Rrëmbehet avioni i "Turkish airlines" që u ngrit nga Tirana

[iliria e para]

Rrembehet avioni “Turkish airlines”, u nis nga Tirana ne oren 16:40

Ora 18:25
Nga Ina Koxha


TIRANE (3 Tetor) - Nje avion i nisur nga Tirana ne oren 16:40 per ne Turqi eshte rrembyer nga 2 persona te armatosur. Sipas njoftimeve nga mediat e huaja avioni I kompanise ‘Turkish Airlines” eshte ulur pak minuta me pare ne Brindizi dhe 2 rrembyesit kane deklaruar se kane nje mesazh per Papen.

Ne avionin e linjes Tirane-Stamboll udhetojne 107 persona dhe 7 pjesetare te ekuipazhit, 20 prej te cileve shtetas te huaj dhe te tjeret jane shtetas shqiptare. Sinjalizimi per rrembimin eshte bere ndersa avioni ndodhej ne hapesiren ajrore greke. Kujtojme edhe njehere qe avioni eshte shkeputur nga toka shqiptare ne oren 5 pa 20 dhe pritej te mberrinte ne stamboll rreth ores 7 pa 20.

Ne avion udhetojne 20 shtetas te huaj dhe pjesa tjeter jane shqiptare. Burime politike turke deklarojne se avioni I “Turkish airlines” eshte marre peng nga persona te cilet protestojne per viziten e Papes ne Turqi. Ngjarja eshte ende ne zhvillim.

Ndersa drejtori i "Turkish Airlines", njofton se asnje nga pasagjeret nuk jane kercenuar dhe te gjithe jane ne gjendje te mire shendetesore.

Ka qene dy avione luftarake italiane F16 te cilet kane detyruar avionin te ulet ne Brindizi. Ka qene piloti I avionit, me kombesi turke ai qe ka ka lajmeruar ne radio per drejtimin qe po merrte avioni dhe ne kete menyre eshte dhene edhe alarmi. Nderkaq, ne Aeroportin e Brindizit, eshte duke u zbatuar plan I sigurise qe eshte I parashikuar ne rast episodesh terrorizmi nderkombetar

(News24/Balkanweb)

[tani_26]

Hakan Ekinci, një i krishterë i konvertuar kishte kërkuar tre herë azil politik në Shqipëri. Plani, pas vendimit të dëbimit

Dëbimi në Turqi, motivi i pengmarrjes

Turku në avion: Më çoni në Romë tek Papa, ose do të hedh me eksploziv avionin në erë



TIRANË- Dëbimi në Turqi i ka rënduar më shumë se prangat, 30-vjeçarit Hakan Ekinci, mysliman i konvertuar në i krishterë. Ka tentuar të fitojë azilin politik në Shqipëri e kur nuk ia ka arritur, ka thurur planin e rrëmbimit të avionit me të cilin po deportohej, duke kthyer “sytë” e gjithë botës drejt tij. Ka kërkuar ta çojnë në Romë, për t’i kërkuar ndihmë Papës, e për këtë motiv ka detyruar ndryshimin e kursit të avionit të linjës Tiranë-Stamboll me 113 persona në bord. E gjithë historia e pengmarrjes ka nisur pak minuta së avionit, kur ai ndodhej në hapësirën ajrore të Greqisë. Ekinci, krejt i pa armatosur, ka hyrë në kabinën e pilotimit të Boeing 737 dhe është shtirur sikur kishte një shpërthyes të fuqishëm, që mund të hidhte në erë avionin, duke diktuar ndërrimin e kursit të avionit.
Kërkesa për ndihmë

Në fillim u përhap lajmi që pengmarrja po bëhej nga dy persona, bllof ky i pengmarrësit Hakan Ekinci dhe që pengmarrja po bëhej si një shenjë proteste kundër vizitës së Papës në Turqi, vizitë kjo e planifikuar për në datën 28 nëntor. Televizionet turke kanë bërë të ditur identitetin e pengmarrësit Hakan Ekinci, një dezertor i ushtrisë, i konvertuar në i krishterë në vitin 1998. Ekinci i ka shkruar Papës dhe në të shkuarën, për t`i bërë të ditur atij çështjen e tij dhe për ta ndihmuar atë që të mos kthehej në Turqi. “I dashur Papë, jam Hakan Ekinci, jam i krishterë dhe nuk dua që t`i shërbej një ushtrie myslymane”. Në mesazh, ai kërkon ndërhyrjen e Benediktit XVI, si një udhëheqës i të krishterëve dhe i botës së krishterë, për ta ndihmuar që të mos e kryente shërbimin ushtarak dhe për të mos jetuar në një vend mysliman. Pas uljes në Brindizi, devijuesi i avionit ka shfaqur menjëherë dëshirën për të kërkuar azil politik. Pas dorëzimit, i pari që ka lënë avionin ishte një anëtar i ekuipazhit, i cili u ndoq më pas nga turku që iu dorëzua policisë.
I dëbuari
Hakan Ekinci ka gabuar për herë të dytë, duke kërkuar me ngulm azilin e dëshiruar politik në Itali. Fillimisht, turku kishte dashur ta realizonte këtë në Shqipëri, pak kohë më parë, por autoritetet zyrtare të Tiranës ia kishin refuzuar kërkesën dhe pas skadimit të leje-qëndrimit, e kanë mbajtur në një kamp azilkërkuesish në kryeqytet. Dje u vendos që ai të deportohej për në Turqi dhe për shkak të mungesës së pasaportës, e kishin pajisur me një dokument identifikimi. Asnjë dyshim nuk kanë mundur të konstatojnë punonjësit e policisë dhe ata të sigurisë në aeroportin “Nënë Tereza”, pasi Ekinci ishte i qetë. Burime të sigurta në Ministrinë e Brendshme thanë për “Shekulli-n” se Ekinci kishte hyrë disa herë në Shqipëri. Policia kufitare ka konfirmuar hyrjet e daljet e shtetasit turk në vendin tonë, të cilat kanë qenë plot tre. Sipas tyre, ai dispononte dokumentacion të rregullt hyrjeje. Vetëm pak kohë më parë në ardhjen e tij të fundit Ekinci, pasi i kishte mbaruar edhe leja e qëndrimit, kishte aplikuar të merrte azil politik në Shqipëri dhe si shkak për ta përfituar këtë kishte paraqitur shndërrimin e tij nga mysliman në katolik.

SIGURIA

Ndryshimi i kursit të avionit ka sjellë në të gjithë Italinë nivelin “Leonardo da Vinci”, që ka të bëjë me sigurinë kombëtare në raste të pengmarrjeve për terrorizëm. Në fund të ngjarjes, ministri i Brendshëm italian, Giuliano Amato, do të jetë në një interpelancë në Senat, të mërkurën në orën 9.30 të mëngjesit
MINISTRI TURK

“S’ka të bëjë fare me vizitën e Papës. Ishte thjesht një përpjekje për kërkimin e azilit politik nën influencën e problemeve fiziologjike”. Kështu ka pohuar për median Binali Yildirim, ministri turk i Transporteve, duke shtuar se Hakan Ekinci është përpjekur t`i shpëtojë kryerjes së shërbimit të detyrueshëm ushtarak
D’ALEMA

“Një ngjarje që na ka mbajtur pezull, por që për fat u mbyll mirë”. Kjo është psherëtima e lehtësimit, shprehur nga ministri i Punëve të Jashtme, Massimo D'Alema, pas mbylljes së ngjarjes së devijimit të avionit turk. “Këto janë ngjarje që sjellin shqetësim”- ka shtuar D`Alema, i cili ka shtuar se duhet kuptuar shkaku

[Llapi]

PROFILI I 30-VJEÇARIT QË TERRORIZOI 113 PASAGJERËT E "BOEINGUT 737" TË "TURKISH AIRLINES" - HAKAN EKINCI: JAM KRISTIAN, DUA NDIHMË NGA PAPA - Gazeta "SHQIP"







Ministri i Jashtëm italian, D‘Alema: Të gjejmë origjinën e kësaj ngjarjeje
Shkruan: Ylli Pata
Jam kristian dhe kërkoj strehim politik në Itali, i kam shkruar një letër Papa Benedikti XVI, ku i kërkoj mbështetjen e tij"". Këto janë fjalët e para që 30-vjeçari Hakan Ekinci, i është drejtuar prefektit të Barit, Mario Tafaro, në tratativën e parë të tij me autoritetet italiane. Policia italiane ka regjistruar në orët e vona të mbrëmjes se, rrëmbyesi i avionit "Boeing" të kompanisë ajrore turke "Turkish Airlines", është vetëm një dhe ai quhet Hakan Ekinci, i moshës 30 vjeç dhe ishte një emër i njohur për forcat e rendit të Turqisë. Ai ka lindur në vitin 1978 dhe familja e tij kishte emigruar në Turqi nga Maqedonia. Problemi me policinë kishte nisur në vitin 1998, kur refuzoi të kryente shërbimin ushtarak në vendin e tij. Në Shqipëri ishte strehuar në një kamp të UNCHR-së, por i kishte mbaruar leja e qëndrimit dhe pritej të arrestohej sapo t‘i shkelte këmba në Turqi. Personi i cili u bë tmerri i 133 personave në bordin e avionit "Boeing 737" të kompanisë ajrore "Turkish Airlines", i cili u nis nga Tirana dhe kishte si destinacion Stambollin, është 30 vjeç dhe për një kohë ka qëndruar në Shqipëri, ku dhe i kishte përfunduar leja e qëndrimit. I veshur me komplet sportiv, ndërkohë që në kokë mbante një kapele bejsbolli, Ekinci, ka pasur një plan në kokë që prej nisjes së tij nga Aeroporti i Rinasit. Të mbërrijë në Itali dhe të sigurojë strehimin politik nga Roma zyrtare, apo dhe nga Vatikani. Për këtë ka përdorur edhe një letër që i ka dërguar Atit të Shenjtë në muajin gusht të këtij viti, ku i fliste për problemet e tij. Por asgjë nuk ka ndodhur në fakt. Shefi i diplomacisë italiane, i cili është njëkohësisht edhe numri dy i qeverisë së Romës, jo vetëm që nuk e ka përmendur këtë fakt, por ka folur për një bashkëpunim të ngushtë me Ankaranë. "Është një ngjarje që na mbajti frymën për orë e orë, por për fat të mirë u mbyll mirë. Janë ngjarje që ushqejnë preokupim, por duhet të kuptojmë më shumë origjinën e tyre", deklaroi mbrëmë vonë ministri i Jashtëm italian, Massimo D‘Alema.

LETRA

Hakan Ekinci u bëri të ditur autoriteteve italiane që në muajin gusht i kishte dërguar një letër kreut të Vatikanit, Papa Benedikti XVI, ku i bënte të ditur se nuk donte t‘i shërbente një ushtrie myslimane. Ekinci theksonte në letrën e tij se kërkonte ndihmën e kristianëve të të gjithë botës dhe për më shumë ndihmën personale të Atit të Shenjtë. Rrëmbyesi i avionit me 113 persona në bord, i cili për katër orë mbajti frymën e të gjithë botës, duke krijuar skenarë të njëpasnjëshëm për sulme terroriste, ishte një person me probleme, i cili donte strehim politik në Itali, duke u ndihmuar nga kreu i Vatikanit, Jozef Ratzinger. Ekinci bënte të ditur në letrën e tij të gushtit të shkuar që kishte plot tetë vjet që ndiqte ritet kristiane dhe se e kishte gjetur rrugën e tij të shpëtimit te Jezu Krishti. Hakan Ekinci nuk donte në asnjë mënyrë që të kthehej në vendlindjen e tij, Turqi, të cilin vërtet që e urren. Në letrën drejtuar Papa Benedikti XVI, rrëmbyesi i avionit ku shumica e pasagjerëve ishin shqiptarë, thekson se nuk dua të marr frymë në një vend mysliman. Ngjarja e djeshme që përfshiu Shqipërinë, Turqinë, Greqinë dhe Italinë, ka alarmuar politikën e vendit fqinj. Ministri i Brendshëm italian, Giuliano Amato, do të referojë në Senatin italian nesër në mëngjes, ku do të raportojë me hollësi për ngjarjen e djeshme. Ndërkaq, Padre Federico Lombardi, drejtori i sallës së shtypit të Vatikanit, në komentin e tij direkt në lidhje me ngjarjen ka deklaruar se "jemi në gatishmëri dhe kërkojmë më shumë elemente dhe konfirmoi se po merren të gjitha masat që udhëtimi i Papës në Turqi të vazhdojë normalisht.


PLANI

Rrëmbyesi është 30 vjeç dhe për një kohë ka qëndruar në Shqipëri, ku dhe i kishte përfunduar leja e qëndrimit. I veshur me komplet sportiv, ndërkohë që në kokë mbante një kapele bejsbolli, Ekinci, ka pasur një plan në kokë që prej nisjes së tij nga Aeroporti i Rinasit


D‘Alema

"Është një ngjarje që na mbajti frymën për orë e orë, por për fat të mirë u mbyll mirë. Janë ngjarje që ushqejnë preokupim, por duhet të kuptojmë më shumë origjinën e tyre"


LETRA E PLOTË


Papë i dashur më ndihmoni, Shqipëria kërkon të më ekstradojë në Turqi


I dashur Papë, jam Hakan Ekinci, jam një kristian dhe nuk dua t‘i shërbej një ushtrie myslimane. Kërkoj ndihmën tënde si lider i kristianëve dhe botës kristiane. Frekuentoj kishën nga viti 1998 dhe kam gjetur rrugën e drejtë te Jezu Krishti dhe Ungjilli. Vij nga një familje që në të kaluarën ka emigruar nga Maqedonia, si pasojë e luftës. Siç dihet, Turqia shtrëngon me forcë emigrantët që të kthehen në turq dhe në myslimanë. Familja ime është detyruar me forcë që të pranojë identitetin e Republikës turke. Kur kam lindur në vitin 1978, kanë shënuar në dokumentin tim fenë myslimane, pa më kërkuar mendimin tim. Në shkollat e Republikës Turke, të gjithë detyrohen të mësojnë moral islamik dhe fenë myslimane, sepse në shkollat turke është e ndaluar që të mësohet mbi fetë e tjera. Kur isha student në Smirne, mësuesit e mi më kanë dënuar shpesh për indiferencën time në mësimet e fesë. Në vitin 1998, kam kërkuar të hetoj mbi fenë time të origjinës. Falë një miku, kam nisur të frekuentoj kishat në Smirne. Në vitin 1999 jam pagëzuar dhe kam kuptuar se unë kam qenë një kristian. Në fakt të parët e mi në Maqedoni kanë pranuar Islamin, nën presionin e shpatës së Otomanëve. Në vendin tim nuk kam mundur dot të ushtroj të drejtën time të jem kristian. Në vitin 1998 jam thirrur nën armë, që të kryej shërbimin ushtarak. Kam thyer urdhrin dhe kam ikur nga vendi. Falë ndihmës së Jezu Krishtit, pas 18 ditësh, më kanë ndryshuar urdhrin, duke më cilësuar si një individ i paaftë. Mëkat që në vendin e djallit, shejtani më rezervoi një shaka tjetër dhe më thirrën sërish nën armë, duke theksuar se vendimi për të mos shkuar në ushtri nuk ishte i drejtë. Me gjithë protestat e mia, ata më detyruan të shkoja ushtar për një armatë myslimane. Kam bërë atë që nuk duhej bërë dhe u arratisa. Kam rezistuar dhe kam luftuar, kam kërkuar të shpjegoj gjendjen time te komandantët e mi, por nuk ma vunë veshin dhe më futën dy herë në burg. Për të qenë kristian, kam pësuar tortura dhe dhunë të rëndë. Më 2005-ën kam dalë falë besimit tim, nga spitali ushtarak i Gumussuyu me një leje gjashtë mujore dhe ika jashtë vendit. Por ika në një vend tjetër mysliman, siç është Shqipëria, në Tiranë, pasi kishte probleme me vizën e hyrjes dhe kërkova azil në Shqipëri. Tani jetoj në një kamp të UNHCR-së të OKB-së. Por ky vend mysliman ka lidhje të mira me Turqinë dhe kërkon të më ekstradojë në Turqi. Të lutëm Papë, më ndihmo. Tashmë nuk dua të jetoj më në një vend mysliman, nuk arrij dot të marr frymë në një qytet mysliman. Më shpëtoni vetëm Ju, Ati i Shenjtë. Për këtë motiv, po dorëzohem tek ju.

Ju lutem të më ndihmoni në emër të dashurisë së Krishterimit dhe Atit, Birit dhe Shpirtit të Shenjtë. Shpresoj se ju do të më ndihmoni. Me dashurinë time ju puth duart.

Hakan Ekinci.
TERRORIZMI/ Gjithçka për udhëtimin e tmerrit, pasi dy turq detyruan avionin e nisur nga Rinasi drejt Stambollit, të ulej në Brindisi
"200 MINUTA PENG NË AVION"
Gazetari i "Shqip", Ermir Hoxha, rrëfen nga bordi, rrëmbimin e "Turkish Airlines"
Shkruan: Kamber Velaj
Problemet filluan në tokë, kur Boeing-u i "Turkish Arilines" nuk po shkulej nga vendi, edhe pse po kalonte një orë nga orari i përcaktuar. "Duhet të niseshim në orën 15:30, por u nisëm në 16:30, kur na hipën shpejt e shpejt në avion", tregon Ermir Hoxha, gazetari i "Shqip", që u ndodh dje në vendin e gabuar në momentin e gabuar së bashku me 110 njerëz të tjerë.

Kur hipën në avion, askujt nuk i bëri përshtypje pamja e Hakanit dhe Mehmetit, madje, asnjë nga pasagjerët nuk i vuri re as kur ata të dy hynë në kabinën e pilotit. "Nuk kuptuam asgjë. Shenja e parë që na u dha ishte pas më shumë se gjysmë ore fluturimi, kur stjuardesat nisën nga e para të na tregonin përdorimin e dyerve të emergjencës. Mua m‘u duk qesharake kjo. Vetëm kaq", tregon Ermiri. Pasagjerët u trembën pak më vonë, kur avioni nisi të rrotullohej në mënyrë të pakuptimtë në ajër, por edhe kësaj here nuk e morën seriozisht. Shqetësimi filloi kur disa pasagjerë të mësuar me fluturimet Tiranë-Stamboll, konstatuan se dritat e qytetit të shtrirë në dy kontinente nuk po dukeshin, edhe pse orari i mbërritjes kishte afruar. "Kur njerëzit nisën të shqetësoheshin për këtë gjë, kapiteni i fluturimit na komunikoi se për shkak të një defekti do të uleshim në Brindisi. Kjo nuk kishte kurrfarë kuptimi, sepse ne ishim nisur në drejtim të lindjes, jo të Perëndimit". Gazetari i "Shqip" tregon se edhe kësaj radhe, megjithëse nisën të shqetësoheshin, pasagjerët nuk menduan më të keqen, që na fakt ishte duke ndodhur.

Ulja në aeroportin e Brindisit në Itali u bë rreth orës 17:45, kohë në të cilën disa nga pasagjerët arritën të shquanin në fluturim paralel me ta disa avionë ushtarakë. Ata avionë të modelit "F16" i kishin shoqëruar nga afër qysh nga Greqia.

"Vetëm kur u ulëm dhe nisnim të komunikojmë me njerëzit tanë në Shqipëri, Turqi e gjetkë morëm vesh se ishim pengje. Përpara se të mësoja këtë lajm, kisha vënë re një njeri me veshje sportive e me kapele prej reperi në kabinën e pilotëve, gjë që më bëri përshtypje, por nuk më shkoi për asnjë moment ndërmend se mund të bëhej fjalë për një rrëmbim". Ermiri, një besimtar praktikant mysliman, nuk mund ta mendonte se "terroristët" do të merrnin peng një avion të mbushur në mazhorancë absolute nga myslimanë. Në avion ndodhej edhe një grup besimtarësh, që udhëtonin për në Arabinë Saudite, për të kaluar atje disa ditë të muajit të shenjtë të Ramazanit.

"Lajmi se ishim pengje u përhap në sekondë dhe njerëzit filluan të trembeshin. Por shumica ishin burra, nuk kishte asnjë fëmijë dhe qetësia e vetëpërmbajtja mbizotëronin në atë kuti metalike ku ishim mbyllur. Një djalë i ri, te të 20-at, që udhëtonte me të ëmën, ishte më i tremburi nga ata që pashë. Por, më tha se trembej më shumë për të ëmën se për vete", tregon Ermiri. Ai shton se momenti më i frikshëm, kur edhe burrat u drodhën, ishte kur gjithë dritat e avionit u shuan. Por kjo zgjati shumë dhe njerëzit më shumë se të trembur ishin të çuditur. U bindën se ishin pengje, por nuk shikonin pengmarrësit. Nuk dëgjonin asnjë zhurmë të çuditshme nga kabina e pilotimit dhe kishin gjithnjë përballë fytyrat e qeshura të stjuardesave, qe herë pas here mundoheshin të bënin edhe ndonjë shaka. Ndërkohë, në media filloi të flitej se pengmarrësit kishin kërkuar gazetarin në bordin e avionit. Në redaksitë e "Top Medias" të gjithë mbetën pa frymë, sepse kuptuan që kishin "dekonspiruan" shokun. Por Ermiri tregon se kjo nuk kishte qenë e vërtetë: "Pengmarrësit nuk komunikuan asnjëherë me ne. Madje, si myslimanë, së bashku me grupin e besimtarëve që udhëtonin për në Dubai diskutuam njëherë të merrnim ne përsipër negocimin me pengmarrësit, duke menduar se ata ishin të të njëjtit besim. Por nuk patëm asnjë shans të flisnim me ta. As që na e vërshëllyen fare". Ermiri e mori vesh vonë se pengmarrësit nuk ishin "fondamentalistët myslimanë që luftonin perëndimin" dhe e kuptoi që kishte qenë fatlum që nuk kishte tentuar të negocionte me ta.

Fundi i makthit ishte njësoj i çuditshëm me fillimin e tij. Dy djemtë dolën nga kabina e pilotimit si të mos kishte ndodhur asgjë. "Na përshëndetën në një mënyrë shumë sportive, na kërkuan falje dhe dolën". Në orën 8:20, pasi nga avioni kishin zbritur dy pengmarrësit dhe piloti, dera u hap edhe për 105 pasagjerët dhe pesë anëtarët e tjerë të stafit. Të gjithë qëndruan për disa orë në Brindisi, ku iu dhanë ushqime të shpejta e pije freskuese dhe i kontrolluan imtësisht. Natën vonë, një tjetër avion do t‘i transportonte për në Stamboll.

Jehona
Ermir Hoxha, heroi i mediave britanike
Mediat angleze BBC dhe Sky News citojnë gazetarin e "Shqip"
Shkruan: Muhamed Veliu
Kolegu i gazetës "Shqip", momentin që vuri këmbën në avionin e linjës turke, drejt Stambollit kurrë se mendonte se ai udhëtim do ta vendoste në fokusin e medias britanike. Ngjarja e rrëmbimit të avionit, komentuar gjatë nga të gjitha mediat britanike, kanë cituar si të vetmin burim të brendshëm pikërisht të gjithë informacionin që kolegu Hoxha ka përcjellë përmes telefonit. Gjigandi mediatik BBC në faqen e lajmeve on-line i referohet gazetarit të "Shqip" dhe "Top-Channel", në të cilin për herë të parë u bë e mundur lidhja me një person brenda avionit. "Ne pamë një djalë me kostum sportiv dhe me një kapele në kokë. Ai u afrua derës së kabinës, duke qëndruar atje i menduar", citon BBC Ermir Hoxhën. Gjatë orëve të mbrëmjes, ngjarja e rrëmbimit nuk ka mbetur vetëm në kuadrin e një lajmi. Stacioni televiziv "Sky News" ka zhvilluar një bisedë në studio me korrespondentin e çështjeve të sigurisë ku ka ngritur një sërë problemesh, më kryesorja si është e mundur hyrja e rrëmbyesit në kabinën e avionit. Ndërkohë, ngjarja nuk ka mbetur jashtë vëmendjes së Ministrisë së Jashtme të Britanisë, ‘Foreign Office‘. Një zëdhënëse shprehu shqetësimin për ngjarjen, duke deklaruar: "Është një rrëmbim që padyshim të krijon shqetësim. Po u kërkojmë më shumë informacione rreth ngjarjes autoriteteve italiane". Britanikët tre vite më parë kanë qenë skeptikë sa i përket sigurisë në Aeroportin "Nënë Tereza" në Tiranë. Ata refuzuan në vitin 2003 vendosjen e një linje direkt Londër-Tiranë.
Gazetari Hoxha, në një udhëtim Ramazani
Ermir Hoxha, redaktori i Kulturës i gazetës "Shqip", ndodhej në bordin e avionit për të udhëtuar drejt Stambollit ku prej vitesh jeton familja e tij. Hoxha është nisur për të kaluar me familjen disa ditë nga muaji i Ramazanit, si besimtar mysliman. Ermir Hoxha prej vitesh punon në fushë e medias. Përpara se të bëhej pjesë e "Top Medias", ai ka punuar në televizion si gazetar i politikës, ndërsa ka një eksperiencë jo të shkurtër edhe si gazetar radioje. Hoxha është besimtar mysliman dhe udhëtimi i tij lidhej pikërisht me muajin e shenjtë të Ramazanit. Hoxha ka studiuar histori, një fushë të cilin ai pëlqen ta hulumtojë edhe në shkrimet e tij në gazetë. Ai është pjesë e stafit të gazetës "Shqip" që në ditët e para të krijimit të saj, duke kontribuar në sfidën tonë të përbashkët për të sjellë një gazetë sa më afër lexuesit në treg.

[AIPR]

Arrin terrorizmi komik!
Nga Alban Bala

Pak gjera mund te te deshperojne me shume sesa nje shaka pa kripe… Rrembimi i avionit Turkish Airlines 1476 ishte pikerisht nje gje e tille. Skematik ne ideim, medioker madje absurd ne praktike, provokativ deri ne cinizem - ashtu siç konkludoi, por edhe shume banal ne produktin e vet mediatik, aksioni i kishte te gjithe elementet qe i duhen nje skenari per film me (anti)terrorizem.

Mjetet e Punes: Nje avion turk ne ajer; nje turk per rrembyes (apo disa- ky detaj nuk ka rendesi, pasi nuk do t’i shohe askush), nje Pape (mundesisht ne prag te nje vizite ne Turqi), nje origjine per historine – Shqiperia, nje destinacion per historine – Italia.

Misioni: Te simulohet nje akt terrorist me efekte nderkombetare, qe perfshin Turqine, Shqiperine, Vatikanin dhe Italine. Turqia te njolloset ne lidhje me te drejtat e njeriut dhe te çarmatoset moralisht perpara vizites se Papes atje, Vatikani te vihet ne nje pozite edhe me te veshtire ne prag te vizites se Papes ne Turqi, Shqiperia te akuzohet per standartin e ulet te sigurise dhe si strehe eventuale e çdo lloj terrorizmi, duke perfshire ate komik, Italia te testohet per nivelin e sigurise ne pergjigjet ndaj sulmeve eventuale me target qytetet europiane. Ky nuk eshte megjithate program per stervitje ushtarake.

Ngjarja/Subjekti : Avioni ngrihet nga Rinasi - Shqiperi, por mbi Greqi dikush pa u hetuar ka hyre ne dhomen e piloteve dhe urdheron /vendos (pa u thene gje te pranishmeve, te cilet prej ketij çasti mbiquhen a) per Policine: te rrembyer b) per Median: pengje fatkeqe dhe/ose viktima te terrorizmit nderkombetar) ta ndryshoje rruge-drejtimin dhe te synoje Romen. Motivi: Rrembyesi ka nje leter / mesazh per Papen.

Prej ketij çasti aksionit terrorist i jane shfryre bulçite. Edhe pse ende nuk jane te sigurt nese rrembyesit jane te armatosur, ekspertet e sigurise e dine se nuk ka skenar tragjik pas ketij plani, i cili artikulohet fluturimthi nga kabina e qete dhe e kalter e Boingut 1476. Misioni i rrembyesit eshte kunder-arma e tij: ai ka nevoje per vemendje nderkombetare.

Dy elemente tejkalojne pritshmerine edhe te optimisteve me te medhenj. E para, rrembyesit jane te pa-armatosur. Kete fakt e dine edhe pasagjeret, te cilet ja thone medias qysh perpara se avioni te zbrese ne Brindisi. E dyta, per gjate te gjithe udhetimit, per te shmangur trazira te panevojshme, asnje prej pasagjereve nuk e di qe eshte peng apo viktime e nje akti rrembimi. Terroristet jane edhe me gjakftohte se ç’duhet. Atyre ju intereson media. Ajo qe avioni turk dhe rrembyesi i tij ne fakt moren peng per me shume se disa ore ishin syte e medias nderkombetare.

Ne ekrane u rikthye i plote nje debat mediatik mbi fjalimin e fundit te Ratzinger dhe udhetimin e tij te pritshem ne Turqi.

Vazhdimin e artikullit e gjeni ketu:
http://www.albpr.org/g-news/modules....rticle&sid=316