Tutje

[yjori]

More këtë plis në krahë e i fryve,
Nyjet u zgjidhën,
Ullinjtë e zinj mbushur me vaj,
bërthamë e tul,
u trandën në degë të trungut
që dridhej,
Brinjë e rrënjës u ngul më fort
në dhe, në mua,
thuri të çarën me deje të reja,
lëkurë, puthje

[yjori]

Perbindeshi ngjan i zymte,
luspat e hijeve, te vrenjtura
ne te vertete jane pupla resh,
ofshamash e britmash, ankthi yne
qe ngjitet tym kur digjemi
ne brenge te vetes, vezes

Krrokame a cicerime, trok,
tik tak, shkrepetime a thjesht
nje peshperime, sidoqofte
guacka dikur kris, nga brenda
klith drita e na derdhet siper,
grerezat e arta qe na thithin
palcen e sembojne shpirtin
me thumba shprese, hareje,
mbjellin nektar te ri aty per
flatra e petale, gjethe e qepalla,
prarojne ajrin, ujet, pine helmin
e zhyten lugjeve te padukshme,
boteve te shkuara, te ardhura

Krokodili dale nga llumi qenka
nimfe, zane, sirene, engjell,
Perbindeshi e dielli binjake,
Vec ti e di cfare e kush jam,
ne jam gjarper a pellumb,
ne jam vertete apo maske

[Fiori]

Fjala eshte
grua per burrin,
burre per gruan

Cka themi
eshte ajo cka duam,
cka duam te jemi,
cka duhet,
Falje, shpifje,
cka besojme,
cfare presim
te degjojme
e nuk thuhet


...

Kjo më pëlqeu shumë! Urime...


p.s. e tëra, jo vetëm citimi

[yjori]

U deshëm e s`ditëm çfarë,
Verbër thithën sytë
sisat e pamjes

Këlyshët e saj qemë,
Të tjetrit, bishës që na ndjek,
që jemi vetë

Kafshuam, puthëm, lëpimë,
e s`ditëm çfarë,
Urinë shuam me flakë

Flakë nxorëm nga goja,
Kuçedra, joker,
me dy koka

Që na pinë, na tretën,
Që i premë e ia ngjitëm
tjetrit....

[yjori]

Gjurma që mbolli këtë rrugë ish zbathur,
Rrudhë kish qenë më parë në ballë të këmbës,
që s`dinte pse ish bërë derisa u tund nga peshë
e valles për të shkuar tutje, nga vrull i prehjes
qiejve lidhur, varur , për jetë të tëra qenies

Sytë e farëhedhësit as farën s`kishin parë,
bebëzën, shkëndijën që s`dinte pse ish bërë,
derisa në terr u drodh n`afsh kur pa çka ndriti,
humnera qiejsh e botë pa fund, të tjerë si ai,
e nisi kështu vallen, hapin, brazdën e dritës

[yjori]

Herë herë,
shtëpitë shtrihen
mbi asfalt
si dele pas kullote,
Sytë e njerëzve,
fshehur
pas xhamave
të diellit
nuk i trembin,
ripërtypin hije
e koten

Fallus i kishës
Zbutet e varet
përgjumësh
pas seksit
me qiellin

Gjigandi gri
Tutet të vijë...

[yjori]

Here here,
mbremjeve
catite pine birre
hene e vjellin
pastaj rrugeve
hije te dehurish
qe tunden

Gryke e kishes
gromesin
tinguj kembanash

Vigani i zi,
arapi i djersitur,
ben kujdes
kur ecen
mos shkele
gastaret e reve...

[yjori]

Here here,
heret sheh dike
tek u hedh uje
e fshin pastaj
syte e pergjumur
te makines

Dritaret e shtepive
shohin kete enderr
me perbindesh
po nuk levizin dot
jane ngrire
ne bryme,
pastaj zgjohen
te trembura
e shtriqen

Sqep i kishes
cuket ne koke
krimbin, e vret,
dhe ua ndan
te vegjelve
qe e hane tok

Mbreti i verdhe
ve kuroren,
e nuk di me
c`te beje,
te rrije
a te shkoje...

[yjori]

Here here,
marr catine ne krahe,
e dal ne shesh,
si kermill, si breshke,
me mure kraheve,
fasada,
themele,
maska

Ne kishe,
dikush mban kryqin,
qiejt, fatin,
vdes,
ngjallet prape,
ben kujdes per ne
mekataret

Djallit aq i ben
ne u shkrua
apo jo
nje vjershe...

[yjori]

Çurkë e pikës ngriu,
u bë thithkë,
Pastaj prapë e u bënë dy,
Pasqyra, binjakë e maska

Ish shi, ra ar,
n`atë natë?
Kot tok?

Ç`pikë kulloi mbi mish,
e la n`ato rrathë kaf
vullkanë qumështi?

Më poshtë plagë e tharë
e gjarpërit, litarit të prerë,
boshtit që lidh kohën,
Vrima të zeza që thithin,
nxjerrin natën, botën,
bebëza mbushur yje,
sy që tjetrin s`shohin dot...