Ermonela Jaho - sopranoja shqiptare

[sirena_adria]

Krenari Kombetare !



Interviste e 2010 per nje bashkepunim kaq madheshtor per kombin shqiptar !

SUKSESE & ARRITJE TE PAFUNDME GJITHMONE !!!

[sirena_adria]

[sirena_adria]

Shtator 2017

[sirena_adria]

Duartrokitje pa fund ! BRAVOOO !



Nga Koncerti " Notes on Albania " - Royal College of Music, Londer, 2013.

[sirena_adria]

Ermonela Jaho / Rrëfimet e sopranos së madhe: Shqipëria më lindi dhe më rriti, bota më bëri artiste

Nga Gazeta Telegraf - Qershor, 2019


Ermonela Jaho: “Që të arrija ëndrrën time duhej të sakrifikoja shumë, Shqipëria më lindi dhe më rriti, bota më bëri artiste.”
Një rrëfim i sopranos së madhe Ermonela Jahos: Fëmijëria, trishtimet ,vuajtjet e familjes, sakrificat për të realizuar ëndrrën e saj si artiste, ngjitjet në skenën Botërore si një artiste operistike e famshme.

Ylli i operës, sopranoja, Ermonela Jaho në një rrëfim për Teresa Levonian Cole në gazetën prestigjioze ”Financial Times” në Nju-Jork ka folur për vështirësitë e fëmijërisë në Tiranën e asaj kohe dhe se si nisi një jetë krejtësisht të re në Amerikë. “Zëri kumbues në dhomën e provave i Ermonela Jaho në Londër, ku po përgatitej për operën ‘Zazà’ të Leoncavallos”, autorja shkruan:- Zëri i saj ishte trishtues, kumbues dhe me një të ardhme të dukshme”. Jaho ka lindur në 1974-n në Shqipëri dhe u transferua në Tiranë së bashku me prindërit kur ishte 2 vjeçe. Mamaja e saj, e cila ishte braktisur nga prindërit dhe ishte rritur nga gjyshja, dëshironte të bëhej këngëtare dhe në fshehtësi mori pjesë në audicionet e Konservatorit të Tiranës, ku ajo fitoi një vend”, tregon Jaho. “Që fëmijë, e kisha parë dhimbjen në sytë e saj, por nuk e kuptoja shkakun e pikëllimit”, shprehet ajo për nënën e saj. Jaho ka trashëguar jo vetëm dashurinë e nënës për muzikën, por edhe sensin e saj të melankolisë. “Shqiptarët, – thotë ajo, – janë përgjithësisht të pasionuar pas këngës, por ajo ishte një fëmijë i ndrojtur”.

“Unë e mbaja gjithçka brenda”. Motra e saj me aftësi të kufizuara ishte shoqja më e mirë. “I vetmi moment kur u ndjeva e lirë ishte kur po këndoja. Ishte terapia ime”, thotë Jaho. E frymëzuar nga i ati, një ushtarak që kishte studiuar psikologji, Jaho hyri në Konservator në moshën 17-vjeçare, pasi fitoi pikët maksimale në provimin pranues. Aty mori mësime nga sopranoja italiane Katia Ricciarelli, e cila e ftoi atë të studionte në Mantua, Lombardi për dy muaj. Jaho shkoi në Itali në vitin 1993 dhe qëndroi aty për 10 vitet e ardhshme. “Nuk doja të kthehesha”, thotë ajo. “Italia është shtëpia e muzikës. Në Shqipëri në periudhën e komunizmit, çdo gjë këndohej në shqip, pasi mund të përfundoje në burg nëse këndoje në gjuhë tjetër. Mamaja ime më mësoi pak anglisht kur isha e vogël, por në fshehtësi”. Më tej, Jaho ndoqi Akademinë prestigjioze Kombëtare të Santa Çecilias në Romë. Që të mbante veten gjatë studimeve ajo punoi si ndihmëspastruese, dhe pasi fitoi një konkurs këndimi, u zhvendos në një hotel që drejtohej nga murgeshat. “Ndonjëherë nuk kisha para për ushqime, por kurrë nuk ia thashë njeriu”, tregon ajo. “E kuptova që për të arritur ëndrrën time, duhej të bëja sakrifica. Ermonela, i thashë vetes, ti duhet t’i kalosh këto pengesa”. Një tjetër pengesë ishte të qenit shqiptare. “Ti ishe bërë për t’u ndjerë si një qytetare e klasit të tretë”. Pasi u bë e famshme, ajo vuri re që gjërat ishin ndryshe. “Çdokush dëshiron të jetë shoku yt”. Kulmi i Jahos erdhi kur asaj iu ofrua një pjesë e Mimit në premierën e ‘La Boheme’ në Bolonja. Rolet filluan të shtoheshin dhe pasi përfundoi studimet në vitin 2000, ajo vendosi të largohej nga qyteti. Ishte kjo kohë kur shoku i saj i fëmijërisë, Ervin Stafa, i shkoi për vizitë nga Nju-Jorku dhe i kërkoi që të ktheheshin bashkë në SHBA. “Unë jam rritur me Ervinin në Shqipëri”, thotë ajo për bashkëshortin e saj tashmë.

“Ai ishte i vetmi person me të cilin mund të flisja dhe që s’më gjykoi kurrë. Kur ika në Itali, i thashë: ‘Nëse një ditë do të martohem me dikë, ai do të jesh ti’. Mendoj se kjo e frikësoi atë. Pastaj ai fitoi lotarinë për kartën jeshile në Amerikë dhe unë do të gjeja çdo justifikim që t’i shkruaja nga Italia”. “Unë kisha luftuar shumë fort për të bërë karrierë, dhe kisha frikë se mos e humbja atë”, rrëfen ajo. Alan Green, i cili në atë kohë punonte në Agjencinë e talenteve “Menaxhimi i artistëve kolumbianë” në Nju Jork, shkoi që ta dëgjonte atë në operën “Carmen”. Jaho kishte qenë pjesë e disa operave baroke dhe komike e ishte duke kërkuar një repertor më romantik. Green i ofroi që të ishte ai menaxheri dhe të kapte rolet që ajo dëshironte. “Ai më dha shpresë, pasi unë nuk do të mund t’ia kisha filluar nga zeroja në Nju-Jork”. Jaho bëri zhvendosjen e saj transatlantike në 2003-shin, fillimisht duke e ndarë kohën mes Nju-Jorkut dhe Italisë. Udhëtimi me pasaportë shqiptare ishte i vështirë, kështu që çifti vendosi të martohej. Në 2005-ën ata blenë një shtëpi në Long Island, ku ende jetojnë me prindërit e Ervinit. Jaho vazhdon ta vizitojë familjen e saj në Shqipëri, ndërsa jep shfaqje për fëmijët me aftësi të kufizuara “sepse ndihem fajtore që nuk munda ta ndihmoja motrën time kur po rriteshim së bashku”. Pengu i saj më i madh është fakti që e ëma nuk e dëgjoi atë kurrë duke kënduar ‘live’. “Unë shkoja në Shqipëri, por vendi i saj ishte gjithmonë bosh”. Jaho mendonte se nëna e saj nuk mund ta shikonte duke kënduar në skenë, për shkak të ambicieve të saj të parealizuara, por humbi mundësinë për ta pyetur. “Unë u mundova t’i shkruaja për ta pyetur, përse, t’i thosha sa shumë e doja atë dhe motrën, por ajo vdiq para se unë t’i dërgoja letrën”, rrëfen sopranoja. Kur është në Amerikë, ajo e shijon jetën familjare, i pëlqen të gatuajë dhe të qëndrojë në shtëpi në vend që të dalë. “Unë kam bërë shumë miq në Amerikë, jashtë punës”, thotë ajo teksa u referohet mungesave të saj të shpeshta. “Long Island është një botë më vete, shumë paqësore.

Aty ke oqeanin, dhe të gjitha ngjyrat e natyrës. Me të gjitha angazhimet ndërkombëtare, unë mund të kaloj vetëm disa muaj këtu, por është shtëpia dhe Ervini më pret”, shprehet Jaho. “Në Amerikë, – thotë ajo, – njerëzit janë më të shkëputur, ata jetojnë si ishujt. Në Evropë, dhe veçanërisht në Ballkan, njerëzit janë më të hapur dhe emocionalë. Por qeniet humane janë pothuajse njësoj kudo. Unë marr më të mirën nga çdo vend dhe jetoj jetën plotësisht”, thotë Ermonela Jaho. Është e vërtetë që Ermonela Jaho po trondit skenat botërore, me zërin e një sopranoje të rrallë duke i dhënë krenari vendit të saj, ajo është një “ambasadore” e vendit të saj me zërin e saj të bukur duke çuar mesazhin e madh se shqiptarët e duan këngën dhe janë njerëz të talentuar dhe duke e mbyllur me një episod të shkrimtarit Agim Cerga: “Po bëj 10 vjet që jetoj në Kanada dhe kur kam dëgjuar një ditë interpretimin e këngëtares së madhe botërore Ermonela Jaho që jepej në sallën e koncerteve mbretërore në Angli kam qarë si fëmijë.”

Përgatiti, Kastriot Caka

http://telegraf.al/kulture/ermonela-...-beri-artiste/

[sirena_adria]

Sopranoja Ermonela Jaho në Shtëpinë e Operës në Sidnei, Kritika: Një engjëll i zjarrtë

Sopranoja Ermonela Jaho me operën “Anna Bolena” të Donizzetit triumfon në skenat e huaja. Artistja interpreton rolin kryesor në operën që hapi siparin në Shtëpinë e Operës në Sidnei. Mediet e huaja, e cilësojnë artisten shqiptare, “Një engjëll të zjarrtë” në skenë


Pas triumfit, si Violetta në debutimin e operës në vitin 2017, sopranoja shqiptare Ermonela Jaho dëshmon sërish magjinë e zërit të saj, si Anna Bolena e Donizetti-t, që ngriti siparin në Shtëpinë e Operës në Sidnei të Australisë.

Mediet e huaja teksa e cilësojnë Anna Bolena-n e Donizett-t një rol shumë sfidues, vlerësojnë artisten Ermonela Jaho për kontrollin vokal dhe aftësitë dramatike, që e bëjnë portretizimin e saj përherë shumë të plotë.

Me meloditë e zjarrtë, këndimin e zjarrtë dhe koloraturën akrobatike, çdo minutë e Anna Bolena-s është një masterclass në operën e belcanto-s. Kjo ndodh vetëm kur një soprano shumë e shkëlqyer fut veten brenda në rol.

Ermonela Jaho është ajo këngëtare, "Një engjëll i zjarrtë" (The Economist) i njohur për të ofruar zemrën dhe shpirtin e saj në skenë. "Mos u përpiqni as të rezistoni", paralajmëron Financial Times.

Ky akt i shkëlqyeshëm përfshin Leonardo Cortellazzi si Lord Percy dhe Teddy Tahu Rodos, si mbret i pamëshirshëm, i pasionuar.

Karriera e Ermonela Jahos theu kufijtë, duke u kthyer në ikonë arti botërore gjatë vitit 2009. Më pas kritika e ka vlerësuar atë në peshën e roleve, si protagoniste në opera, si “La rondine”, “La traviatta”, “Madame Butterfly” edhe shumë të tjera.

Aftësia e saj për t'u bërë mishërim i plotë i karaktereve të saj, e ka lejuar Jahon të paraqesë interpretimet 'emocionalisht shkatërrimtare' të heroinave dramatike më pjellore.

Madam Butterfly, Violeta dhe Suor Angelica, janë tre personazhet dramatikë, tre gratë, në të cilat Jaho është shprehur se admiron forcën që ato kanë, madje tek ato gjen gruan shqiptare, mënyrën se si ato kanë sakrifikuar edhe kanë dhënë gjithçka me dashuri në jetën e tyre, cilësi këto që Ermonela Jaho i gjen edhe brenda vetes.

Opera “Anna Bolena” do të prezantohet në opera Australia edhe në datat 9, 13, 17, 20, 23 dhe 26 korrik.


Valeria Dedaj - Shqiptarja.com

https://shqiptarja.com/lajm/sopranoj...jell-i-zjarrte

[sirena_adria]

ERMONELA JAHO - VIP Club

Nëntor 2018 - Top Channel Albania

[sirena_adria]

Arritje e jashtëzakonshme ! Artistja shqiptare vlerësohet me çmimin e madh ndërkombëtar

Albumi “Anima Rara” i Ermonela Jahos është vlerësuar me një çmim të madh ndërkombëtar. Artistja shqiptare ka bërë të ditur se “International Classical Music Awards” ka vlerësuar me çmimin e parë Ermonela Jahon në kategorinë “Vocal Music” (Muzika Vokale).

Juria është shprehur se karizma dhe aftësia e Jahos i ka dhënë shumë emocione dëgjuesit dhe se zëri i saj i fuqishëm e i ngrohtë është i aftë t’i japë të gjitha nuancat e nevojshme një performance.

“Karizma e saj dhe aftësia për të emocionuar publikun e për të fituar simpatinë e dëgjuesve janë thelbi i performancave të saj të jashtëzakonshme në këngë”, është shprehur juria.

Në lidhje me këtë vlerësim kaq të madh ka reaguar edhe Jaho përmes një deklarate në rrjete sociale. Ajo ka shprehur falënderimet e saj për jurinë dhe kolegët që bashkëpunuan me të për të sjellë në jetë një muzikë kaq të bukur.

“Jam shume e lumtur t'ju lajmeroj se albumi "Anima Rara" ka fituar cmimin e pare ne kategorine e muzikes vokale nga ICMA (Cmimet Nderkombetare te Muzikes Klasike). Dua te falenderoj ICMA per nderimin dhe gjithashtu te shpreh vleresimin tim ndaj ekipit te Opera Rara dhe kolegeve te mrekullueshem qe bashkepunuan me mua per te sjelle ne jete kete muzike te mrekullueshme. Kemi kuptuar pergjate kesaj kohe sesa na nevojitet Arti dhe sa e veshtire eshte qe te krijohet. Ju falenderoj per mbeshtetjen e vazhdueshme. Ju dua te gjithëve”, shkruan Jaho.


https://www.botasot.info/muzike-kult...-nderkombetar/

[sirena_adria]

Masterclass në Tiranë - Dhjetor 2017

[sirena_adria]

Soprano Ermonela Jaho answers schoolchildrens' questions about Opera

Prill 2017

[sirena_adria]

Ermonela Jaho's recital recording ANIMA RARA - VIDEO TRAILER

[sirena_adria]

Artistja shqiptare renditet në Vend të Parë nga ICMA në kategorinë e Muzikës Vokale

Albumi “Anima Rara” i ERMONELA JAHO-s ka fituar Çmimin e Parë në kategorinë e Muzikës Vokale nga ICMA (Çmimet Ndërkombëtare të Muzikës Klasike).

Juria është shprehur :” Karizma e saj dhe aftësia për të emocionuar publikun dhe për të fituar simpatinë e dëgjuesve janë thelbi i performancave të saj të jashtëzakonshme në këngë. ”

Ermonela është shprehur se është shumë e lumtur për këtë çmim.

“Jam shumë e lumtur t’ju lajmëroj se albumi Anima Rara ka fituar çmimin e parë në kategorinë e muzikës vokale nga ICMA (Çmimet Ndërkombëtare të Muzikës Klasike). Dua të falenderoj ICMA për nderimin dhe gjithashtu të shpreh vlerësimin tim ndaj ekipit te Opera Rara dhe kolegëve të mrekullueshëm që bashkëpunuan me mua për të sjellë në jetë këtë muzikë te mrekullueshme. Kemi kuptuar përgjatë kësaj kohe sesa na nevojitet Arti dhe sa e vështirë është që të krijohet. Ju falenderoj për mbështetjen e vazhdueshme. Ju dua te gjithëve”, ka thënë ajo.


Gazeta Express

https://www.gazetaexpress.com/artist...uzikes-vokale/

[sirena_adria]

Më 15 Shtator Mbrëmja Gala në Teatrin e Operas - Ermonela Jaho: Jam shumë e lumtur!




Më 15 Shtator do të mbahet mbrëmja gala ku në skenë do të ngjiten dy kolosët e skenës operistike botërore, Ermonela Jaho dhe Placido Domingo.

Në orën 19:00, Teatri i Operas do të hapë dyert teksa artdashësit që do të marrin pjesë në koncertin madhështor do të duhet të tregojnë certifikatën e vaksinimit ose një test negativ PCR të 48 orëve të fundit.

Ndërkohë që do të jetë e detyrueshme edhe mbajtja e maskës.

[sirena_adria]

Ermonela Jaho flet mes emocionesh në skenën e TKOB: Ëndrra ime fillon pikërisht këtu

Sonte në skenën e Teatrint Kombëtar të Operas dhe Baletit është rikthyer vajza prej ari që ia doli të dridhte skenat botërore, Ermonela Jaho.

Ermonela ka kujtuar fillimet e saj duke treguar se në këtë skenë nisi ëndrra e saj për t’u bërë këngëtare operistike.

“Thuhet që ëndrrat janë të vështira për t’u arritur, por unë e arrita ëndrrën time, dhe ëndrra ime fillon pikërisht këtu”, ka thënë sopranoja e njohur.

Më pas ajo ka ftuar në skenë legjendarin Placido Domingon, i cili ndezi skenën e teatrit të ri.

“Edhe pse i vogël, por me një pasion dhe dashuri të jashtëzakonshme, këtu filloi ëndrra ime për t’u bërë këngëtare operistike. Ashtu si ato breza që na kanë frymëzuar neve, na kanë dhënë këtë shpresë, këtë forcë, uroj që ky teatër dinjitoz të japë të njëjtën shpresë, të njëjtin frymëzim, edhe brezave të rinj.

Thuhet që ëndrrat janë të vështira për t’u arritur, por unë e arrita ëndrrën time, dhe ëndrra ime fillon pikërisht këtu. Sa herë me pedagogët tanë, këngëtarët e bashkëkombasit e mi, që kanë dalë nga kjo skenë, kemi folur e ëndërruar për idhujt tanë.

Ishte diçka e jashtëzakonshme të kishim qoftë edhe një regjistrim të tyrin, dhe pikërisht njëri nga ata idhujt tanë, që nuk ka nevojë për prezantim, këndon në këtë skenë dinjitoze. Me pak fjalë, ftoj në skenë legjendarin Placido Domingo”, tha Ermonela.


Tiranapost.al

https://tiranapost.al/art-dhe-kultur...e-fill-i503716

[sirena_adria]

Plácido Domingo y Ermonela Jaho en Festival de Peralada/Thaïs (Fragment)

Korrik 2018

[sirena_adria]

Parigi o cara, Traviata - Emonela Jaho è Violetta, Charles Castronuovo è Alfredo

2019

[sirena_adria]

ERMONELA JAHO - KONFIDENCE

ABC NEWS - Dhjetor 2017


https://www.youtube.com/watch?v=0qoglcVAM6E

[sirena_adria]

PUCCINI : La Bohème "O Soave fanciulla" ( ERMONELA JAHO / FLORIAN LACONI ) [HD]


Live recording with the Monte Carlo Philarmonic, conducted by Luciano Acocella.

Musiques en fête - Qershor 2018.

[sirena_adria]

ERMONELA JAHO - Fati është karakteri yt

Nga Mira Kazhani/ Ermonela Jaho është zëri që çel episodet e reja të videopodcast-eve. A ishte fat apo e kërkova këtë kombinim?! Kur të dëgjoni rrëfimin e sopranos me famë e shkëlqim ndërkombëtar, Ermonela Jahos, ndoshta do ta pyesni veten për atë që kanë nevojë të gjithë, të pasur e të varfër, fatin. Sa rol ka tek fati, karakteri ynë? A janë sakrificat dhe vuajtjet rruga e vështirë që të çon drejt tij? Në rastin e Ermonela Jahos, po. Sigurisht, duhet edhe pak nga ai i pashpjegueshmi, kombinim yjesh në univers, por fati nuk ka pikën e vlerës nëse shkon tek dikush që nuk është gati për pjatën e artë që ai të sjell në dorë. Siç ndodhi me Ermonelën, kur një grip i divës ruse të kohës, Anna Netrebko, ishte punë e fatit. Pastaj, qe Ermonela, e cila para dhe pas atij çasti ka dy jetë të ndryshme, por të njëjtin shpirt, karakter. Kur e takova në Tiranë, kuptova se suksesi dhe fama nuk i nënshtrojnë të gjithë. Disa bëhen edhe më mirënjohës, edhe më të kujdesshëm me familjen, miqtë dhe fjalën që lëshojnë. Me përjashtim të një lirie që ta jep suksesi, asaj për të thënë çdo gjë si e mendon, sepse limfa jote e di që je një diva. Kjo e fundit i dha dorë një prej bisedave më të bukura që kam bërë deri më tani, e denjë për ta quajtur një intervistë jete.


Tiranapost.al

https://tiranapost.al/25-rreshtat-e-...eri-yt-i517991

[Albo]

Ermonela Jaho e zhgënjyer në Opera: Asnjë pedagog e student s’kam parë në sallë



Sopranoja Ermonela Jaho ka ardhur në Tiranë për t’u dhënë mësim në Teatrin e Operas artistëve të rinj, por është përballur me një sallë me pak veta ku nuk kishte asnjë fytyrë të njohur. Asnjë pedagog i pranishëm dhe studentë të ardhur nga jashtë e bëjnë atë të pohojë se nuk ka ardhur të luftojë askënd.

“Po e mbaj e po e mbaj por po e them troç fare: unë kam ardhur këtu dhe nuk kam pas asnjë pedagog nga Akademia. Kam ardhur këtu dhe nuk kam parë studentë të regjistrohen. Nuk po them se po sjell diçka të jashtëzakonshme, apo dua të luftoj dikë këtu. Edhe këta studentëve që kanë ardhur, këta këngëtarë të rinj, kanë ardhur nga jashtë. Jam aq e ngarkuar dhe prandaj kam kaq shumë për të thënë. Mendoj që kjo është një lloj egoizmi ndoshta, unë këtë e kam provuar para 30 vitesh, por më duket se është akoma edhe sot. Një pedagog nuk të jep dot 100%. Studentët ndoshta mungojnë se nuk i lënë pedagogët”, thotë ajo.

Sopranoja Jaho këmbëngul për nevojën e shkëmbimit të përvojës. Pa dashur të imponohet, dhe pa u dorëzuar, ajo jep një mesazh të qartë përmes luftës personale për të arritur ku është.

Koha Jone