Rama rizgjidhet kryetar i bashkisë së Tiranës

[MICHI]

Miting i jashtëzakonshëm. Mbi 100 mijë vetë përmbytin Sheshin "Skënderbej"

Tirana vulos fitoren e PD

Qindra mijëra qytetarë të Tiranës veshën me ngjyrën blu dje Sheshin "Skënderbej" në qendër të kryeqytetit, në mitingun përmbyllës të Partisë Demokratike për zgjedhjet vendore të 18 shkurtit. Kushtet e papërshtatshme atmosferike nuk penguan grumbullimin e qytetarëve të shumtë, të cilët vërshuan nga të gjitha anët e kryeqytetit për t'u stacionuar në sheshin qendror të Tiranës, I cili kishte marrë ngjyrat e një arene festive madhështore, në pritje të mitingut përmbyllës të fushatës zgjedhore të koalicionit të djathtë. Por, nuk ka qenë vetëm Sheshi "Skënderbej" ai që u mbulua i tëri në blu, pasi qytetarët mbuluan dhe akset e Bulevardit "Zogu i I-rë", Bulevardit "Dëshmorët e Kombit", Rrugën e "Durrësit", Rrugën e "Kavajës" dhe Rrugën e "Dibrës". Një flamur gjigand i Partisë Demokratike, që mbulonte hapësirën nga Bashkia e Tiranës deri tek Hotel "Tirana", valëvitej nga pjesëmarrësit e shumtë, që me një entuziazëm të papërmbajtur brohorisnin pa pushim për fitore. Dekori i përgatitur me një finesë prej artisti, me shije të hollë në stendën qendrore ku ishin shënuar siglat e partive përbërëse të koalicionit dhe shkrimet shumëngjyrëshe me rreze lazer, ku lexoheshin qartë "Sokol Olldashi, fytyra e re e Tiranës" dhe "Vazhdojmë së Bashku", në fasadën kryesore të Hotel "Tiranës" dhe në dy anët e stendës, ia shtuan edhe më tepër madhështinë mitingut. Siparin e hapi zëdhënësja e fushatës së PD-së, Majlinda Bregu, e cila, nën himnin e triumfit, ftoi kandidadët e fitores në platformën e vendosur në sheshpushimin e shkallëve të Teatrit të Operas dhe Baletit. Turma shpërtheu në ovacione të papërmbajtura kur në skenë u shfaq kryeministri Sali Berisha, i cili, i shoqëruar nga Olldashi, përshkoi gjithë hapësirën e podiumit duke përshëndetur me ngazëllim pjesëmarrësit e shumtë.Duke kujtuar me nostalgji ditët e shkurtit të 16 viteve më parë, ku më 20 shkurt u rrëzua busti i diktatorit më famëkeq të Europës, kryeministri Berisha iu drejtua Ramës, për të cilin u shpreh se ka kaluar rininë e tij duke lustruar bustet e ish-diktatorit komunist, se do të largohet në të njëjtën mënyrë të turpshme nga Bashkia e Tiranës më 18 shkurt për të jetuar në muzeun e Pezës. Kreu i partisë më të madhe të vendit, duke shprehur sigurinë e plotë në fitoren e zgjedhjeve, uroi gjithë qytetarët e Shqipërisë për fitoren e thellë më 18 shkurt. "I dashur zoti Olldashi, Tirana me padurim po pret fitoren tënde. Fytyra e vërtetë e saj je ti. Pastërtia e saj qytetare je ti. Respekti i saj familjar je ti. 18 shkurti është fitorja e Tiranës, e mbarë Shqipërisë", u shpreh kreu i ekzekutivit, duke nënvizuar se mesazhi i fitores po dërgohet në çdo vatër shqiptare nga kryesheshi i kombit. Berisha theksoi se Tirana po numëron sekondat e fundit të Edvin Ramës, ndërsa i kujtoi atij se do të jetë "kurbani" i 18 shkurtit. "Të vazhdojmë së bashku, sepse Tirana, kryeqyteti i vendit, po numëron sekondat dhe orët e don Edvinit. Zoti Edvin kriza, atje ku je, në atë shesh, që sot, për fat të keq, e ke shndërruar si shesh të kuq, në një kohë që është Sheshi i "Nënë Terezës", do të të them se bëre çdo gjë të mos lejosh qytetarët të votojnë, të mos lejosh qytetarët të fitojnë. Por ja ku jemi, më shumë se kurrë, ja ku jemi më të bashkuar se kurrë, ja ku jemi këtu me mbarë Shqipërinë, për të votuar si qytetarë të lirë, si qytetarë evropianë, qytetarë të denjë, për të numëruar çdo votë, për të bërë që vota e çdo qytetari të ketë peshën e saj. Ndërsa ti, "kurbani" i 18 shkurtit, do të dalësh në profesion të lirë, si piktori më i dështuar i këtij vendi", tha Berisha, duke iu adresuar Ramës. Më pas, kryeministri ka kërkuar mbështetjen e qytetarëve të Tiranës dhe gjithë Shqipërisë për rrugën e shpresës, besimit, begatisë, sigurisë dhe integrimit në BE dhe NATO, drejt prosperitetit, sigurisë, paqes, stabilitetit, punësimit, shkollimit e begatimit më të madh. Ndërsa kandidati për Bashkinë e Tiranës, Sokol Olldashi, duke shprehur bindjen e plotë në fitore, premtoi qeverisje "me duar të pastra" dhe çlirimin e Bashkisë së Tiranës nga korrupsioni, abuzimi dhe klientelizimi i deritanishëm. "Ne do t'i japim Tiranës "duart e pastra" të qeverisjes, duke e çliruar Bashkinë nga korrupsioni, abuzimet, klientelizmi. Ne do t'i japim Tiranës qeverisjen e duarve tona të pastra dhe kjo është ajo që çdo qytetar i Tiranës kërkon. Prandaj ne do të fitojmë", u shpreh Olldashi, duke nënvizuar se beson tek mençuria, eksperienca dhe instikti qytetar i banorëve të Tiranës për të zgjedhur të ardhmen më të mirë. Ai u bëri thirrje qytetarëve të Tiranës që të vendosin vetë për qytetin, pasi Tirana nuk është pronë e kryetarit të Bashkisë. Mitingun madhështor e përshëndetën edhe krerët e partive të koalicionit, të cilët përccuan mesazhet e fitores së thellë dhe të merituar më 18 shkurt. "në këtë shesh 16 vjet më parë filloi historia e demokracisë dhe nga ky shesh do të fillojë edhe historia e ndryshimit të faqes së Tiranës", u shpreh kreu i LZHK-së Dashamir Shehi. Ndërsa kreu i PLL-së Ekrem Spahiu u kërkoi qytetarëve të Tiranës që të votojnë për ti mbyllur ciklin politik përfaqësuesit të abuzimit dhe korrupsionit në Bashkinë e Tiranës. "Rruga drejt Brukselit po bëhet më e shkurtër falë reformave që ne si qeveri e koalicionit kemi ndërmarrë", u shpreh kreu i PAA-së Lufter Xhuveli. Kreu i BLD-së Arian Starova theksoi se Olldashi do i japë fund aksidentit Rama I cili shpërdoroi Bashkinë e Tiranës në 6 vjet. "Vetëm pak orë na ndajnë nga shkëputja me krimin dhe korrupsionin", u shpreh kreu i PDK-së Nard Ndoka ndërsa kreu i PDR-së Genc Pollo bëri thirrje për lënien mënjanë të fasadave dhe për mbështetjen e integrimin në BE dhe NATO. Kreu i PR-së, Fatmir Mediu, tha se fitorja e 18 shkurtit do të jetë fitorja e radhës në rrugën e integrimit të shqiptarëve si qytetarë të lirë europianë.


Rd

[MICHI]

Kryeministri deklaron se Tirana po pret suksesin e kandidatit të Aleancës së Madhe, Sokol Olldashi

Berisha përcjell mesazhin e fitores nga sheshi "Skëndërbej"

Kryeministri Sali Berisha u përcolli dje, nga kryesheshi i vendit, Sheshi "Skënderbej", të gjithë shqiptarëve mesazhin e fitores së zgjedhjeve të 18 shkurtit. Qindra mijëra banorë të Tiranës, edhe pse nën shi, i dhanë dje këtij sheshi atmosferën e festës. Në fjalën e mbajtur në këtë miting përmbyllës të fushatës së koalicionit të djathtë, kreu i qeverisë ftoi të gjithë shqiptarët të vazhdojnë së bashku, sepse ky do të jetë udhëtimi i shpresës, besimit, begatisë, sigurisë dhe integrimit. Duke shprehur sigurinë për fitoren e kandidatit të koalicionit të djathtë, Sokol Olldashi, në kryeqytet, kryeministri Berisha tha se Tirana, me padurim, po pret fitoren e tij. "Fytyra e vërtetë e saj je ti. Pastërtia e saj qytetare je ti. Respekti i saj familjar je ti. 18 shkurti është fitorja e Tiranës, fitorja e mbarë Shqipërisë", theksoi kryeministri Berisha. Në vijim, ai i ftoi shqiptarët të vazhdojnë së bashku, duke thënë se familja dhe mirëqenia e saj do të jenë në qendër të vëmendjes. "Të vazhdojmë së bashku, të dashur qytetarë të Tiranës dhe të mbarë Shqipërisë, sepse ne paraqesim para jush qeveritarët, për të cilët, jo bulevardi, jo tarafi, por ju dhe vetëm ju jeni epiqendra e tyre", deklaroi kreu i qeverisë. Duke iu referuar Bashkisë më të madhe në vend, asaj të kryeqytetit, Berisha u shpreh se Tirana po numëron sekondat dhe orët e fundit të don Edvinit. "Zoti Edvin kriza, atje ku je, në atë shesh, që sot, për fat të keq, e ke shndërruar si shesh të kuq, në një kohë që është Sheshi i "Nënë Terezës", do të them se bëre çdo gjë të mos lejosh qytetarët të votojnë, të mos lejosh qytetarët të fitojnë. Por ja ku jemi, më shumë se kurrë, ja ku jemi më të bashkuar se kurrë, ja ku jemi këtu, me mbarë Shqipërinë për të votuar si qytetarë të lirë, si qytetarë evropianë, qytetarë të denjë, për të numëruar çdo votë, për të bërë që vota e çdo qytetari të ketë peshën e saj", tha kryeministri Berisha dhe shtoi se "kurbani" i 18 shkurtit është Rama, i cili do të dalë në profesion të lirë si piktori më i dështuar i këtij vendi. Në vijim, kreu i qeverisë ftoi të gjithë shqiptarët që në zgjedhjet e 18 shkurtit të mbështesin kandidatët e koalicionitt ë djathtë, sepse kjo do të shërbejë për të rritur me shpejtësi mirëqenien e qytetarëve, duke përfshirë pensione dhe rroga më të mëdha, vende pune më të shumta, shkollim, lëvizje të lirë për një të ardhme më të ndritur.

"Të vazhdojmë së bashku udhëtimin tonë të solidaritetit të madh njerëzor. Ne jemi zotuar se nga shoqëria nuk ka dhe nuk do të ketë të përjashtuar, se qeveria shqiptare do të qëndrojë pas çdo anëtari të shoqërisë", siguroi kryeministri Berisha. Ai tha gjithashtu se ulja e taksave, përgjysmimi i tyre, lehtësitë për biznesmenët janë dhe mbeten zotimi i qeverisë. Në vijim të fjalës së tij, kreu i qeverisë garantoi shqiptarët se zgjedhjet e 18 shkurtit do të mbahen në përputhje me standardet ndërkombëtare. "Nesër, të bëjmë çdo përpjekje, përgatitjet e fundit që zgjedhjet e 18 shkurtit të jenë zgjedhjet më të mira, më të lira në historinë tonë kombëtare. Vota e lirë është margaritari, është drita e fitores sonë të madhe", tha kryeministri Berisha. Sipas tij, kjo ditë do të sjellë edhe largimin e Edi Ramës nga Bashkia e kryeqytetit. "Edvin, më 20 shkurt, 16 vjet më parë përmbysëm bustin e diktatorit. Më 18 shkurt, Edvin, ti që kalove rininë duke lustruar këpucët e tij, do të largohesh nga bashkia, do të largohesh nga qyteti, do të shkosh në Pezë të jetosh me kujtimet e muzeut tënd", u shpreh kreu i qeverisë. Në vijim, ai tha se qindra vëzhgues kanë ardhur të vëzhgojnë zgjedhjet e 18 shkurtit dhe shprehu mirënjohjen për pjesëmarrjen e tyre. "Ju ftoj t'ju provojmë atyre se ne jemi të vendosur të respektojmë votën e njëri-tjetrit, të votojmë të lirë dhe me dinjitet, jemi të vendosur, me vullnetin tonë të hekurt, të ecim drejt tyre, drejt Bashkimit Evropian, drejt NATO-s, të zgjerojmë çdo ditë liritë për njëri-tjetrin", tha kryeministri Berisha dhe ftoi të gjithë shqiptarët të vazhdojnë së bashku në udhëtimin drejt të ardhmes që meritojnë, drejt prosperitetit, sigurisë, paqes, stabilitetit, punësimit, shkollimit, begatimit më të madh.

[shkodrane82]

Hajde ne fitore ishalla.

Liri Demokraci...

[Antimafia]

Muslimanët: Rama, model i degjenerimit, duhet larguar me votë

Forumi Musliman Shqiptar ka reaguar ashpër ndaj fotove nudo të kryebashkiakut Rama, duke theksuar se kjo është shenjë e një degjenerimi total të tij. Në këtë kuadër, ai u kërkon jo vetëm besimtarëve myslimanë, por gjithë të gjithë popullit të Tiranës, që nesër të ndëshkojë dhe largoje me votë kreun pervers të Partisë Socialiste, e largimin e degjenerimit të Edi Ramës nga politika shqiptare. “Forumi Musliman i Shqipërisë është tronditur nga faktet e pasqyruara në organet e masmedias të ditëve të fundit në Shqipëri, me perversitetin moral të treguar nga kryetari i Partisë Socialiste të Shqipërisë, Edi Rama. Sjellja nga ana e tij si këshilltar për fushatën elektorale të Partisë Socialiste, të një personi me devijime të rënda patologjike dhe morale, dhe fotot e turpshme të realizuar nga z.Rama në publik, janë të papranueshme në çdo vend të qytetëruar të botës, për personat që marrin kurajon për të qenë udhëheqës politik. Me gjithë bërjen publike të këtyre skandalesh, Edi Rama, në vend që të largohej menjëherë nga politika shqiptare, në mënyrë të pabesueshme është hedhur në kundërsulm, duke e afishuar degjenerimin e tij si një vlerë ‘europiane’”, thuhet në komunikatën për shtyp. Ndërkaq, forumi duke komentuar edhe deklaratat në mbrojtje të këtij gjesti thotë se “nuk është për t’u çuditur që avokatë të kapadaillëkut pervers të Edi Ramës janë bërë disa shoqata të sponsorizuara nga qarqe të dyshimta joshqiptare, të cilat orgjitë e shthurura të Ramës janë përpjekur t’ia servirin rinisë shqiptare si mënyrën më të përshtatshme për t’u integruar në shoqërinë moderne”. Sipas këtij forumi, rrezikut shoqëror që përfaqëson fenomeni “Rama” i duhet kushtuar më tepër vëmendje se çfarëdolloj programi zhvillimor ekonomiko-social, pasi një komb që nuk mbështetet në vlera, por justifikon degjenerimin, nuk mundet dot kurrë të arrijë zhvillimin dhe mirëqenien e dëshiruar. “Forumi Musliman i Shqipërisë kërkon t’i kujtojë popullit shqiptar por edhe klasës politike shqiptare, se çfarë shkatërrimi përjetoi vendi ynë kur, për 50 vite me radhë, u sundua nga një person me devijime të ngjashme morale dhe psikike, si Edi Rama. Forumi Musliman i Shqipërisë kërkon t’i kujtojë politikës shqiptare, se tolerimi ndaj degjenerimit dhe shthurjes morale që shkon kundër mësimeve të fesë, siç ishte ateizmi politik komunist, kanë çuar në shkatërrimin e Shqipërisë. Duke ndjerë përgjegjësi përpara Zotit dhe kombit, Forumi Musliman i Shqipërisë i apelon popullit shqiptar që, me fuqinë e votës së lirë, të dëbojë nga politika shqiptare njerëz me shthurje morale si Edi Rama”, përfundon reagimi i Forumit Musliman.

[Breshka]

Do të votohet oferta e Ramës për krizë politike

Mero Baze

Dy blloqet politike mbyllën dje,
fushatat në Tiranë me një diferencë të ndjeshme në mitingjet përmbyllëse,
sa i përket pjesëmarrjes dhe entuziazmit. Ka shumë arsye të diskutueshme
për epërsinë e së djathtës dhe Olldashit në Tiranë, por fushata arriti me
sa duket të dominojë faktin që vota për Edi Ramën është mes të tjerash
votë për ta futur vendin në spiralen e krizës. Duke lënë mënjanë
problematikën e qytetit dhe duke e bërë fushatën sa më politike, në të
vërtetë Edi Rama u fut në një kurth, pasi, politikisht, shumica në pushtet
vazhdon ta dominojë Tiranën. Duke e bërë fushatën sa më politike, Edi Rama
bëri moto të fushatës së tij zgjedhjet e parakohshme dhe krizën për
president. Duke e bërë kështu krizën politike në vend kalë beteje, ai
forcoi publikisht për qytetarët e Tiranës premtimin se pas fitores së tij,
të mundshme ky vend s`do të ketë më qetësi. Në të vërtetë, pati disa zëra
autoritarë nga e majta se, ish-presidenti Meidani, ish- kryeministri Majko,
ish-kryeministri Meta dhe ish- kryeministri, Fatos Nano, dhanë versione të
kundërta për të ardhmen e zhvillimeve politike, por Rama këmbënguli i
vetëm deri në fund se fitorja e tij do të sillte krizë politike në vend
dhe zgjedhje të parakohshme në qershor. Kjo ofertë e tij, publike në të
vërtetë e bëri më politike fushatën, por më të vogël mbështetjen ndaj tij,
pasi, realisht, në vend ka shumë pak njerëz të interesuar që këto zgjedhje
të prodhojnë krizë. Interesi kryesor i qytetarëve është që pas zgjedhjeve
të ketë qetësi dhe stabilitet dhe jo krizë.
Konfuzioni i dytë që krijoi në opinion
zoti Rama ishte fakti që ai nuk e bëri të qartë as vetë, se çdo të bënte
me mandatin e Tiranës, nëse fitonte. Duke premtuar zgjedhje të parakohshme,
pas fitores së tij, askush nuk e ka më të qartë në Tiranë, nëse ata kanë
votuar një kryebashkiak, apo një kandidat për kryeministër, i cili mund ta
lërë bashkinë pas disa muajsh, për ta futur vendin në zgjedhje të
parakohshme. Ky konfuzion që krijoi te qytetarët, i hoqi me sa duket Edi
Ramës mundësinë për të qenë një ofertë për qytetin dhe e la atë si një
ofertë radikale, luftënxitëse e Partisë Socialiste. Kjo natyrisht që i
dobëson mbështetjen te qyteti dhe e kthen atë në përfaqësues të pakicës
politike në Tiranë.
Një tjetër premtim për krizë në
projektin e Ramës është dhe raporti i tij, tejet negativ me kryeministrin,
Sali Berisha. Në rast fitoreje të tij, qyteti do të përballet me një luftë
të gjatë dhe konflikt pafund mes qeverisë dhe bashkisë. Përurimi i sheshit
“Rilindja” dje, kishte me këtë rast simbolikën e vet. Konflikti
Rama-Berisha mund ta lërë këtë qytet pa investime dhe pa punë publike. Në
këtë rast, qytetarët e shikojnë fitoren e Ramës si një shans për të nisur
një konflikt të ri, i cili iu duket i tepërt për qytetin. Dhe për këtë
shkak, ai e ka humbur mbështetjen e qytetarëve që duan qetësi në Tiranë
dhe harmoni mes pushtetit qendror dhe atij lokal.
Edi Rama, natyrisht, mund t`i shmangte
gjithë këto disfavore nga fushata sikur t`i ishte drejtuar një fushate
elektorale, qytetare, me sa më pak ngjyrosje politike dhe me projekte
konkrete për qytetin. Në vend të kësaj fushate, ai startoi i pari një
fushatë denigruese ndaj kundërshtarit, duke e krahasuar atë me kafshë dhe
duke publikuar përmes një kushëriri të Eduard Shalësit në SHBA, gënjeshtra
të trasha, të përkthyera në anglisht, për kriminalitetin në zonën e
Shijakut dhe sipas tij, automatikisht, përgjegjësinë e Olldashit. Të
njëjtët njerëz, sipas Ramës, nuk janë më kriminelë, kur aty është deputet
Agron Duka apo kryetar bashkie, Igli Çela. Kjo lloj fushate agresive
natyrisht që i kushtoi atij dhe kundërpërgjigjet e botimit të një
perversiteti publik, siç ishin fotot e tij, nudo në sy të fëmijëve dhe
grave në një plazh publik, buzë Atlantikut. E gjithë kjo klimë nguliti në
mendjet e qytetarëve një ofertë agresive të Edi Ramës për qytetin. Kulmi
natyrisht, arriti dje, kur përdori deri në orët e fundit “Top Channel”-in
për të intervistuar shefin e kompanisë së marketingut të Edi Ramës në SHBA,
me të cilën ka një kontratë për t`i paguar çdo muaj për fushatën e tij, i
cili fliste jo si një kompani marketingu e paguar, por si politikan në
emër të institucionve amerikane, duke thyer të gjitha rregullat e lojës
dhe ligjet e shtetit shqiptar. Ky banalitet dhe ngushtimi i rrethit të
njerëzve që e mbështesin Ramën, ose tek ata që i paguan, ose tek ata që ka
në punë familjarisht, në të vërtetë dëshmoi krizën e tij, reale, të cilën
po përpiqet ta paraqesë si projekt për ditën e votimit. Kjo i zvogëloi
realisht përmasat e mitingut të tij dje dhe po mban në minorancë jo vetëm
kandidaturën e tij, por edhe të shumë kandidatëve të tjerë të partisë së
tij në gjithë vendin. Vendimi i tij që të përdorë zgjedhjet lokale si një
mënyrë për ta futur vendin në krizë, duket se merr fund ditën e diel.

[njemik]

Me dhimbseni o militant te shkrete qe skeni mundesi te keni nje jete tuajen por jetoni me imazhe joreale te kapur fort prane ndonje te mire te vogel qe keni frike se mos jua marrin qofte prej paaftesis tuaj qofte prej faktit qe kjo Shqiperi e bekuar eshte shume e eger dhe shume e padrejte.

Por vet e keni fajin sepse po ti thoni njeher e mir stop kësaj politike te vjeter keni me fitu edhe ju si gjith populli Shqiptar

Po Sala dhe ata qe zgjeth ai dhe nje shatrivan nuk din te bejne..Jo me te tjera
Po si mo u perurua ne dreke shatervani dhe ne dark filluan me ca betonin prap se ju prish uji

Qe ti biem shkurt! Me thoni nje pun per se mbari qe ka ber Sala dhe do ja jap voten Olldashit që neser pa as me te voglin hezitim

Nje mo vetem 1.

Korupsion e luftoi ...Luftoi ****** se i binte me luftu Argiten me dajen e vet

Krimin e luftoi... Luftoi ****** se luftoi vetem konkurentet e bandave te Olldashit

Nganjeher them se qorri qe sdo sy duhet lene ne verberin e tij ndaj mendoj se eshte humbje kohe te besh te tilla diskutime me ju

Por pastaj them duhet tju hapim syte se seshte faji i tyre qe shqiperia eshte nje vend i prapambetur dhe i paarsimuar ku nje tuf bira kurvash bejne cte duan me njerëz qe mendojne vec per buken e gojes

Ndaj dua tju them edhe njehere! Sorry djema po ka marr fund

Oldashin pas zgjedhjeve do ta coj vete Saliu ne burgun per krimet qe ka bere ne bashkëpunim me Bandat e Shijakut. Ose qofte edhe per mbështetjen qe i ka dhene.

Ju këshilloj ti fshini keto postimet qe keni ber ne favor te Olldashit se do jua perdorin sic ju perdoren postimet e kaluara per Fatos Nanon Albtelekomin Tecin e Vlores etj

Ju siguroj se do filloni nga java te shani Olldashin si te inkriminuar te mafias se kuqe ne PD si kopilin e Beqir Ballukut si djalin e nje ish hafijeje te Sigurimit.


Tung dhe mos harroni

[Humdinger]

“320 mijë certifikata në bodrumet e M.B”


shekulli
17-02-2007

Materiali i mëposhtëm është përgatitur nga një grup i vogël punonjësish brenda Ministrisë së Brendshme, jashtë kontrollit të drejtuesve të kësaj ministrie. Porositësi i materialit ka qenë i interesuar për hollësi rreth procesit të prodhimit të certifikatave problematike dhe statusit të qendrës përkatëse pranë ishrepartit 100 në Mullet. Materiali, i cili ka mbërritur në duart e Shekullit, ditët e fundit, përmban përmbledhjen e informacioneve të brendshme zyrtare të Ministrisë së drejtuar nga S. Olldashi. Në material janë përmbledhur edhe informacione rreth emërimeve te reja dhe lidhjeve nepotike në ministri.

Një letër raportuese: "...180 mijë copë u asgjësuan, ndërsa 320 mijë çertifikata u transportuan nga Q.F.M.T. me veturën e Anila Hoxha për në MB"

PJESË NGA MATERIALI

"…Tenderat e Ministrisë së Brendshme, ku përfshihen fondet buxhetore të Policisë, Pushtetit Vendor dhe Gardës së Republikës, organizohen dhe zhvillohen në Qendrën e Furnizimit Materialo - Teknik (Q.F.M.T.), ish Reparti 100

- Mullet, Tiranë. i është dhënë një autoritet absolute kësaj qëndre furnizimi, për të menaxhuar miliarda lekë, që buxheti i shtetit i jep Ministrisë së Brendshme. Ministri Olldashi, tenderat me vlera të mëdha i çoi për të zhvilluar në Q.F.M.T. Në krye të tenderave në Q.F.M.T. u vendosën:

- Drejtoresha, Komisare Anila Hoxha dhe në cilësinë e Kryetares së Entit Prokurues, gruaja e deputetit të PD-së zoti Fatos Hoxha.

-Zv/drejtori, Nënkomisar Xhevdet Kopani në cilësinë e Kryetarit të Vlerësimit të Ofertave, i propozuar në këtë funksion nga Ilir Meçe, ish Zv/drejtori i Auditit të Brendshëm. Ilir Meçe në Janar 2006 emërohet Këshilltar Ekonomik në kabinetin e Sokol Olldashit. Ilir Meçe, gruan e zotit Olldashi e ka vajzën e dajës.

***

Në vitin 2006, mallrat e Q.F.M.T, u klasifikuan jashtë kushteve cilësore. Çdo mall i bërë hyrje, kishte probleme. Janë sinjalizuar vjedhje fondesh nga blerjet e karburanteve, pajisjet ndërlidhëse, veshje, mobilje e orendi, shtypshkrime, dosjer e formularë të ndryshëm, ndërtime e deri tek çertifikatat. Megjithate Xhevdet Kopani, u ngrit në post drejtues duke u emëruar Drejtor i Programimit dhe Mbështetjen Logjistike në Drejtorinë e Përgjithshme të Policisë së Shtetit. Në zbatim të kontratës së nënshkruar mes prodhuesit "ILAR" dhe blerësit të çertifikatave Q.F.M.T. ka parregullsi të dukshme. Nën drejtimin e Drejtoreshës Anila Hoxha dhe zv/ Drejtorit Xhevdet Kopani u seleksionuan çertifikatat e parregullta. Xhevdet Kopani, urdhëroi Komisionin e Kolaudimit të bënte hyrjen dhe shpërndarjen e çertifikatave jashtë kontratës. Nga sasia 7 milionë e 300 mijë copë çertifikata të kontraktuara nga seleksionimi, 500 mijë copë u shënua numri i çertifikatave, që rezultuan me parregullsi të dukshme, nga të cilat: 180 mijë copë u asgjësuan, ndërsa 320 mijë copë çertifikata u transportuan nga Q.F.M.T. me veturën e Anila Hoxha për në Ministrinë e Brendshme dhe aktualisht kjo sasi çertifikatash gjendet në bodrumet e kësaj Ministrie. Është menduar se këto çertifikata do të vihen në përdorim në datën 18 Shkurt për të manipuluar zgjedhjet për kryetarët e Bashkive Tiranë, Durrës, Fier, Vlorë, Berat dhe Korçë. Është menduar se në veprimet për këto manipulime do të angazhohen edhe ish-policë e oficerë të spastruar nga hreforma, në këmbim të rikthimit të tyre në punë. Këtë siguroi zoti Gjergj Lezhja, me deklaratën se "edhe kemi gabuar në largimet nga policia". Çertifikatat administrohen nga seksioni i PD-së në Ministrinë e Brendshme me kryesim nga zv/Ministri z.Gjergj Lezhja dhe dy nënseksione që drejtohen nga:

- Isuf Çela, Drejtor i Përgjithshëm i Personelit në Ministrinë e Brendshme. Me profesion veteriner, njeri me peshë në emërimet e kuadrit të Ministrisë, Policisë dhe Gardës. Shpesh mban,lidhje direkte me kryeministrin Sali Berisha.

- Ilir Meçe, Këshilltar ekonomik në kabinetin e ish Ministrit. Me profesion agrar, sekser i z.Olldashi në emërimin e kuadrit të Ministrisë, Policisë dhe Gardës, në veçanti të linjës ekonomike - financiare.

***

Në Ministri, dhjetra kuadro, policë e oficerë me aftësi profesionale e të zotë për punë, u zëvendësuan me persona që nuk i lidh asgjë me policinë. Gjithashtu janë shtuar emërime militantësh, njerez me lidhje nepotike - politike, klanore - krahinore. Ish-audituesi i Ministrisë Xhevdet Kopani në muajin Janar 2006 emërohet zv/Drejtor në Q.F.M.T. dhe Kryetar i Komisionit të Vlerësimit të Ofertave. Gjatë karrierës së tij në dikaster Kopani ka patur probleme. Me urdhër nr. 882 datë 18.05.2006, S.Olldashi i dha masën disiplinore "Vërejtje me paralajmërim". Vërejtja u dha me motivacionin se "ka vepruar në kundërshtim me ligjin në sektorin publik". Por, në Janar 2007, Xhevdet Kopani nga vetë Ministri Olldashi u emërua zyrtarisht në detyrën e lartë të Drejtorit të Programimit dhe Mbeshtetjes Logjistike në Drejtorinë e Përgjithshme të Policisë me gradën Kryekomisar.

***

Olldashi largoi dhjetra oficerë të karrierës, të arsimuar me shkolla policie e ushtarake. Olldashi me presion, i detyroi mjaft funksionare te policise të pranonin uljen në gradë. Ata që nuk pranuan u larguan nga policia. Kategoria tjetër, ata oficerë që pranuan uljen në gradë, shprehen se ishin të detyruar pasi me këto rroga mbanin familjet. Urdhëri i nxjerrë nga Drejtori i Përgjithshëm i Policisë së Shtetit dhe i shpërndarë për largimin nga Policia e Shtetit, nga drejtoritë e policive të Qarkut dhe komisariatet vartëse me motivacionin "Për shkurtim të funksionit organik", mban nr. 2547/3 datë 30.11.2006. Ndërsa Urdhëri i nxjerrë nga Ministri i Brendshëm Sokol Olldashi dhe i shpërndarë, për largimin nga policia e Shtetit nga Drejtoria e Pergjithshme e Policisë me motivacionin "Për shkurtim të funksionit organik", mban nr. 3164 datë 26.12.2006. Funksionet organike nuk u shkurtuan, por u plotësuan me profesionet që kemi përmendur në këtë material, me rekomandime të lëshuara nga seksionet e Partisë Demokratike nëpër qytetet e vendit dhe në qendër nga zotërinjtë Astrit Patozi, Bujar Nishani e Flamur Noka, shef i organizimit të PD-së. Emërimet në përgjithësi drejtohen nga Isuf Çela, me mbështetjen e Astrit Halilit, drejtor I SH.K.B.-së në Ministrinë e Brendshme dhe kunat i Isuf Çeles, (Isufi ka marrë për grua motrën e Astritit). Ndërsa emërimet e personelit te linjës ekonomike - financiare të përfaqësuar nga Ilir Meçe, mbështeten nga Viktor Hysaj, Drejtor I Buxhet - Financës në Ministrinë e Brendshme. Hysaj është djalë teze me Kopanin.

PS: Ky KOPANI (ja lumsha për mbiemrin fantastik që ka) mos e ka gjë Artur Kopanin, se pak KOPANË janë në Shqipëri... (për nga mbiemri e kam fjalën) lol

[Humdinger]

Ndërron jetë ish-kandidati i PBKD-së për bashkinë e Tiranës, Akile Rama

Ka nderruar jete mbreme ne moshen 73 vjecare Akile Rama, emri i te cilit u vu ne qender te polemikave politike dite me pare kur figuroi si kandidat per kryetar bashkie te Tiranes. I propozuar nga Balli Kombetar Demokrat, emri i Akile Rames terhoqi menjehere vemendjen e mediave dhe me pas opozites e cila akuzoi mazhorancen se po e perdorte mbiemrin e tij thjesht per te ngaterruar votuesit me kandidatin Edi Rama. Me pas edhe vete Akile Rama, ne nje moshe te shtyre dhe i semure, kerkoi te hiqej emri i tij nga lista e kandidateve duke deklaruar se kurre nuk kishte firmosur kerkese per kandidim. Kjo deklarate coi me tej ne akuza per falsifikim firme ndaj kreut te partise balli kombetar demokrat.



Balkan Web

[Humdinger]

Rama, sfidë Berishës: Je ish-kryeministër

Opozita e bashkuar mbyll fushatën për zgjedhjet e 18 shkurtit


Opozita e bashkuar ka filluar të numërojë orët mbrapsht drejt asaj çka e cilëson fitore të padiskutueshme të Edi Ramës në Tiranë dhe në gjithë vendin. Pesë kryetarët e partive të majta kanë mbyllur mbrëmë zyrtarisht fushatën elektorale për zgjedhjet lokale të 18 shkurtit. Njëri pas tjetrit ata kanë lëshuar sinjalet e revanshit politik ndaj mazhorancës së djathtë.

Rama

Edi Rama i ka hedhur dje dorashkën e zgjedhjeve të parakohshme kreut të mazhorancës, Sali Berisha. Kjo, ndërsa e ka cilësuar në fjalimin e tij si një ish-kryeministër, duke hapur kështu njëkohësisht sfidën e lokaleve, por edhe atë të zgjedhjeve të parakohshme. "Si çdo model suksesi e ndryshimi rrënjësor, Tirana pati edhe kundërshtarët e saj, ndër të cilët përfaqësuesin më tipik të politikës së vjetër të së shkuarës, Kryeministrin e dikurshëm Sali Berisha", tha Rama. Sipas tij, ai si të gjithë pensionistët e Tiranës së vitit 2011, ka sot mundësinë të pleqërojë në një qytet që u ofron më të moshuarve plot vende të qeta, ku të mund të kalojnë kohën e lirë apo të shëtisin fëmijët e fëmijëve të tyre. "Pas disa orësh, Tirana dhe e gjithë Shqipëria do të votojnë me fuqinë e ndryshimit ndarjen me politikën e vjetër të së shkuarës, duke i dhënë bashkimit tonë të madh bekimin e popullit të nëpërkëmbur nga kjo politikë pa shpirt", nënvizoi kreu i PS-së. Ai sqaroi se votat e disa orëve më vonë kanë të bëjnë me gjithçka duam nesër për vetveten, për familjet tona, për qytetin dhe atdheun tonë. "Të nisemi kështu siç jemi në një udhëtim që sa hap e mbyll sytë na çon në vitin 2011 dhe le të shohim në retrospektivë gjithçka që ne do të realizojmë me mandatin e ri të 18 shkurtit", vijoi ai. Rama për herë të parë la të hapur mundësinë që të çojë deri në fund mandatin e tij edhe nëse kërkohen zgjedhje të parakohshme. "Katër vjet më vonë, unë do të jem në këtë foltore duke parë bashkë me ju ndryshimet e mëdha të këtij mandati të ri", premtoi ai. Rama konstatoi se me sytë e vitit 2011 ne sot mund të shohim progresin tonë të jashtëzakonshëm, falë votës popullore të 18 shkurtit 2007, e cila na dha mundësinë që mbi themelet solide të dy mandateve të para të ndërtojmë dyfishin e rrugëve. Tirana e para disa viteve për Ramën ishte një qytet i nxirë nga pluhuri i dembelizmit, mungesa e lidershipit dhe vdekja e shpresës. Qytet ku karakatinat e teneqeve e të betonit rrinin ngjitur njëra pas tjetrës në çdo park e çdo hapësirë, mes godinave të banimit, një qytet me rrugë të çara dhe shkolla të rrënuara. "Fuqia e ndryshimit tonë spikat te jeshilja që kemi shtrirë mbi parqet tona, te ngjyra e qiellit që reflekton në ujërat e shatërvanëve, tek e verdha, lejlaja apo portokallia që mbulojnë muret e ndërtesa të qytetit tonë", theksoi Rama. Ai kujtoi se vjen nga e ardhmja, ndërsa kundërshtarët e tij nga e shkuara.

Aleatët

Kreu i Lëvizjes Socialiste për Integrim, Ilir Meta, ka ndezur të pranishmit duke thirrur pro kreut të socialistëve. "Fitorja jonë është e sigurt, jo vetëm në Tiranë, jo vetëm në Durrës, në Vlorë, në Lezhë, Elbasan, Lushnjë, por ne do punojmë për të fituar dhe Shkodrën", theksoi Meta. Ai ftoi të gjithë votuesit që pas 48 orësh t‘i thonë së bashku Edi Ramës punë të mbarë për të përfunduar projektin e Tiranës evropiane. "Më 18 shkurt ne do të ndëshkojmë me votë demokratike njeriun e eksploziveve, njeriun e konflikteve, njeriun e përçarjeve midis shqiptarëve", vijoi Meta. Sipas tij, fitorja e 18 shkurtit do të festohet në sheshin "Skënderbej", sepse ai shesh sot është zënë nga Sali Berisha, por ai shesh në datën 19 shkurt do u takojë fitimtarëve për të festuar për triumfin e madh të së majtës ndaj Sali Berishës.

Gazeta Shqip

[Humdinger]

“Nëse do të manipulohet, protesta si në Gjeorgji”


Zamir Alushi

Hija e tensioneve nuk është larguar nga procesi i zgjedhjeve. Kryetari i PS-së, pasi ka shprehur ekzistencën e mundësive për manipulim, ka bërë paralelizëm me Gjeorgjinë dhe Ukrainën. Qysh tani mund ta parashikojmë atë që do të ndodhë në finishin e garës për zgjedhjet vendore. Edi Rama, kandidati për Bashkinë e kryeqytetit dhe njëherësh shef i opozitës, mbrëmë, në debatin televiziv në Top Channel, ka shprehur dyshimet për cënimin e mundshëm të administrimit të procesit zgjedhor, por nuk ka shprehur ndonjë paragjykim për Kolegjin Zgjedhor. Nisur nga ky parashtrim i çështjes, mund ta ndajmë në dy pjesë administrimin e këtyre zgjedhjeve.
Së pari është zhvillimi i zgjedhjeve sipas standardeve të kërkuara dhe të premtuara nga kryeministri. Rama është shprehur pa ekuivok se ekziston mundësia e manipulimit.
“Dyshimi ka të bëjë me një kryeministër që ka një të kaluar që lidhet me manipulime votimesh, ai nuk ka bërë kurrë zgjedhje të lira, kur ka pasur mundësi ka bërë hatara si në zgjedhjet e vitit 1996”, - është shprehur kryebashkiaku. Më pas, ai ka paralajmëruar: “Këto zgjedhje janë një test për kryeministrin. Në rast se procesi cënohet, ai do të marrë përgjigjen e merituar nga opozita. Ne duam që shqiptarët të votojnë të lirë dhe votat e çdo shqiptari të numërohen”.
Rama e argumenton nevojën e shumicës qeverisëse për të cënuar procesin me distancën që është krijuar në garën për Bashkinë e Tiranës.
“Ata e dinë që disavantazhi i tyre në Tiranë është i thellë. Ne arrijmë në 60 për qind në garën direkte për kryetar bashkie nëse nuk shkelen standardet që pretendohen nga ne”, - u shpreh Rama.
Nga ana tjetër, shefi i opozitës kërkon një vullnet pozitiv për të garantuar zgjedhje të lira. “Manipulimi nuk bëhet me lista dhe certifikata. Ai bëhet me mendje dhe me duar të mbrapshta. Në rast se partitë politike dhe qeveria nuk kanë vullnet për cënimin e zgjedhjeve, nuk do të ndodhë asgjë. Rreziku i manipulimit ka të bëjë drejtpërdrejt me qeverinë dhe kryeministrin”, - deklaroi mbrëmë Rama. Nëse do ta thjeshtojmë gjuhën e politikanit Rama, mund të themi ndryshe se procedurat e administrimit të votave kanë hapësira të krijojnë mundësi që mund të shfrytëzohen nga palët për të vënë në pikëpyetje rezultatet. Në zgjedhjet e kaluara, në shumë zona veprimet e anëtarëve të komisioneve zonale arritën të bllokojnë numërimet, kutitë, nxjerrjen e rezultateve, duke i lënë më pas çështjet në gjykimin e KQZ-së dhe Kolegjit Zgjedhor, (ku aktualisht qeveria ka më shumë siguri dhe influencë).
Rama u shpreh i sigurt se opozita ka trajnuar anëtarët e komisioneve dhe ka besim se ata do të zbatojnë Kodin Zgjedhor. Kur vjen çështja te Kolegji Zgjedhor, mbetet një dyshim. Nëse qeveria shpreson t’i çojë zonat delikate në Kolegj, do të kemi zvarritje të procesit të daljes së rezultateve. Mesa duket, opozita është përgatitur për një luftë të gjatë. Nëse do të kemi parasysh mënyrën se si luftoi dhe ia arriti të detyronte qeverinë të firmoste marrëveshjen parazgjedhore, nuk ka dyshim se nuk do të ketë asnjë surprizë për të majtën në këtë proces. “Nëse qeveria i fiton zgjedhjet me Kolegjin Zgjedhor, do të fitojmë si në Gjeorgji”, - deklaroi Rama, i vendosur për t’i shkuar deri në fund kësaj beteje.


17 Shkurt 2007

Gazeta ALBANIA