Filluan sprovat dhe diskriminimet

[ORIONI]

Shamia ne shkolla sipas kushtetues laike shqiptare
Neni 10
1. Në Republikën e Shqipërisë nuk ka fe zyrtare.
2. Shteti është asnjanës në çështjet e besimit e të ndërgjegjes dhe garanton lirinë e shprehjes së tyre në jetën publike.


Neni 24
1. Liria e ndërgjegjes dhe e fesë eshtë e garantuar.
2. Secili është i lirë të zgjedhë ose të ndryshojë fenë ose bindjet, si dhe t’i shfaqë ato individualisht
ose kolektivisht, në publik ose në jetën private, nëpërmjet kultit, arsimimit, praktikave ose kryerjes së riteve.
3. Askush nuk mund të detyrohet ose të ndalohet të marrë pjesë në një bashkësi fetare ose në praktikat e saj, si dhe të bëjë publike bindjet ose besimin e tij.


Neni 17
1. Kufizime të të drejtave dhe lirive të parashikuara në këtë Kushtetutë mund të vendosen vetëm me ligj për një interes publik ose për mbrojtjen e të drejtave të të tjerëve. Kufizimi duhet të jetë në përpjesëtim me gjendjen që e ka diktuar atë.
2. Këto kufizime nuk mund të cenojnë thelbin e lirive dhe të të drejtave dhe në asnjë rast nuk mund të tejkalojnë kufizimet e parashikuara në Konventën Europiane për të Drejtat e Njeriut.

Kufizimi i shamise behet vetem me ligj te cilin nuk e nxjerr shkolla por parlamenti.Rasti i Frances dhe miratimit ne parlament te ligjit per shamine tregon qarte se vetem me ane te parlamentit mund te nxirret ligj per ndalimin e shamise.Sipas kushtetues shqiptare Rektoret nuk kane te drejte te nxjerrin ligje te cilat bien ne kundershtim me kushtetuten te pamiratuara ne parlament.

Neni 18
1. Të gjithë janë të barabartë përpara ligjit.
2. Askush nuk mund të diskriminohet padrejtësisht për shkaqe të tilla si gjinia, raca, feja, etnia,gjuha, bindjet politike, fetare a filozofike, gjendja ekonomike, arsimore, sociale ose përkatësia prindërore.



Neni 57
1. Kushdo ka të drejtën për arsimim.
2. Arsimi shkollor i detyrueshëm caktohet me ligj.
3. Arsimi i mesëm i përgjithshëm publik është i hapur për të gjithë.
4. Arsimi i mesëm profesional dhe i lartë mund të kushtëzohet vetëm nga kritere aftësie.
.....
7. Autonomia e institucioneve të arsimit të lartë dhe liria akademike janë të garantuara me ligj.
Pra sipas kushtetutes cdo njeri ka te drejten per arsimim dhe se nje njeri mund te kushtezohet nga arsimimi vetem nga kriteret e aftesise.Shamia ne rastin tone nuk eshte kriter aftesie sepse aftesia e individit vleresohet sipas konkursit te cilin vajza nga durresi e fitoi.

Vlen per tu theksuar se Autonomia e arsimit te larte publik sduhet te bie ndesh me kushtetuten e shqiperise perderisa ky arsim administrohet nga shteti.


Kodi penal

SEKSIONI X
VEPRA PENALE KUNDËR LIRISË SË BESIMIT
Neni 131
Pengimi i veprimtarive të organizatave fetare
Ndalimi i veprimtarive të organizatave fetare, si dhe krijimi i pengesave
për ushtrimin e lirë të veprimtarive të tyre, dënohet me gjobë ose me burgim gjer në tre vjet.
Neni 132
Shkatërrimi ose dëmtimi i objekteve të kultit
Shkatërrimi ose dëmtimi me dashje i objekteve të kultit, kur ka shkaktuar humbjen plotësisht ose pjesërisht të vlerave të tyre, dënohet me gjobë ose me burgim gjer në tre vjet.
Neni 133
Pengimi i ceremonive fetare
Ndalimi ose krijimi i pengesave që u bëhen personave për të marrë pjesë në ceremonitë fetare, si dhe për të shprehur lirisht bindjet fetare, përbën kundërvajtje penale dhe dënohet me gjobë ose me burgim gjer në një vit.


Per kete muslimanet mund ti drejtohen avokatit te popullit.

Kushtetuta

Neni 63
1. Avokati i Popullit paraqet raport vjetor përpara Kuvendit.
2. Avokati i Popullit raporton përpara Kuvendit kur i kërkohet prej këtij, si dhe mund t’i kërkojë
Kuvendit të dëgjohet për çështje që ai i çmon të rëndësishme.
3. Avokati i Popullit ka të drejtë të bëjë rekomandime dhe të propozojë masa kur vëren shkelje të të drejtave dhe lirive të njeriut nga administrata publike.
4. Organet dhe funksionarët publikë janë të detyruar t’i paraqesin Avokatit të Popullit të gjitha dokumentet dhe informacionet e kërkuara prej tij.
Ose te ngreje padi kunder Rektorit me argumentet qe permendem me lart.

[ORIONI]

[url]http://sot.com.al/index. php?optionfiltered=com_content& task=view& id=34465& Itemid=1& lang=

Letër e hapur e studentes Albana Haxhiu,

Të dashur motra dhe vëllezër ju lutem mos e injoroni këtë mesazh.
Këtu bëhet fjalë për një problem të cilin ne te gjithë si shqiptarë
duhet ta njohim dhe ta luftojmë. Nuk e di nëse kjo iniciativë private
do të shërbejë në zgjidhjen e këtij problemi porse ju lutem të
shpenzoni një pjesë të kohës suaj për tu informuar dhe mbështetur
këtë nismë.Unë që po ju shkruaj jam një vajzë,bij dhe nënë e këtij
kombi të vuajtur. Me lot në sy po ju shkruaj këtë letër. Ndoshta
ndjenjat, mendjet dhe zemrat tuaja do të bëhen pjesë të këtij
sensibilizimi. Jam rritur në një familje arsimdashëse dhe edukata e
tillë më motivoi për të qenë e mirë në mësime dhe për t'u arsimuar në
universitet. Fitova me konkurs të drejtën për studim në degën
Ekonomi. Si nje vajzë e re në vitin e parë të shkollës së lartë
pranova fenë Islame dhe me vetëdëshirë dhe bindje të plotë vendosa
shaminë. Mbasi u martova me një djalë musliman, i dhashë edhe më
kuptim jetës time duke u bërë nënë. Linda një djalë për të cilin
sakrifikova shëndetin tim. Natën rrija zgjuar si çdo nënë, ditën
shkoja në shkollë. Çdo tre orë vija në shtëpi për t'i dhënë fëmijës
tim gji. Mund ta bëja këtë rrugë 2 km të gjatë shkollë-shtëpi dy deri
tre herë në ditë sepse dhe orari i mësimeve ishte i ndarë në dy pjesë
të ditës, paradite dhe mbasdite. Përveç pagjumësisë së natës,
kujdesjes së ditës ndaj fëmijës tim, mundohesha me të gjithë forcat
të mësoja që të dilja mirë me mësime. Shoqeve të mia ju vinte çudi
dhe më pyesnini ka mundësi që ti vjen e përgatitur kaq mirë kur ke
shume impenjimeve në jetë? Unë ju përgjigjesha: Zoti ma ka lehtësuar
shpirtin për t'i përballuar të gjitha vështirësitë dhe islami më
motivon që të mësoj më shumë. Kjo sepse fjala e parë e Kuranit e
zbritur nga Zoti është "Lexo" (Mëso). Pranimi dhe zbatimi i fesë
islame më nxiti që të jem dhe të kem ambicie për rezultate më të mira
për t'i treguar një realitet tjetër njerëzve nga ai që dëgjojmë në
media. Me gjithë vështirësitë e mia shëndetësore, pagjumësinë, punëve
të shtëpisë, detyrimeve të jetës familjare u përpoqa që të dal me
rezultate shumë të mira. E ndërsa tani jam në vitin e III dëgjova në
media përjashtimin nga universiteti i Durrësit i vajzës me shami. Më
erdhi shumë keq për motrën time muslimane dhe u mërzita shpirtërisht
dhe fillova të mendoj për mundësitë e përhapjes së këtij ligji në të
gjithë universitetet. Nga sytë më dilnin lot dhe mendoja të gjithë
sakrificën time e cila mund të shkonte kot. Mendoja stresin dhe
pagjumësinë gjatë sezonit të provimeve, mendoja lodhjen mendore që
mund të më shkojë kot se në vend t'ia kushtoja familjes dhe fëmijës
tim ia kushtova shkollës. E frikësuar nga përhapja e këtij fenomeni
në universitetet shqiptare me lot në sy u detyrova të shkruaj këtë
letër. Vëllezër dhe motra shqiptarë ju drejtohem nga thellësia e
zemrës. Muslimanet shqiptare nuk duhet të emigrojnë nga Shqipëria për
shkak të ligjeve laike. Ato duhet të integrohen në shoqërinë tonë për
t'i shërbyer asaj dhe për ti dhuruar asaj vlerat e larta të moralit.
Mos i harroni se dhe nënat, gjyshet dhe stërgjyshet tuaja e kanë
mbajtur shaminë e bardhë në kokë pavarësisht se më vonë ajo kaloi si
traditë. Mos e nënçmoni dhe përbuzni shaminë sepse duke përbuzur atë
keni përbuzur nënat, gjyshet dhe paraardhësit tuaj. Mos u bëni
paragjykues ndaj lirive dhe të drejtave të vajzave muslimane.
Zgjedhja e tyre e lirë dhe me bindje nuk i bën asnjë dëm shoqërisë
por përkundrazi. Nëse do të jemi një shoqëri e civilizuar më së pari
duhet ti pranoni këto vajza me veshjen e tyre si motrat tuaja, si
bijat tuaja dhe si shoqet tuaja. Duhet t'i respektoni ato për
vullnetin dhe rrugën e Zotit që kanë përqafuar. Duhet të doni të
mirën për to sepse ato janë bijat e këtij kombi. Duhet t'i themi
njëherë e mirë stop diskriminimit, përbuzjes, luftës kundër fesë. Me
anë të regjimit komunist besoj se Zoti na tregoi se një regjim
antifetar ligjor nuk i shërben shoqërisë dhe njeriut. Mos na përçmoni
dhe përbuzni që mos t'iu përbuzë Zoti ju. Vajzat muslimane dëshirojnë
ta shijojnë jetën sipas mënyrës së tyre dhe kjo nuk përbën asnjë
rrezik për shoqërinë përveç strehimit mendor që jua dhurojnë disa
racistëve, fobistëve, radikalëve laikë që thyejnë parimet e
kushtetutës hyjnore dhe principet e ligjet e kushtetutave njerzore.
Ju bëj thirrje të gjithë motrave dhe vëllezërve, baballarëve dhe
nënave shqiptare që të mos i mbështetni njerëzit të cilët nuk i
respektojnë të drejtat e njerëzve fetarë. Ju bëj thirrje që ti
përkrahni dhe mbështetni vajzat muslimane për të qenë realisht një
shoqëri e civilizuar. Ju bëj thirrje pushtetarëve që mos heshtin ndaj
veprimeve antiligjore të rektorëve të papërgjeshëm. Gjithashtu nëse
zërin tuaj e ngrini për të fituar votat tona në prag zgjedhjeve
ngrijeni kur dhe votuesit tuaj ju shkelen të drejtat dhe liritë të
cilat ju vetë i keni sanksionuar në kushtetutën shqiptare. Mjaft më,
me heshtjen për hir të servilizmit po frikës se mbrojtja e të
drejtave të muslimanëve do ju vendosë ndonjë çallmë në mediat
shqiptare ose në kancelaritë Europiane. Ju lutem dhe një herë për hir
të Zotit ruajini të drejtat e liritë e njerëzve dhe mos diskriminoni
asnjë vajzë për shkak të veshjes ose besimit të saj. Zoti i nderoftë
ato që e nderojnë njeriun dhe të drejtat e tij hyjnore.z.
Kryeministër. z President znj, Jozefina Topalli Ju lutem mos lejoni
qe ateizmi radikal, laicizmi konservator të ndërhyjë në marrëdhëniet
e instuticioneve shtetërore midis shtetit dhe të drejtave të
individeve. Mos lejoni që shkollat të bëhen pjesë vetëm e laikëve.
Ato duhet ti përkasin çdo pjese të shoqërisë. Çdo njeri ka të drejtë
të arsimohet dhe të ushtrojë besimin e tij sipas Kushtetuës. Pse nuk
flisni kur shkelet Kushtetuta për çështje sociale e ndërsa për
çështje politike bëni të kundërtën. Mos lejoni që në emër të laikes
shteti të jetë në duart e ateistëve. Laiciteti nënkupton që shteti
nuk është fetar por ai i përket të gjithëve dhe jo vetëm laikëve. Ju
drejtohemi juve si drejtuesit e Shqipërisë në Bashkimin Europian. Mos
lejoni kurrë ligje të cilat kufizojnë besimtarët muslimanë në të
kundërt të gjithë besimtarët muslimanë do fillojnë grevat e urisë në
auditorët e universiteteve.
Zoti qoftë me njerëzit e drejtë



http://sot.com. al/index. php?optionfiltered=com_content& task=view& id=34465& Itemid=1& lang=