Çdo lëkure, pastrimin e vet.

[DI_ANA]

Pastrimi më i efektshëm? Ai që bëhet sipas llojit të fytyrës. Sepse ky ritual, në dukje i mërzitshëm, ka një rëndësi shumë më të madhe nga sa e mendonit. Dhe nëse bëhet siç duhet, është më shumë sesa një fillim i mirë


Lëkurë normale ose e thatë

Kërkon pastrues efikas, por hidratues dhe delikatë, që të mos thahet barriera hidrolipide e mbrojtjes natyrale të lëkurës.

Në mëngjes

Lajeni fytyrën me një shkumë pastruese që fillon të veprojë menjëherë sapo gjendet në kontakt me ujin. Ndërsa e pastron, shkuma e hidraton dhe e ushqen në thellësi fytyrën, duke e përgatitur për të pritur makijazhet për grimin. Përdorni ujë të vakët (shumë i ftohtë ose shumë i nxehtë mund të dëmtojë kapilarët nën lëkurë duke i hapur rrugë skuqjeve, sidomos në zonën e faqeve). Një herë në javë pastaj bëjini një esfoliant lëkurës me një produkt të veçantë të përbërë nga mikrokokrriza të imëta: pastron dhe eliminon qelizat e vdekura pa e irrituar epidermën.

Në mbrëmje

Përdorni një detergjent me bazë lipolipidike: ndërsa eliminon grimin, ai rindërton barrierën hidrolipidike e cila dëmtohet gjatë ditës për shkak të ndikimit të ambientit. Mund ta përdorni edhe tonikun, por duhet të keni kujdes që të zgjidhni një pa alkool, përndryshe do të rrezikoni të irritoni dhe të varfëroni shtresat e sipërfaqes së lëkurës.



Lëkurë e yndyrshme

Për këtë lloj lëkure, ndalohen produktet agresive që mund të provokojnë efektin e kundërt: duke e tharë lëkurën stimulojnë gjëndrat dhjamore që të prodhojnë më tepër yndyrë.



Në mëngjes

Lajeni mirë fytyrën me një detergjent specifik për lëkurën e yndyrshme: një i tillë ka përbërës ekuilibrues – yndyre dhe dezinfektues, të cilët pastrojnë poret dhe eliminojnë efektin shkëlqyes nga fytyra.

Së paku dy herë në javë, bëni një scrub me një produkt kozmetik me kokrriza të mëdha, në mënyrë që të arrijë të depërtojë në çdo lloj poreje dhe të mund të eliminojë pikat e zeza. Gjatë ditës, kujdesuni të mbani afër peceta të lagura specifike, në mënyrë që të thani dhe të eliminoni ndonjë ndriçim eventual, sidomos në zonën T të fytyrës. Produktet e reja të firmave të mira kozmetike, mund të përdoren edhe mbi grimin e fytyrës.



Në mbrëmje

Zgjidh një qumësht pastrues specifik dhe pas pastrimit shpëlajeni mirë fytyrën me unë të freskët të rrjedhshëm. Pastaj është i domosdoshëm toniku: duhet një produkt i veçantë me një gradë të ulët alkoolike me elementë lehtësisht esfoliantë, ai acidi salicilik, që ditë pas dite pastrojnë me të vërtetë poret e lëkurës.




Lëkurë e ndjeshme

Më e hollë dhe më pak elastike nga norma, një lëkurë e tillë duhet trajtuar me maksimumin e delikatesës, për të evituar skuqjet dhe irritimet tipike të një lëkure kuperoze (që i acarohen kapilarët duke u shfaqur mbi sipërfaqe).

Në mëngjes

Pastrojeni me kujdes me një krem detergjent duke masazhuar fytyrën dhe qafën me gishta. Ndiqni një lëvizje delikate rrethore nga qendra e fytyrës drejt mollëzave, ballit dhe mjekrës, për të riaktivizuar mikroqarkullimin nën lëkurë. Nuk duhet që lëkura të ketë kontakt direkt me ujin e çezmës: gëlqerja mund të arrijë të formojë kalcium dhe mbetje kimike, duke dëmtuar edhe më barrierën e jashtme të lëkurës, që edhe pa këto ndërhyrje është goxha problematike. Për ta hequr kremin detergjent, duhet të përdorni pambuk të lagur me ujë që shitet i ambalazhuar (më mirë është të blini produktin specifik, me ujë trëndafilash apo ujë termik).

Në mbrëmje

Zgjidhni qumështin dhe tonikun specifik për lëkurën tuaj. Dhe në zonat e konturit të syve dhe buzëve përdorni produktet specifike. Një tjetër sugjerim: përdorni vetëm pambuk hidrofil të bardhë (ata të ngjyrosur, edhe pse nuk japin probleme në të tjera lloje lëkure, në fytyrat e ndjeshme mund të bëhen shkaktare të irritimeve).

Revista Jeta

[Pijanistja]

Tung tung... KEto keshilla i huazova nga nje liber, eshte nje perkthim shpresoj ta kuptoni... Nuk i kam provuar keto maska, nuk e di sa jane efektive, po pasi jane te shkruara ne liber, duhet te kene ndonje efekt... . Ok pra pershendetje.


LËKURA

1. PASTRIMI
Nëse keni lëkurë të yndyrshme apo normale, përdorni gell për pastrim të fytyrës ose sapun të butë për fytyrë. Edhe po të keni fytyrë shumë të yndyrshme, përdoreni sapunin e butë adekuat për fytyrë. Mirëpo, gjishashtu, edhe nëse e keni lëkurën e gjithë trupit të ndjeshme, atëherë mos përdorni sapuna të rregullt, por vetëm ato të butë.
2. LARGIMI I QELIZAVE TË VDEKURA
Largimi i qelizave të vdekura të lëkurës, që gjenden mbi shtresën e fundit të lëkurës, është një metodë e patjetërsueshme, me anë të së cilës pastrohet lëkura, si dhe mundësohet që gjaku të qarkullojë më mirë. Kjo bëhet në këtë mënyrë:
● Merreni një paqetë sheqeri (më mirë do të ishte sheqer jo i rafineruar), ia shtoni disa pika vaj dhe pas një përzierje të gjatë, me të e fërkoni fytyrën.
●Me kripë të detit dhe pak ujë, fërkone gjithë trupin dhe fytyrën. Rezultati sigurisht do të ju pëlqejë.
3. MASKAT
●Maskë nga majonezi.- Vëndoni majonez në fytyrë, dhe lëreni të qëndrojë 20 minuta. Pastaj lajeni fytyrën me ujë të ftohtë.
●Pjeshkë dhe konjak.- Shtypni një pjeshkë (të freskët, nga konzerva apo nga frizi), dhe në të shtoni një lugë të vogël konjak. Lyeni fytyrën, le të qëndrojë për 20 minuta, dhe pastaj lajeni.
●Maskë domatesh.- Shtypni një domat, vëndoni 1 – 2 lugë në fytyrë, lëreni të qëndrojë 20-25min., dhe lajeni atë me ujë të vokët (jo të nxehtë).
●Maske prej bananes.- Shtypni një banane shumë të freskët, shtoni vetëm pak mjaltë, dhe lyjeni fytyrën (mundeni të lyni edhe flokët!).Kjo është maskë për forcimin e lëkurës (dhe flokëve). Kujdes me masën e mjaltit!
●Maskë mjalti.- Vëndoni mjaltë të pastër në tërë fytyrën dhe qafën, lëreni të thahet (deri 15 min), dhe lajeni me ujë të nxehtë.

[DI_ANA]

Kur akne kanë zonjat

Problemet dhe lekura e shndritshme, nuk jane me ceshtje vetem e adoleshenteve. Tani, ashtu si dhe rrudhat, shqetesojne edhe tridhjete vecaret apo edhe moshat me te medha. Ja shkaqet dhe menyrat e sherimit te nje shqetesimi te ketyre koheve

Njehere e nje kohe, pucrat kishin nje afat. Nisnin te shfaqeshin rreth moshes dymbedhjete - trembedhjete vjecare dhe zgjasnin gjate periudhes se adoleshences. Ne njefare menyre ishin shenje e turbullimeve qe perfshinn trupin dhe ndjenjat ne ate periudhe. Pastaj zhdukeshin, diku perpara ditelindjes se njezete, per te mos u kthyer me. Nje clirim, liria pas nje bashkejetese te sforcuar, pergjegjese per shume probleme, edhe psikologjike. Sot megjithate duket se gjerat kane ndryshuar dhe ato pucra, qe te shfaqura ne adoleshence mund te ngjallnin ndjesine e njomeshtise, vazhdojne te dalin edhe tek te tridhjetat, ne tridhjete e pese apo edhe ne dyzete vjec. Dhe njomeshti kane vertete shume pak.

Pergjegjesit kryesore

Ne pamje te pare, problemet e lekures se adoleshenteve dhe te atyre ne moshe madhore, ngjajne si e njejta gje. Ne te vertete, ndryshimet ekzistojne dhe jane te medha. Aknet tradicionale, ato qe godasin gjate adoleshences, shkaktohen nga nje rritje e ndjeshmerise se gjendrave qe sekretojne hormonet (dhe jo nga ndryshimet hormonale sic mendohet gabimisht). Ndjeshmeri qe provokon nje rritje te sekrecioneve dhjamore. Perkundrazi, aknet qe godasin femrat ne moshe madhore nuk jane domosdoshmerisht akne: problemi eshte i ndryshem por pasojat mbi lekure jane te njejtat. Arsyet mund te jene te shumefishta. Ketu hyjne ne loje turbullimet hormonale. Dhe pikerisht per kete arsye problemi vihet re gjate periudhes paramenstruale. Por a eshte nje problem qe ka te beje vetem me hormonet? Ne shumicen e rasteve duket se eshte pikerisht keshtu. Shpesh megjithate ndryshimet e tyre varen nga stresi. Dhe ky nuk eshte justifikimi i zakonshem per cdo lloj problemi: ankthi dhe nervozizmi jane me te vertete pergjegjes per ndryshimet kimike dhe hormonale. Keshtu eshte shpjeguar se perse kjo forme e aknes se vone eshte nje shqetesim tipik i diteve te sotme. Pergjithesisht eshte keshtu. Tensioni, te cilit i nenshtrohemi sot, nuk ekzistonte njezete vjet te shkuara. Por ndoshta grate e brezave te meparshem nuk e kishin kete shqetesim, sepse jeta e tyre, perfshire edhe ate hormonale, ishte e ndryshme. Benin me teper femije, plakeshin me shpejt. Tani perkundrazi, ekuilibrat kane ndryshuar.

Ceshtje te dietes dhe kozmetikes

Nese stresi dhe hormonet jane shkaktaret kryesore, eshte gjithashtu e vertete qe ekzistojne te tjere faktore qe nxisin shfaqjen e pucrave tek lekurat e moshes se pjekur. Si perdorimi i disa loj ilaceve, tip kortizoni, qe dobeson sistemin imunitar dhe lehteson perhapjen e baktereve qe infektojne poret. Apo ndotja: smogu dhe pluhurat e pranishem ne ajer mund te bllokojne poret duke e ndaluar keshtu yndyren te dale te siperfaqe te lekures. Ka raste te tjera qe shkaku duhet kerkuar tek ushqimi. Dhe kjo nuk ka te beje me sallamin apo cokollaten sic besohet. Problemi mund te jete thjesht nje intolerance ushqimore. Dhe ne fund, edhe produktet kozmetike te gabuara per llojin e lekures mund te shkaktojne probleme. Pastruesit teper te forte eleminojne shtresen e siperme, qe mbron lekuren, duke e veneate perpara kushtit per "t'u mbrojtur", kur ajo prodhon me teper yndyre. Por edhe kremrat teper te pasura mund te shkaktojne deme, duke bllokuar poret, qe pastaj infektohen.

Pucrat apo rudhat?

Problemi i zgjedhjes se kozmetikeve te pershtatshem eshte ndoshta edhe me i veshtire ne rastin e lekures se moshave madhore qe kane probleme me aknet. Duket ne fakt e veshtire te arrijme te bejme bashke perdorimin e produkteve specifike, ne menyre qe te normalizojme sasine e yndyres ne lekure, me trajtimet kunder moshes, te cilat jane me te pasura. Por ceshtja duket me e lehte nga sa ngjan. Objektivi i produkteve kozmetike te lekurave miste apo te yndyrshme, nuk eshte "te thajne", por te rregullojne sekretimin e yndyres dhe te arrijne nje hidratim te vertete dhe normal te lekures. Produktet e reja kunder pucrave jane shume me pak agresive se ato te dikurshmet, nuk kane nje veprim te forte anti-estetik si ne te shkuaren. Nje kompromis i duhur do te ishte te zgjidhje produktet qe ne baze te tyre kane alfahidroziaket, si acidi glikoloik, retinoik, citrik, te gjitha me aksion te dyfishte. Nga njera ane, rinovojne shtresen me siperfaqesore te epidermes, "hapin" poret; nga ana tjeter kane perberes hidratante dhe antirrudhe. Ata perdoren ne rastet e lekures te prirur per t'u mbushur me akne. Ne Shtetet e Bashkuara acidi glikolik perdoret deri edhe per te kuruar aknet klasike.

Pastrues delikate

Ne rastet e lekures se papaster, eshte i persosur "peeling"-u me acid glikolik. Ne radhe te pare pastron lekuren ne thellesi dhe per me teper, u lejon trajtimeve te aplikuara me pas te veprojne me mire. Persa u takon trajtimeve, qe behen vete ne shtepi dhe jo ne klinikat apo sallonet e bukurise, duhet pasur parasysh qe te mos perdoren kurre pastrues agresive, edhe pse mund te japin ndjesine qe "pastrojne" lekuren. Me mire eshte te zgjidhen sapune - jo sapune, shkuma delikate dhe qumesht pastrues qe nuk e heqin krejtesisht filmin mbrojtes te siperfaqes se lekures. Nese "make-up"-i i te shkuares mund te jepte ndonje problem, sot situata ka ndryshuar. Sepse pika e forte e ketyre produkteve ne ditet e sotme nuk eshte me trukimi por menyra sesi hiqet ky truk: ne fund te dites eshte e detyrueshme te eleminosh cdo mbetje te grimit, per te evituar qe te infektoje poret. Po scrub-i? Duhet te jete i lehte, dhe te mos behet me teper se nje here ne jave. Per te thithur yndyren e tepert, ideale jane locionet, picetat e posacme qe permbajne pastrues dhe krempudra me efekt matifant. Funksionon si te ishte puder talk qe perthith yndyren.

"Spekter"

[DI_ANA]

Aknet nikotinike

Përveç efekteve tjera negative, siç janë rrudhat dhe lëkura pa shndritje, cigaret mund të shkaktojnë edhe paraqitjen e akneve.

Përbërësit toksik të cilët janë të pranishëm në duhan nxisin rrënien e keratinës nga lëkura, mbylljen e poreve dhe formimin e tenit problematik.

Një grup studiuesish nga instituti dermatologjik, San Gallicano, në Romë, kanë analizuar 100 femra të moshave ndërmjet 25 dhe 50-vjeçare.

Ata kanë ardhur në përfundim se aknet standarde, miteseret dhe cistet, në fytyrë dhe kokë, janë tetë herë më të shpeshta te duhanpirëset (38%), në krahasim me femrat që nuk e pinë duhanin, ku paraqiten vetëm në 4.6% të rasteve.

"Spekter"