Çeku në mes të uriturve
Ajo që duhej të ishte një takim me një pjesë të diasporës në Londër, doli se ishte
më shumë takim me llupës të pangopur. Ne restorantin “Koha”në Londër
kryeministrit Çeku bashkatdhetarët i kanë ikur pa paguar pijet. Gazeta Express zbulon turpin.
Muhamed Veliu
Nga Londra
Korrespondent i gazetes Express Prishtine
Dëshira e kryeministrit Agim Çeku për ta kaluar mbrëmjen në bar restorantin Koha pronë e vëllezërve Maqedonasi në Londër, është shfrytëzuar nga një pjesë e të pranishmëve si mundësi e mirë për të mjegulluar trurin dhe barkun me pije alkoolike e ushqim të shtrenjtë.
Dhe atë, pa future dorën në xhep. Çeku ka qenë i shoqëruar nga shefi i zyrës britanike në Kosovë David Blunt, duke ia kushtuar takimin e tij të fundit në Londër komunitetit shqiptarë. Për këtë ishte zgjedhur bar “Koha” në sheshin Leicester Square.
Edhe pse kishte kaluar një ditë të rëndësishme plot intensitet
takimesh kryeministri kishte mbërritur në “Koha” i qeshur, me energji për tu takuar me bashkëkombësit e tij. Larg formaliteteve kryeministri ka bashkëbiseduar
me të ftuarit rreth takimeve në Londër.
Rreth 30 të ftuar kanë pasur fatin të takojnë atë dhe shkëmbyer disa fjalë me të, njëkohësisht duke lagur fytin me ca gota verë.
Megjithëse, të zotët e shtëpisë servirën ushqimet falas, disa nga të pranishmit e kishin konceptuar takimin si një mundësi për të pirë alkol falas. Në fund të takimit disa që pretendonin se ishin organizatorët e takimit nuk i kanë dalë për zot faturës së pijeve megjithëse pronarët e lokalit tejet zemërgjerë i kishin bërë asaj një ulje 50%.
Duke parë një situatë të tillë alla-shqiptarçe këshilltari i kryeministrit Robert Uillton me shumë finesë e ka nuhatur situatën dhe ka paguar faturën e pijeve. Akti i tij ka qenë një lehtësim i vërtetë për ata të cilët nuk kishin bërë ndërmend atë natë të fusnin dorën në xhep. Njëri nga të pranishmit tha se “E gjithë kjo ishte një turp i vërtetë.
Imagjino sikur sonte kryeministri do të kishte qenë në mes të vëllezërve tanë në Amerikë,Gjermani apo Zvicër. Do të bëhej një dasmë e vërtete”. Për turpin e të gjithëve nga Bar Koha kryeministri Çeku u largua duke paguar nga xhepi i tij.
Gjeneral Agim Çeku iku nga Londra me mbështetjen britanike, por jo me respektin që duhej bërë një kryeministri nga ata që tentuan të shquheshin si organizatorët
e pritjes.
Ka qenë zyra e pritjeve e Foreign Offisit ajo që ka organizuar
dhe ka kontaktuar bar “Kohën” për rezervimin e tavolinave. Ndërsa, lista e
të ftuarve në mënyrë tejet strikte ishte organizuar nga “Anglo-Albanian Association”.
Përgjigju Duke Cituar
Krijoni Kontakt