9 Tetor 2006 - Shqiperia me ne fund me kod postar.

[DYDRINAS]

9/10/2006

Sot pasdite, Kryeministri Berisha mori pjesë në ceremoninë e prezantimit të kodit postar të Shqipërisë.

Në prani të drejtuesve të Postës Shqiptare, punonjësve të saj dhe medias, Kryeministri hapi zyrtarisht kodin postar të Shqipërisë, duke e konsideruar këtë një moment të rëndësishëm drejt modernizimit të sistemit postar në vend.

Kryeministri përshëndeti drejtuesit dhe punonjësit e postës për realizimin e kodit postar dhe zgjerimin e shërbimeve që ofron Posta Shqiptare. Kryeministri siguroi për mbështetjen e qeverisë për përpjekjet e tyre për modernizimin dhe ofrimin e shërbimeve të gjithanshme e cilësore qytetarëve.

Krahas shërbimit postar, Posta Shqiptare ka zgjeruar shërbimet e saj duke ofruar për qytetarët shpërndarjen në shtëpi të pensioneve, pagesat e tatim taksave për biznesin e vogël, pagesat e faturave të ndryshme si ato telefonike, të energjisë elektrike, të ujit etj..

Ndër të tjera, Kryeministri theksoi:

“Është kënaqësi t’ju përshëndes ju këtu, sot, dhe të përshëndes shumë përzemërsisht të gjithë punonjësit e Postës Shqiptarë, të cilët realisht ia dolën që në një kohë të shkurtër të ndryshojnë këtë shërbim jetik të çdo vendi dhe ta shndërrojnë atë në një shërbesë reale për qytetarët shqiptarë.

Kam nder dhe krenari për punën tuaj, për punën po kaq të qytetëruar të policisë dhe të doganave shqiptare në pikat e kalimit kufitar. Askush më shumë se ju nuk është direkt në përballje me shërbimin ndaj qytetarëve. Mirësjellja dhe përkushtimi juaj është vlerë shumë e madhe për të gjithë shoqërinë tonë. Ju nuk keni adaptuar vetëm një sjellje realisht të kultivuar e të qytetëruar, por ia keni dalë, gjatë këtij viti, të zgjeroni spektrin e shërbimeve të shumta ndaj qytetarëve shqiptarë dhe të bëni hapa të tjerë të rëndësishëm në drejtim të përmirësimit dhe konsolidimit të këtyre shërbimeve.

Sot, ne shpalosëm kodin katër shifror dhe kjo përbën fillimin e një hapi serioz drejt modernitetit të sistemit postar, por edhe drejt modernitetit të vendit.

Përgjegjësia dhe kompetenca e drejtuesve të postës, përkushtimi i punojësve të saj dhe, padiskutim, vëmendja e qeverisë ndaj këtij shërbimi e kanë shndërruar Postën Shqiptare në një shërbim që realisht fuqizohet nga muaj në muaj. Dua t’ju siguroj se qeveria është shumë e vendosur t’ju ndihmojë dhe mbështesë në përpjekjet tuaja për t’u shndërruar në një nga institucionet më moderne të vendit.

Sot, postat janë kudo simbol i modernitetit, teknologjisë më të avancuar dhe shërbimeve më të gjithanshme. Ndaj infrastrukturën që ju trashëgoni ta ristrukturojmë, të investojmë në mënyrë që posta jonë t’u shërbejë qytetarëve shqiptarë me standartet me të mira, natyrisht duke konkuruar plotësisht në një treg postar të lirë, të hapur dhe të liberalizuar.

Ne ecim me shpejtësi në postën elektronike, në informatizimin total të saj, në lidhjet e gjithanshme përfshirë dhe satelitin. Posta nuk duhet të ketë asnjë lloj kufiri në shërbimet e saj ndaj qytetarëve për komunikimin. Posta duhet në çdo kohë të dominojë të gjithë vendin me të gjitha mjetet e komunikimit. Jam i bindur se, në këtë mënyrë siç e keni nisur, ju do ta realizoni edhe këtë shpejt.

Nën shembullin e postës, ne do të ecim në të gjitha aspektet me qeverinë e informatizuar. Shërbime të informatizuara është qëllimi ynë dhe ne do ta realizojmë këtë qëllim. Do të realizojmë regjistrin elektronik të gjendjes civile, regjistrimin dhe informatizimin e të gjitha bizneseve, i cili përfundon shumë shpejt, shpresoj brenda një muaji, do të realizojmë informatizimin e të gjitha pronave të vendit, si dhe do të informatizojmë shumicën e procedurave të shërbimeve. Të gjitha duhet të kenë një terminal në postën e vendit. Qytetarët duhet t’i adresohen postës si vendit më të sigurtë për të gjetur të gjitha të dhënat, për të patur të gjitha shërbimet që ju nevojiten.

Ne jemi të vendosur që shumë shpejt të fillojmë zbatimin e projektit për kartat e identitetit. Midis idesë për pritjen për kompletimin e regjistrit elektronik të gjendjes civile apo fillimit të tyre, çdo ditë e më shumë merr përparësi e dyta. Kartat do të lejojnë më vonë implementimin apo aplikimin në to të të gjithë indekseve të tjerë të rëndësishëm.

Kodi postar që ne marrim sot përbën një detyrim të madh si për qeverinë qendrore edhe për atë lokale për t’iu përgjigjur e modernizuar kështu përfundimisht adresat në qytetet e fshatrat e vendit.

Ju përshëndes për punën e vyer që keni bërë dhe ju siguroj për mbështetjen e plotë të qeverisë në përpjekjet tuaja”.

Ndërsa lidhur me lehtësirat që do t’u krijohen të rinjve dhe studentëve për përdorimin sa më të gjërë të internetit, Kryeministri theksoi se “instalimi i internetit pa pagesë është një veprim shumë i mençur dhe i goditur, pasi studentët duhet të lundrojnë në internet dhe koston e lundrimit të tyre ta përballojmë ne. Të jemi të sigurtë se në rast se u krijojmë mundësi fëmijëve, të rinjve dhe studentëve të lundrojnë në internet ne, si komb, do te kemi një përfitim shumë herë më të madh sesa ajo që shpenzojmë për t’u krijuar atyre këtë mundësi. Sikundër shpresoj të keni gjithnjë parasysh se shërbesat janë gjithnjë të atilla, kur ato i kanë çmimet të arsyeshme.”


Marre nga faqja zyrtare e Kryeministrit te Shqiperise

[DYDRINAS]

Posta Shqiptare shpall miratimin të Kodit Postar nga qeveria dhe Unioni i Përbotshëm Postar

Për të parën herë, Shqipëria me Zip Kod

Posta Shqiptare shpalli dje miratimin nga qeveria shqiptare dhe Unioni i Përbotshëm Postar të Kodit Postar të Shqipërisë (ZIP KOD). Në ceremoninë e organizuar me këtë rast, dje pasdite, në një nga sallat e Hotel "Tirana" International" merrnin pjesë kryeministri Sali Berisha, ministri i Punëve Publike, Transportit dhe Telekomunikacionit, Lulzim Basha, drejtori i Përgjithshëm i Postës Shqiptare, Arqile Gorea, si dhe homologët e tij nga Maqedonia e Kosova. Pikërisht, me rastin e 9 Tetorit, Ditës Ndërkombëtare të Shërbimit Postar, e cila përfaqëson krijimin e Unionit të Përbotshëm Postar në vitin 1874, në kryeqytetin e Zvicrës, Bern, Posta Shqiptare, për herë të parë në historinë e Shqipërisë, merr pasaportën e saj europiane dhe qytetarët shqiptarë nuk do të ndjehen keq kur atyre t'u kërkohet Zip Kodi. Në fjalën e rastit, drejtori i Përgjithshëm i Postës Shqiptare, Arqile Gorea, u shpreh ndër të tjera se shpallja e Kodit Postar të Shqipërisë përbën një hap cilësor drejt zgjerimit dhe automatizimit të shërbimeve postare, sipas standardeve bashkëkohore, me objektiva të qarta drejt integrimit të Shqipërisë në Bashkimin Europian. Në këtë mënyrë, sipas zotit Gorea, Posta Shqiptare vë në jetë një nga objektivat e saj strategjike, parashtruar shtatë muaj më parë në Dokumentin Themelor të Zhvillimit të saj.

"Posta Shqiptare, në zbatim të politikave shtetërore si qeveri e shërbimit dhe shërbesave, gjendet sot më pranë se kurrë qytetarëve të saj, duke iu ofruar dhe siguruar shërbime cilësore klientëve në mbarë vendin", tha zoti Gorea.

Për t'iu ardhur në ndihmë shqiptarëve, në çdo skaj të Shqipërisë, duke qenë se Posta Shqiptare është kompania me infrastrukturën më të madhe në gjithë vendin, nëpërmjet 531 zyrave të saj postare, përveç shërbimeve bazë, tradicionale, për të përmbushur detyrimin e qeverisë kundrejt qytetarëve të saj, në mënyrë që t'iu ofrojë atyre informacionin dhe mendimin ndryshe, ajo kryen shpërndarjen e shtypit në 120 pika postare, ku 70% të tyre ndodhen në zonat rurale të vendit. Po në këtë periudhë, sipas zotit Gorea, Posta Shqiptare ka eliminuar radhët e gjata për kryerjen e pagesave të tatim-taksave, detyrimeve të KESH-it, Albtelekom, pagesat e gjobave të policisë rrugore, sigurimin e automjeteve, kartonin jeshil, grumbullimin dhe dorëzimin e dokumentave për legalizim në Ministrinë e Jashtme, shpërndarjen e pensioneve në shtëpi e shumë shërbime të tjera.

Gjithashtu, qytetarët shqiptarë, së shpejti, nëpërmjet faqes së internetit të Postës Shqiptare do të kenë mundësinë që në çdo kohë të marrin informacion për dërgesat e tyre postare nëpërmjet sistemit online ndërkombëtar të gjurmimit IPS.

Për t'iu ardhur në ndihmë studentëve në dy qendrat e mëdha studentore, në Kamëz dhe në Qytetin "Studenti", do të ngrihen dy qendra të mëdha universale shërbimi, ku studentëve do t'u shërbehet jo vetëm me shërbimin postar dhe pagesat elektronike, por në to ata do të gjejnë librin universitar dhe artistik, shtypin, mjete shkollore, kancelarie, etj. Në secilën prej këtyre qendrave do të jenë të instaluara 10 posta interneti, me shpejtësi në parametra bashkëkohorë.

Pas fjalës përshëndetëse të drejtorit të Përgjithshëm të Postave, u bë shpallja zyrtare e ZIP KOD-it nga kryeministri Berisha. Ndërsa ministri i Punëve Publike, Transportit dhe Telekomunikacioneve, Basha, u shpreh se ky Kod e afron Shqipërinë një hap më pranë standardeve perëndimore.

H.RAMA
Rilindja Demokratike

[DYDRINAS]

Ministri i Punëve Publike, Transportit dhe Telekomunikacionit, Lulzim Basha, u shpreh dje gjatë prezantimit të Kodit Postar se "ky kod, jo vetëm sjell Shqipërinë një hap më afër standardeve perëndimore, por edhe lehtëson shpërndarjen e postës në një mënyrë të shpejtë dhe të saktë". Sipas ministrit Basha, "është për të ardhur keq që pushteti vendor nuk bën as përçapjen më të vogël për emërtimin e rrugëve në qytete". Drejtori i Përgjithshëm i Postës Shqiptare, Arqile Gorea, u shpreh se "në sportelet tona do të gjeni shërbimin e letrave, pakove, shpërndarjen e shtypit, shpërndarjen në shtëpi të pensioneve të pleqërisë, arkëtimin e tatim-taksave për biznesin e vogël, pagesën në sportele të ndihmës sociale, papunësisë, etj.". Sipas Goresë, gjithashtu, në sportelet e Postës Shqiptare bëhet arkëtimi i faturave telefonike, energjisë elektrike, ujit , arkëtim i gjobave të policisë rrugore, ndërsa së shpejti do të ofrohet edhe shërbimi i transfertave monetare me sistemin Eurogiro, ushtrimi i veprimtarisë si agjent doganor, etj. Struktura e Kodit Postar në Shqipëri klasifikohet sipas degëve, me 4 shifra, dy të parat janë karakteret numerike të degës, ndërsa dy të tjerat janë karakteret numerike të zyrës postare

RD

[OO7]

Tani PO
Po behet dicka edhe per posten Shqiptare qe me thon te drejten eshte ne pik te hallit, ku shpesh here nuk te vin letrat fare.

Eshte dicka qe na ka munguar. Bravo qeveris Berisha.

[DYDRINAS]

Tirana 1000
Kruja 1500
Durrësi 2000
Kavaja 2500
Elbasani 3000
Gramshi 3300
Librazhdi 3400
Peqini 3500
Shkodra 4000
M. e Madhe 4300
Puka 4400
Lezha 4500
Mirdita 4600
Laçi 4700
Berati 5000
Kuçovca 5300
Skrapari 5400
Gjirokastra 6000
Tepelena 6300
Përmeti 6400
Korça 7000
Progradeci 7300
Erseka 7400
Mati 8000
Peshkopia 8300
Bulqiza 8400
Kukësi 8500
Hasi 8600
Tropoja 8700
Lushnja 9000
Fieri 9300
Vlora 9400
Saranda 9700

Tranzit 1700

[Albo]

Kryeministri premtoi edhe informatizimin e të gjitha bizneseve dhe pronave brenda një muaji

Shqipëria bëhet me kod postar, ja numri për çdo qytet


N.Perndoj

TIRANË- Më në fund, edhe Shqipëria ka kodin e saj postar. Kryeministri Sali Berisha, në prani të drejtuesve të postës shqiptare, punonjësve të saj, hapi zyrtarisht dje kodin postar të Shqipërisë. Përmes një materiali, dje pasdite është pasqyruar kodi postar i secilit prej qyteteve të Shqipërisë. Ndërkohë, gjatë fjalës së mbajtur për këtë çështje, kryeministri ka informuar në të njëjtën kohë një tjetër lëvizje, që pak gjasa ka të realizohet, siç është ajo për informatizimin e të gjitha bizneseve brenda një muaji. Berisha ka folur gjithashtu edhe për fillimin e projektit për kartat e identitetit. “Sot, ne shpalosëm kodin katër shifror dhe kjo përbën fillimin e një hapi serioz drejt modernitetit të sistemit postar, por edhe drejt modernitetit të vendit”, -tha dje Berisha. Nën shembullin e postës, kryeministri shtoi se qeveria do të realizojë të tjera shërbime të informatizuara. Kryeministri ka bërë me dije gjithashtu se do të realizohet edhe informatizimi i të gjitha pronave të vendit. “Do të realizojmë regjistrin elektronik të gjendjes civile, regjistrimin dhe informatizimin e të gjitha bizneseve, i cili përfundon shumë shpejt, shpresoj brenda një muaji, do të realizojmë informatizimin e të gjitha pronave të vendit, si dhe do të informatizojmë shumicën e procedurave të shërbimeve. Të gjitha duhet të kenë një terminal në postën e vendit. Qytetarët duhet t’i adresohen postës si vendit më të sigurt për të gjetur të gjitha të dhënat, për të pasur të gjitha shërbimet që iu nevojiten”, - tha ai. Kreu i ekzekutivit shtoi se qeveria që ai drejton është e vendosur për fillimin e zbatimit të projektit për kartat e identitetit. “Midis idesë për pritjen për kompletimin e regjistrit elektronik të gjendjes civile apo fillimit të tyre, çdo ditë e më shumë merr përparësi e dyta. Kartat do të lejojnë më vonë implementimin apo aplikimin në to të të gjitha indekseve të tjera të rëndësishme”,- tha ai. Duke iu rikthyer çështjes së kodit postar, kryeministri shtoi se kodi postar është në detyrim i madh si për qeverinë qendrore edhe për atë lokale, për t’iu përgjigjur e modernizuar kështu përfundimisht adresave në qytetet e fshatrat e vendit.

Shekulli

[AdmiraL]

Pershendetje.

Jam kureshtar te di se si ka ndodh kjo? dhe pse Shqiperia nuk ka pase Kod postar? si ka mund te ndodh kjo keshtu? qe Shqiperia nuk ka pase kode postare te cdo vendi qe ka Shqiperia? ca ka ndodh kjo keshtu?

Pse Kosova nuk eshte akoma as gje i pranuar nderkombetarisht ka kode postare ne cdo qytet?

[kurkushi]

Shqiperia s`ka kod postar sepse s`ka patur nevoje ta kishte gjate monizmit.Ne shqiperi edhe sot e kesaj dite nuk ka numratore rryme elektrike apo te ujesjellesit ku do te shihej se sa ka shpenzuar kjo apo ajo shtepi-familje apo person.Tera pagesat ende jane fakultative dhe pa asnje tregues te sakte te harxhimeve...Paguhet paushall dhe ne kete paushall inkasojne shuma te medha perfitimi inkasantet e shtetit (edhe kryeministri) te ketyre dy sherbimeve jetike te vendit!
Kodi postar s`ka egzistuar sepse askush s`ka marre diç permes postes.Por edhe pas ketij kodi,ne shqiperi s`do te jete ne gjendje shteti te siguroje dergesat postare ne destinimin e tyre sipas adreses...sepse adresa s`ka,s`ka regjistrim te shtepive dhe emrime te rrugeve,numra...jo se jo...!
Se pari do duhej te behej regjistrimi i secilit ku banon dhe si quhet,pastaj emerimi i vendbanimit ,rruges dhe numri i deres...e pastaj Kodi postar nderkombetar!

[Xhuxh Xhumaku]

Do te isha dakord me pjesen e pare te komentit tend, kurrkush, por jo me pjesen tjeter.

Kodi postar vjen si nevoje komercialo-ekonomike, ne radhe te pare, e jo si shpikje qeverie apo domosdoshmeri e brendshme, se sa si domosdoshmeri prej "jashte".

[beni67]

Kurkush kur do tia fusesh kot futja nje cike me lezet. Shtepia ku jam rritur dhe qe egziston edhe sot ne Tirane ka nje adrese. Dhe para dy javesh dergova ca foto ne ate adrese. Dhe per cudine tende ato fotografi mberriten. Ka gati 5 vjet qe po ne ate banese eshte instaluar nje mates i energjise dhe pagesa behet per cdo muaj. Sa per ujin ke te drejte. Po do ishte mire te mos i nxijme te gjitha dhe te jemi me bujare dhe mirenjohes per dicka te mire qe behet ne Shqiperi pamvaresisht se kush e ben> Per mua vendosja e nje zip kodi eshte nje gje e mire dhe e domosdoshme. TUNG!