Rreziku i Fondamentalizmit

[NoName]

Rreziku Islamist

STUDENTET E FESE

Shqiptarët që studiojnë në Riad të Arabisë Saudite: Do kthehemi në Shqipëri, të rinjtë do zgjidhin problemet e komunitetit. Ne s'jemi terroristë, por besimtarë

"Ne, studentët shqiptarë në Arabinë Saudite"


--------------------------------------------------------------------------------

Nga Arabia Saudite, Altin Kreka


RIAD

Shtëpia e Muratit Bashës është rreth 15 minuta larg qendrës së Riadit. Në një lagje gjysëm në ndërtim me vila të të mëdha. Ai na ka ftuar që ta vizitojmë familjen e tij dhe ku na presin edhe studentë të tjerë shqiptarë në Arabinë Saudite. Murat Basha, ish-imam i një xhamie në Tiranë jeton prej disa vjetësh në Riad. Bashkëshortja e tij Suzana është studente dhe familja është shpërngulur nga Tirana në Riad bashkë me tre fëmijët për ti dhënë mundësi Suzanës që të përfudojë studimet. Me profesion është mekanik, "marr vesh edhe nga elektriciteti", thotë Murati, i cili aktualisht nuk punon, statusi me të cilin ndodhet në Riad të Arabisë Saudite nuk e lejon të punojë. Në Riad ndodhen mbi 20 studentë në Media janë akoma më shumë, dhe të gjithë studiojnë për teologji, ndryshe nga Riadi ku ka edhe studentë për informatikë, gazetari apo mjekësi. Shtëpia e Muratit, një ndërtesë dy katëshe është e rrethuar me mure të larta mbi dy metër ashtu siç është çdo vilë në këtë qytet. Duket se arabët kujdesen që vështrimet e te huajve të mos hyjnë në shtëpitë e tyre. Dritaret janë të vogla dhe të mbuluara me perde të trasha në të gjitha shtëpitë vila. Në palate jetojnë vetëm emigrantët dhe të varfërit.
Pranë familjes mikpritëse të Muratit në atë shtëpi të madhe jetojnë edhe disa familje të tjera shqiptare pothuajse të gjithë studentë nga Shqipëria dhe Maqedonia. Në hyrje të shtëpisë është ndalur makina e Abdullah El-Muhjedib, saudit përfaqësues dhe një nga drejtuesit e organizatës së rinisë botërore islamike me qendër në Riad. Ai thotë se ka qenë shpesh në Tiranë dhe ka qëndruar në një shtëpi në Sauk. Studentët shprehen se Abdullah është pro shqiptar dhe vetë ai nuk e fsheh këtë fakt. Abdullahi tregon për ditët e tij në Shqipëri si dhe për shumë të njohur. Ai shton se nuk ka patur asnjëherë probleme me shtetin apo policinë. Abdullahi qëndron pranë 20 studentëve shqiptarë që janë në Riad. Ai rri ulur në krye të dhomës dhe duket se është shumë i respektuar nga të gjithë shqiptarët në Riad, por jo vetëm prej tyre. Ai ka udhëtuar shumë në fillim të viteteve 90 në të gjithë vendet europiano lindore. Qëllimi duket se ka qenë organizimi i rinisë islamike.
Darka e mirëseardhjes në shtëpinë e Muratit serviret siç thotë ai "shqiptarçe". "S'kemi tavolinë tani dhe kështu që do qëndrojmë ulur në gjunjë". Të gjithë rinë këmbëkryq dhe ndjehen shumë komodë, ndërsa serviren ushqimet me bukën tradicionale arabe. Traditat arabe dhe shqiptare janë përzierë. E zonja e shtëpisë është kujdesur për gjithçka por ajo nuk duket në dhomën e modeluar me shije orientale. Mënyra e jetesës sipas Kuranit dhe traditave të reja bën që gratë e shtëpisë të mos duken asnjë moment në ambjentet ku rrinë meshkujt. Ky rregull ishte absolut në Arabinë Saudite dhe vetëm në disa vende të rralla publike si femrat dhe burrat përziheshin me njëri-tjetrin. Vetëm fëmijët janë aty, Murati kujdeset për gjithçka që ka të bëjë me shtrimin e darkës apo mikpritjen. Ylli Buraliçi nga Shkodra, 28 vjeç i martuar dhe me dy fëmijë, (djem binjakë), thotë se në Medina janë mbi 50 studentë shqiptarë. Ai vetë studion për teologji. "Ka studentë për gjuhë arabe, teologji, informatikë, ekonomi e gazetari", tregon Ylli. "Në Universitetin e Tiranës nuk kemi vetëm teologjinë, pse duhet të vijmë këtu për informatikë apo ekonomi kur këto degë janë edhe në Shqipëri", shton ai duke buzëqeshur dhe duke rregulluar mjekrën e zezë e të gjatë që i rrethon fytyrën. Ai ndodhet prej 6 vjetësh në Riad bashkë me bashkëshorten e tij shqiptare. "Do kthehem në Shkodër, të jap mësoj nxënësit atje me mësimet e Kuranit"-Ylli- flet me pasion për mësimet e Kuranit dhe e krahason atë me librat e tjerë të shenjtë duke thënë se "Kurani është i vetmi që s'ka ndryshuar, ndërsa bibla ka ndryshuar. Muhamedi është profeti i përjetshëm ndërsa Isai (Jezusi) dhe profetët e tjerë ishin të përkohshëm". Preferenca e tyre është debati për fenë. Ylli është në gjendje që të përmendë vargje të tëra nga Kurani për të shpjeguar edhe fenomene shkencore. Ai është në vitin e fundit të studimeve për teologji dhe tregon se ka ndërmend të kthehet në Shkodër për të dhënë mësim në Medresenë e qytetit. "Ne duhet të zëmë vendin tonë, të vjetërit që drejtojnë komunitetin musliman janë të parsimuar. Njerëzit me dije duhet të drejtojnë këtë komunitet", thotë Ylli.
Ata janë të shqetësuar sepse shpesh kanë dëgjuar që ti quajnë terroristë. "Thonë se stërvitemi në kampe ushtarake. Kjo s'është e vërtetë, ju na shikoni vetë. Ne jemi në shkollë dhe studjojmë shumë", thotë Redin Latollari, korçar. Shumë nga studentët shqiptarë që jetojnë në Riad banojnë në konvikte ndërsa familjarët nëpër shtëpi të veçanta me trajtohen shumë mirë.
Redini mban mjekër të gjatë dhe veshje europiane ashtu si gjithë studentët shqiptarë në Arabinë Saudite. Eshtë i interesuar të mësojë për jetën e hebrenjve në Izrael, pyet nëse ndokush ka qenë atje. Ylli me humor thotë se ka dëgjuar se hebrenjtë ushtrimet matematikore në shkollë për fëmijë. I kanë pak të ndryshme, "Kam dëgjuar se u thonë fëmijëve në shkollë: Kemi 10 muslimanë vrasim 3. Sa muslimanë mbeten? Dhe pastaj qesh.
"Ne kemi patur probleme", thotë ai. Sa herë ktheheshim nga Riadi policët e Rinasit silleshin keq me ne. Bëmë protestë pranë ambasadorit tonë në Arabinë Saudite dhe tani situata ka ndryshuar. Së fundi në Rinas janë sjellë shumë mirë. Pasi u ktheva nga Riadi, një oficer i policisë kriminale në Tiranë më kërkoi që ta shoqëroja dhe më pyeti për shumë gjëra që lidheshin me Arabinë Saudite dhe se çfarë bëja unë këtu. Pastaj më la të lirë duke më thënë me mirësjellje nëse kisha ndonjë shqetësim". Murati, nuk pranon që të ketë patur ndonjë problem kur është kthyer në Tiranë. "Unë vij shpesh e s'më ka ndaluar njeri. Ylli thotë me shaka se shpesh herë e kanë quajtur terrorist, "ne s'jemi terroristë por besimtarë. Na shohin me mjekra, por jo s'tregon terrorizëm. Besimtar i mirë nuk është ai që mban kuranin në xhep dhe bombat në brez". Studentët shqiptarë të Riadit janë të pakënaqur me mënyrën se si trajtohen në Shqipëri, jo vetëm nga autoritetet por edhe nga njerëzit. Redini tregon se në Korçë ka patur probleme me një gazetare që shkruante keq për komunitetin e tyre. Ai tregon edhe për një incident në qytetin e tij kur një nga të rinjtë e bashkësisë islamike kishte goditur me një shihe plastike disa misionarë kristianë, mbase evangjelistë, që po kalonin pranë xhamisë së tyre. "Ata na u kthyen dhe na thanë terroristë. Ne i sqaruam", tregon Redini duke thënë se ishte një keqluptim nga një njëri i pamatur. Murati tregon se në xhaminë ku ai kishte qenë imam për disa vjet, pranë Oxhakut në Tiranë, kishin patur probleme me një nga të rinjtë i cili i fyente dhe ata e zgjidhën duke i dhënë një mësim të mirë.
Studentët e Riadit nuk janë shumë të gatshëm të flasin për çëshjet që lidhen me terrorizmin apo për mënyrën e jetesës në Arabinë Saudite dhe më pas në Shqipëri. "Kjo s'është traditë, Kurani na mëson…." shpjegon Ylli kur biseda bëhet rreth grave, mbulimit të tyre me veshjen e quajtur abaja, një fustan I zi dhe një shami e zezë me të cilën mbulohej tërësisht fytyra.
"Gruaja ime është shkodrane, ka qenë studente në Siri e më pas u martuam, që kur u martova ajo rrinte e mbuluar", tregon Ylli. Ai shton se tani është 28 vjeç dhe është martuar 22 vjeç. Tani ka dy djem binjakë, Zejdin dhe Ahmedin, të cilët flasin shqip dhe arabisht.
"Kur të rinjtë studentë të kthehen në Shqipëri shumë gjëra do të ndryshojnë", thotë Murati. Ai shpjegon se zjarr se ata s'kanë lidhje me terroristët dhe se Kurani i mëson që të respektojnë të tjerët. Sipas Yllit në Tiranë ka shumë probleme sepse shumë drejtues të fesë nuk kanë shkollimin e duhur. Këta në përgjithësi janë të vjetrit. Ylli thotë se të rinjtë që po studjojnë në vendet arabe për teologji do të zënë vendin e tyre në komunitetin musliman në Tiranë për të mos lejuar më sherre dhe përplasje si ato që po bëhen tani për çështje pronash apo edhe të tjera. Do zgjidhen me kohë. "Ne do kthehemi të gjithë në Shqipëri", thotë Ylli. Ai ka edhe një vit studime dhe më pas do të kthehet pranë familjes së tij në Shkodër. Ylli para se të niste studimet për teologjinë e gjuhën arabe ka qenë shumë i njohur në Shkodër sepse ishte kitarist dhe pjestar i një orkestre që luante nëpër dasma. "Tani kam gjetur rrugën e drejtë", thotë Ylli. Marrdhëniet e komunitetit të vogël shqiptar janë shumë të mira mes tyre. Ata përmendin shpesh herë se festën e pavarësisë e kaluan të gjithë së bashku në hotel Sheraton në një pritje të organizuar nga ambasada shqiptare ku kishin ardhur edhe përfaqësues të familjes mbretërore atje.


Studentët marrin shtëpi dhe bursa nga shteti

Një student shqiptar në Riad duket se trajtohet shumë herë më mirë se shumë studentë të tjerë në Shqipëria apo në botë. Familjarët janë të strehuar në shtëpi të veçanta me shumë hapësirë dhe qeratë i paguan shteti. Njerëz të pasur,(në Riad janë të shumtë) ju dërgojnë ushqime, veshje apo edhe ndihmë tjetër duke e lehtësuar shumë jetesën e tyre nëpër këto vila dykatëshe. Veç kësaj ata marrin rreth 250 dollarë për një person në muaj nga shteti. Sipas studentëve kjo shumë përdoret shumë pak sepse ata nuk kanë shpenzime. Riadi nuk ofron ndonjë jetë sociale të konsiderueshme. Në këtë mënyrë edhe vetë studentët nuk shpenzojnë shumë. "Ndonjë gjë të vogël apo dhurata për njerëzit e familjës kur të kthehemi", thotë Ylli Buraliçi nga Shkodra.


Arabia Saudite, zemra e Islamit

MEKA - Qyteti i shenjtë i Mekës duket se është një ëndër për miliona muslimanë që duan të bëjnë periglinazh atje. Meka është edhe zemra e Islamit. Autoritetet e Arabisë Saudite dhe familja mbretëtore kujdesën më së miri që imazhi i vendit të tyre dhe vendeve të shenjta të jetë sa më i mirë. Meka e shenjtë është shumë larg nga Riadi por vetëm pak minuta larg Xhedah, një qytet bregdetar industrial shumë më i hapur se Riadi që është në qendër të shkretëtirës saudite. Periglinët shkojnë pa pushim në këtë vend të shenjtë kur nuk lejohet të filmosh apo fotografosh. Ndjenja e thellë fetare reflektohet kudo. Gjithçka në qytet dhe objektet e kultit duket se është në funksion të Islamit. Rregullat janë tepër strikte në këtë qytet. Femrat s'duhet të zbulohen asnjë çast dhe praktita fetare duhet respektuar. Në të kundër mos shko. Kjo është këshilla që jepet për këtë vend të shenjtë. Por Arabia Saudite nuk është vetëm një vend periglinazhi për muslimanët. Kryeqyteti dhe disa qytete të tjera duket se janë ndërtuar nga njerëz modernë. Nafta është burimi i gjithë pasurisë së madhe të këtij vendi ku ndodhen burimet më të mëdha të arit të zi si dhe kompania më e madhe e botës për nxjerjen dhe përpunimin e naftës, Aramco. Paratë e mbledhura nga nafta kanë bërë që Arabia Saudite të jetë një nga vendet më të zhvilluara të Lindjes së Mesme por edhe më shumë se vendet europiane. Kjo duket gjithkund. Infrastruktura është në standartet më të larta. Në Riad rrugët, ndërrtimet dhe gjithçka tjetër i ngjan një qyteti amerikan ku jetojnë arabët. Vendasit, apo siç duhen ndryshe, sauditët, janë shumë krenarë për etninë e tyre, traditat apo standartin. Pothuajse të gjithë bëjnë punë të lehta. Punëtorët e vertëtë në këtë vend janë emigrantët. Mbi 7 milionë në të gjithë vendin, kryesisht nga vendet islamike si Egjipti, Sudani, Bangladeshi, por ka shumë indianë apo edhe nga vendet afrikane si dhe filipinas. Të huajt mbajnë veshje europiane ndryshe nga arabët që pothuajse gjithë kohës qëndrojnë me shamitë në kokë dhe veshjet e gjata deri në fund të këmbëve. Zemra e Riadit duket se është kulla në mes të qytetit dhjetra metra e lartë dhe që ka kushtuar rreth 18 miliardë dollarë. Kulla me urën e qiellit sundon në kryeqytetin e Arabisë Saudite. Qyteti me disa milionë banorë është në mes të shkretëtirës. Makinat luksoze, shtëpitë e mëdha, gratë e mbuluara dhe ndarja e shoqërisë në femra e në meshkuj është përshtypja e parë që i lë çdo të huaji ky vend. Vendet ku femrat dhe meshkujt janë tregjet. Festivalet me garat e kuajve apo gamileve bëheshin të ndara. Disa ditë vetëm për burrat dhe disa ditë vetëm për gratë. "Gruaja kështu është e mbrojtur", shprehen vetë arabët. Arabia Saudite kishte përballuar disa sulme rresht të terroristëve ku ishin vrarë shumë njerëz. Institucionet kryesore por edhe vendqëndrimet e të huajve ishin super të ruajtura nga forcat e sigurisë. Autoblindat e ushtrisë dhe njerëz të armatosur qëndronin në çdo rrugë që të çon pranë areoportit, ministrive, televizioneve, gazetave apo ndërtesa të rëndësishme dhe pallateve të familjes mbretërore. Ndërkohë vetë kjo e fundit ndodhej në një situatë kur mbreti ishte sëmurë dhe princi i kurorës dhe komandati i Gardës ishte njeriu më i fortë në vend. Familja mbretërore ka rreth 10 mijë princë e princesha që janë pasardhës së mbretit Abdul Aziz Bin Abdul Rahman Al -Saud që krijoi Arabinë Saudite në fillim të shekullit të kaluar.

[Zana e malit]

Kjo del që studentet që studijojnë fenë Islame paraqesin RRezikun Islamist?

Kështu e kuptova unë!

[buki19]

No Name,eshte e pa mundur qe postimet tua mos te permbajne fyerje dhe urrejtje ndaj islamit dhe muslimaneve ne pergjithesi.Duke marr parasysh qe islami lindi pas krishterimit nuk besoj qe ne doktrinen e tij eshte qe te urrehet islami,prandaj logjikisht po ngel qe kjo eshte bindja jote shum subjektive dhe
paragjykimet e pa baza.Por te din se me kete asnje grime smund ta c'vlereson islamin e as te ngrisish krishterimin.Perkundrazi.

[xfiles]

Une kujtova ç'ne NoName qe lavderon Islamin?!!!
Nuk pashe asnje rrezik tek shkrimi, perkundrazi nese disa djem shqiptare studiojne teologji ,shume mire, nuk ka asgje te keqe, edhe une kam qene nje student islami dikur dhe nuk mund te them asgje per ta.

Vetem nje gje uroj une, qe kur te kthehen ne shqiperi te mesojne islamin njerezve dhe jo menyres se si luftohen jo-besimtaret.

[Zana e malit]

Une kujtova ç'ne NoName qe lavderon Islamin?!!!
Nuk pashe asnje rrezik tek shkrimi, perkundrazi nese disa djem shqiptare studiojne teologji ,shume mire, nuk ka asgje te keqe, edhe une kam qene nje student islami dikur dhe nuk mund te them asgje per ta.

Mos të dalim teme, megjithatë duhet ta kuptosh eks, se nëse lavdërohet diçka (sipas teje) nuk mund që titulli i temës të ishte "Rreziku...", e pra, në këtë rast, njerëzit duhet të lexojnë me mend e jo me sy, pra siç thuhet ndryshe "të lexohet mes reshatve" për atë se ç'qëllim ka hapja e një teme të tille, me titull të tillë!!!

Paqe
zEm

P.S. Nuk ma merr mendja ti të keshë qenë student Islami, kjo qe nga ana yte, sa për të hapur një debat këtu mes anëtarëve

[xfiles]

P.S. Nuk ma merr mendja ti të keshë qenë student Islami, kjo qe nga ana yte, sa për të hapur një debat këtu mes anëtarëve

Paqe,
edhe pse nuk ta ha mendja nuk do te thote qe nuk kam qene.
Nuk shoh se si mund te hap debat kjo gje.

[NoName]

Rekrute shqipetare ne celulen e londres

"THE OBSERVER"/ FAJTORE PER ATENTATET NE STAMBOLL

Rekrutë shqiptarë në grupin islamik
Anglezët zbulojnë organizatën terroriste


--------------------------------------------------------------------------------

"The Observer"


Londra, Milano, Vjena, Hamburgu, Berlini. Këto janë vetëm disa nga vendet ku janë shtrirë tentakulat e organizatës së re terroriste islamike, e cila mendohet se ka lidhje me Al Kaedën dhe Osama Bin Laden, por vepron e vetme. Objektivat me të fundit të këtij rrjeti kanë qenë Konsullata Britanike në Turqi, filiali i një banke agleze dhe dy sinagogat, në një metro turke, njoftoi pak ditë më parë gazeta britanike "The Observer". Truri drejtues është një jordanez 37-vjeçar Abu Musab Zarqawi, që përveçse është një përfaqësues i terrorizmit saudit, ka edhe lidhje me Bin Ladenin. Ata që zbuluan këtë orgaizatë kanë qenë policia italiane në bashkëpunim me homologët e tyre britanikë. Disa të dyshuar për terrorizëm janë arrestuar në Britaninë e Madhe, ndërsa në kampin amerikan në Guantanamo mbahen peng akoma 9 qytetarë britanikë të kapur në Afganistan. Ndërkohë, të shtunën e kaluar policia angleze ka arrestuar në veri të vendit një algjerian i dyshuar si anëtar i grupit të Al Kaedës. Dokumentet që burri i kishte lënë nënës së tij tregonin se ai ishte në përgatitje për një sulm vetëvrasës në një nga aeroportet londineze. Ky rrjet udhëhiqej nga Abu Musab Zarqawi, aktualisht në Iran dhe Irak. Ndërsa njëri nga drejtuesit në vend ishte një kurd irakien i njohur si Fuad, që stërviste në Siri vullnetarët vetëvrasës, të rekrutuar në vende të ndryshme të Europës dhe të mbledhur në qendra nevralgjike të Londrës. Lidhja e tij me Zarqawin mund të jetë bërë në vitin 2002. Një arab i paidentifikuar, i ardhur nga Gjermania, kishte bërë një vizitë në Milano tek egjiptiani Abu Omar, Imami i Milanos. Në bisedën e regjistruar nga investiguesit italianë arabi ishte shprehur se kishte një inteligjencë të lartë kulturore për të drejtuar grupin "25/26 Korridori". Për të arritur në destiacion terroristët do të kalonin nga Vjena, nëpërmjet Polonisë dhe Bullgarisë. Qëllimi i rekrutimit të terroristëve muslimanë shqiptarë, por edhe britanikë dhe zviceranë, është konfirmuar nga një sërë arrestimesh në Milano prillin e kaluar. Në këtë kohë u ndalua edhe një 29- vjeçar somalez, Abdulla Clise, i ardhur nga kryeqyteti Britanik. Ai u vendos në qeli me një integralist islamik dhe nga bisedimi i tyre është përmendur emri i Fuad, i quajtur si njeriu kyç për kalimin e kufirit siriano-irakien. Rrjeti, sipas investigimeve, i krijuar në Gjermani, i shërbente edhe mafias shqiptare dhe asaj turke në udhëtimet e terroristëve drejt Perëdimit nëpërmjet Rusisë dhe Çeçenisë. Një rrjet kaq i gjerë ka bërë që një nga investiguesit më të mirë anglezë të thotë: "do bëjmë çfarë mundemi, por nuk është e lehtë. Po luftojmë me një diçka që është si një kërpudhë që e pret në një anë dhe rritet në anën tjetër. Kjo ka qenë edhe arsyeja që Eliza Manigham-Bullet, drejtore e përgjithshme e M5, i ka kërkuar qeverisë britanike që të mos ulë nivelin e kotrolleve për shkak të kërcënimit të madh terrorist.


Abu Omari në Shqipëri i gjashti i celulës së Tiranës

Imami i Milanos i njohur si Abu Omar ka qëndruar në Shqipëri për rreth 6 vjet, që nga 1991 deri në vitin 1997. Në vendin tonë ai njihej si Osama Nasser Mustafa, që ishte emri i vërtetë i tij. Në vitin 1997 Abu Omar largohet nga vendi ynë, ndërkohë që një vit më vonë policia zbulon celulën e Tiranës të Xhihadit Islamik Egjiptian. Nga hetimet e kryera dyshohet se Abu Omar njihej edhe si i gjashti i celulës së Tiranës. Kjo celulë drejtohej në Tiranë nga Ahmet Al Nagar, ndërsa Xhihadi Islamik Egjiptian drejtohej nga krahu i djathtë i superterroristit Osama Bin Laden, Aiman Al Zavahiri. Qëllimi i celulës së Tiranës ishte që të përgatiste infrastrukturën dhe ngritjen e bazave terroriste, të cilat do të viheshin në shërbim të organizatës më të madhe terroriste në botë, Al Kaedës.

[NoName]

Kjo del që studentet që studijojnë fenë Islame paraqesin RRezikun Islamist?

Kështu e kuptova unë!

Per here te pare po duket se dyshimet jane te sakta:

Ka terroriste islamike shqiptare.

Ky eshte nje rrezik Kombetar.

Pra Baleta & com duhet te merret me seriozisht sesa mendojne shume vete.

Helmi i tij dhe helmi i propogandes islamike ka bere efekt.

A e kuptoni se ne cfare rreziku shkon Kombi ne rast se diku ne Europe behet nje atentat nga shqiptare?

Mos ardhte kurre ajo dite.

[Zana e malit]

E dija, e dija kah e çon ujin me këtë temë!

Propagandat për Islamin s'janë diçka e re, sidomos kohëve të fundit. Anglia duke u mundu ta luftojë terorizmin, haron t'i ruajë Bankat nga MAFIA e KRIMINELËT evropianë!

Selam

[fjollat]

Ti nga i gjithë libri Hyjnor, ku vazhdimisht flitet për paqë, për mirësi, drejtësi... thjeshtë për parimet fetare, del e nxjerr një konkluzion bazuar në një ligj të vetëm që i dënon një kategori njerëzish? Sipas teje ky ligj është shkaku që e tërë feja është e gënjeshtërt? Pse nuk koncentrohesh pak më tepër në ligjet tjera që edhe vetë e di se janë më se të dobishme. Bën një balanc.