Drejtori i Berishës në skandal për molestim seksual

[Humdinger]

Drejtori i Berishës në skandal për molestim seksual

Tiranë

- Nuk mjaftojnë rastet e korrupsionit, shkeljet e ligjit dhe të procedurave zyrtare, por tani drejtorët e Berishës bëhen edhe protagonistë të skandaleve seksuale. Drejtori i Doganës së Durrësit, Arben Ibro është denoncuar për ngacmime seksuale. Fakti është bërë publik nga emisioni "Fiks Fare" në Top Channel, që ka bërë të ditur edhe se kaseta audio dhe video që është provë e këtij skandali i është dorëzuar në një kopje kryeministrit Sali Berisha dhe në një kopje tjetër edhe Avokatit të Popullit. Nga ana e tij, edhe stafi i emisionit ka dorëzuar një kopje tek kreu i qeverisë, duke u nisur nga dëshira e këtij të fundit, e shprehur publikisht, se kërkon t'i ketë vetë faktet në dorë, madje edhe përpara organeve të Drejtësisë. Dy kasetat e regjistruara provojnë se drejtori i Doganës së Durrësit, Arben Ibro ka ngacmuar seksualisht një shtetase me inicialet D.M. Kjo e fundit ka kohë që nuk paraqitet në punë, edhe pse drejtori për të arritur qëllimet e tij e ka ngritur edhe në përgjegjësi, duke i shtuar edhe pagën. Që prej një muaji ajo është emëruar si doganiere tek Eksporti, por që prej kësaj kohe, D.M nuk ka shkuar më në punë. Ngacmimet e vazhdueshme nga ana e drejtorit Ibro kanë bërë që ajo ta denoncojë përmes dy kasetash audio dhe video, të cilat tashmë janë në dorë të Avokatit të Popullit dhe të kryeministrit. Megjithatë, deri më tani nuk është parë asnjë lloj reagimi nga institucionet dhe aq më pak nga Berisha, që këtë herë ka qenë një ndër të parët që ka marrë kasetën në dorë.

16/10/2006

Z.P


PS:
Berisha "lufton" korrupsionin, por llojin e pushtërve si ky Ibro, nuk i fut në kategorinë e të korruptuarve.

[Humdinger]

Ibro,nga salla e Kuvendit ne Drejtorine e Doganave



Tiranë

- Arben Ibro ka qenë shef i sigurimit në sallën e Kuvendit në vitet 96-97. Në këtë vit është shkarkuar nga detyra por jo për t'u larguar përgjithmonë nga skena. Dëshmitarë të ndryshëm pohojnë se e kanë parë Ibron të përzierë në grushtin e shtetit dhe ngjarjet e shtatorit të vitit 1998. Po këtë vit, pasi i ka shpëtuar arrestimit të forcave të rendit ai është larguar në drejtim të Kanadasë, ku ka qëndruar për rreth shtatë vjet. Kthimi i tij në Shqipëri përkon me periudhën disaditore pas fitimit të zgjedhjeve nga ana e Partisë Demokratike, në gusht të vitit 2005. Ibro vendoset sërisht në detyrën e komandantit të rojeve të Kuvendit në shtator-tetor të një viti më parë. Por nuk ka vonuar më shumë se një javë nga emërimi në detyrën e re dhe Ibro ka marrë karrigen e drejtorit të Doganës së Durrësit. Pas lëvizjeve të shpejta për një kohë shumë të shkurtër në shkallët e karrierës është pikërisht Jozefina Topalli.


Pse nuk reagon Berisha?



Tiranë

- Këtë herë kreu i qeverisë nuk mund të thotë se nuk ka qenë në dijeni të skandalit, ku është i përfshirë një prej drejtorëve të tij. Kryeministri Berisha nuk mund të thotë se nuk ka patur mundësi të marrë masa sepse nuk kishte në dorë provat, si në rastin e kasetave me përgjimin të skandalit "Albatros". Atij i janë dorëzuar kasetat si nga vetë denoncuesja, ashtu edhe nga stafi i emisionit "Fiks Fare". Këta të fundit kanë deklaruar që një javë më parë se kanë cuar materialin tek kreu i qeverisë. Berisha ka patur gjithë kohën e mjaftueshme për të reaguar ndaj këtij skandali dhe për të marrë një masë. Por kjo nuk ka ndodhur.


16/10/2006

Z.P.

[Lunesta]

Ca te reagoj brrisha, keto te vetat squhen.

Se mani men para 1 muji kur dolen rambot e brrishes tu bo filma me terminator te buleveradi, kujtun se ishin te logu burrave ne tropoj, qen tu e heq njonin qafe, te policis kta gjasme.

[beni67]

Mos ! Edhe kete e bene ata te Berishes. E padurueshme. O burra te rrezojme qeverine ..........