qëllim ta bëjnë Shqipërinë e madhe.Pas luftës së dytë botërore kanë qenë të përndjekur nga partizanët dhe komunistët, dhe këta që kanë qenë në Kosovë kanë qenë të detyruar të emigrojnë jashtë vendit në Greqi, Turqi etj.

[faiksmajli]

Ballistet kane qene atdhetare dhe kane luftuar per Shqiperine natyrale- as te madhe -as te vogel por, ajo qe ishte. Mirepo, populli shqiptar si gjithmone i percare ne shume grupe e organizata edhe gjate luftes Nacional-Clirimtare u perca ne Balliste dhe komuniste. Komunistet me ndihmen edhe te pushtuesve sllave qe ishin me te forte dhe kishin pretendime territoriale per tokat shqiptare qe pastaj mbeten nen ish-Jugosllavi i luftuan forcat balliste deri ne shpartallim.
Ne konferencen e Mukjes pra filloj lufta vellavrasese Ballisto-Komuniste.
Pas kesaj konference i nis tragjedia e kombit tone.
Ne dac plas ne dac mos plas.

[Brari]

Si shkruanin paraardhesit

"Besëlidhja" e politikanëve të falimentuar

Tajar ZAVALANI, Botuar më 1953

Bloku Indipendent gllabëroi Ballin Kombëtar", ky është lajmi më sensacional që kemi dëgjuar në këta tetë vjetët e fundit përsa i përket emigracionit politik shqiptar. Në mos e besoni, lexoni L'Albnie Libre të 1 Gushtit. Nën titullin "Besëlidhja Demokratike Shqiptare" ajo na lajmëron se "Organizata Balli Kombëtar" dhe "Bloku Kombëtar Indipendet" - dy parti politike shqiptare nga ato më influentet - u bashkuan vullnetarisht për një veprimtari të përbashkët në dobi të Atdheut të shtypur nga zgjedha sovjetike". Fletorja e paraqet këtë koalicion si një "rreze shpresëdhanëse që hap horizonte ma të mirë drejt së nesërmes". "Duke hapur horizontet ma të mirë" ky bashkim fton të gjithë që të hyjnë me barazi të drejtash në radhët e tija për t'i shërbye idealit patriotik". Pararelisht me shpalljen mbi formimin e "Besëlidhjes" është botuar edhe programi i saj. Ky program duket i frymëzuar nga një demokraci aq e kulluar sa që mund t'i vijë zili edhe një Anglezi. Kuptohet se udhëheqësit e organizatës së re nuk kanë ndër mend të restaurojnë në Shqipëri as kapedanat bajraktarë, as çifligjet feodale as edhe diktaturën totalitare me "fashion e liktorit". Ata duan: " të instaurojnë në Shqipni të lirueme nji regjim demokratik me frymë dhe trajtë oksidentale". Gjithashtu "Besëlidhja" do të pëpiqet të veprojë në mënyrë qi Shteti Shqiptar të shkojë mirë e të lidhi marrëdhënie miqësore me të gjithë fqinjët".
Mbasi i lexon të gjitha këto, njeriu fërkon sytë i hutuar. Si kështu ? Tetë vjet me radhë paskemi jetuar në errësirë dhe paskemi ndjekur rrugën e gabuar! Tani më në fund organizata e re do të na tregojë se si duhet te veprojmë për të shpëtuar Shqipërinë nga zgjedha komuniste. Por atëherë na kemi të drejtë të pyesim se cilët janë njerëzit që e drejtojnë këtë organizatë që po zotohet të na prijë drejt bashkimit dhe shpëtimit kombëtar. Mjerisht rreza e dritës që na premtojnë nuk shkon aq larg sa të ndriçojë edhe këtë aspekt të organizatës se re demokratike e pan-shqiptare. Mbi këtë pikë esenciale organi i "Blokut" mban nji heshtje kuptimplotë. Por në shpalljen mbi formimin e "Besëlidjes" gjejmë një vërejte që e paraqet "kët koalicion parish me influencë" nën një dritë më realiste. L'Albanie Libre shkruan se kemi të bëjmë me një formacion të ri personalitetesh që kanë ndjekës në të gjithë Shqipërinë, nga Vermoshi në Konispol. Kështu të pakën dijmë se ku jemi. Titujt e kumbuarshëm, deklaratat solemne janë sa për sy e faqe. E vërteta është se kemi të bëjmë me një grup personash, një grup politikanësh të falimentuar, që duan të lozin role duke u paraqitur si demokratë te bindur e pa njollë.
Por kush është ai Shqiptar me mend në krye që mund t'u shkojë mbrapa këtyre njerzve duke ditur të shkuarën e tyre? Sa për antarët e Blokut, veprat e tyre flasin vet dhe rrallë kush mund të ketë iluzione mbi ata si udhëheqës politik. "Organizata Balli Kombëtar" që është çkrirë me Blokun është Ali Këlcyra me disa të tjerë që nuk çojnë kandar. Ky fakt vetëm mjafton që t'a dënojë në sytë e çdo Shqiptari që nuk është verbuar nga ambicja personale ose cmiret partizane. Ali Këlcyra doli me bajrak kundër Ballit Kombëtar ditën që e dëbuan si klikar.
E pranojmë se politika është një zanat i vështirë dhe nga një herë jo shumë i pastër. E pranojmë se njeriu që merret me politikë dhe sidomos me politikë shqiptare në shekullin tonë mund të bëjë gabime, mbasi nuk gabon vetëm ai që nuk vepron. Por nuk mund të thonë se u gabuan ata që thirrën Musolinin të zaptojë Shqipërinë me 100,000 ushtarë, me topa dhe me tanke. Njerës që kanë bërë të tilla "gabime" nuk duhet të kenë të drejtë të dalin përsëri në mejdan për të lojtur rolin e prijësve të kombit. Ajo që mund të bëjnë ata, është që të lajnë gjynahet e tyre individualisht dhe të përpiqen t'i shërbejnë kauzës kombëtare duke punuar si ushtarë të thjeshtë, por jo të paraqiten si një organizatë politike duke thirrur popullin të bashkohet rreth tyre.
Populli shqiptar nuk mund të ndjekë me politikanë të cilët janë si kameleoni dhe heqin vallen mbas avazit të regjimit që është në fuqi: fashist me fashistët, demokrat me demokratët. Gjithashtu, populli shqiptar nuk mund të ndjekë "personalitete" që kanë ndjekës "nga Vermoshi në Konispol". Ka ardhur koha që politikën e bazuar në persona e në tradita, në velinimete, në oxhakë e në bajrakë, t'a zavendësojnë me politikën e bazuar në parime, në parti e në programe. Mbas gjith vuajtjeve të tmerrrshme që ka pësuar në dhjetë vjetët e fundit dhe që po pëson edhe sot, populli shqiptar nuk mund të ketë si ideal kthimin në status quo të dënuar nga historia dhe nga moraliteti më elementar. Demokracinë dhe drejtësinë shoqërore duhet t'a zbatojnë në Shqipërinë e liruar ata që kanë besim në këtë ideal politik dhe social. Kurse mënyra e themelimit të vet-thënës "Besëlidhje Demokratike Shqiptare" është prova më e mirë se autorët e saj e kanë sajuar si një manevrë politike. Për shqiptaret ajo do të ketë së paku një të mirë. Konfuzioni që mund të ishte krijuar në mendjen e disave duke parë Ali Këlcyrën si eksponent të "Organizatës Balli Kombëtar" do të zhduket. Tani e tutje opozita kundër Komunitetit Kombëtar do të paraqitet nën flamurin e atyre që kanë bashshkëpunuar me fashizmin. Atmosfera politike u kjarua dhe dijmë se ku jemi. Që t'a themi popullorçe: "u rrokullis tenxherja dhe gjeti kapakun".

tirana observer

[murik]

Ballistet ishin ata qe kishin pasuri,por e shkrine ate per interesat e kombit,ndersa komunistet ishin disa morracake,cobenj dhish qe i moren popullit c'do gje,deri piken e fundit te gjakut.

[shoku_tanku]

Ore qe ballistet ishin njerez normale dhe si gjithe Shqiptaret e tjere,kete se luan as topi;per tu dhene nje shembull konkret,dua tju tregoj se gjyshi im ishte partizan ndersa vellai i tij ishte ballist.Kjo s,do te thote se ai ishte i perzier ne krime si disa persona te vecante "anetare te ballit kombetar".Me vone ai u deklarua si i genjyer dhe kaloi me forcat partizane.Shkoi deri ne Fishegrad me forcat e ndjekjes.....gje qe kishte shume partizane qe nuk e bene.Ja pra qe edhe ballistet kane luftuar per vendin e tyre po aq sa edhe partizanet....ata u konsideruan si bashkepunetore te armikut jo sepse bashkepunuan vertet me gjermanin por sepse ishin kunder sistemit komunist "kjo eshte e verteta"

[eagle's son]

ne historine qe na kane ofruar deri me tani, ballistet ishin nje grup qe ne fillim dolen si atdhetare e pastaj si tradhetare, kuptohet jo te gjithe

derisa te provohet e kunderta nuk merrem me llafe
e kane fjalen historianet e akademise por edhe ata... te forumit

[PRI-LTN]

Ballistet....kofsha pule neper dure, lugen ne brez, qylafin ne koke, vidh mish ketu e kukurrec atje, ha si derra, hahahaha. Edhe hunda e Kananit.

E hongren dhe ata, e hongri dhe trimi.

Keshtu na ka mesuar xhaxhi Enveri, por e verteta nuk eshte keshtu.

Sikur pushtetin pas '45-ses ta kishin marre ballistat, Shqiperia sot, pa diskutim qe do te ishte Zvicrra e Ballkanit.

[ardi_truss]

Tani qe mos i ngaterojme gjerat...Po flasim per anetaret e Ballit Kombetar apo per ndonje ballist koti qe ju genjye mendja me ndonje pare dhe doli per ca dite ne lufte?Dhe nga ana tjeter ...Po flasim per partizanet apo po flasim per komunistat se spo e mar vesh?

[alibaba]

Partizan=komunist
Balli kombëtar=ballist