Tutje

[yjori]

Ikarus

Sharruan pemen
e bene leter
I ati beri nje balone me te
dylli shkriu...

U zgjua kur po binte,
u mbush me fryme,
pa muret e larta te qiellit,
rojet ne kullat me gjemba,
vizatoi ne xham me gisht
konturet e vetes...

[yjori]

Të parët e mi nuk kishin emër,
nuk flisnin fare, përgjigjeshin
me gjeste, sytë gjysmë të mbyllur,
janë të egër thuhej e i kishin frikë

Nuk dihej nga vinin, flinin në këmbë,
në këmbë vdisnin e më lindën mua,
Më lanë e shkuan, më gjetën prindët,
Një burrë ishte babai, nëna një grua

Më veshën tesha, më vunë një emër,
më bënë të flas, të qaj, të qesh, të ha,
u rrita e kur po mbushja të tridhjetat,
theva pasqyrën e dola rrugëve cullak

Bosh janë pyjet....

[yjori]

Brenda nuk ka njeri,
As unë nuk jam aty,
Po atëhere nga e di
që atje nuk ka njeri?

[Loti i shpirtit]

Katror i dhomes dhe une,
mund te dilja jashte e te shikoja qiellin,
po ja qe dua me teper t`i bej nje vrime tavanit

Dyert jane te hapura,
mund te dilja jashte e te shikoja qiellin,
po ja qe dua me teper te shoh nga vrima e celesit

Shtrati eshte gati,
mund te shtrihesha e te flija (eshte vone),
po ja qe dua me teper te enderroj zgjuar

Enderroj te dal nga dhome e trupit,
nga vrime e syve dyerve te gjoksit,
e te lyp rrugeve te ftohta te nates
ca yje sa per te shuar urine e territ
qe hengri dritat e prape s`u ngop,
qe nuk fle dot, qe nuk di se c`do

Kocke enderr qenit te zi
Nuk jam i zoti, jam si ai

Sa kenaqesi te lexosh te tilla poezi.Flm!

[hope31]

urime per poezite shume te bukura

[e panjohura]

Brenda nuk ka njeri,
As unë nuk jam aty,
Po atëhere nga e di
që atje nuk ka njeri?

Shkurt kjart domethenese!!!Te lumt!

[yjori]

Vjen një kohë kur njeh më shumë të vdekur se të gjallë,
Ëndërrat vinë e bëhen gjithmonë e më të pakuptueshme,
Kujt t`ia tregosh? Pleqtë, që i lëçisnin dikur, kanë shkuar,
Do doja dhe unë, po nuk jam fantazëm, nuk tretem dot,
Apo jam, nuk e di e të ma thote nuk ka se kush?

[yjori]

Horeb

Malin e shenjtë
e copëtuan,
me gurët ndërtuan
tempuj,
piramida,
mure,
statuja

Lumin e shenjtë
e bënë pis,
me ujët u lanë,
pinë,
u pagëzuan,
hodhën kufomat atje,
të pëgërat,
urat

Fjalën e shenjtë
e thanë aq shpesh,
e përfolën
apo belbëzuan,
u shanë me të,
u falën,
e shkruan,
mësuan përmendësh,
harruan

Etërve, heronjve, prijësve, të vdekurve u besuam e humbëm shkretëtirave,
labirinteve, betejave, zgavrave bosh të tempujve, kafkave, anijeve, busteve,
me gjarpërinj në duar, pushkë, pranga, penë, mish e kazma, gjak e spermë,
vramë po nuk krijuam, kërkuam atë çfarë gjetëm, urryem dhe u deshëm, kaq,
asgjë më shumë, zjarri s`jemi që pjek shkëmbin e ujët rrjedh qoftë dhe i ndyrë

5000 gjuhë,
2 ditë pushim,
2 fëmijë,
2 duar herë 5 gishta,
dhjetë dollarë ora,
pesëdhjetë seksi,
sytë i ngremë rrallë
nga pjatat, librat, tjetri,
llogaritë, varret,
hapat, makinat, udha,
për të parë qiellin

E ç`të shohësh?
Avionë e antena,
Kulla, tela, kamera,
Tym, oxhakë, CO2,
Vrima ozoni, astronautë
me helmeta në Hënë,
Eteri plot sinjale, pamje,
filma, luftë, drogë,
kurva, tiranë, idiotë,
Aids, e njerëz që në Tokë
nuk kanë ç`hanë

Krreji në të dhembin
nga vetëtimë e hakut,
të bardhat vezë lyer
për pashkë me gjak,
fshehur për fëmijët
në kopësht a në pjatë
me farë të ngordhur
zogjsh, drite, fati

Udhë-, fjalëkryqeve,
thyer eshtrat gjuhës,
s`kullon gjak mali,
veç duron kur rrjedh
frymën që hesht,
duron zgjedhën,
borën e gjurmës,
dëgjon e mardhet,
dorë e të drejtit
që dalë nga gjoksi
nuk flet, vec i zgjatet
tjetrit e zbardhet...

[yjori]

Lëneshat

Erdh vjeshta e verë s`pat,
U nisën të shtegtonin zogjtë po s`ditën ku,
Fluturuan mekur, u lagën,
U tulatën strehëve hutuar e mbetën këtu

Erdh vjeshta e rreze s`pat,
Hije nuk mbollën pemët, njerëzit, muret,
N`pasqyrë të saj nuk u panë,
Harruan kush qenë e u mekën po ashtu

Erdh vjeshta, na gjet fillikat...

[yjori]

Fjala eshte
grua per burrin,
burre per gruan

Cka themi
eshte ajo cka duam,
cka duam te jemi,
cka duhet,
Falje, shpifje,
cka besojme,
cfare presim
te degjojme
e nuk thuhet

Cka flasim
eshte pasqyre
ku shohim veten,
djall a zot,
te thjeshten,
heshtjen,
boten

Fjala eshte
puhi,
fllad a shi,
thike,
bombe,
diell, stuhi,
lot, buzagaz,
merzi, lot,
bosh e plot,
ti e une,
tok

Kot
e hic
nuk lind,
edhe kur
pjella
memece
eshte,
Fjala mbin,
piqet,
gjallon,
vdes,
varroset

Fjala eshte
njeriu,
zjarri,
cka na ben
tjeter,
kafsha
qe mendon,
qe qeshet

Fjala eshte
prindi,
fjala eshte femija,
fjala eshte
grua per burrin,
burre per gruan...