Turizmi në Shqipëri: 1 milion turistë në sezonin veror të 2012

[ganoid]

KESH: 152 MILIONE LEKE QE MOS MUNGOJE ENERGJIA NE PLAZH

Teuta Shamku

Ndonese sezoni turistik ka filluar dhe ne shume zona bregdetare energjia mungon disa ore, KESH paralajmeron se gjate kesaj vere nuk do te mungoje energjia ne keto zona. Burime zyrtare nga KESH-i thane dje se korporata ka marre te gjithe masat qe energjia elektrike te mos mungoje ne zonat turistike gjate ketij sezoni veror. Sipas ketyre burimeve furnizimi normal me energji i zonave turistike, do te behet i mundur si rrjedhoje e shume investimeve qe ka kryer KESH ne keto zona. Burimet zyrtare nga KESH, konfirmuan dje se jane investuar mbi 152 milione leke per rrjetet elektrike ne zonat turistike te bregdetit tone. Me kete fond eshte rehabilituar rrjeti i shperndarjes ne disa zona turistike te rendesishme ne vendin tone. Ky investim, sipas specialisteve te KESh krijon te gjithe mundesite per furnizimin normal me 24 ore energji elektrike te zonave ku pushuesit do te zgjedhin per te kaluar veren e sivjetshme. Nga zona e Shkodres deri ne Sarande jane kryer investime te rendesishme per garantimin e furnizimit me energji elektrike per turistet qe pushojne ne bregdetin shqiptar. Krahas investimeve me fondet e veta, ne zonat turistike KESH vazhdon te rehabilitoje rrjetet elektrike, kryesisht te shperndarjes, fale donancioneve te huaja, te cilat kapin shumen prej mbi 9 milione euro. Ne zonen turistike Fier-Vlore po investohen ne rrjetet e shperndarjes, duke perfshire ndertimin e disa kabinave te reja elektrike, linjave te tensionit te ulet ne plazhin e Vlores, Radhime, Dhermi, Himare, te cilat perfundojne brenda muajit qershor. Burime zyrtare te KESH thane dje se eshte e angazhuar plotesisht qe te plotesoje kushtet e pushuesve me furnizimin pa nderprerje te energjise elektrike. Ne kete menyre KESH, konfirmon edhe nje here deklaraten e Ministrit te Industrise dhe Energjetikes, Viktor Doda, i cili tha se zonat turistike do te furnizohen "non stop", me energji.

Me gjithe deklaratat pozitive te Ministrit Doda dhe KESH-it, shume pronare lokalesh, hotelesh dhe motelesh kane mare paraprakisht masat duke u pajisur me gjeneratore te fuqishem. Por kjo gjithesesi eshte kosto e rritur qe do ta paguajne qytetaret ne ato pak dite pushimi, pasi pronaret kane filluar te rrisin cmimet per prenotimet e ketij viti.

[Lekë Rezniqi]

Të nderuar miq, ju anëtarë të Forumit,

Unë nuk e di saktë se çfarë do të mungojë e çfarë jo gjatë sezonit veror për turistët.
E di një gjë.
Nga atmosfera e krijuar në Kosovë mund të ju garantoj se do të ketë turistë shumë, tepër shumë nga Kosova për në bregdetin Shqiptar.

Ajo çka kërkohet nga turistët nga Kosova që do të vijnë atje është siguria, pastërtia dhe ushqimi të jenë në nivel të standardeve bashkëkohore. Se a do ta arrijnë këtë institucionet e Tiranës zyrtare na mbetet të presim korrikun dhe gushtin.

Prandaj poqese arrihen së paku rezultate të mira në këto tri sfera, turizmi shqiptar do të ngritet në nivele mjaft të larta për një kohë të shkurtër, ngase është një degë mjaft fitimprurëse dhe e lakmueshme për afaristët nga Kosova.

E natyrisht investimet e këtilla do ta bënin që Turizmi Shqiptar të bëhet një "sektor" që do t'i kontribonte mjaft shumë buxhetit shtetëror Shqiptar.

Leka nga Prishtina

[ganoid]

Shqiperia me 150 porte per jahtet turistike
KRRTSH miraton marinen e jahteve dhe varkave turistike. Vija bregdetare ndahet ne tre zona per jahtet, ku secilia ka nga tre qendra te medha ankorimi per jahtet



Edhe Shqiperia do te kete marinen e jahteve dhe varkave. Dje ne mbledhjen e KRRTSH-se, Keshilli i Rregullimit te Territorit te Shqiperise, u miratua kjo marine, e cila do te kete tre rajone kryesore. Seila prej tyre do te jete e perbere prej zonave dytesore. Konkretisht, rajoni verior nis nga Buna deri ne Durres, rajoni qendror nga Durresi deri ne Orikum dhe rajoni jugor nga kjo komune deri ne kanalin e Butrintit. Minimumi do te jene 150 vende ankorimi. Kjo, pasi secila nga keto tre qendra do te kete nga tre qendra te tjera ankorimi per jahtet. Ato jane duke nisur nga Buna ne Vleipoje, Lalez- Durres, Spille-Durres, Kepi Rodonit - Orikum dhe nga Palasa ne kanalin e Butrintit etj. "Marina e jahteve" ishte pika qe u miratua me lehtesisht nga KRTSH-ja. Nuk pati asnje diskutim, madje u degjua me kuriozitet dhe vemendje. Shoqerite e jahteve te cilat do te licensohen do te kene vende ankorimi vetem nepermjet ketyre gjireve. Ato do te therriten nga pushuesit, apo qendrat e fshatrave turistike dhe do te nisin udhetimet tip "guliveri" ne gjiret e vendit tone. Gjate tre viteve te fundit jane shtuar jahtet dhe gomonet turistike, kryesisht ne bregdetin jugor. Vitin e kaluar nje udhetim me jaht, nje ore, kushtonte 70 mije leke te vjetra, klu mund te qendrojne gjashte, shtate veta, ndersa me gomone cmimi eshte 50 mije leke dhe qendrojne kater veta. Banoret e fshatrave buze joni, te cilet kane emigruar kryesisht ne Greqi kane blere atje, kryesisht gomone, varka dhe nje pjese e tyre jahte. Kur vijne per pushime nga Greqia, ata nisin dhe punen per te argetuar me keto mjete, turistat e ardhur ne vendbanimet e tyre.

[BOKE]

Shkrimi i meposhtem, i marre nga gazeta "Tema" tregon per gjendjen reale te bregdetit shqiptar.


Në Durrës mungon... dhe deti

Agim Xhafka

Ka ditë që vera e nxehtë detyron këdo t`ia mbathë me vrap për në bregdet. Por në Shqipëri, dhe vetëm këtu, bregu i detit të fut një shkelm ****ëve dhe të urdhëron të kthehesh andej nga ke ardhur. Madje urgjent! Sepse në bregdetin shqiptar sot për mot, mungon rruga, rrugët, rrugëve, prej rrugëve; rregulli i qarkullimit të makinave, mungon energjia elektrike, mungon uji i pijshëm, mungon rendi, siguria...

Dhe zotëron mungesa e çdo gjëje elementare që të lejon të bësh pushime. Zotërojnë gjoba kot më kot për mjetet, zotërojnë male me plehra, Himalaja me inerte, mungesë totale e banjove publike... shëtitje marramendëse të veturave mbushur me të çmendur të moshave të ndryshme, por që këta mund të mos hanë kurrfarë gjobe!

Shkurt sivjet në bregun shqiptar zotëron një NEVOJTORE TURISTIKE CILËSORE.

Qeveria e organizoi sezonin si me shkollat, që nisin rregullimet në shtator kur atë muaj duhet të çelin dyert për nxënësit. Kështu dhe më 2003 u kujtua në muajin maj të prishen ndërtimet pa leje, në qershor të bëhen përpjekje për të hequr inertet, në korrik të shihen licencat e hoteleve dhe në tetor bilanci del si çdo vit, që privatët fituan diçka, por shteti dhe ne qyqarët fituam atë, të së ëmës sonë.

Vendi ynë turistik, me një qeveri që bën shëtitje të panumërta turistike nëpër botë, e çeli sezonin shumë e shumë i organizuar. Tamam sipas shprehjes së ditës: "Ministri Dervishi i bie gozhdës, Mark Nikolli ia mëshon patkoit". Vendit tonë ka kohë që i ka ikur rregulli, i ka humbur mjedisi i pastër, energjia elektrike quhet energji qirike, uji s'gjendet askund, por dhe kur blihet s'ka fiks fare siguri për pastërti, i ka humbur vula e sigurisë së personit dhe komunitetit dhe na kanë mbirë në krye një sërë "cubash" (për efekt të gjyqeve që zhvillohen sot në Shqipëri këtë fjalë e kam thënë në kuptimin për njerëz të shkathët, të zotë) që për menaxhim të turizmit kanë shprehjen: "O zot na largo nga Durrësi, nga Vlora, nga Saranda dhe nga gjithë vendi edhe të poshtrin det! Na e bëj këtë nder, të lutemi!"

Kështu organizojmë marketing me nivel të lartë të turizmit evropian, por veçse në kuadër të integrimit të vendit tonë ne BE! Gjithmonë në këtë kuadër patriotik. Pra s'ka pse bota të mërzitet me ne. Ajo na i rrëmben me shumicë turistët, dhe, kaq i mjafton për në verë. Për në dimër shohin vetë ata e bëjmë ne, si të na thonë ata e qeveria jonë, e cila është pranë detit, paçka se pakëz e përdalë... (E them gjithnjë në kuptimin e mirë).

Pra rroftë turizmi shqiptar nën udhëheqjen e turizmit evropian! Turistë të të gjithë botës kundër Durrësit bashkohuni, sepse u ka bashkuar prej kohësh qeveria jonë, doni apo kini dashur ju!

[BOKE]

Ja si eshte gjendja edhe ne plazhin e Vlores.

Vlore- Ndonese sezoni turistik i plazhit ka nisur hershem ne plazhet e Vlores, qytetaret ankohen per mungese te kushteve minimale. Mbeturinat, qente, makinat, sherbimet publike, jane shqetesimet kryesore qe percjellin qytetaret e Vlores dhe pushues qe vijne nga vise te tjera. Askund te plazhet publike nuk gjenden dushe, banjo, dhe sherbime ambulante per pushuesit. Bashkia e Vlores per kete sezon ka bere vetem pastrimin e mbetjeve inerte nga prishja e ndertimeve pa leje, asgje me teper. Nga nje sondazh qe u be paraditen e se martes, rezultoi se 70 perqind e vlonjateve thone se nuk kemi ardhur ende ne plazhin e kohes se Enverit. "Ketu nuk ka dushe, le te ishin te thjeshte, mjafton qe qytetari shplahet nga uji me kripe, por edhe kryerja e nevojave personale, perben shqetesim, pasi ndodh shpesh qe futesh te lahesh ne det dhe ndeshesh me fekale", thote njeri prej pushuesve. Ne gjithe plazhin publik ka vetem dy tualete, por ato nuk pastrohen dhe qytetari e ka veshtire te shkoje atje. Bashkia duhet te shqetesohet per jeten e njerezve ne det. Nuk ka sherbim te rojes se bregdetit nga skuadrat e shpetimit, kesisoj jeta e njerezve dhe vecanerisht e femijeve eshte ne rrezik. Nje jave me pare u mbyt nje i ri V. Sina, qe sapo ishte kthyer nga sherbimi ushtarak dhe deshmitaret thane se ai u perpelit per 20 minuta ne det dhe nese do t'i ishte dhene ndihma, ai do te shpetonte. Flasim keshtu per viktimen e pare te plazhit, ndersa vitet e shkuara, humbjet ne njerez, vecanerisht ne femije, kane qene te medha. Eshte detyre e bashkise qe te gjeje rruget e menyren per te paguar skuadren e zhytjes qe ka Vlora, qe te patrulloje me skaf ne bregdet gjate paradites kur behet plazhi.

Sherbimi i policise, mungon neper plazhe

Ruajtja e rendit dhe e qetesise ne zonen e plazhit, eshte detyre paresore e policise, por ajo mungon teresisht. Nuk behet fjale per te sherbyer ne brezin e reres, por ne gjatesine e rruges automobilistike qe ka plazhi publik. Trafiku i renduar, levizja me shpejtesi e mjeteve, jane nje rrezik i madh per pushuesit. Aq me i madh behet ky rrezik, kur dihet qe mungon muri mbrojtes nga Aulona deri ne Ujin e Ftohte dhe rruga eshte njesh me reren. Nese do te dilte nje mjet nga rruga, ai do te shkaktonte viktima te shumta me njerezit e pafajshem qe bejne plazh. Ne kete segment rrugor, shume te rrezikshem, nuk gjen asnje polic rrugor, qe se paku te disiplinoje levizjen e mjeteve dhe te ule shpejtesine marramendese te tyre.

[BOKE]

Me poshte eshte nje fragment nga nje shkrim i marre nga numri i fundit i revistes "Reportazh", mbi cmimet dhe koston e pushimeve sivjet ne Shqiperi.

Rritje çmimesh

Rëra është e mbipopulluar me njerëz, po ashtu edhe deti, ose siç thonë ndryshe “nuk ke ku të hedhësh mollën”. Eshtë një ditë e zakonshme vere, ku të gjithë kanë vendosur të qëndrojnë në bregdet, për t’i shpëtuar sado pak vapës. Kjo përsa u përket pushuesve, të cilët këtë vit duken më të shumtë. Ndërsa për pronarët e lokaleve, restoranteve, hoteleve dhe shtëpive që jepen me qira, kjo nuk do të thotë veçse fitime. Por përderisa një numër kaq i madh njerëzish kanë vendosur të pushojnë në bregdet, atëherë dy janë hipotezat e para që hamendësohen: ose çmimet janë më të leverdisshme ose shqiptarët janë më të pasur se një vit më parë. Teorikisht, alternativa e parë është e mundur. Ka më shumë pushues, më shumë xhiro, më shumë konkurrencë dhe si rrjedhim, çmime më të lira të mallrave dhe shërbimeve. Praktikisht, ndodh e kundërta. Asgjë nuk është më e lirë, përkundrazi. Edhe këtë vit, kostoja e pushimeve është rritur. Në hotele, një natë kushton mesatarisht 3-5 mijë lekë ose 1 mijë lekë më shumë se sezoni i kaluar. Çmimet e akomodimit dhe të shërbimeve të tjera kanë marrë të përpjetën, nxitur nga numri më i madh i turistëve vendës dhe të huaj. Ndërkohë, sipas llogarive, edhe ata që ofrojnë akomodimin nuk kanë faj. Pasi u takon të punojnë në një sezon sa për të gjithë vitin. Në këto kushte, gjithçka do të bierë mbi pushuesin e “shkretë”, i cili verën e ardhshme do të mendohet dy herë. Ndërkohë edhe alternativa e dytë, ajo që presupozon se shqiptarët kanë më shumë para, duket se nuk qëndron. Kjo pasi më tepër sesa ndryshimi i të ardhurave mujore dhe e rritjes së nivelit të jetesës, bëhet fjalë për rritje të dëshirës për t’u kënaqur dhe rrjedhimisht, edhe për një gadishmëri më të madhe për të shpenzuar për dëfrim.

15 ditë pushime, 700 euro shpenzime

Shqiptarët duhet të punojnë tre muaj për t’i dhuruar vetes 15 ditë pushime. Kjo duke pasur parasysh çmimin e hotelit apo shtëpisë me qira, shpenzimet për t’u ushqyer dhe ndonjë argëtim të mundshëm. Në përfundim të dy javëshit, duhet të paguash një faturë prej 100 mijë lekësh ose 700 eurosh. Kështu, sipas përllogaritjeve, vetëm për akomodimin të takon të shpenzosh rreth 60 mijë lekë, plus një shume prej 40 mijë lekësh që të duhet për t’u ushqyer dhe argëtuar. Turizimi është shndërruar në një burim të konsiderueshëm të ardhurash, duke ndjekur edhe shembullin e vendeve të tjera. Por ndryshe nga këto të fundit, në Shqipëri ai shtrenjtësohet nga viti në vit, duke u bërë i papërballueshëm nga një pjesë e mirë e popullsisë, të cilëve nuk u mbetet veçse të bëjnë rrugë vajtje-ardhje për në plazh gjatë fundjavave, apo në rastin më të mirë, kur në qytetin e tyre ka det, të pushojnë në plazhe publikë.

[BOKE]

Fyerja e nje Ministri!

Nje anetar i Kabinetit Nano, Ministri i Turizmit Besnik Dervishi, ka refuzuar ne momentet e fundit te jete i pranishem ne nje debat te paralajmeruar mbi sezonin e ri turistik dhe strategjine e zhvillimit te tij. Me nje justifikim me pak se banal, njeriu qe pretendohet se do te jete koka e menaxhimit te nje sezoni thuajse jetik per Shqiperine, i eshte fshehur edhe nje here kamerave, duke deshmuar se ne 8 muaj nuk ka dale asnjehere para tyre, nuk eshte paraqitur ne asnje studio televizive, nuk i eshte degjuar asnjehere zeri e padyshim nuk ka promovuar asnje ide, qofte edhe mediokre. Por e gjitha kjo ka pak rendesi dhe me shume se sa me shqiptaret ka te beje me filozofine me te cilen ka ngritur kabinetin dhe me te cilen qeveris zoti Nano.

Por nga ana tjeter, me shume se sa me Kryeministrin, Ministri Dervishi ka nje raport te detyrueshem me publikun. Ka nje raport me miliona shikues ne Kosove dhe Shqiperi, ka nje raport te detyrueshem me ata qindra mijera pushues, qe duke shkelur mbi mungesen e pergjegjshmerise nga qeveria shqiptare, mbi mungesen e kushteve dhe veshtiresite e njohura, zgjedhin te pushojne ne plazhet tona te pista e plot probleme. Ka nje raport me ata qe perfaqeson dhe te cilen eshte i detyruar t'i respektoje. Pergjegjesia e nje ministri shkon tej pergjegjesise personale dhe ai ka te tjera mekanizma qe kondicionojne menyren e sjelljes dhe vendimet e tij. Nje minister, eshte nje minister dhe nese zoti Dervishi nuk e di nje gje te tille, padyshim qe nuk eshte faji i tij.

Por nese nje minister ka deshtuar ne promovimin turistik; nese ka deshtuar ne pergatitjen e nje sezoni nga i cili mund te perftonte gati 40 % te buxhetit te Shqiperise; nese ka deshtuar ne aprovimin e nje strategjie serioze per turizmin dhe mbi te gjitha, nese fyen hapur dhe publikisht miliona shqiptare te Kosoves dhe Maqedonise, ai minister nuk ka me faj. Pergjegjesia kalon nga ai tek Kryeministri dhe eshte ky i fundit qe duhet te vendose. Ose ai ndan me nje minister te tille deshtimin, duke lene shume hije qe duhen zbardhur nga pas; ose Nano nuk ka me mundesi te qeverise dhe detyrohet te notoje ne nje batak te tille. Nje batak qe reflekton gjithe meskinitetin e shoqerise shqiptar, gjithe mbetjet qe duhet te leme pas, por ne asnje menyre dhe asnjehere, vizionet te cilat pretendojme. Besnik Dervishi ka refuzuar dje publikisht te beje punen e tij, punen per te cilen paguhet dhe qe nuk dihet nese e meriton. E ka bere para kamerave dhe qindra mijera shikuesve, por fatkeqesisht e ka bere edhe para atyre njerezve qe ende e admirojne Shqiperine dhe qe jetojne ne Kosove.

Marre nga "Korrieri"

[BOKE]

Pranë detit, pranë sëmundjes



RADIOGRAFIA E BREGDETIT SHQIPTAR. ZONAT QE DUHEN EVITUAR







Janë vetëm javët e para të plazhit, e megjithatë të sapo kthyerit nga bregdeti i Durrësit e Vlorës po ankohen nga të njëjtat njolla të kuqërremta apo puçrra të dyshimta në trup. Në dy epiqendrat e infeksioneve së bregdetit shqiptar, mjekët e kanë dhënë prej kohësh alarmin e baktereve, por askush nuk ka dashur të dëgjojë nga ai vesh. Edhe këtë verë, rreth 60 për qind e pushuesve ka zgjedhur të kalojë të dielën apo ka vendosur të shpenzojë kursimet e vitit për pushime në “Shkëmbin e Kavajës”, Golem, apo “Plazhin e Vjetër” të Vlorës edhe pse niveli i ndotjes së tyre i kalon disa herë normat e lejuara. E ndërsa pacientët e infektuar shtohen çdo ditë, në Institutin e Shëndetit Publik, ekziston prej vitesh një studim alarmues për shëndetin e detrave. Luljeta Leno, shefja e një grupi special që monitoron ujrat detare në këtë institucion, mbledh dy herë në muaj kampione të ujit në pika të ndryshme të bregdetit, për të krijuar në këtë mënyrë një hartë të pikave më të nxehta të ndotjes. “Për fat të keq zonat më të ndotura janë ato që frekuentohen më tepër nga pushuesit”, thotë duke psherëtirë Leno. Studimi i saj, ka nxjerrë në dritë një gjendje tepër shqetësuese në plazhin e Currilave apo “Shkëmbit të Kavajës” në Durrës, ku niveli i ndotjes është dy-tre herë më i lartë se normat e lejuara për larjen e njeriut në to, apo edhe Plazhin e vjetër dhe atë të ri, në Vlorë, ku shifrat janë edhe më shqetësuese. Rreziku kryesor i infeksioneve në det mbeten gjithnjë bakteret fekale. Si rezultat i derdhjes së papërpunuar të ujrave të zeza në det, prania e “Stafilokokut” dhe “Escherichia coli”, dy prej baktereve shkaktarë të infeksioneve, është tepër e lartë. I pari mund t’i rezistojë edhe klorit dhe është përgjegjës për infeksione në rrugët e frymëmarrjes, ndërsa “e-coli” nga infeksionet e zakonshme të rrugëve urinare dhe të frymëmarrjes mund të kthehet në shkaktarin edhe të sëmundjes së meningjitit. Falë prezencës së këtyre dy baktereve në kampionët e analizuar, specialistët e ISHP-së, kanë arritur të krijojnë një panoramë të saktë të plazheve që duhen hequr nga projektet e pushimeve të ardhshme:

Durresi

Eshtë sigurisht edhe këtë vit plazhi më i frekuentuar, jo vetëm prej shqiptarëve, por edhe turistëve kosovarë. Të gjithë janë të vetëdijshëm për rrezikun që u kanoset në bregdetin e mbipopulluar, por megjithatë kjo mbetet e vetmja zgjidhje për të kaluar disa ditë të freskëta pushimesh. Megjithatë, rezultatet e analizave të kësaj vere të Institutit të Shëndetit Publik, nuk duken dhe aq pesimiste. Në bregdetin e Durrësit, specialistët këshillojnë si të sigurtë plazhin e vjetër që nis që nga sektori e dikurshëm i Apollonisë e deri tek kampi i NATO-s. Megjithë ndërtimet e shumta të viteve të fundit, kjo zonë bregdetare i ka shpëtuar ndotjes nga ujrat e zeza për shkak të kanalizimeve ekzistuese.Me të njëjtat vlerësime pozitive mund të flitet edhe për plazhin e Malit të Robit dhe Spillesë, apo edhe plazheve të virgjëra të Hamallajt e Rrushkullit në veri të qytetit. Në këtë pjesë të bregdetit, analizat tregojnë nivele minimale bakteresh, aq sa mund të krahasohen edhe me ujin e pijshëm. Nuk mund të thuhet e njëjta gjë për pjesën tjetër të bregdetit. Derdhja e ujrave të zeza të qytetit të Durrësit në hidrovorin e Porto Romanos dhe pranë Portit, shkaktojnë një mbingarkesë të ujit me bakteret përgjegjëse për infeksione të ndryshme. Matjet flasin për një situatë të rëndë në plazhin e Currilave, apo plazhin Zhiron, në pjesën e sektorit “Teuta” dhe gjithë zonën pranë Urës së Dajlanit. Në këto pjesë, niveli i pranisë së bakterit të “e- colit”, kap vlera 10 herë më të larta se norma e lejuar në afërsi të kanaleve, ndërsa 2 herë më të larta në pjesën e populluar prej pushuesve. Në të njëjtën situatë dramatike, vlerësohet gjendja edhe në plazhin e “Shkëmbit të Kavajës” dhe Golemit, vendet më të frekuentuara, por ku është përqëndruar edhe një pjesë e investimeve kryesore turistike private. Shkaktari kryesor i ndotjes në këtë zonë është një kanal i derdhjes së ujrave të zeza në afërsi të rezidencës së trupave të NATO-s apo ish-tregut të makinave të përdorura. Në derdhjen e kanalit, niveli i bakterit fekal arrin 5 herë më i lartë se norma e këshilluar nga Komuniteti Evropian. Një ndotje e tillë, fare pranë hoteleve dhe restoranteve luksoze mund të konstatohet edhe nga një vëzhgim sipërfaqësor i grykëderdhjes së kanalit. Rryma detare, ndikon më pas në përhapjen e baktereve në gjirin e Shkëmbit të Kavajës dhe më tej. Si rrjedhojë, analizat laboratorike tregojnë një nivel 2.1 herë më të lartë se normalja e lejuar edhe në zonën më periferike të Golemit. Probabiliteti për t’u infektuar në këto plazhe është tepër i lartë.



Vlora

Në ndryshim nga vitet e kaluara, deti duket më i shëndetshëm këtë verë. Specialistët flasin me entuziasëm për rimëkëmbjen e plazhit të ri të qytetit, një zonë që pas prishjes së ndërtimeve pa leje në bregdet, po kthehet drejt normalitetit. Kampionët e analizave të këtij viti dëshmojnë për një ndryshim të kënaqshëm të nivelit të baktereve në ujë pas ndërprerjes së derdhjes së ujrave të zeza të lokaleve dhe hoteleve. Në gjendje të pashpresë vazhdon të jetë ndërkohë plazhi i vjetër i Vlorës dhe bregdeti pranë Shkollës së Marinës. Derdhja e ujrave të zeza të qytetit pranë këtyre pikave ende të frekuentuara nga pushuesit e ka rritur në 7.5 herë nivelin e ndotjes në afërsi të kanaleve dhe dy herë më shumë në të gjithë plazhin pranë tyre. Specialistët këshillojnë mbylljen e përkohshme të këtyre plazheve, për të evituar rreziqe të mëtejshme. Me siguri të plotë mund të flitet vetëm për plazhin e Rradhimës, zonën e ish-bllokut të udhëheqjes, Jonufrin, Borshin, Dhërmiun e Himarën.

Saranda

Mund të quhet edhe këtë vit si parajsa e bregdetit shqiptar. Për fatin e mirë të pushuesve, ujrat e zeza të qytetit derdhen në kanalin e Çukës përpara se të përfundojnë në det. Falë filtrimit natyror, niveli i ndotjes në derdhje të kanalit nuk është alarmant. I vetmi shqetësim për specialistët duket se është ndërprerja e energjisë elektrike. Në këto momente “black out-i” pompat e kanaleve të ujrave të zeza dalin jashtë funksionimit dhe si rrjedhojë ato derdhen pranë qytetit në afërsi të Turizmit të Ri. Matjet e kryera në këtë zonë të kanalit flasin për një ndotje 2.4 herë më të lartë se norma, duke i detyruar specialistët që të mos këshillojnë frekuentimin e kësaj pjese të bregdetit dhe “plazhin e pllakave”.

Pishinat? Ja gjashtë rregullat e arta

Të zgjedhësh detin apo pishinat? Vetë dermatologët nuk mund t’i japin një përgjigje të saktë kësaj dileme të madhe të verës. Megjithatë shanset për të vizituar mjekun janë tepër të larta edhe për adhuruesit e pishinave. Pas Akuadromit të vjetër, disa pishina të tjera private kanë nisur të gëlojnë këtë vit në periferinë e kryeqytetit. Vërtet nuk gëzojnë famën e keqe të mbipopullimit, por pronarët e tyre nuk kanë siguruar të gjitha rregullat bazë antiinfeksion të një pishine. Ja disa prej tyre:
1 Mos gëlltitni ujin e pishinës dhe nëse është e mundshme mos e futni në gojë.
2 Mos u lani në pishinë në rast se jeni të prekur nga sëmundje të lëkurës, plagë ende të hapura apo gërvishtje. Në këtë mënyrë evitoni infektimin e tyre, por edhe përhapjen e baktereve në ujë.
3 Sapo dilni nga pishina, bëni një dush me ujë të bollshëm. Fshihuni me kujdes me peshqir përpara se të vishni rrobat dhe këpucët.
4 Përdorni gjithnjë peshqirë të pastër dhe në përdorim personal. Ruajini peshqirët në një çantë apo vend tjetër të pastër. Mos i vendosni në tokë për t’i përdorur si shtresa. Zgjidhni veshje të brendshme prej pambuku dhe ndërrojini çdo ditë ato.
5 Dizinfektoni këmbët në vaskën me klor përpara larjes apo pasi keni ecur në ambientet e tjera përreth pishinës. Eshtë e këshillueshme që të përdorni gjithnjë shapka gjatë frekuentimit të pishinës.
6 Fëmijët duhet të mësohen që të mos urinojnë në ujin e pishinës. Duhet evituar larja nëse keni diarre.




Pasojat e pushimeve

Gjithçka nis që në qershor, atëherë kur kthehen edhe “viktimat” e para të pushimeve verore. Mbërrijnë me dhjetra në ditë, por deri në fund të gushtit, pacientët e repartit të dermatologjisë në Poliklinikën Qendrore të Tiranës, do të shtohen edhe më shumë. Në më të shumtën e rasteve shenjat e infeksionit të lëkurës për shkak të papastëritive apo mungesës së higjenës në ujë janë të njëjta. Tek fëmijët, ata të cilët janë edhe më të prekur nga infeksionet, shfaqen fillimisht disa flluska të vogla me ujë, të ngjashme me ato të shkaktuara nga djegia e lëkurës. Pas disa ditësh, këto flluska çahen dhe kthehen në plagë. Vendi hapet dhe skuqet duke shkaktuar kruarje. Tek të rriturit, infeksioni më i zakonshëm i lëkurës nga uji i plazhit dhe pishinave, shfaqet në formën e disa puçrave të vogla të kuqe, të cilat mund të ngatërrohen edhe me reaksionin alergjik. Në rast të mosmjekimit, puçrat përhapen në një sipërfaqe gjithnjë e më të madhe të trupit duke u shoqëruar gjithnjë me kruarje. Paraqitja tek mjeku në këto raste duhet të jetë sa më e shpejtë. Infeksione të tilla nuk duhen neglizhuar, sepse pasojat mund të jenë vërtetë të rënda për shëndetin.

Revista "Reportazh"

[PLaku-i-Detit]

Hajde turizem qe paskemi hajde na kane mbyt valet e deti))))

[BOKE]

Që të mos dëbojmë ata pak turistë

Prej pak kohësh, që kur nisën të ndjejnë djersët e para të vapës, administratorët e këtij vendi u shqetësuan për TURIZMIN. "Hotele, motele, restorante, në gatishmëri! Të presim ashtu siç duhet turistët, pasi e ardhmja e këtij vendi është turizmi", thanë ata. Hapa në të vërtetë janë bërë, sidomos për sigurinë; policia është e pranishme kudo, e ndryshe nga vite të mëparshme, shfaqet me një xhentilesë europiane. Por ndërkohë, një tjetër fenomen i rrezikshëm po ndodh, që është në dorë të shtetit, por dhe të privatëve: Keqtrajtimi i turistëve. Mërzitja e tyre. Ç'po ndodh? Jeta është gazetare, shqiptare e Maqedonisë dhe vjen në Durrës për të disatën verë me bashkëshortin, por këtë herë e ka vendosur: "Nuk kthehem më në Durrës, çmimet janë shumë të larta dhe shërbimi përtokë. Në hotelin ku jemi nuk kishte as sapun e peshqir të pastër në banjë dhe për të bërë një dush, pronari i hotelit na thotë se duhet ta vëmë në dijeni 3 orë më parë". Jeta është nga ato shqiptare që vjen në Durrës pasi është nacionaliste e flaktë dhe se dëshiron të ndihmojë ekonominë e këtij vendi. "Gjithnjë kam menduar: pse t'i lë lekët në Turqi, Maqedoni apo në Mal të Zi, por tani, pas shumë vitesh, po kuptoj se këtu nuk respektohen njerëzit që paguajnë, dhe kjo të bën të të humbë durimi e të mos rikthehesh", thotë Jeta.
Në një takim informal me gazetarë të agjensive të huaja, Presidenti Moisiu u sugjeroi të ndihmonin në përmirësimin e imazhit të Shqipërisë në botë përmes shkrimeve mbi turizmin, pasi: "…Ky vend ka një natyrë të mrekullueshme…". Presidenti bëri detyrën e tij, gazetarët, ndoshta ndonjë shkrim për natyrën e mrekulleshme të këtij vendi e kanë bërë e do ta bëjnë, por kjo nuk mjafton. TURISTI viziton një vend dhe nëse mbetet i kënaqur rikthehet atje edhe vitet e ardhshme duke sjellë miq e të njohur: "O sa bukur ia kalova në Durrës, në Shëngjin apo Vlorë: Ushqimi i mrekullueshëm, pronari i hotelit shumë i sjellshëm, dhoma shumë e bukur dhe komode, çmimet më të lira se në Turqi, Mal të Zi, Maqedoni…" Asgjë nga këto nuk na tha Jeta. Ajo dje ishte tepër e mërzitur: "Po u sollën kështu, këtu s'vjen më njeri!".

"Gazeta Shqiptare"