Tutje

[yjori]

Mijëra këmborë

1.

Krisi një mur; u drodha pasi po të mendoja atë çast,
Frymë të ftohtë errësire thitha dhe humba në muzg,
Aty ku botët flenë, lëshuar në ëndërr,varur tek tjetra

Dridhej diku një zë në mall, shkova andej e të pashë siç
ke mbetur, pashë veten në ty dhe babanë tonë, fatin

Drerë do jemi ndoshta,
Dikur do shihemi në sy
e do heshtim paqe...

2.

Unë vetëm sytë të di,
Nën shkëmb ujët blu,
që shndrin hënë e yjësi,
ku shkuma zbardh kuturu

Vjen erë shprese, freski vese
agimi e gushe të butë myshku,
Buzët s`kuptojnë përsenë e
rrudhjes, mpakjes, vyshkjes

Shushurin fjala si rrjedhë,
zhytem në të e përhumbem,
korijeve me pallonj e drerë,
ku dua të puth e s`mundem...

3.

Po të dija pse lind kujtimi dhe xixën që e ndez,
vallen e flakës, fëmijës prej zjarri që më përqesh,
do isha hedhur ndoshta edhe vetë aty, në shesh,
e do isha zhbërë në çast. si bletë që lind e vdes

Ujërat i frynë rrënjët si gjinjtë pranvera, bëne tutje,
tretën arin e flatrës së ngordhur, ngjyen fletët me të

Me të verdhat e jeshilet pupla, ca të kuqe, u mbushën
pemët, u bëne gra; te rënda nga hijet, me vathë si rrush

I ëmbël nektari që ngjit buzën, e hesht, e vë në gjumë...

4.

Tringëllijne mijëra këmborë,
Në tufë është ca më ngrohtë,
Fjalët e para të dritës, derisa
të piqet e verdhë, kalli i plotë
që ulet sa më shumë rëndohet

Si dele i rrimë tjetrit pranë e kotemi,
me sytë bosh, qerthullakë, pa shpresë,
Jemi në a jemi ëndërra?. Gjumë të lodhuri?

Rëndohet peshë e moshës me kohë që rrjedh paprerë,
Mbushen flluskat me lëng të freskët, çahen sytheve...

Zgjohem. Jashtë s`ka ndodhur asgjë e re. Tymi varet mbi qytet,
turbullon trajtat dhe dallimet. Përballë në çati ca zogj që flenë
më bejnë të dridhem nga dyshimi nëse jam zgjuar prapë vërtet

[yjori]

Vizitoni blogun tim:
http://vangogh625.blogspot.com/

[macia_blu]

me pelqeu
urimE

[macia_blu]

po pastaj???

[yjori]

Fjetëm në ëndërrën e tjetrit,
vumë maskat, u pamë në pasqyrë,
e u zgjuam ndryshe

Prej gjumi je, veshur me nur ëndërre,
Kur humbas më gjen, më merr e më zgjon
tutje, në të njëjtën botë, një ditë më të vjetër

[Palma]

Do kisha shume deshire, te shihja nje ekspozite nga te tuat yjor...dhe pse kam pershtypjen qe ke lindur poet.

Suksese

[yjori]

Lulja e diellit u ca,
peshqit e drites
rane prape
ne det
Me shkume u mbushen
valet,
te vdekurit me jete

Cukita te bardhe
e klitha turbull
gezim a marri,
askush nuk me kuptoi,
pulebardhat i rrine
tjetres larg,
ndaj fola me vete,
me driten,
me valen

Piskama cau rrjeten,
barkat si fara rane
mbi toke,
nga kishin mbire,
ca te mbytyra,
ca menjane

Do gurgulloja me mire,
te kisha qene burim,
po jam vetem zog,
i gjore dhe i lire
qe kendon kot

Lodron me eren,
hijet, ngjyrat,
ererat e mira
te bukes qe behet,
shamibardha,
cezma, ja c`shoh
ne enderr,
ne dimer

E kur ato vishen
me mish e me gjak
rrugeve te botes,
vajzave qe zhvishen
kur ben ngrohte
cahet lule e mbyllur
e derdhet prape
ne burim a det,
e jetes berthame

[Syku]

Buzeve

Buze nje pellgu, gremine a casti kur lekundesh
per te rene a per t`u mbajtur, kujt pra i lutesh?
Mendimin e fundit para se te japesh fryme, ah-un,
kujt do t`ia dhurosh? Nese per dike ai jam une,
kush do t`jete per mua ate dite prift, Zot a engjell?

Ndoshta ndonje i panjohur nga kjo a bote te tjera,
Per te kam mall, per te qe s`mund ta di se c`eshte,
Kur mbyll syte e puthem, ne enderren qe me tremb,
kur kthjellem, mbushem e pikelloj vetmi te embel,
me behet sikur shoh syte e asaj drite nga burova,
me behet se degjoj zerin e tij te bute qe ben kujdes
se mos na zgjon ne te fjeturit, qe peshperin sekrete,
shifra, durim, e zgjohem si kenge e mekur buzeve

I lexova disa nga poezite e kesaj teme.
Ne menyre te veçante me pelqeu menyra sesi juve "Yjori", i shoqeroni fjalet dhe idete e juaja deri ne ekstremin e imagjinuar, pa e humbur fillin, madje, duke u dhene misherime te reja filozofike atyre.
Tek ky forum ka vertet shume te dashuruar pas poezise e letersise shqiptare, e sigurisht qe nje nga ata jeni juve "yjori".

(Të gjithë u shkruajnë vargje të dashurave,
veç unë jo. Lee është aziate e nuk di shqip)

çfare e lige na denoi? Nuk mundemi tu shpallim (tamam siç duam) shkrirjen tone poetike atyre qe jane dashuria jone, qe frymezojne e hijeshojne te qenurit poet e vargjet dashurore.

[macia_blu]

Të gjithë u shkruajnë vargje të dashurave,
veç unë jo. Lee është aziate e nuk di shqip.


Nese Lee eshte (eshte sak!)
e dashurua jote...
si ende nuk e ke mesuar gjuhen e saj????
Ti "shkruan" aq bukur edhe kur nuk i shkruan dashurise..
!
...
Me besohet se ajo di gjuhen e shpirtfjales tende.
Dhe ty te besohet kjo!
C'shpirt te bukur ka ajo.
( fjala jote pra)!
...

[yjori]

Pikë e gjithësisë,
Loti në të si gogël,
Deti, lot i botës,
rrudhës së Zotit

Lotët në det
si pika në fund,
plumbi qorr,
pëllumbi...