Zbulohet kufoma e masakruar e adoleshentes

[Humdinger]

Vrasja mund të jetë bërë tre ditë më parë. Policia shkon në vendin e ngjarjes pas tetë orësh

Zbulohet kufoma e masakruar e adoleshentes

Një fëmijë 12-vjeçar zbulon trupin e masakruar. Kufoma dyshohet të jetë prerë me gurë freksibël

Lindita Çela

Zbulohet trupi i masakruar i një adoleshenteje, e cila besohet të jetë rreth 15-vjeç. Trupi është zbuluar rastësisht nga një fëmijë 12-vjeçar në breg të Liqenit në Zall Herr. Fëmija ka qenë duke luajtur në afërsi të liqenit, ndërsa ka gjetur gjymtyrë të një vajze, ndërkohë që policia mësohet të ketë mbërritur në vendngjarje pas afro 8 orësh. Policia ende nuk ka mundur të bëjë identifikimin e kufomës, ndërsa burime të mjekësisë ligjore bëjnë të ditur për “Shekullin” se kufoma dyshohet të jetë prerë me gurë freksibël. Trupi i ndarë në dy pjesë është gjetur në orët e para të mëngjesit të djeshëm. Trupit mendohet se i përket një vajze të re mbi të 15-at. Trupit i mungon koka, duart dhe këmbët. “Sapo më kanë lajmëruar shkova menjeherë në vendngjarje. Me thënë të drejtën fillimisht nuk lajmërova se nuk i besoja syve se ato pjesë që ishin aty mund t’i përkisnin trupit të një njeriu”,-thotë për gazetën “Shekulli”, kryeplaku i fshatit Selim Bralika. Nga ajo sa rrëfen kryeplaku, gjysma e trupit ndodhej në ujë ndërkohë që kufoma nuk kishte as kokë dhe as gjymtyrët kryesore. “Kam thirrur menjëherë disa peshkatarë dhe në fakt kanë qenë ata që nxorrën pjesët e trupit në breg. Ishte e tmerrshme ajo që pamë dhe menjëherë kam lajmëruar policinë, e cila me thënë të drejtën ka ardhur shumë vonë në vendngjarje”,-thotë kryeplaku i fshatit të Zall-Herrit. Zbulimi i trupit të masakruar ka tmerruar të gjithë zonën përreth. Gjatë gjithë ditës së djeshme në fshat nuk flitej gjë tjetër veçse për ngjarjen e tmerrshme. Përveç fëmijëve, pothuajse të gjithë banorët e zonës kanë parë me sytë e tyre trupin e masakruar të vajzës së re. Për rreth tetë orë trupi i masakruar është “vizituar” nga banorët. Sipas banorëve, policisë nuk i ka mbetur gjë tjetër veçse të mbledhë pjesët e trupit, ndërkohë që deri në orët e vona të natës ka qenë i pamundur identifikimi i kufomës për shkak të masakrimit të saj.

Kufoma

Jo vetëm banorët e zonës, por edhe ekspertët e mjekësisë ligjore janë tmerruar nga mënyra e masakrimit të trupit të vajzës së re. Nga këqyrja paraprake e kufomës, ekpertët dyshojnë se masakrimi i vajzës ka ndodhur jo më shumë se tre ditë më parë. Sipas tyre, gjymtyrët e gjetura të trupit nuk kanë qenë krejtësisht të dekompozuara. Sipas ekpertëve, ekzekutimi dhe masakrimi i vajzës mund të ketë ndodhur para tre ditësh. Të paktën, këto janë konkluzionet paraprake të ekipit të mjekëve ligjorë që kanë ekzaminuar mbrëmë trupin e gjetur të viktimës. Ekspertët mjeko-ligjorë bëjnë të ditur për gazetën “Shekulli” se dyshohet që vajza të jetë jetë ekzekutuar dhe më pas të jetë masakruar. Po të njëjtat burime, bëjnë të ditur se dyshohet që gjymtyrët e trupit të vajzës, koka, këmbët dhe duart, të jenë prerë me gurë freksibël dhe më pas trupi është hedhur në liqen. Ndërkohë, ekspertët e mjekësisë ligjore nuk kanë mbaruar raportin përfundimtar me shpresën se gjatë ditës së sotme do të mund të gjejnë pjesët e mungura të trupit. Sipas tyre, nga pjesët e gjetura të trupit është tejet e vështirë të bëhet identifikimi i kufomës, ndërkohë që gjetja e kokës do të hidhte dritë mbi zbardhjen e ngjarjes.



22/10/2006

Shekulli

[Humdinger]

Rrëfimi i 12-vjeçarit që zbuloi trupin e masakruar të vajzës në Zall-Herr

“Mendova se ishte kukull, u tmerrova kur pashë trupin”


Lindita Çela

Izet Gjika ndihet i tmerruar nga makabriteti që i kanë parë sytë në buzë të liqenit. Është pikërisht ai që ka zbuluar kofomën e masakruar të vajzës në breg të liqenit të Zall Herrit në orët e para të mëngjesit. 12-vjeçari, si çdo të shtunë po kulloste dhitë në zonën përreth, kur ka parë skenën e llahtarshme të copave të trupit të një gruaje. Izeti thotë se fillimisht ka menduar se mos ishte ndonjë kukull e hedhur në breg, por vetëm kur është afruar ka parë se ishte trupi i masakruar i një njeriu.

Kur dhe ku e gjete trupin e masakruar të vajzës?

Si çdo të shtunë, unë po kullosja dhitë nga liqeni sepse atje janë të vetmet kullota që i kemi të përbashkëta. Ndodhesha vetëm, ndërkohë që rreth orës 09:00 qeni u fut në liqen për tu larë. Nuk kaloi shumë dhe qeni po nuhaste në cep të liqenit dhe filloi të lehte. Nga larg mendova se kishte gjetur ndonjë kukëll dhe u afrova. Përzura qenin dhe pashë që ishte një trup i ndarë buzë liqenit. Trupi nuk ishte nga ana e repartit ushtarak, por në afërsi të fushës.

Çfarë pe me saktësi?

Trupi nuk kishte kokë, këmbë dhe as duar. Ishte i ndarë në dysh, dhe një pjesë e trupit ishte nën ujë. Uji duket se e kishte nxjerrë në breg.
Ç’farë bëre më pas?
Me thënë të drejtën, pata pak frikë. I lashë dhitë aty dhe vrapova menjëherë në fshat. Shkova dhe menjeherë lajmërova kryeplakun, për atë çfarë kisha parë.

Po u ktheve më tek liqeni?

Po. U ktheva bashkë me njerëzit e tjerë. Pothuajse erdhi gjithë fshati. Por ishin peshkatarët qe e nxorrën krejt trupin në breg. Pastaj nuk jam kthyer më se kisha shumë frikë.

A pe ndonjë rrobë të lënë aty?
J
o, asgjë. Nuk kemi gjetur asgjë edhe pse burrat e fshatit po kërkonin në të gjithë zonën.



22/10/2006

Shekulli

[Humdinger]

Policia, asnjë pistë hetimi mbi kufomën e masakruar

Verifikohen vajzat e denoncuara si të humbura


Shekulli

Nga këqyrja e vendit të ngjarjes, ekspertët e policisë kriminale nuk kanë mundur të gjejnë asnjë provë që do t’i ndihmonte në zbardhjen e ngjarjes. Burime nga policia bëjnë të ditur për “Shekullin” se deri në orët e vona të mbrëmjes janë bërë verifikimet për 5 vajza që janë shpallur të humbura. Pas verifikimeve paraprake bëhet e ditur se asnjëra prej tyre nuk përkonte me moshën apo me të dhënat e trupit të gjetur dje në fshatin Zall -Herr. Për zbardhjen e ngjarjes, nuk po punojnë vetëm agjentët e policisë së komisariatit nr 5, i cili mbulon zonën ku është zbuluar trupi i masakruar, por edhe komisariatet e tjera të kryeqytetit. Ndërkohë, sot pritet që një ekip zhytësish i repartit RENEA të shkojnë në liqenin e Zall-Herrit për të vazhduar kërkimet për gjetjen e pjesëve të tjera të trupit të masakruar.



22/10/2006

[Brari]

shekulli

--
Policia gjen në liqen kokën e vajzës së masakruar, por ka pasur mundësi identifikimi. Dyshime për kombësi të huaj

Masakra, shpërblim 50 mijë euro për emrat e autorëve


Flamur Vezaj

TIRANË- Vajza e masakruar, trupi i së cilës u gjet në liqenin e Zall-Herrit nuk ka ende një emër. Megjithëse trupit të saj i është shtuar mëngjesin e djeshëm edhe koka, ky krim monstruoz rrezikon të mbetet i pazbardhur, përsa kohë nuk identifikohet kufoma. Edhe gjatë ditës së djeshme, inspektorët e krimeve në komisariatin nr.5 të kryeqytetit kanë vazhduar krehjen e imtësishme të bregut të liqenit, duke kërkuar pjesë të tjera të trupit të copëtuar e të shpërndarë nëpër liqen të viktimës. Nga ana tjetër, ekspertët pranë Institutit të Mjekësisë Ligjorë bëjnë të ditur për “Shekullin” se: “edhe pas gjetjes së disa copëzave të trupit, si një pjesë e dorës së djashtë, një pjesë e këmbës nga gjuri e lart dhe koka e vajzës, nuk është bërë i mundur identifikimi i saj. Deri më tani, kemi mundur të verifikojmë vetëm disa parametra të trupit, nga të cilat kemi kuptuar se është e seksit femër dhe me një gjatësi rreth 1.60 cm, brune, me flokë ngjyrë gështenje dhe sy të tërhequr, të ngjashëm me ato të racës së verdhë”.
Masakra
Kur identifikimi i trupit të vajzës së masakruar duket tejet i vështirë, Policia e Shtetit ka gjetur një tjetër mundësi për zbardhjen e kësaj ngjarjeje të rëndë. Nëpërmjet një njoftimi për shtyp, zëdhënësi i policisë, Ylli Musta, ka bërë me dije se policia vë në dispozicion të informatorëve që do të japin të dhëna që çojnë në kapjen e autorëve plot 50 mijë euro. “Në lidhje me ngjarjen e rëndë të masakrimit të një vajze të re 19-20 vjeçare, kufoma e së cilës u gjet në ujërat e rezervuarit të Zall-Herrit mjaft e dëmtuar dhe për pasojë, pa mundësi identifikimi, Policia e Shtetit, krahas punës intesive të shërbimeve të specializuara të saj për zbardhjen e kësaj masakre, njofton mbarë opinionin publik se vë në dispozicion shumën prej 50 mijë eurosh për çdo person, i cili do të japë informacione të nevojshme lidhur me zbulimin e autorëve të mundshëm të masakrimit të 20-vjeçares”,-thotë zëdhënësi i Policisë së Shtetit. Mjekët ligjorë kanë arritur në përfundimin se fytyra e vajzës është e dëmtuar me mjete prerëse, gjë që ka bërë të pamundur identifikimin në momentin e parë. Burime pranë Institutit të Mjekësisë Ligjore pohojnë se si shenjë dalluese të hasur deri më tani, kanë zbuluar se vajza ka një dhëmb të rënë brenda gojës, fakt ky që mendohet të ndihmojë hetimin në identifikimin e trupit të copëtuar në më shumë se 12-pjesë. Sipas këtyre burimeve dyshohet se trupi është prerë dhe copëtuar me gur-fleksibël dhe më pas është hedhur në liqenin e fshatit Zall-Herr. Ekspertët mjeko-ligjorë bëjnë të ditur për gazetën “Shekulli” se dyshohet që vajza të jetë jetë ekzekutuar fillimisht dhe më pas të jetë masakruar dhe hedhur në ujë. Sa i përket kohës së hedhjes në liqen, ekspertët pohojnë se dyshohet të jetë bërë rreth tre ditë para daljes së pjesëve të trupit në sipërfaqen e liqenit. Deri më tani konfirmohet se edhe pse vazhdon kërkimi për gjetjen e pjesëve të tjera të trupit, vajzës së masakruar i mungojnë këmba dhe krahu i majtë.
Hetimi
Policia e kryeqytetit ka filluar të mbledhë të gjitha të dhënat e komisariateve, ku në fokus janë denoncime të familjarëve për vajza të zhdukura. Deri në mbrëmjen e djeshme, pranë komisariatit nr.5 dhe Institutit të Mjekësisë Ligjore janë dorëzuar nga familjarët dhe komisariatet përkatëse rreth 13 fotografi të femrave të zhdukura kohët e fundit. Këto fotografi do të krahasohen me trupin e copëtuar të vajzës së gjetur në liqenin afër fshatit Zall-Herr. Ndërkohë, burimet policore nuk mohojnë faktin se femra e gjetur e copëtuar mund të jetë shtetase e huaj, por gjithçka do të zbulohet pas bashkimit të pjesëve të trupit dhe identifikimit të plotë të saj. Trupi i masakruar është gjetur dy ditë më parë nga disa fëmijë të zonës së Zall-Herrit, të cilët kanë parë copat e trupit të vajzës duke notuar mbi ujë. Kjo pamje i ka tmerruar thuajse të gjithë banorët e zonës përreth, të cilët kanë asistuar me peshkatarët për nxjerrjen e copave të trupit nga uji.


Masakrimi, jo më shumë
se katër ditë më parë

TIRANË- Jo vetëm banorët e zonës, por edhe ekspertët e mjekësisë ligjore janë tmerruar nga mënyra e masakrimit të trupit të vajzës së re. Nga këqyrja paraprake e kufomës, ekpertët dyshojnë se masakrimi i vajzës ka ndodhur jo më shumë se tre ditë më parë. Sipas tyre, gjymtyrët e gjetura të trupit nuk kanë qenë krejtësisht të dekompozuara. Sipas ekpertëve, ekzekutimi dhe masakrimi i vajzës mund të ketë ndodhur para tre ditësh. Të paktën, këto janë konkluzionet paraprake të ekipit të mjekëve ligjorë që kanë ekzaminuar mbrëmë trupin e gjetur të viktimës. Ekspertët mjeko-ligjorë bëjnë të ditur për gazetën “Shekulli” se dyshohet që vajza të jetë ekzekutuar dhe më pas të jetë masakruar. Po të njëjtat burime, bëjnë të ditur se dyshohet që gjymtyrët e trupit të vajzës, koka, këmbët dhe duart, të jenë prerë me gurë freksibël dhe më pas trupi është hedhur në liqen. Ndërkohë, ekspertët e mjekësisë ligjore nuk kanë mbaruar raportin përfundimtar me shpresën se gjatë ditës së sotme do të mund të gjejnë pjesët e mungura të trupit. Sipas tyre, nga pjesët e gjetura të trupit është tejet e vështirë të bëhet identifikimi i kufomës, ndërkohë që gjetja e kokës do të hidhte dritë mbi zbardhjen e ngjarjes.




23/10/2006
--
Komisariati numër 5 ka mbledhur dje denoncimet e familjarëve të vajzave të zhdukura

Ankth në familjet e 13 vajzave të zhdukura


Flamur Vezaj

TIRANË-Gjetja e kufomës së copëtuar të një vajze në liqenin e Zall-Herrit ka shkaktuar ankth tek familjet e 13 vajzave që rezultojnë të zhdukura në Tiranë. Nga këqyrja e vendit të ngjarjes dhe copave të trupit, ekspertët e policisë kriminale nuk kanë mundur të gjejnë asnjë provë tjetër, përveç një palë të brendshmesh që vajza i kishte veshur, që do të ndihmonte në zbardhjen e ngjarjes. Burime nga policia bëjnë të ditur për “Shekullin” se deri në orët e vona të mbrëmjes janë bërë verifikimet për rreth 13-vajza që janë shpallur të humbura. Pranë komisariatit nr.4 janë marrë kallëzimet dhe fotografitë e 9 vajzave të deklaruara të zhdukura, të cilat do të krahasohen me trupin e gjetur dy ditë më parë. Gjithashtu, pranë komisariatit në Kombinat është verifikuar një denoncim për zhdukjen e një vajze, kallëzim i cili edhe ky do të krahasohet me trupin që gjendet në morg. Ndërkohë, pranë komisariatit nr.5 të Kamzës, i cili mbulon edhe zonën e Zall-Herrit është bërë e ditur se ndodhen të depozituara tre kallëzime për zhdukje të femrave. Kallëzimet, sipas policies, kanë ardhur nga familjarët e një vajze nga fshati Kasolle, nga Valiasi dhe Babrruja. Kjo e fundit punonte pranë një lokali në Kamëz si kamariere dhe është zhdukur prej disa ditësh. Për zbardhjen e ngjarjes nuk po punojnë vetëm agjentët e policisë së komisariatit nr. 5, i cili mbulon zonën ku është zbuluar trupi i masakruar, por edhe komisariatet e tjera të kryeqytetit, të cilat kanë marrë denoncime për zhdukje vajzash gjatë ditëve të fundit. Të gjitha të dhënat dhe fotot e vajzave të zhdukura pritet t’i kalojnë morgut, ku do të bëhen krahasimet me trupin e vajzës së gjetur në liqenin e Zall-Herrit pasditen e së shtunës. F.Vezaj




23/10/2006
KATEGORIA: Kronike nga Tirana

[kleadoni]

e tmerrshme.....

[shkodrane82]

Vallahi nuk gjej fjale si me e pershkru ca krimi makaber, pupupu ai person s'ma do mendja se hyn ne rrangun e njerezve ai do jete dreqi vete.
E shkreta vajze ishallah s'ka vujte shume te pakten....gjynah.

[goldian]

po keshtu eshte kur ska shtet se te kishte kene xhaxhi enveri gjall tani do e kishte ba synet rendshem ate personin ose ato persona qe kane ba kete pune.
kjo eshte nje krim makaber qe smund te gjenden fjale ta pershkruash.

[panti]

po keshtu eshte kur ska shtet se te kishte kene xhaxhi enveri gjall tani do e kishte ba synet rendshem ate personin ose ato persona qe kane ba kete pune.

E ke gabim, xhaxhi Enver njerez te tille i ngrinte ne pergjegjesi, sepse i duheshin per burgjet e "embla" te sistemit

Le te shpresojme qe autoret e kesaj ngjarje makabre te kapen dhe drejtesia te beje punen e saj.

[goldian]

E ke gabim, xhaxhi Enver njerez te tille i ngrinte ne pergjegjesi, sepse i duheshin per burgjet e "embla" te sistemit

Le te shpresojme qe autoret e kesaj ngjarje makabre te kapen dhe drejtesia te beje punen e saj.

ke ngrinte ne pergjegjesi xhaxhi enver se se kuptova?

[mario_kingu]

po keshtu eshte kur ska shtet se te kishte kene xhaxhi enveri gjall tani do e kishte ba synet rendshem ate personin ose ato persona qe kane ba kete pune.
kjo eshte nje krim makaber qe smund te gjenden fjale ta pershkruash.

fjal me vend bro aiishte shtet do i kish gjet edhe do i kish var si qeni ata qe ben kete masaker