Se pari doja te thoja dicka ne lidhje me titullin e temes. Ky titull te le pershtypje sikur personi Edi Rama vendos mbi pallatet e ndertesat ne Tirane. Qe ketej dalin edhe shume spekullime dhe thashetheme, qe sic duket nga nje deshire e papermbajtur e ne shqiptareve, perpiqemi te analizojme dhe te kerkojme skandale e komplote edhe aty ku ndoshta nuk ka. Harrohet pa dashje ose me dashje qe Edi Rama jashte jetes private eshte Institucion. Vendimmarrjet e tij nuk jane personale, sepse ma merr mendja qe edhe ai e di mire qe ne te kundert i duhet te perballet me ligjin.
Se dyti, une nuk kam qene ne Shqiperi ta shoh ceshtjen me syte e mi, por e kam ndjekur nepermjet shtypit te dites. Jam mese i bindur se te gjitha keqkuptimet ne kete ceshtje dhe ne ceshtje te tjera vijne si pasoje e nje ligji ndertimi te bere qellimisht jo i qarte (se perndryshe ku do te ishte mundesia per korrupsion?) dhe nje strukture urbanistike komplet e gabuar, ku nuk merret vesh se cili cfare kompetencash ka.
Qe nga 01-10-2002 ka hyre ne Landin Hessen ku une banoj ne fuqi Ligji i Ri i Ndertimit dhe duke qene se zyra e jone botoi ligjin me gjithe komentar, une kisha fatin e mire te bashkemerrja pjese ne organizimin e seminareve per arkitektet dhe inxhinieret e Landit Hessen. Gjate ketyre seminareve (gjithesej 12) kam degjuar shume gjera dhe kam kuptuar dicka me teper mbi sistematiken e ligjit te ndertimit. Do te thoni ju qe Shqiperia nuk eshte Gjermani. Shume e vertete por duhet ta dini qe nje pjese e madhe e Kushtetutes dhe e Ligjeve jane marre dhe pershtatur nga Gjermania, keshtuqe ne shume aspekte sistematika e ligjit eshte e ngjashme.
Dikush ka shkruajtur qe perse shteti nuk veproi kur po ngriheshin keto pallate por u kujtua kur keto kishin hedhur 11 kate?
Nje nga pergjigjet eshte: Shteti (organet kontrolluese te ndertimit) nuk kane per detyre te bredhin tere diten per te gjetur ndertime pa leje ose kur eshte shkelur leja e ndertimit, por bejne kontrolle kur ka sinjalizime ose dyshime. E njejta llogjike eshte edhe kur ngisni makinen dhe nuk keni dokumentat ne rregull. Nuk eshte detyra e policise te ndaloje cdo makine ne cdo kryqezim, por ne rast konstatimi ju mbani persiper pergjegjesine.
Ashtu si cdo qytetar qe pergjigjet para ligjit edhe Firmat e Ndertimit jane te detyruar te zbatojne ligjin (si kodin e ndertimit ashtu edhe kodin civil). Ne moment konstatimi te shkeljes se ligjit shkelesit duhet te marrin parasysh edhe konsekuencat. Eshte detyra e drejtuesve te firmes, arkitekteve, inxhiniereve te pergatisin dokumentacionin e rregullt ne perputhje me ligjin per lejen e ndertimit. Keta te mjere akoma nuk e kane kuptuar qe "blerja" e lejeve gjysmake dhe tejkalimi i lejeve te ndertimit nje dite mund te kthehet ne bumerang, pasi qeverite dhe bashkite mund te nderrohen cdo vit, por ligji edhe po u nderrua mbetet ne fuqi ai ligj qe per ate periudhe kohe ka qene. P.sh rasti:
Ne Gjermani eshte e ndaluar me ligj kthimi i zonave te lira qe jane dhene per kopshte dhe bahce ne zona permanente banimi. Ne Köln ekziston nje zone e tille. Kur Institucioni i Urbanistikes dergoi kontrolloret e ndertimit me urdherin per prishjen e shtepive, banuesit nxorren nga nje leter te zverdhur nga koha dhe me vulen me kryqin e thyer nazist, ku thuhej qe si pasoje e bombardimeve keta banore kishin humbur shtepite dhe lejoheshin te zhvendoseshin ne zonat e caktuara per bahce. Kjo leje beri qe kontrolloret te ktheheshin mbrapsht. Por kjo nuk do te thote ne asnje menyre qe te tjere lejohen te ndertojne shtepite aty. Nje komentar i sistematikes se ligjit qe me ka ngelur ne mendje eshte: "Nje gafe mund te shpetoje, gafa e dyte eshte kategorikisht e palejueshme dhe ndeshkohet". Ja pse nuk mund te justifikohet ndertimi pa leje edhe aty ku mepare ekziston nje objekt pa leje, por qe me kalimin e kohes eshte "i sheruar".
Dikush tjeter shkruan qe eshte e ndaluar me ligj te prishet nje ndertese kur kjo i ka kaluar 3/4 e karabinase.
Nuk e di a ekziston nje ligj i tille por kjo nuk ka kuptim. Sepse permbys komplet qellimin qe ka ligji per parandalimin e ndertimeve pa leje. Kush eshte ai qe ben percaktimin e 3/4 te karabinase dhe ku do e marre vesh policia ndertimore se ku eshte 3/4 kur ne urbanistike nuk ka asnje lloj vizatimi ose plani per objektin? Llogjika e do qe para se te veprohet per prishjen e nje objekti duhet te shikohet mundesia nese mund te jepet nje leje ndertimi dhe nqs sic i themi ne "sherimi" i kesaj shkelje nuk eshte i mundshem atehere vendoset per spastrimin e objektit pa leje, aq me teper nqs ky objekt paraqet pengese ose rrezikshmeri per shoqerine.
Per rastin e Kullave "Hawai" doja te thoja qe une aty shoh dy konflikte te vecanta qe deri diku nderthuren me njeri-tjetrin.
Konflikti i pare eshte ai i Bashkise se Tiranes si Autoriteti Lejedhenes dhe Mbikeqyres me Firmen e Ndertimit "Hawai".
Konflikti i dyte eshte ai i Firmes "Hawai" me bleresit e ketyre banesave. Bashkia meqe nuk e njeh lejen e ndertimit, nuk ben rregjistrimin ne Kataster te nderteses dhe si rrjedhoje nuk i njeh as ata qytetare si pronare te banesave. Kjo do te thote qe Bashkia nuk ka asnje lloj konflikti me keta qytetare.
Zgjidhja me e mire eshte qe keta konflikte te zgjidhen nga instancat gjyqesore dhe politika te mos perzihet fare.
Duhet ta marrim vesh njehere e mire qe shteti behet me ligje dhe zbatim ligjesh dhe jo me marreveshje politike dhe me thashetheme rrugesh.
Pėrgjigju Duke Cituar
Krijoni Kontakt