Turizmi në Shqipëri: 1 milion turistë në sezonin veror të 2012

[StormAngel]

Pak sa e gjate po me siguri do zgjoj edhe kersherine tuaj:

Plazhet turke, pas rusëve dhe gjermanëve, fluksi i shqiptarëve

Turizmi, 135 milionë euro të humbura


Shekulli

Shqipëria mendohet se ka humbur rreth 135 milionë euro, vetëm këtë sezon turistik nga largimi i shqiptarëve jashtë për turizëm dhe nga mosardhja e një pjese të emigrantëve nga jashtë për të shpenzuar kuotat e tyre të pushimeve në Shqipëri. Shifra është llogaritur duke patur parasysh shifrat e pakta zyrtare që serviren prej dikastereve si dhe të dhëna të tjera që nuk janë bërë publike. Zëvëndës ministri i Turizmit Artan Lame pak ditë më parë deklaroi se rreth 35 mijë shqiptarë kanë preferuar të kalojnë pushimet e këtij viti jashtë Shqipërisë, duke e konsideruar këtë largim ashtu siç i ka hije një qeveritari shqiptar, si “dukuri normale”. Shqiptarët që kanë shkuar jashtë, sipas agjensive turistike, kanë udhëtuar në shumicën e tyre në Turqi dhe Malin e Zi. Duke iu referuar paketave turistike të ofruara nga agjensitë, mësohet se ato variojnë sipas kushteve të hoteleve nga 400 euro në 1000 euro për person, çka do të thotë se mesatarisht çdo shqiptar që ka udhëtuar jashtë ka paguar mesatarisht të paktën 700 euro vetëm për paketën e tij turistike. Për 35 mijë persona, llogaria e thjeshtë aritmetike nxjerr se janë paguar rreth 25 milionë euro vetëm për shërbimet që ofron paketa turistike, pa llogaritur këtu shpenzimet e tjera, normale për një vizitor në vend të huaj si shoping, suvenire, zbavitje jashtë hotelit, shpenzime për mjekime të rastit, etj. Mesatarisht një personi që e ka parapaguar udhëtimin, fjetjen dhe ngrënien në hotel sipas paketës turistike, do ti duhen të paktën 20-30 euro në ditë për shpenzime ekstra, domethënë 200-300 euro për 10 ditë. Për 35 mijë persona herë 200 euro minimum shpenzime ekstra, llogaria na thotë 7 milionë euro. Në këtë pikë jemi tek 32 milionë euro që janë nxjerrë jashtë Shqipërisë për turizmin e huaj, për shkak të mungesës së kushteve dhe çmimeve të larta në turizmin vendas. Këtyre 35 mijë shqiptarëve që kanë kaluar pushimet jashtë duke ia dhënë kursimet e tyre ekonomisë së një vendi tjetër, i shtohen edhe emigrantët tanë të shumtë në Greqi e Itali si dhe bashkëatdhetarët në Kosovë e Maqedoni, të cilët nuk kanë ardhur në Shqipëri si vitet e tjera për shkaqe të ndryshme. Nga rreth 700-800 mijë shqiptarë që kanë emigruar jashtë, llogaritet që rreth 100 mijë prej tyre, pushues potencialë të viteve të tjera, nuk kanë ardhur në Shqipëri, për shkaqe të ndryshme që lidhen me pakënaqësitë e krijuara nga vitet e mëparshme si dhe nga mungesa e stabilite6tit në vend. Të shumta kanë qenë “rrjedhjet” ndër emigrantët e Greqisë, të cilët kanë hequr njëmijë e një të zeza nëpër rradhë pikash kufitare e që u duhen një qerre me dokumenta për të lëvizur pa patur probleme. Është llogaritur që një emigrant pushues mund të shpenzojë në Shqipëri minimalisht deri në 1 mijë euro për pushimet e tij, përfshirë transportin, dhuratat, shpenzime të tjera turistike të domosdoshme për pushimet etj. Rreth 100 mijë turistë të munguar, do të thotë rreth 100 milionë euro të munguara. Shuma në total e humbjeve për shkak të paaftësisë së shtetit për të krijuar kushte për turizëm, vetëm për këtë vit shkon pra në rreth 135 milionë euro.


“Kusuret” e sezonit në perlën Sarandë

-investimi prej 4.2 milionë euro në Sarandë, i kryer për ujësjellësin e ri të qytetit, ende nuk ka dhënë efektet e pritshme për të pasur Saranda 24 orë ujë dhe rezultati është shumë i dyshimtë edhe për vitet që vijnë.

-parametrat skandalozë të tensionit që i rezervon KESH-i Sarandës. Dritat në Sarandë ndricojnë si qiri, nga që tension normal quhet kur ai është 120 volt.

-mungesë totale e fondeve për rehabilitimin e rrugëve nacionale që sjellin në Sarandë, të cilat ua bëjnë pushuesve që e adhurojnë atë shumë më të largët nga sa është në fakt.

-nuk investohet për të krijuar mundësira për lëvizje detare dhe ajrore drejt Sarandës.

-nuk limitohet koha e reklamave që i bëhet turizmit jashtë Shqipërisë, se nuk është normale të teprohet me reklamën për Turqinë

-nuk ka asnjë reklamë kombëtare për turizmin shqiptar, që është një praktikë e njohur e fqinjëve tanë në publicitetin qeveritar.

-asnjë fletëpalosje dhe asnjë asistencë në këtë fushë nuk mban autorësinë e dikasterit të specializuar për turizmin.

-i vetmi “kontribut” i këtij dikasteri është një automjet kamioncinë për pastrimin e plazheve, që ia shiti Sarandës si frengu pulën, me vlerë 43 mijë euro.

-eshtë e barabartë me zero asistenca që i ka dhënë kjo ministri Sarandës, për të cilat jam i gatshëm të flas në një studjo të hapur me shifra dhe fakte, duke nisur që me faktin që minsitria e Turizmit i mban akoma licensat në Tiranë dhe nuk di sa hotele dhe cfarë shërbimi ka Saranda.

-dikasteri i Turizmit nuk ka bërë një fletëpalosje për qytetin e Sarandës dhe nuk ka përcaktuar akoma prioritetet e turizmit në Shqipëri, aq më pak për Sarandën, që krahasimisht ka edhe detin më të pastër.

-Fino si ministër duhet të njohë se është përgjegjësi e tij personale që e ka lënë Sarandën 10 ditë pa ujë.



Shkodër
Në plazhin e Velipojës
Dhomat 2 euro deri 18 euro për person nata
Hotelet 20 deri 40 euro për person

Thethi e Ramza
Dhomat 10 - 15 euro për person

Vlorë
Dhomat 2500-30.00 lekë
Hotelet -2500-3000 lekë

Himarë, Dhërmi, Palasë
varjojnë 4500-8000
çadrat 60.000 leke

Pogradec
Fshati turistik Lyhnida në Pojskë 3500 lekë
Në Tushemisht pranë Drilonit 3000 lekë

Sarande

Hoteli: 2500-3000 lekë për një natë
Dhomat: 3500 – 6500 lekë




Ja si kalohen 10 ditë në Turqi dhe pse për një shqiptar të mesëm ëhstë një ofertë e pëlqyeshme

Plazhet turke, pas rusëve dhe gjermanëve, fluksi i shqiptarëve

Të kalosh një 10 ditësh pushimesh gjatë verës në Turqi, bëhet cdo vit e më tepër një joshje edhe për shqiptarët. Po çfarë ofron Turqia dhe pse është kaq e lehtë për ne shqiptarët të shkojmë aty, ndërkohë që dihet sa të vështirë e ka pasaporta shqiptare të kalojë pa telashe nëpër aeroporte vendesh të tjera. Turqia ka një sistem të liberalizuar vizash, me shumë vende të botës, përfshi Shqipërinë. Një vizë turke merret fare lehtë në cilindo aeroport të Turqisë. Për shqiptarët pagesa është 15 dollarë për një vizë 15 ditore. Fluksi i personave që pajisen me viza çdo ditë nëpër aeroportet turke gjatë sezonit veror, është aq i madh saqë ndodh shumë shpesh që në sportelin e vizave, sportelistët nuk kanë kohë as ta hapin pasaportën në faqen e fotografisë. E hapin nga fundi dhe ngjisin në faqen e pasme një katror të vogël, ngjyrë blu me flamurin turk në mes ku shkruhet në turqisht dhe anglisht: “Vizë turistike e vlefshme për 15 ditë”.
Në aeroporte fluksi është i jashtëzakonshëm. Në aeroportin e Antalias, një nga qytete më të frekuentuara prej shqiptarëve, numri i gate-ve dhe i sporteleve të kontrollit është më i madh edhe se në aeroportet më të frekuentuara tranzit të Europës. Rreth 30-35 mijë persona hyjnë e dalin çdo ditë të verës në Antalia. Pas marrjes së vizës në sportelin e parë, do të kalosh edhe në disa sportele të tjera për kontroll dokumentesh dhe bagazhesh. Procedurat zakonisht janë tepër të shpejta, pa zvarritje. Me shqiptarët janë shumë të sjellshëm dhe kanë bindjen se të gjithë turistët shqiptarë dinë turqisht. Kur hasin në një shqiptar që u flet anglisht habiten.
Shqiptarët q ëkanë prenotuar këtë vit nëpërmjet agjensive turistike në Tiranë për Antalia, tregojnë se në aeroporte, dalin dhe të presin përfaqësues të agjensive turistike turke të cilët janë njoftuar prej simotrave në Tiranë për numrin dhe emrart e turistëve të ndarë sipas hoteleve. Antalia ka rreth 100 hotele turistike, nga 2 deri në 5 yje. Zakonisht shqiptarët përqëndrohen në hotele me 3 dhe 4 yje, por edhe ato me 5 yje kanë klientë të shumtë. Në Antalia të tregojnë se shqiptarët kanë nisur të vijnë dy ditet e fundit, ndërkohë që turistët e përhershëm dhe më të shumtë vijnë nga Rusia dhe Gjermania. Rusët dhe gjermanët janë aq të shumtë sa nëpër sportele dhe lokale, punonjësit të flasin fillimisht gjermanisht ose rusisht, pastaj anglisht, nëse jep shenja që nuk kupton. Nuk mungojnë izraelitët dhe iranianët. Të parët kanë një mënyrë pushimi shumë të veçantë. Mos u habisni nëse ti ngulin sytë për një kohë të gjatë nëse qëllon tu ulesh në shezlongun përbri. Duan të sigurohen që nuk je një…palestinez.
Në një hotel me 5 yje paketa turistike për 10 ditë, për dy persona shkon deri në 1800 euro. Duket një shifër e kripur për shumë shqiptarë, por po të kesh parasysh çmimet e lëvizjes dhe akomodimit, llogaria del e leverdisshme. Nëse do të niseshe vetë nga Tirana drejt Antalias vetë i dytë, do të duhej të paguaje rreth 500-600 euro vetëm për biletat vajtje-ardhje. Një hotel me 5 yje, kushton minimumi 100-115 euro nata, pra për dhjetë netë, duhet të paguash rreth 1100 euro. Ja ku jemi tek 1600 euro shpenzim ende pa nisur nga shpenzimet e të ngrënit dhe shoping-ut tjetër. Paketat turistike ofrojnë plus këtyre pagesave, edhe vaftet e të ngrënit falas, të cilat nëse do ti përballoje vetë do të duhej të paguaje shumë më tepër se diferenca që mbetet nga shuma 1800 euro. Hotelet me 5 yje ofrojnë jo vetëm tre vaftet falas brenda paketës, por edhe vafte të ndërmjetme, pije, snack-e, si dhe pishinën, palestrën, saunën, lojëra të tjera, disko, pub dhe programe të përnatshme argëtuese.
Sapo hyn në hotel, pas rregjistrimit të pajisin me tre karta, një prej të cilave përdoret për shërbimet në dhomë, tjetra për tu prezantuar në ambjentet e hotelit gjatë ngrënies apo argëtimit dhe tjetra për tu shkëmbyer me peshqirët e plazhit. Për të gjitha problemet dhe guidën e përdorimit të shërbimeve të hotelit, në dhomë ka manuale të veçanta në anglisht, turiqisht, rusisht dhe gjermanisht. Shërbimi në hotele është korrekt. Nuk të përkëdhelin shumë, por as të lënë gjë mangut. Duhet të keni parasysh se në kamarierët, banakierët e punë të tilla, në Turqi paguhen pak dhe mos u habisni kur të shikoni një kamarier që mund t’ju shërbej në dy ose deri në tre turne.
Në të kundërt të asaj që thuhet shpesh, Turqia nuk është një vend ku turistët mund të blejnë lirë. Mund të blihet lirë, vetëm në tregje publike të mëdha, por në to nuk mungojnë kurrë matrapazët. Në rrugë sheh të ekspozuara mbi tezga firmat më të mëdha të botës në veshje, por janë padyshim të gjitha false. Për këtë arsye mos u habisni nëse një çantë “Dolce e Gabana” që shitësi në rrugë të thotë se bën 140 euro, të ta shesë për…30 euro, e bën vaki edhe të shkojë në shifra më të ulëta. Sigurisht dyqanet e vërteta të modës nuk mungojnë për ata që e kanë xhepin plot. Mirë është të mos mbani shuma të mëdha parash me vete. Rastet e vjedhjeve nëpër plazhe nuk mungojnë. Sidoqoftë, mbetet i vetmi vend ku shqiptari i mesëm, mund të kalojë ditë të mira pushimesh.


Sipas metereologëve javë e tretë e gushtit do të shënojë temperatura të larta, deri në 37 gradë celcius

Gushti, diell dhe shumë nxehtë

Një javë plot diell, temperatura të larta dhe shumë nxehtë. Ky është parashikimi i metereologëve për javën në vazhdim. Për të gjithë ata që kanë planifikuar këtë sezon për të kaluar pushimet, koha nuk do t’i lërë në “baltë”. Madje edhe ata që pas diellit tmerrësisht të nxehtë të dy ditëve të fundit shohin të fshehur ndonjë shi të mundshëm, nuk duhet të shqetësohen. Sipas parashikimeve të marra nga sateliti, jepet garanci se së paku për shtatë ditët e ardhshme koha do të jetë perfekte për t’u prehur në plazh, kudo qoftë ai. Krahasuar me gjysmën e parë të muajit gusht, ku koha u tregua ca “tekanjoze”, pasi njohu edhe ditë të vrenjtuar e pak reshje, këtë herë pushuesit këshillohen të marrin masa serioze për të mbrojtur lëkurën dhe kokën nga dielli i fortë. Të gjithë ata që i kanë qëndruar besnik bregdetait shqiptar do të “theken” në diell. Koha do të jetë në favor të pushuesve në qytetin bregdetar të Vlorës. Dita e sotme, edhe pse parashikohet të njohë një temperaturë maksimale prej 29 gradë celcius do të jetë me diell të plotë dhe të shndritshëm. Ndërsa java do të nisë me rritje temperaturash, që gjithmonë sipas metereologëve do të jenë së paku 1 gradë më të larta se fundjava. Temperatura më e lartë e javës parashikohet të rregjistrohet ditën e enjte dhe do të shënojë 36 gradë celcius, për të zbritur ditën e shtunë në 33 gradë celcius. Por sipas parashikimeve, edhe me këtë zbritje prej tre gradësh dita do të jetë shumë e nxehtë. Në grafikët shoqërues të temperaturave, gjithandej gjen lehtësisht shënimin “hot” dhe të vizatuar një diell që përflak, ç’ka do të thotë se pushuesit të paktën nga koha nuk kanë ç’të qahen në këtë sezon. Për ata që gjatë javës do të pushojnë në Durrës, koha do të dhurojë diell pa kursim. Edhe në këtë bregdet, tenmperaturat do të pësojnë rritje, duke arritur në mesjavë deri në 37 gradë celcius, për të rënë më pas gjatë fundit të javës. Rënia sipas parashikimeve do të jetë me 3-4 gradë celcius, por që gjithsesi i nxehti i madh do të sundojë edhe gjatë kësaj kohe. Jo më pak do t’u ecë me kohën atyre që do të fluturojnë në drejtim të Turqisë, vendit që ka njohur një fluks shumë të madh pushuesish shqiptarë, gjermanë e rusë. Këta të fundit së paku do t’i gëzohen një dielli që vetëm e kanë ëndërruar, ndërsa për shqiptarët koha do të jetë mëse e pranueshme. Turqia sipas parashikimeve do të jetë gjithashtu me shumë diell. Java e ardhshme do të regjistrojë në Antalia, bregun më të frekuentuar nga pushuesit, temperatura deri në 38 gradë celcius. Temperaturë që duket se do të qëndrojë për disa ditë me radhë. Java do të nisë me temperaturë 36 gradë celcius, ndërsa më e ulëta gjatë javës nuk dotë jetë më pak se 33 gradë celcius. Dy ditë sipas parashikimeve të meteorologëve dotë jenë me re, por shumë të ngrohta. Edhe metereologët tanë, pavarësisht se theksojnë që nuk bëjnë parashikime të gjata, mënjanojnë praninë e reshjeve dhe shtojnë se gushti dotë jetë një muaj me dilel të nxehtë .

Moti për javën e ardhshme
Vlorë
E diel
Temp më e lartë 29 gradë celcius
Temp më e ulët 16 gradë celcius
diell i plotë

e hënë
30 dhe 18
diell i plotë

e martë
33 dhe 21
diell dhe re

e mërkurë
35 dhe 22
shumë nxehtë

e enjte
36 dhe 23
shumë nxehtë

e premte
34 dhe 20
shumë nxehtë

e shtunë
33 dhe 19
shumë nxehtë

Durrës
e diel
29 dhe 15
ditë me diell të plotë

e hënë
30 dhe 17
diell i plotë

e martë
33 dhe 21
diell dhe pak re

e mërkurë
36 dhe 22
diell dhe shumë nxhetë

e enjte
37 dhe 23
diell shumë i nxehtë

e premte
34 dhe 19
diell shumë i nxehtë

e shtunë
33 dhe 19
diell i plotë dhe nxehtë


Antalia
e diel
36 dhe 21
diell i plotë

e hënë
36 dhe 21
diell shumë i nxehtë

e martë
38 dhe 25
diell dhe shumë nxehtë

e mërkurë
38 dhe 25
shumë nxehtë

e enjte
38 dhe 23
diell shumë i nxehtë dhe pak re

e premte
35 dhe 20
ditë e nxehtë dhe me re

e shtunë
33 dhe 20
diell me re


Infrastruktura e dobët.
Pavarësisht disa akseve të rregulluara udhëtimi nga Tirana (në kryeqytet është përqëndruar normalisht pjesa më e madhe e popullsisë me fuqi blerëse) në Sarandë, ose nga Tirana në Pogradec është shumë i lodhshëm, qoftë edhe me një makinë private. Edhe Tiranë-Durrës ka shumë probleme për shkak të pamundësisë së infrastrukturës për të përballuar trafikun.

Çmimet e pallogjikshme.
Vetëm për dy orë pushim në një lokal në zonën e Plepave në Durrës, mund të harxhosh deri në 5 mijë lekë te reja. ( 300 lekë të reja për hyrjen dhe parkimin e makinës, 1600 lekë të reja për dy shezlongje në pishinë, dhe deri në 3 mijë lekë të reja për një drekë për dy persona)

Papastërtia e plazheve.

Sidomos nga pushuesit shqiptarë që vijnë nga Kosova, vihet shpesh në dukje papastërtia që shoqëron ambjentet përreth hoteleve. Mbetjet nga ndërtimet si dhe mbeturinat e krijuara nga konsumimi i ushqimeve janë një pamje jo fort e këndshme për një pushues, qoftë edhe kur ky ka dëshirën e mirë që të mos i vëjë re. Ndërtimet e shumta që nuk lënë hapësira lëvizjeje të lirshme, shtojnë stresin e krijuar nga këto papastërti


Ndotja e ditëve të fundit
Ndotja e ditëve të fundit në Jon ka krijuar një dilemë të madhe tek qindra familje, nga rrethet apo në emigracion që kishin planifikuar pushime në bregun e Jonit. Vetëm në redaksinë e “Shekullit” kanë mbëritur këto ditë së paku 20 e-maile dhe telefonata përditë, ku njerëz të shqetësuar pyesin nëse mund të shkojnë në bregdetin jugor


Varfëria e shtuar
Një pjesë e shqiptarëve nuk mund ti lejojnë vetes as luksin e të lëvizurit brenda vendit. Shembull është plazhi i Semanit në afërsi të Fierit, ku njerëzit i kanë zgjidhur të gjitha problemet vetë. Me xhepat bosh dhe në mungesë të investimeve ata kanë ngritur baraka dhe çadra me mjete rrethanore, për të kaluar ditët e nxehta të verës

[dodoni]

Turizmi

Gladiola Bendaj - 26/08/2004

Statistikat: 200 mijë turistë kanë hyrë në Shqipëri

Për shtatë muajt e parë të këtij viti kanë vizituar Shqipërinë për qëllime turizmi 213,904 nga 176,301 persona që kanë vizituar për të njëjtën përiudhë të 2003-it


Gjatë 7-mujorit të parë të këtij viti, numri i vizitorëve të huaj që kanë hyrë në vendin tonë për qëllime turistike arrin shifrën e 213,904 personave. Krahasuar me statistikat e vitit të kaluar, ky numër shënon një rritje të dukshme. Kështu, gjatë periudhës janar-korrik të vitit 2003, numri i shtetasve të huaj që kanë hyrë në Shqipëri si vizitorë, apo turistë, ka qenë 176,301. Ndërkohë, duke parë numrin e këtyre vizitorëve vetëm për muajin korrik, që cilësohet si piku i fluksit të të huajve të ardhur si turistë në vendin tonë, për këtë vit numërohen 85,568 persona. Ndërkohë që për të njëjtën periudhë të vitit të kaluar ky numër arrin në 73,128 turistë.


Burime nga Ministria e Rregullimit të Territorit dhe Turizmit, bëjnë të ditur se këto janë shifra të sakta, të nxjerra nga Ministria e Rendit, e cila është e para që e merr këtë informacion nga kontrolli i efektivave të saj në pikat kufitare të vendit. Më pas këto shifra konfirmohen edhe nga zyrat rajonale të turizmit në vende të ndryshme turistike, si dhe nga Instituti i Statistikave (INSTAT). Numri i të huajve që hyjnë në një vend të caktuar, përllogaritet nga këto institucione duke u bazuar në standartet e përcaktuara nga Organizata Botërore e Turizmit (O.B.T.). Po kështu, sipas të dhënave të nxjerra në bazë të këtyre standarteve, bëhet edhe paraqitja grafike e hyrjes së shtetasve të huaj në pikat e kalimit kufitar.


Klasifikimi
Standartizmi sipas kritereve të kësaj organizate, konsiston në kategorizimin e numrit total të të huajve që hyjnë në një vend në katër nivele bazë. Pra, sipas qëllimit të udhëtimit të shtetasve të huaj që hyjnë në vend, ky numër ndahet në ata që vijnë për vizitë ose turizëm, në të huaj që vijnë për tregti, në ata që kalojnë tranzit për të shkuar në një vend tjetër, si dhe të tjerë që vijnë për qëllime të ndryshme sociale. Lidhur me këtë standartizim të O.B.T.-së, shifrat e nxjerra nga Ministria e Rendit, zyrat rajonale të turizmit në rrethe dhe INSTAT-i, për të huajt që kanë hyrë në Shqipëri gjatë 7-mujorit të vitit të kaluar, tregojnë se nga 249,544 të huaj të ardhur në total në vendin tonë, 176,301 janë për qëllime vizite ose turizëm, 30,479 për tregti, 5,376 kanë kaluar tranzit dhe 37,388 të tjerë për qëllime të ndryshme private. Po sipas këtij standartizimi, nga gjithsej 107,188 të huajt e ardhur në Shqipëri gjatë korrikut të vitit 2003, 73128 prej tyre kanë qenë vizitorë dhe turistë, 4941 për tregti, 24,761 kanë kaluar tranzit dhe 4,358 për qëllime të tjera. Ndërkohë që për korrikun këtij viti, të dhënat e marra nga instituconet përkatëse mbi fluksin e të huajve të ardhur në vendin tonë, tregojnë se nga 105,398 që është numri i tyre në total, 85,568 prej tyre kanë hyrë për qëllime turistike, 7,008 për tregti, 8,127 tranzit dhe 4,695 për të tjera qëllime. Paralelisht, burime nga Ministria e Rregullimit të Teritorit dhe Turizmit kanë bërë të ditur para disa ditësh se në të njëjtën kohë është rritur edhe numri i pushuesve shqiptarë drejt vendeve të huaja. Kështu sipas parashikimeve të specialistëve pranë kësaj ministrie është parashikuar që deri në fund të këtij sezoni turistik do të numërohen rreth 30 mijë shqiptarë të dalë jashtë vendit.

[shigjeta]

Ministri i Rregullimit të Territorit dhe Turizimit, Bashkim Fino, deklaroi se “nëse krahasojmë shifrën e hyrjes së turistëve me të njëjtën periudhë të vitit të kaluar, kemi një rritje prej 43 mijë pushuesish ose, e shprehur në përqindje, 15 për qind më shumë se viti 2003. Puna për të përgatitur sezonin turistik në Shqipëri ka nisur që në muajin mars dhe është pikërisht kjo arsyeja, sipas Finos, e cila solli në rritje të cilësisë së shërbimeve. “Një punë të mirë ka bërë ministria jonë gjatë këtij viti për përgatitjen e materialeve promocionale. Është punuar për të dalë këtë vit me disa broshura të reja si broshura historike, kulturore, fletëpalosje të qyteteve turistike, broshura sportive, si ajo që u prodhua në bashkëpunim me Komitetin Olimpik Shqiptar, që ishte një nga të rejat e këtij sezoni. Më duhet të them që materialet promocionale të këtij viti, pothuajse janë shpërndarë të gjith, në të gjitha aktivitetet ndërkombëtare që institucione të ndryshme kanë pasur gjatë këtij viti”, tha Fino. Sipas Finos, këtë sezon një rëndësi e veçantë ju kushtua pastrimit të plazhit në të gjitha zonat turistike, por në veçanti, në zonat bregdetare. Në këtë aksion ndihmesë është dhënë nga Ministria e Mbrojtjes, që me mjetet e saj ndihmoi në heqjen e një sasie të madhe mbeturinash urbane dhe inerte. E veçanta e këtij sezoni ishte se pastrimi i plazheve filloi kohë më parë nga hapja e sezonit turistik, gjë që dha frutet e veta gjatë sezonit. Nga buxheti i saj, Ministria e Turizmit vuri në dispozicion një fond prej 45 milionë lekësh me qëllim pastrimin e plazheve dhe dhurimin për pushtetit vendor të një kontigjenti makinash pastruese për rërën. Së treti, ministri theksoi se edhe pushteti vendor ishte shumë më i ndërgjegjësuar për pastrimin e zonave turistike, madje, mund të themi më shumë se çdo vit tjetër. Si rezultat i punës së kryer për pastrimin e plazheve, u pastruan 170 hektarë plazhe dhe u evaduan afërsisht 10 mijë m3 mbetje urbane dhe inerte. Një nga treguesit më të rëndësishëm që ka pasur të bëjë me ecurinë e sivjetshme të sezonit turistik veror, ka qenë situata në lidhje me sigurimin e rendit, qetësisë dhe lëvizjen pa probleme në të gjithë territorin e vendit. Ndërkohë, Fino nuk ka lënë pa përmendur edhe faktorin rrugë, i cili ka ndikuar për keq në mosshtimin edhe më tepër të turistëve.

Plazhet - 23 % e turistëve nga Kosova

• 520 milionë dollarë
Sipas shifrave të publikuar nga Banka e Shqipërisë, rreth 520 milionë dollarë janë të ardhurat vjetore nga turizmi në vendin tonë.

• 335 mijë pushues
335 mijë pushues kanë ardhur në Shqipëri gjatë këtij sezoni turistik. Nëse krahasohet me të njëjtën periudhë të vitit të kaluar, ka një rritje prej 43 mijë pushuesish.

• 15 mijë turistë
Vetëm nga pika e kalimit kufitar të Sarandës, llogariten të kenë hyrë rreth 15 mijë turistë deri në përfundim të këtij sezoni turistik.


Ceremonia
Hotelet marrin yjet e para
Për herë të parë në Shqipëri zhvillohet ceremonia e dhënies së yjeve për hotelet e licensuara. Dje pasdite, në hotel “Rogner” u zhvillua ceremonia e hapjes së panairit turistik “Zbuloni kënaqësinë e vjeshtës dhe dimrit shqiptar“. Në këtë panair u zhvillua edhe ceremonia për dhënien e yjeve grupit të hoteleve të licensuara. Deri tani janë licensuar, për ushtrimin e veprimtarisë turistike, 25 hotele dhe janë klasifikuar 15 hotele me yje. Gjithashtu, agjenci të ndryshme turistike paraqitën programe turistike të hartuara enkas për këtë eveniment.

Fatjon Ferko - Panorama

*****

Megjithe problemet e shumta, Shqiperia i ka te gjitha mundesite per te rritur te ardhurat nga turizmi. Artikulli me lart eshte premtues, por me shume pune duhet bere per te rruajtur dhe mirembajtur vendet turistike qe kemi.

[bebushe]

Ka te ardhme nese do dijme ta shfrytezojme ashtu sic duhet pa e demtuar
Kjo qe ka dhene Shigjeta me lart tregon qe jemi ne nje kohe BOOMI per turizmin tone

[studentja]

Turizmi ne shqiperi per nje te huaj eshte pothuajse i panjohur. Problemi i turizmit fillon qe nga organizimi deri tek infrastruktura. Agjencite turistike nuk bejne fare reklama, fletushka apo broshura me te dhena per turizmin, mundesine per te kaluar naten , per te ngrene etj.
Ne Gjermani ekziston madje nje norme per turizmin, dmth qe nje hotel duhet te jape disa te dhena per tu futur ne listen e turizmit. (cmimi, pajisjet ne dhome, mundesia parkimit etj.)
Me sa shoh une nepermjet internetit, qe eshte e vetmja media ne te cilen kane mundesi te shohin edhe te huajt, mund te gjesh vetem hotel rogner dhe hotel diplomati.. qe per mendimint im s'jane hotele per turizem por per biznes.
Nese une kerkoj ketu info mbi Finlanden ne ambasaden finlandeze, ajo me dergon nje thes me broshura falas. Nese i bej nje pyetje ambasades shqiptare mbi turizmin, ajo as nuk denjon te te pergjigjet....
Turizmi patriotik nuk eshte turizem i mirefillte. Dikur edhe ai turizem do te vdese. Tek mua psh rrojti 6 vjet, tashme ka dhene shpirt.
ciao
studentja

[ganoid]

Turizmi shqiptar prezantohet në panairin ndërkombëtar të Londrës




Në panairin ndërkombëtar të turizmit, i cili po zhvillohet në Londër nga data 8-11 nëntor, është parqitur edhe një guidë turistike nga Shqipëria, bënë të ditur dje burime zyrtare nga Ministria e Rregullimit të Territorit dhe Turizmit. Sipas këtyre burimeve, në këtë panair, pavioni shqiptar me pamje nga zona të ndryshme dhe kryesisht nga Riviera në jug të vendit ka tërhequr vizitorë të shumtë. Në këtë Guidë paraqiten vendet më tërheqëse të vendit tonë dhe nuk mugonin veçanërisht pamjet për zonën e Sarandës, e cila vitet e fundit, edhe pse me shumë probleme urbanistike, sipas prezantuesve në këtë panair, ka qenë mjaft e frekuentuar nga turistët që vijnë nëpërmjet Korfuzit në këtë qytet bregdetar. Sipas drejtorisë të promocionit të këtij institucioni, në këtë panair do të shpërndahen informacione në lidhje me zonat, agjencitë turistike që veprojnë në Shqipëri, për hotelet dhe çmimet e tyre si dhe për mundësinë e organizimit të tureve të përbashkëta turistike. Ky është panairi i pestë që kjo ministri merr pjesë këtë vit, pas panaireve të Napolit, Berlinit, Barit dhe Kosovës, ku u paraqiten politikat e zhvillimit të turizmit dhe fushat e investimeve që priten të kryhen në zonat turistike.

[StormAngel]

Turizmi, 450 milionë lekë në 2005


Ervin Qafmolla

TIRANË-Ministri i Rregullimit të Territorit dhe Turizmit, Bashkim Fino, prezantoi dje projektbuxhetin e hartuar për vitin 2005. Fino u shpreh se për vitin 2005 buxheti i ministrisë së tij zë 18 për qind të buxhetit të shtetit. Sipas ministrit, buxheti në fjalë mbështetet në katër boshte kryesore që janë furnizimi me ujë të pijshëm dhe kanalizime, zhvillimi urban, strehimi dhe turizmi. Në deklratën e tij Fino, lidhur me sektorin e ujësjellës – kanalizimeve, bëri të ditur se në vitin 2005 do të përfundohen të gjithë ujësjellësit e filluar që nuk janë përfunduar këtë vit, rreth 16 të tillë. Për vitin 2005, në këtë sektor janë planifikuar 1.2 miliardë lekë, që sipas Finos përbën një rritje prej 5 për qind në krahasim me buxhetin fillestar të vitit 2004. “Si rrjedhojë e detyrimeve të prapambetura të ndërmarrjeve të ujësjellës-kanalizimeve për energji elektrike dhe për kontributet e sigurimeve shoqërore, për vitin 2005 janë parashikuar 780 milionë lekë,” tha ministri. Sipas tij, për vitin 2005 parshikohet që në këtë sektor të financohen 4.4 miliardë lekë investime nga donatorë të huaj. Lidhur me zhvillimin urban, Fino ka sqaruar se për vitin 2005 parashikohet të ndërhyhet në 45 objekte me vlerë 900 milionë lekë, ndërsa në fushën e planifikimit të terriorit dhe në funksion të legalizimit të zonave informale, për vitin 2005, janë parashikuar 38 milionë lekë. Në sektorin e strehimit, sipas ministrit Fino, për vitin 2005 janë parashikuar 20 godina banimi me vlerë 480 milionë lekë. Ndërsa duke folur për turizmin ministri ka deklaruar se për vitin që vjen është parashikuar një fond prej 450 milionë lekësh.

Financimet për 2005 Shuma
Ujësjellës-kanalizime 1.2 miliardë lekë
Zhvillimin urban 900 milionë lekë
Planifikimi i terriorit 38 milionë lekë
Turizmi 450 milionë lekë

[studentja]

Para disa ditesh degjova ne TV Fatos Nanon qe thoshte se Shqiperia ka nevoje per Turize m te tipit Las Vegas. Ketu mu kujtua edhe njehere se sa dembela dhe te korruptuar jemi. Neve sjemi te zotet te bejme turizem te mirefillte, pasi me turizmin e mirefillte nuk ka shume perfitime per politikanet, por vetem per popullin. Rruga me e lehte sigurisht eshte te hapim sa me shume kazino ku njerezit e semure te lejne edhe qindarken e fundit aty. Kazinot per mendimin tim do te jene burimi i kriminalitetit, vjedhjeve e korrupsionit. Do te jete burim i varferise se popullit dhe mamjes se politikaneve. Nuk e di cmendim keni ju, por per mua shqiperia ka nevoje per turizem te mirefillte duke filluar se pari te nderoje infrastrukturen dhe te uli cmimet per te terhequr evropen. Turizmi i tanishem me patriotet kosovare nuk do te na nxjerre kurre nga varferia.

ciao
studentja

[FLORIRI]

Turizmi shqiptar eshte i kufizuar vetem me bukurite qe ka dhuruar Zoti.Per sa i perket vlerave historike jane te pakta dhe shumica jane vjedhur apo shitur nga vete ne.Bukuria natyrore po shkaterrohet dita dites,me qindra hektare pyje po digjen nga zjarri,prerja pa kriteret e nevojshme, dhe shteti nuk merr aspak masa.Kam qene njehere e nje kohe ne malet perqak malit me gropa kishte lezet te shikoje ahet e medhenje dhe natyren pothuajse te virgjer,tashme me kane thene qe i kane prere shumicen me qellimin e thjeshte qe ti shesin si dru zjarri.Bregdeti po shkaterrohet nga ndertimet pa leje qe mafia e Tos nanos i zoteron.Velipoja,durresi,golemi,spilleja,karavasta ja,plazhi vlores,riviera e sarandes, himares dhe shume tjera jane mbushur me hotele dhe ndertime qe jane pa planimetri.Kjo puna e ndertimeve pa leje apo me leje qe jane ndertuar pa planimetri do te jete nje kancer i vertete qe do te na pengoje ne shume gjera.Nuk e di se sa joshen turistat e huaj me shtepite e bathores pak caste mbasi zbresin nga avioni apo me lokalet dhe hotelet te ndertaura pa kurrefare plani buzes detit.Sigurisht qe nuk kenaqen pasi une i shikoj turistet cdo dite ketu ku po punoj.Jane shume nazelinj te medhenj,kritikonje edhe kryevepra si venezia vetem e vetem se hoteli qe kane prenotuar paska perballe pallate me te larte se vetja e krijoka gjoja atmosfere mbytese.Pra si vend me bukuri mesdhetare akoma nuk i kemi shfrytezuar por keqperdorur bukurite natyrore qe na ka dhuruar Zoti.
____________
Qe te kete turizem duhet planimetria beni icik krahasimin e dy fotove nga bregdeti dalmat dhe nje fotoje nga durresi per nga planimetria e ndertimit dhe jeshil-llekut

[Lekë Rezniqi]

Pershendetje,



Duhet punuar shuuume per te zhvilluar turizmin ne shkallen e duhur.

Shqiperia, vendi me aq shume bukuri natyrore, nuk mund te jete atraksion turistik vetem me natyren e bukur.

Duhet edhe iniciativa vetanake.

Duhet nje strategji zhvillimore, nje planifikim i duhur afat-mesem e afat-gjate per zhvillimin e turizmit. Shpresojme qe kete do ta bejne institucionet e reja shteterore. Kane premtuar se do te punojne si duhet, le te shohim, tani e kane mundesine.

Por, vetem shteti nuk mund ta zhvilloje turizmin.

Problemi eshte se pari tek pronat. Nuk duhet lejuat shtepia ne plazh, duhet lejuar vendi hoteleve gjigande dhe me te vogla, qe te jene me atraktive per turistet, e natyrisht cmimet duhet te ujene ne minimum.

Ky edhe eshte problemi kryesor. Sepse pronaret bregdetare mundohen qe per nje sezon te pasurohen. ashtu nuk shkon askund.

Hotel Butrinti i Sarandes nuk i ploteson gjithaq kushtet per tere ate cmim te larte, mbi 50 EUR.
Apo, edhe Adriaktik-u i Durresit, me cmim perafersisht te njejte.

Sherbime All-Inclusive nuk ke askund ne kete pjese te Mesdheut, e pse jo Shqiperia?

Ushqimi eshte shume i shtrenjte, e nuk ka nevoje. Produktet e detit i kane para fytyres, e nuk kane nevoje t'i importojne, sikurse edhe pijet joalkoolike dhe birrat vendase, pemet dhe perimet, etj.

D.m.th. te gjitha mund t'i kemi aty, mendoj per shujte qe permbane gjerat elementare, e lere me qe edhe me lire do te te bien specialitetet vendase, ballokumet e Elbasanit, fli e Kosoves, etj. etj.

Pastaj edhe kushtet elementare te jeteses neper dhoma duhet te jene si duhet, shtrat i rehatshem, dhoma me banjo te veten (e jo te perbashket per katin apo ndertesen), etj.


Pastaj, si ne asnje vend tjeter turistik, ne Shqiperi edhe me tej duhet te jemi te lumtur kur hoteli ka energji elektrike apo uje, e per uje te ngrohte te mos flasim.
E keshtu nuk zhvillohet.


Shpresat i kemi tek Qeveria e re qe presim te punoje si duhet.

E natyrisht edhe qytetaret vendes duhet te ndihmojne e te bashkepunojne e te mos pengojne shtetin, nese deshiron te rrenoje shtepi ne mes te plazhit e nderuar pa plan, e qe ne ate vend do te mund te ndertohej nje kompleks i madh turistik.

Me duket shume ide e mire per Rognerin qe deshironte te ndertonte kompleks ne Porto Palermo, ne jug, e nuk e di se pse tani eshte heshtur e tera kjo.

Ose Shengjini e Velipoja, eshte mekat te qendrojne aq te pazhvilluara, ishtujt Ksamil te qendrojne te shkretuara.


Duhet, pastaj te investohet edhe ne jeten e nates, qe ne Shqiperi mungon shume. Jete te nates ka vetem Tirana, e edhe ajo jo dhe aq.

Duhen hapur disko, klube, restorante te mira, duhet organizuar me teper aktivitete, qe njerezit te mund te zgjedhin, madje te zgjasin deri ne agim.


E atehere do te mund te konkurronte Shqiperia si vend turistik me oferte te madhe.

E nuk eshte e veshtire te arrihet kjo.

Duhet vetem me teper bashkepunim dhe vullnet i qytetareve dhe i institucioneve vendase.

Por, edhe pa institucionet munden vendasit te punojne, porse jo te mendojne te pasurohen per nje sezone.


Per te miren e turizmit Shqiptar,
Leka nga Prishtina