GODO,kanditature e mundshme per postin e presidentit te repoplikes?

[BEHARI]

Duke pasur para syshe se mandati i presidentit aktual te repoplikes se Shqiperise z Alfred Moisiu mbaron nga gjysma e vitit 2007,ate here postin e tija duhet ta zevendesoje nje personalitet tjeter.Cili mund te jete pretendenti me i pershtatshem per te drejtuar institucionin e Presidentit ne Shqiperi??Do kisha deshire te shprehni mendimet tuaja ne lidhje me ket.Une personlisht,mendoj qe Z,Sabri Godo mund te jete nje nga personalitetet me te spikatura per te drejtuar institucionin e Presidentit ne SHqiperi, ky eshte mendimi im,cfare ju mendoni???

Respekt

[Zemrushja]

• Nga Vangjush SARO


Grupi Parlamentar i Partisë Republikane ka ndërmarrë këto ditë një nismë për rishikimin e ligjit “Për kthimin dhe kompensimin e pronave”. Ndërkohë republikanët synojnë dhe po kërkojnë edhe shfuqizimin e Ligjit 7501, i quajtur ndryshe “Ligji për tokën”, (i miratuar që më 1992 me konsensusin e plotë të PD-së dhe PS-së, por gjithnjë i cilësuar si një ligj Leninist prej pronarëve dhe mbështetësve të tyre). Sipas republikanëve, ndjeshmëria që çon në këtë nismë, sado që e vonuar, ka të bëjë veçmas me shpërdorimin dhe vjedhjen (edhe sot e gjithë ditën) të tokës bujqësore. Edhe pse nuk kanë qenë pro këtij ligji, republikanët janë pajtuar ndërkaq me të gjitha pasojat e veprimit të tij. Si aleatë të PD-së, së paku nga koha e rrimarrjes së pushtetit, në zgjedhjet parlamentare të vitit 2005, republikanët kanë qenë të detyruar të heshtin ose të gjejnë kompromisin për shumë interpretime ligjore dhe politike. Ndërkaq, ligji “Për kthimin dhe kompensimin e pronave” është ndryshuar tre herë përgjatë viteve 2005 dhe 2006; kështu pra, pritet që ai të ndryshohet për të katërtën herë(!) Për fat të keq, rezultatet e të gjitha manovrave, kanë qenë të dëshpëruara. Për sa i takon përpjekjes për ta shfuqizuar ligjin 7501, shanset janë që të ndreqet shumë pak punë, kjo edhe për shkak të konceptimit si të mirëqenë të situatës që është ndërtuar deri më sot falë këtij ligji. E themi këtë duke patur parasysh veprimin e tij përgjatë pesëmbëdhjetë viteve; sado i drejtë të duket apeli i republikanëve - që do të thotë të ndërpritet arbitrariteti, qoftë edhe më mirë vonë se kurrë - situata kaotike e pronës, në tërësi, vështirë të ndryshohet. Shfuqizimi i ligjit në fjalë do të duhej të ishte bërë me kohë; por edhe pse i vonuar, natyrisht më shumë ndreq se sa prish. (Duhet patur parasysh që në shumë krahina, ndarja e tokës është bërë pak a shumë fshatçe, sipas tapive të vjetra dhe duke respektuar sinoret e pronësinë e mbarënjohur.)
Gjithsesi, me ndonjë rezervë të vogël, mund të thuhet se edhe propozimet e fundit, përbëjnë një arnë më shumë në veshjen e këtij problemi me të tilla syresh. Për hir të së vërtetës, kthimi dhe kompensimi i pronave, nuk është marrë seriozisht asnjëherë, qoftë nga politika, qoftë nga administrata shqiptare. Përpjekja e tashme e republikanëve për “t’u kthyer në bord”, është e vonuar, madje edhe e paqartë. Dinamika e këtij problemi është karakterizuar nga pushtimi i një pjese të mirë të tokave të pronarëve nga grupe të tjera të popullsisë, dhe në bregdet, nga njerëz të lidhur me politikën ose edhe politikanë. E vërteta është se zbatimi i Ligjit për Kthimin dhe Kompensimin e Pronave, nuk u mbështet asnjëherë nga komuniteti i pronarëve. Kthimi dhe kompensimi i pronave, një nga detyrimet kryesore për integrimin e vendit, ishte një aneks edhe në programet e forcave politike që konkuruan për zgjedhjet e 3 korrikut. Kemi patur gjithashtu rastin ta themi edhe herë tjetër, deri edhe sondazhet, që shiten si mjaft perëndimore, nuk kanë denjuar ende të përfshijnë në tematikën e tyre zhbiruese atë se ç’mendojnë shqiptarët për pronat(?!) Ndërkaq, është një realitet tipik shqiptar mbivendosja e pronave në Tiranë, Shkodër, Durrës e gjetkë; dhe vetëm disa pak skandale janë bërë publike, madje këto vetëm sa janë cekur në sipërfaqe, (në Golem, në Kashar, në Malësinë e madhe, në Velipojë, etj.) Por ndërsa pjesa e parë e emërtimit të ligjit (kthimi i pronave) mbeti thjesht në letër, pjesa e dytë e tij (kompensimi) ka një histori edhe më pranë gjinisë së farsës. Gjatë dy-tre viteve të fundit, janë dhënë disa miliona dollarë për këtë qëllim, por fatura e kompensimit është kaq e madhe, sa që procesit i shkon për shtat ajo shprehja “më ka çue nana me la gojën”. Nga ana tjetër, edhe privatizimi i ndërmarrjeve shtetërore, nga ku 25 - 50 përqind e parave do të përdoreshin për kompensimin e pronave, është një proces i ngadalshëm. Pengesë serioze për zgjidhjen e këtij lëmshi, ka qenë problemi i legalizimit të zonave informale. Komuniteti i pronarëve nguli këmbë gjatë që ky proces të mos realizohej në kurriz të interesave të tyre; përmes tij, i hapej rruga vjedhjes dhe tjetërsimit të pronës së ligjshme dhe grupe të caktuara shoqërore përdoren për qëllime elektorale. Thuhet se misioni themelor i qeverisë dhe institucioneve të saj publike, është t’i shërbejë interesit publik. Mirëpo në këtë detyrim, janë përplasur nga njëra anë deviza e të djathtëve “Përmes legalizimeve mbrojmë shtresa që na votojnë” dhe, nga ana tjetër, ajo e të majtëve “Çështja e pronarëve nuk është prioriteti ynë”. Të dy krahët kryesore të politikës, kanë vazhduar t’i trajtojnë pronarët si “të njerkës”; meraku më i madh duket sikur janë “shtresat në nevojë” të shoqërisë, por çështja është pak më e thellë. Ata dhe klanet përreth tyre, i kanë pushtuar vetë një pjesë të mirë të pronave, madje kanë ngritur karrierën dhe pasurinë e tyre mbi këto pushtime. Kush mund ta zhbëjë këtë?
Zhurma e tanishme për pronat është pjesë e një skenari që pothuaj nuk paraqet kurrfarë interesi. Siç dihet, ka një presion të vazhdueshëm nga pronarët, të mbështetur tashmë edhe nga gjykata ndërkombëtare; duhen përmbushur një sërë detyrimesh ndaj BE dhe MSA, prova është me të vërtetë një “finale”; aludimet për mungesën e investimeve të huaja sa vjen shtohen dhe ndërkaq rritet edhe ndërgjegjësimi i biznesit, që kërkon tani më shumë siguri për investimet e tij dhe për të ardhmen në tërësi. Për të gjitha këto, (dhe jo vetëm këto), duhen bërë patjetër ca arnime. Ky është skenari sot për sot. Kësisoj, me gjithë vullnetin e republikanëve, për fat të keq, arnimet do të shërbenin si arratisje e përkohshme nga e vërteta; e thënë me fjalë të tjera, është njësoj sikur t’i fshehësh plehrat nën krevat. Kthimi dhe kompensimi i pronave është një çështje jetike për integrimin e vendit dhe të ekonomisë, ndërkohë që do të parandalonte e zbuste edhe konfliktet sociale; ai duhet të gjejë zgjidhjen më të mirë të mundshme. Çdo ligj apo amendim me veprim të pjesshëm, i miratuar në mënyrë të sforcuar, pa mbështetje të gjerë, pa një akord me grupet e interesit, do të rëndonte artificialisht situatën politike e sociale të vendit, edhe kështu mjaft delikate.

Gazeta Shqiptare

ps. nese nuk e kam postuar ne vendin e duhur ju lutem zhvendoseni

[Zemrushja]

Paraqitja e kandidaturës presidenciale së Sabri Godos prej republikanëve duket se është fluskë sapuni. Burime serioze pranë kryetarit të nderit thanë se ai kishte mendimin se “do ta linte atë punë” duke iu referuar mundësisë së kandidimit. Fjalia e thënë nga burimet qartëson se kandidatura e “Plakut të mençur” nuk është e vërtetë. Burimet ngurruan të saktësonin detaje të tjera. Mbetet megjithatë e dyshimtë se përse kryetari i republikanëve sot Fatmir Mediu, e paraqiti kandidaturën e themeluesit të partisë. Por, përpos kësaj, vetë Godo ishte i sinqertë kur tha dje se do ta mbështeste kandidaturën e Bamir Topit dhe se do të pranonte të garonte për postin e kryetarit të shtetit vetëm nëse do të kishte krizë politikë. Kandidati më i ri për postin e Presidentit të vendit Sabri Godo deklaroi menjëherë pas shpalljes në Asamblenë Kombëtare se do të hynte në garën e Presidentit vetëm në rast të krijimit të një krize politike. Godo gjatë fjalës së tij ka qënë i sinqertë kur ka thënë se mbështet Topin për president dhe se vazhdonte të ishte i këtij mendimi. Propozimin e tij, Godo e ka quajtur si vendim që shkon në dobi të dinjitetit të kësaj partie. Ai ka thënë gjithashtu se i mbeteje qëndirmit të shprehur pasdreke ndërsa kishte shtuar se PR mbetej “brenda koalicionit” por dhe se “jemi dhe parti më vete dhe ruajmë të drejtën të bëjmë propozimet tona”.

“Unë e kam thënë dhe përsëritur disa herë në shtyp, edhe në të kaluarën se nuk hyj në garën për President. Dhe këtë e kam thënë me sinqeritet dhe nuk ka qënë ndonjë lojë e imja. Edhe kur jam deklaruar se do të votoj për kandidaturën e Bamir Topit e kam pasur me bindje dhe vazhdoj ta kem”-thekson ai. “Kam pasur si rezervë,vijon ai-vetëm një mendim, nëse për kombinacionet politike të habitshme që ndodhin në Shqipëri do të krijohet ndonjë moment krize, i atillë që do të duhet të përdoren disa emra për zgjidhjen e saj dhe ndërmjet këtyre emrave mund të jetë dhe emri im, atëhere nuk kam të drejtë të them se nuk dua t'ia di se çdo të bëhet për këtë vend, sepse unë kam bërë një investim politik dhe nuk do të ma falte as PR dhe as njerëzit që besojnë tek unë”-tha Sabri Godo. Ai u propozua gjatë punimeve të Asamblesë Kombëtare të PR-së, kryetarii së cilës, Fatmir Mediu, shpalli kandidaturën e Godos për këtë post. “"Partia Republikane ofron jo vetëm bashkëpunimin për zgjedhjen e Presidentit të Republikës, por kam kënaqësinë dhe nderin të ofroj një nga kandidaturat më intelektuale dhe të spikatura të jetës politike dhe shoqërore shqiptare, të vlerave të padiskutueshme kombëtare dhe politike si figurë konsensuale, zotin Sabri Godo”-tha Mediu.

E.Prendi

Korrieri

[Gerrard]

Pershendetje!!

Kanditature per tu mare ne konsiderat, po thuaj se Sabri Godo ka gati 10 vjet qe sulmon c'do parti ne pushtet per Ligjin e Pronave. Do fillonte nje lufte midis Presidences dhe Mazhorances per mos respektim te ligjeve dhe kontradita te ndryshme. Ka gati 10 vjet qe kembngul per Legalizimin e pronave, qe kjo gje do shkaktonte shum probleme ne Politike dhe ne kurriz te popullit.

Kalofshi Mire

T-B

[BEHARI]

gjithsesi sikur Z Sabri Godo te merrte postin e presidentit te repoplikes
do ishte nje nder figurat me te spikatura ne politiken shqiptare!
eshte njeri me horizont ka shum vlera dhe aq me teper eshte nje njeri qe vertet i perkushtohet ceshtjes kombetare!

[Borix]

Z Godo eshte i pakualifikuar per ate post. Une do te sugjeroja nje personalitet te edukuar ne perendim, nje person qe njeh boten ligjore ose teorite e Marredhenieve Nderkombetare dhe ka mjaftueshmerisht kulture ligjore e politike. Godo nuk ka asnje kredencial/kualifikim, pavarsisht mendimit praktik qe ekziston nder ju si shkrimtar... Une mendoj se do te ishte i papershtatshem.

[Zemrushja]

Nuk ia mohon njeri vlerat ne fushat e tjera te jetes ku ai eshte i prirur.. Por ne politike, per mendimin tim, nuk eshte akoma i afte per President..

[Gerrard]

Aftesit e Z.Godo kan qene per kundershtim. Kerkon me shum sec jep dhe eshte shum indiferent ne problemet Nderkombetare mos them qe nuk eshte marr ndonjeher.

[qerosi]

per menimin tem, ja pame bojen sales, dhe nanos dhe mesa menoj une ma keq nuk ka ku me shkue..
pra pa ta shofin nihere nese ky dodrush ka naj hile qeter, te pakten sa per ndryshim se gjithmone sala dhe nano ne televizor, nuk e di per juve, por sesi vjen dhe duket ca si monotone. Mbase ka ardhur koha te shohim nje fytyre tjeter, edhe pse me te njejta hile.
sikur e thone edhe ne perendim......Different guy ,same shit!!!
do te degjohemi serish
tung

[Pedro]

Me ndihmoni pak, sepse po e vras mendjen dhe nuk po e kuptoj dot cfare do te thote repoplike?
Cfare eshte kjo gjeja, president i te ciles kerkon te behet Sabri Godo?