Tatimet, 95 perqind e emerimeve, te paligjshme

[Ujku'80]

Zbulohet skandali i emërimeve politike në Drejtorinë e Përgjithshme të Tatimeve. Një kontroll i ushtruar nga Komisioni i Shërbimit Civil pak muaj më parë në këtë institucion, ka nxjerrë në dritë me detaje një proces të kompromentuar të rekrutimit të nëpunësve në administratë. Bëhet fjalë për 228 individë nga 240 gjithsej, të punësuar në kushtet e shkeljes flagrante të ligjit me të dyja këmbët. Nga verifikimi i praktikave të rekrutimit është konstatuar se në thyerje të ligjit, fillimisht është bërë emërimi dhe më pas është hapur konkurrimi, të cilin e ka fituar i njëjti individ. Nga ana tjetër, në shkelje të urdhrit të kryeministrit “Për ndërprerjen e menjëhershme të kontratave të punës në pozicionet e shërbimit civil..”, të gjitha emërimet në fjalë janë bërë me kontratë të përkohshme pune, të lidhur midis titullarit të institucionit dhe këtyre punonjësve të ardhur nga sektori privat apo funksione që nuk përfshihen në shërbimin civil. “Procesi i konkurrimit është zhvilluar vetëm për formalitet të zbatimit të ligjit, duke e kompromentuar rëndë e në themel këtë proces, duke i hequr mundësinë pjesëmarrjes së konkurrentëve cilësorë dhe kufizimit në këtë mënyrë të mundësisë së zgjedhjes më të mirë”, shkruhet e zeza mbi të bardhë në konkluzionet e kontrollit të KSHC-së. Shihet qartë pra se cila është rruga dhe cilët janë njerëzit që ka zgjedhur ministri i Financave, Ridvan Bode për të realizuar të ashtuquajturën “reformë rrënjësore në sistemin tatimor”.
Ngritja në detyrë
Nga ana tjetër, duke shqyrtuar përmbajtjen e pikës 3 të nenit 20 të ligjit “Për procedurat tatimore”, ku shprehimisht përcaktohet se: “Kalimi në një nivel karriere më të lartë, nuk mund të bëhet pa kaluar nivelin pararendës më të ulët të karrierës. Përjashtim bëhet vetëm për postin e Drejtorit të Përgjithshëm të Tatimeve”; nga grupi i kontrollit të KSHC-së është vërejtur se kjo kërkesë nuk është respektuar për një numër relativisht të madh rastesh.
Konkretisht, shkelje të kësaj dispozite janë vërejtur duke filluar nga emërimi i zv/Drejtorit të Përgjithshëm të Tatimeve dhe deri tek 29 krerët e degëve të Tatimeve në rrethe. Në të është vënë një kusht që nivelet më të larta si ai i “inspektorit”, pra nga pozicioni “përgjegjës zyre” dhe deri tek drejtuesit më të lartë teknikë në DPT, duhet të ngrihen në detyrë në formën e zhvillimit të karrierës dhe jo në formën e rekrutimit të thjeshtë. Kjo formë, pa kushtin e zhvillimit hap pas hapi të karrierës, është pranuar vetëm për Drejtorin e Përgjithshëm të këtij institucioni, kurse për të gjitha postet e tjera është pranuar zhvillimi i karrierës jo hap pas hapi, por direkt me ngritje në detyrë. Por, mosrespektimi i këtij kushti është bërë shkak që të gjithë krerët e degëve të Tatimeve në rrethe të mos përfitojnë statusin e nëpunësit civil. Një problem më vete i konstatuar në DPT është gjithashtu fakti se mungon “akti i konfirmimit të nëpunësit civil”, i punonjësve të administratës tatimore, në pozicionet me të cilët ata janë në marrëdhënie pune.
Trajnimet
Në këtë drejtim, KSHC-ja ka vërejtur se është bërë një punë e mirë. Kështu, për të gjithë nëpunësit civilë janë zhvilluar veprimtari të ndryshme trajnuese në lidhje me pozicionin e tyre aktual, nisur edhe nga specifika e punës në këtë institucion, që më pas janë shoqëruar me certifikatat përkatëse.

[Korcar-L1]

per te vjedhur, te tere do vjedhin, por qe te ta hedhin ca kokeqoshe me "4 klase", kjo vetem ne shqiperi ndodh. Te kam dh....re mu ne Amerike. Endra amerikane eshte 0 me bisht para asaj shqipetare :P