Kremtimi i Pavaresise se Kosoves

[dodoni]

Një plan i fshehtë i autoriteteve të Prishtinës, në pritje të Ditës zyrtare të Pavarësisë

"Independence day", 9 mijë ftesa VIP. helikopterë, kalorës


Gazmend Syla
Prishtina ka nisur përgatitjet për festën e pavarësisë. Planet janë, që ditën kur të fitohet pavarësia, aeroplanët të bëjnë akrobacione nëpër qiellin e saj, ndërsa qyteti do të jetë i mbuluar me një atmosferë të paparë feste. Rreth 9.000 mysafirë nga e gjithë bota, pritet të marrin pjesë në kremte. Gjithçka është paraparë për të filluar me homazhe, te Memoriali i Presidentit të ndjerë Ibrahim Rugova, për të vazhduar me një spektakël madhështor nëpër sheshin “Nëna Tereza” e më pas edhe në stadiumin e qytetit të Prishtinës, pastrimi i hapësirave të të cilit ka filluar ditë më parë. Është premtuar pjesëmarrja e emrave të mëdhenj të muzikës dhe artit botëror në këtë festë. Gazeta e Prishtinës, “Koha Ditore” ka zbuluar një plan të qeverisë së Kosovës dhe komunës së Prishtinës, për këtë festë. Sipas saj, nëse KFOR-i pajtohet, atëherë helikopterët e kësaj force ushtarake ndërkombëtare do të qëndrojnë mbi kolonën e gjatë të pjesëtarëve të Trupave Mbrojtëse të Kosovës, që pritet të marshojnë gjatë gjithë rrugëve të Prishtinës. Kalorës të veshur në veshje kombëtare, do të qëndrojnë para dhe prapa këtyre pjesëtarëve. Ka edhe detaje të tjera, të cilat për momentin nuk janë definuar qartë. Kjo festë pritet të kushtojë shumë, por paraja është problemi më i vogël. Dy ministra të Qeverisë së Kosovës dhe një zyrtar i lartë i komunës së Prishtinës, kanë konfirmuar se kështu disi po paramendohet festimi i pavarësisë së Kosovës.
Ç'është e vërteta, Ministri i Mjedisit dhe Planifikimit Hapësinor, Ardian Gjini, ka dhënë shenjat e para për përgatitjet rreth kësaj feste, gjatë një takimi me kryetarin e komunës së Prishtinës, Ismet Beqiri, pak ditë më parë. “Në muajt që po vijnë, Kosova dhe Prishtina do të presin shumë mysafirë nga e gjithë bota, të cilët, së bashku me ne do ta kremtojnë Ditën e Pavarësisë”, ka thënë ai. Me këtë rast, ai ka përmendur memorialin e presidentit të ndjerë, sheshin kryesor të Prishtinës, “Nënë Tereza” dhe stadiumin e kryeqytetit, si dy zonat kryesore të kremtes. Këtë gjë e pat konfirmuar edhe Beqiri. “Ne jemi shumë të interesuar dhe do të punojmë në këtë drejtim, që Ditën e Pavarësisë ta kremtojmë në mënyrë të dinjitetshme, ngase një gjë të tillë padyshim se e meritojnë shumë, të gjithë qytetarët e Kosovës”,- ka thënë ai. Konfirmimi ka ardhur edhe nga ministri i Kulturës, Rinisë dhe Sporteve, Astrit Haraçia, që njihet edhe si ithtari më i flaktë i presidentit Ibrahim Rugova. “Departamenti i Kulturës ka filluar ta bëjë një projekt me Filarmoninë, si dhe me Estradën. Janë duke punuar të gjithë në një projekt, edhe Departamenti i Sportit e departamentet tjera të ministrisë. Jemi në organizim e sipër të këtyre manifestimeve”,- ka thënë ai. “Veç, ishallah po bahet pavarësia, se kom me kallë krejt Kosovën!”. Organizimi i mirë i një feste, për të cilën Kosova po pret që 15 vjet, duket se nuk do të kufizohet nga mjetet financiare. Qeveria është deklaruar dorëlirë në këtë çështje. “Duhet të jemi të përgatitur të mos na zë pavarësia në gjumë. Kështu, Haki Shatri (ministri i Ekonomisë dhe Financave) na ka thënë “veç boneni ju organizimin, sa t’kushton le t’kushton”. Zyra e kryeministrit të Kosovës, Agim Çeku nuk ka komentuar planet e këtilla, duke mos dashur të deklarohet. Një burim i lartë nga komuna e Prishtinës, të cilin e citon gazeta, ka bërë të ditur për një urdhërese gojore, që të fillohen përgatitjet për festën e pavarësisë. Sipas tij, drejtorët ekzekutivë në komunë i dinë tashmë obligimet e tyre. Ai ka treguar për detajet kulturore të kremtes. “Nëse është nevoja do ta sjellim edhe Filarmoninë e Vjenës, e për çmim as që do të pyesim”,- ka thënë ai.
Ka edhe detaje të tjera. “Mysafirët e lartë ndërkombëtarë, rreth 9 mijë sish, sa besojmë se do të vijnë, do ta vizitojnë fillimisht varrin e Presidentit Rugova, derisa manifestimi do të kalojë nëpër rrugën “Nënë Tereza”. Trupat Mbrojtëse të Kosovës, do të parakalojnë si ushtri e Kosovës dhe jemi të bindur, se KFOR-i dhe UNMIK-u do të lejojnë një gjë të tillë”,- ka thënë ky burim. Ai ka treguar edhe për një kërkesë që i është bërë KFOR-it për ofrimin e aeroplanëve, helikopterëve dhe mjeteve të tjera ushtarake, si dekorim plotësues të parakalimit të TMK-së, pasi që, kjo e fundit nuk ka diçka të tillë. “Ne po presim që aeroplanët e KFOR-it të demonstrojnë një paraqitje tamam ushtarake, si në paradat e të gjitha ushtrive”-, ka thënë ai. “Do të ketë edhe paradë të kalorësve. Ata do të jenë të veshur me veshje kombëtare”. Kosova ka hyrë në fazën e saj finale të përcaktimit të statusit. Sipas parashikimeve të Grupit të Kontaktit, fundi i këtij viti do duhej të ishte koha e fundit, kur Kosova do të duhej ta fitonte statusin e saj. Shumica shqiptare këtu pret pavarësinë, një formë statusi, për të cilën janë pajtuar edhe disa nga anëtarët e Grupit të Kontaktit. Shqiptarët po llogarisin se kanë kryer, ose janë afër së kryeri, obligimet e tyre në përmbushjen e kërkesave të shtruara nga bashkësia ndërkombëtare. Ata, tash po përgatiten të kremtojnë pavarësinë.


27/10/2006
Marre nga Shekulli

[Mendimi_Juaj]

Shume me mire do te ishte sikur te shikohet gjysma e Kosoves qe po i jepet Serbise sepse Prishtina feste do te beje sido te ndodhe me pjesen tjeter te Kosoves kete e kane deshmuar.

A do te guxojne te dalin TMK ne Mitrovice, Graqanice, Novoberde dhe ne ate 30 perqind pjesen e pa shkelur te Kosoves.

Nese keshtu do te duhet pavaresia vetem me Prishtinen mos vet per neve.

Sa i perket shkrimit me lart mu duk enderr e bukur vetem duhet pasur kujdes se kur te del gjumi e gjen b*th*n jashte te zbuluar.

[Okki]

Mire do te ishte nje manifestim i tille po nuk di a do te prnaojn nderkombetaret per shkak te prapavijave politike.
Ne anen tjeter kjo do te ishte edhe nje reklam per mbare boten dhe per tgjith investitoret e huaj.
Ndersa ne anen tjeter ne te nejten dite do te kemi protesta nga "Vetevendosja" te cilet nuk do te jen te kenaqur me zgjedhjen sepse dihet se ata kerkojn pavaresi te plote 100%.
Ne anen tjeter do t'i shofim shkijet duke e leshuar Kosoven per tu shperngulur ne serbi qe eshte e drejt e tyre dhe ne sigurisht nuk do ti ndalojm ata.