Tutje

[Diabolis]

Vjeshta jote eshte e arte yjori, me shplodh.
Dalloj mbi te gjitha Here here; fantastikja e asaj bote qe ke krijuar me mrekullon.

[yjori]

Para se zgjohem shkoj
30 e ca vjet më parë
rrugicave për në shkollë

Barqet e rrjepura të mureve
ngrohen në diell,
ja dhe furra e lagjes,
çezma e ndryshkur,
stacioni i autobuzit
me orën e mbetur,
pastrueset me fshesa,
lodhur rreth hirit të natës,
w.c.-të publike që mbajnë erë,
njerëzit që shkojnë në punë,
nën sqetull bukën
mbështjellë me gazetë

Xhamat e pastiçerisë
mbuluar me avull ekspresi
që ca gra të shëndosha e një
kasë me dhëmbëza të zeza
bluajnë e ua shërbejnë me
filxhanë me bisht të trashë,
të bardhë, me përtesë
atyre që pinë dopion e parë

Nën vitrinë thahen gurabije,
ingranazhe, pasta me sy,
pasta me krem, kokë arapi,
cigare pa filtër, byrekë,
pesë, dhjetë, pesëmbëdhjetë,
tetëmbëdhjetë lekëshe

Kam në xhep një monedhë
me partizanin e panjohur
që ka rrëzuar përdhe
e vënë kondakun në fyt
një gjermani me helmetë,
Me të mund të blej
tek pleqtë dhe gabelët
në pushim të drekës
hurma farëzeza,
caraca,
kumbulla shahine,
fara kungulli të pjekura,
luledielli të thara,
a dy kupa akullore
nëse vjen sot karroca

Në oborr vajzat
me përparëse të zeza
e jaka të bardha e djemtë
rrjeshtohen, hipën mbi shkallë
një mësues e bën pastaj
gjimnastikën e mengjesit

“Parti, Enver,
jemi gati kurdoherë!”,
grushtet e femijëve,
të vogla, rozë tendosen,
tremben harabelat
në pishën e madhe
e rrëzojnë ca boçe
që më zgjojnë...

[yjori]

Vëlla e shok
që nuk të njoh
Mik e baba
që s`të kam parë

Më duhej të takoja
të vdekur e të gjallë
për të të gjetur

N`atë varg të gjatë
i fundit do ishe,
i fundit fare

E varet nga kahu
në je majmuni
që u bë Adami
apo njeriu i parë
që do ketë krahë

[yjori]

1.

Hija
që më varet këmbësh
është si ëndërr,
herë xhuxhe, pa trajtë,
herë hollohet, zgjatet
si këmbë merimange
që mbahet në fole
kur koka ha mizën,
ngecur në rrjetë
e qep pastaj
në horizont
të çarat

Kur drita bie pingul
ajo është rrënjë,
Pema unë,
Pasqyrim i lëngët
kur eci mbi ujë

E darkave
kur shtrihemi
e bëhemi një
më tregon
radiografi
të skeletit të botës
parë kokëposhtë

2.

Damarët e shpuar blu
rrahin gishtat e agut
derisa ata fryhen,
Gjejnë një të plotë
Në lugë të aluminit
hedhin re e tym,
lutjet e para të ditës,
faljet qëmoti
e ia ngulin në gjak
djersitur nga padurimi
shiringën e minaresë
Zotit

Bebezë e tij e verdhë
fryhet, tkurret shpejt,
vjell çka ngrënë,
misër, këlyshë, vezë,
perëndime, vrer,
kalimtarë, grurë,
shpezë, pyje, tym,
portokallë vjeshte

Zemra buçet zjarr
Venave të rrezes,
Vegime me flakë
e delire drite
që na bëjnë ne,
melekët dhe xhinët,
të fshihemi pas jush,
zgjatemi e tretemi,
Zhytemi në dhe,
e me dhe në gojë
flasim me të vdekurit
e ju tregojmë ju
atë ç`na tregojnë....

(vijon...)

[yjori]

Flutur, ëngjëll a diell

Pluhurin e artë të krahëve
më le në gishta e shkove

Xixave të tjera të natës,
Yjeve, zjarreve,
akoma pa ditur se

Miliona vjet e vjetër
është dritë e të parëve,
veç flakë që të djeg
ajo çka ndezin njerëzit

[macia_blu]

1.

Hija
që më varet këmbësh
është si ëndërr,
herë xhuxhe, pa trajtë,
herë hollohet, zgjatet
si këmbë merimange
që mbahet në fole
kur koka ha mizën,
ngecur në rrjetë
e qep pastaj
në horizont

të çarat

Kur drita bie pingul
ajo është rrënjë,
Pema unë,
Pasqyrim i lëngët
kur eci mbi ujë

E darkave
kur shtrihemi
e bëhemi një
më tregon
radiografi
të skeletit të botës
parë kokëposhtë

2.

Damarët e shpuar blu
rrahin gishtat e agut
derisa ata fryhen,
Gjejnë një të plotë
Në lugë të aluminit
hedhin re e tym,
lutjet e para të ditës,
faljet qëmoti
e ia ngulin në gjak
djersitur nga padurimi
shiringën e minaresë
Zotit

Bebezë e tij e verdhë
fryhet, tkurret shpejt,
vjell çka ngrënë,
misër, këlyshë, vezë,
perëndime, vrer,
kalimtarë, grurë,
shpezë, pyje, tym,
portokallë vjeshte

Zemra buçet zjarr
Venave të rrezes,
Vegime me flakë
e delire drite
që na bëjnë ne,
melekët dhe xhinët,
të fshihemi pas jush,
zgjatemi e tretemi,
Zhytemi në dhe,
e me dhe në gojë
flasim me të vdekurit
e ju tregojmë ju
atë ç`na tregojnë....

(vijon...)

Nuk ke c'i thua, kjo eshte poezi qe nese nuk me ben xheloze me hap oreksin te "usheqehem" me yje...!

TI s'ke nevoje per Urime!

[yjori]

Qerosi pa vetulla, me sytë rrumbull pa dritë në bebëz,
pret të erret, vesh cohën e bardhë pa xhepa të hënës
e më shfaqet papritur në ëndërr. Shtangem, dua të klith,
po nuk mundem. Hesht e kam frikë mos ndoshta jam ai.
Më shkelin putra, këmbë të zbathura, mbytem në vesë,
djersë, nuk marr dot frymë deri sa vdes e pres të rilind

[macia_blu]

Qerosi pa vetulla, me sytë rrumbull pa dritë në bebëz,
pret të erret, vesh cohën e bardhë pa xhepa të hënës
e më shfaqet papritur në ëndërr. Shtangem, dua të klith,
po nuk mundem. Hesht e kam frikë mos ndoshta jam ai.
Më shkelin putra, këmbë të zbathura, mbytem në vesë,
djersë, nuk marr dot frymë deri sa vdes e pres të rilind

(....)
Pa fjale....!

[yjori]

Shpinë e butë e elefantit që mban botën,
Tru ku mendimi përgjumet e humbet
barërave me erë trullosëse që mbulojnë
gjunjët e holla e me nyje të insektit
që na tremb; ja kështu është gjoksi yt,
çast i ngrirë , gjak i mpiksur mbi plagët
me të cilat lindëm; të çarat e syve, gojës
që lakmojnë qumësht, trajtë, mish, tjetrin

Bark i butë me pala i lehonës, gjuhë ku
fjala mbytet në lëng të epshit a urisë, ku
embrioni zhytur në gjak kërrusur në mitër
s`di kush është; ja kështu të gjej, të humb
shkretëtirave, xhunglës; mirazh i pyllit, yll
që shuhet si mendim në ëndërr, plasave
si shi. Nga vijnë ata kuaj tymi? Ku shkon?
Ç`më thotë shushurimë e zhegut, pellgut,
flaka, buzë e fryrë e femrës që më puth?

[albunkers]

a ke copyright ti per keto???
shume te bukura ,,, por a nuk ke frike se i merr dikush e i buton... thjesht kureshtje eee...